Kyzylorda-news.kz. ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті және облыстық білім басқармасымен бірлесе сыбайлас жемқорлыққа қарсы іс-қимыл мәдениетін қалыптастыру мақсатында «Адал ұрпақ» ассоциациясының облыстық слеті өткізілді.
Слетке департамент басшысының орынбасары Ғалия Әлімқұлова, облыстық білім басқармасы басшысының орынбасары Бағдат Бердаулетов пен қалалық және аудандық білім беру ұйымдарының «Адал ұрпақ» ерікті клуб мүшелерінен 200 патриот оқушылар қатысты.
Шара барысында аудандардан келген ерікті мектеп клуб мүшелерінің көрмесі таныстырылды. Сонымен қатар, департамент басшысының орынбасары Ғалия Ұбайдуллақызы мен облыстық білім басқармасы басшысының орынбасары Бағдат Камбозұлы «Адал ұрпақ» облыстық ерікті мектеп клубтарының 22 үздік оқушысын алғыс хаттармен марапаттады.
<blockquote>
 “Елдің ертеңі болашақ ұрпағымызды кішкентайынан Отан сүйгіштікке, адамдарды және дәстүрлерді құрметтеуге, білім мен еңбекке ұмтылуға, көрегенділік пен адалдыққа тәрбиелеу парызымыз. Бұл — біздің халқымызда ежелден бар ұлы қасиет. Сондықтан әр ата-ана, әрбір ұстаз балалар үшін лайықты үлгі болуға, нағыз қастерлі қасиеттерді таңдауға көмектесуі қажет”, – деді департамент басшысының орынбасары Ғалия Әлімқұлова.
</blockquote>
Шара соңында 33 оқушы облыстық “Адал ұрпақ” ерікті мектеп клубтары қауымдастығының қатарына салтанатты түрде қабылданып, арнайы төсбелгілер табысталды.
Айта кетейік, «Адал Ұрпақ» мектеп клубы аймағымыздағы барлық мектептерінде ашылып, бүгінгі таңда 33 мыңға жуық мүшесі бар.
<img src="https://kyzylorda-news.kz/wp-content/uploads/2021/10/fb_img_1635616873405.jpg" alt="" />
<img src="https://kyzylorda-news.kz/wp-content/uploads/2021/10/fb_img_1635616867788.jpg" alt="" />
<img src="https://kyzylorda-news.kz/wp-content/uploads/2021/10/fb_img_1635616861324.jpg" alt="" />
<img src="https://kyzylorda-news.kz/wp-content/uploads/2021/10/fb_img_1635616865272.jpg" alt="" />

«Адал ұрпақ» ассоциациясының облыстық слеті өтті

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қазақстан мектептерінде бірінші тоқсан аяқталуға таяды. Күзгі демалыс 1 қарашада басталады.
Мектептердегі демалыс 1-7 қараша аралығында бір аптаға созылады, деп хабарлады білім және ғылым министрлігінің баспасөз қызметі.
Демалыс басталар алдында мектептерде БЖБ және ТЖБ өткізіледі, содан кейін тоқсанға қорытынды баға қойылады.
Білім министрлігінің мәліметінше, биылғы оқу жылында 30% мектеп бір ауысымда оқуға ауысты.
Мектептердің 68%-інде оқыту екі ауысымда жүргізіледі, ал мектептердің қалған 2%-інде оқу процесі үш ауысымда ұйымдастырылған.

Оқушылар неше күн демалады?

&nbsp;<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда балалардың қауіпсіздігін қамтамасыз ету мақсатында мектептерді тәулік бойы арнайы күзет қызметінің қадағалауына беру мәселесі қаралып жатыр. Бұл туралы ҚР Білім және ғылым министрлігінің Балалар құқықтарын қорғау комитеті төрағасының орынбасары Дулат Жекебаев мәлім етті, деп хабарлайды ҚазАқпарат.
<blockquote>
 «Қазан, Пермде болған жағдай бізге де кез келген қауіпке даяр болудың қажеттігін көрсетті. Балалар қауіпсіздігін қамтамасыз етуде мектеп күзетіне қойылатын талап жоғары. Күзет қызметі төтенше жағдайға әрдайым дайын болып, шұғыл шешім қабылдай білуі тиіс. Бұл дегеніміз бейнебақылау камерасының орнатылып, оның талап пен стандартқа сәйкес жұмыс істеуі. Осы орайда біз халықаралық тәжірибе мен өзге елдерде болып жатқан төтенше жағдайларға талдау жүргізудеміз», – деді Дулат Жекебаев «Kazakhstan Security Systems -2021» атты республикалық конференция барысында.
</blockquote>
Оның айтуынша, кейбір мектептердегі бейнебақылау камерасы тиісті талап пен стандартқа сәйкес келмейді.
<blockquote>
 «Мемлекет басшысының тапсырмасына сай, біздің министрлік құзырлы органдармен бірлесіп мектеп қауіпсіздігін тәулік бойы қадағалайтын арнайы күзет қызметімен қамту мәселесі қаралып жатыр. Сонымен қатар, барлық білім беру мекемелерінде «дабыл батырмасын» орнату да күн тәртібінде. Аталған шаралар бюджеттен қосымша 2 млрд теңге қаржыны талап етеді. Осы орайда бүгінде құқықтық-нормативтік актіге қайта өзгерістер енгізіліп жатыр», – дейді ол.
</blockquote>

Елімізде мектептерді арнайы күзет қызметі тәулік бойы қадағалайды

<a href="https://kyzylorda-news.kz/ru/obshestvo/">Kyzylorda-news.kz</a>. Жапонияның «Шөп тамыры» бағдарламасы арқылы Қызылорда облысындағы әлеуметтік нысандардың жұмысы жанданып жатыр.
Бөлінген гранттардың көмегімен қаламыздағы №1 мектеп-гимназиясы шатыры жөнделіп, №4 ІТ мектеп-лицейінде барлық есіктері мен терезелері жаңартылды. Ал №176 орта мектеп ғимараты заманауи пластик терезелерге ауыстырылды. Осы орайда жобалардың жай-жапсарымен жақынырақ таныспақ ниетпен Жапонияның Қазақстандағы Төтенше және Өкілетті Елшісі Джун Ямада, атташе Томоя Ёкоэ мен «Шөп тамыры» халықаралық бағдарламасының үйлестірушісі Акира Мацумото осы нысандарға арнайы ат басын тіреді.
Жапон елшісінің жұмыс сапары №176 орта мектебінен басталды. Грант бөлінгенге дейін бұл ғимараттың терезелері ескі күйде әрі оқушылар үшін қауіпті болған. 2020 жылы «Шөп тамыры» бағдарламасы арқылы ұтып алынған 50 571 АҚШ долларына ғимараттың барлық терезелері ауыстырылды. Делегаттарға мектеп тарихы мен атқарылып жатырған жұмыстар жайы таныстырылды.
Мұнан соң Жапония елінің өкілдері №4 ІТ мектеп-лицейінде болды. Қайтарымсыз қаржылай көмек алған бұл білім ошағы 74 983 АҚШ долларына ғимараттың барлық есік, терезелерін жаңартқан. Елші ғимарат ішін аралап, жасалған жұмысқа жақсы баға берді.
Жапония елшісі Джун Ямада одан кейін қаламызда тұңғыш ашылған №1 мектеп-гимназиясына барды. Қалтай Мұхамеджанов атындағы бұл мектеп те Күншығыс елі ұсынған гранттың көмегімен жаңа кейіпке енді. 76 550 АҚШ доллар қаржыға білім ошағының шатыры жаңартылды. Көңілі толған қонақтарға басқарма басшысы Ақзира Бақтыбайқызы алғыс айтып, ризашылық сезімін білдірді.
Ақзира Бақтыбайқызы «Шөп тамыры» бағдарламасына тағы бір білім ошағы өз жобасымен қатысуға ниеттеніп отырғанын жеткізді. Қаламыздағы №264 мектеп-лицейі балалар тасмалы үшін грант байқауына қатыспақ. Жапон елшілігінен келгендер аталған оқу ордасын да аралап көрді. Алдағы уақытта құжат дайындау, саралау, сараптау жұмыстары күтіп тұр.
<img src="https://kyzylorda-news.kz/wp-content/uploads/2021/10/248420899_1225817981254738_5646646376364494656_n.jpg" alt="" />

Жапонияның бағдарламасы Қызылордада іске асырылуда

<a href="https://kyzylorda-news.kz/ru/obshestvo/">Kyzylorda-news.kz</a>. Назарбаев Зияткерлік мектебі,&nbsp;“Білім-инновация” лицейі және&nbsp;Республикалық физика-математика мектебі Қазақстандағы орта білім беру орындарының көшін бастап тұр.&nbsp;&nbsp;Республикалық және халықаралық олимпиадаларда жеңіп алған медальдар мен өткен жылы берілген марапаттар санына негізделіп жасалған ең үздік мектептер рейтингі шықты, деп хабарлайды &nbsp;<a href="https://stan.kz/">Stan.kz</a>.
2020-2021 оқу жылы бойынша ең беделді&nbsp;7 халықаралық олимпиадаларда&nbsp;жүлдегер мен жеңімпаз атанған оқушылардың ТОП үштігі мына мектептер:
<ol>
<li>Назарбаев Зияткерлік мектебінің оқушылары Алтын медальмен марапатталғандар – 1, 6 &nbsp;күміс және 4 қола медаль алған.</li>
<li>“Білім-инновация” лицейінің оқушылары 1 алтын, 4 – күміс және 5 – қола медаль иеленген.</li>
<li>Республикалық физика-математика мектебінде күміс медаль алғандар – 1 және қола медальді – 2 оқушы алған.</li>
</ol>
ҚР Білім және ғылым министрлігінің ұсынған дерегі бойынша 2020-2021 оқу жылы жалпы білім беретін пәндер бойынша республикалық олимпиадаға қатысып, жеңімпаз атанған ең көп оқушылар&nbsp;“Білім-инновация” &nbsp;лицейлерінде&nbsp;оқиды. Оның ішінде алтын медальмен марапатталғандар – 31, күміс медаль – 57, қола медаль – 118.
Келесі орынды&nbsp;Назарбаев Зияткерлік мектебінің&nbsp;білім алушылары алады. Бұл мектептің оқушылары алтын медаль – 16, &nbsp;39 – күміс және 23 қола медаль иеленген.
Үшінші болып&nbsp;Республикалық физика-математика мектебінің&nbsp;оқушылары олимпиадаға қатысып алтын медальмен марапатталғандар – 12, күміс медаль – 17 және 19 қола медаль иеленген.
Биылғы жылы елімізде “Алтын” белгі” алғандардың саны рекордтық көрсеткішке жеткен болатын. 2021 оқу жылында 9 мың 746 оқушы мектепті үздік бітірген.
Сонымен бірге, 2020-2021 оқу жылының қорытындысы бойынша мамандандырылған білім беру ұйымдарының түлектерінің ішінде&nbsp;“Білім-инновация” лицейлерін&nbsp;бітірушілердің13%,&nbsp;&nbsp;Республикалық физика-математика мектебі&nbsp;түлектерінің 9%,&nbsp;Назарбаев Зияткерлік білім ордасы&nbsp;оқушыларының 4% “Алтын белгі” иегерлері атанған.
Қазір Қазақстанда барлығы&nbsp;7 475&nbsp;мектеп бар. Онда&nbsp;3,4&nbsp;миллион бала білім алуда.

Үздік үштік: Қазақстандағы ең беделді мектептер анықталды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қорқыт ата атындағы Қызылорда университетінде профессор «Ермахан Нұрахметов атындағы дәрісхана» ашылды. Салтанатты шара Тәуелсіздіктің 30 жылдығы, Қорқыт ата атындағы Қызылорда университетінің 85 жылдығы аясында ұйымдастырылды.
Профессор, филология ғылымдарының докторы Ермахан Нұрахметовтың өнегелі өмірі мен шығармашылығын, ғылыми мұрасын насихаттау мақсатында ашылған дәрісхананың лентасын Басқарма төрағасы-Ректор Бейбіткүл Кәрімова мен техника ғылымдарының докторы, профессор, университет ардагері Серікбай Қошқаров қиды. 
Шараға белгілі қоғам қайраткерлері, университеттің профессор-оқытушылар құрамы, білім алушылар мен профессор Ермахан Нұрахметовтың туыстары қатысты.
<blockquote>
 «Қорқыт ата атындағы Қызылорда университетінде кәсіби маман даярлауда білім мен ғылымның дамуына үлес қосқан ғалымдар есімін ұлықтау дәстүрге айналған. Дәрісхананың заманауи үлгіде ашылуына қаржылай демеушілік жасап, білім алушыларға осындай мүмкіндік жасаған профессордың ұлы Саят Ермаханұлы екенін де айта кетуіміз керек. Бұл дәрісхана алдағы уақытта университет білім алушыларының сапалы білім алуына қызмет атқаратын болады. Осы ретте оқу орнының стратегиялық дамуына қосқан үлесі үшін Саят Ермаханұлына «Қорқыт ата атындағы Алтын медаль» табысталады»,-деді университеттің Басқарма төрағасы-Ректор Б.Кәрімова.
</blockquote>
Филология ғылымдарының докторы, профессор Ермахан Нұрахметов 1968-2010 жылдар аралығында Қызылорда педагогикалық институты, Қорқыт ата атындағы Қызылорда мемлекеттік университеті роман-герман тілдері кафедрасында оқытушы, доцент, профессор болып ұстаздық етті. Көп жылдар бойы университетте кафедра меңгерушісі, факультет деканы, проректор қызметтерін атқарды.
Өзінің тұтас ғұмырын тіл ғылымына, шәкірт даярлауға арнаған профессор Ермахан Нұрахметұлы 70-тен астам оқу-әдістемелік және ғылыми еңбектердің авторы. Сонымен қатар, профессор тіл білімі роман тілдері саласы бойынша қорғаған Қазақстан Республикасындағы тұңғыш ғылым докторы. Оның «Супрасегменттік фоностилистика» атты монографиясы мен француз тілі бойынша оқулықтары мен оқу-әдістемелік құралдары жарық көрген. Ғылыми-педагогикалық жетістіктері үшін бірнеше рет мемлекеттік наградалармен марапатталған. 
Бүгін пайдалануға берілген дәрісханада coworking centre, кітап сөресі, лекция кабинеті, ғалымның ғылыми еңбектері қойылған мұражай бар.
<img src="https://kyzylorda-news.kz/wp-content/uploads/2021/10/1-3-scaled.jpg" alt="" />
<img src="https://kyzylorda-news.kz/wp-content/uploads/2021/10/4-2-scaled.jpg" alt="" />
<img src="https://kyzylorda-news.kz/wp-content/uploads/2021/10/248470811_2394963617307717_2360906650004021716_n.jpg" alt="" />
<img src="https://kyzylorda-news.kz/wp-content/uploads/2021/10/248937782_2394963380641074_6548792094182774123_n.jpg" alt="" />

Профессор Ермахан Нұрахметов атындағы дәрісхана ашылды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Ұлттық зияткерлік меншік институтының ұйымдастыруымен өткен республикалық эссе байқауында Қызылорда қаласындағы Назарбаев Зияткерлік мектебінің оқушылары Нұрсұлтан Талғатұлы мен Жібек Кучербаева жүлделі 2 және 3-орындарды иемденді.
Аталмыш байқауға еліміз бойынша қазақ, орыс және ағылшын тілдерінде барлығы 81 эссе келіп түсті. Оқушылар зияткерлік меншікке қатысты пікірлерін білдіріп, өздерінің өнертабыстарымен бөлісті.
Нұрсұлтан жасөспірімдерге психологиялық көмек көрсетуге арналған «PsyAid» веб-қосымшасын таныстырды. Ол психолог-оқушы және психолог-ата-ана арасында онлайн диалог құрастыра отырып, оқушылардың өзіндік мәселені шешіп, басқа адамдарға көмектесуіне нәсихаттауды ықпал етеді. Сонымен қатар, бағдарлама қолданушыларға психологиялық сау және жетілген тұлға болып қалыптасуына ықпал ететін жаттығулар мен кеңестерді ұсынады.
<blockquote>
 «PsyAid» қосымшасы болашақта сұраныс пен қолдауға ие болатын болса, мен өзімдік кәсіпкер құқығымды жүзеге асыратын боламын. Яғни, болашақта қосымшаны еркін түрде дамытып, пайдаланумен қатар техникалық және басқа шешімдерді қабылдау және сәйкесінше жоба құқығы сақталумен қамтаматасыз ету мақсатында патенттейтін боламын. «PsyAid» қосымшасы Қазақстандағы жасөспірімдердің менталды денсаулығын нығайтуға ықпал етеді», – дейді жас өнертапқыш.
</blockquote>
Ал Жібектің идеясы – көлік қозғалысын реттеуге және көлік кептелістері мәселесін шешуге бағытталған. Жас зияткердің айтуынша автожолдарды сандық жүйеге айналдыру арқылы жүргізушілерді қай аумақта көлік кептелісі бар екенін, жоспарланған аумаққа жетудің ең тиімді жолын тандауға көмектеседі.
<blockquote>
 «Автокөлік қозғалысы смартфонға байланысты болады. Ол үшін көшелер компьютер-камералармен, арнайы датчиктермен қамтамасыз етілуі тиіс. Бұл сандық технологиялар жол көлік қозғалысының қауіпсіздігін қамтамасыз етеді», – дейді Жібек.
</blockquote>
«Болашақ сенің қолында: ойлан тап та жасампаз бол» дәстүрлі байқауда сырбойылық зияткерлер жыл сайынғы қатысушысы. Бұл сайыста жастар шығармашылық жұмыстары арқылы зияткерлік меншік саласындағы білімдерін арттырады.

Қызылордалық зияткерлер үздіктер қатарынан көрінді

<a href="https://kyzylorda-news.kz/ru/obshestvo/">Kyzylorda-news.kz</a>. Қазақ педагогикасының негізін қалаушы Ы.Алтынсариннің 180 жылдық мерейтойының қорытынды кеші өткізілді.
Бұған дейін ұлт ұстазының есімін қастерлеу мақсатында өңірлер арасында алғашқылардың бірі болып аймақта 10 күндік іс-шаралар жоспарланып, өткізілді. Соның ішінде №10 мектеп-лицейдің ұйымдастыруымен қала мектеп оқушылары мен мұғалімдері арасында ZOOM платформасы арқылы Қостанай қаласы, Жанкелдин ауданында орналасқан Ыбырай Алтынсарин атындағы педагогикалық-мемориалды мұражайына онлайн-саяхат өткізіліп, «Алтынсарин» төсбелгісін иеленген ұстаздар тәжірибе алмасу мақсатында сабақтар өтті.
<blockquote>
 «Барлық кедергілер мен қиындықтарға қарамастан, қазақ халқының зерделі ұрпағын тәрбиелеу жолында талмай еңбек еткен Ұлт Ұстазын біртұтас ұлт болып ұлықтау – ең алдымен біздің, яғни педагогтардың басты парызымыз. Алғаш қазақ мектебін ашқан Алтынсарин атын ел есінде мәңгі қалдыру үшін елімізде оқу орындары мен мекемелерге, көшелерге аты беріліп, мұражай-үйі ашылды. Біздің облыстың өзінде 3 білім беру ұйымы Алтынсарин атымен аталынды. Біз осы атқарылып жатқан жұмыстар арқылы қай кезде де ұлы тұлғалар аманатына адал екенімізді, Алтынсарин мұраларын қадірлеп, қастерлеу әрбіріміздің перзенттік парызымыз екенін айтқым келеді», – деді облыстық білім басқармасының басшысы Ақзира Қасымова.
</blockquote>
Алтынсарин мектептері желісінің қатысуымен республикалық тоғызқұмалақтан жарыс жоғарғы деңгейде ұйымдастырылып, қылқалам шеберлері мен жас ақындардардың, жас мұғалімдер арасында мүшайра мен дебат, сахналық қойылым, мәнерлеп оқу, ғылыми жобалар сайыстары және волейболдан турнирлер өткізілді.
Салтанатты жиында Ақзира Бақтыбайқызы ұлағатты ұстаздың мерейтойын ұйымдастыруға атсалысқан және білім беруде жетістікке жеткен Ы.Алтынсарин атындағы №10 мектеп-лицейінің мұғалімдеріне облыс, қала әкімінің алғыс хаттарымен марапаттады. Сонымен қатар, онкүндік аясында ұйымдастырылған сайыстардың жеңімпаздарын марапаттап, бағалы сыйлықтар мен қаржылай сертификаттар табыстады.
Шара соңында Алтынсариннің өмір жолынан үзінді көрсетіліп, қазақтың ұлттық биі мен әні орындалды. Мерекелік шараға қатыстқан ұстаздар мен қонақтар рухани азық алып, ақ тілектерін арнады.
<img src="https://kyzylorda-news.kz/wp-content/uploads/2021/10/247912355_1224909178012285_2818695566311916609_n.jpg" alt="" />
<img src="https://kyzylorda-news.kz/wp-content/uploads/2021/10/248359659_1224909514678918_5893102807787166409_n.jpg" alt="" />
<img src="https://kyzylorda-news.kz/wp-content/uploads/2021/10/248956854_1224909461345590_344803276845174615_n.jpg" alt="" />

Қызылордада Ы.Алтынсариннің 180 жылдық мерейтойына арналған шаралар қорытындыланды

<a href="https://kyzylorda-news.kz/ru/obshestvo/">Kyzylorda-news.kz</a>. «Алтын белгі» иелерінің саны соңғы төрт жылда 4 есеге өскен. Талаптарды күшейту керек деген пікірлер айтылуда. Бұл білім сапасының артуының белгісі ме, әлде «Алтын белгі» тым қолжетімді болып кетті ме?
Орталық коммуникациялар қызметінде өткен брифингте журналистер БҒМ өкілдеріне осындай сұрақ қойды. ҚР Білім және ғылым бірінші вице-министрі Шолпан Каринованың айтуынша, қазіргі кезде «Алтын белгі» алуға қойылған талаптарды күшейту мәселесі қарастырылуда.
<blockquote>
 «Қолданыстағы ережеге сәйкес, «Алтын белгі» алу үшін оқушының 5-11 сынып аралығындағы барлық жылдық бағалары «5» болуға тиіс. Ал қазіргі уақытта педагогикалық кеңесте қарастырылып отырған мәселе – егер де оқушыға «Алтын белгі» берілуі тиіс болса, онда оның тоқсандық бағалары әр пән бойынша “өте жақсы” бағалануы тиіс. Бұл мәселе талқылану үстінде. Тиісті шешім қабылданады. Бүгінде «Алтын белгі» алушылар саны көбейді. Бұл оқушының тек мектептегі оқу жетістіктеріне ғана берілген баға. Алдағы уақытта ол тек қана баллдары тең болғанда ғана ЖОО-ға түсуге артықшылық береді. Бірақ мектеп бітіргендегі ерекшелік болғаннан кейін оның сапасы да, мазмұны да жоғарылауы керек. Сондықтан бұл жұмыс жетілдірілетін болады», – деді БҒМ бірінші вице-министрі өз жауабында.
</blockquote>
Айта кетейік, 2020-2021 оқу жылының қорытындысы бойынша 9 738 түлек “Алтын белгі” иегері атанды. Бұл өткен жылдармен салыстырғанда рекордтық көрсеткіш. 2019 жылы төсбелгіні – 7 349 оқушы, 2020 жылы 8 615 оқушы иеленген болатын.
<a href="https://massaget.kz/layfstayl/bilim/66422/">massaget.kz</a>

«Алтын белгі» алуға қойылатын талаптар күшейтілуі мүмкін

<a href="https://kyzylorda-news.kz/ru/obshestvo/">Kyzylorda-news.kz</a>. Биыл Қызылорда облысында 10 білім беру мекемесі ашылды. Оның ішінде мемлекеттік 4 мектеп пен жеке меншікке қарасты 6 мектеп оқушыларға білім беруде. Жалпы қала мектептерінің барлығы толықтай бейнебақылау және дабыл қағу жүйелеріне қосылған. Алдағы уақытта аудан орталықтарындағы білім ордалары қамтылмақ. Бұл жөнінде Өңірлік коммуникациялар қызметінде өткен баспасөз конференциясында облыстық білім басқармасының басшысы Ақзира Қасымова хабарлады.
<blockquote>
 «ҚР Білім және ғылым министрлігі тарапынан балалардың қауіпсіздігін қамтамасыз ету жөнінде 2021-2022 жылдарға арналған жол картасы әзірленді. Аталған жол картасында білім беру мекемелерінің күзет ұйымы лицензияланған қолданыстағы стандарттарға сәйкес қауіпсіздік құралдарымен қамту көзделген. Биыл облыстық бюджеттен білім беру ұйымдарын бейнекамералармен қамтамасыз етуге 252 млн. теңге қаржы қарастырылды. Қазіргі таңда қалаішілік 35 мектеп ұлттық бейнемониторинг жүйесіне қосылатын болады. Аймақ бойынша орта білім беру ұйымдарында 882 қарауыл мен 568 вахтер жұмыс жасайды. Ал облыстағы 30 колледжде 90 қарауыл мен 30 вахтер қызмет етуде. Аталған орта білім беру ұйымдары толықтай бейнебақылаумен жабдықталған. Сондай-ақ, өңірдегі 47 мектепке турникеттер орнатылып, дабыл түймелері және металл іздегіш құрылғылармен қамтамасыз етілді. Бүгінгі күні облыстың барлық деңгейдегі білім беру ұйымдарында 2021 жылғы терроризмге қарсы қорғалу паспорттары әзірленді. Тағы бір айта кететін жәйт, өткен жылы жергілікті бюджеттен арнайы қаржы бөлініп, 294 мектептің әжетханаларын ғимарат ішіне орнату бойынша жұмыстар атқарылған болатын. Бүгінде облыстағы 311 мектеп пен 30 колледж және 587 балабақша ішкі әжетханалармен қамтамасыз етілді», – деді басқарма басшысы Ақзира Бақтыбайқызы.
</blockquote>

Ақзира Қасымова: 35 мектеп ұлттық бейнемониторинг жүйесіне қосылатын болады

<a href="https://kyzylorda-news.kz/ru/obshestvo/">Kyzylorda-news.kz</a>. «ЫБЫРАЙ АЛТЫНСАРИН: ЖАЛПЫҰЛТТЫҚ ПЕДАГОГИКАНЫҢ ҚАЛЫПТАСУ ТЕНДЕНЦИЯЛАРЫ» тақырыбындағы жас ғалымдар арасында өткізілетін халықаралық ғылыми-практикалық конференциясының
ЕРЕЖЕСІ
Жалпы ережесі
«Ыбырай Алтынсарин: Жалпыұлттық педагогиканың қалыптасу тенденциялары» тақырыбындағы жас ғалымдар арасында өткізілетін халықаралық ғылыми-практикалық конференциясын (бұдан әрі – Конференция) Жамбыл облысы әкімдігінің жастар саясаты мәселелері басқармасы,Халықаралық Тараз инновациялық институты, «Жаңа-Ру» жастар коалициясы мен «Alem Science» халықаралық ғылыми журналы ұйымдастырады.
Конференцияның өтетін орны: Жамбыл облысы, Тараз қаласы.
Конференцияны өткізу мерзімі: 10 қараша 2021 жыл.
Конференцияның мақсаты мен міндеттері
Конференция педагог-ағартушы Ыбырай Алтынсариннің 180 жылдық мерейтойына орай ұйымдастырылады. Негізгі мақсаты – қазақ даласында ілім мен білімнің қалыптасып, дамуына үлес қосқан тарихи тұлғаның шығармашылығы мен өмір жолын халықаралық деңгейде насихаттау. Сонымен қатар, жалпыұлттық педагогиканың тарихына үңілу арқылы бүгінгі жаһан тенденцияларын бағамдау.
Конференция қатысушылары
<ol>
<li>Конференцияға білім беру ұйымдарының, халықаралық және республикалық маңызы бар мектептердің, халықаралық мектептердің педагогикалық қызметкерлері, халықаралық, ұлттық ЖОО-ның, ғылыми-зерттеу институттарының ғалымдары, студент, магистрант, докторанттар, PhD докторлары және колледж оқытушылары қатыса алады.</li>
<li>Конференцияға халықаралық деңгейдегі 14 – 29 жас аралығындағы жас ғалым қатыса алады. Ғылыми мақала жетекшісінің жас мөлшері маңызды емес.</li>
</ol>
Конференцияның негізгі бағыттары
1-бағыты – Ыбырай Алтынсариннің педагогикалық еңбектері және оның бүгінгі маңызы;
2-бағыты – Жалпыұлттық педагогиканың қанат жаюы және Ыбырай Алтынсарин ашқан мектептер.
Конференцияны өткізу формасы және мазмұны
<ol>
<li>Материал автор жүргізген жұмыстың сипаты, мазмұны және нәтижесі туралы анық көрініс беруі тиіс.</li>
<li>Мақаланың мазмұны мен жіберілген қателеріне автор жауап береді.</li>
<li>Конференцияға қатысушылар баяндамасының электронды нұсқасын жіберуі керек.</li>
<li>Конференция жинағында жарияланған барлық мақалалардыңPDF-нұсқасы қатысушының электронды мекенжайына жіберіледі.</li>
<li>Мақаланы жинаққа енгізу үшін 1.1-қосымшадағы Мақала авторларына қойылатын талаптармен танысу қажет.</li>
<li>Барлық қатысушыға конференцияға қатысқандығын растайтын сертификат, ал ғылыми мақаласының мазмұны озық шыққан қатысушыларға арнайы орындар тағайындалып, диплом беріледі.</li>
<li>Келіп түскен материалдар конференция тақырыбына және рәсімдеу талаптарына сәйкес келмеген немесе қабылдау мерзімі өтіп кеткен жағдайда ұйымдастыру комитеті мақалаларды жарияламауға құқылы.</li>
<li>Барлық қатысушылар конференция материалымен қатар 1.2-қосымшадағы Өтінімді толтырып жіберуі тиіс.</li>
</ol>
Ұйымдастыру комитетіне құжаттарды ұсыну тәртібі
Мақалаларды қабылдау (қоса алғанда):2021 жылдың 31қазанға дейін.
Конференцияның ресми тілдері:қазақ, орыс, ағылшын.
Конференцияны өткізу түрі:қашықтан (онлайн) немесе офлайн.
1.1-қосымша
Мақала авторларына қойылатын талаптар
Редактор
Microsoft Word
Беттің көлемі
A4, 5 бет
Беттің параметрлері
сол жақта 2,5 см, оң жақта 5,5 см, жоғарғы жағы 3,0 см және төменгі жағы – 3,5 см
Шрифт
Times New Roman
Жоларалық интервалы
1.0
Абзацтың шегінісі
1,25 см.
Сурет, кесте, диаграмма, формулаға арналған талаптар
Формулалар&nbsp;Microsoft Equation 3.0&nbsp;редакторымен терілуі керек. Кестелердің, сызбалар мен суреттердің атауы көрсетіліп, нөмірленуі қажет
Мақаланы рәсімдеу үлгісі
МАҚАЛАНЫҢ ТАҚЫРЫБЫ(12 кегль)
Авторлардың аты-жөні(12 кегль)
Лауазымы, оқу орны немесе қызмет орны, қала, мемлекет атауы
e-mail, тел.номері&nbsp;&nbsp;&nbsp;(10 кегль)
Аннотация: 50-100 сөз (12 кегль)(қазақ, орыс, ағылшын тілдері)
Түйін сөздер: 5 сөзден кем емес (12 кегль)
Мақала мәтіні:&nbsp; (12 кегль)
…
…
…
Қолданылған әдебиеттер тізімі&nbsp;(12 кегль)
1
2&nbsp;
1.2- қосымша
«ЫБЫРАЙ АЛТЫНСАРИН: ЖАЛПЫҰЛТТЫҚ
ПЕДАГОГИКАНЫҢ ҚАЛЫПТАСУ ТЕНДЕНЦИЯЛАРЫ»
тақырыбындағы халықаралық ғылыми-практикалық
конференция жұмысына қатысуға
ӨТІНІМ
Тегі,аты, әкесінің аты
&nbsp;
Облыс, қала, аудан, ауыл
&nbsp;
Ғылыми атағы, ғылыми дәрежесі, жұмыс орны, лауазымы
&nbsp;
Қалааралық коды көрсетілген телефон, ұялы телефон
&nbsp;
E-mail
&nbsp;
Баяндаманың (мақаланың)аты
&nbsp;
Аталған секцияларға баяндама ұсыну (секция нөмірін көрсету)
«Өтінімде» мәліметтер толық көрсетілуі тиіс!
Ұйымдастыру комитетінің мекенжайы:
Таразқаласы, Қ.Қойгелді көшесі, 190
Байланыс номері:8 /7262/ 45-45-99
Көркемжан – 8&nbsp;747&nbsp;445 55 92
Мұқтарәлі – 8&nbsp;700&nbsp;674 16 07
g-mail:alemscience@gmail.com
Құрметпен, ҰЙЫМДАСТЫРУ КОМИТЕТІ

Ыбырай Алтынсариннің 180 жылдық мерейтойына орай халықаралық конференция өтеді

<a href="https://kyzylorda-news.kz/ru/obshestvo/">Kyzylorda-news.kz</a>. Білім және ғылым бірінші вице-министрі Шолпан Каринова әлемді шулатып, көптеген ата-аналарды алаңдатқан&nbsp;оңтүстік кореялық “Кальмар ойыны” сериалы туралы пікір білдірді.&nbsp;
<blockquote>
 “Фильм Қазақстанда түсірілмеген. Фильмде белгілі бір шектеулер бар, ол 18 жастан асқан ересектерге арналған. Сондықтан, ең алдымен, ата-аналар осы фактіге назар аударуы қажет. Екіншіден, ата-аналар да, мектеп те тәрбиелік шаралар аясында балаларға пайдалы ақпаратты теріс ақпараттан ажырату дағдыларын үйретуі керек. Мектептерде де осы мәселеге назар аударған жөн. Әрине, балалар психикасы енді-енді қалыптасу кезеңінде. Сондықтан кез келген ақпаратты үйде ата-аналар, мектепте – педагогтер бақылауы керек”, – деп жауап берді вице-министрі.&nbsp;
</blockquote>
Оның айтуынша, биылдан бастап барлық білім беру ұйымдарында жаһандық құзыреттілік курсы енгізіліп жатыр.
Бұл курс балалардың сыни ойлауын, эмоционалды интеллектісін дамытады, ақпаратты ажырата білуге үйретеді, оны дұрыс таңдайды.
Шолпан&nbsp;Каринова мектептер өздерінің тәрбиелік функциялары аясында сериалға қатысты шектеулерге назар аударуы керектігін айтты.
“Кальмар ойыны” – бұл өмір үшін күресіп, басты сыйлық үшін бәсекеге түсетіндер туралы драмалық сериал. Ол Оңтүстік Корея кинематографына тән қатыгездік пен аяусыз көріністерге толы.
Сериал Netflix платформасында 17 қыркүйектен бастап көрсетіле бастады да, бір айдың ішінде әлемнің 90 елінде адамдар ең көп көрген фильмдер қатарына енді.

Қазақстан және Қызылорда облысының жаңалықтары: Білім