<a href="https://kyzylorda-news.kz/">Kyzylorda-news.kz.</a>&nbsp;Президент Жарлығы аясында облыс әкімі Нұрлыбек Нәлібаев Қазалы ауданының халқымен кездесті.
Алдымен аймақ басшысы өңірде атқарылған негізгі жұмыстарды тізбелеп, Қазалы ауданы үшін өзекті мәселелерге тоқталды. Оның ішінде өнім өндіруге бағытталған жобалар тарқатылды.
<blockquote>
 «Биыл ауданда «1200 басқа арналған ірі қара мал өсіру кешенінің және сүт өңдеу зауытының ІІ кезеңі» және «Балық қалдықтарынан жасалған балық ұнын өндіру кешені» жобаларын жалғастырамыз. Мемлекеттік қолдау шараларының арқасында мал басы санында өсім бар. Мәселен, Қазалы ауданында ет 101,3%, сүт 105%, мал басы 115% деңгейінде өсті. Ендігі кезекте мал өнімдерін өндірумен бірге оны терең өңдеуге мән береміз», – деді Нұрлыбек Нәлібаев.
</blockquote>
Облыс әкімі халыққа аса өзекті жолдарды жөңдеу, газ тарту мәселелерін де шет қалдырмады. Биыл Әйтеке би кенті мен Қазалы қаласы аралығындағы автомобиль жолын қайта жаңғырту жұмыстары аяқталады.
Қазалы қаласынан Жаңақұрылыс, Бекарыстан би ауылынан Майдакөл елді мекені бағытына қарай жол тораптарын орташа жөндеу жұмыстары басталды.
Сондай-ақ, Қазалы қаласынан Кәукей, Қожабақыдан Бекарыстан би және Абай ауылынан Басықара елді мекені бағытындағы автомобиль жолдарын орташа жөндеуді биыл толық аяқталады.
Мұнан бөлек «Өңірлерді дамыту» бағдарламасы аясында биыл Қазалы қаласының 10 көшесі жарықтандырылып, 16 шақырым электр желісі жаңғыртылады. Ал, Әйтеке би кенті мен Мұратбаев ауылы тұрғындары көгілдір отынға қол жеткізсе, сәуір айында облыс әкімі ауданға жасаған жұмыс сапары барысында Қазалы қаласында алау отын жақты. Енді биыл Жалаңтөс батыр, Пірімов, Басықара ауылдарына газ кіреді.
Аймақ басшысы Қазалы ауданында кәсіпкерлік, өндіріс, ауыл шаруашылығы, білім мен денсаулық салаларында атқарылған жұмыстарды баяндап, биыл қолға алынған жобаларды тізбеледі. Мәселен, азық-түлік бағасын тұрақтандыру мақсатында жоспардан бөлек, ауданда 114 гектар жерге қосымша егін егілген.
Нұрлыбек Нәлібаев Қарлан көпірінің мәселесіне арнайы тоқталды.
<blockquote>
 «Аудан жұрты үшін ғана емес аймақ үшін Қарлан көпірінің маңызы зор. Әсіресе, көктем мен күзгі сең жүрген уақытта екі ортадағы жол қатынасында біршама қиындық туындайтынын білеміз. 10 елді мекенді аудан орталығымен байланыстыратын көпір мәселесін арнайы барған уақытта мердігермен ақылдасып, негізгі жұмыстарды бағдарлаған едік. Биыл ғана басталған көпір құрылысының қазірде 20 пайызы орындалды. Көпірді 2024 жылы аяқтаймыз», – деді облыс әкімі.
</blockquote>
Халықпен кездесу соңында облыс әкімі Нұрлыбек Нәлібаев жиын соңында тұрғындардың сауалдарына жауап берді.
Мұнан соң, кезектілік тәртібімен азаматтардың жеке мәселелері бойынша қабылдап, аудан әкімі мен жауапты сала басшыларына нақты тапсырма берді.
<img src="https://kyzylorda-news.kz/wp-content/uploads/2022/06/290105595_329102559410995_6430815550351369743_n.jpg" alt="" />
<img src="https://kyzylorda-news.kz/wp-content/uploads/2022/06/290065992_329103059410945_7126046347262620062_n.jpg" alt="" />

Нұрлыбек Нәлібаев: Карлан көпірін 2024 жылы аяқтаймыз

<a href="https://kyzylorda-news.kz/">Kyzylorda-news.kz.</a> Бүгін елдің басым бөлігінде құбылмалы ауа райы сақталады, деп хабарлайды Қазгидромет.
Синоптиктердің болжамынша, күн күркіреп, жаңбыр жауады. Республиканың оңтүстік-шығысында қатты жел соғып, жаңбыр жауады.
Қызылорда облысының басым бөлігінде төтенше өрт қаупі сақталады. Ауа температурасы +41 +43 градусты көрсетеді.

Қызылордада ауа температурасы +43 градусты көрсетеді

<a href="https://kyzylorda-news.kz/">Kyzylorda-news.kz.</a>&nbsp; Бүгін ел тыныштығын кірпік қақпай күзетіп жүрген тәртіп сақшылары кәсіби мерекелерін атап өтуде.
Қазақстан полициясының 30 жылдығына арналған мерекелік іс – шаралар еліміздің барлық өңірлерінде атап өтілуде.&nbsp; Атаулы мерекені Сыр елінің сақшылары да жоғары деңгейде өткізді.
Қай кезеңде болмасын&nbsp; бұл күн бейбіт уақытта қазақстандықтардың тыныштығы мен қауіпсіздігі үшін өз өмірлерін құрбан еткен айбынды полиция қызметкерлеріне құрмет көрсету күні болып саналатыны анық.
Ел қорғаны, тәртіп сақшысы, еліне, жеріне адал қызмет атқарып мәңгілік сапарға аттанған полиция қызметкерлерінің ерліктеріне бас иіп, 1 минут үнсіздікпен қызмет бабында қаза болған қызметкерлерді еске алу рәсімі өтті.
Сонан соң Қазақстан Республикасының &nbsp;Ішкі істер министрі полиция генерал-лейтенанты Ахметжанов Марат Мұратұлының құттықтау лебізі бейне – үндеуі арқылы көрсетілді.
Қазақстан полициясының 30 жылдығы қарсаңында Ішкі істер министрінің бұйрығымен 21 қызметкер марапатталып, 7 қызметкер кезекті және мерзімінен бұрын шендерін алды. &nbsp;&nbsp;
«Құқық тәртібін қамтамасыз етуге қосқан үлесі үшін» полиция полковнигі Жамал-ад-Дин Назарбек төсбелгісімен, ҚР ІІМ грамотасымен полиция майоры Нагашыбай Жалгасбаев марапатталды.
Бүгінгі мерекелік шара барысында Қызылорда облысы Полиция департаментінің бастығы полиция генерал-майоры Бектөре Сұлтан ішкі істер органдарының ардагерлерін және жеке құрамды кәсіби мерекемен құттықтап, лебізін білдірді.
<blockquote>
 «Атаулы мереке қарсаңында ардагерлерді және жеке құрамды Қазақстан полициясының күні мерекесімен шын жүректен құттықтаймын!
 Ел қорғандары болған тәртіп сақшыларына және олардың отбасыларына құт – береке, зор денсаулық, амандық тілеймін!» деген&nbsp; ақ жарма тілегін айтты.&nbsp;&nbsp;
</blockquote>
Сонан соң, департамен бастығы «Қазақстан полициясының 30 жылдығына арналған мерейтойлық кітабын» ардагерлерге табыстап, жеке құрам қызметкерлерін марапаттады.&nbsp;&nbsp;&nbsp;&nbsp;&nbsp;&nbsp;
Департамент бастығының бұйрығымен қызметтік міндеттерін адал атқарған, құқықтық тәртіп пен қауіпсіздікті қамтамасыз етуде ерекше көзге түскен департаменттің&nbsp; 269 қызметкері мен 32 ардагері, «Қазақстан Полициясына 30 жыл медалімен» 360 қызметкер және 224 ардагерлер марапатталды.
Мерекелік іс-шара концерттік бағдарламаға ұласты. Халықтың тыныштығы мен қауіпсіздігін қорғап, қоғамдық тәртіпті қамтамасыз ету бағытында абыройлы қызмет етіп жүрген полиция қызметкерлеріне арнап Облыстық филармонияның әншілері өнер көрсетті. Концертте полиция қызметкерлерінің өнерлері&nbsp; де тамашаланды.
<img src="https://kyzylorda-news.kz/wp-content/uploads/2022/06/dsc_0525-scaled.jpg" alt="" />
<img src="https://kyzylorda-news.kz/wp-content/uploads/2022/06/dsc_0003-scaled.jpg" alt="" />

Сыр елінің сақшылары кәсіби мерекелерін атап өтті

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы кәсіпкерлер палатасының заңгерлері «Әлібаев» шаруа қожалығын ірі шығыннан қорғап қалды. Кәсіпкер мемлекеттен алған 8,4 млн теңге субсидияны қайтармайтын болды.
«Әлібаев» шаруа қожалығы Қызылорда облысында алма өсірумен айналысады. Кәсіпкер 2018 жылы 5 гектар жерді тегістеп, қоршап, 10 мың түп алма ағашының көшетін отырғызады. Көшетті тамшылатып суғару әдісімен өсіреді. Жеміс өсірілетін аумаққа мырышпен қапталған сым тіреуіш бағаналарын, сымды тарту құралдарын, аралық тіреуіш бағаналарын орнатады.
Бұл жұмыстар үшін кеткен шығынның бір бөлігі мемлекет тарапынан субсидияланатынын естіп, сол жылы құжаттарын өткізеді. Мемлекеттік бағдарлама операторы кәсіпкердің қызметі субсидиялауға жатады деп шешім қабылдап, 2018 жылы шілдеде 8,4 млн теңге субсидия беріледі.
Алайда биыл бағдарламаға жауапты облыстық ауыл шаруашылығы басқармасы «Әлібаев» шаруа қожалығын сотқа беріп, төленген субсидияны бюджетке қайтаруын талап етеді. Басқарма талап арызда қадағалау органының берген ұсынымын, сондай-ақ кәсіпкердің қаржыны мемлекетке қайтару туралы ескертпе хатты жауапсыз қалдыруын негізге алады.
Қиындыққа тап болған кәсіпкер Палата заңгерлерінен көмек сұрады.
<blockquote>
 «Біз мәселені зерделеу барысында қадағалаушы органның аралық бағандардың орнатылғаны жөнінде акті немесе басқа да тиісті құжаттардың жоқтығын алға тартқаны анықталды. Біріншіден, «Әлібаев» шаруа қожалығы бағандарды келесі бір кәсіпкерден алған. Олардың арасында жасалған келісімшарттары бар. Шарт бойынша тараптар міндеттерді толығымен орындап, қабылдау актілеріне қол қойған, төлем жасаған. Екіншіден, ол инвестициялық салымдарды нысаналы мақсатына жұмсаған. Заңда «адал иеленуші» деген термин бар. Кәсіпкер барлық жағынан осы санатқа енеді. Бұндай жағдайда кәсіпкерден мемлекеттен алған қолдауды қайтар деу негізсіз деген ұстанымымызды сотта жеткіздік» – деді Кәсіпкерлер палатасы директорының орынбасары, Қызылорда облысындағы бизнес-омбудсменнің өкілі Салават Құлмахан.
</blockquote>
Сотта облыстық мамандандырылған ауданаралық сотының судьясы Ғалымжан Бекмамбетов қос тарапты мұқият тыңдап, тараптардың өкілдерімен «Әлібаев» шаруа қожалығына қосымша көшпелі көріп-тексеру жұмысын жүргізді. Көріп-тексеру барысында кәсіпкердің алма бағында аралық &nbsp;тіреуіш бағаналар бар екені расталды. Нәтижесінде сот облыстық ауыл шаруашылығы басқармасының талабын қанағаттандырудан бас тартып, кәсіпкердің құқығы қорғалды.

Қызылордалық кәсіпкер мемлекетке 8,4 млн теңге субсидияны қайтармайтын болды

<a href="https://kyzylorda-news.kz/">Kyzylorda-news.kz.</a> Мемлекет басшысының тапсырмасына сәйкес, тұрғындарды қолжетімді медициналық көмекпен қамту мақсатында аудандар арасында алғашқы болып Арал ауданына компьютерлік томография алынды.
Қызылорда облысының әкімі Нұрлыбек Нәлібаев жұмыс сапары барысында ауданаралық орталық ауруханасының жұмысымен танысып, дәрігерлермен кездесті.
Жалпы құны 162 млн. теңге тұратын жылжымалы нысан «Өнеркәсіпті дамыту қоры» АҚ арқылы 5 жылға қаржы лизингі шартымен алынған. Мұнда хирургиялық, гинекологиялық, рентген, УЗИ, офтальмология, жалпы қабылдау бөлмелері және зертханалық медициналық қондырғылар бар.
Кешенді алудағы негізгі мақсат – алыс ауылдарда тұратын тұрғандарға медициналық қызмет көрсету.
Айта кетейік, бұған дейін, тұрғындар томография қызметін алу үшін облыс орталығына баратын болса, биылдан бастап ауданнан алып келеді.
<img src="https://kyzylorda-news.kz/wp-content/uploads/2022/06/289305691_328465692808015_7686493783921874998_n.jpg" alt="" />

Арал ауданына алғаш рет компьютерлік томография алынды

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев Арал ауданына жасаған жұмыс сапарын Әбдіжәміл Нұрпейісовтың әдебиет үйінен бастады. Музейдегі жәдігерлермен танысты.
Аймақ басшысы классик жазушының қазақ әдебиетіндегі орнын тілге тиек етіп, арнайы естелік кітапшаға игі тілегін жазды.
<blockquote>
 «Қазақ әдебиетінің абызы, классик жазушы Ә.Нұрпейісовтың қолтаңбасы қалған құнды мұралары мұнда сол күйі сақтаулы тұр. Бұл қара шаңырақ қалам ұстаған қауымға киелі әрі бағалы. Сыр жұртшылығы үшін әлем Әбдіжәмілінің болмысы биік, мәртебесі қашанда жоғары» – деді Нұрлыбек Нәлібаев.
</blockquote>
Айта кетейік, Ә.Нұрпейісовтың әдебиет үйі 2014 жылдан бері жұмыс істеп келеді. Музейдің экспозициялық залында жазушының өмірі мен шығармашылығымен танысуға болады. Ал жұмыс кабинетінде фото экспонаттар мен кітаптары қойылса, жазушының демалыс бөлмесінде өзінің тұтынған заттарын тамашалауға болады.
Биыл Аралдағы тарихи-өлкетану музейінің құрылысын бастауға тиісті жобалық сметалық құжаттамасын әзірлеуге қаржы қарастырылды. 
Балықшылар аллеясы да қайта жаңғыртудан өтпек.
<img src="https://kyzylorda-news.kz/wp-content/uploads/2022/06/287692621_328464999474751_1367106765579241224_n.jpg" alt="" />
<img src="https://kyzylorda-news.kz/wp-content/uploads/2022/06/288992538_328465046141413_5771145500474002746_n.jpg" alt="" />

Нұрлыбек Нәлібаев: Сыр жұртшылығы үшін әлем Әбдіжәмілінің болмысы биік, мәртебесі қашанда жоғары

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Арал ауданына сапары барысында Жіңішкеқұм ауылында орналасқан №248 орта мектебіне барды.
Ғимарат облыстық құрылыс, сәулет және қала құрылысы басқармасының тапсырысымен салынып, 2015 жылы пайдалануға берілген. Дегенмен, 140 орындық мектеп екі жыл бұрын «NTDK Group» ЖШС-ның техникалық қорытындысына сәйкес техникалық жай-күйі апаттық жағдайда деп танылған. Мектептің спорт залы жарамсыз күйге еніп, бірнеше бөлмелердің қабырғалары жарылған.
Апатты деп танылған білім ошағының жағдайымен танысқан аймақ басшысы мердігерге құрылысты сапалы әрі жыл аяғына дейін аяқтауды тапсырды.
<blockquote>
 «Мектеп құрылысының салынғанына небәрі 6 жыл болғанына қарамастан, қазіргі күйі балалардың білім алуына қауіп төндіріп тұр. Бұл мәселені жеке инвестор арқылы шештік, жаңа мектеп құрылысын бастаймыз», – деді облыс әкімі.
</blockquote>

Арал ауданы: Жіңішкеқұм ауылындағы апатты мектептің мәселесі шешілді

<a href="https://kyzylorda-news.kz/">Kyzylorda-news.kz.</a>&nbsp; Синоптиктер Қазақстанда 23 маусымға арналған ауа райы болжамын ұсынды. Ел аумағында аптап ыстық, жаңбыр, жел болады. Сонымен қатар бұршақ жауады, шаңды дауыл соғады.
<blockquote>
 Атмосфералық фронтальды учаскелердің әсерінен Қазақстан аумағының басым бөлігінде тұрақсыз ауа райы сақталады: найзағай ойнап, жаңбыр жауады, республиканың оңтүстік-шығысында қатты жаңбыр жауады. Республика бойынша желдің күшеюі, бұршақ жаууы, бұрқасын болады, оңтүстік-батыста, күндіз оңтүстік-шығыста шаңды дауыл тұрады.
</blockquote>
Қызылорданың басым бөлігінде төтенше өрт қаупі сақталады.

23 маусымға арналған ауа райы болжамы

Kyzylorda-news.kz. Соңғы кезде кен орындарының сарқылуына байланысты мұнай өндірісінің көлемі жылдан-жылға қысқарып келеді. Бұл жағдай облыс тұрғындарына да елеулі әсер етеді. Себебі өңірде мұнай-газ саласында 10 мыңға жуық адам жұмыс жасайды. Бұл ретте ірі компанияларда қызмет атқаратын жұмысшылардың жалақысын қысқартпау, еңбек құқықтарын сақтау маңызды.
Облыс әкімінің тапсырмасына сәйкес бүгін облыс әкімінің орынбасары Мархабат Жайымбетов «ҚОР» мұнай компаниясы акционерлік қоғамының ұжымымен кездескенде осы мәселеге ерекше мән берді. 
Жалпы өңірдегі барлық өнеркәсіп өндірісінің 70%-дан астамы мұнай өндіруге тиесілі екендігін атап өтті.
<blockquote>
 Қазіргі таңда «ҚОР» Мұнай компаниясы 300-ге жуық адамды жұмыспен қамтып отыр. Компания өткен жылы 148,6 мың тонна мұнай өндіріп, мұнай компаниялары ішіндегі үлесі 7,7 пайызды құрады, ал, негізгі капиталға салынған инвестиция көлемі – 1,2 млрд.теңге, яғни мұнай компаниялары ішіндегі үлесі 1,6 пайызды құрайды. 
 Бүгінгі таңда жұмысшылардың еңбек құқықтарын қорғау, жұмыс орындарындағы еңбек жағдайын жақсарту, қауіпсіз еңбек жағдайларын жасау және табысын арттыру басты назардағы мәселе,- деді М.Жайымбетов.
</blockquote>
Жиында «ҚОР» мұнай компаниясының бас директоры Даулет Узаков әлеуметтік міндеттемелерін орындау барысын баяндады, ал ұжым өкілі Мақсат Балапанов өндірістегі қызметкерлерді біріктіру және олардың мүдделерін қорғау бойынша кәсіподақ тарапынан атқарылған жұмысты таныстырды.
Кездесу соңында облыс әкімдігі мен «ҚОР» кәсіпорны және кәсіподақ арасында өзара ынтымақтастық туралы үшжақты меморандумға қол қойды.
<img src="https://kyzylorda-news.kz/wp-content/uploads/2022/06/fb_img_1655918066903.jpg" alt="" />

Мархабат Жайымбетов «ҚОР» мұнай компаниясының еңбек ұжымымен кездесті

Kyzylorda-news.kz. «AMANAT» партиясы Саяси менеджмент академиясының ұйымдастыруымен өтіп жатқан әкімдер оқу курсын тәмәмдайды. Бүгін оқу сағаттарының соңғы курсынан өтіп жатқан ауыл әкімдерімен партияның хатшысы Эльдар Жұмағазиев онлайн форматта кездесу өткізді.
Онда партия Хатшысы оқу семинардың маңыздылығы, тақырып аясында жұмысты жетілдіру, ауылдарды өркендету, ауыл халқының тұрмысын жақсарту мәселелерін алға тартып, әкімдердің ұсыныс пікірлері тыңдады.
Мәселен Қазалы ауданына қарасты Бірілік ауылдық округ әкімі Өтеп-Әлі Өміртай сөз алып, оқу семинардағы ауыл әкімдері атынан мемлекеттік сатып алу Заңында жергілікті кәсіпкерлерге басымдылық беру қолданылса; 
Мемлекеттік сатып алу Заңында округ әкімі аппаратына Бір көзден алу тәсілі нақты жетілдірілсе; 
Тұрғындары 2000 адамнан аспайтын округтер ІҮ – деңгейлі бюджеттен босатылса; 
Ауылдық округ әкімі аппаратындағы келісім – шартпен жұмыс жасайтын «Әдіскер» мамандар «азаматтық қызметкер» статусына енгізілсе олардың жалақсы өсіп, жауапкершіліктері де артар еді,- деген ұсыныстарды ортаға салды.
Жиын барысында партия Хатшысы бүгінде ауыл халқын алаңдатып отырған ең өзекті мәселелердің бірі жайлымдық жерлерді халық игілігіне қайтару тұрғысында «AMANAT» партиясы нақты жұмыстар жасап жатқандығын тілге тиек етіп, бұл жұмыстарға әрбір ауылдық округ әкімдері де жауапты болғандықтан тікелей қолдау көрсетуі қажеттігін жеткізді. Сонымен қатар, ауыл әкімдерімен партия арасындағы кері байланысты орнату арқылы қордаланған мәселелерді бірігіп шешу мақсатында арнайы чаттар мен әкімдер ассоцациясын құру жөнінде ұсыныс тастады.
Бұл ұсыныс ауыл әкімдері тарапынан қолдау тауып, арнайы жұмыс жасалатын болды. 
Қорыта келгенде 13-22 маусым аралығына жоспарланған «AMANAT» партиясы Саяси менеджмент академиясы ұйымдастырған оқу семинарына өңірден 141 кент, ауыл, ауылдық округ әкімдері мен партия филиалдарының Атқарушы хатшылары қатысып, білімін жетілдірді. Бүгін ауыл әкімдерінің соңғы легі алған білімдері бойынша тест сынағынан өтіп, арнайы сертификаттарға ие болды.
<img src="https://kyzylorda-news.kz/wp-content/uploads/2022/06/img-20220622-wa0022.jpg" alt="" />
<img src="https://kyzylorda-news.kz/wp-content/uploads/2022/06/img-20220622-wa0023-1.jpg" alt="" />
<img src="https://kyzylorda-news.kz/wp-content/uploads/2022/06/img-20220622-wa0019.jpg" alt="" />
Э
<img src="https://kyzylorda-news.kz/wp-content/uploads/2022/06/img-20220622-wa0018.jpg" alt="" />

Партия хатшысы ауыл әкімдерімен пікірлесті

<a href="https://kyzylorda-news.kz/">Kyzylorda-news.kz.</a> Ақордаға Президентпен кездесуге әлем чемпиондары мен халықаралық гроссмейстерлер – Жансая Әбдімәлік, Динара Сәдуақасова, Бибісара Асаубаева, Гүлісхан Нақбаева, халықаралық шебер – Меруерт Камалиденова және Қазақстан шахмат федерациясының президенті Ғалым Құсайынов пен вице-президент Дәрмен Сәдуақасов шақырылды, деп хабарлайды Ақорда.
<img src="https://akorda.kz/public/assets/media/uploadMedia/1655885840_KZ1_2121_2.jpg" alt="" />
Мемлекет басшысы танымал шахматшы қыздарға ілтипат білдіре отырып, бұл ойынға ерекше мән беретінін атап өтті. Сондай-ақ Қазақстанның әйелдер құрамасы алдағы уақытта Үндістанда өтетін Дүниежүзілік шахмат олимпиадасында табысты өнер көрсететініне сенім білдірді. Президент мектепті «Алтын белгімен» бітірген Бибісара Асаубаеваға табыс тілеп, Гүлісхан Нақбаеваны өткен туған күнімен құттықтады.
Әңгімелесу және пікір алмасу форматында өткен кездесуде ұлттық құрама көшбасшылары – Динара Сәдуақасова, Жансая Әбдімәлік, Бибісара Асаубаева және Қазақстан шахмат федерациясының басшылығы сөз сөйледі.
Қасым-Жомарт Тоқаев кездесуде елімізде шахмат спортын дамыту, оның ішінде мемлекет тарапынан жүйелі көмек көрсету, қажетті инфрақұрылыммен қамтамасыз ету және шахматты жеке спорт түрі ретінде насихаттау жөніндегі қатысушылардың ұсыныстарын тыңдады. &nbsp;
Президент мектеп бағдарламасына шахматты факультативтік пән ретінде қосу, Алматыда 1500 балаға арналған шахмат пен ақпараттық технологияларды тереңдетіп оқытатын мектеп-интернат салу жөніндегі ұсынысты қолдады. Бұдан бөлек, Мемлекет басшысы кәсіпкерлер тарапынан шахмат спортын дамытуға қолдау көрсетудің маңызды екеніне баса мән берді.&nbsp;
Кездесу соңында Қасым-Жомарт Тоқаев шахмат саласын дамытуға бұдан былай да қолдау көрсететінін атап өтіп, жас спортшыларға халықаралық аренада жаңа табыс тіледі.
<img src="https://akorda.kz/public/assets/media/uploadMedia/1655885870_DSC_4678_2.jpg" alt="" />
<img src="https://akorda.kz/public/assets/media/uploadMedia/1655885870_DSC_4708_2.jpg" alt="" />
<img src="https://akorda.kz/public/assets/media/uploadMedia/1655885913_DSC_4684_2.jpg" alt="" />
<img src="https://akorda.kz/public/assets/media/uploadMedia/1655885913_DSC_4738_2.jpg" alt="" />
<img src="https://akorda.kz/public/assets/media/uploadMedia/1655885913_DSC_4741_2.jpg" alt="" />
<img src="https://akorda.kz/public/assets/media/uploadMedia/1655885913_DSC_4782_2.jpg" alt="" />
<img src="https://akorda.kz/public/assets/media/uploadMedia/1655885913_DSC_4766_2.jpg" alt="" />

Президент мектеп бағдарламасына шахматты қосу туралы ұсынысты қолдады

Kyzylorda-news.kz. Мемлекет басшысы Қасым-Жомарт Тоқаевтың нақты тапсырмалары мен міндеттемелерін орындау аясында бүгін облыс әкімі Нұрлыбек Нәлібаевтың төрағалығымен облыстық Қазақстан халқы Ассамблеясының ХХIV сессиясы өтті.
Аймақ басшысы жалпыұлттық бірлікті құруда Қазақстан халқы Ассамблеясының орны ерекше екенін атап өтіп, тәуелсіздік алған жылдардан бері елімізде Ассамблеяның бастамасы негізінде кең көлемде жұмыстар атқарылғанын тілге тиек етті.
<blockquote>
 Президент Қасым-Жомарт Кемелұлы Ассамблеяның 31 сессиясында жаңа мемлекеттік модельге, мемлекет пен қоғамның өзара іс-қимылының жаңа форматына көшу қажеттілігін атап өтті. Нәтижесінде Ата заңымызға түзетулер енгізуге байланысты жалпыхалықтық референдум өз дәрежесінде ұйымшылдықпен өткізілді. Референдумның өтуіне бірлік пен бірегейлікті көрсеткен Сыр халқы да, оның ішінде этнос өкілдері мен этномәдени бірлестіктер де жоғарғы деңгейде атсалысты, – деді облыс әкімі.
</blockquote>
Аймақ басшысы күні кеше Ұлытау облысында өткен Ұлттық құрылтайдың ел тарихындағы маңызын атап өтіп, Сыр өңірінен Құрылтайдың құрамына енген облыстық қоғамдық кеңес мүшесі, техника ғылымдарының докторы, Ұлттық ғылым Академиясының академигі Қылышбай Бисеновті құттықтады. Сондай-ақ, ротация тәртібімен тағайындалған облыстық Қазақстан халқы ассамблеясының қоғамдық негіздегі төраға орынбасары Қахар Дадашевты таныстырып, қызметіне сәттілік тіледі және осы қызметті бұрын атқарған неміс этномәдени бірлестігінің жетекшісі Шек Иринаға алғысын білдірді.
Жиында баяндама жасаған Қазақстан халқы Ассамблеясының мүшесі, облыстық мәслихат хатшысы Наурызбай Байқадамов қазіргі күрделі жағдайда ел бірлігі – аса маңызды құндылық екенін жеткізіп, көпті ауызбіршілікке шақырды. «Атамекен» балалар ауылының директоры Лиза Сқақова ұлт болашағында саналы ұрпақ тәрбиелеудің мәнін айшықтап, өзі басқаратын отбасы үлгісіндегі ұйымның түлектері кәсіби бағдар алып, өмірде өз жолын тауып, лайықты азамат атанып жүргенін мақтанышпен жеткізді.
Меценат Илларион Ли шағын және орта бизнесті дамыту жөніндегі ұсыныстарын ортаға салды, ал «Мансап» мектебінің құрылтайшысы Наталья Мишукова адами ресурстарды қалыптастырып, өскелең ұрпақты тәрбиелеу туралы ой өрбітті. “Хабар 24” арнасының Қызылорда облысы бойынша меншікті тілшісі Нұрлан Жақыпбеков ақпараттық технологиялар заманында медиасауаттылық пен БАҚ құралдарының рөлін сөз етсе, 30 жылдан астам уақыт донор болған Лямига Хамзина адам өмірін құтқару ісінде уақытылы қан тапсырудың маңызын айтып, жақсылық жасап жарысуға шақырды.
Пікір алмасуда сөз алған «Абай қазынасына саяхат» клубының жетекшісі, Ұлы Абайдың 150 өлеңін және поэмасын жатқа білетін белсенді жас Елена Пак замандастарын Қазақстанның жарқын болашағын бірге құруға атсалысуға шақырды.
Сессия жұмысын қорытындылаған аймақ басшысы Мемлекет басшысының «Мәдениетті ана – мәдениетті ұлт» республикалық жобасын іске асыру, Қызылорда қаласында аналардың әлеуметтік мәселелерін шешу мақсатында «Аналар үйін» ашу, ұлтаралық ынтымақтастықты нығайту үшін «Халық достығы» аллеясын салу, сарапшылар даярлау жөніндегі әдістемелік орталықтар мен медиация институтын құру және этномедиация бағытын дамыту туралы тапсырмаларын орындау мақсатында бірқатар міндет қойды.
Мұнан бөлек, сол жағалауда орналасқан «Рухани жаңғыру» орталығын Үкіметтік емес ұйымдар үйі ретінде ашу қажет екенін тілге тиек етті.
<img src="https://kyzylorda-news.kz/wp-content/uploads/2022/06/fb_img_1655818396126.jpg" alt="" />
<img src="https://kyzylorda-news.kz/wp-content/uploads/2022/06/fb_img_1655818401768.jpg" alt="" />

Қазақстан және Қызылорда облысының жаңалықтары: Басты жаңалықтар old