<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы кәсіпкерлер палатасы мен облыстық прокуратура өңірдің 7 ауданында көшпелі кездесу өткізді. Бастамашы топ аталған шарада жалпы екі жүзден астам кәсіпкермен кездесіп, елуге жуық өзекті сұрақты талқылады.
Көшпелі кездесуге Кәсіпкерлер палатасының дирекция мүшелері, облыс прокурорының орынбасары Дамир Қатаев, Палата жанындағы Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңес төрағасы Болат Нұрхожаев, аудан әкімдігінің басшылары, кәсіпкерлер мен сала мамандары қатысты.
<blockquote>
 «Аудандағы кәсіпкерлермен кездесуде кей жеке мәселелерден өзге, жүйелі кездесетін бірқатар саланы байқадық. Олар ауыл шаруашылығымен айналысатын кәсіпкерлерге берілетін субсидиялар, салыққа және жер телімдеріне қатысты проблемалар. Бірнеше мәселе осы отырыстарда шешілді. Кәсіпкерлерден түскен өзге сұрақтарды біздің заңгерлер мен прокуратура қарап, оған қатысты ұсыныстарын береді. Жалпы бұл шаралар мамыр айында Мемлекет басшысының бизнес өкілдерімен кездесуінде берілген тапсырмасы аясында ұйымдастырылып жатыр. Кәсіпкерлердің сұранысына сәйкес жиі өткізу туралы шешім қабылдадық», – деді Палата директоры Пірмұхаммед Сыздықов.
</blockquote>
Палата басшысы айтқан, шешілген мәселелер Арал және Жаңақорған ауданы кәсіпкерлеріне тиесілі. Аралдық жеке кәсіпкер Дайрабай Жалғасбаев мамыр айында қосымша құн салығының есебін аудандық мемлекеттік кірістер басқармасына жолдайды. Хабарламада салық тапсыру барысында таңдалған нұсқаға түсіндірме береді. Алайда салық органы хабарламаны орындалмады деп танып, кәсіпкердің шоттарын бұғаттап тастайды. Кәсіпкердің есепшісі барлық құжаттарды көрсетіп, дұрыстығын дәлелдеуге тырысқанына қарамастан, мәселесі бір айдан астам уақыт шешілмеді. Көшпелі кездесуде прокурордың берген түсіндірмесінен кейін мемлекеттік кірістер басқармасы бұл сұрақты қайта қарап, есепті қабылдады, шотын ашып берді.
Жаңақорғандық Бақытжан Тасболатов асыл тұқымды мүйізді ірі қара өсірумен айналысып жүрген кәсіпкер. Кәсібі үшін мемлекеттік бағдарламамен жеңілдетілген несие алған. Ендігі мәселесі жайылымдық жер. Кездесуде аудан әкімі Мұрат Тілеуімбетов кәсіпкердің жобасын өңірлік үйлестіру кеңесіне шығарып, жер телімін алуға көмек көрсететінін жеткізді. Осы шарада Кәсіпкерлер палатасының Өңірлік кеңес мүшесі Аблан Асенов ауданда кәсіпкерлікті дамытуға арналған комиссияға бизнес өкілдерін қосу туралы ұсыныс берді. Аудан әкімі ұсынысты толық қолдады.
Атап өту керек, Кәсіпкерлер палатасына 5 айда құқығын қорғауды сұраған 204 өтініш түсті. Оның 53-і оң шешіліп, кәсіпкерлер 60,8 млн теңге қаржысын сақтап қалды. Қалған өтініштер бойынша Палата заңгерлері салалық мемлекеттік ұйымдармен жұмыс істеп жатыр.

Қызылордада кәсіпкерлердің бірқатар мәселесі шешілді

<a href="https://kyzylorda-news.kz/">Kyzylorda-news.kz.</a> Қазалы ауданында жібек сөзден жыр кесте тоқыған халық ақыны Ібайдулла Қалниязов атындағы облыстық жас ақындар айтысы өтті.
Майдакөл ауылындағы орталық алаңда «Жақұт жырдың шайыры» атты ақындар айтысына Қызылорда қаласы мен Жаңақорған, Жалағаш, Қармақшы, Арал аудандарынан келген жас ақындар қатысты.
Жас ақындар айтысынжа аудан әкімі Мұхтар Оразбаев құттықтау сөз сөйлеп, сөз зергерлеріне сәттіләк тіледі.
Мұнан соң сахна төріне талай таланттардың томағасын сыпырып, айтыс өнеріне баулып жүрген ардақты азамат, Майдакөл ауылдық клубының меңгерушісі Ермекбай Ағырай ортаға шығып, айтысқа қатысушы талапкердерді таныстырды.
<img src="https://kyzylorda-news.kz/wp-content/uploads/2022/06/majdakol.jpg" alt="" />
<img src="https://kyzylorda-news.kz/wp-content/uploads/2022/06/ajtys1.jpg" alt="" />

Қазалыда облыстық жас ақындар айтысы өтті

<a href="https://kyzylorda-news.kz/">Kyzylorda-news.kz.</a> Атмосфералық фронталды бөліктердің әсерінен 27 маусым күні Қазақстанның басым бөлігінде құбылмалы күн райы сақталады: найзағай ойнап, жаңбыр жауады, солтүстікте, шығыста, оңтүстікте бұршақ, дауыл, оңтүстік-батыста шаңды дауыл күтіледі.
Республика бойынша екпінді жел тұрады. Күндіз Қызылорда облысының басым бөлігінде, қатты ыстық сақталады.

Дүйсенбіге арналған ауа райы болжамы

Kyzylorda-news.kz. Өткен тәулікте коронавирус инфекциясын жұқтырған66 жағдай тіркелді, деп хабарлайды COVID-19 таралуына жол бермеу жөніндегі ВАК.
Оның ішінде Нұр-Сұлтан қаласында – 15, Алматы қаласында – 42, Шымкент қаласында – 3,Ақмола облысында – 2, Қарағанды облысында – 3, Қызылорда облысында -1 адамнан анықталды.

Қызылордада бір адамнан коронавирус анықталды

Kyzylorda-news.kz. 26 маусым күні атмосфералық фронталды бөліктердің әсерінен Қазақстан аумағының солтүстік бөлігінде және оңтүстік-шығысында құбылмалы күн райы сақталады. Күн күркіреп, жаңбыр жауады, бұршақ, дауыл күтіледі, деп хабарлайды Қазгидромет.
Республиканың барлық аумағында екпінді жел болжанады.
Қызылорда облысының басым бөлігінде төтенше өрт қаупі сақталады.

26 маусымға арналған ауа райы болжамы

Kyzylorda-news.kz. Егін егу маусымы басталар алдында облыс әкімі Нұрлыбек Нәлібаев азық-түлік қорын көбейту және сырттан алатын өнімдерге деген тәуелділікті азайту үшін әр аудан, қаладағы ауылдарда егін егуге арнайы жер дайындауды және бақша дақылдарын егуді тапсырған еді. Нәтижесінде, аймақта 1454 гектар жер көлемі дайындалды.
Аймақ басшысы Қармақшы ауданына іссапары барысында Жаңажол ауылдық округіндегі егістік алқабына барып, күріш және бау-бақша дақылдарын баптау жұмыстарымен танысты.
Аудандағы ірі шаруа қожалықтарының бірі – «Жаңажол» ЖШС биыл 3 мың гектар жерге күріш еккен болатын. Жалпы ауданда 13 мыңға жуық гектар негізгі дақыл егілген.
Бақша дақылдарын егумен айналысатын шаруалармен кездесіп, егін мәселесінде пікірлесті. Ауылда 123 отбасы ауылда бақшалық егу жұмыстарымен айналасады. Егіс көлемі – 25 гектар, оның ішінде 7 гектар картоп, 3 көкөніс, 15 гектар бақша орналастырылды.
Облыс әкімі қазіргі кезде егісті әртараптандырудың маңызды екенін және әр ауылдың өзіндік ерекшелігін ескере келе, өнімділікті көбейту қажеттігін баса айтты. Сондай-ақ, арналарға су жеткізу, насос қондырғыларын уақытылы алу мәселесін жеделдетуді тапсырды.
Айта кетейік, Қармақшы ауданында егін шаруашылығын әртараптандыру бағытында 316 гектар жер бөлініп, 837 отбасына үлестірілді.
<img src="https://kyzylorda-news.kz/wp-content/uploads/2022/06/fb_img_1656148292173.jpg" alt="" />
<img src="https://kyzylorda-news.kz/wp-content/uploads/2022/06/fb_img_1656148294738.jpg" alt="" />

Нұрлыбек Нәлібаев егіс алқабына барып, қармақшылық дихандармен кездесті

Kyzylorda-news.kz. Аймақ басшысы Нұрлыбек Нәлібаев кадрлық тағайындауларға байланысты актив отырысын өткізді.
ҚР Президенті Әкімшілігінің келісімі бойынша облыс әкімінің өкімімен облыс әкімінің орынбасары лауазымына Нұрымбет Сақтағанов тағайындалды.
Өңір басшысы Нұрымбет Сақтағановтың республикалық деңгейде түрлі салаларда мол тәжірибе жинап, қызметте сатылап өскен азамат екенін жеткізіп, алдағы міндеттерін абыроймен атқаратынына сенім білдірді.
<blockquote>
 Қазіргі таңда өңір экономикасын әрі қарай әртараптандыру міндеті тұр. Аймағымызға отандық және шетелдік инвестицияны тарта отырып, өңір экономикасының шикізаттық бағыттан өңдеу саласына бет бұруын жеделдетуіміз қажет. 
 Облыс бюджетінің жоғары тұрған бюджеттегі, мемлекеттік-жекешелік әріптестік жобалары, қаржылық даму институттары алдында 100 млрд.теңгеден астам міндеттемелері бар. Осы орайда, біз облыс бюджетінің кіріс көзін мүмкіндігінше арттыруға жұмыс жасауымыз керек. 
 Нұрымбет Аманұлы осы аса өзекті мәселелерді үйлестірумен айналысатын болады,-деді облыс әкімі.
</blockquote>
Айта кетейік, Нұрымбет Сақтағанов облыстық экономика және қаржы, білім, денсаулық сақтау, қоғамдық даму, мәдениет және спорт басқармаларына жетекшілік ететін болады.
Сақтағанов Нұрымбет Аманұлы 1970 жылы дүниеге келген. Қорқыт Ата атындағы Қызылорда мемлекеттік университетін, Мәскеу мемлекеттік экономика, статистика және информатика университетін, Сәрсен Аманжолов атындағы Шығыс Қазақстан мемлекеттік университеттерін педагогика, заңтану, экономика мамандықтары бойынша бітірген.
Еңбек жолын 1992 жылы Қызылорда облысының Сырдария ауданындағы №172 орта мектепте мұғалім ретінде бастаған. Әр жылдары мемлекеттік қызметте, соның ішінде кеден органдарында жауапты басшылық қызметтерді атқарған. 
2007-2012 жылдары Қазақстан Республикасы Экономика және бюджеттік жоспарлау министрлігінің Сыртқы инвестиция көздерін жоспарлау бөлімінің бастығы, аталған министрдің кеңесшісі, Еңбек және әлеуметтік қорғау министрлігі Миграция комитеті төрағасының орынбасары, Қазақстан Республикасы Президенті Әкімшілігінің мемлекеттік бақылау және аумақтық-ұйымдастыру жұмысы бөлімінің мемлекеттік инспекторы. 
2012-2021 жылдары Шығыс Қазақстан облысы әкімінің орынбасары, бірінші орынбасары, Шығыс Қазақстан облысы, Ұлан ауданының және Семей қаласының әкімі қызметтерін абыроймен атқарған. 
2021 жылдың ақпан айынан бастап осы кезге дейін Шығыс Қазақстан облысы Жарма ауданының әкімі лауазымын атқарды.

Қызылорда облысы әкімінің орынбасары тағайындалды

Kyzylorda-news.kz. Облыс әкімі Нұрлыбек Нәлібаев Президент Жарлығы аясында Қармақшы ауданының халқымен кездесті. 
Аймақ басшысы облыстың экономикалық жағдайынан бөлек, өндіріс, кәсіпкерлік саласына кеңінен тоқталды.
<blockquote>
 Өңірдегі кәсіпкерлік саласын дамытуға биыл барлық көздерден 19,9 млрд. теңге қаражат бағытталуда. Жыл басынан бері аудан бойынша 11 жобаға 280,8 млн.теңгеге несие берілді. Біз бизнес қарқынын әлі де үдетуіміз қажет. Аудан әкімдігі өз бизнесін бастаймын, кәсібін кеңейтемін деген ынталы азаматтармен тығыз жұмыс жасап, оларға шынайы қолдау көрсетуі тиіс. 
 Елді мекендерді аралап, халықпен кездескен сайын тұрғындардан инфрақұрылым тарту мәселесіне қатысты өзекті сауалдары жиі түседі. Биыл Қармақшы, Көмекбаев және Алдашбай ахун елді мекендерінің ауыз су жүйелерін қайта жаңғыртамыз. 
 Өздеріңіз білесіздер, жақында Төретам мен Ақай елді мекендерінің тұрғындарымен кездесіп, талап-тілектерін тыңдадым. Аталған елді мекендердегі ең өзекті мәселелердің бірі табиғи газға қосылу. Осыған орай, биыл екі ауылға да газ тарту жұмыстарын бастаймыз. 
 Мемлекет басшысының тапсырмасына сәйкес, халық табысын арттыру да маңызды. Бұл бағытта өңірде 30 мыңнан астам, оның ішінде Қармақшыда 2533 жұмыс орнын ашу жоспарлануда. Осы жылдың 5 айында ауданда 855 жаңа жұмыс орны құрылса, оның 242-і тұрақты, – деді Нұрлыбек Нәлібаев.
</blockquote>
<img src="https://kyzylorda-news.kz/wp-content/uploads/2022/06/fb_img_1656124374397.jpg" alt="" />
Биыл Қармақшы ауданындағы жақсы, қанағаттанарлық жағдайдағы жолдар үлесін 80 пайызға жеткізу межесі тұр. Осы ретте, Ақжар мен Көмекбаев елді мекендері арасындағы автомобиль жолын күрделі жөндеу және Жосалы кентінің 12 көшесін орташа жөндеу жұмыстары жыл соңына дейін аяқталмақ.
Аймақ басшысы білім саласына арнайы тоқталды. Ауданда Ақжар елді мекеніндегі, Төретам және Жосалы кенттеріндегі мектептер күрделі жөндеуден өтсе, Жосалы кентіндегі №30 мектептің бу қазандығы сұйық отыннан газға ауыстырылады.
Халықпен кездесу соңында облыс әкімі Нұрлыбек Нәлібаев тұрғындардың сауалдарына жауап берді. Мұнан соң, кезектілік тәртібімен азаматтарды жеке мәселелері бойынша қабылдап, аудан әкімі мен жауапты сала басшыларына нақты тапсырмалар жүктеді.
<img src="https://kyzylorda-news.kz/wp-content/uploads/2022/06/fb_img_1656124379619.jpg" alt="" />

Облыс әкімі Қармақшы ауданының халқымен кездесті

Kyzylorda-news.kz. ҚР Президенті Әкімшілігінің келісімі бойынша облыс әкімінің өкімімен облыс әкімінің бірінші орынбасары лауазымына Серік Қожаниязов тағайындалды.
Аймақ басшысы Серік Салауатұлын мемлекеттік қызметте тәжірибесі мол, білікті басшы ретінде жауапты қызметтерді абыроймен атқарғанын тілге тиек етіп, жаңа қызметіне сәттілік тіледі.
<blockquote>
 Серік Салауатұлы аймақтың әлеуметтік-экономикалық ахуалымен етене таныс, басшылық қызметтегі ұйымдастырушылық қабілеті жоғары, орталық және жергілікті атқарушы органдарда қызмет етіп, мол тәжірибе жинаған азамат. 
 Оның алдында өңірдің экологиялық жағдайын жақсартуға бағытталған жобаларды іске асыру, вегетация кезеңінде Сырдария өзенінде су тапшылығының алдын алу жұмыстарын ұйымдастыру міндеті тұр. 
 Мемлекет басшысының тапсырмасына сәйкес Солтүстік Арал теңізін сақтап қалу жобасының екінші кезеңін бастау, Көкарал бөгетін сақтап қалу, облыс аумағында жаңадан су қоймаларын салу жобаларын іске асыру жұмыстарын үйлестіретін болады,-деді аймақ басшысы.
</blockquote>
Серік Қожаниязов облыстық ауылшаруашылық және жер, ветеринария, табиғи ресурстар және табиғат пайдалануды реттеу, кәсіпкерлік және өнеркәсіп, жұмыспен қамтуды үйлестіру және әлеуметтік бағдарламалар басқармаларына, «Байқоңыр» әлеуметтік кәсіпкерлік корпорациясына жетекшілік жасайды. Сонымен қатар, облыстың құқық қорғау органдарымен бірлесіп, қоғамдық қауіпсіздікті және тәртіпті сақтау жұмыстарын үйлестіреді.
Активте облыстық мәслихат хатшысы Наурызбай Байқадамов, облыстық ардагерлер кеңесінің төрағасы Серік Дүйсенбаев пен облыстық қоғамдық кеңес төрағасы Әріп Хожбанов жауапты да күрделі қызметті тәжірибесі мол, жоғары лауазымдарда шыңдалған азамат ғана атқара алатынын айтып, лайықты тағайындау жасалғанын жеткізді.
Серік Қожаниязов 1965 жылы Қызылорда қаласында дүниеге келген. Кузбасс политехникалық институтын инженер-механик және Лев Гумилев атындағы Еуразия ұлттық университетін экономист мамандықтары бойынша бітірген. 
Еңбек жолын 1989 жылы Қызылорда жөндеу-механикалық зауытында инженер-технолог ретінде бастаған. 
2001-2004 жылдары Қызылорда облысы әкімі аппаратының индустриялық даму бөлімінің меңгерушісі, 2005-2007 жылдары Қызылорда облысының кәсіпкерлік және өнеркәсіп департаментінің директоры, 2007-2008 жылдары Қызылорда қаласының әкімі қызметтерін абыроймен атқарған. 
2008-2014 жылдары Қазақстан Республикасы Премьер-Министрі Кеңсесінің ұйымдастыру жұмысы және өңірлік даму бөлімінің бас инспекторы, бөлім меңгерушісінің орынбасары, бөлім меңгерушісі. 
2014-2019 жылдары Қызылорда облысы әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі лауазымдарын атқарды. 
2019-2021 жылдары Қазақстан Республикасы Президенті Әкімшілігінің мемлекеттік бақылау және аумақтық-ұйымдастыру жұмысы бөлімінің мемлекеттік инспекторы болып қызметін, 2021 жылдың қаңтар айынан осы кезге дейін Қазақстан Республикасы Экология, геология және табиғи ресурстар вице-министрі лауазымын абыроймен атқарды. 
Министрлікте қызметте жүріп, Арал-Сырдария бассейнінде су бөлу мәселелері бойынша Орталық Азия елдерінің Мемлекетаралық су шаруашылығын үйлестіру комиссиясының жұмысына Қазақстан тарапынан жетекшілік жасап, Арал өңірінің экологиялық жағдайын жақсартуға өз үлесін қосты.

Серік Қожаниязов   облыс әкімінің бірінші орынбасары лауазымына тағайындалды

«Қазгидромет» РМК 25 маусымға арналған ауа райы болжамын ұсынды: бұл күні республика бойынша жел күшейіп, найзағай ойнайды, бұршақ пен дауыл күтіледі.
Атмосфералық фронталды бөліктердің әсерінен ҚР аумағының басым бөлігінде тұрақсыз ауа райы сақталады, күн күркіреп, жаңбыр жауады, еліміздің солтүстігінде қатты жаңбыр жауады.
Қызылорда облысында&nbsp;оңтүстік-шығыстан солтүстік-батысқа ойыса отырып 15-20 м/с жылдамдықпен жел соғады, облыстың басым бөлігінде төтенше өрт қаупі сақталады.&nbsp;Қызылордада&nbsp;күндіз 42-44 градус аптап ыстық болады. Төтенше өрт қаупі сақталады.

Қызылордада күндіз 44 градус аптап ыстық болады

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Қазалы ауданына жұмыс сапарымен барып, жаңа үлгідегі 250 орындық емхананың ашылу салтанатына қатысты.
Аймақ басшысы тұрғындарды жаңа емхананың ашылуымен құттықтап, ауданға қажетті нысандарды салу алдағы уақытта да жалғасын табатынын жеткізді.
<blockquote>
 “Бүгін сіздермен көптен күткен ауысымына 250 келушіге арналған аудандық емхананың ашылу салтанатында жүздесіп отырмыз. 
 Бұл – тек қазалылықтар үшін ғана емес, барша облыс халқы үшін аса маңызды жаңалық. 
 Жаңа аурухана науқастарға сапалы, жоғары технологиялық медициналық көмек көрсету үшін заманауи медициналық техникамен, құралдармен жабдықталған. 
 Ресейден «Ангиограф» медициналық аппараты алынып, орнатылды. Бұл коронарография жасайтын аппарат аудандар ішінде тек Қазалыда ғана бар. 
 Бұның барлығы сіздердің сапалы дәрігерлік көмек алуларыңыз үшін жасалған игі істер”, – деді аймақ басшысы.
</blockquote>
Іс-шарада «РЗА» акционерлік қоғамының президенті, Қызылорда облысының құрметті азаматы Самұрат Имандосов жерлестерін құттықтап, жылы лебізін білдірді.
Облыс әкімі емхананың 1 қабаттағы орналасқан медициналық кабинеттердің жұмыстарымен танысты. «Жасыл дәлізден» өтіп, балалар бөлімін аралап шықты және рентген, флюрография, маммография және ФГДС кабинеттерінің жұмыстарымен танысып шығады.
Айта кетейік, емхана құрамында қабылдау бөлімі, педиатрия, жұқпалы аурулар бөлімі, рентгендік диагностикалық бөлім, ортопедия және бронхоскопия, УДЗ кабинеті сынды бөлімдерде білікті дәрігерлер мен тәжірибелі мейірбикелер қызмет көрсететін болады.
<img src="https://kyzylorda-news.kz/wp-content/uploads/2022/06/poliklinika1.jpg" alt="" />
<img src="https://kyzylorda-news.kz/wp-content/uploads/2022/06/poliklinika2.jpg" alt="" />

Қазалы ауданында 250 орындық емхана ашылды

<a href="https://kyzylorda-news.kz/">Kyzylorda-news.kz.</a>&nbsp;ҚР Президенті Жарлығының аясында Қызылорда облысының әкімі Нұрлыбек Нәлібаев аудан халқымен кездесіп, көкейде жүрген сауалдарын тыңдады.
Басқосу барысында аймақ басшысы өңірдегі негізгі міндеттер бойынша жоспарларымен бөлісіп, шешімі күттірмейтін мәселелерді ортаға салды.
<blockquote>
 «Биыл ауылдық елді мекендерді газдандыру бойынша 13 жобаны іске асыру басталды, оның 7-уін осы жылы аяқтаймыз. Нәтижесінде, 15 мыңнан астам халқы бар 7 елді мекен табиғи газға қол жеткізіп, оны тұтынатын халық санының үлесі 68 пайызға жетеді. Биыл Сексеуіл кентін газдандыру жұмыстары басталады. Жобаны келесі жылы аяқтау жоспарда бар. Арал ауданының 65 шақырым жолын жөндеуге 2,5 млрд. теңге қаржы қаралды. Бұл қаржыға Жаңақұрылыс ауылына баратын автомобиль жолының, Қызылжар мен Шөмішкөл елді мекендері арасындағы автомобиль жолының құрылысын саламыз. Сондай-ақ, Бөген-Ақлақ автомобиль жолы, Сазды, Қызылжар елді мекендеріне кіреберіс автомобиль жолы, Аманөткел ауылына баратын автомобиль жолы, Сексеуіл кентіндегі темір жол өткелінен №231 мектепке дейінгі көшеге орташа жөндеу жұмыстары бар», – деді аймақ басшысы.
</blockquote>
Мұнан бөлек, Сырдария өзені арқылы өтетін Хан учаскесіндегі қалқымалы көпір қайта жаңғыртылып, Арал қаласына кіреберіс автомобиль жолы мен қаладағы 5 көшені жарықтандыру жұмыстары басталмақ.
Жиын соңында аймақ басшысы тұрғындармен пікірлесіп, сұрақтарына жауап берді.
Кездесуде балық шаруашылығын дамыту, жол сапасын жақсарту, ауылдарға ауыз су тарту мәселелері айтылды.
<img src="https://kyzylorda-news.kz/wp-content/uploads/2022/06/290169313_329098792744705_5780272746893135838_n-1.jpg" alt="" />

Қазақстан және Қызылорда облысының жаңалықтары: Басты жаңалықтар old