<a href="https://kyzylorda-news.kz/ru/">Kyzylorda-news.kz.</a> Қасым-Жомарт Тоқаев Ұлттық қауіпсіздік комитетінің 30 жылдығына арналған салтанатты жиында ҰҚК органдарының ардагерлерін, офицерлері мен қызметкерлерін құттықтап, олардың Қазақстан мемлекеттігін нығайтуға қосқан үлесін атап өтті, деп хабарлайды Ақорда.
<blockquote>
 – Ұлттық қауіпсіздік жүйесі – мемлекеттігіміздің басты тұғыры. Сондай-ақ, дербес дамуымыздың мызғымас тірегі. Отан үшін аянбай еңбек етіп жүрген азаматтардың арқасында еліміз өсіп-өркендеуде. Сіздер ішкі және сыртқы қауіп-қатерлерге дер кезінде тойтарыс беріп келесіздер. Бүгінде мемлекеттің негізі және конституциялық құрылымы берік қорғалған. Тәуелсіздігіміздің құндылықтары бірнеше рет елеулі сын-қатерлерге тап келді. Сіздер бейбітшілік пен келісімді сақтау үшін табанды еңбек еттіңіздер, – деді Президент.
</blockquote>
Мемлекет басшысы ұлттық қауіпсіздік органдарының екі мыңыншы жылдары терроризм мен радикалды діни экстремизмге қарсы күреске қосқан үлесіне тоқталды. Сондай-ақ Сыртқы барлау қызметінің ұлттық мүддені қорғау жолында өз міндетін табысты орындап келе жатқаны және Комитеттің «А» арнаулы қызметі мен Шекара қызметінің жұмыстары туралы айтты.
<blockquote>
 – Жыл басынан бері Комитет қызметкерлерінің тиімді жұмысының арқасында экстремистік әрекеттерге қатысқан және терроризмді насихаттаған 42 адам ұсталды. Екі терролық актінің алдын алды. Ұйымдасқан қылмысқа қарсы күрес қарқынды жүргізілуде. Ұлттық қауіпсіздік органдары полициямен бірлесіп, бірқатар аса қауіпті қылмыстық топты құрықтады, бандиттік ұйымдардың 22 мүшесі тұтқындалды. Нәтижесінде 700-ге жуық қару-жарақ, 54 граната, 17 мыңнан астам оқ-дәрі тәркіленді. Жарты жылдың ішінде елімізде 15 есірткі лабораториясы, 23 халықаралық және 40 аймақтық есірткі каналдары жойылды, 3 есірткі плантациясы әшкереленді. Шетелдік серіктестермен бірлесіп, халықаралық есірткі тасымалына қарсы күрес аясында 14 халықаралық арнайы операция жүзеге асырылды, – деді Қасым-Жомарт Тоқаев.
</blockquote>
<img src="https://www.akorda.kz/public/assets/media/uploadMedia/1657714314_DSC_6541_2.jpg" alt="" />
Мемлекет басшысының сөйлеген сөзінде келтірілген деректерге сәйкес Қазақстан шекарашылары шекара және аумақтық сулар режимін бұзған 7 мыңнан астам адамды ұстаған. Жалпы құны 8 миллиард теңгеден асатын валюта, алтын және басқа да тауарлардың заңсыз тасымалының жолы кесілген. Сонымен қатар арнаулы қызмет еліміздің ақпараттық қауіпсіздігін сенімді қамтамасыз етуде. Еліміздің маңызды инфрақұрылымдық нысандарына жасалған 1,5 мың DDoS шабуылына сәтті тойтарыс берілді.&nbsp;
<blockquote>
 – Ұлттық қауіпсіздікті қорғау ісі көбінесе ел назарынан тыс жүргізіледі. Оны көпшілік біле бермейді. Дегенмен, сіздердің жұмыстарыңыздың&nbsp; мән-маңызы айрықша.&nbsp; Шынайы патриотизм атақ үшін емес, Отан үшін елге адал қызмет етуден көрінеді. Біз ел мүддесін қорғау жолында құрбан болған қаһармандарды ешқашан ұмытпаймыз. Олардың ерлік істері жұртқа жарияланбайды. Бірақ есімдері Ұлттық қауіпсіздік қызметінің жылнамасына алтын әріппен жазылады. Комитет ардагерлеріне көп жылғы еңбегі үшін зор алғыс айтамын, – деді Қасым-Жомарт Тоқаев.
</blockquote>
Президент күшейіп келе жатқан геосаяси шиеленіс, бұрын-соңды болмаған санкциялық текетірес, гибридті қақтығыстардың таралуы ұлттық қауіпсіздікке жаңа сын-қатерлер қаупін төндіреді деп санайды. Оның пікірінше, қарқынды жаһандану мен жаппай технологиялық төңкеріс елдер арасындағы шекараның ашық болуына әкеп соқтырды. Мемлекеттердің бір-біріне тәуелділігі артады және мұндай жағдайда Қазақстанның ақпараттық және әлеуметтік-мәдени кеңістігіне сыртқы күштердің ықпалы күшейе түседі.
<blockquote>
 – Алдымызда мемлекеттік және қоғамдық институттардың орнықты әрі тиімді жұмыс істеуін, азаматтардың қауіпсіздігін қамтамасыз ету міндеті тұр. Қаңтардағы қасіретті күндерде Комитеттің бірқатар басшыларының намыссыздығы мен сатқындығына қарамастан, көптеген офицерлеріміз өз анттарына адал болып, батыл әрекет етті, нағыз ерлік көрсетті. Өзге елдерде жуырда болған ауқымды қақтығыстар тұрақтылық болмай, орнықты даму мүмкін емес екенін тағы да бір көрсетіп берді. Ұлттық қауіпсіздік – мемлекеттердің бәсекеге қабілеттілігін арттырудың шешуші факторы. Арнаулы қызметтер жұмысының табысты болуы мемлекеттердің ішкі саяси тұрақтылығына ғана емес,&nbsp; сондай-ақ олардың орнықты экономикалық дамуына айтарлықтай дәрежеде байланысты, – деді Мемлекет басшысы.
</blockquote>
<img src="https://www.akorda.kz/public/assets/media/uploadMedia/1657714357_KZ1_4349_2.jpg" alt="" />
Қасым-Жомарт Тоқаев еліміздің Жаңа Қазақстанды құруға кіріскенін, қоғамның барлық саласында&nbsp; түбегейлі жаңғыртулар жүргізіле бастағанын мәлімдеді. Мемлекет азаматтық қоғамды дәйекті түрде дамытып, демократиялық қағидаттарды қорғайды. Оның айтуынша, бұл&nbsp; – еліміздің дамуы үшін өте маңызды қадам. Сондықтан әділдік және заң үстемдігі осы жолда басты бағдар болады. Президент мамыр айында Ұлттық қауіпсіздік комитетін реформалау, яғни оның қызметін түбегейлі трансформациялау және ұлттық қауіпсіздік жүйесін басқару сапасын арттыру жөніндегі Жарлыққа қол қойғанын еске салды.
<blockquote>
 – Өзгерістердің бәрін табысты жүзеге асыру үшін бізге кез келген қауіпке тиімді қарсы тұра алатын заманауи арнаулы қызмет керек. Ұлттық қауіпсіздік органдары ұлттық мүдделерді қорғауда және күшейіп келе жатқан заманауи сын-қатерлерге қарсы күресте алдыңғы шепте болады. Сондықтан аналитикалық және ақпараттық барлау жұмыстарына баса мән бере отырып, проблемаларды бастапқы сатысында жою қажет. Қазақстан жаһандық және өңірлік қауіпсіздікті нығайтуға бағытталған теңгерімді әрі сындарлы сыртқы саясат жүргізеді. Сондықтан еліміздің одақтасы және стратегиялық серіктесі саналатын мемлекеттермен арадағы табысты ынтымақтастықты арнаулы қызметтер саласы бойынша дамыту өте маңызды. Қауіпсіздік саласындағы стратегиялық мақсаттарды жүзеге асыру кезінде азаматтар құқығының тапталуына және елімізде іскерлік климаттың бұзылуына жол беруге мүлде болмайды, – деді Президент.
</blockquote>
<img src="https://www.akorda.kz/public/assets/media/uploadMedia/1657715025_DSC_7042_2.jpg" alt="" />
Мемлекет басшысының пікірінше, арнаулы органда қызмет ету, ең алдымен, жан-жақты, сан қырлы білім иесі болуды, кез келген жағдайды терең зерттеп, салмақты, парасатты шешім қабылдай білуді талап етеді.
<blockquote>
 – Комитеттің әрбір қызметкері өз ісіне адал және нағыз маман болуға тиіс. Қандай жағдай болсын, мемлекет мүддесі бәрінен жоғары тұруы қажет. Сіздердің кәсіби қабілеттеріңіз бен жеке адами қасиеттеріңіздің арқасында ел мүддесі тиісті деңгейде қорғалатыны анық. Сондай-ақ азаматтарымыздың билікке деген сенімі артып, мемлекетіміздің болашағы жарқын болмақ. Сондықтан кез келген жағдайды терең зерттеп, салмақты, парасатты шешім қабылдай білу – өте маңызды міндеттеріңіз, – деді Қасым-Жомарт Тоқаев.
</blockquote>
Жиын соңында Президент ұлттық қауіпсіздік органдарының бірқатар қызметкерін мемлекеттік наградалармен марапаттады.

Мемлекет басшысы Ұлттық қауіпсіздік комитетінің 30 жылдығына арналған салтанатты жиынға қатысты

<a href="https://kyzylorda-news.kz/ru/">Kyzylorda-news.kz.</a> Биыл Қызылорда облысында ұзындығы 348 шақырымды құрайтын автомобиль жолдары мен көпір өткелдерін және көшелерді жөндеуден өткізу жоспарланған. Ол үшін республикалық және облыстық бюджеттен барлығы 18,5 млрд. теңге бөлініп отыр.Бүгінгі күні 104 шақырым жол желісі жөндеуден өткізіліп, 4,7 млрд. теңгесі толық игерілді. Бұл туралы аймақ басшысы облыстық мәслихаттың кезекті 17-ші сессиясында мәлімдеді.
«Нұрлы жол» бағдарламасы аясында жоспарланған 13 млрд. 272 млн. теңге қаржыға 104 км. жол салынды. Ал, «Өңірлерді дамыту» бағдарламасына сәйкес облыс орталығындағы Сұлтан Бейбарыс көшесінен Қызылжарма каналына дейінгі4 шақырымды құрайтын магистралды көшенің құрылысы аяқталып, пайдалануға берілді.
<blockquote>
 «Облыстық бюджеттен «Кіші қалаларды дамыту» бағдарламасы шеңберінде 69 млн. теңге бөлініп, Арал қаласының 10 көшесі және Қазалы қаласының 10 көшесі қайта жаңғыртудан өткізілуде.
 «Ауыл – ел бесігі» бағдарламасы бойынша республикалық бюджеттен 1 млрд.&nbsp;594 млн. теңге бөлініп, 14 жобаның құрылыс жұмыстары жүргізілуде.
 Сонымен қатар, облыстық бюджеттен Қызылорда қаласы мен облыс аумағында кент, ауылдық округтердің 50 шақырымболатын көшелерін жөндеу жұмыстарына 3 млрд.&nbsp;345&nbsp;&nbsp;млн.&nbsp;теңге бөлінді», деді аймақ басшысы.
</blockquote>
Өткен жылдың қорытындысымен облыстық және аудандық маңызы бар автомобиль жолдарының жақсы және қанағаттанарлық жағдайы белгіленген индикаторлық көрсеткіш – 75 пайызға жеткізілген. 2022 жылы бұл индикаторлық көрсеткішті 82 пайызға жеткізу көзделіп отыр.

Биыл Қызылорда облысында 348 шақырым жол жөнделеді

<a href="https://kyzylorda-news.kz/ru/">Kyzylorda-news.kz.</a> Бүгінгі күні табиғи газды облыс халқының 67 пайызы тұтынады. Биыл ауылдық елді мекендерді газдандыру бойынша 13 жобаны іске асыру басталды, оның 7-уі осы жылы аяқталады.
Облыс әкімі Нұрлыбек Нәлібаев облыстық мәслихаттың кезекті 17-ші сессиясында осылай деп мәлімдеді.
Нәтижесінде, 15 мыңнан астам халқы бар 8 елді мекен (Ақмая, Алғабас, Пірімов, Басықара, Жалантөс батыр, Бірлік, Қыраш, Қазалы қаласы) табиғи газға қол жеткізеді. Осылайша, газ тұтынатын халық санының үлесі 68 пайызға жетеді.

Қызылорда облысында 8 елді мекен газдандырылады

<a href="https://kyzylorda-news.kz/ru/">Kyzylorda-news.kz.</a> Бүгін Мемлекет басшысы Қасым-Жомарт Тоқаев бейнежазба арқылы «AMANAT» жастар қанатының кезектен тыс VI Съезіне қатысушы делегаттарға құттықтау сөз арнап, ел жастарына арнайы үндеу жолдады. Съезд барысында жастар қанатын трансформациялаудың жаңа бағдарламасы қабылданып, Орталық кеңестің құрамы мен жастар ұйымының атауы өзгертілді.
Ақмола облысының Зеренді ауылында өтіп жатқан Съездің пленарлық отырысына еліміздің барлық өңірінен 350-ден астам делегат пен қонақ қатысты.
Пленарлық отырыс барысында Қазақстан Президенті Қасым-Жомарт Тоқаев «AMANAT» партиясы жастар қанатының кезектен тыс VI Съезінің делегаттарына арнайы үндеу жолдады.
Онда Президент Жаңа Қазақстанның жастары айрықша түсінуге тиіс үш маңызды бағытты атады. 
Олар – терең білім, еңбекқорлық және отаншылдық қасиет.
Біріншіден, Мемлекет басшысының айтуынша, көзі ашық, көкірегі ояу азаматтар елді алға бастайды, болашақтың кілті цифрлық технология мен инновацияда. Сондықтан бірнеше тіл біліп, түрлі кәсіп игеру жастардың қолынан келеді. Президент атап өткендей, еліміз бәсекеге қабілетті болуы қажет. Халқымыздың әл-ауқатын арттырып, тұрмыс сапасын жақсарту керек.
Мемлекет басшысының айтуынша, білімді әрі білікті өрендер ғана биік мақсатқа жете алады. Елге тірек болу – әрбір жастың мұраты. Ел жастардан тың бастамалар және озық идеялар күтеді. 
Екіншіден, жастар адал еңбекті бағалап, рухы биік, санасы сергек болуға тиіс. Жаңа заманның жақсы қасиеттерін бойға сіңіре отырып, жаһанданудың жағымсыз әсерлерін де естен шығармау керек. Мемлекеттік мүдде бәрінен биік тұруы керек екенін айта келіп, Президент әрбір жасты ана тілін, ата дәстүрін, төл тарихын білуге үндеді.
Үшіншіден, отаншылдық қасиет туралы Мемлекет басшысы әркім қоғам алдындағы жауапкершілігін терең сезіну керек екенін, туған елге құрмет жалынды сөзден емес, жасампаз істен көрінетінін, алдына мақсат қойған азамат нағыз мемлекетшіл тұлғаға айналатынын ерекше атап өтті.
Қасым-Жомарт Тоқаев сөзін қорытындылай келе, аға буынның жастарға зор үміт артатынын, оны жастардың ақтайтынына сенім білдіріп, Съезд жұмысына табыс тіледі.
Өз кезегінде, жастар қанатының төрағасы Нұржан Жетпісбаев еліміздің саяси жүйесінің трансформациясы «AMANAT» партиясының трансформациясынан басталғанын атап өтті.
<blockquote>
 «Партияны дамытудың кезекті кезеңі оның жастар қанатын жаңғырту саналады. Біз жастар мен билік арасындағы өзара іс-қимылдың тиімді арнасына айналғымыз келеді. Барлық өңірден келіп түскен ұсыныстар негізінде қайта жандандыру бағдарламасы әзірленді. Сондай-ақ ұйымның Орталық кеңесінің құрамы қайта қаралды», – деді Нұржан Жетпісбаев.
</blockquote>
Пленарлық отырыс барысында сөз сөйлеген медиаволонтер Диас Камериданов партияға барлық тарихи құжаттар мен деректі фильмдер қазақ және ағылшын тілдерінде цифрландырылатын «Tarih» бірыңғай платформасын әзірлеуді ұсынды. Бұл Қазақстан тарихын диджитализациялауға және оны баршаға қолжетімді етуге мүмкіндік береді.
Партия жастар қанатының Алматы қалалық филиалының волонтері Ариана Белобжицкая еріктілердің 100 мектебін қамтитын Волонтерлер академиясын құруды ұсынды.
<blockquote>
 «Бұл бір алаңда түрлі бағыттағы еріктілерді жинауға мүмкіндік береді. Олар жаңа білімді, тәжірибе мен біліктіліктерді ала алады. Шетелдік сарапшылардан да үйренеді», – деп атап өтті ол.
</blockquote>
Қаңтар айындағы оқиғалар кезінде әскери қызметте болған ақтөбелік Ұлан Мырзабайдың айтуынша, Отан қорғау – әрбір қазақстандықтың азаматтық борышы.
Жастардың патриоттық тәрбиесіне ерекше назар аудару қажет. Бұл ретте, партияның жастар қанаты жүзеге асырып жатқан «Qaisar» жобасы бұрынғыдан да өзекті бола түсті. Биыл осы жоба аясында ел аумағындағы 2000-нан астам жоғары сынып оқушысы қамтылды. Осы бағыттағы жұмысты белсенді түрде жалғастыру керек», – деді Ұлан Мырзабай.
Бұдан соң Солтүстік Қазақстан облысы Озерное ауылы мектебінің информатика пәнінің мұғалімі Асыл Ахметова сөз сөйледі: «Қазіргі уақытта жастардың басым бөлігі өз болашағын мегаполистермен байланыстыратыны жасырын емес. Алайда ауыл – халқымыздың бесігі. Сондықтан жастарды қолдауға бағытталған бағдарламалар үлкен қалалармен шектелмей, ауыл жастарына дейін жетуі тиіс».
Асыл Ахметова көшпенділер мұрасы мен түркі әлемінің құндылықтарын дәріптеудің маңызы зор екенін атап өтті. Осы мақсатта, әр жыл сайын түрлі мемлекеттерде өткізіліп келе жатқан Дүниежүзілік көшпенділер ойындарын 2024 жылы қазақ даласында ұйымдастыруды ұсынды. 
Сондай-ақ, қоғам қайраткері Дәулет Мұқаев Съезд делегаттары мен қонақтарын «Ақылды жас Азамат» және «AQYL BATTLE» жобалары туралы хабардар етті.
ЕУРО-2022-нің үздік шабуылшысы атанған «Қайрат» футзал клубының шабуылшысы Біржан Оразов партияның жастар қанатының атауын өзгертуді ұсынды.
«Жаңа Қазақстанды өз Отанын сүйетін, білімді, парасатты, дарынды, рухты жастар құратыны сөзсіз. Сондықтан бүгінгі делегаттарға партияның жастар қанатының атауын «Жастар Рухы» деп өзгертсек деген ұсынысым бар», – деді Біржан Оразов.
Бұл шешімді іс-шараның барлық қатысушылары қолдады.
<blockquote>
 «Рух – халқымыз үшін киелі құндылықтарды білдіретін ұғым. Бұл атау өте терең мағынаға ие, үлкен жауапкершілік жүктейді. Жаңа атау ұйымның жұмысын да түбегейлі өзгертуді талап етеді. Яғни, жаңартылған жастар қанаты жас ұрпақтың мүдделерін шын мәнінде қорғауы тиіс», – деді Мәжіліс депутаты Елнұр Бейсенбаев.
</blockquote>
«AMANAT» партиясы Саяс кеңесінің мүшесі, танымал тележүргізуші Мақсат Толықбай партия атауын өзгерту туралы ұсынысқа қолдау білдірді.
<blockquote>
 Қазақ халқы әуелден рух, намыс ұғымдарын айрықша қастерлейді. Ал рухани байлық дегеніңіз – ұлттық сана, тіл, діл. Ең үлкен байлығымыз да осы адами капитал, рухани құндылықтар. Ел болашағы білімді жастардың қолында. Бабалар аманаты жас буын білім мен еңбекқорлықты үлгі ете алған кезде орындалады. Жаңа Қазақстан – рухани сабақтастық», – деді Мақсат Толықбай.
</blockquote>
Съезді қорытындылай келе, «AMANAT» партиясының Төрағасы Ерлан Қошанов Жаңа Қазақстан болашақ жастардың игілігі үшін құрылып жатқанын атап өтті.
<blockquote>
 «Бұл реформалардың мәні неде? Сіздердің әрқайсыңызға – еліміздің саяси өміріне, бизнеске, басқа да қоғамдағы маңызды мәселелерге еркін араласу үшін тең мүмкіндік беру. Бір сөзбен айтқанда, біздің жастарымыз келешекте әділетті де ашық қоғамы бар қуатты Қазақстанда өмір сүрулері керек. Президент бастамасымен осы өзгерістердің барлығы Конституциямызға енгізілді, шегеленді, заңдастырылды. Ендігі кезекте осы реформаларды іске асыруда – алдыңғы қатарда жастар, әрине сіздердің болуларыңыз өте маңызды», – деді Ерлан Қошанов.
</blockquote>
«AMANAT» партиясының Төрағасы жастар қанатының алдына бірқатар перспективалық міндет қойды. Атап айтқанда, жастар проблемаларының аймақтық карталарын енгізу, дарынды жастар үшін жобалар жәрмеңкесін және басқа да іс-шараларды өткізу, жас көшбасшыларға арналған оқу бағдарламаларының тиімділігін арттыру, NEET санатындағы жастардың проблемаларын шешу жөніндегі жұмысты күшейту, «Бір толқында» пікірталас алаңын және ЖОО түлектерін жұмысқа орналастыру бойынша агенттік құру.
VI кезектен тыс Съездің шешімімен жастар қанатын трансформациялаудың жаңа бағдарламасы қабылданды, жастар ұйымының атауы өзгертілді. Орталық кеңестің құрамы қоғамдық пікірдің белсенді көшбасшыларын, ҮЕҰ өкілдерін және т.б. тарту есебінен кеңейтілді.

«AMANAT» партиясының жастар қанаты «Жастар Рухы» болып өзгерді

<a href="https://kyzylorda-news.kz/">Kyzylorda-news.kz.</a> Биыл облысқа 373,5 млрд. теңге инвестиция тарту көзделген. Индустрияландыру бағдарламасының үшінші бесжылдығында құны 654 млрд. теңгенің 46 жобасын іске асыру жоспарлануда. Бұл жобалар жүзеге асқан кезде 7,4 мың жұмыс орны ашылады. Бұл туралы бүгін облыстық мәслихаттың кезекті 17-ші сессиясында облыс әкімі Нұрлыбек Нәлібаев мәлімдеді.
Жалпы индустрияландыру бағдарламасы шеңберінде іске қосылған жобалармен шығарылған өнім көлемі бүгінде 22 млрд. теңгені құрап, 18,2% артты. Биылдың өзінде 9 млрд.теңгеге 258 жұмыс орны құрылатын 5 жобаның іске асырылуы жоспарлануда.
Аймақ басшысы өткен жылдың есепті кезеңімен салыстырғанда облыстың экономикалық дамуында оң тенденция бар екенін атап өтті. Нақтылап айтқанда, ауыл шаруашылығының жалпы өнімі – 1,5% (30,3 млрд.теңге), инвестициялар тарту – 17,1% (127,7 млрд.теңге), құрылыс жұмыстары – 27,4% (33,8 млрд.теңге), пайдалануға берілген тұрғын үйлер – 4,9% (312,2 мың шаршы метр) және сауда 1,8% (273 млрд.теңге) артқан.

Қызылорда облысына биыл 127,7 млрд.теңге инвестиция тартылды

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаевтың қатысуымен облыстық мәслихаттың кезектен тыс XVІІ сессиясы өтті. Сессияны облыстық мәслихат хатшысы Наурызбай Байқадамов жүргізді.
Жиынға ҚР Парламенті Сенатының депутаты Мұрат Бақтиярұлы және облыстық мәслихат депутаттары, басқарма басшылары, қала және аудан әкімдері қатысты.
Күн тәртібінде 15 мәселе қаралды. Облыс әкімі Нұрлыбек Нәлібаев аймақ басшысы ретіндегі өзіне жүктелген функциялар мен міндеттердің орындалу барысын баяндап, 2021 жылға арналған облыстық бюджеттің атқарылуы жөнінде есеп берді. Өңір басшысы облыстың экономикалық дамуында оң тенденцияның қалыптасқанын тілге тиек етіп, аймақ үшін маңызды жобаларды тізбеледі.
<blockquote>
 «Облыстың экономикалық дамуында оң тенденция бар. Ауыл шаруашылығының жалпы өнімі 1,4 пайызға, инвестициялар тарту 14,7, құрылыс жұмыстары 8,3, пайдалануға берілген тұрғын үйлер 11 және сауда 1,4 пайызға артты. 
 Дегенмен, өнеркәсіп өндірісі жыл басынан бері төмендеп келеді. Өйткені, өңірде мұнай өндіру көлемі жыл сайын азаюда. Соңғы жылдары мұнайдың сарқылуына байланысты оның жаңа көздерін анықтау мақсатында геологиялық зерттеу жұмыстары басталды. 
 Жұмыс жасап тұрған шағын және орта бизнес субъектілерінің саны 6,5 пайызға артып, 52876 бірлікті құрады. Жыл басынан бері экономика салаларында 13 297 жұмыс орны құрылды, оның 5884-і тұрақты. Жұмыссыздық деңгейі 4,9 пайызды құрады», – деді Нұрлыбек Нәлібаев.
</blockquote>
<img src="https://kyzylorda-news.kz/wp-content/uploads/2022/07/293392358_341298278191423_6435079662653223729_n.jpg" alt="" />
Сессия отырысында облыс әкімі өңірге қаржы тарту мәселесіне де тоқталды. Биыл 373,5 млрд.теңге инвестиция тарту көзделген. Осы ретте Индустрияландыру бағдарламасының үшінші бес жылдығында құны 654 млрд.теңгенің 46 жобасын жүзеге асыру жүргізілуде. Бүгінде жобалармен шығарылған өнім көлемі 22 млрд.теңгені құрап, 18,2 пайызға артты. Биылдың өзінде 9 млрд.теңгеге 258 жұмыс орны құрылатын 5 жоба іске асырылмақ.
Мұнан соң Нұрлыбек Нәлібаев 2021 жылғы облыс бюджетінің жұмсалуы мен аймақтың 2021-2025 жылдарға арналған даму жоспарының орындалуына тоқталды. Былтыр бюджеттік түсімдер болжамы 100,3%-ға орындалып, кірістер 1,3 млрд.теңгеге артық түскен. Ал, шығыстар бойынша бюджеттің атқарылуы 99,1% құраған.
«Қызылорда облысының 2021-2025 жылдарға арналған даму жоспарындағы» 25 нысаналы индикатордың 17-сі былтыр орындалып, оң көрсеткіштер көрсетті. Алайда, аймақ басшысы даму жоспарының орындалу барысын әлі де белсендету қажеттігін атап өтті.
Сессия отырысында аймақ басшысы маңызды мәселелердің бірі ретінде облыстың қарыз міндеттемелері бүгінгі күнге 101,1 млрд.теңгені құрағанын алға тартты. Жыл соңына дейін тек білім саласының өзіне педагогтердің жүктемесі 18-ден 16 сағатқа төмендеуіне байланысты 12 млрд.теңге, балабақшалардағы жан басына қаржыландыру әдістемесіне экологиялық коэфициенттің есептелмеуінен 3,4 млрд.теңге, жобалық қуаты 100 орынға дейінгі мемлекеттік балабақшалардың еңбекақысы мен коммуналдық шығындарына 1,7 млрд.теңге, барлығы 17,1 млрд теңгенің қажеттігі бар.
Жиын барысында депутаттар тарапынан бірқатар мәселелерге қатысты ұсыныстар айтылды. Облыс әкімі әрбір көтерілген мәселелер мен жолданған пікірлер зерделеніп, жан-жақты талқыға салынып, орнықты шешім қабылданатынын жеткізді.
<img src="https://kyzylorda-news.kz/wp-content/uploads/2022/07/293177541_341298218191429_655726703858904545_n.jpg" alt="" />

Нұрлыбек Нәлібаев мәслихаттың кезектен тыс XVІІ сессиясында аймақтың даму жоспарын баяндады

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев «Қазақстан барысы-2022» турнирінің жеңімпазы Мақсат Исағабылов пен «Алтайдай жер қайда?» атты халықаралық ақындар айтысының жүлдегері, үш дүркін «Алтын домбыра» иегері, айтыс өнерінің ақберені Мұхтар Ниязовты қабылдады.
Аймақ басшысы Сыр саңлақтарын және Мақсаттың бапкері, қазақ күресінен облыстың аға жаттықтырушысы Болатбек Кенеевті жеңісімен құттықтап,қос аймақ жұртының риясыз алғысын жеткізді.
<blockquote>
 «Әрбір жүрек түбінде жаңғырар алау сезім, ұлы күш болады. Ұлт даналығы «Ер – намысының құлы» деп бекер айтпаған. Осы ұлттық намыс бізді жеңіске жетелейді, қаһармандыққа бастайды. Бүгінгі бауырларымызды да осы қасиет оздырды. Әрине, ұшқыр да ұтқыр ұлдарымызды қалай ұлықтасақ та жарасымды. Өздеріңізге белгілі, биылғы жылдың мамыр айында мәдениет пен спорт саласы бірігіп, ірі құрылымға айналды. Ол – бірліктің белгісі, оның ерекшілігі – егіз. Сөзімнің дәлелі, Мақсат пен Мұхтардың үйлесімді жеңісі», – деді облыс әкімі.
</blockquote>
Басқосу барысында аймақ басшысы Мақсат Исағабыловқа 2 бөлмелі пәтердің кілтін табыстап, Мұхтар Ниязовқа ақ боз ат мінгізді.
Өз кезегінде қос саңлақ алғаусыз алғысын арнаған Сыр жұртына зор ризашылығын білдіріп, байрақты бәсекелер мен сөз аламанында аймақтың жүлде тайқазанына олжа салатынын жеткізді.

Аймақ басшысы дүбірлі дода жүлдегерлерін жеңісімен құттықтады

<a href="https://kyzylorda-news.kz/">Kyzylorda-news.kz.</a> Қазгидромет 12 шілдеге арналған ауа райы болжамын жариялады.
ҚР басым бөлігінде тұрақсыз ауа райы сақталады – жаңбыр, күндіз орталығында қатты жаңбыр жауады. Найзағай, бұршақ, желдің күшеюі күтіледі, күндіз еліміздің оңтүстік-батысында, оңтүстігінде шаңды дауыл болады. Тек ҚР батысы мен оңтүстік-батысында жауын-шашынсыз ауа райы сақталады.
Қызылорда облысының басым бөлігінде төтенше өрт қаупі сақталады.

12 шілдеге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Абай, Жетісу және Ұлытау облыстарынан парламент сенатының депутаттарын сайлауды тағайындау туралы жарлыққа қол қойды, деп хабарлайды Ақорда.
<blockquote>
 “Абай, Жетісу және Ұлытау облыстарынан сенат депутаттарын сайлау 2022 жылғы 24 тамызға тағайындалсын”, – делінген мәтінде.
</blockquote>
Дауыс берудi өткiзу, сайлау қорытындыларын белгілеу жəне сенат депутаттарының өкiлеттiк мерзiмiн айқындау “Қазақстан Республикасындағы сайлау туралы” Конституциялық заңның 129-бабына сəйкес жүзеге асырылады.
Үкімет пен үш облыстың әкімдеріне сайлауды ұйымдастырушылық, материалдық-техникалық жəне қаржылық қамтамасыз ету жөніндегі шараларды қабылдау тапсырылды. 
Жарлық алғашқы ресми жарияланған күнінен бастап қолданысқа енгізіледі.
8 маусым күні президент Қасым-Жомарт Тоқаевтың жаңа облыстардың әкімшілік құрылысына қатысты жарлығы күшіне енді.
Енді Қазақстанда 17 емес, барлығы 20 өңір. Жаңадан Ұлытау, Абай және Жетісу облыстары қосылды.

Жаңа құрылған үш облыстан сенат депутаттары сайланады

<a href="https://kyzylorda-news.kz/">Kyzylorda-news.kz.</a>&nbsp; Қазақстанда сақтандыру сыйлықақыларының 60%- дан астамы ерікті мүліктік сақтандырудың, атап айтқанда, мүлікті сақтандырудың үлесіне келеді. Бұл, өз ғимараттарын, түрлі үй-жайларын, техникалық жабдықтарды, тіпті интерьер заттарын, жиһаздарын ерікті түрде сақтандыратын азаматтар мен кәсіпкерлер санының күннен күнге артып отырғанын білдіреді.
Экономиканың тұрақсыздығы жағдайында бұл өте саналы шешім. Сонымен қатар, сақтандыру мәдениетін дамыта және арттыра отырып, өз өміріңізге, денсаулығыңызға қамқорлық жасау да маңызды.
Сақтандыру не үшін қажет және қандай сақтандыру түрлері бар екендігі жөнінде Fingramota.kz. айтып береді.
Сақтандыру деген не?
Бүгінгі таңда сақтандыру –бұл, бірінші кезекте, өзіңе, өз отбасыңа және мүлкіңе деген қарым-қатынас мәдениеті. Бір сөзбен айтқанда, бізге не қымбат және құндының барлығына.
Сақтандыру сізді және сіздің мүлкіңіздікез-келген тосын жағдайлардан, мәселен, өрт немесе су тасқынынан, автокөлік құралын ұрлап әкету немесе кенеттен сырқаттану және уақытша еңбекке жарамсыздықтың нәтижесінде болатын жағдайлардан қорғауға көмектеседі. Әрине, сақтандырудың болуы толық қауіпсіздікті білдірмейді, дегенмен де ол шығындарды өтеуге мүмкіндік береді және олардың салдарын барынша аз болуына сенімділік береді. Сақтандырусөзі ағылшын тіліндегі«insurance», яғни «сенімділік» деген мағынаны &nbsp;білдіруі бекер емес.
Біздің ешқайсымыз кездейсоқ оқиғалардан сақтандырылған жоқпыз және сақтандыру жағдайы басталған кезде ешкім бізге залалды өтемейді. Барлық шығындарды өз қалтаңыздан төлеуге тура келеді. Алайда, тиісті сақтандыру болған жағдайда сіз өзіңіздің әмияніңіз бен отбасылық бюджетіңізге ауыртпалық түсірмей, сақтандыру төлемін ала аласыз.
Сақтандыру төлемі–бұл сақтандырушы сақтанушыға (пайда алушыға) сақтандыру жағдайы басталған кезде немесе жинақтаушы сақтандыру шартында белгіленген мерзім басталған кезде сақтандыру сомасы шегінде төлейтін ақша сомасы.
Сақтандыру қағидатын түсіну үшін ауа-райы болжамынаұқсастықты келтіреміз. Егер синоптиктер жауын-шашынсыз көшпелі бұлт шығады деп уәде берсе, жауын-шашын ықтималдығы әлі де бар. Сондықтан қолшатыр артық болмайды. Егер сіз маңызды кездесуге баратын болсаңыз, онда сіз табиғаттың тосынсыйы сіздің жоспарларыңызды бұзғанын қаламайсыз. Сақтандыру дәл осы қағида бойынша жұмыс істейді, яғни егер сіз сақтандыру полисін пайдаланбасаңыз, өзіңіздің жолыңыз болды деп есептеңіз. Алайда, &nbsp;бір мезетке елестетіп көріңізші, кенеттен нөсер жаңбыр басталды, ал сізде қолыңызда алдын-ала қамданғаныңыздың арқасында қолшатыр бар. Нәтижесінде сіз кездесу орнына жақсы жетесіз. Сақтандыру-бұл сізді және сіздің мүлкіңізді түрлі тәуекелдерден қорғайтын «қолшатыр».
Сақтандырудың қандай түрлері бар?
Сақтандыру екі түрге бөлінеді: заң талаптарына сәйкес жүзеге асырылатын міндетті және ерікті, яғни сақтандыру шарты тараптарының еркі бойынша жүзеге асырылады.
Бүгінгі таңда сақтандыру компаниялары сақтандырудың 9 міндетті және 24 ерікті сыныбы бойынша қызмет көрсетеді.
Сақтандыру түрлерімен, оның ішінде міндетті сақтандыру түрлерімен ҚР Қаржы нарығын реттеу және дамыту агенттігінің www.gov.kz интернет-ресурсында «Статистика» → «Сақтандыру секторы» бөлімінде танысуға болады.
Ерікті сақтандыру сақтандырунысаны бойынша жеке және мүліктік болып бөлінеді.
Ерікті сақтандырудың негізгі түрлері: мүлікті сақтандыру, өмірді жинақтаушы сақтандыру, сырқаттану жағдайында сақтандыру, жазатайым оқиғадан сақтандыру, КАСКО, азаматтық-құқықтық жауапкершілікті сақтандыру.
Өмірден мысалдар: сіз жаңа көлік сатып алдыңыз, бірақ бірнеше күннен кейін сызаттар байқадыңыз. Автосалонда сіз КАСКО сақтандыру полисін рәсімдегеніңізқандай жақсы болған, ол сіздің машинаңыздың зақымдануына байланысты шығындарды өтеуге көмектеседі. Егер сіз тек көлік құралдары иелерінің азаматтық-құқықтық жауапкершілігін сақтандырумен шектелсеңіз, онда бәрін өз күшіңізбен қалпына келтіруге тура келер еді. &nbsp;Немесе сіздің спортшы көршіңіз өзін жазатайым оқиғалардан сақтандыруға шешім қабылдап, ерікті сақтандыру полисін сатып алған болды. Бұл да өте дұрыс шешім болған -бір күні, ол сәтсіз тайып құлап, аяғын сындырып алды, ал сақтандыру компаниясы оған шартта келісілген сақтандыру сомасын төледі.
Сондай-ақ, сол бір немесе басқа сақтандырудың қажеттілігін анықтау бойынша мынадай нақты ұсыныстар бар: тәуекелдерді анықтау, сақтандыру компаниясын дұрыс таңдау. Тәуекелдердің әртүрлі жіктелімі болатыны туралы айта кету керек. Олар әдетте:
– қауіп түрлері бойынша, адамның іс-қимылымен байланысты техногендік тәуекелдерге: өндірістік апаттар, қоршаған ортаның ластануы және т.б.;
– табиғи апаттар түріндегі табиғи тәуекелдерге: жер сілкінісі, дауыл, найзағай және т.б.;
– қызмет саласы бойынша: қаржылық, коммерциялық, саяси, кәсіптік, көлік тәуекелдеріне;
– объектілер бойынша: азаматтардың өмірі мен денсаулығына зиян келтіру тәуекелдеріне, мүліктік тәуекелдерге жіктеледі.
Сақтандыру қызметтерін қашықтан алуға болады ма?
Сақтандыру мәдениеті біздің күнделікті өміріміздің бір бөлігіне айналуда және Еуропаның орташа статистикалық әрбір тұрғынында, әдетте, жалақысының айтарлықтай бөлігін жұмсайтын 2-3 сақтандыру полисі болса, орташа статистикалық қазақстандық осы бағытқа енді бет алып келе жатыр.
Сақтандыру Қазақстанның қаржы нарығының ірі сегменті ретінде күннен күнге дамуда. Басты назар цифрландыруға аударылып, соның нәтижесінде цифрлық технологиялар сақтандыру қызметтеріне бейімделуде. Нәтижесінде міндетті және ерікті сақтандырудың барлығы дерлік түрлері бойынша сақтандырушымен <a href="https://fingramota.kz/ru/post/onlajn-polis-chto-mozhno-zastrahovat-ne-vyhodya-iz-doma">қашықтан</a> шарт жасасуға болады.
Бүгінгі таңда автокөлік пен жылжымайтын мүлікті сақтандыру полистері сияқты барынша стандартталған өнімдер онлайн-форматқа ауыстырылуда. Мысалы, 2019 жылдан бастап автокөлік иелері автокөлікті міндетті сақтандыру шартын онлайн режимінде жасау мүмкіндігіне ие болды, қазіргі уақытта КҚИ АҚЖ бойынша шарттардың 100%-ы электронды нысанда жасалуда. Автокөлік иелері үшін жағымды бонус – қағаз құжаттарды өзіңізбен бірге алып жүрудің қажеті жоқ. Электрондық полистің мәні Бірыңғай сақтандыру дерекқоры (БСД) арқылы шарт жасасуда және ол оған бірегей нөмір беруді көздейді. БСД ​​деректері сақтандыру сыйлықақыларын төлеу тарифтерін автоматты түрде есептеуге мүмкіндік береді.
Цифрландырудың келесі кезеңі – сақтандыру жағдайын онлайн-реттеуді енгізу, оның мәселесі заң шығарушылық бастамалар шеңберінде қаржы реттеушісімен пысықталуда. Реттеуші сақтандыру төлемдерін қабылдау процесін электрондық форматқа көшіруді жоспарлап отыр.Сақтандыру оқиғасы орын алған жағдайда, іске асыру нәтижелері бойынша клиент төлем алу үшін кеңсеге бармай-ақ, сақтандыру компаниясының сайтында өтініш бере алады. Құжаттар топтамасын қалыптастырудан бастап, сақтандырушының шешімін төлеуге немесе шағымдануға дейін сақтандыру жағдайын реттеу процесінің барлық кезеңдері БДСБ-да тіркелетін болады.
Атап айтарлығы, 2022 жылдан бастап БДСБ&nbsp; базасы ерікті сақтандыру сыныптары жөніндегі деректермен толықтырылып келеді, бұл келешекте барлық сақтандыру полистері бойынша толық және нақты статистиканы алуға мүмкіндік береді, сақтандырушылардың клиенттермен өзара іс-қимылының барлық процесінің ашықтығын қамтамасыз етеді.
БДСБ – бұл бірыңғай сақтандыру базасы, оның жұмыс істеуін Мемлекеттік кредиттік бюро қамтамасыз етеді. Ол бүкіл сақтандыру секторы бойынша деректерді жинауға арналған ақпараттық-технологиялық платформа болып табылады; міндетті сақтандыру шарттарын жасасуды ұйымдастыруды,&nbsp; мемлекеттік дерекқормен&nbsp; өзара іс-қимылды, талдау мен есептеулер жүргізу үшін қажетті статистиканы жинақтауды, және басқа да қызметтерді қамтамасыз етеді.
Сақтандырукомпаниясынтаңдаукезінде неге назараударукерек?
<ol>
<li>Қаржы реттеушісінің лицензиясының болуы</li>
</ol>
Сақтандыру компаниясы ҚР Қаржы нарығын реттеу және дамыту агенттігінің сақтандыру қызметін іске асыру құқығына берген лицензиясы болған кезде ғана жұмыс істеуге құқылы. Оны тексеру үшін Агенттіктің www.gov.kz интернет-ресурсындағы «Рұқсаттар мен хабарламалар тізілімі» бөліміне өтіңіз (тізілім кестесін жүктеуге, белгілі бір компанияны табуға және лицензияның болуын тексеруге болады).
<ul>
<li>Компанияныңтарифтері</li>
</ul>
Тарифтергеназараударыңыз. Сақтандырудыңміндеттітүрлерібойыншатарифтерзаңнамалықдеңгейдебелгіленеді.
Еріктісақтандырутүрлерібойыншасізполистіңболжамдықұнынсақтандырукомпаниясыныңсайтындаонлайнесептейаласыз. Сақтандырукомпаниясынтаңдаудатолықсенімділікүшіноларұсынатынтарифтерменсақтандыруполистерініңқұнынсалыстырудыұсынамыз.
<ul>
<li>Компанияның беделі</li>
</ul>
Беделі жақсы компанияларды таңдаңыз. Сондай-ақ, сайттан компания жайлы пікірлермен танысудың, сақтандыру қызметтерін пайдаланып көрген таныстарыңыздан сұрап-білудің де маңызы көп.
<ul>
<li>Сақтандыру шартының (сақтандыру полисінің) талаптары</li>
</ul>
Назар аударыңыз! Талаптарын оқып шықпай тұрып, ешқашан шартқа қол қоймаңыз! Сіздің сақтандырушымен қарым-қатынастарыңызды реттейтін бұл маңызды құжатпен, әсіресе, онда сақтандыру жағдайының белгілері көрсетілген тармағымен мұқият танысып шығыңыз. Сіздің сақтандырудың қандай жағдайларға қатысты қолданылатынын, ал қандай жағдайлардың сақтандыру жағдайына кірмейтінін нақты білуіңіз керек.
Шартқа қол қоюдан бұрын компания өкілінен түрлі жағдайларда шығынды өтеу рәсімі туралы нақтылап біліп алыңыз, мерзімдер, франшиза мен басқа да маңызды нюанстардың болуы туралы сұраңыз.
<ul>
<li>Сақтандыруды онлайн ресімдеу кезінде абай болыңыз</li>
</ul>
Сақтандыру полисін онлайн ресімдеудің бірқатар елеулі артықшылықтары бар. Біріншіден, ыңғайлылық, екіншіден, уақытты үнемдеу. Алайда кейбір кемшіліктер де кездеседі, оның ішіндегі басты кемшілік – кибералаяқтарға тап болу қаупі. Мысалы, осы сақтандыру компаниясының сайтын қайталайтын жалған парақшаға тап болу. Сондықтан, полисті онлайн ресімдеу және сатып алудың алдында сайтты мұқият зерттеңіз. Мекенжай жолағына және қорғалған байланыс белгісіне назар аударыңыз, электрондық хатпен немесе SMS-хабармен жіберілген сілтемелер арқылы өтпей, веб-мекенжайды қолмен терген дұрыс.
Сондай-ақ, сақтандыру компанияларының ресми сайттары Агенттіктің <a href="http://www.gov.kz">www.gov.kz</a> интернет-ресурсының «Қаржы нарықтары» → «Сақтандыру&nbsp; секторы» → «Сақтандыру нарығының қатысушылары» бөлімінде көрсетілген.
Қажетті сақтандыру нысанын саналы түрде таңдау арқылы сіз өзіңізді және жақындарыңызды кез келген өмір белестерінен қорғай аласыз, сонымен бірге күтпеген жағдай туындаған уақытта қаржыңызды сақтап қаласыз.

Өз өміріңізді, денсаулығыңызды және мүлкіңізді қалай қорғауға болады?

<a href="https://kyzylorda-news.kz/">Kyzylorda-news.kz.</a>&nbsp; Қазақстанның бірінші ракеткасы Елена Рыбакина Уимблдон-2022-дегі жеңісі үшін теннис федерациясының&nbsp;сыйақысынан бас тартты, деп хабарлайды&nbsp;<a href="https://stan.kz/">Stan.kz</a>&nbsp;.&nbsp;
<blockquote>
 “Біз федерация атынан Елена Рыбакинаға сыйақы бергіміз келген, алайда ол бас тартты. Сонымен қатар ол сыйақыны Қазақстанда жастарды қолдауға және қайырымдылыққа жұмсамақшы”, –&nbsp;деді Қазақстан теннис федерациясының өкілдері.&nbsp;
</blockquote>
Ал&nbsp;Спорт және дене шынықтыру істері комитеті спортшыға ешқандай сыйақы қарастырылмағанын мәлімдеді.&nbsp;
<blockquote>
 “Халықаралық жарыстардың чемпиондарын, жүлдегерлерін, сондай-ақ жаттықтырушыларды ақшалай ынталандыру Қазақстан Республикасы үкіметінің 2007 жылғы 28 наурыздағы №152 қаулысы негізінде іске асырылады. Бұл Уимблдон турнирі коммерциялық болғандықтан, республикалық бюджеттен ақшалай төлем қарастырылмаған”, – делінген Қазақстан Республикасы Спорт және дене шынықтыру істері комитетінің хабарламасында.
</blockquote>

Елена Рыбакина Қазақстан теннис федерациясының сыйақысынан бас тартты

<a href="https://kyzylorda-news.kz/">Kyzylorda-news.kz.</a> ҚР Парламенті Мәжілісінің депутаты, «AMANAT» партиясы фракциясының мүшесі, Ауған соғысы ардагерлері қауымдастығының төрағасы Бақытбек Смағұл Қорқыт ата атындағы Қызылорда университетінің әскери оқу-тактикалық полигонында курсанттармен кездесті.
Білім алушы студенттермен жүргізілетін әскери даярлық университеттің ішіндегі ахуалға, оның тыныс-тіршілігіне оң әсер беріп келеді. Факультеттердегі педагогикалық үдеріспен қатар жүргізілетін әскери даярлық студент жастар бойында Отансүйгіштік, адалдық, кез-келген қиындыққа мойымай қарсы тұра алатындай азаматтық қасиеттерді қалыптастыруға ықпал етеді. Әскери даярлықтан өткен студенттер өздерінің ішкі-сыртқы жинақылығымен, дене дайындығымен, тәртіптілігімен ерекшеленеді.
Қоғам қайраткері ашық аспан астындағы тату-тәтті өмірдің құндылығы жайлы әңгіме өрбітті. Еліміздің абыройын асқақтатып, туған жерді өркендету жолында жұдырықтай жұмылу қажет. Көкірегіміз әрдайым ояу және жігерлі болу керек. Бүгінгі жастар бейбіт өмірдің, тұрақтылықтың қадірін түсіне білуі тиіс екенін атап өтті.
<img src="https://kyzylorda-news.kz/wp-content/uploads/2022/07/293069935_1399354177206433_2171689150267385980_n.jpg" alt="" />
<img src="https://kyzylorda-news.kz/wp-content/uploads/2022/07/293233808_1399351757206675_2571910763997848108_n.jpg" alt="" />
<img src="https://kyzylorda-news.kz/wp-content/uploads/2022/07/293183935_1399352590539925_2743385307162032146_n.jpg" alt="" />

Қазақстан және Қызылорда облысының жаңалықтары: Басты жаңалықтар old