<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Орталық Азия елдеріне шекараны шегендеудің тәсілдерін әзірлейтін сарапшылық алаң құруды ұсынды, деп хабарлайды <a href="https://www.inform.kz/kz/kazakstan-ortalyk-aziya-elderimen-shekarany-shegendeu-tazhiribesimen-bolisuge-dayyn-prezident_a3957387">ҚазАқпарат.</a>
<blockquote>
 «Екінші. Біз, мемлекет көшбасшылары өңірде әлі де болса сақталып отырған тұрақсыздың факторларын барынша жою үшін мүмкіндігінше күш салуымыз керек. Мемлекеттер арасындағы шекарадан шыққан әрбір оқтың дауысы қатысы бар елдерде ғана емес бүкіл өңірде жаңғырық туғызуда. Дәл бүгінгі дағдарыс жағдайында мемлекеттеріміз керісінше қайшылықтарды еңсерудің өркениетті, жауапты үлгісін таныта білуі керек. Шекара рәсімдеудің заңдық процесі соншалық күрделі әрі кедір-бұдырлы екенін біз өз тәжірибемізден білеміз. Даулы мәселелерді тату көршілік пен халықаралық құқықтың іргелі прицптеріне құрметпен қарау арқылы ғана бейбіт жолмен шешуге болады. Одан басқа балама жолы жоқ», – деді Қасым-Жомарт Тоқаев Орталық Азия мемлекеттері басшыларының IV Консультативтік кездесуінде.
</blockquote>
Мемлекет басшысының пайымынша, проблемаларды созбаққа салу мен жылы жауып қою шиеленіске бастауы мүмкін.
<blockquote>
 «Түптің түбінде бұл Орталық Азиядағы әріптестікті дамытуға жұмсалған бүкіл еңбекті еш етуі мүмкін. Қазақстан посткеңестік кеңістіктегі шекарасын толық делимитациялаған жалғыз мемлекет ретінде мұндай мәселелердің өзара қолайлы шешімін іздеу жолында жәрдем көрсетуге дайын. Нақты айтсақ, шекараларды делимитациялау мәселесінде өзара қолайлы тәсілдерді әзірлейтін сарапшылық алаң құруды ұсынамыз. Бұл жұмысқа тәжірибелі заңгерлер, картографтар, шекарашылар мен өзге де мамандар тартылуы керек. Оны үйлестіруді Сырты істер министрлерінің кеңесі өз мойнына ала алады», – деді Президент.
</blockquote>
Айта кетейік, Қырғыз Республикасының Шолпан-Ата қаласында Орталық Азия мемлекеттері басшыларының IV Консультативтік кездесуі өтіп жатыр.
Жиынға Қазақстан, Қырғызстан, Тәжікстан, Түрікменстан, Өзбекстан көшбасшылары қатысуда.

Президент: Қазақстан Орталық Азия елдерімен шекараны шегендеу тәжірибесімен бөлісуге дайын

<a href="https://kyzylorda-news.kz/">Kyzylorda-news.kz.</a> 21 шілдеде Қазақстанның басым бөлігінде найзағай, жаңбыр, екпінді жел болады. Еліміздің батысында, солтүстігінде және шығысында бұршақ жаууы ықтимал. Оңтүстік-батыста шаңды дауыл күтіледі. Тек оңтүстік және оңтүстік-шығыста жауын-шашынсыз ауа райы болжанады, деп хабарлайды Қазгидромет.
Қызылорда облысында төтенше өрт қаупі күтіледі, өте қатты ыстық сақталады.

Бүгін елдің басым бөлігінде найзағай ойнап, жаңбыр жауады

<a href="https://kyzylorda-news.kz/">Kyzylorda-news.kz.</a> Шолпан-Ата қаласында Мемлекет басшысы Қасым-Жомарт Тоқаевтың, Қырғызстан Президенті Садыр Жапаровтың және Өзбекстан Президенті Шавкат Мирзиёевтің бейресми кездесуі өтті.
Президент баспасөз қызметінің мәліметінше, мемлекеттер басшылары Ыстықкөлде теплоходпен серуендеу барысында елдер арасындағы өзара қарым-қатынастардың қазіргі жағдайы мен даму перспективаларын талқылап, өңірлік күн тәртібіндегі бірқатар мәселе жөнінде пікір алмасты.
<img src="https://kyzylorda-news.kz/wp-content/uploads/2022/07/2207202030131550g.jpg" alt="" />

Шолпан-Атада Қасым-Жомарт Тоқаев, Садыр Жапаров және Шавкат Мирзиёевтің бейресми кездесуі өтті

Kyzylorda-news.kz. Қызылорда облысында ана мен бала өлімі көбейген. Жыл басынан бері 3 ана өлімі тіркелген. Өткен жылы 10 ана, 2020 жылы 12 ана қайтыс болды. Бұл туралы облыстың денсаулық сақтау саласы сараланған алқа отырысында мәлім болды.
Жиынға қатысқан облыс әкімі Нұрлыбек Нәлібаев өңірде ана мен бала өлімінің көбейгені алаңдатып отырғанын жеткізді. Келеңсіз көрсеткішті төмендету мақсатында дер кезінде тиісті іс-шаралар атқармаған денсаулық сақтау басқармасының басшысын қатаң сынға алды. Сондай-ақ, басқармаға мәселені шешетін кешенді жоспар әзірлеуге 10 күн уақыт берді.
<blockquote>
 «Тіркелген ана мен бала өлімі көрсеткішін тек табиғи факторларға, материалдық-техникалық базаға сілтеудің қажеті жоқ. Жауапкершіліктен құтылмайсыздар! 
 Әрбір өлім-жітім – бір отбасының тағдыры, қасіреті. Бұл ретте, қысқа мерзімде көтерілген мәселе бойынша шұғыл және пәрменді шаралар қабылдауымыз қажет. 
 Облыстық денсаулық сақтау басқармасы 10 күн ішінде ана мен бала өлімін төмендету мақсатында сала мамандарымен және ғылыми қауымдастық өкілдерімен мәселені жан-жақты зерделеп, кешенді жоспар әзірлеп, бекітуді тапсырамын. Сонымен қатар, жүкті әйелдерге қауіп факторларымен және ауыр экстрагенитальды патологиямен кеңес беру үшін республика деңгейіндегі білікті мамандарды тарта отырып, консилиумдар ұйымдастыру қажет. Жүкті әйелдерді уақытында есепке тұрғызу және балаларға патронаж жасау жұмыстарын күшейтіп, әйелдер арасында жүктілікті жоспарлау бойынша түсіндірме жұмыстарын кеңінен жүргізу қажет», – деді Нұрлыбек Нәлібаев.
</blockquote>
Жиын нәтижесінде, қызметіне салғырт қараған басқарма басшысы Сәбит Пазыловқа жазбаша ескерту берілді. Сонымен бірге ана мен бала денсаулығы мәселесіне жауапты орынбасары мен басқа да қызметкерлердің жауапкершілігі қаралады.

Қызылорда облыстық денсаулық сақтау басқармасының басшысы ескерту алды

Kyzylorda-news.kz. Қызылорда облысы республикалық бюджеттен қандай мақсатта несие алды? 2010-2022 жылдар аралығындағы аймақтың несие бойынша міндеттемесінің мөлшері қандай? ​2022 жылы облыс тарапынан өтелетін қарыз көлемі қанша?
Осы және өзге де сұрақтарға облыстық экономика және қаржы басқармасының басшысы Нұрғали Қордабай Өңірлік коммуникациялар қызметінің брифинг алаңында жауап берді.
Басқарма басшысының айтуынша, Қызылорда облысының бюджетінің 70 пайызы субвенциялы бағытта. Субвенция – жергілікті өкімет органдарына немесе халық шаруашылығының жекелеген салаларына белгілі бір мақсат үшін берілетін мемлекеттік қаржы жәрдемі. Сондықтан халықтың әл-ауқатын арттыру мақсатында басқа да көздерден қаржы тартуға шешім қабылданған. Мәселен, 2010-2022 жылдар аралығында өңірдегі әлеуметтік-экономикалық, коммуналдық мәселелерді шешу жолындағы жұмыстарды үйлестіріп, қолдау шараларын жүргізу үшін республикалық бюджеттен кредит рәсімделген.
2022 жылдың 1 қаңтарына облыстың бюджеттік кредит міндеттемесі 54,6 млрд теңгені құрап отыр. Бағалы қағаздар бойынша 36,5 млрд теңге, ал осы жылы тағы 6 млрд теңгеге бюджеттік кредит алынды. Сондай-ақ, тұрғын үй құрылысын қаржыландыру үшін 3 млрд теңгеге бағалы қағаздар шығару жоспарланған. Нәтижесінде биыл 10,6 млрд теңге мөлшерінде өтелетін қарыз бекітілген, – деді Н.Рахымшаұлы. 
Қызылорда облысының экономика және қаржы басқармасы алынған кредиттер мен мемлекеттік бағалы қағаздар бойынша бюджеттік бағдарлама әкімшілерімен, аудан және қала әкімдіктерімен міндеттемелердің уақытылы өтелуіне тұрақты мониторинг жүргізіп отырады. Барлық кредиттер бойынша кредиттік шарттар жасалып, ҚР Қаржы министрлігіне тоқсандық есептілік мерзімінде тапсырылуда. Қарыз алушылардың бюджеттік кредит бойынша төлемдері бюджетке уақытылы қайтарылуда.

Қызылорда: Бюджеттік кредит төлемдері уақытылы қайтарылуда

Kyzylorda-news.kz. Жаңақорған ауданында әлеуметтік нысандардың құрылысы қарқынды жүргізілуде. Атап айтсақ, биыл 27 507 шаршы метр болатын тұрғын үйлер аудан халқының игілігіне берілді. Сонымен қатар, ауданда маңызды деп танылатын әлеуметтік нысандардың құрылысы жоспарға сәйкес орындалуда.
<blockquote>
 “Биыл Жаңақорған кентінде 600 орындық мектеп пен МАИ бекетінде 300 орындық мектеп пайдалануға беріледі. Ал Бірлік елді мекенінде 90 орындық балабақша және Өзгент, Жайылма ауылдық округтерінде 150 орындық клубтың құрылыс жұмыстары жүргізілуде. Сондай-ақ, «Саяжай-1» мөлтек ауданында 300 гектар жерге инженерлік инфрақұрылымдарды жүргізуге жоба-сметалық құжаттары әзірленбек. Аталған жоба аясында 1500 аудан тұрғыны жер учаскесімен қамтамасыз етілетін болады”, – деді Жаңақорған ауданының әкімі Мұрат Тлеумбетов.
</blockquote>
Брифинг барысында аудандағы жолдың жайы да айтылды. Бүгінде аудандық маңызы бар жолдың қанағаттанарлық деңгейі 87 пайызға, елді мекендердегі көшелердің қанағаттанарлық жағдайы 51 пайызға жетті.
<blockquote>
 “Биыл барлық маңыздағы жолдарды жөндеуге тиісті қаржы қарастырылды. Ауданға қарасты Екпінді және Ақжол елді-мекеніндегі 2 көпірді қайта қалпына келтіру жұмыстары жүргізіледі”, – деді Мұрат Жолкелдіұлы.
</blockquote>

Жаңақорған ауданында бірнеше әлеуметтік нысан пайдалануға беріледі

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаевтың төрағалығымен өткен алқа отырысында денсаулық сақтау саласы, оның ішінде аймақтағы ана мен бала денсаулығын қорғау мен эпидемиологиялық ахуал кеңінен талқыланды.
Жиында облыстық денсаулық сақтау басқармасының басшысы Сәбит Пазылов өңірдегі ана мен бала өлімінің көрсеткіші туралы айтып, оған әсер ететін негізгі факторлары тізбеледі.
Өткен жылы өңірде 10 ананың өлімі тіркелсе, биыл жыл басынан бері 3 ана қайтыс болды. 
Облыс әкімі бұл мәселеге ерекше мән беріп, тиісті шаралардың шұғыл қабылдануы қажеттігін атап, басқарма басшысына бірқатар тапсырма жүктеді.
<blockquote>
 «Тіркелген ана мен бала өлімі көрсеткішін тек табиғи факторларға, материалдық-техникалық базаға сілтеудің қажеті жоқ. Жауапкершіліктен құтылмайсыздар! 
 Әрбір өлім-жітім – бір отбасының тағдыры, қасіреті. Бұл ретте, қысқа мерзімде көтерілген мәселе бойынша шұғыл және пәрменді шаралар қабылдауымыз қажет. 
 Облыстық денсаулық сақтау басқармасы 10 күн ішінде ана мен бала өлімін төмендету мақсатында сала мамандарымен және ғылыми қауымдастық өкілдерімен мәселені жан-жақты зерделеп, кешенді жоспар әзірлеп, бекітуді тапсырамын. Сонымен қатар, жүкті әйелдерге қауіп факторларымен және ауыр экстрагенитальды патологиямен кеңес беру үшін республика деңгейіндегі білікті мамандарды тарта отырып, консилиумдар ұйымдастыру қажет. Жүкті әйелдерді уақытында есепке тұрғызу және балаларға патронаж жасау жұмыстарын күшейтіп, әйелдер арасында жүктілікті жоспарлау бойынша түсіндірме жұмыстарын кеңінен жүргізу қажет», – деді Нұрлыбек Нәлібаев.
</blockquote>
Алқа отырысында талқыланған мәселенің бірі – өңірдегі эпидемиологиялық ахуал. Жыл басынан коронавирус инфекциясымен тіркелген науқастар саны 4 918-ді құраған. Өңір «Жасыл аймақта» болғанымен аталған ауруды жұқтырған адамдар санын азайту бағытында тиісті шаралар қабылдау қажеттілігі туындады.
Жиында облыстық санитариялық-эпидемиологиялық бақылау департаментінің басшысы Динара Жаңабергенова облыс аумағындағы эпидемиологиялық жағдайды тұрақтандыру бағытындағы шаралар туралы баяндады.
Аймақ басшысы коронавирустық инфекцияның таралуының алдын алу бойынша жауапты сала басшыларына кешенді жұмыс жүргізуді, оның ішінде вирус жұқтырған азаматтарды дер кезінде анықтап, ауруханалардағы төсек-орын мен қажетті дәрілік препараттардың қорын дайындауды тапсырды.
Өңірде Конго-Қырым геморрагиялық қызбасының эпидемиологиялық ахуалы нашарлауда. Мәселен, жыл басынан қызбаға күдікпен 31 науқас тіркелсе, оның 14-і зертханалық сынама қорытындысымен расталды. 4 жағдай адам қазасымен аяқталды.
Облыс әкімі санитариялық-эпидемиологиялық департамент тарапынан қолайсыз 116 елді мекеннің анықталып, оған қажетті қаржы бөлініп, көктемгі дезинсекция жүргізілгенімен расталған жағдайдың өте көп тіркелінін айтып, департамент жұмысын сынға алды.
Алқа отырысының қорытындысымен қала және аудан әкімдері шұғыл түрде өз аумақтарындағы елді мекендерде қора-жайларды, аулаларды кенеге қарсы өңдеу басталғанға дейін және жыл көлемінде тұрақты түрде қидан, қоқыстан таза ұстауды қамтамасыз етуді міндеттеді. Ал облыстық денсаулық сақтау басқармасы емдеу методикасын күшейту бойынша нақты шаралар қабылдауы тиіс.
Облыс әкімі аймақ үшін өзекті болған мәселелер бойынша шұғыл шара қабылдап, алдағы уақытта оны болдырмауын қамтамасыз етуді тапсырды. Ал өз қызметіне салғырт қараған жауапты тұлғалар жіберген кемшіліктері үшін жауапкершілікке тартылады.
<img src="https://kyzylorda-news.kz/wp-content/uploads/2022/07/294875127_346772680977316_8311326882272769997_n.jpg" alt="" />

Облыс әкімі: Өз қызметіне салғырт қараған жауапты тұлғалар жауапкершілікке тартылады

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаевтың төрағалығымен алқа отырысы өтті. Күн тәртібінде екі мәселе: І жартыжылдықтағы аймақтың негізгі әлеуметтік-экономикалық көрсеткіштерінің жүзеге асуы және бюджет қаржысының игерілуі, екінші, инвестиция көрсеткішінің орындалуы мен индустриялық аймақтардың жай-күйі сөз болды.
Алқа отырысында аймақ басшысы өңірдің әлеуметтік-экономикалық дамуында ілгерілеудің барын айтып, бұл көрсеткішті жыл аяғына дейін ұстап тұруды және орташа ресубликалық деңгейден жоғары болу қажеттігін қаперге салды.
Бірінші мәселе жөнінде облыстық экономика және қаржы басқармасының басшысы Нұрғали Қордабай баяндама жасап, негізгі көрсеткіштерді тізбеледі.
Жиында аймақ басшысы бірнеше көрсеткіштер бойынша қалыс қалған аудандардың барын айтты. Мәселен, Қызылорда қаласы мен Қармақшы ауданында өнеркәсіп өндірісімен қатар өңдеу секторында теріс тенденция қалыптасқан. Сырдария ауданында да құрылыс жұмыстарының көлемі төмендеген.
Бұл ретте, өңір басшысы облыстың экономикалық тұрақтылығы аудандар мен қаланың қарқынды дамуына тікелей байланысты екенін жеткізіп, бірінші кезекте ішкі нарықты қажетті тауарлармен толтыру арқылы инфляцияны тұрақтандыруға баса назар аудару қажеттігін ескертіп, нақты тапсырмаларды міндеттеді.
<blockquote>
 «Аудан әкімдерімен азық-түлік сақтау қоймаларын ашу жұмыстары әлі де жолға қойылмаған. Ауыл тұрғындарына көкөніс, бақша өнімдерін өсіруге қосымша жер телімдерін беру туралы менің тапсырмамды ескере келе, бұл мәселе тіптен өзектене түсті. Осы орайда, 25 шілдеге дейін қажеттілікке қарай азық-түлік сақтау қоймаларын ашу бойынша ұсыныс енгізулеріңіз керек. Сондай-ақ, жауапты басқарма тұрақтандыру қорына азық-түлік тауарларын қалыптастыру шеңберінде қол жеткізілген келісім-шарттардың уақытылы орындалуы қамтамасыз етілуі тиіс.
 Мемлекет басшысының тапсырмасына сәйкес, халықтың табысын арттыру бойынша тиісті бюджеттік бағдарлама әкімшілері облыс төңірегіндегі 300-ден астам жобалардың уақытылы жүзеге асырылуын қамтамасыз етсін. Бұл жаңа жұмыс орындарын құруға, салық базасын кеңейтуге және азаматтардың табысын арттыруға мүмкіндік береді.
 Бюджеттің игерілуі 99,9 пайызды құрауда. Жыл аяғына дейін осы қарқынды ұстауға ай сайынғы жоспарланған қаржының толық игерілуін және жұмыстардың сапалы орындалуын қамтамасыз ету қажет», – деді Нұрлыбек Нәлібаев.
</blockquote>
Алқа отырысында көтерілген екінші мәселе инвестициялық көрсеткіштердің орындалуы. 
Алдымен облыстық кәсіпкерлік және өнеркәсіп басқармасының басшысы Мұса Қалдарбеков аймақтың инвестициялық әлеуеті мен қаржы тарту жұмыстары жөнінде баяндады.
11 шілдеде өткен Үкімет отырысында «Негізгі капиталға салынған инвестиция» көрсеткішінің жоспары қайта бекітілді. Жоспарға сәйкес биыл облысқа 373,5 млрд.теңге инвестиция тарту қажет. Осы жоспардың бүгінге тек 34,1% ғана орындалған.
Бұл ретте, өңір басшысы облыстық білім, денсаулық сақтау, автомобиль жолдары, табиғи ресурстар басқармаларының биылға арналған инвестиция жоспарының былтырғыдан төмен екендігін айтып, қаржы тарту бойынша жұмысты үйлестіру қажеттігін қаперге салды.
<blockquote>
 «Білім, денсаулық сақтау, ауыл шаруашылығы, құрылыс, энергетика басқармаларында инвестиция көлемінің төмендеуі байқалады. 
 Сондықтан, қала және аудандардың, тиісті басқармалардың мүмкіндіктерін зерделеп, жоспарларын қайта қарап, көрсеткіштерін көбейту бағытында жұмыс жасау керек. Әкімдер тек мемлекеттік бюджеттің қаражатын игерумен қатар, белсенді түрде инвестиция тарту бағытында жұмыс жасаңыздар! Қажет болса шетелге шығыңыздар, ірі инвесторлармен кездесіп, келіссөздер жүргізіңіздер! Тек нақты нәтиже болуы керек», – деді облыс әкімі Нұрлыбек Нәлібаев.
</blockquote>
Жиын қорытындысымен аймақ басшысы облыстық кәсіпкерлік және өнеркәсіп басқармасы, Қызылорда қаласы және аудан әкімдерімен, тиісті жауапты басқармалармен бірлесіп 10-шы тамызға дейін инвестиция тартудың арнайы жол картасын әзірлеуді тапсырды. Сондай-ақ, индустриалды аймақтардың жұмысын жандандыру бойынша ұсыныс енгізуді жүктеді.
Облыс әкімі аймақ үшін күрмеулі мәселелер бойынша шұғыл шара қабылдап, алдағы уақытта оны болдырмауын қамтамасыз етуді тапсырды. Ал өз қызметіне атүсті қараған жауапты тұлғаларға тәртіптік жаза қолданылатынын жеткiздi.
<img src="https://kyzylorda-news.kz/wp-content/uploads/2022/07/294981666_346764890978095_2957259342668778630_n.jpg" alt="" />

Нұрлыбек Нәлібаев қаржы тартудың нақты жобаларын ұсынуды тапсырды

<a href="https://kyzylorda-news.kz/">Kyzylorda-news.kz.</a> Қазгидромет 20 шілдеге арналған ауа райы болжамын жариялады.
Солтүстік-батыс циклонының жырасы ҚР территориясының басым бөлігінде найзағаймен жаңбыр, желдің күшеюін, солтүстік-батыста бұршақ, оңтүстік пен оңтүстік-батыста шаңды дауыл алып келетін болады.
Тек еліміздің оңтүстігі мен оңтүстік-шығысында антициклон жотасы жауын-шашынсыз ауа райын сақтайтын болады.
Қызылорда облысында төтенше өрт қаупі күтіледі.

Сәрсенбіге арналған ауа райы

<a href="https://kyzylorda-news.kz/">Kyzylorda-news.kz.</a> Ыстық ауа-райы жүрек-қан тамырлары аурулары, артериялық гипертензиясы бар, сондай-ақ инфаркт пен инсульт қаупі бар адамдар үшін қауіпті.
Бас киімсіз далаға шықпаңыз, күн сәулесі тиюден сақ болу үшін күндіз қарт адамдар мен балалар серуендеуден бас тартқаны жөн. Физикалық жаттығуларды тоқтату керек. 
Созылмалы аурулары бар адамдар дәрігердің ұсыныстарын нақты орындап, тағайындалған дәрі-дәрмектерді уақтылы қабылдау қажет.
<blockquote>
 «Шөлді басу үшін таңертең, кешкі уақытта көбірек су ішіңіз, газдалған тәтті сусындарды пайланбаңыз. 
 Ыстық күні балаларға ерекше назар аударыңыз! Балалар ағзасы қоршаған ортаның жоғары температурасына ерекше сезімтал. Баланың қызып кету белгілері-терінің қызаруы, қызба, жүрек айну, себепсіз қыңырлық, ентігу, құрысулар және талып қалу. Бұл белгілердің алғашқы көріністерінде баладан киімді шешіп, көлденең күйге келтіріп, бүкіл денені дымқыл шүберекпен немесе суға малынған шүберекпен сүртіп, әр 5-10 минут сайын су беру керек. Есін жоғалтқан жағдайда дереу жедел жәрдем шақырыңыз», – делінген Қызылорда облысы ТЖД қоғаммен байланыс тобы таратқан хабарламада.
</blockquote>

Қызылордада 20 шілде күні +42 +44℃ ыстық болады

<a href="https://kyzylorda-news.kz/">Kyzylorda-news.kz.</a> Розалия Рахимова – «HALYQ YMITI» әлеуметтік идеялар байқауының жеңімпазы, «Розалия мен Эмир» қорының төрайымы, сөйлеу дамуының кешігуі бар баланың анасы. Ол, өзгелерден артық, ерекше қажеттіліктері бар балалардың проблемаларының өзектілігін біледі және түсінеді. 2019 жылы Розалия Қызылорда қаласында Балаларды дамыту орталығын ашты.Орталық Арал өңірінің экологиялық аймағынан келген балаларға коррекциялық- білім беру қызметін көрсетеді.
Бойжеткен үшін халықтың әлеуметтік осал топтарына (көпбалалы отбасылар, қиын өмірлік жағдайдағы аналардың балалары және қамқоршысыз қалған жетім балалар) қызметтін өтеусіз негізінде көрсетуі маңызды болды. Оның қалай жетістікке жеткені және Розалия Рахимованың болашақ жоспарлары туралы біздің материалдан танысуға болады.
<blockquote>
 «2017 жылы менің ұлыма «Аутисттік ерекшеліктері бар психо-сөйлеу дамуының кешігуі» диагнозы қойылды және бұл менің болашақ әрекеттерімнің қозғаушы күші болды. Бірақ мен өз командамсыз жоспарларымды жүзеге асыра алмас едім, өйткені олар балаларды оқытумен айналысады. Жеке Қор «Розалия және Эмир» орталығында 10 адамнан астам қызметкер жұмыс істейді: психологтар, дефектологтар, логопедтер, БДШ нұсқаушылары және әкімшілік қызметкерлер. Біздің Орталықтың жобалық қызметі психикалық және сөйлеу тілі бұзылған, сондай-ақ аутизмі бар және мүмкіндігі шектеулі балаларға коррекциялық-білім беру процессіне бағытталған. Өкінішке орай, біздің облыс бойынша статистика жан түршігерлік – Қызылорда облысы мен қалада 18 жасқа дейінгі 10 мыңнан астам бала осы дертпен ауырады. Бізге республикалық және халықаралық демеушілер, жергілікті билік органдары көмектеседі. Бұл біздің мамандар жұмысының өте өзекті және сұранысқа ие екендігін көрсетеді. Осы қолдаудың арқасында біз бір орында тұрмай, белсенді дамып, өсіп келе жатырмыз», – дейді Розалия.
</blockquote>
Айта кетерлігі, Розалия Рахимованың жобасы бастапқыда мұқтаж отандастарға көмек көрсету аясында басталған болатын. Осылайша, халықтың әлеуметтік осал топтарының әрбір 7-ші баласы сұралған құжаттарын тапсырып, мәртебесін растаған соң Орталықта тегін әрі ұзақ уақыт бойы коррекциялық және білім беру қызметтерін алады.
<blockquote>
 «Біз әрқашан мамандардың біліктілігін, білімін және, әрине, балаларымыздың материалдық-техникалық базасын арттыруға тырысамыз. Сондықтан 2021 жылы мен әріптесімнен «HALYQ YMITI» әлеуметтік идеялар байқауы туралы біліп, қатысуға өтінім бердім. Жоспарларымызды жүзеге асыру үшін қосымша қаражат қажет болғандықтан, біз шынымен де жеңіске жетеміз деп үміттендік.Жарыста жеңіске жеткеніміз туралы хабарланғанда, мен қуанып: «Біз мұны жасадық!» деп айқайладым. Біздің команда бақытты болды. «Халық» қайырымдылық қорының 1 миллион теңге жүлдесіне балаларды оқытуға арналған дидактикалық-педагогикалық материалдар, спорттық құрал-жабдықтар мен ойыншықтар сатып алдық. Барлық сатып алынған инвентарь арнайы бейімделген оқу бағдарламалары үшін сатып алынды», – деп бөлісті Розалия.
</blockquote>
2022 жылдың шілде айында демеушілердің қолдауының арқасында «Розалия мен Эмир»Жеке Қоры жаңа форматтағы Балалар орталығының ресми ашылуын өткізді. Жоба тобы жаңа кеңсеге көшіп, орталықтың қызметтерін кеңейтіп, өңірге 3 жаңа инновацияны енгізді: халықаралық «Томатис» әдісі, «Логоритмика» кабинеті және «Қараңғы сенсорлық» кабинет.
<blockquote>
 Розалия алдағы жоспарлары туралы айтты: «Біз ерекше балаларды әлеуметтендіру үшін инклюзияны енгізудеміз. Жаңа «Балаларды дамыту орталығы» аясында «Аутизм мен сөйлеуді түзету» жобасы жүзеге асырылуда.Бұл өте ауқымды, аймақтағы бірегей жоба.Оны жүзеге асыру үшін көп күш қажет, өйткені орталықты жабдықтап қана қоймай, мақсатты ұйымдық құрылымды құру маңызды. Бұл кезеңде біздің басты мақсатымыз – бастаған ісімізді сәтті аяқтау. Біз әріптестік қатынастарды орнатуды жалғастыруды, тәжірибемізді арттыруды және тәжірибемізбен бөлісуді жоспарлап отырмыз».
</blockquote>
<img src="https://kyzylorda-news.kz/wp-content/uploads/2022/07/2_centr-detskogo-razvitija_kzo.jpg" alt="" />

Ерекше баланың анасы Қызылордада аутизм орталығын қалай ашты?

<a href="https://kyzylorda-news.kz/ru/">Kyzylorda-news.kz.</a> «Байқоңыр» әлеуметтік-кәсіпкерлік корпорациясы» акционерлік қоғамының басқарма төрағасы лауазымына Самат Ерниязов тағайындалды.
Облыс әкімінің бірінші орынбасары Серік Қожаниязов корпорацияның жаңа басшысын ұжымға таныстырды.
Самат Нұрахметұлы Ерниязов 1975 жылы Қызылорда қаласында туған. Білімі жоғары, Қызылорда ауыл шаруашылығы өндірісі институтын «Агроөнеркәсіп саласындағы экономика және менеджмент» мамандығы бойынша және Л.Н.Гумилев атындағы Еуразия ұлттық университетінің Қызылорда филиалын «Құқықтану» мамандығы бойынша бітірген.
Еңбек жолын 1997 жылы Қызылорда қаласы әкімдігінің экономика бөлімінің жетекші маманы ретінде бастады. Қызылорда қаласы әкімдігі бөлімінің бас маманы, бөлім басшысы, «Қызылорда» коммуналдық мемлекеттік кәсіпорнының директоры лауазымдарын атқарған. 2002-2004жж. ҚР Көлік және коммуникациялар министрлігі Автомобиль жолдары комитетінің басқарма басшысының орынбасары, ҚР Премьер-Министрі Кеңсесінің бас сарапшысы қызметтерінде жұмыс істеген. 2005 жылдан бастап Қызылорда қаласында түрлі қаржы ұйымдарында еңбек етті.
2014 жылдан бастап осы уақытқа дейін «Қызылорда» Өңірлік инвестициялық орталығы» МҚҰ» ЖШС директоры қызметін атқарып келген.

Қазақстан және Қызылорда облысының жаңалықтары: Басты жаңалықтар old