<a href="https://kyzylorda-news.kz/">Kyzylorda-news.kz.</a> Қызылорда облысының тұрғындары әлі де жалған ақпарат таратуды қояр емес. Халық арасында алаңдатушылық туғызып отырған коронавирус жайлы жалған ақпарат таратқан тағы да екі адам анықталды. Бұл туралы облыстық Полиция департаментінің баспасөз қызметі хабарлады.
Бірінші дерек бойынша полицияға «WhatsApp»&nbsp;желісі арқылы&nbsp;«Класстастар» чатына&nbsp;«Короновирус деген біздің Бекбауылдан шығыпты, Аралға алып келіп жатыр» деп аудиожазбаны белгісіз әйел адам таратып жатқаны туралы хабарлама келіп түскен.
Екінші дерек бойынша «WhatsApp»&nbsp;желісі арқылы «Ағайындар» чатына нақты аты-жөнін айтып, ауырмаған аудан тұрғыны коронавирус&nbsp;ауруымен ауырып, ауылда еркін жүр&nbsp;– деген аудиожазбаны белгісіз ер адам&nbsp;таратып жатқаны туралы арыз келіп түскен.
Бұл деректер дереу тексеріліп, жедел іздестіру жұмыстарының нәтижесінде&nbsp;мессенджер арқылы жалған ақпарат таратқан Қызылорда облысы Арал ауданының тұрғыны 33 жастағы әйел&nbsp;мен Жаңақорған ауданының тұрғыны&nbsp;50 жастағы ер адам&nbsp;анықталды. Ұсталған күдіктілер өз әрекеттерін толық мойындап, өкінетіндіктерін айтты. Аталған деректер бойынша ҚР Қылмыстық кодексінің 274-бабы 4 бөлігімен (төтенше жағдай кезінде көрінеу жалған ақпарат тарату) сотқа дейінгі тергеп-тексеру жұмыстары жүргізіліп жатыр.
Полиция қызметкерлері аймақ тұрғандарын&nbsp;төтенше жағдай кезінде жалған ақпараттарды таратпауды, күнделікті әлеуметтік желілерге мониторинг жүргізіліп, арандатушыларды анықтау жұмыстары үнемі жүргізілетіндігін ескертеді.

Коронавирус: Қызылордада тағы да жалған ақпарат таратқандар анықталды

<a href="https://kyzylorda-news.kz/">Kyzylorda-news.kz.</a> Коронавирус індетін жұқтырған тағы 3 адам тiркелдi, Қызылорда облысында – 1 адам, Ақтөбе облысында – 1 адам, Алматы облысында – 1 адам, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-1-sauirdin-16-50-uakytyndagy-epidemiologiyalyk-zhagday_a3632300">www.coronavirus2020.kz.</a>
1 сәуір 16:50-дегі мәлімет бойынша, Нұр-Сұлтан қаласы бойынша 184 адам, Алматы қаласында – 84 адам, Қарағанды облысында – 14 адам, Ақмола облысында – 16 адам, Атырау облысы – 16 адам, Жамбыл облысында -3 адам, Шымкент қаласында – 3 адам, Шығыс Қазақстан облысында – 2 адам, Алматы облысында – 9 адам, Ақтөбе облысында – 4 адам, Солтүстік Қазақстан облысында – 3 адам, Павлодар облысында – 1 адам, Маңғыстау облысында – 1 адам, Қызылорда облысында – 25 адам, Батыс Қазақстан облысында – 2 адам, Түркістан облысында – 5 адам, жалпы 372 науқас тіркелді.

Қызылордада коронавирус жұқтырғандар саны 25 адам болды

<a href="https://kyzylorda-news.kz/">Kyzylorda-news.kz.</a> Елімізде жарияланған төтенше жағдай кезінде Қызылорда облысында оның талаптарын бұзушылар күні бүгінге дейін азаймай отыр. Қарапайым халықты былай қойғанда, мемлекеттік қызметшілер – әкімдердің өзі той тойлап жүр. Бұл туралы Өңірлік коммуникациялар қызметінде өткен брифингте облыс прокурорының бірінші орынбасары Талғат Айтбайұлы мәлімдеді.
<blockquote>
 «Төтенше жағдай күшінде болу кезеңінде спорттық, ойын-сауық және басқа да бұқаралық іс-шаралар, сондай-ақ отбасылық, атаулы іс-шараларды өткізуге тыйым салынған.&nbsp; Соған қарамастан өңірімізде жекелеген азаматтар осы талаптарды ескермей, үйлерінде той-томалақ жасап, кафе, мейрамханалар және т.б. ойын-сауық орындары түнгі 22:00-ден кейін де қызметтерін жалғастыруда. Осы әрекеттері үшін құқық қорғау органдарымен төтенше жағдай жарияланғалы Қазақстан Республикасы Әкімшілік құқық бұзушылық туралы кодексінің 476-бабымен 49 тұлғаға әкімшілік хаттамалар толтырылды. Оның 14-і соттың қаулысымен әкімшілік қамауға алынса, 23-не әкімшілік айыппұл салынды. Қалған 12-і соттың өндірісінде», – деді Талғат Айтбайұлы.
</blockquote>
Оның сөзінше, аталған талапты жеке тұлғалардан бөлек мемлекеттік қызметшілер, оның ішінде, әкімдер де Жарлықтың талаптарын сақтамайтын көрінеді.
Мәселен, Шиелі ауданы, Төңкеріс ауылының әкімі Нұрманова Әлия Тәшкенбайқызы ағымдағы жылдың 28 наурыз күні сол ауылдың Сәтпаев көшесі №6 мекен-жайында орналасқан туысы Есмағамбетов Мұхтар Қамбарұлының үйіне өзі алып келіп, келін түсірген. Бұл ақпарат әлеуметтік желіде жүргізілген мониторинг және Аружан Дүйсебаеваның «Facebook» парақшасында жарияланғна.
<blockquote>
 «Үй иесі Шиелі аудандық сотының 28.03.2020 жылғы қаулысымен 10 тәулікке әкімшілік қамауға алынды.Сол сияқты, Қызылорда қаласындағы «Оригон» кафесінің сағат 22.00-ден кейін жұмыс істегені және онда 20-дан астам келушілердің болғаны анықталып, кафе иесі С.Тянға қатысты әкімшілік хаттама толтырылды. Соттың 25.03.2020 жылғы қаулысымен кафе иесі С.Тян ӘҚБтК-тің 476-бабымен кінәлі деп танылып, оған 20 айлық есептік көрсеткіш мөлшерінде әкімшілік айыппұл салынды», – деді облыс прокурорының&nbsp; бірінші орынбасары.
</blockquote>
Сондай-ақ, 25.03.2020 жылы «Сұлтан» базарының киім-кешек сататын орындары сағат 17.00-ден кейін жұмыс жасағаны және онда 60 астам келушілер мен сатушылар болғаны анықталған. Соттың 26.03.2020 жылғы қаулысымен базар иесі Л.Ризванова төтенше жағдай режимін бұзғаны үшін кінәлі деп танылып, оған 10 айлық есептік көрсеткіш мөлшерінде айыппұл салынды.

Төтенше жағдай кезінде Шиеліде ауыл әкімі той тойлаған

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус жұқтырудың тағы 6 оқиғасы тіркелді. Бұл туралы өңірлік коммункикациялар қызметінде өткен брифингте облыстық Денсаулық сақтау басқармасының басшысы Жақсылық Абдусаметов мәлімдеді.
<blockquote>
 “Бүгінгі таңда Қызылорда облысында коронавирус инфекциясын жұқтырған науқастар саны 24 адамға жетті. Олардың екеуі – Қармақшы ауданында, екеуі Жаңақорған ауданында, біреуі – Шиелі, ал, алтыншысы – Қызылорда қаласында тіркелді. Қармақшы ауданындағы бір науқас Алматы қаласынан келген. Екінші науқас анықталу үстінде. Жаңақорған ауданындағы екі адам да осы инфекцияны бұрын жұқтырған науқастармен қарым-қатынаста болғандар. Шиелі ауданында да осындай жағдай, яғни, бұрын ауырған науқаспен тығыз байланыста болған. Ал, Қызылорда қаласында анықталған адам облыста ең бірінші анықталған науқаспен қарым-қатынаста, тығыз байланыста болған”, – деді Жақсылық Абдусаметов.
</blockquote>
Басқарма басшысының айтуынша, облысымызда коронавирус инфекциясын жұқтырушылар саны күрт көбейіп отыр. Бүгінгі таңда өңірде осы қауіпті індетті жұқтырғандардың бәрі бұрын науқастармен қарым-қатынаста болған адамдар екендігі анықталып отыр.
<blockquote>
 “Сондықтан, облыс тұрғындары, ең алдымен, сақтық шараларына мән беруі қажет. Жеке бас гигиенасын сақтап, мейлінше қорғану керек”, – деді басқарма басшысы.
</blockquote>

Қызылорда облысында коронавирус оқиғасы Қармақшы және Шиелі аудандарында тіркелді

<a href="https://kyzylorda-news.kz/">Kyzylorda-news.kz.</a> Қызылорда облысының Жаңақорған ауданы карантинге жабылады. Бұл жөнінде аймақ әкімі Гүлшара Әбдіқалықованың аймақта короновирус індетінен қалыптасқан жағдайға байланысты тұрғындарға үндеуінде айтылды.
<blockquote>
 «Қазіргі уақытта Қызылорда облысында короновирус індетімен ауырған 18 азамат тіркелді. Жағдай күрделене түсуде. Қазіргі таңда бұл азаматтардың 5-еуі облыстық жұқпалы аурулар ауруханасына, 13-і Жанақорған ауданаралық ауруханасына жатқызылды. Осы науқастармен қарым-қатынаста болған <a href="https://kyzylorda-news.kz/kogam/qyzylorda-oblysynda-koronavirws-zhuqtyrghandarmen-qarym-qatynasta-bolghan-388-adam-anyqtaldy-53135/">388 адам анықталды</a>. Оның ішінде 101-і тығыз қарым-қатынаста болған. Барлық азаматтар карантиндік бақылауға алынды. Негізінен ең алғашқы анықталған адаммен қарым-қатынаста болған науқас арқылы 13 адамға вирус жұққан» – деді облыс әкімі.
</blockquote>
Атап өтілгендей, бүгін жаңадан тіркелген 9 адамның <a href="https://kyzylorda-news.kz/kogam/qyzylordada-koronavirws-zhuqtyrghan-8-kisi-bir-uejding-adamdary-53058/">8-і бір үйдің тұрғындары</a>. Оның ішінде 3-еуі 14 жасқа дейінгі балалар.
<blockquote>
 «Қазір барлық қажетті іс-шаралар қолға алынуда. Қарым-қатынаста болған адамдар анықталып, оқшалануда. Індет анықталған жерлер әскерилер мен жергілікті мекемелер арқылы залалсыздандырылады. Қалыптасқан жағдайға байланысты Жаңақорған ауданын карантинге жабу туралы тапсырма берілді. Көліктердің кіріп-шығуына барынша шектеу қойылуы тиіс. Азаматтардың қауіпсіздігі үшін осындай шаралар қолдануымыз қажет», – деді Г.Әбдіқалықова.
 «Құрметті қызылордалықтар, короновирус індетінің таралуының алдын алу талаптарын қатаң сақтауға тиіспіз. Қазір кез келген адам вирус жұқтыруы мүмкін. Барлық тұрғындар дерттен оқшауланғаны дұрыс. Елді жөнсіз дүрліктірмес үшін ресми ақпараттарға сүйенуіміз қажет. Төтенше жағдай талаптарын бұзғандарға заң аясында қатаң шаралар қолданылатынын ескертемін», – деді аймақ басшысы.
</blockquote>
Өңірдің Бас санитарлық дәрігерінің қаулысына сәйкес 2020 жылдың 31 наурызы сағат 00:00-ден бастап, 2020 жылдың 15 сәуірі сағат 07:00-ге дейін Қызылорда қаласында карантин және Қызылорда облысы аумағы бойынша <a href="https://kyzylorda-news.kz/kogam/koronavirws-qyzylorda-oblysynyng-bas-sanitarlyq-daerigerining-qawlysy-52977/">шектеу шаралары енгізілді</a>.
Осы уақытта облыста коронавирус індетінің расталған <a href="https://kyzylorda-news.kz/kogam/qyzylorda-oblysynda-koronavirws-zhuqtyrghandar-sany-18-boldy-53060/">18 оқиғасы тіркелді</a>.
<a href="https://www.qazaqparat.kz/kz/kyzylorda-oblysy-zhanakorgan-audany-karantinge-zhabylady_a3631982">ҚазАқпарат</a>

Жаңақорған ауданы карантинге жабылады

<a href="https://kyzylorda-news.kz/">Kyzylorda-news.kz.</a> Қызылордада облыстық мәслихаттың 2020 жылғы 31 наурыздағы кезектен тыс сессиясы өтті. Отырыста 2020-2022 жылдарға арналған облыстық бюджетке өзгерістер мен толықтыру енгізу мәселесі қаралды.
Сессияда облыс әкімі Гүлшара Әбдіқалықова елімізде жарияланған төтенше жағдай кезінде жедел шешімдер қабылдау қажеттігін айтты.
<blockquote>
 «Баршамызды коронавирустың таралуы алаңдатады. Бұл жағдайды әлемдік экономикалық дағдарыс, азық-түлік бағасының тоқтаусыз өсуі секілді келеңсіз жайттар одан әрі ушықтыра түсуде. Әрине, бұл қиындықтар біздің өңірді айналып өтпейтіні анық. Біздің ендігі ортақ міндетіміз – осындай сын шақта ел Президенті Қасым-Жомарт Кемелұлы Тоқаев және Үкіметпен жүктелген тапсырмаларды мінсіз жүзеге асыру. Облыс халқын бірінші кезектегі әлеуметтік маңызы бар негізгі азық-түлік тауарларымен қамтамасыз ету мақсатында Өңірлік тұрақтандыру қорын бірінші кезектегі әлеуметтік маңызы бар азық-түлік тауарларымен толықтыруға жергілікті атқарушы орган резервінен 105,8 млн. теңге бөлінген. Бұл қаржыға 720 тонна азық-түлік қоры сатып алынды. Әрі қарай тұрғындарды азық-түлікпен қамтамасыз етуге, қиын кезеңде әлеуметтік жағдайды төмендетпеуге жұмыс істеуіміз қажет», – деді Гүлшара Әбдіқалықова.
</blockquote>
«Азық-түлік тауарларының өңірлік тұрақтандыру қорларын қалыптастыру» бюджеттік бағдарламасы бойынша негізгі азық-түлік өнімдерін қамтамасыз етуге және бағаны тұрақтандыруға, сондай-ақ короновирус індетін алдын алу мақсатында облыс әкімінің резервіне қосымша қаражат бөлінетін болды.
Сонымен қатар, төтенше жағдайға байланысты елімізде 2020-2021 жылдарға арналған жұмыспен қамтудың Жол картасы қабылданды. Бұл құжат әлеуметтік маңызға ие, халықты еңбекпен қамтуға, жұмыссыздықтың алдын алуға бағытталған. Бағдарламаны өңірде іске асыру үшін жоспарланған қаржының бір бөлігін қаржылық несие ретінде беру мәселесі шешімін тапты.
Айта кетейік, облыстық мәслихаттың кезектен тыс сессиясы бейнебайланыс арқылы өткізілді.
<img src="https://kyzylorda-news.kz/wp-content/uploads/2020/03/whatsapp-image-2020-03-31-at-20.27.13.jpeg" alt="" />
<img src="https://kyzylorda-news.kz/wp-content/uploads/2020/03/whatsapp-image-2020-03-31-at-20.27.11.jpeg" alt="" />

Гүлшара Әбдіқалықова: Төтенше жағдай кезінде жедел шешімдер қабылдау қажет

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус жұқтырған адамдармен қарым-қатынаста болған 388 адам анықталды. Оның ішінде 101 адам жұқтырғандармен жақын қарым-қатынаста болған.
<blockquote>
 «Жалпы облысымызда коронавирусқа қарсы стационарларда төсек орындар дайындалған. Қазіргі таңда 135 төсек орынға дейін кеңейтілді. Сонымен қатар провизорлық стационар 100 төсек орын болса, қазір 260 төсек орынға дейін кеңейтілді. Карантиндік қосымша 600 төсек орын бар», – деді Қызылорда облысының денсаулық сақтау басқармасының басшысы Жақсылық Әбдусәметов «Хабар 24» арнасында тікелей эфирден сөйлеген сөзінде.
</blockquote>
Басқарма басшысы облыс аумағына сырттан келген азаматтардың бәрі де бақылауға алынғанын айтып өтті.
<blockquote>
 «1А санатындағы елдерден келген 33 азамат бар. Оның 9-ы ауруханада оқшауланса, 23-і үй жағдайында. 1В санатынан келген 148 азаматтың 12-і аурухана, қалған 136-ы үй жағдайында оқшаулауға алынған. Медициналық ұйымдардың қызметкерлерінің бәрі қазіргі уақытта сырттан келген азаматтарды анықтау және үйде бақылау жұмыстарын жүргізуде. Жұқпалы аурулардың алдын алу, таралуының қаупін болдырмау мақсатында ауыр науқастарға және жалғызбасты аналарға қатысты дәрі-дәрмекті үйді-үйге тарату жұмыстары жолға қойылған», – деді ол.
</blockquote>
Жақсылық Әбдусәметов сондай-ақ Қызылорда облысында коронавирус жұқтырған азаматтармен қарым-қатынаста болған 388 адамның анықталғанын қосып өтті.
<blockquote>
 «Оның ішінде 101-і тығыз қарым-қатынаста болған. Аталған азаматтар үй карантинінде. Алдында анықталған 9 азамат ем алып жатыр. Қазіргі динамикада жағдайларының нашарлағаны байқалмайды. Осы науқастарды емдеуге қажетті дәрі-дәрмек қоры бар», – деді басқарма басшысы.
</blockquote>
Басқарма басшысы ел ішінде той-жиынға бармау туралы насихат жұмыстары жүргізіліп жатқанын жеткізді.
<blockquote>
 «Бір үйдің азаматтарынан және сол төңіректегі көшенің бойында тұратын азаматтардан осынша науқастың тіркелуі – сақтану шараларының толық көлемде орындалмауынан болып отырғанын атап өткіміз келеді. Алдағы уақытта тұрғындарды оқшаулау мәселесіне мән беруге, індеттің таралуына жол бермеуге шақырамыз», – деді Ж.Әбдусәметов.
</blockquote>

Қызылорда облысында коронавирус жұқтырғандармен қарым-қатынаста болған 388 адам анықталды

<a href="https://kyzylorda-news.kz/">Kyzylorda-news.kz.</a> Қазақстанда тағы бір адам коронавирус инфекциясынан көз жұмды, деп хабарлады Нұр-Сұлтанның денсаулық сақтау басқармасы.
<blockquote>
 «Өкінішке қарай, бүгін коронавирус дертінен бір адам қайтыс болды. Осы орайда марқұмның туған туыстарына көңіл айтамыз», – деді онлайн-брифингте&nbsp;Нұр-Сұлтан қаласы қоғамдық денсаулық сақтау басқармасының басшысы Сәуле Қисықова.
</blockquote>

Қазақстанда коронавирустан екінші адам қайтыс болды

<a href="https://kyzylorda-news.kz/">Kyzylorda-news.kz.</a> Қазақстанның 6 өңірінде коронавирус жұқтырудың жаңа 17 жағдайы тіркелді, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-31-nauryz-sagat-09-40-zhagday_a3631529">coronavirus2020.kz</a>.
31 наурыз 09:40-тағы жағдай бойынша, Нұр-Сұлтан қаласында – 2, Алматыда – 9, Қызылорда облысында – 3, Атырау облысында – 1, Ақтөбе облысында -1, Солтүстік Қазақстан облысында 1 адам коронавирус жұқтырды. Осылайша елімізде жаңа вирусты жұқтырғандар саны 325-ті құрап отыр.
Олар:
Нұр-Сұлтан қаласында – 175
Алматы қаласында – 82
Шымкент қаласында – 2
Ақмола облысы – 10
Ақтөбе облысында – 3
Алматы облысында – 8
Атырау облысында – 13
Шығыс Қазақстан облысы – 2
Жамбыл облысында – 3
Батыс Қазақстан облысында – 2
Қарағанды облысы – 13
Қызылорда облысы – 8
Маңғыстау облысы – 1
Павлодар облысында – 1
Солтүстік Қазақстан облысында – 2

Қызылорда облысында коронавирус жұқтырғандар саны 8 адамға жетті

<a href="https://kyzylorda-news.kz/">Kyzylorda-news.kz.</a> Қызылорда қаласында коронавирус жұқтырғандар саны 5-ге жеткеніне байланысты Қызылорда облыстық денсаулық сақтау басқармасының басшысы Жақсылық Абдусаметов шұғыл түрде науқастардың жағдайын баяндады.
<blockquote>
 «Бүгінгі күнде Қызылорда облысында коронавирустың 5 жағдайы тіркелді. Оның 2-уі бұған дейін хабарланған болатын. Бүгін таңертең үш жағдай лаборатиориялық зерттеулер арқылы нақтыланып отыр. Оның біреуі өткендегі екі науқаспен қарым-қатынаста болған азамат. Қазіргі таңда Жаңақорған ауданаралық ауруханасының жұқпалы аурулар бөліміне жатқызылды. Кеше анализдер алынып, бүгін таңертең дәлелденіп отыр. Екінші пациент 20 наурызда Америкадан Қызылорда қаласына келген. Ол 1 «Б» санатына жататын елден келгендіктен үйдегі карантинге алынған болатын. Кеше дене қызуының көтерілуіне байланысты жұқпалы аурулар ауруханасына жеткізіліп, анализі алынып, оң дәлелденді. Үшінші азамат осы Қызылорда қаласының тұрғыны. Дене қызуының көтерілуіне және денесінде бөртпе пайда болуына байланысты шағымданып, облыстық жұқпалы аурулар ауруханасында зерттемесі алынды. Оның да анализдері оң дәлелденіп отыр. Ол осы уақытқа дейінші қызылша ауруына күдіктелген», – деді Жақсылық Абдусаметов.
</blockquote>
Басқарма басшысы науқастардың жағдайына да тоқталып өтті. Оның айтуынша, АҚШ-тан келген азаматтың жағдайы қанағаттанарлық, шағымы тек дене қызуының көтерілуіне болып отыр. Жаңақорған ауданаралық ауруханасында жатқан науқастың жағдайы орташа ауыр деп айтуға болады. Оның шағымы жалпы әлсіздік және дене қызуының көтерілуі.
Ал үшінші науқаста улану сиптомдары және қосымша қызылша дерті бар екені анықталды. Сондықтан оның да жағдайы орташа ауырлықта деп баға берілді.
<blockquote>
 «Қазіргі таңда бекітілген хаттамаға сәйкес, емі жүргізілуде. Қызылшамен ауырып түскен науқастың жағдайы кешегі күнге қарағанда жақсаруда», – дейді басқарма басшысы.
</blockquote>

Короновирус: екеуі – Қызылорда қаласында, біреуі – Жаңақорғанда

<a href="https://kyzylorda-news.kz/">Kyzylorda-news.kz.</a> Коронавирус індетін жұқтырған тағы 9 адам тiркелді. Алматы қаласында – 3 адам, Қызылорда облысында – 3 адам, Ақмола облысында – 3 адам, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-30-nauryz-sagat-11-10-zhagday_a3631053">www.coronavirus2020.kz.</a>
30 наурыз сағат 11:10-дағы мәлімет бойынша, Нұр-Сұлтан қаласы бойынша 167 адам, Алматы қаласында – 73 адам, Қарағанды облысында – 7, Ақмола облысында – 9 адам, Атырау облысы – 12 адам, Жамбыл облысында -3 адам, Шымкент қаласында – 2 адам, Шығыс Қазақстан облысында – 2 адам, Алматы облысында – 6 адам, Ақтөбе облысында – 2 адам, Солтүстік Қазақстан облысында – 1 адам, Павлодар облысында – 1 адам, Маңғыстау облысында – 1 адам, Қызылорда облысында – 5 адам, Батыс Қазақстан облысында – 2 адам, жалпы 293 науқас тіркелді.

Қызылорда облысында коронавирус жұқтырған тағы 3 адам анықталды

<a href="https://kyzylorda-news.kz/">Kyzylorda-news.kz.</a> Ағымдағы жылғы 20 наурыз күні 15 сағат 30 минутта «112» – Құтқару қызметіне Қызылорда қаласы №500 квартал, №8 участок, тұрғын үй жанып жатқаны жөнінде хабар түседі.
Аталған тұрғын үйде газ баллоны жарылып, баспананы қызыл жалын шарпиды. Сол уақытта оқиға орнына жақын жерде болған Қызылорда қаласы ТЖБ бас маманы, азаматтық қорғау аға лейтенанты Ғалым Хамза төтенше жағдай аумағынан 2 баланы аман алып шықты.
<blockquote>
 «Шақырту түскен сәттен соң жедел жеткен №5 өрт сөндіру бөлімінің жеке құрамы барлау жұмыстарын жүргізді. Нәтижесінде тұрғын үй ауласында көлемі 15х5м қураған шөп жанып, 4х5м сарайы және ішінде 200 дана «ДВП», тұрмыстық заттары, 19 дана бөренесі, «Ваз 2106» маркалы жеңіл автокөлігінің алдыңғы бөлігіне көшіп жанып жатқандығы анықталды. Оқиға орнындағы өрт сөндірушілердің біріккен іс-әрекеттерінің арқасында тілсіз жау ошағынан тағы бір дана сыйымдылығы 27 л. газ баллоны шығарылды», – деп мәлімдеді Қызылорда облысы Төтенше жағдайлар департаментінің Өрт сөндіру және авариялық-құтқару жұмыстары қызметі.
</blockquote>
Өрт 15 сағат 50 минутта оқшауланып, 15 сағат 57 минутта толықтай жойылған. Қазіргі таңда жарақат алғандар жоқ. Өрттің шығу себептері мен салдары анықталу үстінде.

Қазақстан және Қызылорда облысының жаңалықтары: Басты жаңалықтар old