<a href="https://kyzylorda-news.kz/date/2020/07/30/">Kyzylorda-news-kz.</a> Бүгін облыс әкімі Г.Әбдіқалықова «Көлік қызметкерлері күні» кәсіби мерекесіне байланысты сала қызметкерлерін қабылдады. Облыс аумағында осы көлік саласында 15 мыңнан астам жұмыскер қызмет етіп келеді.
Осы салада қызмет етіп жүрген 50 қызметкерлер Қызылорда облысының Құрмет грамотасымен және облыс әкімінің Алғысымен марапатталды. Олардың ішінде жүргізуші, жолшы, ұшқыш, машинист, жолсерік, вагон қараушы, диспетчер және басқа да маман иелері бар.
Бүгінгі қабылдауда еңбек өтілі 43 жыл құрайтын «ТрансТурСервис» ЖШС автобус жүргізушіcі Елубай Күдербаевқа, 50 жыл осы салада қызмет етіп келе жатқан «Талап и К» ЖШС қызметкері Виктор Лиге Қызылорда облысының Құрмет грамоталары 39 жыл қызмет етіп келе жатқан «БауТЛ и К» ЖШС маманы Алма Ерназароваға және жеке кәсіпкер «Қасқабаева» жұмыскері Дастанбек Тынымбетовке облыс әкімінің алғыс хаттары табысталды. Карантин шектеулеріне байланысты қалған қалған қызметкерлерге марапаттар жұмыс орындарында табысталады.
Облыс аумағында 212 елді мекенді аудан және облыс орталығымен байланыстыратын 204 автобус маршруты ұйымдастырылған. 
«Қызылорда-Ташкент» бағытына халықаралық 1 автобус маршруты, Нұр-Сұлтан, Алматы, Шымкент, Жезқазған, Түркістан, Сарыағаш, Ақтөбе және тағы басқа қалаларға облысаралық 13 автобус маршруты ұйымдастырылып отыр.
Әуежай қызметі көлік саласындағы маңызды бағыттардың бірі болып табылады. Биылғы жаз маусымында «Қорқыт Ата» әуежайы арқылы аптасына 37 рейске дейін ұшулар орындалды (Нұр-Сұлтан қ. – 21 рейс, Алматы – 14 рейс және Қарағандыға – 2 рейс). 2020 жылдың маусым айынан бастап Нұр-Сұлтан, Алматы қалаларына «Skat»,«Qazaq Air» әуекомпанияларының күнделікті рейстері ұшуда.
Сонымен бірге облыстағы маңызы зор көлік түрі – темір жол көлігі саласы. Қызылорда облысынан өтетін магистральдық темір жол желісінің жалпы ұзындығы 1055 км.-ді құрайды және 8 темір жол вокзалы жолаушыларға қызмет көрсетіп келеді.
Облыс аумағынан 19 жұп жолаушы пойызы, оның ішінде мемлекетаралық бағыттағы 7 жұп пойызы өтсе, облыс орталығынан 6 жұп пойыздары ұйымдастырылған.
Көлік қызметінің негізгі бағыттарының бірі – мүмкіндігі шектеулі азаматтардың көлік қызметіне (автомобиль, темір жол және әуе көлігінде) қолжетімділігін қамтамасыз ету қарастырылған.
<blockquote>
 «Бүгінгі таңда көлік саласы еліміз бен халқымыздың әлеуметтік-экономикалық жағдайына тікелей әсер ететін экономиканың негізгі күші. Кәсіби мерекелеріңіз – көлік қызметкерлері күнімен шын жүректен құттықтаймын және еселі еңбектеріңіз үшін үлкен алғысымды білдіремін. Қазір біз үшін ең басты міндет – елімізде пандемиямен күресу. Осы бағытта да жолаушылар тасымалы барысында халықты сақтандыру шаралары қарқынды қамтамасыз етілген – бұл қиындықтан бірге міндетті түрде шығамыз», – деді облыс әкімі Г. Әбдіқалықова.
</blockquote>
<img src="https://kyzylorda-news.kz/wp-content/uploads/2020/07/116782342_2600245393411847_6318154854046399701_n.jpg" alt="" />

Облыс әкімі «Көлік қызметкерлері күні» кәсіби мерекесіне байланысты сала үздіктерін марапаттады

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықованың қатысуымен пандемиямен күрес бағытында атқарылып жатқан жұмыстар мен аймақтың экономикалық ахуалы жөнінде брифинг өтті.
<img src="https://kyzylorda-news.kz/wp-content/uploads/2020/07/img-20200729-wa0051-1.jpg" alt="" />
Жалпы, аймағымызда коронавирус індетімен сырқаттанған 2 859 адам тіркелді. Осы күнге дейін науқастардың 1965, яғни 69% жазылып шықты. Covid-19 инфекциясынан облыс бойынша 7 науқас қайтыс болған.Эпидмаусым басталғанда облыста барлығы 976 төсекорын дайындалды. Оның 135-і инфекция, 241-провизор, 600-карантиндік орын. Бүгінгі күні олардың саны 2405-ке артты.
<blockquote>
 «Қажеттілік туындаған жағдайда 500 төсек орын резервіміз бар. Оның ішінде инфекциялық 200 және провизорлық 300 орын әзірленді. Облыста 6 компьютерлік томограф қызмет көрсетеді. Оның 4-еуі облыс орталығында, 2-еуі ауданда орналасқан. Қосымша аппарат алуға демеушілерді тарту мәселесі қарастырылуда», – деді облыс әкімі Г.Әбдіқалықова.
</blockquote>
Өңірде 52 рентген аппаратының 20-ы облыс орталығындағы, 32-сі аудандардағы медицина мекемелерінде қызмет көрсетеді. 107 өкпені жасанды желдету аппараты (ИВЛ) бар. Денсаулық сақтау министрлігіне 192 өкпені жасанды желдету (ӨЖЖ) аппаратына тапсырыс берілді. Сонымен қатар, 153 оттегі концентраторы бар. Кеше қосымша өңірімізге «Шұғыла» қоғамдық қоры тарапынан 200 дана оттегі аппараты жеткізілді.
<img src="https://kyzylorda-news.kz/wp-content/uploads/2020/07/img-20200729-wa0048.jpg" alt="" />
COVID-19 инфекциясына қарсы күрес шараларына тартылған 2407 медицина қызметкеріне қаржылай қолдау мақсатында пандемия кезеңінде 4 айда 1 млрд 117,6 млн теңге төленді. Сондай-ақ, облыстың барлық емдеу мекемелері бірінші типтегі костюмдермен, қорғаныс құралдарымен қамтамасыз етіліп, қажетті бекітілген 26 түрлі дәрі-дәрмектің 2 айлық қоры қалыптасты. “СК Фармациядан” келетін барлық дәрі-дәрмектің 100 пайызы келді. Ал, дәріханаларда 1 айға жетерлік дәрі қоры қалыптасты. Бүгінгі күні сұраныстағы дәрілердің 100% сатылымда бар.Облыс әкімі өңір экономикасын қайта қалпына келтіру аясында атқарылып жатқан шараларға тоқталды.
<blockquote>
 «Экономикалық жағдайды ескере отырып, облыстың 2020 жылға арналған бекітілген бюджеті қайта қаралып, 2,2 млрд теңге бюджет шығыстары қысқартылды. Экономиканы қайта қалпына келтіру жөніндегі облыстық жоспар бекітілді. Жоспарға сәйкес жергілікті жолдарды жөндеу, су және жылу жүйесін жаңғырту, энергиямен қамтамасыз ету, жаңа жұмыс орындарын ашу, ауыл шаруашылығы және әлеуметтік саланы дамыту бағытында шаралар жүзеге асырылатын болады. Сыр өңіріндегі экономиканың негізгі қозғаушы күші ауыл шаруашылығы саласында да тың серпін бар. Үстіміздегі жылы облыс бойынша 184,7 мың гектар жерге ауыл шаруашылығы дақылдары егілді», – деді облыс әкімі Гүлшара Әбдіқалықова.
</blockquote>
Өңір экономикасын қайта қалпына келтіру аясында өңірге жаңа инвестициялар тартылуда. Атап айтсақ, құны 1,5 млрд теңге болатын жылына 130 тоннаға дейін түйе сүтінен құрғақ ұнтақ өндіретін цехтың құрылысы. Және құны 3 млрд теңге болатын жылына 180 мың тонна тұз өндіретін үшінші испандық цехтың құрылысы. Екі жоба да Арал ауданында жүзеге асырылады.
Мұнымен қоса, 2020 жылдың екінші жартыжылдығында Арал ауданында кальцийленген сода, Қызылорда қаласында шыны пластик құбырлар шығаратын зауытар мен Жаңақорған ауданында күн электр станциясының құрылысы басталады деп жоспарлануда. Сонымен қатар, жыл соңына дейін 3 өндіріс іске қосылады деп жоспарлануда. Олар, Қызылорда қаласында шыны зауыты, Арал ауданында кварц құмын байыту бойынша тау-кен байыту комбинаты (бірінші желісі) және Қармақшы ауданында құс фабрикасы.
Сондай-ақ, аймақ басшысы «Жұмыспен қамту жол картасы» мемлекеттік бағдарламасының өңірде жүзеге асырылу барысын айтты.
<blockquote>
 «Мемлекеттік бағдарлама аясында 37 млрд. теңгені құрайтын 276 жоба жүзеге асырылуда. Нәтижесінде облыста 9299 жаңа жұмыс орындары құрылады. Бүгіннің өзінде 7 768 адам жұмысқа орналасты. Ең бастысы, жобаларды жүзеге асыруда пайдаланылатын тауарлар мен қызметтердің 90 пайызы отандық өнімдер», – деді облыс әкімі Гүлшара Әбдіқалықова.
</blockquote>
Ал, «Қарапайым заттар экономикасы» бағдарламасы аясында біздің облысымызда 7,6 млрд теңгені құрайтын 96 жобасы мақұлданды. Жобалар аясында 570-ке тарта жаңа жұмыс орны құрылады. Сондай-ақ, «Бизнестің Жол картасы 2025» бағдарламасы аясында көзделген қаражат 1,7 млрд теңгеден 3,4 млрд теңгеге дейін екі есеге ұлғайтылды.
Сонымен бірге, бизнесті қолдау бағдарламасы аясында қарастырылған құралдарды тиімді пайдалану үшін «Қызылорда облысының 2023 жылға дейінгі Экономикалық даму жоспары» әзірленді. Жоспардың негізгі мақсаты – шағын және орта бизнес жобаларын дамыту және қолдау. Жалпы жоспармен экономиканың түрлі салаларында 265 жоба жүзеге асырылмақшы, оның ішінде биыл 24 млрд теңгенің 95 жобасы өз жұмысын бастады, оның ішінде тамақ өнімдерін өндіру, ауыл шаруашылық өнімдерін терең өңдеу, мал шаруашылығын дамыту және тағы басқалары.
Аймақта құрылыс қарқыны да бәсеңдеген жоқ. Қиын кезеңге қарамастан биылғы жылы барлығы 30 әлеуметтік нысанның құрылысын жүргізу жоспарланса, жыл аяғына дейін 22 нысан халық игіліне пайдалануға беріледі деп күтілуде. Қызылорда қаласы мен аудандарда барлығы 1406 пәтерді құрайтын 87 тұрғын үйдің құрылысы жүргізілісе, жыл аяғына дейін 74 тұрғын үй халық игілігіне пайдалануға беріліп, 1000 жуық жерлестеріміз жаңа баспанаға ие болады.
Ақпараттық және насихаттық жұсмыстар да жүйелі жүргізілуде. Облыс көлемінде 75 тақырыптық билбордтар және адамдар көп жиналатын қоғамдық орындарда, көп қабатты үйлердегі арнайы орындарда жадынамалар, постерлер, үнпарақтар орналастырылуда. Төтенше жағдай қызметкерлерімен радио хабарландыру жасалып, облыстық телеарнада күнделікті тікелей эфирде “Дәрігер сағаты” бағдарламасы арқылы мамандар медициналық кеңес береді. Мемлекетпен қатар, осы індетпен күресуге ерекше үлес қосып жүрген белсенді азаматтардың жұмысын бір ортаға тоғыстырған «Сыр волонтерлары» орталығы құрылды.
Жиын соңында облыс әкімі тұрғындарды сақтық шараларын сақтауға шақырды.
<blockquote>
 «Алдымызда барша мұсылман қауымының асыға күтетін «Құрбан айт» мерекесі келе жатыр. Кеше ғана облыстың бас санитарлық дәрігерінің қаулысы қабылданып, қаулыға сәйкес құрбан шалу рәсімдері онлайн форматта ұйымдастырылды. Сондықтан, жақындарымыздың амандығы мен саулығы үшін көпшілік шаралардан бас тартып, жамағат болып жиналмай, отбасында атап өтуге шақырамын. Сақтық шараларына аса мән беріп, талаптарға бағыну – тек өзіміздің денсаулығымыз үшін ғана емес, тұтас ел алдындағы азаматтық борышымыз, саналы түрде басты ұстанымымыз болу керек», – деді Гүлшара Әбдіқалықова.
</blockquote>

Гүлшара Әбдіқалықова өңірдегі пандемиямен күрес және экономикалық ахуал туралы брифинг өткізді

<a href="https://kyzylorda-news.kz/date/2020/07/28/">Kyzylorda-news.kz.</a> Қызылордада жылу беру маусымында әлеуметтік сала нысандарына 39,5 мың тонна қатты және 26 мың тонна сұйық отын, ал жергілікті тұрғындарды 163,6 мың тонна көмір отынымен қамтамасыз ету мақсатында тиісті жұмыстар атқарылуда. Бұл туралы Өңірлік коммуникациялар қызметінің ақпарат алаңында өткен брифингте облыстық энергетика және тұрғын үй-коммуналдық шаруашылық басқармасы басшысының міндетін атқарушы Қыдыркүл Құдабекова мәлімдеді.
<blockquote>
 «Бүгінде облысқа 7,0 мың тонна көмір әкелінді. Ал әлеуметтік нысандарға қажетті отын қорын жеткізуші мекемелермен келісім-шарт жасалып, кезең-кезеңімен жеткізілді. Қазіргі таңда, 1185 әлеуметтік нысанның қазандықтарына жөндеу жұмыстары жүргізілуде. Бұған қоса, «Жұмыспен қамту – 2020» жол картасы бағдарламасы аясында 10 жоба жүзеге асырылуда. Яғни 7 дана қазандық және 3,6 шақырым жылу желілері жаңғыртылуда»,-деді Қыдыркүл Нұрабайқызы.
</blockquote>
<img src="https://kyzylorda-news.kz/wp-content/uploads/2020/07/116248558_1075628216166023_967805711301351697_o.jpg" alt="" />
Сонымен қатар, “Нұрлы жер” бағдарламасы шеңберінде 1,5 шақырым магистралдық жылу желісін реконструкциялау жұмыстары атқарылып, 66 пайызы орындалды.
<blockquote>
 «Аймақта көмір бағасының өсуіне жол бермеу мақсатында көмір өндіретін мекемелермен тікелей келісім шарт жасалды. Яғни қысқа дайындық мәселелері облыстық штабтың тұрақты бақылауында»,-деді Қыдыркүл Нұрабайқызы.
</blockquote>

Қызылордада жылу беру маусымына дайындық басталды

<a href="https://kyzylorda-news.kz/">Kyzylorda-news.kz.</a> Қызылордалық полицейлер “Құқық тәртібі” іс-шарасы кезінде 264 құқық бұзушылық анықтады.
Қызылорда облысы Полиция департаментінің қызметкерлері күшейтілген тәртіпте жұмыс істеуде. 24-26 шілде аралығында облыс аумағында құқықтық тәртіпті сақтау, көшелерде және басқа да қоғамдық орындарда қылмыстарды ескерту, жолын кесу және жедел ахуалды сауықтыру мақсатында “Құқық тәртібі” атты жедел-профилактикалық іс-шарасы өтті. 
“Құқық тәртібі” жедел-профилактикалық іс-шарасының аясында қоғамдық тәртіпті, сондай-ақ жол қозғалысы ережелерін бұзудың 264 дерегі анықталды. Оның ішінде жол-көлік оқиғасына тікелей септігін тигізетін өрескел жол қозғалыс ережесін бұзушылық, атап айтқанда, қарсы бағытқа шыққаны үшін үш жүргізуші анықталып, қауіпсіздік белдігін тақпай автокөлік басқарғаны үшін 90, ұялы телефонмен сөйлесіп көлік басқарғаны үшін 30 жүргізушіге әкімшілік хаттама толтырылды. Автокөлікті масаң күйде басқарудың 6 дерегі, қоғамдық орындарда алкогольді сусындарды ішкен 46 адам әкімшілік жауапкершілікке тартылды. Жергілікті жұмыс барысында полиция нарядтарымен қабылдау-тарату орнына – үш, Уақытша бейімдеу орталығына – 46 адам жеткізілді.

Қызылордада масаң күйде көлік басқарған 6 жүргізуші жауапқа тартылды

<a href="https://kyzylorda-news.kz/">Kyzylorda-news.kz.</a> Қазір карантин кезеңінде Қызылорда облысының кәсіпкерлер палатасы мамандары кәсіпкерлерге, кәсіпкер боламын деген азаматтарға онлайн да офлайн да қызметтер көрсетуде. Көрсетілетін қызметтер қандай жағдайда болмасын тоқтатылған жоқ. Бұл туралы Кәсіпкерлер палатасының бөлім бастығы Гаухар Елеусінова айтты.
Нәтижесінде 6 айдың қорытындысымен 407 кәсіпкерлік субъектісіне Палатадағы Кәсіпкерлерге қызмет көрсету орталықтарындағы кеңесшілермен 423 сервистік қызмет көрсетілген.
<blockquote>
 «Бұл дегеніміз – бухгалтерлік және салықтық, статистикалық есептіліктері тапсырып берілді, құқықтық кеңестер берілді, 184 бизнес-жоспар әзірленді. Осы жылы Палатада кеңесшілері жаңадан 3 қызмет түрі бойынша қызмет көрсетуде. Олар: мемлекеттік сатып алулар, жер қойнауын пайдаланушылар мен ұлттық компания сатып алуларына қатысты кеңес, қызмет беру, отандық тауарөндірушілердің өнімдерін өткізуге жәрдемдесу, электронды-цифрлық қызметтер, яғни Палата қабырғасына келген кәсіпкер Халыққа қызмет көрсету орталығына барып уақыт жоғалтпай-ақ қызметтерді Палатада ала алады», – дейді Гаухар Елеусінова.
</blockquote>
Кәсіпкерлер Паплатаның сервистік қызметтерін офлайн да, әрі services.atameken.kz порталы арқылы онлайн да ала алады. Біліктілігін көтеру курстарына қатысты да қызметтер осылай көрсетілуде.
Мәселен, «Бизнес-мектеп» компоненті бойынша 6 айда 125 қызылордалық біліктілігін жетілдірген. Олардың 47-сі оқуды онлайн аяқтаған.
Сонымен бірге, Палатадағы, сондай-ақ Палатаның аудандық филиалдарындағы кеңесшілер кәсіпкерлерге, кәсіпкер болуға ниетті азаматтарға кеңес беру қызметтерін де үздіксіз жүргізуде. Жыл басынан бері 2081 азаматқа кеңесшілермен 4027 кеңес берілген.
<blockquote>
 &nbsp;«Дүниежүзілік пандемияға орай Кәсіпкерлер палатасымен көрсетілетін «Аға сеньорлар», «Іскерлік байланыстар» құралдарында биыл өзгерістер бар. «Аға сеньорлар» бойынша кәсіпкерлер шетелдік сарапшылардан онлайн тегін қызмет ала алады, ал отандық сарапшыларды офлайн шақырта алады. Ал «Іскерлік байланыстар» құралы бойынша біліктіліктерін онфлайн жетілдіріп, тәжірибе алмасуға, жағдай тұрақталса 2021 жылы Германияға бара&nbsp; алады. Бұл қызметтерімізге де өтініш беру қазір жүргізілуде. Кәсіпкерлер біздің мамандарымызға хабарласып, өтінімдерін бере алады», – дейді Палата маманы.
</blockquote>
Айта кету керек, «Бастау» жобасы да биыл қызметін онлайн бастады. Облыс бойынша «Бастау» бойынша 2150 азаматты оқыту көзделіп отыр. Алғашқы лек бойынша 741 азамат онлайн оқып, 384 қатысушы оқуды аяқтағандығы және&nbsp; 328&nbsp; қатысушы оқуға қастысқаны жөнінде сертификатқа қол жеткізе алды. Қазір екінші легте 812 адам оқытылып жатыр.
Қызылорда облысы
кәсіпкерлер палатасының баспасөз қызметі

Кәсіпкерлер палатасы жаңадан 3 қызмет түрін ұсынады

Kyzylorda-news.kz. Қызылордада 91571 адам 42500 теңге көлемінде қосымша әлеуметтік жәрдемақы алуға жүгінді. Оның ішінде, шілде айында 81633 азаматқа көмек көрсетілді. Бұл туралы Өңірлік коммуникациялар қызметінің ақпарат алаңында өткен брифингте облыстық жұмыспен қамтуды үйлестіру және әлеуметтік бағдарламалар басқармасының басшысы Талғат Дүйсебаев мәлімдеді.
Өтінімнің ішінде 36120-сы проактивті форматта , яғни ешқандай өтініш тапсырмай-ақ бұрынғы мәліметтердің негізінде СМС арқылы расталып, көмек алды. Сондай-ақ, қалалық және аудандық штабтардың қаралуына 15201 өтінім түсіп, оның 7822-сі қабылданып, 6833-нің өтінім кері қайтарылған.
<blockquote>
 “Өтінімнің кері қайтарылу себебі: бас санитарлық дәрігердің қаулысында көрсетілген шектеулерге сәйкес кәсіпорын, мекемелердің қызметі 5 шілдеден бастап тоқтатылмаған. Бұл мәліметтердің барлығы салық органдарының жүйелері арқылы тексерілді. Сонымен қатар, өтінім беру барысында мәліметтерді (реквизит, есеп шоттар, жұмысшылардың ЖСН) дұрыс енгізбеген»,-деді Талғат Тұрсынұлы.
</blockquote>
Шектеу шараларын енгізуге байланысты табысынан айырылған жағдайда 42500 теңге көлеміндегі біржолғы төлемді тағайындауға өтінішті жұмыс беруші береді.
<blockquote>
 “Жұмыс беруші көрсетілген төлемді тағайындау қағидаларының талаптарын сақтамаған жағдайда қызметкер еңбек инспекциясы жөніндегі жергілікті органға жүгінуге құқылы”,-деді облыстық еңбек саласындағы бақылау басқармасының басшысы Төреахмет Сайлаубайұлы.
</blockquote>

Қызылордада 81 633 адам біржолғы төлем алды

<a href="https://kyzylorda-news.kz/">Kyzylorda-news.kz.</a> ҚР Премьер-Министрінің орынбасары Ералы Тоғжанов эпидемиологиялық жағдайдың тұрақталуын қадағалау үшін арнайы іс-сапармен Қызылорда облысына келді.
Облыс әкімдігі ғимаратында өткен мәжіліс барысында СК-Фармация басшысына облыстың медициналық мекемелерінің дәрі-дәрмекпен бір айлық қоры көлемінде қамтамасыз етілуі ерекше тапсырылды.
Сонымен бірге, бір апта ішінде өкпені жасанды желдету аппараттары тағы да қосымша облыс мекемелеріне жеткізілетін болады. Одан бөлек, 26 шілде күні облысқа қосымша қажетті 200 оттегі концентраторы жеткізіледі. Бұл көлем жалпы облыс қажеттілігін толықтай қамтитын болады.
Ералы Тоғжанов коронавирус індетінің одан әрі таралмауы және эпидемиологиялық ахуалдың жақсаруы жергілікті халықтың санитарлық нормаларды сақтауына да байланысты екендігін атап өтті.
<blockquote>
 “Күні кеше облыстың кей аудандарында той мен жиындар өткізілген. Дәрі-дәрмекпен, қажетті медициналық көмекпен мемлекет сөзсіз қамтамасыз етуде. Алайда, індеттің таралмауы – бұл мемлекеттің ғана қолында емес, бұл істе халықтың да жауапкершілігі мол”,-деді.
</blockquote>
<img src="https://kyzylorda-news.kz/wp-content/uploads/2020/07/116263160_2583552835081103_8902168094569060404_n.jpg" alt="" />
Премьер-Министрдің орынбасары Ералы Тоғжановтың Қызылорда өңіріне іс-сапары аясында Облыстық Жедел медициналық көмек стансасы мен Облыстық көпсалалы емханадағы жағдаймен танысып, өңір орталығындағы бірнеше дәріханалардың дәрі-дәрмекпен тексеру жоспарланған.
<img src="https://kyzylorda-news.kz/wp-content/uploads/2020/07/116070286_2583553085081078_8255453801641589191_n.jpg" alt="" />

Қызылордаға ҚР Премьер-Министрінің орынбасары Ералы Тоғжанов келді

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Гүлшара Әбдіқалықованың төрағалығымен селекторлық режимде Сырдария ауданының эпидемиологиялық ахуалына қатысты мәжіліс өтті.
Жиында алдымен аудан әкімі Руслан Рүстемовтің індеттің алдын-алу және таралуын болдырмау мақсатында атқарылып жатқан жұмыстары туралы баяндамасы тыңдалды.
Бүгінгі күнге дейін ауданда COVID-19 инфекциясымен 156 науқас тіркеліп, 65 адам емделіп шықты. Қазіргі таңда инфекциялық стационарда 27, үй жағдайында 1 науқас ем алуда. Пневмониядан 155 адам ауырып, 98 жазылып шықты.
Ауданда 80 төсек орны бар. Ахуал күрделенген жағдайда Шаған ауылдық ауруханасынан инфекциялық стационарға резервтік 30 орын, Аманкелді ауылдық ауруханасынан 20 орын, сонымен қатар, «Жалын» тынығу лагерінен 100 провизорлық төсек орын ашуға тиісті жұмыстар ұйымдастырылуда. Жалпы 150 төсек орын дайындалады деп жоспарлануда.
Науқастарға ем алу үшін барлық жағдай жасалған. Ауданда 2 өкпені жасанды желдету (ИВЛ) аппараты, 4 оттегі концентраторы, 50 оттегі баллоны бар. Сонымен қатар, демеушілер есебінен қосымша 50 оттегі баллондарын алу жоспарланып отыр.
Жалпы карантин жарияланған кезеңнен бастап аудан бойынша демеушілер мен еріктілер тарапынан аудандық аурухана мен елді мекендерге медициналық құралдар, дәрі-дәрмектер, азық-түлік түрінде 13,4 млн теңгеге көмек көрсетілді.
Коронавирустың таралуын шектеу мақсатында 12 мобильдік және 3 мониторингтік топтар құрылып, күнделікті кәсіпкерлік нысандарын және арнайы белгіленген аймақтарын аралап, санитариялық талаптардың сақталуына бақылау жасауда және тұрғындар арасында отбасылық жиындардан бас тарту туралы түсіндірме жұмыстарын үздіксіз жүргізіп келеді.
Облыс әкімі инфекциялық орындарды көбейтуді және қажетті аппараттар, дәрілік заттармен қамтамасыз етуді тапсырды.
<blockquote>
 «Инфекциялық стационарларды көбейтіңіздер. Емдеу мекемелерін оттегі концентраты және оттегі болландармен қамтамасыз етіңіздер. Дәрі-дәрмек қоры бақылауда болсын. Тұрғындарға қажетті дәрілік заттар дәріханаларда қолжетімді бағада болу керек. Кәсіпкерлермен келісім жүргізіп, жеткізілу мәселесін қарастырыңыздар», – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/07/syrdarija1-1.jpg" alt="" />

Карантин: Сырдария ауданының халқына 13,4 млн теңгеге көмек көрсетілді

<a href="https://kyzylorda-news.kz/date/2020/07/22/">Kyzylorda-news.kz.</a> Қызылорда облысы бойынша COVID-19 қарсы күреске қатысқан 2,4 мың медицина қызметкеріне маусым айы үшін үстеме ақы төленуде. Бұл туралы «ӘМСҚ» КЕАҚ Қызылорда облысы бойынша филиалының директоры Бақыт Исмаханбетов мәлемдеді.
Үстеме ақы төлеу үшін республикалық бюджеттен Медициналық сақтандыру қорының филиалына2,3 млрд теңге бөлінді. Қор қаржы операторы ретінде өңірдің медицина қызметкерлерінің&nbsp; наурыздан маусым айы аралығында жалақысына қосымша 1,11 млрд астам теңге төледі.
Бақыт Исмаханбетовтың айтуынша, Медициналық сақтандыру қоры&nbsp; қауіпті жағдайда жұмыс істейтін дәрігерлер мен медицина қызметкерлерінің саны ай сайын артып келе жатқанын хабарлады. Егер наурыз айында үстеме ақыны 4 мыңнан астам қызметкер алса, маусым айында олардың саны 6,4 мың адамға дейін өсті. Енді&nbsp; ӘМСҚ маусым айына төлем жасайды.
Естеріңізге сала кетейік, коронавирус бойынша эпидемияға қарсы іс-шараларға тартылған медицина қызметкерлерін ынталандыру және көтермелеу үшін жалақыға үстеме ақы қарастырылған. Денсаулық сақтау министрлігінің бұйрығымен тәуекел топтар, алушылардың тізімін қалыптастыру тәртібі және төлемдер мөлшері анықталды. Тәуекел тобына байланысты медицина қызметкерлеріне&nbsp; 212 мың теңгеден (5 АЕК) 850 мың теңгеге дейін (20 АЕК) қосымша ақы берілді.
Үстеме ақы алушылар тізімін жедел штаб жанынан құрылған өңірлік комиссия жасақтайды. Комиссия төрағасы әкімдердің орынбасарлары, сондай-ақ, оның&nbsp; құрамына Медициналық сақтандыру қоры филиалдарының қызметкерлері, өңірлік мемлекеттік бас санитарлық дәрігер, Денсаулық сақтау басқармаларының, үкіметтік емес ұйымдардың өкілдері кіреді.
Ал, Медициналық сақтандыру қоры тізім бойынша деректердің&nbsp; Денсаулық сақтау министрінің “COVID-19 коронавируспен күрес шеңберінде эпидемияға қарсы іс-шараларға тартылған денсаулық сақтау ұйымдарының қызметкерлерін қаржылық қолдаудағы&nbsp; кейбір мәселелер туралы” бұйрығына сәйкестігін тексереді.
Егер медициналық қызметкерлерінде үстеме ақыға қатысты сұрақтар туындаса,&nbsp; өңірлік комиссияға жүгінуі қажет.
Коронавируқа шалдыққан&nbsp; медицина қызметкерлеріне қосымша қаржыны&nbsp; Қазақстан Республикасы Еңбек және халықты әлеуметтік қорғау министрлігі&nbsp;&nbsp; өңірлік комиссия&nbsp; шешімі негізіндегі&nbsp;&nbsp; Денсаулық сақтау басқармаларының өтініші бойынша төлейді.

COVID-19: Қызылордада  2,4 мың медицина қызметкеріне қосымша ақы тағайындалды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова егісті суармалы сумен қамтамасыз ету мәселесі бойынша ауыл шаруашылығы басқармасының басшысы С.Нұрымбетовты, табиғи ресурстар және табиғат пайдалануды реттеу басқармасының басшысы Б.Шәменовті және «Қазсушар» кәсіпорнының Қызылорда филиалының директоры Х.Бейімбетовті қабылдады.
Қабылдауда сала басшылары қазіргі уақытта облыстағы егін шаруашылығы жағдайы мен суармалы су жеткізу жұмыстарының барысы туралы баяндады.
<img src="https://kyzylorda-news.kz/wp-content/uploads/2020/07/fb_img_1595413795818.jpg" alt="" />
Атап айтқанда, С. Нұрымбетов биылғы нақты егілген егіс көлемі мен жағдайы, аудандар бойынша су тапшылығы орын алған егіс көлемдері мен су жеткізу барысында атқарылып жатқан шаралар туралы айтып өтті.
Сонымен бірге, табиғи ресурстар және табиғат пайдалануды реттеу басқармасының басшысы Б.Шәменов Сырдария өзені бассейніндегі судың жәй-күйін баяндады.
<img src="https://kyzylorda-news.kz/wp-content/uploads/2020/07/fb_img_1595413799049.jpg" alt="" />
Сондай-ақ, «Қазсушар» кәсіпорны Қызылорда филиалының директоры Х.Бейімбетов егістікті суармалы сумен қамтамасыз ету мақсатында, шаруашылықтармен бірге суды тиімді пайдалану бойынша атқарылып жатқан шаралар туралы хабарлады. 
Қазіргі таңда облыс бойынша 184,7 мың га егіс егіліп, негізгі дақыл күріш егісі 89,6 мың гектарды құрады. Бүгінде су алу каналдары арқылы егіске күнделікті секундына 404 текшеметр су алынуда.
Атап айту керек, өткен жылмен салыстырғанда, Нарын – Сырдария каскадының су қоймаларында судың көлемі 4,4 млрд.текшеметр аз болса, Шардарадағы жиналған су 2,3 млрд текшеметрді құрап, өткен жылдың осы кезеңімен салыстырғанда 1,1 млрд текшеметрге аз, ал төменге Сырдария өзені арқылы секундына 520 текшеметрсу тасталып,2019 жылмен салыстырғанда180 текшеметрге аз болып отыр.
Бұл өз кезегінде, сумен қамтамасыз ету барысына кері әсерін тигізіп, барлық аудандардың егіс алқаптарында су тапшылығы байқалып отыр. Бүгінде облыс бойынша 1853 га күріш егісіне су жетіспей отырса, 405 га егіс мүлдем сусыз қалғандығы анықталды.
Аймақ басшысы Сырдария өзеніндегі су тапшылығына байланысты облыстың егін алқаптарын сумен қамтамасыз етуде қалыптасқан күрделі жағдайды күнделікті бақылауда ұстап, тікелей ұйымдастыруды тапсырды.
Қабылдаудың нәтижесімен, облыс әкімі сала басшыларына су тапшылығын алдын алу бағытында, бірқатар нақты тапсырма берді.
<blockquote>
 «Орын алған жағдайды қайта болдырмас үшін алдағы жылдың егісін жоспарлағанда күріштен басқа суды аз қажет ететін, тиімділігі жоғары дақылдарды егу жолдарын қарастырыңыздар», – деді облыс әкімі Гүлшара Әбдіқалықова.
</blockquote>
Сонымен қатар, облыста қалыптасқан су тапшылығы мәселесін жедел шешу бойынша Үкімет пен салалық министрлікке шұғыл ұсыныс жолданатынын және алдағы күндері Үкіметте өтетін мәжілісте аталған мәселені Премьер-Министрдің назарына жеткізетіндігін айтты.

Қызылордада биыл 405 гектар егіс алқабы сусыз қалған

<a href="https://kyzylorda-news.kz/">Kyzylorda-news.kz.</a> Қызылордада «Syr Volonterlary» орталығы ашылады. Бұл туралы Өңірлік коммуникациялар қызметінің ақпарат алаңында өткен брифингте облыс әкімінің орынбасары Серік Ахмет мәлімдеді.
<blockquote>
 «Орталықтың мақсаты – барлық еріктілерді бір орталыққа біріктіріп, сапалы қызмет көрсету. Аталған орталық Темірбек Жүргенов атындағы шығармашылық үйі ғимаратында орналасқан. Волонтер болғысы келетін барша ынталы азаматтар «Syr Volonterlary» орталығының 401-110 байланыс телефонына хабарласуға болады. Пандемия кезінде волонтерлар ауқымды жұмыстар атқаруда. Әлеуметтік аз қамтылған отбасылар мен қарттарға материалдық қолдау, автоволонтерлардың көмегімен медициналық дәрі-дәрмектер жеткізіліп, жыл басынан бері түрлі форматтағы 1 184 шаралар ұйымдастырылды», – деді Серік Әбжәліұлы.
</blockquote>
<img src="https://kyzylorda-news.kz/wp-content/uploads/2020/07/fb_img_1595398486763-1.jpg" alt="" />

Сыр еріктілері бір орталыққа бірігеді

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықованың төрағалығымен селекторлық режимде Қазалы ауданының эпидемиологиялық ахуалына қатысты мәжіліс өтті.
Жиында алдымен аудан әкімі Мұрат Ергешбаевтың індеттің алдын-алу және таралуын болдырмау мақсатында атқарылып жатқан жұмыстары туралы баяндамасы тыңдалды. 
Бүгінгі күнге дейін ауданда дейін COVID-19 инфекциясымен ауданда 78 науқас тіркелген. Олардың 8-і инфекциялық бөлімінде ем алып жатса, 26-ы жеңіл жағдайда болғандықтан үй карантинінде. Ал, 44 науқас індеттен толық айыққан. 
Пневмония диагнозы бойынша 59 науқас тіркелген. Оның 43-і ауданаралық ауруханада, 16-ы теміржол ауруханасында ем алуда. Ауруханадағы науқастардың кислород тапшылығын болдырмау мақсатында медицина мекемелеріне 400 дана оттегі толтырылған баллондар берілді. Жергілікті ауруханаларға аудандық бюджеттен қосымша 5 дана оттегі концентраторы сатып алынды. Бұған қоса кәсіпкерлер мен ынталы топтар арқылы қосымша 10 дана оттегі концентраторы алу жоспарлануда. 
Коронавирус инфекциясын жұқтырған науқастар Қазалы ауданаралық ауруханасы мен Қазалы теміржол ауруханасында емделуде. 
Бүгінгі күні аудандық ауруханадағы 70 орындық провизорлық стационарда 40 науқас ем қабылдап жатыр. Ал, Қазалы теміржол ауруханасының 20 төсектік провизорлық стационардың толық болуына орай, жанындағы бұрынғы перзентхана ғимаратын 50 орындық провизорлық стационарға бейімдеу мүмкіндігі қарастырылмақ. Эпидемиологиялық ахуал күрделене түскен жағдайда Қазалы аграрлы-техникалық колледжінің жатақханасын да 35 орындық провизорлық стационарға бейімдеу қолға алынатын болады. 
Халықты сұранысына сәйкес ауданда жылжымалы дәріхана тәжірибесі қолданылған. Бүгінгі күні аталған дәріхана халықтың жоғарғы сұранысына ие болып, қажетті дәрі қорларын жасақтап, тұрғындарға жеткізу ұйымдастырылуда. 
Жиында облыс әкімі аудан орталығына қашық орналасқан елді-мекендерді жедел-жәрдем қызметімен толық қамтамасыз етуді қатаң тапсырды.
<blockquote>
 “Бүгінде алыс ауылдарда жедел-жәрдем қызметінің жеткіліксіздігі байқалуда. Осыған орай, барлық елді-мекендерді назардан тыс қалдырмаңыздар. Ол жақта да санитарлық талаптардың қатаң сақталуын жіті бақылауға алған жөн. Аудандағы провизорлық стационарлардың қатарын көбейтіп, дәрі-дәрмек қоры толықтырылып отыруын қадағалау қажет. Сонымен қатар, жерлеу рәсімдеріндегі карантиндік талаптарды көшейтуді қатаң тапсырамын. Мұндай рәсімде 1 дәрігердің болуын қаматамасыз етіңіздер” » – деді облыс әкімі Гүлшара Әбдіқалықова.
</blockquote>
Сондай-ақ аймақ басшысы ауруханаларға қажетті оттегі концентраторын алдыру мәселесін жан-жақты шешуді қатаң тапсырды.
<img src="https://kyzylorda-news.kz/wp-content/uploads/2020/07/fb_img_1595395221916-1.jpg" alt="" />

Қазақстан және Қызылорда облысының жаңалықтары: Басты жаңалықтар old