*<a href="https://kyzylorda-news.kz/">Kyzylorda-news.kz</a>. Өңір экономикасын дамыту бағытында өткен жылы 265 жоба мақұлданды. Жобаның 89-ы іске асырылып, 1047 жұмыс орны ашылды. Мәселен қой, сиыр және жылқы етінен жасалған консерві, күріш, қарақұмық жармасы және арпа, балық, жүн-тері өңдеу және көрпе өндірісі, шұжық цехі өнімдерін шығаруда.*
<blockquote>
 “Экономиканы дамыту мақсатында іске асырылатын жобаларға талдау жасалып, 500-ге дейін арттыру көзделуде. Сондай-ақ, биыл 89,8 млн теңгені құрайтын 105 жоба іске асыру жоспарлануда. Нәтижесінде 2533 жұмыс орны құрылатын болады. Биыл ауыл тұрғындарының өмір сүру сапасын жақсарту мақсатында 13 инвестициялық жобаны іске асыруға республикалық бюджеттен 1,9 млрд теңге қаралды. Жоба аясында 3 307 тұрғын үйге газ желісі жүргізіледі. 26,6 шақырым көше жөндеуден өтеді. 117 жұмыс орыны құрылатын болады”, – деді облыстық экономика және бюджеттік жоспарлау басқармасының басшысы Нұрғали Қордабай.
</blockquote>

Қызылордада биыл 13 инвестициялық жоба жүзеге асырылады

<a href="https://kyzylorda-news.kz/">Kyzylorda-news.kz</a>.&nbsp;Қазақ күресінен өткен облыс біріншілігінде Қызылорда қаласы мен Шиелі ауданының балуандары жеңіске жетті.
№1 Қызылорда облысының олимпиадалық резервтің мамандандырылған балалар-жасөспірімдер мектебінде қазақ күресінен 2006-2007 жылы туған кіші жасөспірімдер арасында облыс біріншілігі мәресіне жетті.
Жарыс карантин талаптарын сақтай отырып, көрермендерсіз өткізілді. Балуандар бәсекесінде Шиелі ауданы мен Қызылорда қаласының спортшылары жақсы қырыннан таныла білді.Атап айтсақ, шиеліліктер Диас Маратұлы (38 келі), Марғұлан Қасымбек (42 келі), Қуаныш Қазнабек (55 келі), Ерасыл Халилаев (65 келі), қызылордалықтар Нұржан Тумырзаев (46 келі), Шейхрахман Бауыржанұлы (50 келі), Ардақ Мұңайтбас (70 келі), Сержан Қанатұлы (75 келі) жеңіс тұғырына көтерілді.
Сонымен қатар Түгіскен елді мекенінен Мирас Жұмақожа (60 келі) мен қазалылық Нұрдаулет Әмет (+75 келі) облыс чемпионы атанды.
Республикада эпидемиологиялық ахуал қалыпты болған жағдайда спортшылар ақпан айында Нұр-Сұлтан қаласында өтетін жасөспірімдер арасындағы Қазақстан Республикасының чемпионатына қатысады.

Қызылорда: Жеңімпаздар ел чемпионатына қатысады

<a href="https://kyzylorda-news.kz/">Kyzylorda-news.kz.</a> Қазақстанда баланың тұрған орнын анықтауға мүмкіндік беретін «Тап мені» жүйесі іске қосылады. Бұл туралы ҚР Ішкі істер министрлігінің ресми өкілі Нұрділдә Ораз айтты, деп хабарлайды <a href="https://www.inform.kz/kz/kazakstanda-balanyn-kayda-zhurgenin-anyktaytyn-zhuye-iske-kosylady_a3744842">ҚазАқпарат.</a>
<blockquote>
 «Биыл министрлік тарапынан жүзеге асырылатын ілкі жобаларға тоқталып өтсем. Бұл – баланың жүрген жерін анықауға мүмкіндік беретін «Тап мені» балалардың қауіпсіздік жүйесі. Ол – Bluetooth желісінде жұмыс істейтін трекерлерді мониторингілейтін мобильді қосымша. Қосымша ата-аналардың смартфонына орнатылады. Ал трекерді баланың киіміне немесе мектеп сөмкесіне жапсырып қоюға болады», – деді ол ведомствоның баспасөз қызметі алаңында өткен брифинг барысында.
</blockquote>
Нұрділдә Ораздың атап өтуінше, баламен байланыс жоғалған жағдайда ата-аналары қосымшаның трекер шамшырағын іздеу режимін қосады.
<blockquote>
 «Сонымен қатар жүйе Жедел басқару орталығымен ықпалдастырылған. Демек, баланы іздеу туралы дабыл автоматты түрде полицияға да түседі», – деді Нұрділдә Ораз.
</blockquote>

Қазақстанда баланың қайда жүргенін анықтайтын жүйе іске қосылады

<a href="https://kyzylorda-news.kz/">Kyzylorda-news.kz.</a>&nbsp;&nbsp; Қазақстан Республикасы Қарулы Күштері Құрлық әскерлерінің бас қолбасшысы генерал-майор Т.Қойбақов «Оңтүстік» өңірлік қолбасшылығының құрамалары мен әскери бөлімдеріне жұмыс сапарымен Қызылорда гарнизоны әскери бөлімінде болды.
Сапар барысында Құрлық әскерлері бас қолбасшысының комиссиясы түрлі бағыттар бойынша қысқы кезеңдегі атқарылып жатқан жұмыс нәтижелерімен танысты.
Әскери бөлімде генерал-майор Т.Қойбақов жеке құрам басшылығымен кездесті. Әскери қызметшілердің әлеуметтік-тұрмыстық жағдайларымен танысып, бөлімнің өткен оқу жылындағы жеткен жетістіктерін сақтап қалу жолында еңбек етуге шақырды. Техникалардың, қару-жарақтардың, техникалық қызмет көрсету пункттерінің және әскери бөлім асханасыныңжұмыстарына ерекше назар аударды.
<blockquote>
 «Әскери бөлімнің қару-жарақ, оқ-дәрі сияқты қоймаларын тексеріп шықтым.Тазалық пен қауіпсіздік ережелерінің жұмысы дұрыс ұйымдастырылған. Бөлімнің техникалық пунктері мен әскери қызметшілері асханасының қызмет ету сапасы да өз деңгейінде. Санитарлық-эпидемиологиялық талаптар мен әскерилердің моралдық күйі басты назарда болуы тиіс. Әскери қызметшілеріміздің жауынгерлік дайындығы, қауіпсіздігі мен әлеуметтік жағдайы үшін барлық кездесетін келеңсіздіктермен тез арада нәтижелі күрескен жөн», – деді бөлім ұжымымен кездесу барысында Құрлық әскерлерінің бас қолбасшысы генерал-майор Т.Қойбақов.
</blockquote>
Сапар соңында Қазақстан Республикасы Қарулы Күштері Құрлық әскерлерінің Бас қолбасшысы Қызылорда гарнизоны әскери бөлімі командиріне әскерлердің күнделікті қызмет іс-шараларының сапалы орындалуына қатысты бірқатар тапсырмалар берді.
<img src="https://kyzylorda-news.kz/wp-content/uploads/2021/01/img_20210122_211907_274.jpg" alt="" />
<img src="https://kyzylorda-news.kz/wp-content/uploads/2021/01/img_20210122_211909_805.jpg" alt="" />

Құрлық әскерлерінің бас қолбасшысы Қызылорда гарнизонына келді

<a href="https://kyzylorda-news.kz/">Kyzylorda-news.kz.</a>&nbsp;&nbsp;Мемлекет басшысы өткен жылғы қыркүйектегі Қазақстан халқына Жолдауында «Агроөнеркәсіптік кешенді дамыту бағдарламасы келесі жылы аяқталады. Мен Үкіметке бизнеспен бірлесіп, келесі бесжылдыққа арналған агроөнеркәсіптік кешенді дамыту жөніндегі жаңа ұлттық жобаны әзірлеуді бастауды тапсырамын», деген болатын.
Осы орайда кәсіпкерлік палатасының басшысы мәжілісте аймақта кәсіпкерлік саласын дамытуда агроөнеркәсіптік кешеннің маңыздылығына тоқтала отырып, бірнеше мәселені көтерді.
<blockquote>
 «Қызылорда облысы аридті (қуаңшылық) аймаққа жататындықтан, ауылшаруашылығын сусыз елестету мүмкін емес. Сырдария өзені мен Кіші Арал теңізі егістіктер мен жайылымдарды суландырудың негізгі көзі болып табылады. Сонымен қатар балық өсіретін су айдындарын сумен тұрақты қамтамасыз етудің &nbsp;жалғыз жолы. Яғни, су мәселесінің түпкілікті шешілуі аймақта ауылшаруашылық өндірісін кешенді дамыту мүмкіндік береді. Сол себепті «Сырдария өзенінің арнасын реттеу және Арал теңізінің солтүстік бөлігін сақтау» жобасының 2-кезеңін жүзеге асыру мәселесін аталмыш бағдарламаға қосу қажет деп есептейміз», – деді Ғалымбек Жақсылықов.
</blockquote>
<img src="https://kyzylorda-news.kz/wp-content/uploads/2021/01/galymbek-zhaksylykov.jpg" alt="" />
Палата директорының мұнан кейінгі көтерген мәселесі – аймақта «Агропарк» құру.
<blockquote>
 «Ы.Жақаев атындағы «Қазақ күріш шаруашылығы ғылыми-зерттеу институты» тарапынан аймақтың егіс алқаптарын тиімді әртараптандыру мүмкіндіктері жайлы көптеген ғылыми жұмыстар жасалған. Мысалы, Институттың есебі бойынша 1 гектар күріштен түсетін таза табыс 103 мың тг болса, соя, сүрлем жүгері және соргоның таза табысы күріштен кемінде екі есе артық шығады. Яғни, осындай суды аз талап ететін әрі табысы көп болатын дақылдарды егуде Институт тәжірибесін облыста тарату қажет деп есептейміз. &nbsp;Бұл дақылдар облысымызда кең тарамағандықтан, сәйкестендірілген техникалар және сол дақылдарды егіп көрген тәжірибелі Институт пен ғалымдардың көмегіне жүгініп, Институт базасында «Агропарк» құруды ұсынамыз. &nbsp;Ол үшін &nbsp;институттың өңір кәсіпкерлеріне тәжірибесін таратуға толық қауқары бар», – деді Палата басшысы.
</blockquote>
Мәжіліс қорытындысымен облыс әкімі аталмыш ұсыныстарды тиісті сала басшыларына тапсырып, жүзеге асыру тетіктерін қарастыруды тапсырды.

Кәсіпкерлер палатасы өңірдің агроөнеркәсіптік кешенін дамыту бағдарламасына арналған ұсыныстарын жеткізді

<a href="https://kyzylorda-news.kz/">Kyzylorda-news.kz.</a> Қазақстанда 1 480 адам коронавирус жұқтырды, деп хабарлайды coronavirus2020.kz.
Қазақстандағы коронавирус бойынша 24 қаңтар 23:59-дағы эпидемиология бойынша 1 480 адам коронавирус індетімен ауырғаны ПТР арқылы расталды.
Аймақтар бойынша:
Нұр-Сұлтан қаласы – 211,
Алматы қаласы – 135,
Шымкент қаласы – 9,
Ақмола облысы – 219,
Ақтөбе облысы – 9,
Алматы облысы – 79,
Атырау облысы – 101,
Шығыс Қазақстан облысы – 31,
Жамбыл облысы – 18,
Батыс Қазақстан облысы – 89,
Қарағанды облысы – 82,
Қостанай облысы – 137,
Қызылорда облысы – 9,
Маңғыстау облысы – 11,
Павлодар облысы – 217,
Солтүстік Қазақстан облысы – 107,
Түркістан облысы – 16.
Жалпы ел бойынша ауырғандар саны 178 454.

Коронавирус: Қызылордада 9 адам жұқтырды

Kyzylorda-news.kz. Қорқыт ата атындағы Қызылорда университеті «Физика-химиялық талдау әдістері» инженерлік бейіндегі зертхана жетекшісі Нұрғали Ақылбеков «ЖОО-ның үздік оқытушысы-2020» байқауының қорытындысы бойынша жеңімпаз атанды.
Жас ғалым химия ғылымдарының кандидаты, химия мамандығы бойынша философия докторы (PhD), Экология және химиялық технологиялар кафедрасының аға оқытушысы.
«ЖОО-ның үздік оқытушысы-2020» байқауына еліміздің 73 жоғары оқу орнынан 623 үміткер қатысқан. 48 жоғары оқу орнынан 150 адам жеңіске жетіп, ЖОО-ның профессор-оқытушылар құрамының педагогикалық және ғылыми шеберлігін саралайтын байқау.
Н.Ақылбеков ұстаздық қызметіндегі және ғылыми-зерттеу жұмыстарындағы табысы үшін 2017 жылы Республикалық «ҒАНИ МҰРАТБАЕВ» атындағы жастар сыйлығының иегері атанды. 2017 ж. Италияның Милано Мариттима қаласында өткен Жас Химиктер Симпозиумының қатысушысы, 2017 жылы ҚР Үкіметінің мемлекеттік «ДАРЫН» жастар сыйлығының иегері, 2019 жылы талантты жас ғалымдарға арналған мемлекеттік ғылыми стипендияның және т.б марапаттардың иегері.
Халықаралық ғылыми-ақпараттық базалық компаниялар Web of Science және Scopusтың басылымдарына енген жоғары импакт-факторлы журналдарда ғылыми мақалалар, шетелдік, халықаралық және республикалық конференциялар мен симпозиумдардағы материалдар мен баяндама тезистері, Қазақстан Республикасы және Ресей Федерациясының өнертабыстық, инновациялық және пайдалы модельге патенттері түріндегі 104 ғылыми еңбектері жарық көрді.
2020 жылдың «Жоғары оқу орнының үздік оқытушысы» атағына ие болған Нұрғали Акылбеков өзінің ғылыми-зерттеу жұмыстарын жүргізу және біліктілігін арттыру мақсатында әлемнің жетекші университеттерінде ғылыми тағылымдамадан өтуге мүмкіндік беретін грантқа ие болды.
Аталған конкурс жоғары оқу орнының оқытушыларына шығармашылық әлеуеттерін жүзеге асыруға және халықаралық ынтымақтастықты кеңейтуге зор мүмкіндік береді.

«ЖОО үздік оқытушысы – 2020»: Қызылордалық жас ғалым жеңімпаз атанды

Kyzylorda-news news.kz. Пандемиямен күресте сырбойылық ақ халаттылар аянбай еңбек етті.
Олар өз жанұяларының қауіпсіздігін, науқастардың денсаулығына айырбастады. Ең бірінші орынға науқас жандардың сауығуын қойды. Мәселен көпбейінді облыстық ауруханасының 6 және психикалық денсаулық орталығының 4 қызметкері жоғарғы марапат төрінен көрінді.
Пандемия кезінде көпбейінді облыстық аурухананың фильтр бөлімінде 180 төсек орын дайындалған. Оның ішінде, жаңсақтау палатасында 20 төсек орын және ота залы ашылып, жабдықталды. Сонымен қатар, фильтр және қабылдау бөлімдерінде 150 медицина қызметкері жұмыс істеді.
<blockquote>
 “Ауруханада 15373 науқас емделді. Бұған қоса, пандемия кезінде 30 төсек орынға арналған инфекциялық бөлім ашылып, 87 науқас ем алды. Қабылдау және фильтр бөлімдеріне 144 дана орталықтандырылған оттегі жүйесі орнатылды. Мұнан өзге, облыстық аурухананың материалдық-техникалық базасы жаңа заманауи медициналық құрал-жабдықтармен толықтырылды. Яғни, 326 оттегі розеткасы, цифрлық жылжымалы рентген, «С-дуга» рентген-аппараттары, 3 наркоз және жансақтау төсек орыны, 9 ИВЛ аппараты алынды”, – деді Көпбейінді облыстық аурухананың бас дәрігері Нұриддин Амитов.
 “Індет өршіген уақытта облыстық психикалық денсаулық орталығына қарасты «Сейхун» провизорлық стационары ашылып, 1 ай жұмыс істеді. Мыңға жуық науқасты қабылдап, медициналық көмек көрсеттік”, – деді облыстық психикалық денсаулық орталығы директорының орынбасары Гүлайым Сейілханова.
</blockquote>
<img src="https://kyzylorda-news.kz/wp-content/uploads/2021/01/fb_img_1611329805843.jpg" alt="" />

Нуридин Амитов: Ауруханада 15373 науқас емделді

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова өңірдің әлеуметтік-экономикалық дамуына арналған кеңейтілген мәжіліс өткізді. Отырысқа орынбасарлары, басқарма басшылары, онлайн режимінде қала, аудан әкімдері қатысты. Мәжілісте 6 мәселе қаралып, 2020 жылы түрлі салаларда атқарылған жұмыстарға талдау жүргізіліп, 2021 жылда іске асатын негізгі жұмыстар сараланды.
Жиында облыстық экономика және бюджеттік жоспарлау басқармасының басшысы Нұрғали Қордабай Қызылорда облысының 2020 жылғы әлеуметтік-экономикалық даму қорытындыларын баяндап, мемлекеттік бағдарламлардың орындалу барысын сөз етті. Сондай-ақ, салалардағы индикаторлық көрсеткіштерге тоқталды.
Отырыста Гүлшара Әбдіқалықова мемлекеттік бағдарламларды іске асыру барысында бірқатар мәселелерге мән беріп, Қызылорда қаласы және аудан әкімдері, тиісті бағдарлама әкімшілеріне мемлекеттік сатып алу рәсімдерін уақытылы жүзеге асыруды, қаржының сапалы, тиімді және толық игерілуін қатаң бақылауға алуды тапсырды.
Кеңейтілген жиында 2020 жылдың қорытындысы негізінде облыс бюджетінің игерілуі мәселесі қаралды. Облыстық қаржы басқармасының басшысы Елена Шаврова салалар бойынша талдау жасап, бюджет қаражатын игеру бағытында атқарылған жұмыстарды баян етті.
Айту керек, 2020 жылда облыс бюджетінің көлемі 377 млрд.теңгені құрап, бюджет қаражаты 98,1 пайызға игерілген. Қаржыны уақытылы игеру мәселесіне қатысты өңір басшысы биыл ай сайын қаржыландырудың жоспарына қарай бөлінген қаражатты толық игеруді қамтамасыз етуді және мемлекеттік сатып алу жоспарларына сәйкес тиісті конкурстарды мерзімінде ұйымдастыруды қатаң тапсырды.
Жиында қозғалған үшінші мәселе – жұмыссыздықты жою бағытында қаралды. Пандемия кезеңіндегі күрделі уақытта халықты жұмыспен қамтудың белсенді шараларын ұдайы жүргізу бағыты тоқтамауы керек. Бұл ретте облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова жұмыссыздықтың өсуіне жол бермеу және халықты әлеуметтік қорғау бойынша атқарылған жұмыстарды баяндады. 
Отырыс барысында Гүлшара Әбдіқалықова «Жұмыспен қамтудың Жол картасы» бағдарламасы биыл да жалғасатынын айтып, жобалар бойынша тиісті жұмыстар мерзімінде жүргізілу қажеттігін және кемшіліктерге жол бермеуді қатаң ескертті.
<blockquote>
 «Еңбек» бағдарламасы бойынша биылғы жылы тұрақты жұмыспен қамтылғандар үлесін көтеру керек. Сондай-ақ, атаулы әлеуметтік көмек алушылардың қатарындағы еңбекке жарамды азаматтардың тұрақты жұмысқа орналасуын, мүгедектігі бар адамдардың қажетті тауарлар мен қызметтерді «Әлеуметтік қызметтер порталы» арқылы алынуын қамтамасыз ету қажет. Бұл – осы санаттағы отбасыларды «дағдарыс» жағдайынан шығарып, әл-ауқатын арттыруға мүмкіндік береді»,-деді облыс әкімі.
</blockquote>
Жиында индустрияландыру бағдарламасының орындалуы барысы сараланды. Өңір үшін өзекті өндіріс орындарын ашу, индустриялық аймақтарда жобалар бастау мәселесін индустриялық-инновациялық даму басқармасының басшысы Ринат Сұлтангереев мәлімдеді. 
2020 жылдың қорытындысымен іске қосылған жобалар арқылы 34,9 млрд.теңгенің өнімі өндірілген. Сондай-ақ, бағдарлама аясында облыста құны 561,9 млрд.теңгені құрайтын бәсекеге қабілетті, экспортқа бағытталған жаңа 37 жоба жүзеге асуда. Оның ішінде 20 жоба өңірлік кәсіпкерлікті қолдау картасына енген.
Биыл аймақта 19 жоба Индустрияландыру картасына енгізу жұмыстары басталады. Сонымен бірге құны 48,5 млрд.теңгены құрайтын жоба іске қосылса, құны 328,8 млрд.теңге болатын 3 жобаның құрылысы басталады. Мұнан бөлек, Шиелі ауданындағы тампонажды цемент зауыты және «Балауса» компаниясының өнімдерін шығару жалғасын табады.
Жиында барысында облысы әкімі бизнесті қолдаудың нақты шаралары бойынша атқарылған жұмыстардың есебін тыңдады. Облыстық кәсіпкерлік және туризм басқармасының басшысы Фердауси Қожабергенов пандемиядан кейінгі кезеңде шағын және орта бизнесті жедел дамыту жөніндегі міндеттер туралы баяндады.
Кәсіпкерлікті қолдау бағытында өңірде “Облысты 2023 жылға дейін экономикалық дамыту жоспары” іске асырылып, Жоспар аясында былтырғы жылы жалпы құны 7,1 млрд. теңгені құрайтын 89 жоба жүріп, нәтижесімен мыңнан аса жұмыс орны ашылды. Ал, ауылдық елді мекендердегі кәсіпкерлерді қаржыландыру бағытында өзінің тиімділігін дәлелдеген “Қызылорда” өңірлік инвестициялық орталығының қызметі 2025 жылға дейін ұзартылып, “Даму” қоры арқылы 1 млрд.теңге, “Аграрлық несие корпорациясы” арқылы 200 млн. және облыстық бюджеттен 488 млн. теңге қаржы тартылды. Нәтижесінде 251 жобаға қаржылай қолдау көрсетілді.
Мәселелерді саралаған облыс әкімі сала басшысына шағын және орта бизнестің облыстағы үлесін 2025 жылға қарай 25 пайызға дейін ұлғайтуды және өңірлік микроқаржы ұйымдары және банктермен бірлесіп, «Қарапайым заттардың экономикасы» бағдарламасы аясында несие портфелін ұлғайтуды тапсырды.
Жиында қаралған соңғы мәселе денсаулық сақтау саласын дамыту және коронавирус індетімен күрес жүргізу бағытында атқарылған жұмыстарға бағытталды. Облыстық денсаулық сақтау басқармасының басшысы Сәбит Пазылов облыстағы коронавируспен күрес бағытындағы кешенді шаралар барысын сөз етті.
Биыл медицина саласында мамандар тапшылығын жою мақсатында аса қежтті дипломнан кейінгі резидентура арқылы 20 маманды оқыту басталады. Ал, Сырдария өзенінің сол жағалауында 300 төсек орындық көпбейінді аурухана құрылысын басталады. Мұнан бөлек, Қазалы ауданы Айтеке би кентінде ауысымына 250 келушіге арналған емхана құрылысы» жобасы іске қосылмақ.
Жиын соңында облыс әкімі Денсаулық сақтау саласын дамытудың 2020-2025 жылдарға арналған мемлекеттік бағдарламасының нысаналы индикаторларына қол жеткізу үшін Өңірлік іс-шаралар жоспарын әзірлеуді, облыстық кеңес беру диагностикалық орталығын қалалық емхана ретінде қайта құру бойынша ұсыныс енгізуді тапсырды. Сонымен бірге, Сырдария өзенінің сол жағалауында 300 төсек-орынға арналған көпбейінді аурухана құрылысын бастау мәселесін пысықтау қажеттігін қаперге салды.
Ал, аудан әкімдіктерімен бірлесіп 14 дәрігерлік амбулатория және 9 медициналық бекеттер құрылысының жобалық-сметалық құжаттамасын әзірлеп, мемлекеттік сараптамадан өткізуді қамтамасыз етуді тапсырды.
Жиын қорытындысында облыс әкімі Гүлшара Әбдіқалықова межеленген жұмыстарды уақытылы аяқтауды және әрбір тоқсан сайын көрсеткіштердің сараланатынын назарға салды.

Гүлшара Әбдіқалықова: Тұрақты жұмыспен қамтылғандар үлесін көтеру керек

<a href="https://kyzylorda-news.kz/">Kyzylorda-news.kz</a>. Кәсіпкерлік субъектілердің кірістері мен мүлкін жалпыға бірдей декларациялау 2024 жылы басталады. Бұл туралы Қызылорда облысы кәсіпкерлер палатасының сарапшысы Гүлдана Таңатова айтты.
Палата сарапшысы осы жылдан бастап жалпыға бірдей декларациялауды енгізудің бірінші кезеңі басталатындығын жеткізді.&nbsp;Салық Кодексінде жалпыға бірдей декларациялауды төрт кезеңмен жүзеге асыру қарастырылған:
– Бірінші кезеңде (2021 жылғы 1 қаңтардан бастап) жауапты мемлекеттік лауазымды атқарушылар мен олардың жұбайлары және мемлекеттік қызметкерлерге теңестірілгендер, сондай-ақ олардың жұбайлары;
– Екінші кезеңде (2023 жылғы 1 қаңтардан бастап) мемлекеттік мекемелердің қызметкерлері мен олардың жұбайлары, сондай-ақ квазимемлекеттік сектор субъектілерінің жұмыскерлері мен олардың жұбайлары;
– Үшінші кезеңде 2024 жылдан бастап заңды тұлғалардың басшылары, құрылтайшылары және олардың жұбайлары, дара кәсіпкерлер және олардың жұбайлары;
– 2025 жылы қорытынды кезеңде азаматтардың қалған санаттары, яғни елдің барлық ересек халқы Қазақстан Республикасының Заңына сәйкес жалпыға бірдей декларацияға &nbsp;тапсыруға міндетті.
Жеке тұлғалар жалпыға бірдей Декларациялау жүйесіне кірудің бірінші жылында активтері мен міндеттемелері туралы декларацияны (250.00-нысан) ұсынуға міндетті. Кейінгі жылдары кірістері мен мүлкі туралы декларация (270.00-нысан) ұсынылады.
Жалпыға бірдей декларациялаудың бірінші кезеңіне кіретін адамдар үшін тұрғылықты жері (келу орны) бойынша декларацияны қағаз нұсқада тапсыру мерзімі – 2021 жылдың 15 шілдесінен кешіктірілмеуі немесе электрондық түрде – 2021 жылдың 15 қыркүйегінен кешіктірілмеуі тиіс.
Активтер мен міндеттемелер туралы декларацияны салық төлеушінің кабинеті арқылы электронды түрде ұсынуға болады (cabinet.salyk.kz), «Электрондық үкімет» порталы (egov.kz), сондай-ақ eSalyq Azamat mobile және eGov mobile мобильді қосымшалары арқылы да жүзеге асыруға болады.
Сұрақтар туындаған жағдайда 1414 нөміріне хабарласуға болады.

Гүлдана Таңатова: Кәсіпкерлер 2024 жылдан бастап декларация тапсырады

<a href="https://kyzylorda-news.kz/">Kyzylorda-news.kz</a>. Айтыскер ақын Мұхтар Ниязов Арал ауданына барып, тұрғындармен кездесті.
Кездесуде аудан тұрғындары «Алтын домбыраны тамашалап, жас өрендер ақынды арнайы жыр-шумақтарымен қарсы алды. Жас айтыскер ақын Алмат Қойбағаров өзінің арнауын тарту кетті.
Тағылымды шарада сөз тізгінін ең алдымен аудан әкімі Мұхтар Оразбаев алып, Мұхтар Мәуленұлына ізгі лебізін білдірді.
<blockquote>
 «Сіздің ұлттық өнер жолында туған жырларыңыз халық жүрегіне жетіп, елдің ыстық ықыласына бөленіп келе жатқанына куәміз. Ата-бабамыздан мұра болып қалған айтыс өнерінің қаймағын бұзбай, келешек ұрпаққа аманат етуде де қосар үлесіңіз зор. Сондықтанда сөз қадірін ұғынған Сіздей ардақты азаматты қашанда мақтан тұтамыз! Сізді барша аралдықтардың атынан үшінші мәрте дәстүрлі «Алтын домбыра» республикалық ақындар айтысының жеңімпазы атануыңызбен шын жүректен құттықтаймын!»,- дей келе халқымыздың ғасырдан-ғасырға жалғасып келе жатқан киелі айтыс өнерін құрметтеп, жаңғырту, кейінгі ұрпақтың санасына сіңіру баршамыздың міндетіміз екендігін ерекше атап өтті. Сонымен қатар дәстүрімізге сай ақынның иығына шапан жауып, арнайы құттықтау хатын табыс етті.
</blockquote>
Ізгі лебіздер тізгінін одан әрі ҚР-ның еңбек сіңірген мәдениет қайраткері, Қазақстан Журналистер Одағының мүшесі, дербес зейнеткер Шәкірат Дәрмағамбетов, күйші – композитор, ақын-жырау, Қазақстанның еңбек сіңірген қайраткері, ҚР композиторлар Одағының мүшесі, Құрмет» орденінің және «Халық алғысы» медалінің иегері Мұрат Сыдықовтар жалғап, сахна төрінде аталық өсиеттерін ортаға салып, жеңімпаз ақынға ақ баталарын берді.
Ақынмен жүздесу шарасында айдынды Арал өлкесінің жас ақындары Ерасыл Сейтжан мен Ақылбек Бекболат ақынның өнері тақырыбында айтысып, кеш иесінің батасын алды.
Ғасырлар жемісі, ұлттық құндылығымызды дәріптеу мақсатында ұйымдастырылған шарада теңізді өлкенің төл өнерпаздары ән мен жырдан шашу шашты. Кеш соңында қатысушылар ақынға сауалдарын жолдап, Арал туралы жырлау үшін ақыннан қонақ кәде сұрады. Ақын айбынды Арал туралы жүрекжарды жырын төкпелеп, Арал жұртына деген ризашылығын жеткізді.
<img src="https://kyzylorda-news.kz/wp-content/uploads/2021/01/141018083_2893467407648293_680542046577565029_o.jpg" alt="" />
<img src="https://kyzylorda-news.kz/wp-content/uploads/2021/01/140811606_2893467744314926_2316779597930643945_o.jpg" alt="" />
<img src="https://kyzylorda-news.kz/wp-content/uploads/2021/01/140786406_2893467730981594_41114551871110955_o.jpg" alt="" />
<img src="https://kyzylorda-news.kz/wp-content/uploads/2021/01/140947181_2893467600981607_9102923056368326116_o.jpg" alt="" />
<img src="https://kyzylorda-news.kz/wp-content/uploads/2021/01/141335796_2893467657648268_3545477046931651482_o.jpg" alt="" />
<img src="https://kyzylorda-news.kz/wp-content/uploads/2021/01/140720898_2893467447648289_8809235499575221654_o-edited.jpg" alt="" />
<img src="https://kyzylorda-news.kz/wp-content/uploads/2021/01/140536259_2893467540981613_8519361303988719975_o.jpg" alt="" />

&#8220;Алтын домбыра&#8221; иегері Аралдықтармен кездесті

*<a href="https://kyzylorda-news.kz/">Kyzylorda-news.kz</a>.&nbsp; Қазақстанда өткен тәулікте 1 430 адамнан коронавирус инфекциясы табылды.*
Осылайша елімізде коронавирус инфекциясын жұқтырғандар саны 173 842 адамға жетті:
<ul>
<li>Алматы қаласында – 20 880 (+130),</li>
<li>Нұр-Сұлтан қаласында – 20 810 (+231),</li>
<li>Шығыс Қазақстан облысында – 19 710 (+41),</li>
<li>Атырау облысында – 15 297(+111),</li>
<li>Қарағанды облысында – 13 066(+75),</li>
<li>Павлодар облысында – 11 249 (+235),</li>
<li>Батыс Қазақстан облысында – 10 146 (+61),</li>
<li>Солтүстік Қазақстан облысында – 9 878 (+91),</li>
<li>Қостанай облысында – 9 003 (+125),</li>
<li>Ақмола облысында – 8 853 (+163),</li>
<li>Алматы облысында – 8 537 (+78),</li>
<li>Шымкент қаласында – 5 771 (+14),</li>
<li>Жамбыл облысында – 5 361 (+19),</li>
<li>Түркістан облысында – 3 959 (+13),</li>
<li>Маңғыстау облысында – 3 938 (+16),</li>
<li>Ақтөбе облысында – 3 868 (+17),</li>
<li>Қызылорда облысында – 3 516 (+10).</li>
</ul>
Сонымен қатар өткен тәулікте 1 076 адам жазылды, Қазақстан бойынша жалпы 157 597 адам коронавирустан сауығып шықты.

Қазақстан және Қызылорда облысының жаңалықтары: Басты жаңалықтар old

Қызылордада биыл 13 инвестициялық жоба жүзеге асырылады

Қызылорда: Жеңімпаздар ел чемпионатына қатысады

Қазақстанда баланың қайда жүргенін анықтайтын жүйе іске қосылады

Құрлық әскерлерінің бас қолбасшысы Қызылорда гарнизонына келді

Кәсіпкерлер палатасы өңірдің агроөнеркәсіптік кешенін дамыту бағдарламасына арналған ұсыныстарын жеткізді

Коронавирус: Қызылордада 9 адам жұқтырды

«ЖОО үздік оқытушысы – 2020»: Қызылордалық жас ғалым жеңімпаз атанды

Нуридин Амитов: Ауруханада 15373 науқас емделді

Гүлшара Әбдіқалықова: Тұрақты жұмыспен қамтылғандар үлесін көтеру керек

Гүлдана Таңатова: Кәсіпкерлер 2024 жылдан бастап декларация тапсырады

“Алтын домбыра” иегері Аралдықтармен кездесті

Қызылордада 10 адамнан коронавирус табылды

Қазақстан және Қызылорда облысының жаңалықтары: Басты жаңалықтар old

Қызылордада биыл 13 инвестициялық жоба жүзеге асырылады

Қызылорда: Жеңімпаздар ел чемпионатына қатысады

Қазақстанда баланың қайда жүргенін анықтайтын жүйе іске қосылады

Құрлық әскерлерінің бас қолбасшысы Қызылорда гарнизонына келді

Кәсіпкерлер палатасы өңірдің агроөнеркәсіптік кешенін дамыту бағдарламасына арналған ұсыныстарын жеткізді

Коронавирус: Қызылордада 9 адам жұқтырды

«ЖОО үздік оқытушысы – 2020»: Қызылордалық жас ғалым жеңімпаз атанды

Нуридин Амитов: Ауруханада 15373 науқас емделді

Гүлшара Әбдіқалықова: Тұрақты жұмыспен қамтылғандар үлесін көтеру керек

Гүлдана Таңатова: Кәсіпкерлер 2024 жылдан бастап декларация тапсырады

&#8220;Алтын домбыра&#8221; иегері Аралдықтармен кездесті

Қызылордада 10 адамнан коронавирус табылды

“Алтын домбыра” иегері Аралдықтармен кездесті