<a href="https://kyzylorda-news.kz/">Kyzylorda-news.kz</a>. Қызылорда қалалық Полиция басқармасына 1981 жылы туған Қызылорда облысының тұрғыны арызданды.
Жәбірленушінің айтуынша, белгісіз азамат өзін ҰҚК-нің қызметкерімін деп таныстырып, абақтыда жатқан інісін &nbsp;мерзімінен бұрын босатуға уәде беріп, 1&nbsp;500&nbsp;000 миллион теңге ақшасын жымқырған.&nbsp;
Іздестіру жұмыстарының және полиция қызметкерлерінің кәсіби шеберлігінің нәтижесінде ізін суытпай күдікті ретінде 35 жастағы қала тұрғыны анықталып, жеткізілді.
Қазіргі таңда, Қазақстан Республикасы Қылмыстық кодексінің 190-бабының 1-бөлігімен (Алаяқтық) сотқа дейінгі тергеп-тексеру амалдары жүргізілуде. Күдікті толықтай өз кінәсін мойындап, оған &nbsp;қатысты ешқайда кетпеу және тиісті мінез-құлық туралы қолхат түрінде бұлтартпау шарасы қолданылды.

Қызылордада түрмедегі інісін шығарып беруге уәде еткен алаяқ ұсталды

<a href="https://kyzylorda-news.kz/">Kyzylorda-news.kz</a>. Сырбойылық Нұрғали Ақылбеков республика бойынша үздік оқытушы атанды.
Үздіктерді анықтайтын байқауға еліміздің 73 оқу орынан 623 оқытушы қатысты. Байқау пандемияға байланысты онлайн форматта өтті. Әр өңірдің үздіктері 3 кезең бойынша педагогикалық және ғылыми шеберлігін шыңдады.
<blockquote>
 “Қорқыт ата атындағы университетінде физика-химиялық талдау әдістері» инженерлік бейіндегі зертхана жетекшісімін. Бұндай байқауға алғаш рет қатысуым. Еліміз бойынша 150 оқытушы үздік деп танылды. Дода да оқытушылардың ғылыми-педагогикалық қызметі сапалық және сандық көрсеткіштері бойынша бағаланды. Сондай-ақ, әлемнің жетекші университеттерінде ғылыми тағылымдамадан өтуге мүмкіндік беретін грантқа ие болдым”, – деді жас ғалым.
</blockquote>
Бүгінде жас оқытушының 8 жылдық еңбегі Web of Science және Scopusтың басылымдарына жарияланды. Яғни, шетелдік, халықаралық және республикалық конференциялар мен симпозиумдардағы материалы мен баяндама тезистері, 104 ғылыми мақаласы жарық көрді.

Қызылордалық &#8220;Үздік оқытушы&#8221; атанды

<a href="https://kyzylorda-news.kz/">Kyzylorda-news.kz.</a> Елімізде бір тәулікте коронавирус 1161 адамнан анықталды, деп хабарлайды coronavirus2020.kz.
«Коронавирус бойынша 1 ақпан, сағат 23:59-дағы эпидемиологиялық жағдай бойынша, Қазақстанда өткен тәулікте 1161 адамда коронавирус ПТР-сынама арқылы расталды», – делінген ақпаратта.
Өңірлер бойынша:
Нұр-Сұлтан қаласында -22360(+76), Алматы қаласында – 22215(+87), Шығыс Қазақстан облысында – 20326 (+86), Атырау облысында – 16144(+52), Қарағанды облысында – 13953(+80), Павлодар облысында – 13848(+238), Батыс Қазақстан облысында – 11113(+55), Солтүстік Қазақстан облысында – 11033(+79), Ақмола облысында – 11159(+195), Қостанай облысында – 10394(+85), Алматы облысында – 9362(+75), Шымкент қаласында -5883(+7), Жамбыл облысында – 5589(+8), Түркістан облысында – 4121(+19), Маңғыстау облысында – 4056(+8), Ақтөбе облысында -3958(+3), Қызылорда облысында -3617(+8).
Пандемия басталғалы коронавируспен ауырғандардың жалпы саны – 189 131.

Коронавирус: Қызылордада 8 адам тіркелді

<a href="https://kyzylorda-news.kz/">Kyzylorda-news.kz.</a> «Қазгидромет» РМК синоптиктері 2 ақпан күні Қазақстан аумағында ауа райы қандай болатынын жариялады.
Қазақстан территориясының ауа райында күрт өзгерістер болмайды.
Оңтүстік, оңтүстік-шығыс және шығыс аймақтарда фронттардың әсерінен жауын-шашын (жаңбыр, қар) жауады. Көктайғақ болып, жел күшейеді. Ал республиканың қалған бөлігінде антициклонға байланысты жауын-шашын жаумайды.
Еліміздің кей жерлерінде тұман түсіп, жел күшейеді.

Сейсенбіге арналған ауа райы болжамы

Kyzylorda-news.kz. Бүгін облыста коронавирус инфекциясына қарсы егу жұмыстары басталды. Бірінші кезекте аймақ басшысы, облыс әкімінің орынбасарлары, аппарат басшысы, денсаулық сақтау басқармасының басшысы және медицина қызметкерлері салдырды. Таңертеңнен бері екпені 70-тен астам адам қабылдады.
<blockquote>
 “Мен бүгін ерікті түрде өзіме екпе ектірдім. Вакцина салдырғаннан бері жеті сағат өтті, кері әсер берген жоқ. Сол себепті барша халықты коронавирустан қорғану үшін екпе салдыруға шақырамын. Әлемді жайлаған індеттің таралу қаупін тек екпе салдыру арқылы ғана төмендете аламыз”, – деді облыстың бас дәрігері Сәбит Пазилов.
</blockquote>
Бүгінде өңірге «Спутник V» ресейлік вакцинасының 1000 дозасы жеткізілді. Ал қалғаны кезең-кезеңімен әкелінетін болады. Екпе жұмыстарын жүргізуге №1, №3 және №6 қалалық емханадан 3 егу кабинеті дайындалды. 133 мейірбике және 89 дублер жұмысқа тартылды.
<blockquote>
 “Вакцина ерікті түрде жүргізіледі. Екпені салдырмас бұрын адам толықтай дәрігердің қарауынан өтуі керек. Анамнезі жақсы болған жағдайда барып, қабылдай алады. Сондай-ақ, вакцинаны коронавирус инфекциясымен ауырған кісілер алты айдан кейін салдыра алады”, – деді облыстың Бас мемлекеттік санитариялық дәрігері Динара Жаңабергенова.
</blockquote>
Айта кетейік, облыс бойынша 14 егу кабинеті мен 46 жылжымалы егу бригадасы іске қосылды.

Қызылордада 70-тен астам адам вакцина салдырды

<a href="https://kyzylorda-news.kz/">Kyzylorda-news.kz</a>.&nbsp;Кәсіпкерлер үшін айналым қаражатын толықтыруға арналған жеңілдетілген несиелеу бағдарламасының аяқталуына 2 ай қалды. Бұл туралы Қызылорда облысы кәсіпкерлер палатасының бөлім бастығы Мұрат Балабаев айтты.
Өткен жылы пандемияның салдарынан зардап шеккен кәсіпкерлерге айналым қаражаты үшін мемлекет тарапынан жеңілдетілген несие берілуде. Палата маманы аталған бағдарлама бойынша берілетін несиелердің мерзімі 2021 жылдың 31 наурызына дейін ұзартылғандығын жеткізді.
Мұрат Балабаевтың айтуынша, бағдарлама кәсіпкерлер арасында жоғары сұранысқа ие. Бүгінгі күнге аталмыш бағдарлама аясында аймақтың 108 кәсіпкері жалпы 8,3 млрд теңге несие алған.
Бағдарламаны жалғастыру үшін бюджеттен 200 млрд теңге бөлінген екен. Оның 100 млрд теңгесі ауыл шаруашылығы саласына өңдеу мен қайта өндіруге бағытталған. Бағдарламада өзгеріс те бар. Ендігі жерде жеңілдетілген несиені шағын және орта кәсіпкерліктерден өзге ірі кәсіпкерліктер де, сондай-ақ төтенше жағдайдан зардап шеккен ауыл шаруашылығы саласының кәсіпкерлері де ала алатын болды.
Несие 8 %-бен 12 айға беріледі. Кәсіпкерлерге берілетін қаржының лимиті бар. Жеке кәсіпкерлерге берілетін қаржы – 50 млн теңгеге дейін, шағын және орта бизнес өкілдеріне – 3 млрд теңгеге дейін, ірі кәсіпкерліктерге – 6 млрд теңгеге дейін несие. 2020 жылдың 16 наурызына дейін банктегі мерзімі өткен қарызы 90 күнтізбелік күннен асқан кәсіпкерлерге несие берілмейді.
Несиені Қызылорда облысында филиалдары бар 8 қаржы институтынан алуға болады. Атап айтар болсақ, Қазақстан Халық Банкі, АТФБанк, ForteBank, Jysan Bank, ЦентрКредит Банкі, Сбербанк, Еуразиялық банк, ВТБ банк, Аграрлы несие корпорациясы.
Осы бағдарлама аясында Аграрлық несие корпорациясына агроөнеркәсіптік кешендегі өндіріс пен қайта өңдеу саласындағы жобаларды несиелендіру үшін 30 млрд теңге бөлінді.
Несие алу барысында кепіл мүлікке қатысты мәселе болған жағдайда «Даму» қоры арқылы 50 пайызға дейін кепілдендіруге болады.
Мұрат Балабаев айналым капиталын толықтыруға арналған несиенің кәсіпкердің банктік шотына аударылатындығын жеткізді. Кәсіпкер төлемдерді келесі бағыттар бойынша қолма-қол ақшасыз жүзеге асырады:
<ul>
<li>тауарлар мен басқа да материалдар, жұмыстарды, қызметтерді сатып алу;</li>
<li>қорларды, шығын материалдары мен шикізатты толықтыру;</li>
<li>ассортиментті кеңейту;</li>
<li>шарттық міндеттемелерді орындау;</li>
<li>ағымдағы шығыстарды, оның ішінде әкімшілік шығыстарды жүзеге асыру (қызметкерлерге жалақы төлеу, салықтарды төлеу және т.б.).</li>
</ul>
Кәсіпкер жеңілдетілген несиеге қол жеткізу үшін келесі құжаттардың кез келгенін банкке ұсынуы керек: басқарушылық шоттар; тауарларды өткізуді есепке алу; дебиторлық берешек туралы есептер; қызметкерлердің ақысыз еңбек демалысы туралы өтініштері; төтенше жағдай режимінің енгізілуіне байланысты қарыз алушының қызметін тоқтата тұруды растайтын құжат; басқа құжаттар. Сондай-ақ, қаржы институттары өздерінің ішкі несиелік саясатына сәйкес қосымша құжаттар талап ете алады.
<blockquote>
 «Егер кәсіпкер жоғарыда айтылған жеңілдетілген несие бағдарламасына қатыса алмаған жағдайда өзге де «Қарапайым заттар экономикасы», «Бизнестің жол картасы – 2025», «Еңбек», «Даму-Өндіріс» бағдарламаларының әлеуетін қолдана алады», – дейді Кәсіпкерлер палатасының бөлім бастығы Мұрат Балабаев.
</blockquote>
Қосымша сұрақтар туындаған жағдайда Қызылорда облысы кәсіпкерлер палатасына хабарласуға болады. Мекен-жайы: Қызылорда қаласы 123, «Бизнеске арналған Үкімет» ғимаратының 3-қабаты. Байланыс телефоны: 8 /7242/ 40-09-81.

Пандемияның салдарынан зардап шеккен кәсіпкерлерге берілетін несиенің мерзімі ұзартылды

<a href="https://kyzylorda-news.kz/">Kyzylorda-news.kz</a>. Қызылорда облысының бас мемлекеттік санитариялық дәрігері Динара Жанабергенова №1 емханада коронавирус инфекциясына қарсы Ресейде өндірілген «Гам Ковид Вак» екпесін салдырды.
Алдымен емхана дәрігерімен денсаулық жағдайы тексеріліп, эпидемиологиялық анамнезі жинақталды. Аталған вакцина қабылдауға ешқандай қарсы көрсетілімдер болған жоқ.
Екпе салынғаннан кейін 30 минут дәрігер қадағалауында болу үшін медициналық бақылау аймағына жіберіп, вакцинадан кейінгі күтім мен сақтық шаралары туралы түсіндірме жүргізілді.
Айта кетейік, бүгінде аймаққа 1000 доза вакцина жеткізіліп, иммунобиологиялық препараттарды сақтау қоймасына әкелінді.

Қызылорда облысының бас мемлекеттік санитарлық дәрігері вакцина қабылдады

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықова қалалық №3 емханада «COVID-19» инфекциясына қарсы «Спутник V» ресейлік вакцинасын салдырды. Еліміз бойынша 1 ақпан күні ерікті түрде коронавирусқа қарсы вакциналау жұмыстары басталды.
<blockquote>
 “Мен бүгін ерікті түрде өзіме екпе ектірдім. Дәрігер мамандар екпеден кейін ине салынған орынға су тигізбеуге және егу орнын жылы ұстауға кеңес берді. Мамандар кеңесіне сәйкес әрекет ететін боламын. Мына әлемді жайлаған індеттің таралу қаупін тек екпе салдыру арқылы ғана төмендете аламыз! Сол себепті барша халықты коронавирустан қорғану үшін екпе салдыруға шақырамын, – деді облыс әкімі Гүлшара Әбдіқалықова.
</blockquote>
Егу жұмыстары I кезеңде медицина саласының қызметкерлеріне, оның ішінде қабылдау, жұқпалы аурулар бөлімінің, жансақтау және хирургиялық бөлім қызметкерлеріне жүргізілмек. ІІ кезеңде мұғалімдерге және жұқтыру қаупі неғұрлым жоғары болып саналатын жұмыс орындарының қызметкерлеріне салынатын болады.
Қызылорда облысының халқына алғашқы кезеңде 80 000 доза вакцина салынады деп күтілуде.
Айта кетейік, Бүгін өңірімізге «Спутник V» ресейлік вакцинасының 1000 дозасы жеткізілді. Қалғаны кезең-кезеңімен келетін болады. Бұл жұмыстарға алғашқыда №1, №3 және №6 қалалық емханалардан 3 егу кабинеттері дайындалды және екпе жұмыстарын жүргізуге облыс бойынша барлығы 133 мейірбике, 89 дублер тартылған.

Гүлшара Әбдіқалықова «COVID-19» инфекциясына қарсы екпе салдырды

<a href="https://kyzylorda-news.kz/">Kyzylorda-news.kz</a>.&nbsp;Бүгін облыс әкімі Гүлшара Әбдіқалықова жұмыс сапарымен Сырдария ауданына барып, бірқатар әлеуметтік маңызы бар нысандарды аралады.
Алдымен аймақ басшысы Жетікөл ауылдық округіне ат басын бұрып, «Жұмыспен қамту жол картасы» шеңберінде жүзеге асқан тұрғын үйлерді сумен жабдықтау жүйесін қайта жаңғырту жұмыстарымен танысты. «Корпорация Әлем-Құрылыс» ЖШС-і қолға алған жобаның құны 144,5 млн.теңгені құрайды. Қайта жаңғырту және кеңейту жұмыстары арқылы 18 жұмыс орны ашылған. Ауыз су құбыры мұнарасында аудан әкімі Талғат Дүйсебаев Жетікөл елді мекенінің тұрғындары үшін маңызды тұрғын үйлерді сумен жабдықтау жұмыстарының орындалу барысын баяндады.
Мұнан кейін, облыс әкімі ауылдық округтегі №174 орта мектептің және «Балауса» шағын орталығының жұмысымен танысты. 320 орындық мектепте 158 оқушы білім алады. Оқу ордасы жанынан 25 орындық «Балауса» шағын орталығы ашылған. Бүгінгі күні мектепте 60 қызметкер, шағын орталықта 11 маман жұмыс атқарады. Гүлшара Әбдіқалықова шағын орталықтың жұмысын бағамдап, балалардың сақтығы мәселесіне жете мән беруді тапсырды.
Жұмыс сапары барысында облыс әкімі Тереңөзек кентіне барып, кенттегі газ құбырлары және кварталішілік газ құбырларының құрылысымен танысып, ауыл тұрғындарына көгілдір отын беру рәсіміне қатысты. Жалпы құны 2,4 млрд. теңгені құрайтын Тереңөзек кентіндегі кварталішілік газ құбырлары желісінің құрылысы 2019-2020 жылдары жүзеге асты. Облыс әкімі 11 мыңнан астам тұрғынды газбен қамтамасыз етуге мүмкіндік берген айтулы күнде сырдариялық тұрғындарға табыс тілеп, қуаныштарына ортақтасты.
<blockquote>
 “Кент орталығына қосылып жатқан, алау отынымыз, көгілдір газ әр отбасына өзінің жылылығымен келе берсін. Әлемді шарпыған дағдарысқа қарамастан әлеуметтік маңызы бар құрылыс, газдандыру секілді күрделі бастамаларды кейінге қалдырмай, іске асырып келеміз. Өткен жылы Арал ауданындағы Жақсықылыш, Қазалы ауданындағы Мұратбаев және Шиелі ауданындағы Байсын елді мекендері газге қосылды. Нәтижесінде қазіргі таңда облыс тұрғындарының 65 пайызы табиғи газға қол жеткізіп отыр.Аудан орталықтарын толық газдандырғаннан кейін облыстағы елді мекендерге көгілдір отын жеткізу жоспарымызда бар. Бұл – бір ауданның ғана емес, облыстың қуанышы. Әр отбасынан жылу кетпесін, Отанымыздың қуаты арта берсін,-деді облыс әкімі Гүлшара Әбдіқалықова.
</blockquote>
Елді-мекендерді газға қосу кезең-кезеңімен іске асады. Сырдария ауданында жоба бойынша бірінші кезекте Тереңөзек кентіне жақын орналасқан Қалжан ахун, Сәкен Сейфуллин, Асқар Тоқмағамбетов және Сырдария өзенінің оңтүстігіне газ құбырын өткізіп, Шаған елді мекені көгілдір отынға қосылады.
Айта кетейік, облыста Арал, Қазалы, Шиелі, Жаңақорған аудандарының орталықтары мен Байқоңыр қаласы көгілдір отынға қосылған. Қалған 3 аудан орталығы Жосалы, Жалағаш, Тереңөзек, сондай-ақ, Сексеуіл, Төретам, Ақай елді мекендерін газдандыру кезең-кезеңімен жүзеге асуда.
Кентті көгілдір отынға қосу рәсімінде аудандық ардагерлер кеңесінің төрағасы Қайролла Әбенұлы ел игілігіне бағытталған, әлеумет үшін өзекті мәселенің шешімін тапқанын тілге тиек етіп, ауыл тұрғындарын құттықтады.
Мұнан кейін аймақ басшысы Гүлшара Әбдіқалықова газ алауы жағылған Ғани Мұратбаев көшесіндегі №94 үйдің тұрғыны еңбек ардагері Қонысбек Әбсадықовтың үйіне барып, отбасының қуанышымен бөлісті.
Сырдария ауданындағы жұмыс сапарын қорытындылаған облыс әкімі аудан әкімі Талғат Дүйсебаевқа бірқатар маңызды тапсырмалар жүктеді. Коронавирустық инфекциядан сақтану бағытындағы сақтық шараларын сақтау және карантин талаптарын ескеруді тапсырды. Сондай-ақ, әлеуметтік-экономикалық табыс көзін құрайтын маңызды жобаларды іске асыруды қаперге салды.
<img src="https://kyzylorda-news.kz/wp-content/uploads/2021/02/145531074_3089660837803631_7576006920823915477_o.jpg" alt="" />
<img src="https://kyzylorda-news.kz/wp-content/uploads/2021/02/144803046_3089658941137154_2158747427886490869_o.jpg" alt="" />
<img src="https://kyzylorda-news.kz/wp-content/uploads/2021/02/144801247_3089659141137134_6114547432128050483_o.jpg" alt="" />
<img src="https://kyzylorda-news.kz/wp-content/uploads/2021/02/145092147_3089661417803573_4943279685175882001_o.jpg" alt="" />
<img src="https://kyzylorda-news.kz/wp-content/uploads/2021/02/144920071_3089661924470189_6498901193183124965_o.jpg" alt="" />
<img src="https://kyzylorda-news.kz/wp-content/uploads/2021/02/144858381_3089662411136807_8971989196603029636_o.jpg" alt="" />

Гүлшара Әбдіхалықова Сырдария ауданына жұмыс сапарымен барды

<a href="https://kyzylorda-news.kz/">Kyzylorda-news.kz</a>.&nbsp;«Жас геолог» корпоративті қоры мен Назарбаев Университеті бірлесіп өткізген IESO-2021 халықаралық олимпиадасының республикалық кезеңінде Сыр өңіріндегі Зияткерлік мектебінің 4 оқушысы 2 алтын, 1 күміс және 1 қола медалін иеленді.
Аталмыш білім додасының іріктеу кезеңіне 80-ге жуық жоғары сынып оқушылары қатысты. Еліміздің түкпір-түкпірінен жиналған дарындылар ағылшын тілінде геология, геофизика, метеорология, астрономия және мұхиттану пәндерінен бақ сынасты. Қызылордалық зияткерлер Жер туралы ғылымдары бойынша жақсы білім көрсеткіштерімен ерекшеленіп, нәтижесінде 11-сынып оқушылары Жангерей Зинелов пен Данагүл Келдібай олимпиада жеңімпазы атанды. Сондай-ақ, Арайлым Байкемел және Баянсұлу Төлебай жүлделі 2-ші және 3-ші орындарға ие болды.
<blockquote>
 “Үздіктердің қатарынан көріну үшін осы ғылымдар туралы жетік ізденіп, жеке зерттеу жүргіздім. Ғаламтор желісі мен энциклопедиялардан қосымша ақпарат алып, білімімді толықтырдым”, – дейді Жангерей Зинелов.
</blockquote>
Айта кету керек, жеңіс тұғырынан көрінген жас зияткерлер үстіміздегі жылдың тамыз айында Қазақстан құрамасында өзге елдердің жас геологтарымен сынға түспек. Биыл IESO-2021 олимпиадасы онлайн форматта Пекинде өткізу жоспарланған.
<blockquote>
 “Біздің оқушылар – бұл білім бәйгесінің жыл сайынғы қатысушылары. Осындай шаралар арқылы геологтардың жаңа буынын қалыптастыру қолға алынған және бұл олимпиада балалардың ой-өрісін кеңейтуге үлкен септігін тигізеді”, – дейді жеңімпаз оқушылардың жетекшісі, география пәнінің мұғалімі Мұхтар Әбілмаев.
</blockquote>
<img src="https://kyzylorda-news.kz/wp-content/uploads/2021/02/zh.jpg" alt="" />

IESO-2021: Қызылордадағы NIS оқушылары  халықаралық олимпиадаға жолдама алды

<a href="https://kyzylorda-news.kz/">Kyzylorda-news.kz</a>.&nbsp;Бүгін Қызылорда облысында COVID-19-ға қарсы вакцинация басталды. Облыс әкімінің орынбасары Серік Ахмет «Спутник V» вакцинасын аймақта бірінші болып салдырды.
Бүгін таңертең облысқа «Спутник V» вакцинасының 1 мың дозасы келді. Жалпы жыл ішінде 80 мың доза кезең кезеңімен әкелінеді. Бірінші кезекте ерікті түрде медицина қызметкерлеріне, педагогтерге, созылмалы аурулармен ауыратын топтағы адамдарға салынады. 18 жасқа дейінгі балалар және 65 жастан асқар қарияларға екпе салынбайды. Бүгінде облыс бойынша 14 егу кабинеті белгіленді. Бұдан бөлек, шалғай елді мекенде тұратын азаматтарға вакцина салу үшін 46 жылжымалы егу бригадасы ұйымдастырылды.
Қазір облыс «жасыл» аймақта. Эпидемиологиялық ахуал тұрақты. Күрделенген жағдайда 8 стационар, 61 алғашқы медициналық-санитарлық мекеме жұмылдырылатын болады. 54 фильтр кабинеті, қосымша 79 телефон шақырулар мен консультациялар үшін жұмыс істейді. Сондай-ақ, үй жағдайында қызмет көрсету үшін қосымша 81 автокөлік қарастырылған.
<img src="https://kyzylorda-news.kz/wp-content/uploads/2021/02/4-1.jpeg" alt="" />
<img src="https://kyzylorda-news.kz/wp-content/uploads/2021/02/2.jpeg" alt="" />

Қызылорда облысы әкімінің орынбасары «Спутник V» вакцинасын салдырды

<a href="https://kyzylorda-news.kz/">Kyzylorda-news.kz</a>. Осы айдың ең басты жаңалығы – коронавирусқа қарсы жаппай вакцинациялау. Сондай-ақ бүгіннен бастап кейбір банкноттар жарамсыз болады
<h3 id="">Жаппай вакцинация</h3>
Бүгін, 1 ақпан Қазақстанда жаппай вакцинациялау басталды. Инфекцияны жұқтыру және тарату қаупі жоғары халықтың осал топтарына кезең-кезеңмен ресейлік “Спутник V” вакцинасы егіледі. Вакцинациялау ерікті түрде және тегін салынады.
Бірінші кезеңде:
<ul>
<li>Инфекциялық ауруханалар, жедел жәрдем, реанимация бөлімшелері, науқастарды қабылдау бөлмесі, алғашқы медициналық-санитарлық көмек қызметінің медицина қызметкерлері, санитарлық-эпидемиологиялық қызмет жұмысшылары;</li>
</ul>
екінші кезеңде:
<ul>
<li>жалпы білім беретін мектептер, жоғары оқу орындарының педагогтері, медициналық қызметтің жұмысшылары;</li>
</ul>
үшінші кезеңде:
<ul>
<li>мектеп-интернаттар, мектепке дейінгі мекемелердің педагогтері, созылмалы аурумен ауыратындар.</li>
</ul>
Айта кететін жәйт, “Спутник V” 18 жасқа дейінгі балаларға салынбайды. Яғни, екпе Қазақстанның кәмелет жасына толған азаматтарына ғана салынады.
Денсаулық сақтау министрлігі жыл соңына дейін 6 миллион қазақстандыққа вакцина салуды жоспарлап отыр.
<h3 id="-1">Кейбір банкноттар енді жарамсыз</h3>
1 ақпанда 2006 жылғы үлгідегі номиналы 2000, 5000, 10000 теңгелік банкноттарды қабылдау және айырбастау мерзімі аяқталады.
Жеке тұлғалар банкноттарды Ұлттық банктің филиалдарында ғана айырбастай алады.
1 ақпаннан кейін Ұлттық банк ескі банкноттарды қабылдауды және айырбастауды тоқтатады.
<h3 id="-2">Нұр-Сұлтаннан Талдықорғанға әуе рейстері ашылды</h3>
Qazaq Air әуе компаниясы 1 ақпаннан Нұр-Сұлтан – Талдықорған бағдары бойынша әуе рейстерін жандандырады.
Ақпан айында аптасына үш рет – дүйсенбі, сәрсенбі және жұма күндері ұшуға болады. Одан кейін рейстер күн сайын орындалады деп жоспарлануда. Билет құны 12 500 теңге және одан жоғары. 14 жасқа дейінгі балаларға 50% жеңілдік жасалады.
Дүйсенбі күнгі кесте:
<ul>
<li>Нұр-Сұлтан (11:40) – Талдықорған (13:00)</li>
<li>Талдықорған (14:00) – Нұр-Сұлтан (15:40)</li>
</ul>
Сәрсенбі күнгі кесте:
<ul>
<li>Нұр-Сұлтан (08:50) – Талдықорған (10:40)</li>
<li>Талдықорған (11:20) – Нұр-Сұлтан (13:10)</li>
</ul>
Жұма күнгі кесте:
<ul>
<li>Нұр-Сұлтан (12:00) – Талдықорған (13:50)</li>
<li>Талдықорған (14:40) – Нұр-Сұлтан (16:40).</li>
</ul>
<h3 id="-3">Кейбір сайттар істен шығуы мүмкін</h3>
1 ақпаннан бастап азаматтар Қазақстан аумағынан тыс серверлерде орналасқан, “.KZ” және .ҚАЗ” домендік атауы бар сайттарға кіре алмауы мүмкін.
Қолданыстағы заңнамаға сәйкес, егер сайт республика аумағынан тыс серверде орналасса, қазақстандық интернет кеңістігінде домендік атауды қолдану уақытша тоқтатылады.
Бұған дейін цифрлық даму министрлігі осы ережені бұзатын сайт иелеріне хабарлама жолдаған еді. Олар заңбұзушылықтарды 2020 жылдың 30 қарашасына дейін жоюы тиіс еді, алайда көптеген өтініштен кейін мерзім 1 ақпанға дейін ұзартылды.
<h3 id="-4">Екі өңір цифрлық хабар таратуға көшеді</h3>
1 ақпаннан бастап Алматы қаласы мен Солтүстік Қазақстан облысы цифрлық эфирлік телевидениеге толығымен көшеді.
Дәл осы күні Алматыда Көктөбе телемұнарасында цифрлық эфирлік телевидениеге көшу бойынша шара өтеді.
Цифрлық телевидениенің бейнесі мен дыбысы өте сапалы, каналдар мен бағдарламалар саны да артады. Ескі хабар тарату сигналы сыртқы әсерге, мәселен ауа райына өте тәуелді еді, қатты жел тұрғанда мүлде жоғалып кететін. Ал цифрлық хабар таратудың сигнал сапасы мен қорғаныш деңгейі жоғары, алыс қашықтан қабылдай береді.
Цифрлық эфирлік телевизиялық хабар тарату жобасы бүкіл елде 2022 жылға қарай аяқталады деп жоспарланған.
<h3 id="-5">Полиция халыққа жақындай түсті</h3>
Бірінші ақпаннан бастап Қазақстанда “102” мобильді қосымшасы іске қосылады. Сервистің басты міндеті – полицияны халыққа жақын және қолжетімді ету.
Енді әр қазақстандық смартфон арқылы қылмыс туралы хабарлай алады және оның ақпараты назардан тыс қалмайды.
Жүйе арқылы арыз беруге, аудио немесе видео қоңырау көмегімен оператормен байланысқа шығуға, қызмет алуға және оқиға орнына аттанған полицияның тұрған жерін бақылауға болады.
<a href="https://m.sputnik.kz/society/20210201/16176954/1-aqpan-ozgerister.html?fbclid=IwAR3TjPZooYPXXKj3WZ20e16cu4UYRqM7oOAlZuqNCeROyUFDZvYoIfolNw0">Sputnik.kz</a>

Қазақстан және Қызылорда облысының жаңалықтары: Басты жаңалықтар old

Қызылордада түрмедегі інісін шығарып беруге уәде еткен алаяқ ұсталды

Қызылордалық “Үздік оқытушы” атанды

Коронавирус: Қызылордада 8 адам тіркелді

Сейсенбіге арналған ауа райы болжамы

Қызылордада 70-тен астам адам вакцина салдырды

Пандемияның салдарынан зардап шеккен кәсіпкерлерге берілетін несиенің мерзімі ұзартылды

Қызылорда облысының бас мемлекеттік санитарлық дәрігері вакцина қабылдады

Гүлшара Әбдіқалықова «COVID-19» инфекциясына қарсы екпе салдырды

Гүлшара Әбдіхалықова Сырдария ауданына жұмыс сапарымен барды

IESO-2021: Қызылордадағы NIS оқушылары халықаралық олимпиадаға жолдама алды

Қызылорда облысы әкімінің орынбасары «Спутник V» вакцинасын салдырды

Бүгіннен бастап елде не өзгереді?

Қазақстан және Қызылорда облысының жаңалықтары: Басты жаңалықтар old

Қызылордада түрмедегі інісін шығарып беруге уәде еткен алаяқ ұсталды

Қызылордалық &#8220;Үздік оқытушы&#8221; атанды

Коронавирус: Қызылордада 8 адам тіркелді

Сейсенбіге арналған ауа райы болжамы

Қызылордада 70-тен астам адам вакцина салдырды

Пандемияның салдарынан зардап шеккен кәсіпкерлерге берілетін несиенің мерзімі ұзартылды

Қызылорда облысының бас мемлекеттік санитарлық дәрігері вакцина қабылдады

Гүлшара Әбдіқалықова «COVID-19» инфекциясына қарсы екпе салдырды

Гүлшара Әбдіхалықова Сырдария ауданына жұмыс сапарымен барды

IESO-2021: Қызылордадағы NIS оқушылары халықаралық олимпиадаға жолдама алды

Қызылорда облысы әкімінің орынбасары «Спутник V» вакцинасын салдырды

Бүгіннен бастап елде не өзгереді?

Қызылордалық “Үздік оқытушы” атанды