<a href="https://kyzylorda-news.kz/">Kyzylorda-news.kz.</a>&nbsp; Аймақта ел Тәуелсіздігінің 30 жылдығын атап өту жөніндегі облыстық кешенді іс-шаралар жоспары әзірленген болатын. Онда «Наурыз–Қазақстанның ұлттық дәстүрлері мен мәдениеті» айы болып бекітілген. Айлық аясында 200-ге жуық ұлттық, мәдени-танымдық шара өтеді.
Аталған шаралар санитарлық талаптарды сақтай отыра офлайн және онлайн форматта болады. Наурыз мейрамын мерекелеудің тұжырымдамалық тәсілдері әзірленіп, маңызды шаралар 21-23 наурыз аралығында өткізу жоспарланған.
<blockquote>
 «Жоспарға сәйкес мерекелік іс-шаралар 1 наурыз күні Алғыс айту күні аясында бірлік, татулық, алғыс айту сияқты рухани құндылықтарды қамтитын «Сыр елім, саған мың алғыс!», «Тағдыр табыстырған, тарих тоғыстырған» тақырыбында өзге ұлт өкілдерімен кездесу, облыс музейлерінде Ашық есік күндері, «Алғыс айту – парызым» атты мерекелік шаралармен басталды. Сондай-ақ, Наурыз мейрамының мазмұнын байыта түсетін, ұлттық салт-дәстүрлерімізді айшықтайтын «Шаңырақтағы салт-дәстүр» облыстық онлайн өнер фестивалі, «Наурыз нақыштары, «Наурыз шуағы, «Көктем лебі», «Саз керуен» атты өнер ұжымдарының және «Жырла жырау, алғыс жырын Наурыздың» тақырыбында жергілікті жыршы-жыраулардың концерттері, «Салт–дәстүрім – сарқылмайтын байлығым» қолөнер шеберлерінің көрмелері өткізіледі. Қазақ күресі, қолкүресі, гір көтеру, асық ату секілді Ұлттық спорт түрлерінен жарыстар ұйымдастырылады. Айта кететін жайт, биыл эпидемиологиялық жағдайға байланысты салтанатты шара 22 наурыз күні орталық алаңда болмайды. Алайда, Ұлыс күніне арналған концерттер мәдениет және өнер мекемелерінің әлеуметтік парақшалары мен «Сыр шаңырағы» YOUTUBE каналынан тамашалай аласыздар», – деді облыстық мәдениет, архивтер және құжаттама басқармасының басшысы Мира Абуова.
</blockquote>
Сонымен қатар, Н.Бекежанов атындағы қазақ академиялық музыкалық драма театрында Ғ.Мүсіреповтің «Ақбаян», Х.Жүсіпұлының «Ешкімге керегі жоқ ауыл» спектакльдері көрерменге ұсынылады.

Қызылорда: Наурызда 200-ге жуық шара өтеді

<a href="https://kyzylorda-news.kz/">Kyzylorda-news.kz.</a>&nbsp;Бүгін Қызылорда облысының әкімі Гүлшара Әбдіқалықованың қатысуымен көктемгі су тасқынының алдын алу шаралары талқыланды.
Облыстық жұмылдыру дайындығы басқармасының басшысы Медет Усаин қазіргі таңда мұз Қызылорда су торабынан 178 шақырым жоғары Шиелі ауданы аумағындағы Көлекбаз учаскесі тұсында тұрғандығын жеткізді.
<blockquote>
 «Бүгінгі күнге Шардара су қоймасы арқылы Сырдария өзенінің төменгі ағысына секундына 200 текше метр су жіберілсе, оның 100 текше метр көлемін Көксарай су реттегіші алып отыр. Төменгі ағысқа секундына 100 текше метр су босатылуда. Ағымдағы қыс мезгілінде өзен арнасында мұз Арал ауданынан бастап, Жаңақорған ауданы аумағына дейін толықтай ұстасқан болатын. Жылы ауа-райының қалыптасуына байланысты 7 ақпаннан бастап өзен беті мұздан ашыла бастады», – деді облыстық жұмылдыру дайындығы басқармасының басшысы Медет Усаин.
</blockquote>
Су тасқынының алдын алу мақсатында облыс бойынша су басу аймақтары анықталып, оған 402 бірлік арнайы техникасы және 1 178 адамы бар 130 ұйым бекітілген. Оған қоса, 68,6 тонна жанар жағар май, 154 590 дана қаптар және басқа да материалдар қоры жасақталған. Мұз жару жұмыстарына мамандандырылған мекеме «KazDrillingCompany» ЖШС-мен келісім-шарт жасалып, «Қазавиақұтқару» АҚ-ның 1 тікұшағы, халықты көшіруге 84 жинақтау және 103 қабылдау эвакуациялық пунктері дайындыққа келтірілген. Облыс аумағындағы азаматтық қорғаудың барлық қызметтері күшейтілген жұмыс режиміне көшіріліп, бұл жұмыстар су тасқыны кезеңі аяқталғанға дейін жалғаспақ. Ал, қазіргі таңда облыстың су шаруашылығы жағдайы бірқалыпты, бақылауға алынған.
Жиында аймақ басшысы Гүлшара Әбдіқалықова сала басшыларына Сырдария өзеніндегі жағдайды үнемі бақылауда ұстауды тапсырды.
<img src="https://kyzylorda-news.kz/wp-content/uploads/2021/03/156960112_3171296769640037_6608138220690847958_o.jpg" alt="" />

Қызылордада көктемгі су тасқынының алдын алу шаралары пысықталды

<a href="https://kyzylorda-news.kz/">Kyzylorda-news.kz.</a> Қызылорда облысында биыл мемлекеттік және өңірлік бағдарламалар аясында шағын және орта бизнесті қаржыландыру үшін бюджеттен 6 млрд теңге қаржы қарастырылған.
«Бизнестің жол картасы 2025» бағдарламасы аясында 2,6 млрд теңге, «Еңбек» бағдарламасы аясында 3 млрд теңге, «Қызылорда» өңірлік инвестициялық орталығына 300 млн теңге бөлініп отыр. Аталған бағдарламалар шеңберінде 1600-ден аса жұмыссыз, өзін-өзі жұмыспен қамтыған азаматқа қайтарымсыз грант, 900-ге жуық шағын бизнеске микрокредит және 200-ден астам тұрақты бизнеске несие беру жоспарлануда.
<blockquote>
 «2019-2022 жылдарға арналған облыстың әлеуметтік-экономикалық дамуының кешенді жоспарына өзгертулер мен толықтырулар енгізілуде. Нәтижесінде республикалық бюджеттен 111 млрд теңгеден астам қаржы алынатын болды. Жоспарға мұнайдың жаңа кен орындарын анықтайтын геологиялық зерттеу жұмыстары, ауыл шаруашылығын қолдау шаралары, халықтың өмір сүру сапасын арттыруға бағытталған шаралар енгізілді»,- деді облыстық экономика және бюджеттік жоспарлау басқармасының басшысы Нұрғали Қордабай.
</blockquote>
Сондай-ақ, биыл «Шалқия» полиметалл кен орнында тау кен байыту комбинатының және кальцийленген сода өндіретін зауыттың құрылысын бастау жоспарлануда.
Айта кету керек, кальцийленген сода өндіретін зауытқа қажетті инженерлік-инфрақұрылым республикалық бюджет есебінен жүргізілетін болады.

Қызылордада 900-ге жуық шағын бизнеске микрокредит беріледі

<a href="https://kyzylorda-news.kz/">Kyzylorda-news.kz.</a> Қызылорда өңірінде облыстық пәндік олимпиаданың нәтижесі нақтыланды.
Білім сынағына әртүрлі пәндерден 292 оқушы қатысқан. Нәтижесінде 115 оқушы жүлделі орындарды иеленді. Оның 21-і Алтын медаль, 37-і күміс медаль, 57-і қола медаль алды.
Олимпиада жаратылыстану-математика, қоғамдық-гуманитарлық бағыттардағы 14 пән бойынша ұйымдастырылған. Пандемия жағдайында өткен олимпиадада әр күн сайын 6 аудиторияда 50-ден аса бала сынақ тапсырған.
Биылғы ерекшеліктің тағы бірі – қоғамдық бақылау жүргізудің ашықтығы. Яғни олимпиаданы әрбір ата-ана арнайы ютуб желісіндегі сілтеме арқылы тікелей бақылай алады.
Бес күнге созылған олимпиадада балалар тест тапсырмалары, эксперименттік тур бойынша жазба, эссе, лексика-грамматикалық тесттер, хат және аудижазба түрлерінен сынақ тапсырды.

Қызылорда: Олимпиадада 115 оқушы жүлдегер атанды

<a href="https://kyzylorda-news.kz/">Kyzylorda-news.kz.</a> Қызылордаға коронавирус инфекциясына қарсы егілетін 6200 «Спутник V» дозасы келді. Оның 3600-і бірінші компонентте, 2600-і екінші компонентте егілетін болады.
ІІ кезеңде вакцина алмаған медицина қызметкерлеріне, мұғалімдерге және жұқтыру қаупі неғұрлым жоғары болып саналатын жұмыс орындарының қызметкерлеріне салынады.
<blockquote>
 Жалпы екпе салдырғындар арасында денсаулығына шағымданушылар болмады. Ертеңнен бастап екпенің екінші кезеңін бастамақпыз. Алғашқы кезеңде вакцинациялау жұмыстары тек қаламыздағы №1, 3, 6 емханаларда жүргізілген болатын. Ал ІІ кезеңнен бастап аудандарда да қатар жүргізілмек. Бұл ретте егу науқанын сапалы өткізу үшін аудандағы медицина қызметкерлері де дайындық курсынан өтіп, оқытылды, – деді облыстық денсаулық сақтау басқармасының басшысы Сәбит Пазилов.
</blockquote>
Айта кетейік, вакцина аудандарға температуралық режимді қадағалайтын арнайы машинамен бүгін-ертең жеткізілетін болады. Екпе жұмыстарына алғашқы медициналық-санитарлық көмек мекемелерінде 14 егу кабинеті дайындалған.
<blockquote>
 Қазір халықтың вакцинациялаудың қауіпсіз екеніне көзі жетті деп ойлаймын. Бір жағынан асқыну, ауру белгілері 1-ші, 2-ші компаненттерде де байқалмады. Вакцина келе саласымен барлық талаптарға сәйкес мұздатқыштарға орналастырылды. Қазіргі таңда қоймадан қажетті вакцина облыс орталығындағы емханалар мен аудандарға тасымалдануда. Бұл ретте тиісті сала мамандарымен комиссия құрылды. Яғни, вакцинаны аудандарға жібергенде, доза ешқандай бұзылусыз жетсе, құрылған комиссия мүшелері қабылдап алатын болады, – деді облыстық санитариялық-эпидемиологиялық бақылау департаменті басшысы міндетін атқарушы Әлия Әбдіқайымова.
</blockquote>

Бүгін Қызылордада вакцинацияның екінші кезеңі басталады

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Гүлшара Әбдіқалықованың төрағалығымен тұрғын үй саясатын жүргізудің жаңа тетіктеріне арналған мәжіліс өтті. Жиынға бірқатар сала басшылары мен онлайн селекторлық режимде қала және аудан әкімдері қатысты.
Аймақ басшысы Президент Жолдауында айқындалған тұрғын үйге мұқтаж халықты баспанамен қамтамасыз ету үшін жаңа тәсілдерді енгізу арқылы тұрғын үй саясатын жүргізудің жаңа тетіктеріне қарай жұмысты жетілдіру керек екенін атап өтті.
Мәжіліс отырысында облыстық құрылыс, сәулет және қала құрылысы басқармасының басшысы Бердияр Пірімбетов тұрғын үй саясатындағы жаңа тәсілдерді енгізу бағытында негізгі басымдықтар туралы баяндады.
Бүгінгі күні тұрғын үй кезектілігі мәселесін шешу үшін “Қазақстанның тұрғын үй құрылыс жинақ банкі” АҚ негізінде “Отбасы банкі” құрылды. Бұл мақсатта “Отбасы банкі” базасынан “Тұрғын үймен қамтамасыз ету жөніндегі орталық” құрылады. Ол тұрғын үйге мұқтаждардың барлығын орталықтандырылған негізде есепке алуды, сондай-ақ тұрғын үйдің «қолжетімділік сатысына» сәйкес тұрғын үйді бөлуді жүзеге асырады. “Тұрғын үймен қамтамасыз ету жөніндегі орталықтың” базасымен жеке тұлғалардың мемлекеттік дерекқорлары біріктіріліп, азаматтар мемлекеттік бағдарламаларға бір рет қана қатыса алады. Бұл үшін тұрғын үй қорын басқаратын тұрғын үй құрылысының «Бірыңғай операторы» іске қосылатын болады.
Жиында басқарма басшысы жаңа тәсілде тұрғын үйге мұқтаждарды іріктеу нақты табыстары бойынша жүзеге асырылатынын жеткізді. Сондай-ақ, тұрғын үй алуға кезекте тұрған азаматтардың саны жыл сайын орта есеппен 1,6 мыңға өсіп, бүгінде 30 мың адамға жеткенін атап өтті.
Отырыста Бердияр Пірімбетов тұрғын үй саясатын енгізудегі екінші механизм яғни ауылдық жерлерде тұрғын үй салу тетігі бойынша алдағы міндеттерді баяндады. Бұл механизм Мемлекет басшысының тапсырмасына сәйкес, ауылдарда жұмысшылары үшін тұрғын үй салудағы жұмыс беруші шығындарының 50%-ын субсидиялауды көздейді. Субсидиялауға облыс және аудан орталықтары, моно және шағын қалалар, агломерация құрамындағы елді мекендер жіберілмейді. Аталған механизмді жүзеге асыру ауылдық жерлерге білікті мамандарды тартуға және қалаларға тұрғындардың көшуін тоқтатуға мүмкіндік береді.
Бүгінгі күні 5 аудан бойынша 9 елді мекенде 13 ауыл шаруашылығы құрылымдары 54 үй салуға ниет білдірген.
Отырыста «Отбасы банкі» тұрғын үй құрылыс жинақ банкі» АҚ Қызылорда филиалының директоры Әділжан Сәулебаев мемлекеттік бағдарламалар арқылы тұрғын үй алуға ниетті азаматтардың үлесі мен салым салу мәселелеріне тоқталды. Сонымен бірге, Қызылорда облысының құрылысшылар ассоциациясының төрағасы Манарбек Еспенбетов құрылыс мәселелеріне қатысты бірқатар ұсыныстарын жеткізді.
Жиын барысында облыс әкімі Әділжан Сәулебаевқа Қызылорда қаласы және аудан әкімдіктерімен бірлесіп, тұрғын үй саясатына енгізіліп жатқан жаңа тәсілдерді заңдылыққа сәйкес үйлестіруді қамтамасыз етуді тапсырды.
Айта кетейік, 2020 жылы барлығы 408 пәтерді құрайтын 39 тұрғын үй пайдалануға берілді. Оның ішінде, 150 пәтерлі 5 үй жалға берілетін, 90 пәтерлі 30 кредиттік, 168 пәтерлі 4 коммерциялық тұрғын үйлер болып табылады. Ал, «Отбасы банкі» арқылы жеңілдетілген несиемен 548 отбасы баспаналы болды.
Аймақта биылғы жылы 1858 пәтерлі 99 үйдің құрылысы жүргізіліп, жыл аяғына дейін 1575 пәтерлі 61 үйді пайдалануға беру жоспарланып отыр.
Жиын соңында облыс әкімі Гүлшара Әбдіқалықова облыстық құрылыс, сәулет және қала құрылысы басқармасының басшысына тұрғын үй құрылысы саласындағы жаңа тетіктерге қатысты мәселелерді пысықтауды және облыстық энергетика және тұрғын үй – коммуналдық шаруашылық басқармасы Қызылорда қаласы және аудан әкімдіктерімен және «Отбасы банкі» тұрғын үй құрылыс жинақ банкі» АҚ Қызылорда филиалымен бірлесіп, жаңа тетіктер негізінде облыс бойынша тұрғын үй кезектілігіне қатысты салалық министрлікке ұсыныс енгізуді тапсырды.
Сондай-ақ, Қызылорда қаласы және аудан әкімдеріне барлық инфрақұрылым желілерімен қамтамасыз етілген тұрғын аудандарда коммерциялық, арендалық, кредиттік тұрғын үйлердің жобаларын орналастыру бағытында жұмыстарды жүргізуді міндеттеді.
Күн тәртібінде көтерілген мәселелердің орындалуын бақылауға алуды орынбасары Серік Сүлейменовке тапсырды.
<img src="https://kyzylorda-news.kz/wp-content/uploads/2021/03/156349038_3169339419835772_7071276457336597676_o.jpg" alt="" />
<img src="https://kyzylorda-news.kz/wp-content/uploads/2021/03/156254895_3169340046502376_7499553104438332925_o.jpg" alt="" />

Жеңілдетілген несиемен 548 отбасы баспаналы болды

<a href="https://kyzylorda-news.kz/">Kyzylorda-news.kz.</a> Денсаулық сақтау бірінші вице-министрі Марат Шоранов ОКҚ-дағы онлайн брифингте Наурыз мейрамын қалай жақсы тойлау керек екенін&nbsp;айтты.
Журналистер одан наурызға арналған COVID-19 ауруының болжамын айтуды өтінді.
«Біз ақпан айындағы мәліметтерді қарастырып жатырмыз және наурыз бен келесі айда коронавирус&nbsp;инфекциясын жұқтырудың 15-тен 20 мыңға дейінгі жағдайы болады деп болжап отырмыз. Бірақ бұл адамдардың карантиндік шараларды қалай сақтайтынына байланысты болатынын атап өткім келеді», деді денсаулық сақтау министрлігінің өкілі.
Сонымен қатар ол мерекені қалай жақсы тойлау керек деген сұраққа жауап берді.
«Біз үлкен мерекелік іс-шаралар өткізбеуді, керісінше, Наурызды отбасыңызбен тойлауды ұсынамыз. Қонаққа бармай-ақ қойыңыз. Жаңа жыл демалысынан екі апта өткен соң бізде коронавирус ауруы жиілегені есіңізде ме? Әлеуметтік арақашықтықты сақтау керек», – деп қосты ол.
<a href="https://stan.kz/densaulik-saktau-ministrligi-nauriz-meyramin-kalay-toyl-343980/">Stan.kz</a>

Денсаулық сақтау министрлігі Наурыз мейрамын қалай тойлау керек екенін айтты

<a href="https://kyzylorda-news.kz/">Kyzylorda-news.kz</a>.&nbsp; Бүгін облыс әкімі Гүлшара Әбдіқалықова Халықаралық Аралды құтқару қорының ҚР Атқарушы дирекциясының директоры Болат Бекниязбен кездесті. Кездесуде Аралды құтқару Қорының Арал өңірінің әлеуметтік және экологиялық проблемаларын шешуге бағытталған жобалары мен бағдарламалары сөз болды.
<blockquote>
 «Сырдария өзенінің арнасын реттеу және Арал теңізінің солтүстік бөлігін сақтау» (САРАТС-1) жобасының бірінші фазасын бастауға Халықаралық Аралды құтқару қорының рөлі ерекше болды. Қазіргі таңда, «Өңірлік дамыту және Арал теңізінің солтүстік бөлігін қалпына келтіру» жобасының техника экономикалық негіздемесін әзірлеу үшін дайындық жұмыстары жүргізілуде. Соның ішінде, Солтүстік Арал теңізінің аумағын ұлғайту компоненті өңір тұрғындары үшін өте маңызды. Солтүстік Арал теңізінің аумағын ұлғайтудың бір немесе екі деңгейлі нұсқалары бойынша түпкілікті шешім қабылданған жоқ. Сондықтан, жобаның техника экономикалық негіздемесін әзірлеу барысында жан-жақты қарауға, экологиялық және экономикалық жағынын тиімді жобаның іске асырылуына атсалысуды сұраймыз, – деді облыс әкімі.
</blockquote>
Сонымен қатар кездесуде Болат Бекнияз Аралды құтқару Қоры тарапынан атқарылған жұмыстар туралы айтып өтті.
Халықаралық Аралды құтқару Қорының Қазақстан Республикасындағы Атқару Дирекциясы туралы Ережеге сәйкес оның қызметінің негізгі мақсаты Арал теңізі алабының қазақстандық бөлігіндегі су шаруашылығы, әлеуметтік-экономикалық және экологиялық жағдайларды жақсарту бойынша өзекті мәселелерді шешуге және практикалық іс-шараларды үйлестіруге қолдау көрсету болып табылады.
Бүгінгі күнге дейін Қор тарапынан Арал теңізін құтқару және сақтау бойынша халықаралық және жергілікті деңгейде көп деген кездесулер ұйымдастырылып, жобалар жүзеге асырылуда. Атап айтсақ, Арал өңірінің қазақстандық бөлігінің өзекті мәселелерін шешу жөнінде Ұлттық ғарыштық зерттеулер мен технологиялар орталығының, Дүниежүзілік банк, Қазақстан Республикасы Экология, геология және табиғи ресурстар министрлігі өкілдерімен, Германия Федеративтік Республикасының Сыртқы істер министрлігінің Қазақстан Республикасындағы Елшілігімен және Алматы қаласындағы Бас елшілігімен кездесу, Су шаруашылығы бойынша кәсіптік стандарттардың негізінде Білім беру бағдрламалары мен оқыту жоспарларын әзірлеу бойынша Тараз қаласында «Су шаруашылығы» дайындық бағыты бойынша оқу-әдістемелік бірлестіктің жиналысы және т.б ұйымдастырылды.
«Барсакелмес» Мемлекеттік табиғи қорығымен, Ботаника және фитоинтродукция Қазақ ғылыми-зерттеу институтымен, Балық шаруашылығы Қазақ ғылыми-зерттеу институтымен, Ы.Жахаев атындағы күріш шаруашылығы Қазақ ғылыми-зерттеу институтымен, су шаруашылығы Қазақ ғылыми-зерттеу институтымен, және т.б. бірлескен жұмыстар жүргізілуде. Бұл ретте ХАҚҚ ҚР Атқару Дирекциясының қызметкерлері қызмет күндерінің көп бөлігін Арал теңізі бассейнінде далалық жұмыстар мен іс сапарларда өткізеді.
Қазіргі уақытта Қордың облыстағы филиалы Қамбаш көлінің жағалауында орналасқан «АРАЛ» ғылыми-туристік , Көкарал түбегінің оңтүстік бөлігіндегі, биосфераны қорғау орталықтарында аңшылық шаруашылығы бойынша жұмыс атқаруда.Сондай-ақ, Халықаралық Аралды құтқару қорының ҚР Атқарушы дирекциясының директоры Арал теңізін қалпына келтірудің басты факторы судың болуы екенін атап өтті.
<blockquote>
 «Арал теңізі бассейнінің негізгі өзендері – Әмудария және Сырдария бойынша экологиялық су жіберулерге қалдық қағидатты пайдалана отырып, Арал теңізін бұрынғы шекараларға қайтару мүмкін емес. Теңізді толтыру үшін оған жылына кемінде 60 млрд. текше метр су келуін қамтамасыз ету қажет, сондықтан суармалы жерлерде су тұтынуды азайту, кейбір су қоймаларын босату қажет болуы мүмкін. Қазақстанда 2005 жылғы тамыздан бастап көлемі 27 млрд. текше метр Солтүстік Арал теңізі сақталды, осы кезеңде Үлкен Арал теңізіне шамамен 40 млрд. текше метр су құйылды. Көл жүйесіне жыл сайын шамамен 1500 млн. текше метр жіберіледі, – деді Болат Бекнияз.
</blockquote>
Мұнымен қоса жиында Арал өңірінде шешімін табуды қажет ететін көптеген экологиялық проблемаларға байланысты Халықаралық Аралды құтқару Қорын Алматы қаласынан Қызылорда қаласына көшіру мәселесі қозғалды.
Жиын соңында Болат Бекнияз аймақ басшысына ұйымдастырылған кездесу үшін алғыс айтып, алдағы уақытта да бірлесіп жұмыс атқаратынын жеткізді.

Гүлшара Әбдіқалықова Халықаралық Аралды құтқару қорының ҚР Атқарушы дирекциясының директорымен кездесті

Kyzylorda-news.kz. Сыр өңірінде игілікті бастама «Қайырымдылық істер марафоны» жалпыұлттық жобасы қарқынды жалғасуда. Еріктілер, белсенді азаматтар, кәсіпкерлер халықтың әлжуаз топтарына көмек көрсетуде.
<blockquote>
 Игілікті істер бір жылмен шектеліп қалмайды. Әрі қарай да жалғасын табатын болады. Қайырымдылық, меценаттық және донорлық қоғам үшін ең маңызды бағыттардың бірі. «Алғыс айту» мерекесінде волонтерлар және меценаттар жалғызбасты қарттарды, данагөй әжелерді құттықтап, көмек көрсетті. Сондай-ақ, Тәуелсіздігіміздің 30-жылдық мерейлі мерекесімен тұспа-тұс келуі де бекер емес. Осы орайда «Қазақстан Тәуелсіздігіне 30 жыл: бірлік пен бірегейліктің моделі» атты республикалық ғылыми-тәжірибелік конференциясы өтті. Жүзеге асырған және алда атқаратын игілікті істеріміз халқымыздың болашағын бірлігімізбен берік етсін, – деді «Қоғамдық келісім» КММ директоры Бауыржан Мастеков.
</blockquote>
Сондай-ақ, «Абзал и К» ТС директоры Мағжан Ералиевтың бастамасымен мүмкіндігі шектеулі, үйде оқитын, ата-ана қамқорлығынсыз қалған балаларға арналған «Арман ағашы» акциясы өтті.

Қызылорда: «Қайырымды істер марафоны» жыл бойы жалғасады

Kyzylorda-news.kz. Қызылорда облысына Армениядан 456 көлік әкелінген. Бүгінде соның 445-і тіркеуден өткізіліп, оның 74-інің басқару жүйесі оң жақтан сол жаққа ауыстырылған. Бұл туралы бүгін Өңірлік коммуникациялар қызметінің ақпарат алаңында өткен брифингте Қызылорда ОПД Әкімшілік полиция басқармасының бастығы Нұрмахан Пазылов мәлімдеді.
Негізі Армениядан әкелінген көліктерді тіркеу биыл наурыз айында аяқталуға тиіс болатын. Бірақ өткен жылы карантин шектеулері болғандықтан тіркеу уақыты тағы бір жылға ұзартылды. Енді келер жылдың наурыз айына дейін тіркелмесе, көлік иелері 3 миллион теңгенің үстінде қаражат жұмсауға тура келеді.
<blockquote>
 Армениялық темір тұлпарды тізгіндеген көлік иесі мемлекеттік тіркеу нөмірлік белгі үшін – 8167,60 теңге, көліктің тіркеу куәлігі үшін – 3646,25 теңге, ал мемлекеттік алғашқы тіркеу жинағы үшін – 729,25 теңге төлегендігін растайтын құжаттармен халыққа қызмет көрсету орталығына жүгіну қажет, – деді Қызылорда ОПД Әкімшілік полиция басқармасының бастығы Нұрмахан Пазылов.
</blockquote>
Ал басқару жүйесі оң жақтан сол жаққа ауыстырылған көлік құралдарын тіркеу үшін ұлттық акредиттелген орталықтардан қауіпсіздік хаттамасын алу қажет. Аталған хаттаманы беруге рұқсаты бар акредиттелген орталықтар Алматы қаласында, Атырау, Қостанай, Батыс Қазақстан және Солтүстік Қазақстан облыстарында орналасқан.

Қызылордада Армениядан әкелінген 445 көлік тіркелді

<a href="https://kyzylorda-news.kz/">Kyzylorda-news.kz</a>. Жалағаш ауданының тұрғыны Асылхан Балмаханов жыл басынан бері сабын шығару ісін қолға алды.
Асылханның жасы 28-де. Отбасылы, жарымын бірге екі бала тәрбиелеп отыр. Қаржыгер мамандығын алған ол бірнеше мекемеде кассир, есепші, экономист қызметтерін атқарған.
Өзінің мемлекеттік сатып алудан да хабары бар. Сол тендерлерге қатысу барысында тұрмыстық сабынға деген сұраныстың бар екендігін байқаған.
<blockquote>
 «Жалпы кір сабын шығару туралы идея өткен жылдан бастап ойымнан шықпай қойды. Алғашында негізгі жұмысымнан өзге қарап жатпай, қосымша табыс тапсам деген ой маза бермей жүрді. Осылайша іздене бастадым. Интернеттен қандай тауарға сұраныстың бар екендігін іздеп, кір сабын шығару идеясына тоқтадым. Оның бірнеше себебі де бар. Біріншіден, біздің облысымызда тұрмыстық сабын шығаратын адамдар санаулы. Екіншіден,тендерлерге қатысып жүргенімде кір сабынды аймақ мекемелері көрші облыстардан алдыртатынын көрдім», – дейді жас кәсіпкер.
</blockquote>
Көздеген мақсатын жүзеге асыру үшін Асылхан бірінші Қызылорда облысы кәсіпкерлер палатасының мамандарымен ақылдасып, «Бизнес-мектеп» құрылымы бойынша біліктілігін жетілдіреді. Бизнес-жоспарын да Палата мамандарына әзірлетеді. Осылайша өткен жылдың күз мезгілінде облыстық кәсіпкерлік және туризм басқармасы ұйымдастырған «Бизнестің жол картасы – 2025» мемлекеттік бағдарламасы аясындағы грантқа қатысып, 2 млн.теңге қаржы ұтып алады.
Асылхан Балмаханов бүгінде ұтып алған гранттық қаржыға өз қаражатын қосып, шағын цех ашты. Негізі цехтың қуаттылығы күніне 1500 данаға дейін сабын алуға мүмкіндік береді. Әзірге нарықты толық зерттеп алу үшін тәулігіне 500-600 данадан ғана шығарып жатыр екен. Жас кәсіпкер өнімдерін жалағаштық дүкендерге өткізіп жатыр, сондай-ақ қосымша тендерлерге де қатысуда. Алдағы уақытта өнімді Қызылорда қаласына да жеткізу жоспары бар.
<blockquote>
 «Сабынның атауын «Береке» деп қойдым. Бұл әр шаңыраққа құт-береке кірсін деген ниеттен туған атау», – дейді жас кәсіпкер Асылхан Балмаханов. &nbsp;
</blockquote>
Айта кету керек, биылғы жылдың екі айында Қызылорда облысы кәсіпкерлер палатасының кеңесшілері 412 адамға кеңес беріп, кәсіпкергелерге 127 қызмет көрсетті.
<img src="https://kyzylorda-news.kz/wp-content/uploads/2021/03/6a92f73c-a158-444f-a016-5abcd6b22f63-1.jpg" alt="" />

Жалағаштық жас кәсіпкер сабын шығаруда

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова «Халық» және «Береке» қайырымдылық қорлары ұсынған «Халық берекесі» әлеуметтік жобасымен танысты. Кездесуде облыс әкіміне «Халық» қайырымдылық қорының директоры Сағынбек Шункеев пен «Береке» қайырымдылық қорының басшысы Бағдаш Сүлейменов әлеуметтік жобаның маңыздылығын баяндады.
Аймақ басшысы Сыр еліне келген құрметті меймандарға алғыс айтып, ынтымақтастық әріптестік аясындағы жаңа жобалардың маңызы зор екенін атап өтті.
<blockquote>
 “Сіздер ұсынған «Халық берекесі» әлеуметтік жобасы көмекке мұқтаж отбасыларды «дағдарыс» жағдайынан шығаруға мүмкіндік береді. Барлық аймақтағыдай осы көмекті қажет ететін отбасылар бізде де бар. Сондықтан халықты әлеуметтік қолдауға бағытталған бұл жобаның жүзеге асуын біз қолдаймыз. Сіздердің осындай оң бастамаларыңыз үшін алғыс айта отырып, бұл жобаны бірлесіп, ел игілігі үшін соңына дейін жеткіземіз деп сенемін,-деді облыс әкімі Гүлшара Әбдіқалықова.
</blockquote>
«Халық берекесі» жобасы 3 бағытта іске аспақ. Мәселен, «Тұрғын үй бағдарламасы» бойынша әлеуметтік көмек алуға келісім жасау арқылы баспанаға мұқтаж отбасыларға 1-3 жылға дейін уақытша негізде тұрғын үй беріледі. Яғни, жоба аясында Қызылорда қаласынан 12 пәтерлік екі үй салынады деп жоспарлануда. Ал, «Қосымша білім беру» бағыты мектеп жасына дейінгі балаларға өмірлік дағдыларды үйрету, жасөспірімдерге арналған курстарды оқытуды көздейді. «Отбасыларды әлеуметтік бейімдеу» бағыты арқылы өмірлік қиын жағдайдағы отбасыларды әлеуметтік бейімдеуге қажетті түрлі көмектер көрсетуге мүмкіндік ұсынады.
Бүгінгі күні өңірде белсенді азаматтардың бастамасымен түрлі деңгейдегі әлеуметтік жобалар іске асып, әлеуметтік мұқтаж отбасына көмектер көрсетіліп келеді. Айталық, 2019 жылы табысы төмен азаматтардың баспана мәселесін шешуге байланысты облыс әкімдігінің бастамасымен «Болат Өтемұратов Қоры» қаражаты есебінен 100 отбасы тұрғын үймен қамтылды. Сонымен қатар, 2020 жылы жеке шаруашылық және кәсіпорындар есебінен, жастар бірлестіктері бастамасымен «Асар» әдісімен аз қамтылған көп балалы 20 отбасы тұрғын үйге қол жеткізді.
Кездесу соңында облыс әкімі Гүлшара Әбдіқалықова Қызылорда облыстық жұмыспен қамту және әлеуметтік бағдарламалар басқармасының басшысы Гаухар Қалмақова мен Қызылорда қаласы әкімінің уақытша міндетін атқарушы Бектас Нуридиновке әлеуметтік жобаны үйлестіру жұмыстарын әрі қарай жүргізу үшін қажетті шараларды қабылдауды тапсырды.

Қазақстан және Қызылорда облысының жаңалықтары: Басты жаңалықтар old

Қызылорда: Наурызда 200-ге жуық шара өтеді

Қызылордада көктемгі су тасқынының алдын алу шаралары пысықталды

Қызылордада 900-ге жуық шағын бизнеске микрокредит беріледі

Қызылорда: Олимпиадада 115 оқушы жүлдегер атанды

Бүгін Қызылордада вакцинацияның екінші кезеңі басталады

Жеңілдетілген несиемен 548 отбасы баспаналы болды

Денсаулық сақтау министрлігі Наурыз мейрамын қалай тойлау керек екенін айтты

Гүлшара Әбдіқалықова Халықаралық Аралды құтқару қорының ҚР Атқарушы дирекциясының директорымен кездесті

Қызылорда: «Қайырымды істер марафоны» жыл бойы жалғасады

Қызылордада Армениядан әкелінген 445 көлік тіркелді

Жалағаштық жас кәсіпкер сабын шығаруда

Облыс әкімі “Халық берекесі” әлеуметтік жобасымен танысты

Қазақстан және Қызылорда облысының жаңалықтары: Басты жаңалықтар old

Қызылорда: Наурызда 200-ге жуық шара өтеді

Қызылордада көктемгі су тасқынының алдын алу шаралары пысықталды

Қызылордада 900-ге жуық шағын бизнеске микрокредит беріледі

Қызылорда: Олимпиадада 115 оқушы жүлдегер атанды

Бүгін Қызылордада вакцинацияның екінші кезеңі басталады

Жеңілдетілген несиемен 548 отбасы баспаналы болды

Денсаулық сақтау министрлігі Наурыз мейрамын қалай тойлау керек екенін айтты

Гүлшара Әбдіқалықова Халықаралық Аралды құтқару қорының ҚР Атқарушы дирекциясының директорымен кездесті

Қызылорда: «Қайырымды істер марафоны» жыл бойы жалғасады

Қызылордада Армениядан әкелінген 445 көлік тіркелді

Жалағаштық жас кәсіпкер сабын шығаруда

Облыс әкімі &#8220;Халық берекесі&#8221; әлеуметтік жобасымен танысты

Облыс әкімі “Халық берекесі” әлеуметтік жобасымен танысты