<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықовааймақтағы агроөнеркәсіп кешенінің дамуына арналған жиын өткізді. Жиынға орынбасары Бахыт Жақанов, облыстық ауыл шаруашылығы басқармасының басшысы Шахмардан Қойшыбаев қатысты.
Аймақ басшысы өңірде агроөнеркәсіптік кешенін дамытудың 2021 жылға бекітілген нысаналы индикаторлары бойынша негізгі көрсеткіштерді саралады. Басқарма басшысы Шахмардан Қойшыбаев агроөнеркәсіптік кешенде бекітілген межелі жоспарға сай өнім өндіру, мал шаруашалығы, егін шаруашылығы бағыттары бойынша бірінші тоқсан қорытындысын тізбеледі.
Есепті кезеңде аймақта 13 млрд теңгенің өнімі өндіріліп, өткен жылдың сәйкес кезеңімен салыстырғанда өсім 2,8%-ды құрады. Ал, ауыл шаруашылығының негізгі қорына салынған инвестиция көлемі 901,8 млн теңгеге жетіп, өткен жылмен салыстырғанда 1,4 есеге артқан.
Облыстан 5,7 млн долларды құрайтын 16,5 мың тонна ауыл шаруашылығы өнімдері экспортталып, өткен жылдың сәйкесті кезеңімен салыстырғанда 84,4 % құрады. Сондай-ақ, өткен жылы ауыл шаруашылығы өндірісіне тартылған инвестициялар көлемі 2 еседен астам өсім көрсетсе, биылғы жылдың қаңтар-наурыз айларында салынған инвестиция көлемінің өсімі 1,4 есеге артып отыр. Егін егу бағытында да белгілен меже бар. Қазіргі таңда 6573 гектар жерге мақсары, 4 086 гектарға жаздық бидай, 344 гектарға жаздық арпа, 5 гектарға сұлы, 25 гектарға соя дақылы егілді. Мұнан бөлек, дән жүгері, сүрлемдік жүгері, қант құмайы, соя және картоп, көкөніс, бақша дақылдарын егу жұмыстары күріш егумен қатар жүреді.
Бүгінде негізгі күріш дақылын егу жұмыстарын Шиелі, Жаңақорған аудандары 21 сәуірден, Жалағаш, Сырдария ауданы 23 сәуірден, Қармақшы ауданы 25 сәуірден бастаса, Қызылорда қаласы мен Қазалы ауданынында 1 мамырда жүргізіледі. Жалпы күріш егу жұмыстары 30 мамырда аяқталып, суға бастыру 5 маусымға дейін аяқталады.
Гүлшара Әбдіқалықова шет елдерге өнім өткізу нәтижелері бойынша көрсеткіштерді саралады. Қазірде Сыр елінен әлемнің 13 мемлекетіне өнімдер экспортталады. Күріш өнімі Ресей, Қырғызстан, Әзірбайжан, Өзбекстан, Моңғол, Тәжікстан, Украина және Ирак мемлекеттеріне жөнелтіледі. Сондай-ақ, облыстан Ресей, Польша, Литва және Австрия мемлекеттеріне 549,9 тонна балық, Германия мен Нидерланды мемлекеттеріне 268,7 тонна қамыс жөнелтілді.
Алғашқы тоқсандық қорытынды бойынша мал шаруашылығы бағытында да өсім бар. Мал басы былтырғы жылдың сәйкес кезеңімен салыстырғанда мүйізді ірі қара 4,8%-ға, қой мен ешкі-5,9%-ға, жылқы 10,3%-ға, түйе 7,4%-ға, құс 6,0 %-ға өскен. Мұнан өзге, 8,6 мың тонна ет, 17,6 мың тонна сүт және 1,2 млн дана жұмыртқа өндіріліп, өндіріс көлемі біршамаға артқан. Биыл «Сыбаға» бағдарламасы арқылы 1000 бас шет елдік мүйізді ірі қара, 27500 бас қой малын сатып алу жоспарланған. Оның ішінде бүгінгі күні 3 шаруашылық 326 бас мүйізді ірі қара малын шетелден сатып әкелсе, тағы да 5 шаруашылықтың 388 бас шет елдік мал алуға берген тапсырыстары қаржы институттарының сараптамасынан өтуде.
Жиын соңында облыс әкімі сала басшысына ауыл шаруашылығында әртараптандыру процесін қарқынды жүргізу, суды мөлшерін тиімді пайдалану арқылы өнім көлемін көбейту, ішкі өнімдерді өндеу бағытында жұмысты әрі қарай жандандыруды тапсырды.
<img src="https://kyzylorda-news.kz/wp-content/uploads/2021/04/178498097_3316939675075745_7976560861421053990_n.jpg" alt="" />

Гүлшара Әбдіқалықова агроөнеркәсіп кешенінің дамуына арналған жиын өткізді

<a href="https://kyzylorda-news.kz/kogam/qyzylordada-39-adam-koronavirwstan-ajyqty-108649/">Kyzylorda-news.kz</a>. Қазақстанда өткен тәулікте коронавирус індетінен 2494 адам емделіп шықты, деп хабарлайды coronavirus2020.kz.
Өңірлер бойынша:
Нұр-Сұлтан қаласы – 453,
Алматы қаласы – 620,
Шымкент қаласы – 50,
Ақмола облысы – 93,
Ақтөбе облысы – 257,
Алматы облысы – 276,
Атырау облысы – 96,
Шығыс Қазақстан облысы – 50,
Батыс Қазақстан облысы – 73,
Қарағанды облысы – 186,
Қостанай облысы – 35,
Қызылорда облысы – 39,
Маңғыстау облысы – 26,
Павлодар облысы – 103,
Солтүстік Қазақстан облысы – 72,
Түркістан облысы – 65.
Пандемия басталғалы елімізде 311 400 адам коронавирус жұқтырса, соның 265 940-ы жазылып шықты.

Қызылордада 39 адам коронавирустан айықты

<a href="https://kyzylorda-news.kz/">Kyzylorda-news.kz</a>. Қазақстанда өткен бір тәулікте коронавирус 2284 адамда ПТР-сынама арқылы расталды, деп хабарлайды coronavirus2020.kz.
Өңірлер бойынша:
Алматы қаласында – 51751 (+689),
Нұр-Сұлтан қаласында – 43539 (+294),
Шығыс Қазақстан облысында – 24575 (+68),
Қарағанды облысында – 22586 (+250),
Атырау облысында – 21575 (+55),
Алматы облысында – 20491 (+264),
Павлодар облысында – 20312 (+87),
Батыс Қазақстан облысында – 18734 (+91),
Ақмола облысында – 17867 (+146),
Қостанай облысында – 14633 (+26),
Солтүстік Қазақстан облысында – 13883 (+26),
Шымкент қаласында – 9022 (+35),
Ақтөбе облысында – 8773 (+65),
Жамбыл облысында – 7589 (+57),
Маңғыстау облысында – 5501 (+28),
Түркістан облысында – 5306 (+51),
Қызылорда облысында – 5293 (+52).
Жалпы, пандемия басталғалы ел бойынша ауырғандар саны – 311 400.

Қызылордада бір тәулікте 52 адамнан коронавирус анықталды

<a href="https://kyzylorda-news.kz/kogam/qyzylordalyq-syr-tuelegi-toby-zhueldeli-oryn-enshiledi-108613/">Kyzylorda-news.kz.</a>&nbsp; Күні кеше облысқа 36200 вакцина келді. Оның 34200-і «Спутник V», 2000-ы «QAZVAC» коронавирусқа қарсы екпесі. «Спутник V» барлық аудандарға бөлінсе, «QAZVAC» әзірге қалада жүргізіліп жатыр.
<blockquote>
 «QAZVAC» вакцинасы екі дозалы вакцина және бір ампула бір адамға арналған. Сонымен қатар, отандық вакцина мұздатуды қажет етпейді, яғни, екпе плюс 2-ден 8 градусқа дейінгі температурада сақталады. Айта кетейік, қазіргі таңда еліміз вакциналар өндірісін іске қосқан және вакциналарды шығарудың толық циклін әзірлеуден бастап қолдануға дейін өз бетінше игерген әлемнің 10 елінің қатарына енді. Айта кетейік, бүгінде инфекциялық және провизорлық стационарларда төсек-орын, дәрі-дәрмек, оттегі, концентратор секілді қажетті құрал-жабдықтардың барлығы жеткілікті. Облыс бойынша қазір инфекциялық стационарда 374 науқас, реанимациялық бөлімде 44, оның 28-і қалада, 16-сы аудандарда ем қабылдауда», – деді облыстық денсаулық сақтау басқармасының басшысы Сәбит Пазилов.
</blockquote>
Егу жұмыстары қазір №1, 3, 4, 5, 6 және «Сенім» емханаларында, облыстық кеңес беру диагностикалық орталығында, «Интертич» клиникасында, Қызылорда ТЖ, «ASA» ЖШС, барлық аудандарда және Байқоңыр қаласында жүргізілуде. Облыс бойынша барлығы 32 егу кабинеті, 23 жылжымалы топ бригадасы ұйымдастырылды. Жалпы, вакцинациялау жұмыстары халыққа қолжетімді болуы мақсатында қосымша театр, базарлар мен сауда орталықтарында жүргізілетін болады.

Қызылордаға «QAZVAC» вакцинасы келді

*<a href="https://kyzylorda-news.kz/">Kyzylorda-news.kz</a>. Қазақстанда коронавирусқа қарсы вакцина тапшылығы болмауы тиіс. Бұл туралы бүгін тікелей эфирде QazCOVID-in вакцинасын алған ҚР Денсаулық сақтау министрі Алексей Цой айтты, деп хабарлайды ҚазАқпарат.*
<blockquote>
 «Өздеріңізде білетіндей, вакцина қай уақытта жеткізілетіндігіне қатысты Қазақстанның әрбір өңірі бойынша нақты кесте бар. Күні кеше ғана Батыс Қазақстанға вакцина жеткізілді және күн сайын, екі күнде бір рет жаңа партиясы жеткізіліп отырады. Сондықтан айтарлықтай тапшылық орын ала қоймауы керек. Ең бастысы азаматтарымыз вакцинаның қауіпсіз, тиімді екендігіне көз жеткізді. Ол антидене титрін көтеретіндігін көрді және туған-туыстарына өзін, жақындарын қорғау үшін вакцинациядан өтуге кеңес беруде», – деді Алексей Цой.
</blockquote>
Оның дерегінше, бүгінде әрбір 20-шы қазақстандық вакцина алды. Яғни, вакцинациялау қарқыны жақсы өтіп жатыр.
<blockquote>
 «Біздің міндетіміз – мүмкіндік беру. Ал одан кейін азаматтар вакцина алуды өздері таңдап, оқшауланудан шығудың жалғыз жолы сол екендігін түсініп отыр», – деді Денсаулық сақтау министрі.
</blockquote>

Алексей Цой: Қазақстанда әрбір жиырмасыншы адам вакцина алды

*<a href="https://kyzylorda-news.kz/">Kyzylorda-news.kz</a>. Қазақстанда коронавирустың таралуына жол бермеу жөніндегі ведомствоаралық комиссия ел аймақтарындағы эпидемиологиялық жағдайды бағалау матрицасын жариялады.*
26 сәуірдегі мәлімет бойынша:
«Қызыл» аймақта: Нұр-Сұлтан, Алматы қалалары мен Ақмола, Атырау, Ақтөбе, Батыс Қазақстан, Қарағанды, Қызылорда, Маңғыстау, Павлодар облыстары тұр.
«Сары» аймақта: Шымкент қаласы, Алматы, Шығыс Қазақстан, Жамбыл, Қостанай, облыстары орналасқан.
«Жасыл аймаққа: Түркістан және Солтүстік Қазақстан облыстары енген.

Қызылорда қайтадан &#8220;қызыл аймаққа&#8221; ауысты

*<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2716 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.*
Аймақтар бойынша:
Нұр-Сұлтан қаласы – 475,
Алматы қаласы – 693,
Шымкент қаласы – 96,
Ақмола облысы – 150,
Ақтөбе облысы – 125,
Алматы облысы – 220,
Атырау облысы – 97,
Шығыс Қазақстан облысы – 86,
Жамбыл облысы – 51,
Батыс Қазақстан облысы – 166,
Қарағанды облысы – 240,
Қостанай облысы – 27,
Қызылорда облысы – 82,
Маңғыстау облысы – 50,
Павлодар облысы – 75,
Солтүстік Қазақстан облысы – 34,
Түркістан облысы – 49
Жалпы ел бойынша ауырғандар саны 309116.

Қызылордада өткен тәулікте 82 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. ҚР Экология, геология және табиғи ресурстар министрі Мағзұм Мырзағалиев Қызылорда облысына жұмыс сапары барысында Қамбаш көлі мен Көкарал бөгетінің жағдайымен танысты.
Атап өтейік, Сырдария өзені орталық атырауының оң жағалауын алып жатқан Қамыстыбас өзен жүйесінің экологиялық және халықшаруашылықтық мәні зор. Судың аз болуы кезеңі әсерінен Сырдария өзені бассейні соңғы 2 жыл бойы «қоректенбеген». Сол себепті көлдің тек жартысы ғана толып, су жағалаудан 200-300 метрге алыстап кетті.
Мағзұм Мырзағалиев пен облыс әкімі Гүлшара Әбдіқалықова жергілікті халықпен, мамандармен кездесіп, су проблемасына қатысты ұсыныстарды тыңдады.
<blockquote>
 «Су шаруашылығына қатысты жағдай қиын. Шұғыл шаралар қабылдау қажет. Сырдария өзенінің Аманөткел ауылы маңында су торабын салу мәселесін қарау керек. Бұл Қамыстыбас және Ақшатау көл жүйелеріндегі су деңгейін ұстап, толтырып отыруға мүмкіндік береді», – деп атап өтті министр.
</blockquote>
Сонымен бірге министр Көкарал бөгетін де тексерді. Қазіргі уақытта бөгеттің бұзылған 135 метр жерін қалыпқа келтіру үшін жобалық-сметалық құжат дайындалып жатыр, оның әрі қарай бұзылмауының алдын алу шаралары да жасалады. Жоба Көкарал бөгетін сақтап қалуға, осылайша 27 млрд.м³ куб суымен Кіші Арал теңізін де ұстап тұруға мүмкіндік береді.
<blockquote>
 «Соңғы жылдары Сырдария өзеніндегі судың азаюы өңірдің ауылшаруашылық саласына айтарлықтай қиындық келтіруде. Облыстың негізгі шаруашылығы суды көп қажет ететін күріш егісі екенін жақсы білесіздер. Алайда біз жылдан жылға күріш егісінің көлемін азайтып, ауылшаруашылық саласын әртараптандыруды бастадық. Осылайша суды үнемдеудің жолдарын қарастырып жатырмыз»,- деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/04/176435215_945200436244635_2758660433727386362_n.jpg" alt="" />

Министр Қамбаш көлі мен Көкарал бөгетінің жағдайымен танысты

Kyzylorda-news.kz. Қазақстанда коронавируспен ауырғандардың жалпы саны 303&nbsp;570 адамға жетті, деп хабарлайды ведомствоаралық комиссия.
<blockquote>
 “Ал өткен бір тәулік ішіне республика бойынша 2 837 адамның коронавирус індетімен ауырғаны ПТР арқылы расталды”, – делінген хабарламада.
</blockquote>
Қалалар мен өңірлер бойынша:
<ul>
<li>Нұр-Сұлтан қаласы – 547,</li>
<li>Алматы қаласы – 694,</li>
<li>Шымкент қаласы – 110,</li>
<li>Ақмола облысы – 147,</li>
<li>Ақтөбе облысы – 139,</li>
<li>Алматы облысы – 205,</li>
<li>Атырау облысы – 128,</li>
<li>Шығыс Қазақстан облысы – 95,</li>
<li>Жамбыл облысы – 73,</li>
<li>Батыс Қазақстан облысы – 172,</li>
<li>Қарағанды облысы – 234,</li>
<li>Қостанай облысы – 30,</li>
<li>Қызылорда облысы – 69,</li>
<li>Маңғыстау облысы – 57,</li>
<li>Павлодар облысы – 54,</li>
<li>Солтүстік Қазақстан облысы – 42,</li>
<li>Түркістан облысы – 41.</li>
</ul>
Жалпы бүгінге дейін 259&nbsp;863 науқас аурудан айығып шықса, 3&nbsp;535 адам аталған індет салдарынан қайтыс болды.

Қызылордада 69 адам вирус жұқтырды

Kyzylorda-news.kz. Бүгін облыс әкімі Гүлшара Әбдіқалықова жұмыс сапарымен Сырдария ауданына барды. Өңір басшысы бірқатар нысандарды аралап, індетпен күрес барысын бағадамды. Сондай-ақ, ауданның әлеуметтік-экономикалық даму көрсеткіштерін саралады.
Гүлшара Әбдіқалықова ең алдымен Іңкәрдария ауылдық округіндегі «Ақжарма және К» ЖШС-нің егістік алқабына барды.
Ауылдық округтегі «Ақтам» каналы бойынан экологиялық таза бақша дакылдарын өндіру технологиясы аясында 5 гектар жерге «Қара күләбі» қауын сортын өсіру қолға алынды. Бұл ретте «Қазақ картоп және көкөніс шаруашылығы ғылыми-зерттеу» институты егістік жерлерін тегін биотыңайтқыштармен қамтамасыз ету және негізгі зиянкестерге қарсы кешенді күрес жұмыстарын жүргізеді.
Мұнан кейін облыс әкімі аудандық маңызы бар Самара-Шымкент-Жаңадария автомобиль жолына жүргізілген орташа жөндеу жұмыстарымен танысты.
Автомобиль жолының 15 шақырымы «Жұмыспен қамту жол картасы» аясында орташа жөндеуден өтсе, 2,5 шақырымы «Нұрлы жер» бағдарламасы арқылы жаңғыртылған.
Жұмыс сапары аясында Гүлшара Әбдіқалықова аудандағы коронавирус инфекциясымен күрес шараларына жете мән беріп, ауруханаға арнайы барды. Емдеу мекемесінде тұрғындарды вакциналау жұмыстарының қалай жүргізіліп жатқанын бақылап, медицина қызметкерлерінің дайындығын пысықтады.
Аурухана 110 төсек орынға арналған. Бүгінде 50 орындық инфекциялық стационар жұмыс істеуде. Індет күшейген жағдайда қосымша 100 орын дайындауға мүмкіндік бар. Қауіпті індеттен сақтану үшін 500 тұрғынға вакцина салынған.
Облыс әкімі індетпен ауырғандардың тіркелу көрсеткіші Сырдария ауданында жоғары болуына орай сақтық шараларын қатаң ұстауды, тұрғындарға вакцинация салуды кешенді түрде түсіндіру қажет екенін атап өтті. 
Аймақ басшысы бірқатар білім беру ұйымдарын аралады. С.Сейфуллин ауылындағы №137 мектебі мен
«Ақкөгершін» бөбекжай балабақшасындағы оқу-тәрбие процесін бақылады. 90 орындық тәрбие ұясында 85 бала тәрбиеленуде. Облыс әкімі дәстүрлі түрде оқитын балалардың қатаң санитариялық талаптарды сақтап, топтасып шоғырланбауына жол бермеу қажеттігін ескертті.
Әрі қарай ауылдық клубтың жұмысымен танысып, ауылдың әлеуметтік-экономикалық даму жағдайын таразылады. Сонымен бірге ардагерлермен кездесіп, пікірлесті.
Мұнан кейін өңір басшысы А.Тоқмағанбетов ауылындағы №135 орта мектептің жұмысымен танысып, оқу процесін бақылады. №135 мектептің бірінші қабатында орналасқан «Инклюзивті білім беруді қолдау» кабинетін аралап, қайта жаңғыртудан кейінгі спорттық-жаттығу залының жұмысын көрді.
Облыс әкімі нысандарды аралау барысында Асқар Тоқмағанбетов ауылындағы біртоп жер үлескерлерімен кездесіп, мәселелерін тыңдады. Аймақ басшысы ауылдың бірлігін сақтауда екі тараптың ұсыныстары жан-жақты заң аясында қаралып, тиісті сот шешімі қабылданатынын жеткізді.
Әрі қарай өңір басшысы «Нұрлы жер» бағдарламасы аясында салынатын 3 тұрғын үй құрылысын көрді. Жаңадан бой көтеретін 1 тұрғын үйдің жалпы ауданы 67,4 шаршы метр, ені-9,50 метр, ұзындығы-9,60 метрді құрайды. Тұрғын үй құрылысы маусым айында аяқталып, ел игілігіне беріледі.
Облыс әкімі Сырдария ауданындағы жұмыс сапарының қорытындысында Тереңөзек кентіндегі орталық алаңды абаттандыру жұмыстарын көрді. Алаңда 79 көшет пен бірнеше сортты гүл отырғызылып, замауани үлгідегі жарықшамдар орнатылатын болады. Сондай-ақ, қазақы ою-өрнектегі тастөсеніштер төселеді. Орталық алаңды абаттандыру жұмыстарына 83,4 млн.теңге қаржы бөлінген.
Өңір басшысы Гүлшара Әбдіқалықова аудан әкімі Талғат Дүйсебаевқа мемлекеттік бағдарламалар арқылы жұмыс орындарын көбейту, індетпен күрес қарқынын күшейту, вакцина салуды белсенді жүргізу сынды маңызды жұмыстарды өз деңгейінде орындауды тапсырды.
<img src="https://kyzylorda-news.kz/wp-content/uploads/2021/04/fb_img_1619188754850.jpg" alt="" />
<img src="https://kyzylorda-news.kz/wp-content/uploads/2021/04/fb_img_1619188769883.jpg" alt="" />
<img src="https://kyzylorda-news.kz/wp-content/uploads/2021/04/fb_img_1619188758569.jpg" alt="" />

Гүлшара Әбдіқалықова Сырдария ауданындағы бірқатар нысандарды аралады

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова жұмыс сапарымен Жалағаш ауданына барып, Аққұм ауылдық клуб ғимаратында сақтық шараларын сақтай отырып, ардагерлермен кездесті. Кездесуде ауыл округінің әлеуметтік-экономикалық дамуы талқыланды. Сонымен қатар, аймақ басшысы ауылдық аурухананың жұмысымен танысты. Аурухана типтік жобада, ауысымына 10 науқас қабылдауға арналған. Қазіргі таңда емдеу мекемесінде 4 дана концентратор, 2 дана оттегі баллоны бар.
Облыс әкімі аурухана ғимаратында ауданда коронавирус індетімен күресу, вакцинациялау бағытында атқарылып жатқан жұмыстардың есебін тыңдап, сақтық шараларын, ақпараттық жұмыстарды күшейтуді тапсырды.
«Қызыл» аймаққа кіргенімізді білесіздер. Бұл карантин талаптарын күшейту қажет деген сөз. Бүгінгі таңда індетпен күресудің жалғыз жолы вакцина. Сол себепті тұрғындарға дұрыс ақпарат жеткізу маңызды. Коронавируспен күресу шараларын қатаң бақылауға алу қажет, – Гүлшара Әбдіқалықова.
Облыс әкімінің жұмыс сапары «БАҚДӘУЛЕТ-57» фермерлік қожалығының жеке қаражаты есебінен салынған нысандарында жалғасты. Қожалық жеке есебінен мейрамхана, наубайхана, мал бордақылау алаңы, күріш ақтау зауыты, мал сою цехын салған. Бүгінгі күні мейрамхана ғимараты 100 балаға арналған спорт кешені болып өзгертілген. Кешенде 4 күрес алаңы бар, 1 ауыр атлетика бөлмесі, 1 фитнес залы бар. Наубайханада күніне 500 нан пісіріліп, сатылымға шығарылса, күріш ақтау зауытының қуаттылығы тәулігіне 20 тонна күріш өңдеуге жетеді. Зауытқа кореялық диірмен орнатылған. Мал бордақылау қожалығына келсек, бұл жерде 18 адам жұмыспен істейді.
Аймақ басшысы аудан әкімі Асылбек Шәменовке кәсіпкерлікті дамыту бойынша қолдау көрсетуді жүктеді. 
Сапар барысында Гүлшара Әбдіқалықова «Таң LTD» ЖШС-нің алғашқы күріш дәнін себу рәсіміне қатысты. Аймақ басшысы шарада ауылшаруашылық экономиканың дамуына әсер ететін басты салалардың бірі екенін айтып, қамбаға мол өнім толуын тіледі.
Шара соңында ауыл шаруашылығы саласының ардагері Әлиев Садық елдің ризығы мол болып, егін бітік шықсын деген батасын береді.
Сондай-ақ, облыс әкіміне стенд арқылы Таң ауылдық округінде жүргізіліп жатқан абаттандыру жұмыстары таныстырылды. Ауылдың орталық алаңына арка орнату, брусчатка төсеу, тал егу, ескерткіш орнату, жарықтандыру, балалар ойын алаңын салу, көшелерді асфальттау секілді ауқымды жұмыстар атқарылған. Мұнымен қоса, «Таң LTD» ЖШС-нің жеке қаражаты есебінен 50 млн. теңгеге елді мекенге жарықтандыру жұмыстары жүргізілді.
Аймақ басшысы Аламесек, Жаңадария ауылдарына да барды. Аламесек ауылдық округіндегі №124 орта мектептің, Жаңадария ауылдық округіндегі №203 орта мектептің жұмысымен танысты. Мектеп ғимараттарында тұрғындармен тілдестіп, коронавирус індетіне қарсы шараларды күшейтудің маңыздылығын айтты.
<img src="https://kyzylorda-news.kz/wp-content/uploads/2021/04/175155998_3306162872820092_617620458829725542_n.jpg" alt="" />
<img src="https://kyzylorda-news.kz/wp-content/uploads/2021/04/177163081_3306163082820071_8125807617749392069_n.jpg" alt="" />
<img src="https://kyzylorda-news.kz/wp-content/uploads/2021/04/177968201_3306164656153247_4912930924621018665_n.jpg" alt="" />

Жалағаш ауданында алғашқы дән себілді

<a href="https://kyzylorda-news.kz/">Kyzylorda-news.kz</a>. Биыл облыс кітапханаларында «Кітап ғажайып әлем» атты кітап оқу марафоны, «Менің ең сүйікті кітабым» оқырмандар арасында кітап талқылау, мемлекеттік қызметшілер арасында «Жылдың үздік оқырманы» байқауы, «Оқуға құштар мектеп» жобасы, «Жазғы кітапхана», «Отбасымызбен оқимыз» атты сайыс, жергілікті ақын-жазушылармен кездесу кештері ұйымдастырылады. Бұл туралы Өңірлік коммуникациялар қызметінің ақпарат алаңында өткен брифингте Ә.Тәжібаев атындағы облыстық әмбебап ғылыми кітапханасының басшысы Нұрлыбек Мыңжас мәлімдеді.
<blockquote>
 «Кітап – адам баласы ақыл-ойынан туған рухани байлықты сақтап, оны ұрпақтан ұрпаққа жеткізіп отыратын құрал, білім мен тәрбие көзі. Біз облыс кітапханаларында кітаптар мен авторларды насихаттау, олардың әдеби еңбектерін халық санасына сіңіру мақсатында көптеген шаралар өткізіп келеміз. Алайда, бүгінгі күнгі эпидемиологиялық ахуалға байланысты барлық шараларды онлайн форматта өткізуге мәжбүрміз. Биыл жыл бойы оқырмандарға арналған сайыстар және марафондар өткізбекпіз. Сондай-ақ, «Тәуелсіздіктің 30 жылдығына – 30 кітап» атауымен танымал қазақстандық авторлардың поэзия, проза, драматургия, балалар әдебиеті және аударма саласындағы 30 үздік шығармасы жалпыхалықтық оқуға іріктелді. Бұл жұмыстар біздің өңірде де өтеді. Бұндай шаралардың ұлт пен ұрпақты тәрбиелеуде маңызы зор», – деді Нұрлыбек Кәрбозұлы.
</blockquote>
Бұдан бөлек, облыста жастарды әдебиетке тарту, олардың ақындық және жазушылық қырларын шыңдап, қазақ қаламгерлерінің қатарына қосу бойынша да жұмыстар жүргізіліп келеді.
<blockquote>
 «Сыр бойы – өнерлі жастардың, ақындар мен жыраулардың қасиетті мекені. Бүгінге дейін сыр топырағынан алдына қара салмайтын небір мықтылар өтті. Қазір солардың ізін жалғаған жастар жетерлік. Бүгінде біз облыс бойынша 40-қа жуық талантымен тәнті еткен жас ақындар мен жазушыларды іріктеп, олардың рухани өсуіне барынша жәрдемдесіп, бағыт-бағдар беріп келеміз. Ол үшін Ә,Тәжібаев атындағы кітапханада талай шаралар өткізіп, жастардың еңбегін жұртшылыққа көрсетіп әрі насихаттап жатырмыз. Алдағы уақытта олардың кітаптарының шығуына, авторларға қаламақы төленуіне жағдай жасаймыз. Бұл бағыттағы жұмыстар біртіндеп шешілетін болады, – деді Қазақстан Жазушылар одағының облыстық филиалының төрайымы Қаршыға Есімсейітова.
</blockquote>
<img src="https://kyzylorda-news.kz/wp-content/uploads/2021/04/176886066_1275014579560718_191483839651208092_n.jpg" alt="" />

Қазақстан және Қызылорда облысының жаңалықтары: Басты жаңалықтар old

Гүлшара Әбдіқалықова агроөнеркәсіп кешенінің дамуына арналған жиын өткізді

Қызылордада 39 адам коронавирустан айықты

Қызылордада бір тәулікте 52 адамнан коронавирус анықталды

Қызылордаға «QAZVAC» вакцинасы келді

Алексей Цой: Қазақстанда әрбір жиырмасыншы адам вакцина алды

Қызылорда қайтадан “қызыл аймаққа” ауысты

Қызылордада өткен тәулікте 82 адамнан коронавирус анықталды

Министр Қамбаш көлі мен Көкарал бөгетінің жағдайымен танысты

Қызылордада 69 адам вирус жұқтырды

Гүлшара Әбдіқалықова Сырдария ауданындағы бірқатар нысандарды аралады

Жалағаш ауданында алғашқы дән себілді

Облыстық кітапханада 30 үздік шығарма жалпыхалықтық оқуға іріктелді

Қазақстан және Қызылорда облысының жаңалықтары: Басты жаңалықтар old

Гүлшара Әбдіқалықова агроөнеркәсіп кешенінің дамуына арналған жиын өткізді

Қызылордада 39 адам коронавирустан айықты

Қызылордада бір тәулікте 52 адамнан коронавирус анықталды

Қызылордаға «QAZVAC» вакцинасы келді

Алексей Цой: Қазақстанда әрбір жиырмасыншы адам вакцина алды

Қызылорда қайтадан &#8220;қызыл аймаққа&#8221; ауысты

Қызылордада өткен тәулікте 82 адамнан коронавирус анықталды

Министр Қамбаш көлі мен Көкарал бөгетінің жағдайымен танысты

Қызылордада 69 адам вирус жұқтырды

Гүлшара Әбдіқалықова Сырдария ауданындағы бірқатар нысандарды аралады

Жалағаш ауданында алғашқы дән себілді

Облыстық кітапханада 30 үздік шығарма жалпыхалықтық оқуға іріктелді

Қызылорда қайтадан “қызыл аймаққа” ауысты