<a href="https://kyzylorda-news.kz/">Kyzylorda-news.kz.</a> 5 мамыр — «Kyzylorda-news.kz» ақпарат агенттігінің мерейтойы. Биыл бізге -10 жыл!
Осыдан тура 10 жыл бұрын ақпарат агенттігі қалың оқырманға жол тартқан болатын. Содан бері аймақта алғаш орнықты жұмыс істеген сайт бүгінде ақпарат айдынында өзіндік орнын тапты. Интернет басылым бүгінде Сыр өңірінің тыныс-тіршілігі туралы ақпараттарды жедел, әрі дәйекті түрде екі тілде таратып, қалың көпшілікті құлақтандырып келеді.
Қазіргі таңда аяғына нық тұрған Қызылорда облысының ресми интернет ресурсы аймақтың әлеуметтік-экономикалық, мәдени-спорттық, тарихи-танымдық салаларында болып жатқан сүбелі жетістіктерін ақпараттандырып, ортақ іске өз үлесін қосуда. Сонымен қатар әлемді шарпыған коронавирус індеті жайлы ақпаратты күнделікті оқырман назарына ұсынып келеді. Сондай-ақ республика көлемінде аталып өтілетін мерейтойларға арнайы басылым бетінен айдар ашып, көпшілікке ұсынуда.
Қазіргі технологияның қарыштап дамыған заманында ақпарат таратуда бәсекелестікті, өз стилін қалыптастырып үлгерді. Ақпарат агенттігі аз ғана уақыт аралығында алдыңғы қатардағы бұқаралық ақпарат құралдарының біріне айналды. Сондықтан да болар, қалың оқырманы күн өткен сайын көбеймесе, азаймады.

&#8220;Kyzylorda-news.kz&#8221; ақпарат агенттігіне -10 жыл

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2663 адам коронавирус індетінен жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 250,
Алматы қаласы – 785,
Шымкент қаласы – 76,
Ақмола облысы – 178,
Ақтөбе облысы – 271,
Алматы облысы – 203,
Атырау облысы – 131,
Шығыс Қазақстан облысы – 82,
Жамбыл облысы – 84,
Батыс Қазақстан облысы – 122,
Қарағанды облысы – 197,
Қостанай облысы – 38,
Қызылорда облысы – 58,
Маңғыстау облысы – 42,
Павлодар облысы – 72,
Солтүстік Қазақстан облысы – 37,
Түркістан облысы – 37.
Қазақстан бойынша жазылғандар саны – 284371.

Қызылордада тағы 58 адам коронавирустан айықты

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2298 адамнан коронавирус індеті ПТР арқылы анықталды, деп хабарлайды coronavirus2020.kz сайты.
Аймақтар бойынша:
Нұр-Сұлтан қаласы – 285
Алматы қаласы – 645
Шымкент қаласы – 80
Ақмола облысы – 135
Ақтөбе облысы – 71
Алматы облысы – 189
Атырау облысы – 85
Шығыс Қазақстан облысы – 87
Жамбыл облысы – 65
Батыс Қазақстан облысы – 129
Қарағанды облысы – 239
Қостанай облысы – 26
Қызылорда облысы – 69
Маңғыстау облысы – 42
Павлодар облысы – 116
Солтүстік Қазақстан облысы – 13
Түркістан облысы – 22
Жалпы ел бойынша ауырғандар саны 332369.

Қызылордада өткен тәулікте 69 адамнан коронавирус анықталды

Kyzylorda-news.kz. Ұлттық бірыңғай тестілеу биыл электронды форматта ұйымдастырылады.
Қызылорда облысында сынақ 6 мамыр мен 30 маусым аралығында өтеді. Ол үшін арнайы 4 тестілеу орталығы жабдықталған.
<blockquote>
 “Биыл аймақта 7006 оқушы мектеп бітереді. Оның 5949-ы ұлттық бірыңғай тестілеуге қатысады деп жоспарлануда. Биылғы жылғы жаңа ереже бойынша, мектеп бітірушілер ҰБТ-ны екі рет тапсырып, ең жақсы нәтижені грант иелену үшін конкурсқа жолдай алады. Тестілеу барысында санитарлық шектеу шаралары қатаң сақталатын болады”, – деді облыстық білім басқармасының басшысы Ақзира Қасымова.
</blockquote>

Қызылордалық түлектердің 85%-і ҰБТ-ға қатысады

Kyzylorda-news.kz. Вакцина індетті тоқтатуға көмектеседі. Сондықтан үлкендер екпе ектіріп, үлгі көрсету керек. Облыстық ардагерлер кеңесінің төрағасы, Қызылорда қаласының құрметті азаматы Серік Дүйсенбаев өңірлік коммуникациялар қызметінің алаңында өткен онлайн брифингте осылай деді.
<blockquote>
 “Екпеге қатысты қоғамда түрлі пікірлер болғаны рас. Қазір көпшілік түсіне бастады. Індетті жеңудің жалғыз жолы вакцина екендігін. Оны әлем елдерінен байқап отырсыздар. Өзім жақында отбасыммен бірге вакцина салдырдым. Ешқандай кері әсерін байқамадым. Дене қызуы, қан қысымым болған жоқ. Енді екінші екпені 21 мамыр күні салдырам. Мамандардың айтуынша, екі компонентті алғаннан кейін адам денесінде имунитет күшейеді. Барлық жерлестерімді, ардагерлерді екпе егуге шақырамын. Бұдан ешқандай қорқудың қажеті жоқ. Бала кезімізде білесіздер міндетті түрде екпе салатын. Ол кезде ешқандай әңгіме шықпайтын. Бұл да сондай вирусқа қарсы екпенің бір түрі”, – деді Серік Дүйсенбаев.
</blockquote>

Серік Дүйсенбаев: Вакцина індетті тоқтатуға көмектеседі

Kyzylorda-news.kz. Ташкентте гір спортынан өткен Азия чемпионатында Қызылорда облысының спортшылары 15 медаль жеңіп алды.
Оның 12-сі алтын, 1-уі күміс, 2-уі қола медаль. Атап айтсақ, жастар арасында Ерасыл Аубакир мен ересектер арасында Абдулхасан Сейтенов жеңіс тұғырына көтерілді.
Әйелдер арасында Қарлығаш Жұмағұлова, ардагерлер арасында Рауа Әбдиева (40-44 жас), Тлеуімбет Айтбаев (45-49 жас), Қали Рүстемов (55-59 жас) және Серік Ибрагимовтер (60-64 жас) қос-қостан 10 алтын медальға қол жеткізді. Сондай-ақ, 50-54 жас аралығында ардагерлер арасында Оразбек Медетбаев күміс, 40-44 жас аралығында Айтмағанбет Асанбеков қос қола жүлделерді еншіледі.
Облыс құрамасы Венгрияның Будапешт қаласында өтетін Әлем чемпионатына қатысу үшін 1-8 маусым аралығында Ақмола облысының Щучинск қаласында өтетін Қазақстан чемпионатына дайындықты бастап кетті.

Қызылордалық спортшылар Азия чемпионатында 12 алтын жеңіп алды

<a href="https://kyzylorda-news.kz/">Kyzylorda-news.kz.</a> «Спутник V», «QAZVAC»-қа қосымша Араб Әмірлігінен 5000 «Hayat-vax» екпесі келді. Қазіргі таңда аймағымызда барлығы 15128 вакцина бар. Бұл туралы облыстық денсаулық сақтау басқармасының басшысы Сәбит Пазилов өңірлік коммуникациялар қызметінің алаңында өткен онлайн брифингте мәлімдеді.
<blockquote>
 «Спутник V» -20 %-та сақтауды талап етсе, «QAZVAC» пен «Hayat-vax» екпелері +2, +8 %-та сақтауды қажет етеді. Сол себепті бұл екпелер тасымалдап салу үшін өте тиімді. Бұл ретте емхана жылжымалы бригадалары халыққа қолжетімді жерлерде, сонымен қатар шалғай ауыл-аймақтарды аралап екпелеу жұмыстарын жүргізуде. Бүгіннен бастап Қорқыт ата сауда орталығында жылжымалы егу бригдасы өз жұмысын бастады. Қосымша «Aray City MALL», «Жібек Жолы», «Қызылорда» сауда үйлері мен театр, банктерде өз жұмысын жалғастыратын болады. Баршаңызға ұжымдық иммунитет қалыптастыру арқылы ғана, қауіпті кеселге тойтарыс бере алатынымызды айтқым келеді. Екпе сізді және жақындарыңызды кеселден қорғай алады. Осыған сену керек, түрлі қауесеттерге құлақ түрудің қажеті жоқ”, – деді Сәбит Бексейітұлы.
</blockquote>
Өңірде індет жұқтырғандардың саны 5794-ке жетті. Облыс бойынша инфекциялық стационарда 430 науқас, реанимациялық бөлімде 39 науқас ем қабылдап жатыр. Облыста 1 сәуірге дейін 215 инфекциялық төсек-орын болса, қазіргі таңда коронавирус инфекциясын жұқтырған науқастардың көбеюіне байланысты төсек орын саны 770-ке жеткізілді.
<blockquote>
 “Осы ретте коронавирус инфекциясы белгілі болып, ол туралы емханасына немесе дәрігерге хабарламай, үйден өздігінен ем қабылдап жатқандар қатарынан «Covid-19» көптеп анықталып жатқанын айтқым келеді. Сол себепті барша тұрғындардан ауру белгісі байқалған сәттен, дәрігерге қаралып, дер кезінде ем бастауды сұраймыз”, – деді Сәбит Пазилов.
</blockquote>
Облыста коронавирус инфекциясына қарсы 49 386 адам екпе салдырды. Мамандар бетпердені шешіп, бұрынғы өмір қайта келу үшін жалпы аймақ бойынша 371 мың адам коронавирусқа қарсы екпе алуы керектігін айтуда. Қазіргі таңда халықтың 14 пайызы вакцина алған.

Қызылордаға Араб әмірлігінен 5 мың «Hayat-vax» екпесі келді

<a href="https://kyzylorda-news.kz/">Kyzylorda-news.kz</a>. Сovid-19 вакцинациясы, МРТ және жарналар туралы Экстракорпоралдық ұрықтандыруға квотаны қалай алуға болады, тұрғынның емханаға тіркелуіне неліктен бас тартады, пластикалық операциялар тегін жасала ма? Әлеуметтік медициналық сақтандыру қоры азаматтардың 10 сұрағына жауап берді.
– COVID-19 вакцинасын алу үшін міндетті әлеуметтік медициналық сақтандыру жүйесінде сақтандырылған мәртебесі болу керек пе?
– Коронавирустық инфекцияға қарсы екпе алу үшін МӘМС жүйесінде сақтандырылу мәртебесі талап етілмейді. Иммундық-биологиялық препараттарды сатып алу және COVID-19-ға қарсы вакцинация жүргізу республикалық және жергілікті бюджет есебінен жүзеге асырылады. Әлеуметтік медициналық сақтандыру қорының қаражаты бұл мақсаттарға жұмсалмайды.
Естеріңізге сала кетейік, вакцинация 18 жастан асқан адамдарға, қарсы көрсетілімдер болмаған жағдайда жүргізіледі. Келесі жерлерде вакцинация ала аласыздар:
* емханалар жанындағы егу кабинеттерінде;
* сауда орталықтарының, базарлардың, ірі кеңселердің аумағында ұйымдастырылған жылжымалы егу пункттерінде.
* арнайы контингенттің медициналық пункттерінде – тиісті ведомствоның қызмет орны бойынша жүзеге асырылады.
– Уақытша 2021 жылы ауруы бойынша мүгедектік алды. 2020 жылы МӘМС үшін жарна төленген жоқ. Менің мәртебем «Сақтандырылған» ма?
– Жеңілдікті мәртебе болған жағдайда пациент берешегінің бар-жоғына қарамастан МӘМС пакетіндегі қызметтерді пайдалана алады. Егер ол мүгедектіктен айырылса, МӘМС жүйесінде медициналық көмек алу үшін, ол жеңілдік санатына жатқызылған кезеңнен басқа, төленбеген айлар үшін төлемдерді дербес төлеуші ретінде енгізу қажет болады.
– Жылына бір рет берілетін емхананы еркін таңдау құқығын пайдаланып, басқа медициналық ұйымға тіркелуді шештім, бірақ маған бас тартылды. Бұл қаншалықты заңды?
– МСАК қызметтерін көрсететін медициналық ұйымға тіркелуден бас тартудың бірнеше себебі бар:
* дәйексіз құжаттар ұсынылды;
* жүгінген адамның осы денсаулық сақтау объектісі орналасқан ауыл, кент, қала және т.б. тыс жерде (тұрақты немесе уақытша) тұратыны анықталған жағдайда.
• Шекара маңы аумақтарында тұратын және басқа әкімшілік-аумақтық бірлікте емхананы таңдауға құқығы бар тұлғалар ерекше жағдайлар болып табылады;
• емханада барлық учаскелерде тіркелген халықтың рұқсат етілген ең көп саны асып кетті.
Егер жоғарыда аталған жағдайлардың ешқайсысы сізге қатысты болмаса, ыңғайлы байланыс арналарының бірі – 1406 байланыс орталығы, ӘМСҚ ресми сайты («Сұранысты жіберу» бөлімі), Telegram-дағы @SaqtandyryBot, Qoldau 24/7 мобильді қосымшасы арқылы жағдайды анықтау үшін міндетті әлеуметтік медициналық сақтандыру қорына хабарласыңыз.
– Маған пластикалық операция тағайындалды, оған кіру үшін бірнеше анализ тапсыру керек. Мұны тегін жасауға бола ма? Мәртебем «сақтандырылған».
– Бұл операцияның себебіне байланысты. Егер медициналық себептерге байланысты пластикалық хирургия болса, мысалы, реконструктивті сипатта – жарақаттан, күйіктен, туа біткен ақаудан кейін, барлық тағайындалған зерттеулер тегін қол жетімді болады. Егер операция эстетикалық сипатқа ие болса және оны жүргізу – тек сіздің шешіміңіз және таңдауыңыз болса, онда ол ТМККК шеңберіне немесе МӘМС жүйесіне кірмейді және оған дайындық ақылы түрде жүзеге асырылады.
– ЭКҰ өтуге квота алғым келеді. Үміткерлерге қойылатын талаптар қандай?
– ЭКҰ жүргізу үшін негізгі көрсеткіш – ол терапевтік түзетуге келмейтін бедеулік. ЭКҰ рәсіміне отбасылық жұп және өз қарым-қатынастарын заңдастырмаған жұптар да бола алады. Соңғы жағдайда ерікті жазбаша өзара келісімнің болуы міндетті.
Сонымен қатар Қазақстан Республикасы азаматы болу және денсаулық сақтау министрлігі белгілеген медициналық параметрлерге сәйкес болу қажет – бұл репродуктивті жас (18-ден 42 жасқа дейін), қалыпты соматикалық және эндокриндік мәртебелер, жоғары фолликулярлық резерв. Сондай-ақ МӘМС жүйесінде сақтандырылған мәртебесінің болуы міндетті.
– Қандай жағдайларда мен МРТ-ны тегін ала аламын?
– Магнитті-резонанстық томография ТМККК шеңберінде де, МӘМС жүйесінде де тегін жүргізіледі. Бірінші жағдайда, ол әлеуметтік маңызды аурудың диагнозы қойылған және/немесе динамикалық бақылауға жататын созылмалы аурулар, сондай-ақ туберкулезге және ЖҚТБ/АҚТҚ-ға күдік туындаған науқастарға тағайындалады.
МӘМС жүйесінде осы зерттеу диагностика мен емдеудің клиникалық хаттамаларына сәйкес алдын ала диагноз болған кезде бастапқы диагностика мақсатында жүргізіледі. Созылмалы аурулардың өршуі кезінде де жүргізілуі мүмкін, бірақ ТМККК қаражаты есебінен қамтамасыз етілетін ауруларды қоспағанда (онкологиялық аурулармен, туберкулезбен, созылмалы гепатитпен ауыратын науқастар).
МӘМС жүйесінде осы зерттеуден өту үшін сақтандырылған мәртебесінің болуы маңызды екенін атап өткен жөн.
– Жақында әскерден оралып, емханаға барып, менің мәртебем «сақтандырылмаған» екенін білдім. Міндетті әлеуметтік медициналық сақтандырудың қатысушысы болу үшін қандай кезең бойынша жарна төлеу керек?
– Ең алдымен қарыздың қандай айларда пайда болғанын тексеру керек: мұны Телеграмдағы @SaqtandyryBot немесе Qoldau 24/7 мобильді қосымшасы арқылы жасауға болады. Егер жарналар әскери міндетті атқарған кезең үшін төленбесе, онда мәселені шешу үшін Әлеуметтік медициналық сақтандыру қорына жүгіну қажет. Егер берешек қызметке дейін немесе одан кейін пайда болса, онда МӘМС пакетінде медициналық көмек алу үшін оны өзіңізге ыңғайлы тәсілмен өтеу қажет. Сіздің жағдайыңызда әр ай үшін 2125 теңге мөлшерінде дербес төлеуші ретінде жарналарды төлеуге болады.
– БЖТ-ны бірнеше ай бұрын төлеуге бола ма?
– МӘМС жүйесіне қатысу үшін БЖТ төлемін кемінде үш ай қатарынан жүргізу қажет. Мәртебе қаражат аударылған күннен бастап айдың соңына дейін беріледі. Егер адамның мүмкіндігі мен қалауы болса, ол БЖТ-ны алдын-ала төлей алады. Ай сайынғы төлем сомасы 1 АЕК – қалада тұратын жеке тұлғалар үшін, 0,5 АЕК – басқа елді мекендерде тұратын жеке тұлғалар үшін.
«Сақтандырылған» мәртебесі болмаған жағдайда адам тегін медициналық көмектің кепілдік берілген көлеміне құқығы бар екенін айта кету керек, Қолжетімді қызметтер тізімімен әлеуметтік медициналық сақтандыру қорының Fms.kz. сайтында танысуға болады
– Менде жүктіліктің 28 аптасы. Жүктілік және босану бойынша еңбекке уақытша жарамсыздық парағын және анықтамасын кімнен және қашан алуға болады?
– Жүктілік және босану бойынша еңбекке жарамсыздық парағын акушер-гинеколог береді, егер медициналық ұйымда ол болмаса, онда құжатты қабылдау жүргізетін дәрігер бөлімше меңгерушісімен бірге ресімдейді.
Еңбекке жарамсыздық парағы жүктіліктің 30 аптасынан бастап 126 күнтізбелік күнге дейін ашылады: босанудан 70 күн бұрын және 56 кейін. Ядролық сынақтардың әсеріне ұшыраған аумақтарда тұратын әйелдерге құжат 27 аптадан бастап 170 күнге: босанғанға дейін 91 күн және одан кейін 79 күн мерзімге беріледі.
Қиын босанған, екі және одан да көп бала туған кезде еңбекке жарамсыздық парағы 14 күнге ұзартылады. Босанғанға дейінгі және босанғаннан кейінгі демалыстардың жалпы ұзақтығы-140 күн.
– Мен екінші типті қант диабетімен есепте тұрмын, гипотериоз және гипертония дамыды. ТМККК аясында күндізгі стационарда емделгім келді. Бұл менің сақтандырылмағанымды ескере отырып мүмкін бе?
– Қант диабеті әлеуметтік маңызды аурулар тізбесіне кіреді. Оның диагностикасы мен емі, оның ішінде стационарлық жағдайда емдеу, ТМККК шеңберінде тегін көрсетіледі, сақтандырылу мәртебесі қажет емес. Егер сіздің учаскелік дәрігеріңіз немесе сізді қараған тар бе»інді дәрігер ауруханаға жатқызу қажеттілігін растаса, қызмет ақысыз көрсетіледі.
Гипертония және гипотиреоз сияқты қатар жүретін диагноздар анықталған кезде, пациент ТМККК шеңберінде динамикалық бақылауға алынуға жатады. Ол амбулаториялық дәрі-дәрмекпен қамтамасыз етіледі. Күндізгі стационарға емдеуге жатқызуға көрсетілімдер болған жағдайда, медициналық көмек ТМККК-ге көрсетілетін болады.
Әлеуметтік мәні бар аурулардың толық тізбесі Қазақстан Республикасы Денсаулық сақтау министрінің 2020 жылғы 23 қыркүйектегі № ҚР ДСМ-108/2020 бұйрығында жарияланған.

МӘМС: ТОП-10 сұраққа жауап бар

Kyzylorda-news.kz. Қазақстанда өткен тәулікте 2496 адамда коронавирус індеті ПТР арқылы расталып ауырғаны белгілі болды. Бұл туралы coronavirus2020.kz. сайты хабарлайды.
Аймақтар бойынша:
Нұр-Сұлтан қаласы – 352,
Алматы қаласы – 667,
Шымкент қаласы – 109,
Ақмола облысы – 136,
Ақтөбе облысы – 118,
Алматы облысы – 180,
Атырау облысы – 75,
Шығыс Қазақстан облысы – 85,
Жамбыл облысы – 68,
Батыс Қазақстан облысы – 110,
Қарағанды облысы – 235,
Қостанай облысы – 27,
Қызылорда облысы – 93,
Маңғыстау облысы – 58,
Павлодар облысы – 143,
Солтүстік Қазақстан облысы – 19,
Түркістан облысы – 21.
Жалпы ел бойынша ауырғандар саны 327995.

Қызылордада 93 адамнан коронавирус анықталды

Kyzylorda-news.kz. Бүгін баспанасы апаттық жағдайда тұрған қызылордалық 20 отбасы қоныс тойын тойлады.
1 Мамыр – Қазақстан халқының бірлігі мерекесі қарсаңында қала әкімі Ғанибек Қазантаев Мемлекет және қоғам қайраткерлері Бақберген Досманбетов және Қожахмет Баймахановпен бірге тұрғындарға жаңа пәтер кілттерін табыстап, қуаныштарын еселеді.
Игі шарада шаһар басшысы пәтер иелерін Қазақстан халқының бірлігі мерекесімен және жаңа қоныстарымен құттықтап, қаланың құрылыс қарқынына, саладағы жетістіктеріне тоқталып, биыл қаламызда 1 500 – ге жуық тұрғын баспаналы болатындығын жеткізді. Сонымен қатар «Жалпы Қызылорда қаласы бойынша 24 мың 810 азамат үй кезегінде тұрса, оның ішінде баспанасы апаттық жағдайда тұрған 234 отбасы. Биыл 121 отбасыны тұрғын үймен қамтуды жоспарлап отырмыз. Қалған 113 жанұя келер жылы қоныс тойын тойлайтын болады. Осылайша апаттық үй кезегінде тұрған азаматтардың мәселесі екі жыл көлемінде толық шешіледі», – деді.
Айта кетейік, ағымдағы жылы Сырдария өзенінің сол жағалауында арендалық 680 пәтерлік 14 тұрғын үй және жеке инвестордың өз қаражаты есебінен салынып жатқан 38 пәтерлік 1 үйді пайдалануға беру жоспарлануда. Сонымен қатар өткен жылы СПМК-70 мөлтек ауданынан «Нұрлы жер» бағдарламасы аясында құрылысы басталған 640 пәтерлік 13 тұрғын үй де пайдалануға берілетін болады.
Мереке қарсаңында қуанышы еселенген жанның бірі – Ақтолғай Өтегенова.
«Бүгін біз үшін қос мереке қатар келіп, үлкен қуанышқа кенеліп отырмыз», – деген көп балалы ана үй кезегіне 2019 жылы тіркеліп, екі жылда жаңа баспанаға ие болғандығын айтты.
Жаңа қонысқа ие болған Вилия Шернюте болса бүгінгі қуанышына себепші болған қала басшылығы мен Сыр құрлысшыларына өзінің алғаусыз алғысын айтып, бараша қазақстандықтарды бүгінгі мерекемен құттықтады.
Баспаналы болған тұрғындарға Қызылорда қаласының құрметті азаматы Бақберген Досманбетов бата беріп, қоныс иелері қала әкімімен және ел ағаларымен бірге «Табиғат – менің өз үйім» атты экологиялық акциясы аясында тал көшеттерін отырғызды.
<img src="https://kyzylorda-news.kz/wp-content/uploads/2021/05/fb_img_1619861103801.jpg" alt="" />
<img src="https://kyzylorda-news.kz/wp-content/uploads/2021/05/fb_img_1619861107214.jpg" alt="" />
<img src="https://kyzylorda-news.kz/wp-content/uploads/2021/05/fb_img_1619861120709.jpg" alt="" />
<img src="https://kyzylorda-news.kz/wp-content/uploads/2021/05/fb_img_1619861113557.jpg" alt="" />

Қызылордада 20 отбасы баспаналы болды

Kyzylorda-news.kz. Қазақстанда өткен тәулікте 3 062 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 736,
Алматы қаласы – 798,
Шымкент қаласы – 56,
Ақмола облысы – 102,
Ақтөбе облысы – 195,
Алматы облысы – 207,
Атырау облысы – 105,
Шығыс Қазақстан облысы – 64,
Батыс Қазақстан облысы – 177,
Қарағанды облысы – 245,
Қостанай облысы – 18,
Қызылорда облысы – 97,
Маңғыстау облысы – 82,
Павлодар облысы – 96,
Солтүстік Қазақстан облысы – 43,
Түркістан облысы – 41.
Қазақстан бойынша жазылғандар саны – 276 977.

Қызылордада өткен тәулікте 97 адам коронавирустан айықты

Kyzylorda-news.kz. 29 сәуір күні мессенджерлер мен әлеуметтік желілерде Қызылорда қаласында жоғалған баланың өлімі туралы халықты дүрліктіретін аудиожазба таралған болатын.
Қызылорда облысы Полиция департаментінің қызметкерлері шындыққа сай келмейтін жалған ақпаратты аудиожазба арқылы таратқан азаматшаны анықтау жұмыстарын жүргізді. Нәтижесінде бүгін бұл азаматша анықталып, Қызылорда қалалық Полиция басқармасына жеткізілді.
Жалған ақпарат таратып, дүрбелең туғызған азаматша кінәсін толықтай мойындап отыр. Бұл дерек бойынша Қазақстан Республикасы Қылмыстық кодексінің 274 – бабының 2-бөлігінің 3-тармағына сәйкес (Көрінеу жалған ақпарат тарату) сотқа дейінгі тергеп – тексеру амалдары басталды. Осы бапқа сәйкес үш мың айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына не сегіз жүз сағатқа дейінгі мерзімге қоғамдық жұмыстарға тартуға не үш жылға дейінгі мерзімге бас бостандығын шектеуге не сол мерзімге бас бостандығынан айыруға жаза көзделген.
Қызылорда облысының Полиция департаменті азаматтарды тек ресми мәліметтерге ғана сүйеніп, әлеуметтік желілер мен мессенджерлерде тарайтын қауесеттер мен жалған ой-пікірлерге құлақ аспауға шақырады.

Қазақстан және Қызылорда облысының жаңалықтары: Басты жаңалықтар old

“Kyzylorda-news.kz” ақпарат агенттігіне -10 жыл

Қызылордада тағы 58 адам коронавирустан айықты

Қызылордада өткен тәулікте 69 адамнан коронавирус анықталды

Қызылордалық түлектердің 85%-і ҰБТ-ға қатысады

Серік Дүйсенбаев: Вакцина індетті тоқтатуға көмектеседі

Қызылордалық спортшылар Азия чемпионатында 12 алтын жеңіп алды

Қызылордаға Араб әмірлігінен 5 мың «Hayat-vax» екпесі келді

МӘМС: ТОП-10 сұраққа жауап бар

Қызылордада 93 адамнан коронавирус анықталды

Қызылордада 20 отбасы баспаналы болды

Қызылордада өткен тәулікте 97 адам коронавирустан айықты

Қызылордада жалған ақпарат таратқан әйелге қатысты тергеу басталды (ВИДЕО)

Қазақстан және Қызылорда облысының жаңалықтары: Басты жаңалықтар old

&#8220;Kyzylorda-news.kz&#8221; ақпарат агенттігіне -10 жыл

Қызылордада тағы 58 адам коронавирустан айықты

Қызылордада өткен тәулікте 69 адамнан коронавирус анықталды

Қызылордалық түлектердің 85%-і ҰБТ-ға қатысады

Серік Дүйсенбаев: Вакцина індетті тоқтатуға көмектеседі

Қызылордалық спортшылар Азия чемпионатында 12 алтын жеңіп алды

Қызылордаға Араб әмірлігінен 5 мың «Hayat-vax» екпесі келді

МӘМС: ТОП-10 сұраққа жауап бар

Қызылордада 93 адамнан коронавирус анықталды

Қызылордада 20 отбасы баспаналы болды

Қызылордада өткен тәулікте 97 адам коронавирустан айықты

Қызылордада жалған ақпарат таратқан әйелге қатысты тергеу басталды (ВИДЕО)

“Kyzylorda-news.kz” ақпарат агенттігіне -10 жыл