<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a>&nbsp; Бүгін облыс әкімі Гүлшара Әбдіқалықованың төрағалығымен «е-Өтініш» ақпараттық жүйесін енгізу бойынша жиын өтті. Отырысқа ҚР Президентінің көмекшісі – ҚР Президенті Әкімшілігінің Өтініштерді қарауды бақылау бөлімінің меңгерушісі Тамара Дүйсенова бастаған жұмысшы топ және жергілікті атқарушы органдардың басшылары қатысты. Жұмысшы топтың құрамында жобаны іске асыруға жауапты мемлекеттік органдардың – Цифрлық даму, инновация және аэроғарыш өнеркәсібі, Юстиция министрліктерінің, Бас прокуратураның және басқа да мекемелердің өкілдері болды.
Аймақ басшысы «е-Өтініш» ақпараттық жүйесін енгізудің өзектілігі мен маңыздылығына тоқталды.
<blockquote>
 «Өңірімізде тұжырымдаманы іске асыру жеке және заңды тұлғалардың өтініштерін қабылдау бойынша «Азаматтарға арналған үкімет» мемлекеттік корпорациясының базасында, қала мен аудан орталықтарында және ауылдық округтерде «е-Өтініш» ақпараттық жүйесі енгізіліп, дамыту жұмыстары жүргізілуде. Сондай-ақ, 2021 жылғы 1 шілдедеден бастап Әкімшілік рәсімдік-процестік кодекс күшіне енеді. Бұл бағытта да мемлекеттік органдар мен азаматтарға түсіндірме жұмыстары жүргізілуде», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/05/188008760_3375266759243036_5224936363713004680_n.jpg" alt="" />
Жиында ҚР Президентінің көмекшісі – ҚР Президенті Әкімшілігінің Өтініштерді қарауды бақылау бөлімінің меңгерушісі Тамара Дүйсенова «е-Өтініш» ақпараттық жүйесі мен Қазақстан Республикасының Әкімшілік рәсімдік-процестік Кодексінің жұмысын кеңінен түсіндіріп өтті.
Президент 2020 жылы 29-маусымда қол қойған ҚР Әкімшілік рәсімдік-процессуалдық кодексі биылғы 1-шілдеден бастап күшіне енеді (ӘРПК).
Жаңа Кодекс – Мемлекет басшысының 2019 жылғы 2 қыркүйектегі Қазақстан халқына жолдауында айтылған «Халық үніне құлақ асатын мемлекет» Концепциясының іргелі нормативтік құжаты.
ӘРПК мемлекеттік органдардың өтініш берушілермен жұмыс парадигмасын түбегейлі өзгертеді, атап айтқанда: 
Өтініш беруші «е-Өтініш» біртұтас ақпараттық жүйесі арқылы өз өтінішінің мемлекеттік органдарда қаралу барысын көріп отыруға мүмкіндік алады.
Өтініш беруші дәлелдер келтіру және оларды зерделеуге қатысу және түсініктеме беру, қажетті құжаттарды ұсыну құқығына ие болады.
Өтініш беруші мемлекеттік органнан алған жауабына қанағаттанбаса, оның жоғары сатыда тұрған органға шағым келтіруге, одан кейін шешім қабылдаған мемлекеттік органды талап арызбен сотқа беруге құқығы бар. 
Азаматтар мен бизнес өкілдерінің талап арызын арнайы әкімшілік соттар мемлекеттік органдардың «кінәлілік презумпциясы» қағидаты бойынша қарайтын болады. Яғни өтініш беруші емес, мемлекеттік орган өзі қабылдаған шешімінің немесе берген жауабының дұрыстығын дәлелдеп, негіздейтін болады.
Сырғытпа жауап беру мен созбалаңға салу тек орындаушы қызметкердің емес, сонымен бірге бүкіл мемлекеттік органның жауапкершілігінің пәні болады.
Сынықты сылтау қылып, болмашы себептермен талап арыздарды кері қайтару тәжірибесін тоқтату үшін, сот өтініш берушілерге талап арызды дұрыс жазуға көмектесетін болады.
Судья «белсенді» және «сөйлеуші» болады, арызданушыға мүддесін қорғауда көмектеседі. 
Әкімшілік әділет жүйесін құру ОЭСР елдерінің озық тәжірибесінде бар және Латвия, Грузия, Молдова, Әзірбайжан және басқа елдерде сәтті іске асырылуда.
Жаңа ұстанымдарға сәйкес, азаматтардың өтініштерін қарау жүйесінің инфраструктурасы да өзгертілуде. 
Мемлекет басшысының тапсырмасын орындау үшін Бас прокуратура мен Цифрлық даму, инновация және аэроғарыш өнеркәсібі министрілігі «е-Өтініш» біртұтас ақпараттық жүйесін әзірлеп, қолданысқа енгізуде. 
«е-Өтініш» – өтінішті қараудың бүкіл тарихы сақталатын біртұтас база, ол барлық мемлекеттік және сот органдарына, сонымен қатар өтініш берушілерге қолжетімді болады.
1-шілдеден бастап кезең-кезеңмен «е–Өтініш»-ке өту басталады, ол бойынша азаматтардың өтініштері мемлекеттік органдарға біртұтас ақпараттық жүйе арқылы түсетін болады.
Автор өз өтінішінің қаралу барысын көріп отырады, өтініштерді қарау мерзімі 30-дан 15 күнге қысқартылады. 
Қазіргі таңда орталық мемлекеттік және жергілікті атқарушы органдар 100% ақпараттық жүйеге қосылған, ел көлемінде пилоттық қолдану басталды.
Айта кетейік, Президентінің көмекшісі Тамара Дүйсенова бастаған жұмысшы топ Студенттер сарайында Қызылорда қаласына қарасты ауылдық округ әкімдері және қалалық бөлім жетекшілері, «Достық үйінде» ардагерлер,ҮЕҰ, қоғамдық бірлестіктер өкілдері, жастар, Халыққа қызмет көрсету орталығында қызметкерлермен кездесіп, мемлекеттік органдар жұмысының жаңа жағдайдағы жұмыс ерекшеліктері және өтініш берушілермен жұмыс сапасын арттырудың жаңа мүмкіндіктері туралы айтты. Жұмысшы топтың Сыр өңіріне жұмыс сапары Жаңақорған ауданында жалғасатын болады.
<img src="https://kyzylorda-news.kz/wp-content/uploads/2021/05/188595495_3375267085909670_2364980730669887475_n.jpg" alt="" />

«Е-Өтініш» ақпараттық жүйесі билік пен қоғам арасындағы қарым-қатынасты күшейтеді

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> ҚР Тәуелсіздігінің 30 жылдығына арналған облыс музейлері экспозициялары бойынша «Үш он жылдық белес» атты экскурсиялар шеруі өтеді. Бұл туралы бүгін Өңірлік коммуникациялар қызметінің алаңында облыстық мәдениет, архивтер және құжаттама басқармасы басшысының міндетін атқарушыа Нұршат Наурызбаева мәлімдеді.
Жалпы облыста 14 музей бар. Облыс музейлерінің қоры палеолит дәуірінен бастап қазірге дейінгі өлкенің тарихынан, экономикасы мен мәдениетінен, әдебиеті мен өнерінен, флорасы мен фаунасынан сыр шертетін тарихи құндылықтармен толығып, жәдігер саны 146 923 асады.
<blockquote>
 «Облыс музейлерінде 2306 экскурсия, 229 лекция, 161 көрме, 10 шеберлік сағаты, 18 тарихи-танымдық видеолар ұйымдастырылды. Сондай-ақ, фейсбук, инстаграм әлеуметтік желілерінің парақшасына, музейдің жеке сайтына жарияланып, халық назарына ұсынылуда. Есептік мерзім ішінде облыс музейлері бойынша барлығы – 120 шара ұйымдастырылып, музейге келушілер саны 66536 адамды құрады. «Музеолог» бағдарламасына 770 экспонат, облыстық музейде 200 экспонат ендірілді», – деді облыстық тарихи-өлкетану музейінің директоры Сапар Көзейбаев.
</blockquote>
Қазіргі таңда Жаңақорған аудандық тарихи-өлкетану музейіне жер телімі беріліп, жаңа ғимарат салу жоспарлануда. Сондай-ақ, Шиелі аудандық тарихи-өлкетану музейінің құрылысы жаңадан салынып, экспозициясын жасақтау басталды.
<blockquote>
 «Облыста Халықаралық музейлер күніне орай ауқымды шаралар ұйымдастырылу жоспарлануда. Атап айтсақ, «Менің музейім» атты ашық есік күні жарияланды. ҚР Тәуелсіздігінің 30 жылдығына арналған облыс музейлері экспозициялары бойынша «Үш он жылдық белес» атты экскурсиялар шеруі өтеді. «Тәуелсіздіктің 30 жылдығына – 30 экспона» атты ашық аспан астындағы музейге сый акциясы және «Мәдениет қайраткері, Қазақстан суретшілер одағының мүшесі Аманкелді Кененбаевтың қатысуымен «Өзіңді суретші сезін» атты перформансы ұйымдастырылады», – деді облыстық мәдениет, архивтер және құжаттама басқармасы басшысының міндетін атқарушыа Нұршат Наурызбаева.
</blockquote>

Қызылордада «Үш он жылдық белес» атты экскурсиялар шеруі өтеді

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Қызылорда облысында оқушылардың тәртібін бақылау және қауіпсіздігін арттыру мақсатында «Мектептерде Бұлтты бейнебақылау» пилоттық жобасы іске асырылуда. Бүгінде Қызылорда қаласындағы 14 мектепке 420 бақылау камерасы орнатылды. Оны мектеп әкімшілігі және ішкі істер департаменті бақылай алады.
<blockquote>
 «Әлем елдері арасын жақындату, ақпарат алмасу және жан-жақты коммуникация орнату жолында теле, радио, почта қызметтері мен жедел қарқынмен дамып келе жатқан интернет желілері адам өмірінің ажырамас қажеттілігіне, үлкен көмекшісіне, еліміздің стратегиялық маңызды саласына айналған.Үздіксіз коммуникацияны қамтамасыз ету-күнделікті қиын жұмыс, озық жабдықтар мен заманауи технологияларды қолдана отырып, жаңа жобалармен үнемі жұмыс жасау оңай емес екенін біз жақсы білеміз. Сіздерді байланыс және ақпараттандыру қызметкерлері күні мерекесімен шын жүректен құттықтаймын», – деді облыстық ішкі саясат басқармасының басшысы Мира Қазыбекова.
</blockquote>
Цифрлық теңсіздікті жою мақсатында 2020 жылы «Қазақтелеком» «талшықты-оптикалық байланыс желілері технологиясы бойынша ауылдық елді мекендерді кең жолақты қолжетімділікпен қамтамасыз ету” ауқымды жобасын іске асырды. Қызылорда облысында осы жоба аясында 14 ауылдық елді мекенде 52 мемлекеттік мекеме жоғары жылдамдықты интернетке қосылды.
<blockquote>
 «Ауыл тұрғындарын жоғары жылдамдықты интернетпен қамтамасыз ету жұмыстары жүргізілуде. Қызылорда облысы Жаңақорған ауданы әкімдігімен бірлесіп, Жайылма кентінің тұрғындары үшін көп нүктелі технология бойынша трафикті сымсыз беру үшін радиомост ұйымдастырылды. Радиомост технологиясы бойынша сымсыз байланыс Арал ауданының Тоқабай ауылында және Қазалы ауданының Шәкен ауылында ұйымдастырылды. Бұл ауылдардағы ондаған үйлер жоғары жылдамдықты интернетке қосылды», – деді «Қазақтелеком» оңтүстік өңірлік телекоммуникация дирекциясы Қызылорда қаласы корпоративтік сату орталығының директоры Ержан Наурызбаев.
</blockquote>

Қызылордада 14 мектепке 420 бақылау камерасы орнатылды

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Қызылордада қатты жел соғып, жер үйдің шатыры ұшты.
Оқиға Арай ықшам ауданында орын алған. Жоғары кернеулі электр желісіне ілініп қалған қаңылтыр жабындыны тұрғындар өз күштерімен ала алмағасын құтқарушылардың көмегіне жүгінген. Қаза тапқандар мен зардап шеккендер жоқ.
Айта кетейік, өңірдің кей жерлерінде жел жылдамдығы секундына 20 метрге дейін жеткен.

Қызылордада желден үйдің шатыры ұшты

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Қазақстанда өткен тәулікте 2089 адамда коронавирус індеті ПТР-сынама арқылы расталды, деп хабарлайды <a href="https://www.coronavirus2020.kz/kz">coronavirus2020.kz</a>.
Өңірлер&nbsp;бойынша:
Нұр-Сұлтан қаласында – 284,
Алматы қаласында – 549,
Шымкент қаласында – 86,
Ақмола облысында – 153,
Ақтөбе облысында – 50,
Алматы облысында – 125,
Атырау облысында – 77,
Шығыс Қазақстан облысында – 74,
Жамбыл облысында – 32,
Батыс Қазақстан облысында – 97,
Қарағанды облысында – 346
Қостанай облысында – 32,
Қызылорда облысында – 16,
Маңғыстау облысында – 39,
Павлодар облысында – 87,
Солтүстік Қазақстан облысында – 12,
Түркістан облысында – 30.
Жалпы, пандемия басталғалы елімізде коронавирус 360 193 адамда анықталды.

Қызылордада 16 адамнан коронавирус анықталды

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Дүйсенбіде елімізде қатты ыстық болады, жел күшейіп, кей өңірлерде өткінші жаңбыр жауады.
17 мамырда Қазақстанның басым бөлігіне солтүстік-батыс антициклоны әсер ететіндіктен, күн райы ашық болады. Тек еліміздің солтүстік, орталық және шығысында атмосфералық ағындардың өтуіне байланысты кей жерлерде найзағайлы өткінші жаңбыр жауады. Еліміздің кей жерлерінде, оңтүстік және оңтүстік-батыста жел күшейіп, шаңды дауыл соғады.
Қызылорда облысының басым бөлігінде өте жоғары өрт қаупі сақталады.

Қызылордада күн ысиды

Kyzylorda-news.kz. 14 мамыр күні Қызылорда қаласы Текей батыр Қарпықұлы атындағы жоғары колледж ұжымы мəнерлеп сырғанаудан әлем чемпионатының күміс жүлдегері, ҚР еңбек сіңірген спорт шебері&nbsp;Элизабет Тұрсынбаеваның ата-анасы Байтақ Тұрсынбаев пен Падишахан Сұлтаналиевамен кездесті.&nbsp;
Колледж директоры Жәнібек Исаев ел мақтанышына айналған Элизабеттің жетістіктерін атап өтіп, оқу орны ұжымы мен студенттерінің саңлақ спортшыға деген құрметі ерекше екенін жеткізді.
Кездесу барысында қонақтар колледж базасымен танысып, қазіргі таңда еңбек&nbsp;нарығына қажетті бәсекеге қабілетті жоғары кәсіби білікті мамандар даярлау ісінің маңыздылығы зор екендігін атап өтті.&nbsp;
Кездесуде колледждің&nbsp;тігіншілері Элизабетке арнайы дайындаған «T.E.B» белгісі бар эксклюзивті шапанын ата-анасына тарту етті. Ал директордың тәрбие ісі жөніндегі орынбасары, ақын Ғабит Кәдірбай жыр шумақтарын арнады.
Естеріңізге сала кетейік, 29 сәуір – 1 мамыр аралығында&nbsp;Қызылордада Элизабет Тұрсынбаеваның жүлдесі үшін мәнерлеп сырғанаудан рес­публикалық турнир өткен болатын. &nbsp;
<img src="https://kyzylorda-news.kz/wp-content/uploads/2021/05/1621070093_8f2b6b29-c9ac-4987-81d0-b0499ea8a0ac.jpg" alt="" />
<img src="https://kyzylorda-news.kz/wp-content/uploads/2021/05/1621070112_27ff6db5-3f8d-4f2e-8df8-de20d2b7affb.jpg" alt="" />
<img src="https://kyzylorda-news.kz/wp-content/uploads/2021/05/1621070170_4072d450-ab99-49d9-b85d-abe5820525cf.jpg" alt="" />
<img src="https://kyzylorda-news.kz/wp-content/uploads/2021/05/1621070148_11806ab0-f84c-4f7a-9cb9-cad8a0dd1836.jpg" alt="" />
<img src="https://kyzylorda-news.kz/wp-content/uploads/2021/05/1621070136_a30cb112-1d43-4491-9955-d031d25eaf2e.jpg" alt="" />
<img src="https://kyzylorda-news.kz/wp-content/uploads/2021/05/1621070116_c4cf0bc9-4527-47e6-b9fa-48a472507b86.jpg" alt="" />
<img src="https://kyzylorda-news.kz/wp-content/uploads/2021/05/1621070090_cc362cce-6c1d-4e0b-b168-8dd538882023.jpg" alt="" />
<img src="https://kyzylorda-news.kz/wp-content/uploads/2021/05/1621070096_e66a4350-a69b-46a3-a1fb-141e92c13191.jpg" alt="" />
<img src="https://kyzylorda-news.kz/wp-content/uploads/2021/05/1621070162_c9f00d04-f70a-4d5e-8e14-8677940070ef.jpg" alt="" />

Элизабет &#8211; ел мақтанышы

Kyzylorda-news.kz. Қызылорда облысы коронавирустық инфекциясының эпидемологиялық ахуалды бағалау матрицасында 2021 жылғы 10 мамырдан бастап «жасыл» аймақта. Осыған байланысты бірқатар шектеу шараларын жеңілдету туралы облыстың Бас мемлекетік санитариялық дәрігерінің №14 жаңа Қаулысы қабылданды.
Жаңа қаулыда бірқатар карантиндік шектеулер жеңілдетілді. Бірақ күшейтілген санитариялық-дезинфекциялық талап сақталуы тиіс. Сонымен, банкет залдардың жұмысына тек ас беру үшін рұқсат берілді. Бірақ сыйымдылығы 30 пайыздан, 50 орыннан асырмау қажет. Ал діни объектілер жұмысына толтырылуын 30 пайыздан асырмау талабы қойылды. 50 адамнан асырмай мәдениет объектілерінің, толтырылуын 30 пайыздан асырмай театрлар, кинотеатрлар, концерт залдары, филармониялар, бильярд, компьютерлік клубтар, боулинг, балалардың ойын-сауық орталықтарының жұмысына рұқсат етіледі. Сондай-ақ, енді тұрғындар спорттық сайыстарды тамашалай алады. Бірақ көрермендер 20 пайыздан аспауы керек. Балаларды сауықтыру ұйымдарының қызметіне, қоғамдық тамақтану объектілерінің жұмысына толтырылуы 50%-ға дейін, бірақ 50 орыннан асырмау талабымен жұмыс кестесін сағат 7.00-ден 2.00-ге дейін, асханалар типі бойынша қоғамдық тамақтану объектілерінің жұмысын тәулік бойы ұйымдастыруға болады.
<blockquote>
 “Жаңа қаулыға сәйкес қоғамдық орындарда кальянды пайдалануға, ойын-сауық іс-шараларын, көрмелерді, форумдарды, конференцияларды, сондай-ақ отбасылық, салтанатты, естелік іс-шараларды (банкеттер, үйлену тойлары, мерейтойлар), оның ішінде үйде және адамдар көп жиналатын өзге де іс-шараларды өткізуге, букмекерлік кеңселердің қызметіне, түнгі және ойын клубтарының, караоке қызметіне, мерекелік корпоративтерді ұйымдастыру мен өткізуге тыйым салынады. Карантин талаптары жеңілдетілгенмен сақтық шараларына мән берейік”, – деді облыстың Бас мемлекеттік санитариялық дәрігері Динара Жаңабергенова.
</blockquote>
Қаулымен енгізілген бұл өзгерістер 2021 жылғы 17 мамырдан бастап күшіне енеді.

Covid-19: Қызылордада жаңа қаулы қабылданды

Kyzylorda-news.kz. Қазақстанда өткен тәулікте 2669 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 538
Алматы қаласы – 628
Шымкент қаласы – 182
Ақмола облысы – 69
Ақтөбе облысы – 136
Алматы облысы – 93
Атырау облысы – 11
Шығыс Қазақстан облысы – 34
Жамбыл облысы – 231
Батыс Қазақстан облысы – 81
Қарағанды облысы – 424
Қостанай облысы – 2
Қызылорда облысы – 64
Маңғыстау облысы – 38
Павлодар облысы – 104
Солтүстік Қазақстан облысы – 27
Түркістан облысы – 7
Қазақстан бойынша жазылғандар саны – 312 837.

Қызылордада 64 адам коронавирус инфекциясынан жазылды

Kyzylorda-news.kz. Өткен тәулікте коронавирус инфекциясын жұқтырған 2505 жағдай тіркелді, деп хабарлайды coronavirus2020.kz.
Оның ішінде: Нұр-Сұлтан қаласында – 440, Алматы қаласында – 585, Шымкент қаласында – 102, Ақмола облысында – 147, Ақтөбе облысында – 90, Алматы облысында – 202, Атырау облысында – 80, Шығыс Қазақстан облысында – 94, Жамбыл облысында – 32, Батыс Қазақстан облысында – 106, Қарағанды облысында – 355, Қостанай облысында – 28, Қызылорда облысында – 41, Маңғыстау облысында – 40, Павлодар облысында – 98, Солтүстік Қазақстан облысында – 24, Түркістан облысында – 41.
Елімізде коронавирус инфекциясын жұқтырғандар саны 355 645 жетті.

Қызылордада өткен тәулікте 41 адам коронавирус жұқтырды

<a href="https://kyzylorda-news.kz/">Kyzylorda-news.kz</a>. Қазақстан мұсылмандар діни басқармасы жанынан құрылған “Зекет және қайырымдылық” қоры жыл бойы қайырымдылық шараларын дәстүрлі түрде жүргізіп келеді.
Биыл қордың бастамасымен рамазан айында “Ел үлесі пәтерге” жобасы бойынша облыстағы 1 отбасыға баспана сыйлады. Бұл туралы бүгін Өңірлік коммуникациялар қызметінің алаңында ҚМДБ “Зекет және қайырымдылық” қорының облыс бойынша өкілі Оңталап Жидебаев мәлімдеді.
<blockquote>
 “Тұрғындардың қолдауымен “Өмірге үміт сыйла” акциямыздың шеңберіне аймағымыздағы дертке шалдыққан 4 баланың емделуіне қаражат бөлдік. «Аналарға алғыс» атты шара аясында 500 отбасыға, «Жетім көрсең жебей жүр» жобасымен 450 отбасыға, «Қайырымдылық жасассаң қайырын өзің көресің» бастамасымен 1300 отбасыға қайырымдылық көрсетілді. Облыстық медицина орталығына 100 адамға, Жедел жәрдем орталығына 70 адамға, қалалық ауруханадағы 200 қызметкерге ауыз ашар қоржынын үлестірдік. Республикалық “Берекелі рамазан” акциясы бойынша 1400 отбасыға қайырымдылық жасалды”, – деді қордың өңірдегі жетекшісі Оңталап Тасболатұлы.
</blockquote>
Сонымен қатар, “Зекет және қайырымдылық” қоры рамазан айында 60 отбасыға қаржылай көмек көрсетсе, аймағымыздағы мыңдаған тұрмысы төмен отбасыға азық-түлік және т.б қолдаулар жасалды.
Айта кетейік, игі істердің ұйытқысы болған қордың сауапты істері мен қайырымдылық тек ораза кезінде ғана емес жыл бойы жүргізіледі.
<img src="https://kyzylorda-news.kz/wp-content/uploads/2021/05/fb_img_1620988832942.jpg" alt="" />

Оңталап Жидебаев: Төрт баланың емделуіне қаражат бөлінді

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> 21 мамыр – 1 маусым аралығында Дубай қаласында (БАӘ) бокстан ересектер арасында өтетін Азия чемпионатына жерлесіміз, ҚР еңбек сіңірген спорт шебері, Әлем чемпионатының күміс жүлдегері, Қазақстан ұлттық құрама командасының капитаны Қамшыбек Қоңқабаев 91 келіден жоғары салмақта өнер көрсетеді.
Айтулы бәсеке Қамшыбектің Олимпиада алдындағы соңғы жарысы.
Айта кетелік, Токио Олимпиадасына Қызылорда облысынан бокстан Қамшыбек Қоңқабаев пен еркін күрестен Дәулет Ниязбеков жолдама алған болатын. 
Қалған үміткер спортшылар лицензиялық жарыстарға қатысуда.

Қазақстан және Қызылорда облысының жаңалықтары: Басты жаңалықтар old

«Е-Өтініш» ақпараттық жүйесі билік пен қоғам арасындағы қарым-қатынасты күшейтеді

Қызылордада «Үш он жылдық белес» атты экскурсиялар шеруі өтеді

Қызылордада 14 мектепке 420 бақылау камерасы орнатылды

Қызылордада желден үйдің шатыры ұшты

Қызылордада 16 адамнан коронавирус анықталды

Қызылордада күн ысиды

Элизабет – ел мақтанышы

Covid-19: Қызылордада жаңа қаулы қабылданды

Қызылордада 64 адам коронавирус инфекциясынан жазылды

Қызылордада өткен тәулікте 41 адам коронавирус жұқтырды

Оңталап Жидебаев: Төрт баланың емделуіне қаражат бөлінді

Қамшыбек Қоңқабаев Азия чемпионатында бақ сынайды

Қазақстан және Қызылорда облысының жаңалықтары: Басты жаңалықтар old

«Е-Өтініш» ақпараттық жүйесі билік пен қоғам арасындағы қарым-қатынасты күшейтеді

Қызылордада «Үш он жылдық белес» атты экскурсиялар шеруі өтеді

Қызылордада 14 мектепке 420 бақылау камерасы орнатылды

Қызылордада желден үйдің шатыры ұшты

Қызылордада 16 адамнан коронавирус анықталды

Қызылордада күн ысиды

Элизабет &#8211; ел мақтанышы

Covid-19: Қызылордада жаңа қаулы қабылданды

Қызылордада 64 адам коронавирус инфекциясынан жазылды

Қызылордада өткен тәулікте 41 адам коронавирус жұқтырды

Оңталап Жидебаев: Төрт баланың емделуіне қаражат бөлінді

Қамшыбек Қоңқабаев Азия чемпионатында бақ сынайды

Элизабет – ел мақтанышы