<a href="https://kyzylorda-news.kz/">Kyzylorda-news.kz</a>. Қызылордада кәсіпкерлік нысандарымен бірге өзге де ұйымдар «Ashyq» қосымшасы арқылы жұмыс жасауға ниет білдіріп отыр. Себебі қосымша нысанға кірмек болған ресми тіркелген вирус жұқтырушылар мен олармен қарым-қатынаста болғандарды анықтау мүмкіндік беруде.
Облыстық санитариялық-эпидемиологиялық департаментінің берген мәліметі бойынша өңірде «Ashyq» жобасы енгізілгеннен бері 132 факт тіркелген. Олардың 47-сі «қызыл», 85-і «сары» мәртебедегі азаматтар. «Қызыл» – нақты вирус анықталған, 14 күн оқшаулауға жіберілген азаматтарға беріледі. «Сары» мәртебесі вирус жұқтырған азаматтармен қарым-қатынаста болған жандарға беріледі. Аталмыш екі санаттағы азаматтарға қоғамдық орындарға баруға тыйым салынған.
Десе де бұл талапты орындамаушылар табылуда және оны анықтауда «Ashyq» қосымшасы маңызды рөл атқарып отыр.
Қызылорда облысы кәсіпкерлер палатасының сұранысына сәйкес қаланың Бас мемлекеттік санитариялық дәрігері Ерлан Ұзақбаев қоғамдық орындарда жүргені анықталған 12 азаматтың әрқайсысына 30 АЕК немесе 87&nbsp;510 теңге көлемінде айыппұл салынғанын, ал өзге азаматтарға шара карантин кезеңі (14 күн) аяқталған соң көрілетіндігін жеткізді.
21 шілдедегі ақпарат бойынша Қызылорда облысында 519 нысан &nbsp;«Ashyq» жобасы аясында жұмыс жасауда. Жоба аясында жұмыс жасаушылардың 50 пайызы кәсіпкерлік нысандар болса, қалғандары ерікті қатысушы ұйымдар.
«Ashyq»-қа тіркелген нысандардың 242-сы Қызылорда қаласына тиесілі. Аудандар арасында Арал, Қармақшы, Қазалы, Шиелі аудандарының кәсіпкерлері мен өзге де ұйымдары «Ashyq» қосымшасын белсенді қолдануда.
«Ashyq» жобасына қатысты сауалдар туындаған жағдайда Қызылорда облысы кәсіпкерлер палатасының мамандары кеңес беріп, сүйемелдеу жасауға әзір. Жауапты маман Палатаның сарапшысы Гүлнұр Құрмантаева. Байланыс нөмірлері: 8 /7242/ 40-09-81 (ішкі 4324), ‎+7 771 479 7582.
Айта кету керек, «Ashyq» – қоғамдық орындарда келушілерді тіркеу қосымшасы. Қоғамдық орынға кіреберісте пайдаланушы арнайы qr-кодты сканерлеп, оны әкімшіге көрсетеді. Код келушінің статусын анықтайды. Келушілерге статус ПТР-зерттеулерінің бірыңғай интеграциялық порталы және ҚР Денсаулық сақтау министрлігі жанындағы covid-19-ті бақылау орталығы ақпараттық жүйелерін салыстыру негізінде тағайындалады.

Ashyq: «Қызыл» мәртебесіндегі 12 қызылордалыққа айыппұл салынды

<a href="https://kyzylorda-news.kz/">Kyzylorda-news.kz</a> Биыл Арал ауданында «Аралтұз» АҚ-ның «Ас тұзын өндіру» цехы іске қосылады. «Qazaq Qamel» ЖШС-нің «Түйе сүтінен құрғақ ұнтақ шығару зауыты» салынбақ. Сондай-ақ, Қармақшы ауданында жаз-қыс мезгілдерінде балалар демалысы үшін 150 орындық лагері және Қызылорда қаласындағы Ш.Есенов атындағы 150 орындық білім беру орталығы ашылады. Бұл Тәуелсіздіктің 30 жылдығына орай жоспарланған игі жұмыстардың бір парасы. Өңірлік коммуникациялар қызметің ақпарат алаңында өткен баспасөз конференциясында облыстық ішкі саясат басқармасының басшысы Мира Қазбекова толығырақ тоқталды.
Сонымен қатар, дала академигі Ыбырай Жақаевтың 130 жылдығы мен әнші Роза Бағланованың 100 жылдығына арналған мерекелік шаралар, Сыр сүлейі Кете Жүсіп Ешниязұлының 150 жылдығына арналған «Жырлансын Тәуелсіздік жырлары» атты республикалық жыршы-жыраулар байқауы, Жалаңтөс Баһадүрдің 445 жылдығына аясында Қазалы ауданында ескерткіш орнату да осы жылдың еншісіндегі ауқымды шаралар.
Семей ядролық сынақ алаңының жабылғанына 30 жыл толуына арналған «Тәуелсіздік жетістіктері және Халықаралық ядролық сынақтарға қарсы іс-қимыл» атты дөңгелек үстел, «Тәуелсіз Қазақстанның қалыптасуы мен дамуындағы Елбасы рөлі» атты облыстық ғылыми-практикалық конференциялар өткізуде жоспарлануда. 
Айта кету керек, «Жасампаздыққа толы жылдар» басты идеясы аясында Тәуелсіздіктің 30 жылдығын мерекелеу 12 тақырыптық бағытта іске асуда. Жыл басынан бері облыста 4347 іс-шара жүзеге асса, оның 3-і халықаралық, 11-республикалық деңгейде. Сондай-ақ, өңірімізде 11 әлеуметтік нысан ашылды.
<blockquote>
 «Атап айтқанда, «Бір терезе» қағидаты негізінде үкіметтік емес ұйымдарға қолдау көрсету азаматтық орталығы, Қызылорда қаласындағы теннис орталығы, Жалағаш кентінде салынған аудандық жабық бассейні, «Бизнеске арналған үкімет» орталығы мен Сырдария ауданы, А.Тоқмағамбетов ауылында орналасқан 3 тұрғын үй пайдалануға берілді. Бұдан бөлек, Жалағаш кентін көгілдір отынға қосу, Жосалы кентіне жүргізілетін газ құбырының және кварталішілік газ құбырлары құрылысын іске қосу, Арал ауданы Аққұлақ елді мекеніне, Қазалы ауданы Жанқожа, Майдакөл елді мекендерін су жүйесіне қосу жұмыстары жүргізілді. Осы жерде ерекше айтатынымыз, атқарылған жұмыстардың нәтижесінде, облыстағы барлық аудан орталықтары көгілдір отынға қол жеткізіп отыр», – деді Мира Жомартқызы.
</blockquote>
«Қайырымды істер марафоны» жобасы да ел тәуелсіздігін мерекелеу аясында қолға алынды. Жыл басынан бері облыстық волонтерлер фронт офисімен бірігіп, 22 156 адамды қамтыған 450 шара өтті. 6 548 адамға 91,7 млн теңгенің көмегі берілді. Волонтерлер фронт офисінің жетекшісі Болатбек Айтбенбетовтің айтуынша, жыл соңына дейін 1000 қайырымды іс жасау жоспарланып отыр.
Жалпыұлттық жоба бастау алғаннан бері білім беру саласы белсенді ат салысып келеді. Мектеп оқушыларынан құралған еріктілер тобы үйден оқитын, ерекше білім беруді қажет ететін оқушыларға көмек қолын созуда. 
Ел тәуелсіздігінің 30 жылдығы аясында өткізілетін шаралар жыл көлемінде лайықты жалғасын тауып, жоғары деңгейде ұйымдастырылатыны анық.

«Аралтұз» АҚ-ның «Ас тұзын өндіру» цехы іске қосылады

<a href="https://kyzylorda-news.kz/">Kyzylorda-news.kz</a>. Облыс әкімі Гүлшара Әбдіқалықова Құрбан айт мерекесімен құттықтады.
Қадірлі облыс тұрғындары! Құрметті мұсылман қауым!
Сіздерді қасиетті ҚҰРБАН АЙТ мерекесімен шын жүректен құттықтаймын!
Осы күнді барша мұсылман қауымы асыға күтіп, ізгілікті амалдар жасауға тырысады. Өйткені, бұл мерекеде тек құрбандық шалумен шектелмей, ағайын-туысқа, мұқтаж жандарға, жалғызілікті қариялар мен ата-ана қамқорлығынсыз қалған балаларға қол ұшын беріп, қайырымдылық пен қамқорлық жасау әрбір азаматтың парызы болмақ.
Құрбан айт мерекесі – діні мен ұлтына бөлмей, барша отандастарымызды ынтымақ пен бірлікке, мейірімділікке, қайырымды болуға шақыратын ұлық мереке.
Қадірлі әлеумет, соңғы екі жылда еліміз әлемдік пандемия індетімен күресіп, зардабын тартып келеді. Короновирус инфекциясы түрленіп, жаңа штаммдар пайда болуда.
Бұдан сақтану үшін санитарлық тәртіпке бағынып, сақтықты күшейтіп, сабыр сақтап, індеттің таралуына жол бермеу аса маңызды. Осы ретте, биылғы қасиетті айт күндеріндегі барлық шараларды мүмкіндігінше отбасы шеңберінде өткізулеріңізді сұраймын.
Қасиетті күндердегі ізгі амалдарыңыз бен игі ниеттеріңіз қабыл болсын!
Құрбан айт әрбір отбасына амандық, елімізге бірлік пен ынтымақ әкелсін!
Құрбан айт құтты болсын!

Гүлшара Әбдіқалықова: Құрбан айт  &#8211;  мейірімділікке, қайырымдылыққа шақыратын ұлық мереке

<a href="https://kyzylorda-news.kz/">Kyzylorda-news.kz</a>. Рухия Байдүкенова&nbsp;“Славян базары” байқауының бас жүлдесін ұтып алды. ХХХ халықаралық өнер фестивалінің жабылу салтанатында награданы қазылар алқасының төрағасы Анатолий Ярмоленко табыстады, деп жазады&nbsp;Sputnik Қазақстан.
Бірінші орын сербиялық әншіде, екінші орынға украиналық орындаушылар ие болды. Ал үшінші орынды Словакия мен Әзірбайжан бөлісті.
Байқауға отыздан астам елдің әншілері қатысты. 22 жастағы талдықорғандық Рухия Байдүкенова Қазақстан атынан өнер көрсетті. Оның диапазоны – бес октава. “Славянский базар” әнсүйер қауымды Адам, Айри, Әділхан Макин, Әмре сынды қазақстандық әртістердің шығармашылығымен таныстырды. 2015 жылы Димаш Құдайбергеннің жеңісін бөлек атап өткен жөн. Ол биыл қазылар алқасының құрамында болды. Көрерменді сахнаға шығып та қуантты.&nbsp;
Қазылар алқасы жеңімпаздарды анықтап жатқан сәтте көрермен концерт тамашалаған болатын. Беларусь, Қазақстан, Украина, Ресей және Грузиядан келген әртістер өнер көрсетті. Сахнаға Димаш Құдайберген шыққанда “Славян базары” көрермендері әртісті ерекше ықыласпен қарсы алды.
“Димаш Құдайбергенді зал қошеметпен қарсы алды, тіпті, жанкүйерлерінің даусы қарлықты. Қазылар алқасы мен жанкүйерлердің қолдауы керемет болды”, – деп жазды басылым.

Рухия Байдүкенова &#8220;Славян базары&#8221; байқауында гран-при ұтып алды

<a href="https://kyzylorda-news.kz/">Kyzylorda-news.kz</a>. Бүгін Президент Қасым-Жомарт Тоқаев еліміздегі санитарлық-эпидемиологиялық ахуал жөнінде жұмыс кеңесін өткізеді, деп хабарлайды ҚазАқпарат.
Жиынға Премьер-Министр, ведомстволардың басшылары, қалалар мен облыстардың әкімдері қатысады.
Мемлекет басшысы коронавирус індетіне қарсы күрес жөніндегі шаралар туралы Үкіметтің есебін тыңдайды. Кеңес барысында өңірлердегі жалпы жағдайды жақсартуға және Қазақстан азаматтарының денсаулығын сақтауға бағытталған үйлесімді іс-қимыл жоспары қабылданбақ.

Бүгін Мемлекет басшысы коронавирусқа қарсы күрес бойынша кеңес өткізеді

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 5317 адамда коронавирус індеті ПТР арқылы расталып ауырғаны белгілі болды. Бұл туралы www.coronavirus2020.kz хабарлайды.
Аймақтар бойынша:
Нұр-Сұлтан қаласы – 1367,
Алматы қаласы – 798,
Шымкент қаласы – 470,
Ақмола облысы – 178,
Ақтөбе облысы – 159,
Алматы облысы – 126,
Атырау облысы – 293,
Шығыс Қазақстан облысы – 87,
Жамбыл облысы – 53,
Батыс Қазақстан облысы – 204,
Қарағанды облысы – 689,
Қостанай облысы – 126,
Қызылорда облысы – 127,
Маңғыстау облысы – 203,
Павлодар облысы – 170,
Солтүстік Қазақстан облысы – 91,
Түркістан облысы – 176.
Жалпы ел бойынша ауырғандар саны 494222.

COVID-19: Өткен тәуліктегі мәлімет жарияланды

Kyzylorda-news.kz. Алла қаласа, ертең, 19 шілде&nbsp;– Арапа күні. Бұл күні орындалатын ең ізгі амал&nbsp;– ораза тұту. Әрбір мұсылман баласы шама келгенше осы күнді оразамен өткізгені абзал.&nbsp;
Қазақстан мұсылмандары діни басқармасы ірі қалалар мен облыс орталықтарының Арапа күнгі ораза және намаз кестесін ұсынып отыр. Алла Тағала ниеттеріңізді қабыл етсін!
<img src="https://kyzylorda-news.kz/wp-content/uploads/2021/07/whatsapp_image_2021-07-18_at_20.00.43.jpeg.jpg" alt="" />

Арапа күнінің ораза кестесі

Kyzylorda-news.kz. Болат Өтемұратов қоры Қызылорда облысының Арал ауданындағы қуаңшылықтан зардап шеккендерге 200 млн теңгеден астам қаржы бағыттайды, деп хабарлайды қордың баспасөз қызметі.
Қаражат «Аралым-Айдын шалқарым» қоғамдық қорына беріледі, кейін олар зардап шеккен халықтың бірінші кезектегі мұқтаждықтарына бөлінеді.
Өңірде ұзаққа созылған қуаңшылықтың салдарынан малдың суға қолжетімділігі және жем-шөппен қамтамасыз ету мәселесі өзекті болып тұр. Қазіргі уақытта ауданда 500-ден астам мал басының өлімі тіркелген. Болат Өтемұратов қорынан көмек ретінде Арал ауданының 800 аз қамтылған отбасы 900 тонна құрама жем алады. Бұл жем-шөп 2021 жылғы қарашадан 2022 жылғы мамырға дейінгі кезеңге жетеді. Мал басын сақтау және жайылымдарды суландыру үшін өңірде жаңа су ұңғымалары қажет, сондай-ақ каналдарды тазалау және су қондырғыларын жөндеу талап етіледі.
Сырдария өзенінде Аманөткел елді мекені ауданында «Аспай» су құбыры қалпына келтіріледі, бұл су деңгейін көтеруге және Қамысты-Ақшатау көл жүйелерін толтыруға мүмкіндік береді, ұңғымалар бұрғыланады, оның ішінде қазіргі уақытта ауыз суы жоқ шалғай Беларан ауылдық округінде – тұрғындар 35 шақырым қашықтықта орналасқан құдықты пайдаланады.
Бұдан басқа, ауылдық округтердегі селолық тұтыну кооперативтерінің тракторлар, шөп шабатын орындар, соқалар, жем-шөп базасын дайындау үшін пресс-жинақтағыштар сатып алады. Алыс жайылымдарда мал суаруды қамтамасыз ету үшін су тасығыштар, жайылымдық және шабындық жерлерді суландыру үшін дизель сорғылары сатып алынады. Қаражаттың жұмсалуын және жем-шөптің бөлінуін бақылауды жұртшылық өкілдерінен құралған арнайы комиссия жүзеге асыратын болады.

Болат Өтемұратов қоры Аралға 200 млн теңгеден астам қаржы бөлмек

Kyzylorda-news.kz. Облыс әкімінің өкімімен және Қазақстан Республикасы Президентінің Әкімшілігі мен Шиелі аудандық мәслихатының келісімдерімен Шиелі ауданының әкімі лауазымына Мақұлбеков Нариман Әскербекұлы тағайындалды.
Мақұлбеков Нариман 1968 жылы Қызылорда қаласында туған. Әл-Фараби атындағы Қазақ мемлекеттік ұлттық университетін құқықтану мамандығы бойынша бітірген. 
Еңбек жолын 1986 жылы Қызылорда қаласындағы автобазада слесарь ретінде бастаған. 
1987-1994 жылдары Қарулы күштер қатарында әскери борышын өтеп, жоғары оқу орнында студент болған.
1994-2017 жылдары құқық қорғау органдарында, соның ішінде Қызылорда қалалық прокуратурасының тергеуші стажерінен облыс прокурорының орынбасары, Бас прокуратураның департамент бастығына дейінгі қызмет сатысынан өткен. 2018-2020 жеке секторда “Jfc colos” ЖШС директорының кеңесшісі лауазымын атқарған.
2020 жылдан бастап осы кезге дейін Қызылорда облысы әкімі аппараты басшысының орынбасары қызметін атқарып келді.
Аймақ басшысы Гүлшара Әбдіқалықова жаңа аудан әкімін таныстырып, қызметіне сәттілік тіледі.

Шиелі ауданына жаңа әкім тағайындалды

<a href="https://kyzylorda-news.kz/">Kyzylorda-news.kz</a>. Биыл Қорқыт ата атындағы Қызылорда универсиететі 1504 түлегін еңбек нарығына қосты.&nbsp; ҚР Білім туралы заңының 39-бабына сәйкес жоғары оқу орындары 2021 жылдан бастап өзіндік үлгідегі дипломдар табыстауда.
Жеке үлгідегі дипломдар жұмыс берушілерге маман даярлау сапасын бағалауға мүмкіндік береді.
Әр дипломда БҒМ жасаған бірегей сәйкестендіру нөмірі болады, ол сақталады және белгілі бір студентке бекітіледі. Бұл кез келген уақытта дипломның түпнұсқалығын тексеруге мүмкіндік береді. Диплом нөмірлерінің сәйкес келуі және олардың өзгеруіне жол берілмейді. Деректердің қауіпсіздігін блокчейн технологиясын қолдану – түлектің қайда оқығанын, дипломдық жұмысты қашан қорғағанын және дипломды қашан алғанын тексеруге мүмкіндік береді. Бұл диплом бланкілері үшінші тұлғаларға қол жетімді болған жағдайда «диплом сатумен» күресу үшін де қажет.
Университет табыстаған әр дипломда «Білім туралы» заңына сәйкес қорғаныс белгілері бар. Жеке үлгідегі дипломдар БҒМ-нің минималды талаптарына сәйкес келуі тиіс. Дегенмен, Қорқыт ата атындағы Қызылорда университеті министрліктің талабын 100 пайыз орындады. Бұл жүйе алдағы уақытта кез келген жағдайда құжаттың түпнұсқалығын тексеруге мүмкіндік беріп, еңбек нарығында сапаны арттыруға, жалған құжат даярлауға жол бермейді.
2020 жылы университетті бітірген жас мамандардың 91 пайызы жұмысқа орналасқан. Жалпы университетте 78 бакалавриат, 35 магистратура, 13 докторантура мамандығы бар. Білімнің сапасын басты орынға қоятын оқу ордасы сұранысқа ие мамандар даярлау үрдісін жүйелі түрде жалғастыра бермек.

Жаңа диплом: Жалған құжат даярлауға жол бермейді

<a href="https://kyzylorda-news.kz/">Kyzylorda-news.kz</a>. 1-30 маусым аралығында ұлттық халық санағының I кезеңі өтті. Тұрғынжайлар, тұрғын үйлер, ғимараттар және тұрғын емес үй-жайлар тізімдерін жасау жұмыстары толығымен аяқталды. Бұл туралы Өңірлік коммуникациялар қызметінің ақпарат алаңында өткен баспасөз конференциясында облыстық статистика департаментінің басшысы Мариям Баекеева мәлімдеді.
I-кезеңдегі сұқбатшылардың қауіпсіздігін қамтамасыз ету мақсатында, әрбір санақ учаскелеріне облыстық ішкі істер департаментінің учаскелік инспекторлары бекітілді. Санақ жұмыстарына жастарды тарту мақсатында көбінесе облыстық «Жастар ресурстық орталығында» жұмыссыз тіркелген жастар мен студенттер тартылды.
<blockquote>
 «Алдағы II кезеңіндегі санақ жұмыстарына 1113 адам тартылатындығын және ол адамдардың планшетпен жұмыс жасай алуы керектігін ескерсек, жұмыспен қамту орталығы мен қала және аудан әкімдерінің үлкен көмегі керектігін баса айтқым келеді. Санақтың II-кезеңі 1қыркүйектен – 30 қазан аралығында тұрғындарды жаппай халық санағынан өткізу жұмыстары жүргізіледі. 1 қыркүйектен 15 қазан аралығында онлайн режимінде, 1-30 қазан аралығында планшет құрылғысымен», – деді М.Баекеева.
</blockquote>
Айта кету керек, халықтың санаққа белсене қатысуы өте маңызды. Санақшының қойған сұрақтарына дұрыс жауап беру әр азаматтың міндеті, санақ нәтижелері үй шаруашылықтарының жағдайларын, отбасылық қатынастарды жақсарту, мүмкіндігі шектеулі адамдардың өмірін, халықтың тұрғын үй жағдайларын жақсарту бойынша мемлекеттік бағдарламаларды әзірлеу үшін, сонымен қатар білім, жұмыспен қамту, туу және көші-қон мәселелері бойынша шешімдерді қабылдау үшін қажет.

Халық санағының ІІ кезеңі қыркүйекте басталады

<a href="https://kyzylorda-news.kz/">Kyzylorda-news.kz</a>. Биыл аймақта ұзындығы 360 шақырымды құрайтын автомобиль жолдары мен көпір өткелдері және көшелер жөндеуден өткізілуде. Оған 4 мемлекеттік бағдарлама арқылы республикалық бюджеттен 10.8 млрд теңге көлемінде инвестиция тартылды. Бұл туралы Өңірлік коммуникациялар қызметінің ақпараттық алаңында өткен брифингте облыстық жолаушылар көлігі және автомобиль жолдары басқармасының басшысы Мұрат Тлеумбетов мәлімдеді.
<blockquote>
 «Бүгінде “Ауыл – ел бесігі” бағдарламасы аясында елді мекендердің 64 көшесіне орташа жөндеу жұмыстары жүруде. Бұған қоса, Қазалы қаласындағы 10 көшені қайта жаңғыртуға 735,6 млн. теңге бөлінді. Ал “Өңірлерді дамыту” бағдарламасы аясында республикалық бюджеттен 1 774,3 млн. теңге бөлініп, шаһардың сол жағалауын дамыту мақсатында үш жоба жүзеге асырылуда. Жол жөндеу жұмыстары арнайы авторлық және техникалық қадағалаушы мамандармен күнделікті бақылауда болады. Сонымен қатар, “Ұлттық жол активтері сапасы орталығы” кәсіпорнымен жол құрылысына қолданылатын материалдарды алдын ала зертханалық тексеруден өткізу, жол жөндеу жұмыстары барысында асфальттың сапасына сараптама жүргізу қызметтерін көрсету ұйымдастырылды. Бұл бағыттағы жұмыстарға көрсеткен қызметі үшін “Ұлттық жол активтері сапасы орталығы” кәсіпорнына 94,0 млн. теңге көлемінде қаражат бөлініп, келісім-шартқа отырды», – деді Мұрат Жолкелдіұлы.
</blockquote>
Сондай-ақ, тамыз айында сол жағалаудағы Сырдария өзенінің қорғаныс бөгетін бойлай орналасқан магистралды көше құрылысы аяқталып, халық игілігіне беру жоспарлануда.

Қазақстан және Қызылорда облысының жаңалықтары: Басты жаңалықтар old

Ashyq: «Қызыл» мәртебесіндегі 12 қызылордалыққа айыппұл салынды

«Аралтұз» АҚ-ның «Ас тұзын өндіру» цехы іске қосылады

Гүлшара Әбдіқалықова: Құрбан айт – мейірімділікке, қайырымдылыққа шақыратын ұлық мереке

Рухия Байдүкенова “Славян базары” байқауында гран-при ұтып алды

Бүгін Мемлекет басшысы коронавирусқа қарсы күрес бойынша кеңес өткізеді

COVID-19: Өткен тәуліктегі мәлімет жарияланды

Арапа күнінің ораза кестесі

Болат Өтемұратов қоры Аралға 200 млн теңгеден астам қаржы бөлмек

Шиелі ауданына жаңа әкім тағайындалды

Жаңа диплом: Жалған құжат даярлауға жол бермейді

Халық санағының ІІ кезеңі қыркүйекте басталады

«Ауыл – ел бесігі»: Елді мекендердің 64 көшесіне жөндеу жұмыстары жүруде

Қазақстан және Қызылорда облысының жаңалықтары: Басты жаңалықтар old

Ashyq: «Қызыл» мәртебесіндегі 12 қызылордалыққа айыппұл салынды

«Аралтұз» АҚ-ның «Ас тұзын өндіру» цехы іске қосылады

Гүлшара Әбдіқалықова: Құрбан айт &#8211; мейірімділікке, қайырымдылыққа шақыратын ұлық мереке

Рухия Байдүкенова &#8220;Славян базары&#8221; байқауында гран-при ұтып алды

Бүгін Мемлекет басшысы коронавирусқа қарсы күрес бойынша кеңес өткізеді

COVID-19: Өткен тәуліктегі мәлімет жарияланды

Арапа күнінің ораза кестесі

Болат Өтемұратов қоры Аралға 200 млн теңгеден астам қаржы бөлмек

Шиелі ауданына жаңа әкім тағайындалды

Жаңа диплом: Жалған құжат даярлауға жол бермейді

Халық санағының ІІ кезеңі қыркүйекте басталады

«Ауыл &#8211; ел бесігі»: Елді мекендердің 64 көшесіне жөндеу жұмыстары жүруде

Гүлшара Әбдіқалықова: Құрбан айт – мейірімділікке, қайырымдылыққа шақыратын ұлық мереке

Рухия Байдүкенова “Славян базары” байқауында гран-при ұтып алды

«Ауыл – ел бесігі»: Елді мекендердің 64 көшесіне жөндеу жұмыстары жүруде