<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласы Абай даңғылының бойындағы көпқабатты үйден өрт шықты.
Өрт облыс орталығындағы Абай даңғылы 33 үйдің 2-қабатындағы пәтерлердің бірінен шыққан. Оқыс оқиға орын алған жерге жеткен құтқарушылар 27 литрлік 2 газ баллонын қауіпсіз жерге шығарып үлгерген. Пәтердегі ас бөлмесі мен жатын бөлмедегі жиһаздар түгел жанып кеткен.
<blockquote>
 «Өрт болған кезде үйдің иелері болмаған. Қожайыны осы үйдің бесінші қабатында тұрады. Өрт кеш хабарланған. Сондықтан оқиға орнына өрт сөндірушілер жылдам жеткенімен, үйдегі жиһаздарды сыртқа шығара алмады», деп мәлім етті Өрт сөндіру және авариялық құтқару жұмыстары қызметінің мамандары.
</blockquote>
Өртенген үйді көпбалалы отбасы паналаған. Бұл пәтерді көпбалалы ана Әлия Рахметоваға туысы уақытша тұруға берген. Бұл туралы Қызылорда қалалық тұрғын үй инспекциясы бөлімінің мамандары мәлімдеді.
Мамандардың айтуынша, көпбалалы ана тұрғын үй кезегінде бар. Қазіргі таңда ол кезек бойынша 89 болып тұр. Алдағы уақытта пәтер беру жоспарланған.

Қызылордада көпқабатты тұрғын үйден өрт шықты

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Бүгін Қызылорда облысының әкімі Гүлшара Әбдіқалықованың төрағалығымен облыс әкімдігі жанындағы мемлекеттік рәміздер жөніндегі комиссияның 2021 жылғы қорытынды отырысы өткізілді.
Жиынға облыстық мәслихат хатшысы Наурызбай Байқадамов, облыс әкімінің орынбасары Серік Ахмет, Қызылорда қаласының әкімі Ғанибек Қазантаев, облыстық басқармалар мен департамент басшылары және онлайн-режимде аудан әкімдері қатысты.Аймақ басшысы мемлекеттік рәміздердің ел абыройын қалыптастыру бағытында маңызы зор екенін атап өтіп, Тәуелсіздіктің 30 жылдығы қарсаңында мемлекеттік рәміздерге деген құрмет ерекше болуы керек екенін ескертті.
<blockquote>
 «Мемлекеттік рәміздерімізге құрметпен қарауды қалыптастыруда ең алдымен Өздеріңіз үлгі болыңыздар. Мемлекет Басшысы Қасым-Жомарт Кемелұлы Тоқаев «Егемен еліміздің бейбіт аспанында желбіреген көк туымыз бүгінгі күннің баға жетпес байлығы» – деген болатын. Мемлекеттік рәміздерге құрмет көрсетуді барша азамат қасиетті борышы ретінде ұғынуы тиіс. Сондықтан, бұл бағыттағы идеологиялық жұмыстарға аса мән беріңіздер», – деді облыс әкімі.
</blockquote>
Жиында облыстық ішкі саясат басқармасының басшысы Мира Қазбекова өңірдегі мемлекеттік мекемелердегі тәуелсіздік нышандары – Елтаңба мен Тудың жай-күйін саралап, атқарылған жұмыстарды тізбеледі. Ведомствоаралық инспекциялық топ 23 тамыз – 17 қыркүйек аралығында зерделеу жұмыстарын жүргізіп, нәтижесінде Қызылорда қаласы мен аудандардағы 263 мемлекеттік мекемелердің бәрінде Қазақстан Республикасының Мемлекеттік Елтаңбасы латын графикасындағы «QAZAQSTAN» жазуымен толық ауыстырылғанын анықтады. Сондай-ақ, 12 мекемеде кемшілік анықталып, 9-ы дер кезінде қалпына келтірілсе, 3 мекемеге әкімшілік хаттама толтырылды, мекеме басшыларына қатысты тәртіптік шара қолданылған.
Сондай-ақ, комиссия отырысында облыстық денсаулық сақтау және білім басқармаларының басшылары мен Қазалы және Қармақшы аудандарының әкімдері мемлекеттік рәміздердің жай-күйін бақылау және маңыздылығын насихаттау бойынша атқарылған жұмыстарды баяндады.
Жиынды қорытындылаған облыс әкімі облыстық басқарма басшылары, Қызылорда қаласы және аудан әкімдері, аумақтық департаменттер мен инспекциялар, барлық мемлекеттік мекеме басшыларына өздеріне қарасты мекемелерде мемлекеттік рәміздердің талапқа сай орналасуын тұрақты бақылауға алды тапсырды. Ал, облыстық ішкі саясат басқармасының басшысына облыстық инспекциялық топтың тексеру қорытындысымен аудандық әкімдіктердің, облыстық басқармалар мен аумақтық департаменттердің атқарған жұмыстарын 1 ай мерзімде баяндауды тапсырды. Сонымен қатар, барлық мекеме басшыларына арнайы инспекциялық топ құрып, қарасты мекемелерде 1 желтоқсанға дейін мемлекеттік рәміздердің қолданылуына рейд жүргізугі міндеттеді.

Гүлшара Әбдіқалықова мемлекеттік рәміздердің жағдайын қатаң бақылауды тапсырды

*<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылорда қаласына биыл жылу жоспардан ерте беріледі. Бұл туралы қала әкімдігінің баспасөз орталығында өткен брифингте қала әкімінің орынбасары Елмұрат Рахматуллаев хабарлады.*
<blockquote>
 «Биыл сыртқы ауа температурасының күрт төмендеуіне байланысты қала әкімінің шешімімен жылу қазан айының 10-ы күні беріледі. Ал, жылу қазандықтары бөлек «Арай», «Ипподром», «Сырдария», «Астана» және «Сол жағалау» тұрғын аудандарындағы көпқабатты тұрғын үйлерге жылу бүгіннен бастап толығымен беріледі», – деді қала әкімінің орынбасары.
</blockquote>
Биылғы жылы магистралдық және кварталаралық жылу құбырларына гидравликалық сынақ жұмыстары жүргізіліп, нәтижесінде магистралдық құбырларда 5 ақау және кварталаралық құбырларда 147 ақау орын алған. Бекітілген жөндеу кестесіне сәйкес аталған ақаулар толығымен қалпына келтірілді.Сондай-ақ, мамандармен жүргізілген зерттеу жұмыстарының нәтижелерімен, проблемалық 20 көп қабатты тұрғын үй анықталып отыр.
Аталған көпқабатты үйлерде орын алған ақауларды қайта қалпына келтіру жұмыстары жүргізілуде және жылумен мерзімінде толық қамтамасыз етіледі. Қаладағы көпқабатты тұрғын үйлерді жылумен үздіксіз қамтамасыз ету мақсатында жауапкершілігі шектеулі 4 серіктестік және 13 пәтер иелері кооперативтері жұмыстарын атқаруда.
<blockquote>
 «Қызылорда жылу электр орталығы» мекемесіндегі бөлім басшысы Хасанғали Иманғалиев «14 қыркүйектен бастап магистралдық және кварталаралық жылу құбырларына қорытынды гидравликалық сынақ жұмыстары толығымен жүргізіліп, жылу желілеріндегі желілік су салқын айналымға қойылды. Ендігі ретте, тұрғындардың жылу жүйесіне 176 млн. теңгеге жуық қарызы бар. Оны өндіру үшін мекеме тарапынан тиісті жұмыстар атқарылуда», – деді Елмұрат Рахматуллаев.
</blockquote>
Үйішілік жылыту жүйесінде авариялық жағдай орын алса, “109” номеріне немесе өз аумағы бойынша басқару орындарына (ПИК) хабарласуға болады. Сонымен бірге, 2021-2022 жылдарға арналған жылу беру маусымы кезеңінде Қызылорда қаласына қажет етілетін қатты отын көлемі шамамен 37000 тоннаны құрайтынын және көмір қорының тұрғындарды қамтуға толық жеткілікті екені де аталып өтті. Жалпы, 740 көпқабатты тұрғын үйлердің 350-де жылу есептегіш құралдары орнатылған.

Қызылордада биыл жылу ерте беріледі

**<a href="https://kyzylorda-news.kz/ru/obshestvo/">Kyzylorda-news.kz</a>. ҚР әрбір азаматы атын, тегін және әкесінің атын өзгертуге құқылы. Оған кез-келген себеп болуы мүмкін. Біреулер отбасылық жағдайына байланысты өзгертіп жатса, басқалары – жеке көңіл қалауымен.⠀ 
**⠀ 
Аты-жөніңізді, сонымен қатар азаматтық хал актілерінің жазбаларына өзгерістер енгізу қызметін eGov.kz электронды үкімет порталы арқылы рәсімдеп, уақытты үнемдеуге болады. Сондай-ақ, сіз бұл қызметті АХАЖ бөлімдері мен жергілікті әкімдіктер арқылы да рәсімдей аласыз.⠀ 
⠀ 
Қажетті құжаттар тізімі:⠀ 
– белгіленген үлгідегі өтініш;⠀ 
– жеке басын куәландыратын құжат;⠀ 
– 2 дана 3*4 өлшеміндегі фотосурет.⠀
Мелекеттік баж көлемі:⠀ 
– аты-жөнін өзгертуді тіркеу – 2 АЕК ⠀ 
– аты-жөнін өзгерту актісі жазбасын өзгертуге, толықтыруға, түзетуге және қалпына келтіруге куәлігі үшін – 0,5 АЕК. Қажет болған жағдайда АХАТ бөлімінің қызметкерлері қосымша құжаттар талап етуі мүмкін.⠀ 
⠀ 
Жеңілдігі бар жекелеген санаттағы азаматтар мемлекеттік баж төлемінен босатылады. ⠀ 
⠀ 
Қызмет көрсету мерзімі – 5 жұмыс күні.⠀ 
⠀

Аты-жөніңізді қалай өзгертуге болады?⠀

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Аймақта өнеркәсіп саласында өндірілген өнім көлемі артып келеді. Мәселен биыл бұл саладағы кіріс 621,2 млн. теңгені құрап, өткен жылмен салыстырғанда 2,9 есеге өскен. Өңірдегі қорғаныс өнеркәсібі саласында да серіпліс бар. Бүгін аталған сала қызметкерлерінің төл мерекесі. Бұл туралы Өңірлік коммуникациялар қызметінде өткен баспасөз конференциясында Қызылорда облыстық индустриялық даму басқармасының басшысы Ринат Сұлтангереев мәлімдеме жасады.
«Далатекс» ЖШС өз өнімдерін Ақтау, Түркістан қалаларына, «Жанзере» ЖК Шымкент, Атырау қалаларына өткізуде. Облысымыздың ірі жер қойнауын пайдаланушы мекемелерінің, «Қазатомпром» АҚ тапсырыстары да бойынша жұмыс жүргізілуде. Сонымен қатар, «Қарапайым заттар экономикасы» бағдарламасы аясында құны 37,8 млн.теңгені құрайтын 2 жоба мақұлданды және құны 30 млн.теңге болатын 1 жоба бойынша құжаттар жинақталуда. Аймақ бойынша 80-ге жуық жеңіл өнеркәсіп кәсіпорындары мен жеке кәсіпкерлер қажетті жеке қорғаныс құралдарымен қамтамасыз ету үшін тәулік бойы жұмыс жасады»,- деді Ринат Қалдыбекұлы.
Соңғы жылдары Жалағаш ауданында кәсіпкерлік аясы кеңейіп келеді. Соның бірі – «Серпін» индустриалды өндіріс аймағында орналасқан «Өркен Әлем» ЖШС-ның «Арнайы киім тігу шеберханасы». «Мұнда жалпы 65 адам жұмыс жасайды. Оның 42-сі әйел. Киім тігу шеберханасы бүгінде әскери қорғаныс киімдерінде өндіруде. Атап айтатын болсақ, брондыкеудеше, әйнекке қарсы қорғаныш костюмі, соққыға қарсы дулыға, қорғаныс қалқандарының жиынтығы, газтұтқыш (противогаз) тігілуде. Мемлекеттің қолдауымен кәсіби даярлықтан өтіп, жұмыс жасап келеміз. Кәсіп аясын кеңейтуге қолымыздан келгенше өз үлесімізді қосамыз»,-деді серіктестік директоры Жақсылық Өздембаев.

Қызылордада өнеркәсіп саласында өндірілген өнім көлемі артып келеді

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін облыс әкімі Гүлшара Әбдіқалықова Арал ауданына жасаған жұмыс сапары барысында бірқатар әлеуметтік-мәдени нысандардың аралап, зиялы қауым өкілдерімен кездесті.
Алдымен өңір басшысы аудан орталығында орналасқан «Суреттер сыр шертеді» тарихи мұражайында болды. Мемлекет және қоғам қайраткері Құдайберген Саржанов облыс әкіміне 500-ге жуық сурет пен тарихи жәдігер жинақталған музей жұмысымен таныстырды.
Аймақ басшысы өңірдің тарихи-мәдени әлеуетін көтеріп, жас ұрпақты тәрбиелеуде мұражайлар мен кітапханалардың, ондағы жәдігерлер және кітап қорын көбейту ісі үлкен маңызға ие екендігін атап өтті. 
Мұражайда балықшылардың тарихи фотосуреттері, елге, облыс пен ауданға танымал қоғам қайраткерлерінің фото жинағы, Арал теңізінің тарихы және Құдайберген Саржановтың жеке экспонаттары қойылған.
Әрі қарай облыс әкімі аудандағы қайта жаңғыртылған «Балықшылар» мұражайына барды. Мұнда мемлекет және қоғам қайраткерлері Құдайберген Саржанов, Биғали Қаюпов, білім саласының ардагері Нұралы Оспанов, аудандық ардагерлер кеңесінің төрағасы Әділбек Әйімбетовпен бірге музейді аралап, ішіндегі эскпозициялық жұмыстарды көрді.
Айту керек, «Балықшылар» мұражайында 2000-нан аса құнды жәдігерлер жинақталған. 2012 жылы пайдалануға берілген нысанда 11 маман қызмет атқарады. Музейде облыстық бюджеттен бөлінген 86 миллион теңге қаржыға реэкспозициялық жұмыстар жүргізілген.
Аймақ басшысы ғимарат ауласында жаңадан салынатын «Балықшылар» саябағының эскиздік жобасын көріп, аспан астындағы мұражаймен танысты.
Мұнан кейін облыс әкімі «Арал» индустриалды-техникалық колледжіне де барды. Кәсіптік білім беретін мекеменің жұмысымен танысып, студенттермен тілдесті. Оның ішінде тігін цехына барып, студенттердің арнайы киім үлгісін тігіп жатқан жастармен кездесті. Колледжде «Жас маман» жобасы аясында тігінші және электр дәнекерлеуші мамандығы ашылған. Бұл ретте тігін ісін жандандыру үшін италиялық және жапондық компаниялардың құрылғылары сатып алынған. Сонымен бірге облыс әкімі колледж студенттерінің балықты қайта өндеу ісімен танысты.
Колледж базасында Құдайберген Саржанов облыс әкіміне кәсіптік оқу саласында балық шаруашылығын жандандыру мақсатында балықшы, балық өсіру, қайық жүргізуші, қайық жөндеуші мамандықтарын оқыту туралы ұсынысын қалдырды. Бұл ретте аймақ басшысы көтерілген ұсыныстарды қолдайтынын жеткізді. 
Еске сала кетейік, облыс әкімі Арал ауданына іссапары барысында Б.Өтемұратов қорының директоры Марат Айтмағамбетовпен бірге көпбалалы отбасыларға 40 пәтерлі тұрғын үйді табыстады. Жаңа баспана көпбалалы отбасылар, жетім балалар, мүгедектер мен апатты үйлерде тұрып келген отбасыларға берілді.
<img src="https://kyzylorda-news.kz/wp-content/uploads/2021/10/mmm.jpg" alt="" />
<img src="https://kyzylorda-news.kz/wp-content/uploads/2021/10/ar.jpg" alt="" />
<img src="https://kyzylorda-news.kz/wp-content/uploads/2021/10/m.jpg" alt="" />
<img src="https://kyzylorda-news.kz/wp-content/uploads/2021/10/aral.jpg" alt="" />
<img src="https://kyzylorda-news.kz/wp-content/uploads/2021/10/aa.jpg" alt="" />
<img src="https://kyzylorda-news.kz/wp-content/uploads/2021/10/shsh.jpg" alt="" />

Аралдағы «Балықшылар» музейінде 2 мыңнан аса құнды жәдігер бар

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Бүгін Қызылорда облысының әкімі Гүлшара Әбдіқалықова Арал ауданындағы іс-сапары барысында бірқатар шаруа қожалықтарының иелерімен кездесіп, пікірін тыңдады.
Алдымен облыс әкімі Аралқұм ауылдық округінде шаруа қожалықтарының қысқы мал азығын дайындау мәселелерін саралады. Аудан әкімі Серік Сермағамбетов өңірдегі қуаңшылықты еңсеру бағытындағы атқарылған жұмыстарды тізбелеп, қазіргі таңдағы ахуалды баяндады.
Бүгінде аудан бойынша 114,1 мың бас шартты мал басы қысқа түсетін болып, оған 184,6 мың тонна шөп және 37,6 мың тонна жем қажеттігі нақтыланды.Қазіргі таңда ауданға сырттан тасымалданған шөптің есебі 79007 тонна болса, өткен жылдан қалған шөп көлемі 4512 тонна, және өзіміздің территориядан орылған шөп көлемі 41098 тоннаға жетіп отыр. Яғни бүгінгі күнге ауданға қажетті 184640 тоннаның 124617 тоннасы қамтамасыз етілді. Сонымен бірге солтүстік облыстардан қысқы мал азығын сатып алу мақсатында ҚР АШМ-нің келісімі бойынша «Азық-түлік келісім шарт» ҰК» АҚ арқылы жеңілдетілген бағада жем сатып алуға тапсырыс беріліп, қазіргі таңда операторлар анықталды. Мұнан бөлек, көршілес Ырғыз ауданының алқаптарынан шөп қорын жасақтау жөніндегі меморандум жасалды,-деді Серік Сермағамбетов.
Биыл облыс әкімдігінің ықпалымен тауарөндірушілердің мал азығына жұмсаған шығындарын ішінара субсидиялауға республикалық бюджеттің резервінен 1,7 миллиард теңге қаржы бөліп, бүгінгі күні жем-шөпке бөлінген қаражат игерілуде. Сонымен бірге орын алған қуаңшылыққа байланысты Болат Өтемұратов қоры Аралға 263 миллион теңге мөлшерінде көмек көрсетті. Бөлінген қаражат малға арналған жемшөп, мал азығын дайындауға арналған ауыл шаруашылық техникасын сатып алуға жұмсалды. Сонымен қатар, бөлінген қаражатқа Аспай су ағытқысы іске қосылып, Кіші Арал теңізіне су ағыла бастады.
Аймақ басшысы аудан әкімі мен шаруаларға мал азығын дайындауды уақытылы жүргізіп, бірлесе жұмыс істеуге шақырып, мәселені тұрақты бақылауға алуды міндеттеді.
Мұнан соң, облыс әкімі Гүлшара Әбдіқалықова «Қамқор-тұтыну» шаруа қожалығының жұмысымен танысты. Қожалықта 70 бас жылқы, 63 бас мүйізді ірі қара және 67 бас түйе бар. Сүт және ет өнімдерін өндірумен айналысады. Айына 3,5 тонна ет өндіріледі. Өңір басшысы мемлекет тарапынан аграрлық секторға көрсетіліп жатқан қолдауды тілге тиек етіп, бұл шаралардың одан әрі жалғасатынын айтты.
Аймақ басшысы іс-сапары барысында Қамбаш көлінің жағдайымен де танысты. Ауыл ақсалдарымен кездесіп, ортақ мәселелерді талқылады.
Облыс әкімі резервінен бөлінген 250 миллион теңгенің 50 миллион теңгеге жуығы аудандағы каналдар мен жайылымдық, шабындық жерлерді суландыруға жұмсалғанын тілге тиек етті.
<blockquote>
 «Қызылжар елді мекеніндегі «Бектау» каналын қазу жұмысы басталса, Аманөткел елді мекеніндегі «Бұрмақұлақ» учаскесіндегі дария арнасына тоспа салынып, жайылымдық жерлерді суға бастыру жұмысы аяқталды. Сонымен қатар, Мергенсай елді мекеніндегі «Үш шоқы» мал жайылымдық жерінде 1 су ұңғымасын қазу жұмыстары іске асты. Қазіргі уақытта Қосаман, Ақбасты елді мекендерінде су ұңғымаларын және Қулы, Дің арналарын қазу жұмыстары басталды. Бүгінгі күні дарияның суы көтеріліп, «Қамбаш», Ақшатау көлдер жүйесіне мол көлемде су түсуде. Бұл жұмыстардың толық аяқталуы менің тікелей бақылауымда болады», – деді облыс әкімі.
</blockquote>
Ауданның ардагерлері қуаңшылық кезеңінде шұғыл шешім қабылдау нәтижесінде мал шығыны тоқтап, қысқы мал азығын жасақтау жұмыстары жолға қойылып, көлдер жүйесінің жағдайы қалыпқа келе бастағанын тілге тиек етіп, аймақ басшысына ризашылығын білдірді.
<img src="https://kyzylorda-news.kz/wp-content/uploads/2021/10/244112224_3774402015996173_7425220069649861199_n.jpg" alt="" />
<img src="https://kyzylorda-news.kz/wp-content/uploads/2021/10/244673341_3774402242662817_6144363805966606745_n.jpg" alt="" />
<img src="https://kyzylorda-news.kz/wp-content/uploads/2021/10/244130457_3774399479329760_6025622494003141562_n.jpg" alt="" />
<img src="https://kyzylorda-news.kz/wp-content/uploads/2021/10/244083655_3774401309329577_3239494033109611649_n.jpg" alt="" />

Гүлшара Әбдіқалықова Аралдағы шаруа қожалықтарының қысқа әзірлігін бағамдады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылорда облысы, Арал қаласының 40 отбасы Болат Өтемұратов Қорының «Баламекен» жобасы шеңберінде жаңа баспанаға ие болды.
Жаңа пәтерлерді иеленген отбасылардың қатарына көпбалалы отбасылар, жетім балалар, мүгедектер мен апатты үйлерде тұратын отбасылар кірді. Бүгін Қызылорда облысының әкімі Гүлшара Әбдіқалықованың қатысуымен пәтер кілттері тұрғындарға табыс етілді.
Көлемі 64 шаршы метрді құрайтын 3 бөлмелі пәтер және 47 шаршы метрлі болатын 2 бөлмелі пәтер 4 пәтерлі 10 тұрғын үйде орналасқан. Баспана электр, газ және ауыз су жүйелерімен жабдықталып, ішінде сантехника, газ плитасы мен су жылытқышы орнатылған. Әр пәтер иесіне 6 сотық жер учаскесі бөлінген.
Облыс әкімі Гүлшара Әбдіқалықова пәтерлердің тұрғын үй кезегінде тұрған мұқтаж азаматтарға тегін берілетінін атап өтті.
<blockquote>
 «Қазіргі таңда ауданда 1112 адам тұрғын үй кезегінде тұр, осы тізімдегі 14 отбасы апатты жағдайдағы ғимаратта тұрып келген. Бұл отбасылар жаңа пәтерлерге бірінші кезекте көшірілді. Сонымен қатар, қалған пәтерлер көпбалалы отбасылар, жетім және ата-анасының қамқорлығынсыз қалған балалар, мүгедектер мен мүгедек балаларды тәрбиелеп отырған отбасыларға табысталады. Бұл жобаға қолдау көрсеткен және көптеген отбасыға қуаныш сыйлаған Болат Өтемұратов Қорына алғысымды білдіремін», – деді аймақ басшысы.
</blockquote>
Баспаналы болып, шаттыққа кенелген 8 баланың анасы Гүлдария Мижанова бүгінгі күн отбасы үшін қуанышты күн екенін айтып, Болат Өтемұратов қорына және Қызылорда облысы әкімдігіне өз алғысын білдірді.
<blockquote>
 «Қор 300 миллион теңге мөлшерінде Арал қаласының отбасыларына «Баламекен» жобасы бойынша жаңа пәтерлер сатып алуды қаржыландырды. Жоба 2019 жылдан бастап жүзеге асырылып, 4,1 миллиард теңге сомасына Қызылорда, Арыс, Мырзакент және Арал қалаларында 390 отбасын жаңа баспанамен қамтамасыз етті», – деп атап өтті Болат Өтемұратов Қорының директоры Марат Айтмағамбетов.
</blockquote>
Осы жылдың шілде айында Болат Өтемұратов Қоры Арал ауданында орын алған қуаңшылыққа байланысты 263 миллион теңге мөлшерінде көмек көрсетті. Бөлінген қаражат малға арналған жемшөп, мал азығын дайындауға арналған ауыл шаруашылық техникасын сатып алуға жұмсалды. Сонымен қатар, бөлінген қаражатқа Аспай су ағытқысы іске қосылып, Кіші Арал теңізіне су ағыла бастады.
<img src="https://kyzylorda-news.kz/wp-content/uploads/2021/10/244663662_3774080472694994_1981393435890641370_n.jpg" alt="" />
<img src="https://kyzylorda-news.kz/wp-content/uploads/2021/10/244114305_3774080862694955_7136705845894299716_n.jpg" alt="" />
<img src="https://kyzylorda-news.kz/wp-content/uploads/2021/10/244640872_3774080736028301_5353282900273905600_n.jpg" alt="" />

Болат Өтемұратов қоры Аралдағы 40 отбасына баспана сыйлады

<a href="https://kyzylorda-news.kz/ru/obshestvo/">Kyzylorda-news.kz</a>. Қазалыда «Қазалы Агро KZ» жауапкершілігі шектеулі серіктестігі аудан бойынша жаңа кәсіп түрін қолға алған. Атап айтар болсақ, қазалылық 4 азамат бірігіп, құрт өсіріп жатыр.
Құрт өсіру дамыған елдерде кең танылған кәсіп болғанымен, елімізде шылаушынды пайда табу мақсатында өсіретіндер саусақпен санарлық.
Бүгін кәсіптің жаңа түрімен айналысуды қолған алған азаматтармен аудан әкімі Мұхтар Оразбаев кездесіп, олардың ой-пікірлерін тыңдады.
Шылаушын өсірудің шығыны аз, кірісі мол, қоршаған ортаға зияны жоқ, пайдасы бар, топыраққа да, өсімдікке де залалы келмейтін кәсіп түрі екенін аудан басшысына Сәбит Аралбаев айтып берді.
<blockquote>
 «Біз өсіріп жатқан құрттардың аты «калифорниялық қызыл құрт» деп аталады. Бұл құрттардың жейтін тағамы – органикалық қалдықтар. Ағаштан түскен жапырақ, төрт түлік малдың қиымен көректенеді. Бұл қалдықтар сатылмайды, тегін. Кез келген жерден табуымызға болады. Қызыл құрттар осы қалдықтарды жеп, ішінен өңдеп, бізге биологиялық тыңайтқыш жасап береді. Биологиялық тыңайтқыш дегеніміз – өсімдіктердің өсуіне өте қажет зат. Мұны топыраққа сеуіп, шашатын болсақ, егістіктің өсуін 2-3 есе күшейтеді. Егін шаруашылығымен айналысатын адамдар қызыл қүрт өндіріп шығарған тыңайтқыштарды сатып алады. Егістігі мол түсім бермей жүрген диқандар биотыңайтқышты топырағына сеуіп, мол өнім алып жатады. Жер тұзданып, құрғаса, осы тыңайтқышты себеді. Жер тыңайып, топырақ құнарланып, өнім молаяды. Бұл 100 пайыз көмектеседі. Органикалық тыңайтқыштың 1 литрі 80 теңгеден сатылып жатыр», – дейді кәсіпкер.
</blockquote>
Сол сәтте кент іргесіндегі құрт өсіретін аумаққа Қызылорда қаласынан «Газель» автокөлігімен арнайы келген азаматтар органикалық тыңайтқыштарды тиеп алып кетті.
Құрт өсіруді қолға алған азаматтар алдағы уақытта 15 гектар аумақтан жылыжай салып, жасыл желекті жайқалта өсіргісі келеді. Ол үшін бұл араға ауыз су мен аяқ су және жарық әкелу қажет. Кәсіпкерлер аудан әкімі Мұхтар Оразбаевқа осы жағынан көмек беріп, қолдау көрсетуін сұрады.
Өз кезегінде аудан басшысы Мұхтар Оразбаев кәсіпкерлерге көмек көрсету жолдарын қарастыруды тиісті сала басшыларына тапсырды.
<img src="https://kyzylorda-news.kz/wp-content/uploads/2021/10/244383311_3171455946408664_4986334201220665985_n.jpg" alt="" />
<img src="https://kyzylorda-news.kz/wp-content/uploads/2021/10/chervjak.jpg" alt="" />

Қазалылық кәсіпкерлер шылаушын өсіріп жатыр

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысы әкімінің қатысуымен облыстық мәслихаттың кезекті 6-шы сессиясы өткізілді. Сессияның күн тәртібінде 13 мәселе қаралды.
Аймақ басшысы өңірде Елбасының стратегиялық бастамалары мен Мемлекет басшысының Қазақстан халқына Жолдауы аясында берілген тапсырмаларды іске асыру бағытында кешенді жұмыстар жүргізілетінін айтып, алдағы уақытта жүзеге асырылатын маңызды міндеттерді тізбектеді.
Облыс әкімі өңір «жасыл аймақта» болуына қарамастан, пандемиямен күрес негізгі міндет болып қала беретінін мәлімдеді және жылу беру маусымына тиянақты дайындық қажет екенін айтты. Мұнан бөлек, облыс әкімі жаз маусымында орын алған су тапшылығы мен азық-түлік бағасын тұрақтандыру бағытында жүргізілген жұмыстарға тоқталып, азық-түлік бағасының негізсіз өсуіне жол бермеу шаралары алдағы қыс маусымына байланысты бірінші кезекте атқарылатынын жеткізді.
Гүлшара Әбдіқалықова ағымдағы жылдың 8 ай қорытындысын саралап, бірқатар салаларда оң динамика қалыптасқанын мәлімдеді.
Атап айтқанда, есепті мерзімде негізгі капиталға салынған инвестиция көлемі 158,1 млрд.теңгені құрап, өткен жылдың есепті кезеңімен салыстырғанда 3,3%-ға жоғарылады. Ал, жеке инвестициялар көлемі 114,8 млрд.теңгені (үлесі 72,6 %) құрап, өткен жылдың 8 айымен салыстырғанда 11,1%-ға артты (2020 жылғы 8 ай – 101 млрд.теңге). Тұрғын үй салу жоспары 644,7 мың шаршы метр болса, 8 айда тұрғын үйді пайдалануға берудің болжамды көлемі 443,3 мың ш.м құрап отыр. Бүгінгі күнгі 4 әлеуметтік нысан пайдалануға берілді. Жыл соңына дейін 15 нысанның құрылысы аяқталып, пайдалануға берілмек.
Мұнан бөлек, облыста газдандыру жұмыстары қарқынды жүруде. Негізгі үлес 65 пайыз. Оның ішінде биыл Тереңөзек, Жосалы мен Жалағаш кенттері газдандырылса, жыл соңына дейін Қазалы қаласы мен Шиелі ауданындағы Бекежанов және Қодаманов ауылдарын газдандыру жұмыстары аяқталады. Сонымен қатар, көптен күткен Қызылорда қаласына қарасты Наурыз және Махамбетов ауылдарын газдандыру жұмыстарына республикалық бюджеттен 500 млн. теңге қаржы бөлініп, мердігер анықталды. Құрылыс жұмыстары осы айда басталады. Жыл соңына дейін облыстың газбен жабдықтау үлесін 67,4 пайызға дейін жеткізу жоспарлануда. 
Биыл көп жылдардан бері көтеріліп келе жатқан Қызылорда-Жезқазған трассасын жөндеу жұмыстары басталмақ. Өткен айда Үкімет тарапынан қолдау тауып, «Қазавтожол» ұлттық компаниясы Еуропа қайта құру және даму банкімен құны 240 миллион доллар тұратын Жезқазған-Қызылорда автомобиль жолының жаңа жобасына қол қойды. Нәтижесінде Қызылорда мен Жезқазған арасындағы ұзындығы 204 шақырымдық ескі жолды күрделі жөндеуге, сондай-ақ, Қызылордадағы ұзындығы 14,8 шақырымдық айналма жолдың құрылысы жүргізілетін болады. Айта кету қажет, бұл мегажоба Қызылорда облысынан бастау алатын болады.
Сондай-ақ, мәслихат сессиясының отырысы аясында жауапты басқарма басшылары атқарылған жұмыстарды баяндады, депутаттық корпус өкілдері бірқатар маңызды мәселе бойынша шешім қабылдады.
Айта кетейік, өткен аптада аймақ басшысы Қызылорда қаласындағы тіршілікті қамтамасыз етуші кәсіпорындарын аралап, жұмысымен танысты. Сондай-ақ, облыстық штаб отырысында әлеуметтік нысандар мен тұрғын үйлердің дайындығы мәселелері пысықталды. Облыс бойынша тұрғындарға қажетті 140,4 мың тонна көмірдің қорының 91 мыңы (64%) жеткізілді.

Биыл «Қызылорда-Жезқазған» трассасының жөндеу жұмыстары басталмақ

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысының әкімі Гүлшара Әбдіқалықова KAZENERGY әйелдер энергетикалық клубының халықаралық V форумы аясында «Әйелдер энергия саласында: теңдік және табыс» тақырыбындағы пленарлық сессияға қатысты.
Сессия жұмысына офлайн режимде және Zoom платформасы арқылы онлайн-форматта қатысқан ҚР Энергетика вице-министрі Әсет Мағауов, KAZENERGY қауымдастығының Бас директоры Кенжебек Ибрашев, Еуропалық Қайта құру және даму банкінің Қазақстандағы өкілдігінің басшысы Хусейн Озхан, KAZMORTRANSFLOT UK Ltd қаржылық директоры Айзада Аққайсиев форум жұмысына сәттілік тіледі. Сондай-ақ, ҚР Президенті жанындағы Әйелдер және отбасылық-демографиялық саясат істері жөніндегі ұлттық комиссияның төрайымы, ҚР Парламенті Мәжілісінің депутаты Ләззат Рамазанова,TotalEnergies Kazakhstan компаниясының басшысы Алем Фрига-Ной, Тембекиле Мандела Қорының Бас директоры Ндилека Мандела, Қазақстандағы БҰҰ-Әйелдер құрылымының ресми өкілі Мария Доценко және German Energy Agency халықаралық коммуникациялар жөніндегі аға сарапшысы Каролин Кролик баяндама жасады.
Жиында гендерлік теңдік, әйелдерді еңбек нарығында қолдау және әйелдер көшбасшылығы мен нетворкингті дамыту, пандемия жағдайында орын алған проблемалар мен олармен күресу жолдарын ұсыну мәселелері қозғалды.
Аймақ басшысы ел Президентінің әйелдер үлесін 30%-ға дейін арттыру жөніндегі тапсырмасы өңірде жүйелі түрде жүзеге асырылатынын жеткізді.
<blockquote>
 «Қазіргі қоғамда әйелдің ролі ерекше екені белгілі. Олар кез келген салада табысты еңбек етіп, ел дамуына зор үлес қосып келеді. Облыстағы әйелдер мемлекеттік қолдаудың арқасында бизнеспен айналысып, экономиканың дамуына белсенді атсалысуда. Жұмыс істеп тұрған 56 мыңнан астам шағын және орта кәсіпкерлік субъектілерінің 25 мыңнан астамын (45%) әйелдер құрды. Жыл басынан бері бизнесті дамыту мемлекеттік бағдарламасы аясында 14,1 млрд. теңге, оның ішінде 8,3 млрд. теңге (59,5%) әйелдерге берілді. Ана мен баланы жан-жақты қолдау бағытында жұмыс жалғасуда. Бизнес-идеяларды іске асыру үшін 518 көпбалалы отбасы 302,2 млн. теңге сомасында қайтарымсыз гранттар алды», – деді облыс әкімі.
</blockquote>
Гүлшара Әбдіқалықова экономикадағы әйелдер санын арттыру мәселелері тұрақты бақылауда екенін және конференциялар мен форумдардың жұмысына қатысу арқылы басқа өңірлердің озық тәжірибесін тиімді игерілетінін жеткізді.
Сондай-ақ, аймақ басшысы кәсіпкер әйелдерді қолдау, көпбалалы отбасыларға көмек көрсету секілді жұмыстарды тізбектеп, түрлі салаларда нәзікжандылардың әлеуетін жан-жақты дамыту бойынша бірқатар ұсыныс айтты.
<img src="https://kyzylorda-news.kz/wp-content/uploads/2021/10/244579642_3771840839585624_6860425177299191042_n.jpg" alt="" />
<img src="https://kyzylorda-news.kz/wp-content/uploads/2021/10/244587388_3771840569585651_2303033144891565378_n.jpg" alt="" />
<img src="https://kyzylorda-news.kz/wp-content/uploads/2021/10/244517690_3771841189585589_4368988927073418682_n.jpg" alt="" />
<img src="https://kyzylorda-news.kz/wp-content/uploads/2021/10/243967812_3771841389585569_9046871948621428803_n.jpg" alt="" />

Гүлшара Әбдіқалықова әйелдердің  әлеуетін дамыту бойынша бірқатар ұсыныс айтты

<a href="https://kyzylorda-news.kz/ru/obshestvo/">Kyzylorda-news.kz</a>. Облыс әкімі Гүлшара Әбдіқалықованың төрағалығымен«Nur Otan» партиясының сайлауалды бағдарламасының іске асыру жөніндегі Жол картасының орындалу барысы бойынша мәжіліс өтті. Жиынға Nur Otan партиясы төрағасының бірінші орынбасары Ләйла Төрешова, облыс әкімінің орынбасарлары мен басқарма басшылары қатысты. Сондай-ақ, селекторлық режимде қала жәнен аудан әкімдері қосылды.
Жиында мемлекеттік бағдарламалардың орындау барысы туралы облыстық экономика және бюджеттік жоспарлау басқармасының басшысы Нұрғали Қордабай баяндады.
Партия бағдарламасын іске асыру жөніндегі облыстық және аудандық Жол карталарының орындалу барысын облыстық партия филиалы төрағасының бірінші орынбасары Ләйла Төрешова хабарлады.
Өз кезегінде облыс әкімі Гүлшара Әбдіқалықова жауапты басқармалар мен Қызылорда қаласы мен аудан әкімдеріне барлық мүмкіндіктерді қарастырып, «Nur Оtаn» партиясының сайлауалды бағдарламасында көзделген барлық шараларды жыл соңына дейін жүзеге асырылуын қамтамасыз етуді тапсырды.
<img src="https://kyzylorda-news.kz/wp-content/uploads/2021/10/244412805_3770860949683613_4852835849482454194_n.jpg" alt="" />
<img src="https://kyzylorda-news.kz/wp-content/uploads/2021/10/243994320_3770860886350286_2861794380082392660_n.jpg" alt="" />

Қазақстан және Қызылорда облысының жаңалықтары: Басты жаңалықтар old