<a href="https://kyzylorda-news.kz/ru/obshestvo/">Kyzylorda-news.kz</a>. Биылғы жылы 750-ге жуық Сыр елінің азаматтары Отан алдындағы борышын өтеуге аттанады. Қазіргі таңда ҚР Қарулы күштері қатарына 145 азамат әскерге жолданды. Бұл туралы Өңірлік коммуникациялар қызметінде өткен баспасөз конференциясында Қызылорда облысының Қорғаныс істері жөніндегі департаментінің бастығы Айдын Сағынбеков мәлімдеді.
<blockquote>
 «Биыл шекара қызметіне 100-ге жуық азамат мерзімді әскери қызметке жолданды. Ал ҚР Ұлттық ұлан қызметіне 300 сарбаз аттанбақшы. Азаматтарды жөнелту жұмыстары барлық санитарлық талаптарға сәйкес жүргізілуде. Қалалық және аудандық шақыру пунктеріне санитарлық посттар қойылды. Сондай-ақ, облыс әкімінің қаулысы негізінде облыстық жиын пунктінде қоғамдық тәртіпті сақтау бойынша полиция патрулі және жол патрульдік полиция қызметкерлері қамтылды. Әскери бөлімдерге елімізді қорғауға қабілетті, денсаулығы мықты азаматтар жөнелтілетін болады», – деді Айдын Сағынбеков.
 «Қала және аудан әкімдерінің қаулыларына сәйкес медициналық комиссияларда тәжірибелі дәрігерлер қызмет етеді. Бүгінде азаматтарды әскерге жөнелту жұмыстары тиісті кестеге сәйкес өткізілуде. Сонымен қатар, әскер қатарына шақыру мәселелері бұқаралық ақпарат құралдарына жариялануда», – деді мерзімді әскери қызметке шақыру бөлімінің бастығы Нұржан Мелдебеков.
</blockquote>

Қызылордада биыл 750-ге жуық азамат әскерге аттанады

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін облыс әкімі Гүлшара Әбдіқалықова күзгі егін науқаны жұмыстарын қорытындылайтын «Алтын дән-2021» мерекелік шарасына қатысып, дала еңбеккерлеріне құрметін жеткізді.
Жиынға Қазақстан Респуликасы Парламенті Сенатының депутаты Мұрат Бахтиярұлы, ҚР АШМ Жер ресурстарын басқару комитеті төрағасының орынбасары Гүлжахан Бимендина, қала, аудан әкімдері, «Қазақстан Фермерлер Қауымдастығы» қоғамдық ұйымының Қызылорда филиалының төрағасы Өмірхан Пашкенов, сала үздіктері және онлайн форматта 250-ге жуық шаруашылық өкілдері қатысты.
Аймақ басшысы өтпелі қиындықтарға қарамастан ел қамбасын астыққа толтырып, мол өнім алуда қажырлы еңбек еткен шаруа қожалықтарының басшыларына алғысын жеткізіп, ізгі ілтипатын арнады.Елбасы Нұрсұлтан Әбішұлы Назарбаевтың «Ең сенімді валюта – азық-түлік» деген сөзі бар. Уақыт өткен сайын ауыл шаруашылығының ел экономикасындағы мәні мен маңызы артып келеді.
<blockquote>
 «Тәуелсіздігіміздің 30 жылдығы қарсаңында облыс диқандары биылғы жылғы вегетация кезінде су тапшылығына және басқа да қиындықтың бәрін еңсере отырып, аянбай еткен еңбектерінің арқасында 500 мың тоннаға жуық Сыр күріші ел қамбасына құйылды. Биылғы жылдың маусым – шілде айларындағы ауа райының ыстығына, суармалы судың тапшылығына қарамастан маңдай терін төгіп, адал еңбектің үлгісін көрсеткен диқандарымызға қандай мадақ айтсақ та жарасады. Өздеріңізге барша Сыр жұртшылығы – жерлестеріңіздің атынан алғысымды білдіремін», – деді Гүлшара Әбдіқалықова.
</blockquote>
Өткен жылы өңірде 143,6 млрд.теңгенің ауыл шаруашылық өнімі өндірілсе, ағымдағы жылғы 9 айда 118,5 млрд. теңгеге жетіп, өсім 2,4 пайызды құрады. Тамақ өнімдерін өңдеу көлемі 41,0 млрд.теңгеге жетіп, өткен жылдың осы кезеңімен салыстырғанда көрсеткіш 12,5 % құрады.
Соңғы жылдары егіс алқаптарын әртараптандыру бағытында жүйелі шаралар атқарылуда. Атап айтқанда, жалпы егіс көлемі 5 жылда 6,9 мың гектарға ұлғайып, әртараптандыру бағытында мал азығындық дақылдар 6,3 мың гектарға, картоп, көкөніс, бақша дақылдары 1,7 мың гектарға, ал, күріштен басқа дәнді дақылдар көлемі 6,4 мың гектарға көбейген.
Суды көп қажет ететін күріш көлемі өткен жылдан 6 мың гектарға азайтылды. Оның орнына әртараптандыру бағытындағы дақылдардың егіс көлемдері 9,8 мың гектарға дейін жетті.
Аймақ басшысы ауыл экономикасының негізгі резервінің бірі – мал шаруашылығы да тұрақты дамып келе жатқандығын айрықша атап өтті.
Есепті кезеңде мүйізді ірі қара 8,2%-ға, жылқы 14,2%-ға, түйе 8,1%-ға, уақ мал 6,6%-ға көбейіп, ет өндірісі 2,4%-ға, сүт өндірісі 2,3%-ға, жұмыртқа өндірісі 3,1%-ға артқан.
Бүгінгі күні құны 20,6 млн. АҚШ долларын (61,0 мың тонна) құрайтын өңірдің ауыл шаруашылығы тауарлары 15 мемлекеттің сұранысын қамтамасыз етіп отыр. Биылғы жылы облыстан Германия, Нидерланды мемлекеттеріне 886 тонна қамыс, Австрия, Литва, Польша, Грузия, Нидерланды, Украина, Германия мемлекеттеріне 1780 тонна балық, Әзірбайжан, Моңғолия, Тәжікстан, Украина, Өзбекстан, Ирак елдеріне 58 237 тонна күріш өнімі жөнелтілген.
Салтанатты жиында аймақ басшысы Сырдария өзенінің жағдайына арнайы тоқталып, суды кезектілікпен үнемдеп алған шаруа қожалықтарының қажырлы еңбектеріне тоқталды.
<blockquote>
 «Барлықтарыңызда, әсіресе шаруалардың көкейлерінде болашақтағы су мәселесі бар екенін жақсы білемін. Шардара су қоймасындағы судың аз болуына байланысты, Сырдария өзенінің төменгі ағысына жіберіліп жатқан су көлемі төмендеп, ағымдағы жылдың 8 қыркүйегінен 18 қазанына дейін төменге секундына 30 текше метр су жіберіліп келді. Ал, 18 қазаннан бастап төменге жіберілген су көлемі 20 текше метрге артып, қазір секундына 50 текше метр жіберілуде. Біз Үкіметпен тиісті жұмыстар жасаудамыз. Су нысандарының жағдайын жақсарту үшін «Жасыл Қазақстан» Ұлттық жобасына үлкен үміт артылуда. Ұлттық жобаға 122 млрд.теңгені құрайтын облыстың 237 жоба енгізілуде», – деді Гүлшара Әбдіқалықова.
</blockquote>
Бүгінде «Қызылорда», «Әйтек» су торабтарына жөндеу және «Ирригация және дренаж жүйелерін жетілдіру» жобасы аясында 2019 жылдан бері 15 мың гектар суармалы жерлерді қалпына келтіру жұмыстары жүргізілуде. 2023 жылға дейін коммуналдық меншіктегі 192 су шаруашылығы нысандарын тазалау және жөндеу жұмыстары кезең-кезеңмен атқарылатын болады. Сондай-ақ, Қызылорда облысы бойынша 775 млн.текше метр тасқын су жинайтын «Қараөзек арнасындағы су қоймасын» салу ісі де басталады.
Мерекелік шарада облыс әкімі мезгілдің сан құбылуына қарамастан аянбай еңбек етіп, тер төккен, ауыл шаруашылығын дамытуға ерекше үлес қосқан озаттарды марапаттады. Атап айтқанда, Жалағаш ауданы, «Мәдениет» ШҚ төрағасы Ахдильда Қыпшақбаев, Қызылорда қаласы, «Қызылорда Құрылыс НК» ЖШС егіс бригадирі Айдархан Қойшыбаев, Арал ауданы, «Алмат» ШҚ төрағасы Жетес Асанбаев, Қазалы ауданы, зейнеткер Берик Бейсембаев, Қармақшы ауданы, «Ертілеу» ШҚ маманы Рустембек Сәрсенбаев, Жалағаш ауданы, «Таң ЛТД» ЖШС директоры Имамзада Шағыртаев, Қармақшы ауданы, «Актөбе и К» ЖШС директоры Нұрлан Іздібаев, Сырдария ауданы, «Мәді Қажы» ЖШС директоры Сейткамал Сұлтанов және басқа да сала үздіктері марапатталды.
«Үздік аудан» номинациясымен Қармақшы ауданының әкімі Қайрат Нұртай құрметке бөленді. Ал, егін шаруашылығы бойынша «Озат аудан» номинациясымен Шиелі ауданының әкімі Нариман Мақұлбеков және мал шаруашылығы бойынша «Озат аудан» номинациясымен Жаңақорған ауданы әкімі Руслан Рүстемов, өндеу саласы бойынша «Озат аудан» номинациясын Қазалы ауданы әкімі Мұхтар Оразбаев марапат алды.
Салтанатты жиында ауылшаруашылық саласындағы серпінді жаңалықтарды халыққа ақпараттандыруда ерекше еңбек еткен «Қазақстан» РТРК» АҚ Қызылорда облыстық телеарнасының тілшісі Елжас Әбділда мен «Сыр бойы» газетінің тілшісі Ержан Қожас марапат биігінен көрінді.
<img src="https://kyzylorda-news.kz/wp-content/uploads/2021/10/akim-2.jpg" alt="" />
<img src="https://kyzylorda-news.kz/wp-content/uploads/2021/10/ak.jpg" alt="" />
<img src="https://kyzylorda-news.kz/wp-content/uploads/2021/10/ozat1.jpg" alt="" />
<img src="https://kyzylorda-news.kz/wp-content/uploads/2021/10/ozat2.jpg" alt="" />
<img src="https://kyzylorda-news.kz/wp-content/uploads/2021/10/ozat3.jpg" alt="" />
<img src="https://kyzylorda-news.kz/wp-content/uploads/2021/10/ozat4.jpg" alt="" />

Алтын дән &#8211; 2021: Қызылордада ауылшаруашылық саласының үздіктері марапатталды

<a href="https://kyzylorda-news.kz/ru/obshestvo/">Kyzylorda-news.kz</a>. ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссия 22 қазандағы жағдай бойынша Қазақстан өңірлеріндегі эпидемиологиялық ахуалды бағалау матрицасын жариялады.
«Қызыл» аймақта: Нұр-Сұлтан, Алматы қалалары, Қостанай, Павлодар, Ақмола, Солтүстік Қазақстан облыстары.
«Сары» аймақта: Атырау, Қарағанды, Қызылорда, Шығыс Қазақстан облыстары.
«Жасыл» аймақта: Шымкент қаласы, Алматы, Ақтөбе, Батыс Қазақстан, Түркістан, Жамбыл, Маңғыстау облыстары.
Айта кетейік, кеше Алматы облысы «қызыл» аймақта, Қызылорда облысы «жасыл» аймақта болатын.

Қызылорда қайтадан «сары» аймаққа өтті

<a href="https://kyzylorda-news.kz/ru/obshestvo/">Kyzylorda-news.kz</a>. ҚР Мемлекеттік хатшысы Қырымбек Көшербаевтың төрағалығымен Жамбыл Жабаевтың 175 жылдығын атап өту жөніндегі мемлекеттік комиссияның кезекті отырысы өтті. Жиынға Мәдениет және спорт министрі Ақтоты Райымқұлова, Ақпарат және қоғамдық даму министрі Аида Балаева, Білім және ғылым министрі Асхат Аймағамбетов және барлық облыс пен республикалық маңызы бар қала әкімдері қатысты.
Мемлекеттік хатшы өз сөзінде Жамбыл Жабаевтың 175 жылдығы елдігімізді айшықтап, бірлігімізді көрсететін айтулы оқиға екенін, алдағы жоспарланған іс-шараларды жоғары деңгейде өткізу қажеттігін айтты.
<blockquote>
 – Ақынның мерейтойы жас ұрпақты тәрбиелейтін, ұлтымызды ұйыстыратын, жұртшылыққа ой салатын тағылымы мол, тәлімі зор, тәрбиелік мәні бай шара болуы тиіс, – деді Қырымбек Көшербаев.
</blockquote>
Комиссия отырысында Мәдениет және спорт министрі Ақтоты Райымқұлова, Ақпарат және қоғамдық даму министрі Аида Балаева, Білім және ғылым министрі Асхат Аймағамбетов сонымен қатар, Алматы облысының әкімі Амандық Баталов пен Жамбыл облысының әкімі Бердібек Сапарбаев ақын мерейтойын атап өтуге қатысты жоспардың орындалу барысы жөнінде баяндады.
Жиын соңында Мемлекеттік хатшы Жамбыл Жабаевтың 175 жылдық мерейтойын дайындау және өткізу жөніндегі жалпы республикалық жоспарды орындау жөніндегі жұмысты жалғастыруды және белгіленген іс-шаралардың сапалы өткізілуін қамтамасыз етуді тапсырды.
Айта кетейік, Қызылорда облысында ақын, жыр алыбы Жамбыл Жабаевтың 175 жылдық мерейтойын ұйымдастыру және өткізу жөніндегі өңірлік іс- шаралар жоспары бекітіліп, жыл көлемінде 130 іс-шара өткізілді. Оның ішінде 100-і онлайн, 30-ы офлайн форматта ұйымдастырылды.
Мәдениет ұйымдарында ғасыр жасаған тұлғаның шығармашылығын насихаттауға бағытталған шаралар ағымдағы жылдың ақпан айында Ә.Тәжібаев атындағы облыстық әмбебап ғылыми кітапханасында «Жыры әлемді шарлаған – Жамбыл» атты кең көлемді кітап көрмесімен ашылып, жыл көлемінде «Ұлы даланың жыршысы» тақырыптарында кітап көрмелері, «Әлемге аян жырлары», «Жырлансын, Жамбыл жырлары», «Тыңда, дала Жамбылды», «Жыр алыбы – Жамбыл» атты дәстүрлі орындаушылардың концерттері мен жыршы-термешілердің фестивалі, «Жүз жасаған бәйтерек» атты облыстық эссе жазу байқауы мен ақын өлеңдерін мәнерлеп оқудан сайыстар, «Жамбыл – ғасыр ақыны», «Ұлы дала Жамбылы» атты әдеби кештер мен дөңгелек үстелдер ұйымдастырылды.
Сыр елі жыршы-жырауларының қатысуымен өткен «Жырлансын, Жамбыл жырлары» атты жыр кешінде Жамбыл жырлары cыр мақамдары арқылы дәріптелді.
Сондай-ақ, «Жүз жыл жырлаған жүрек» атты Алматы облысындағы Ж.Жабаевтың әдеби-мемориалды музейінің Қызылорда қаласында жылжымалы көрмесі ұйымдастырылып, облыс жұртшылығы ақынның ұстап-тұтқан жеке заттары мен шапанын, домбырасын, кітаптарын көруге мүмкіндік алды. Шараға ақынның немересі мен шөбересі қатысты.
Сонымен қатар, білім беру ұйымдарында «Жамбыл Жабаев–Ұлы Даланың алып жыршысы» атты оқушылар айтысы, «Жамбыл болып менде сөйлейін, Жамбыл боп өлең өрейін» атты жыр мүшәйрасы, «Жыр алыбы – Жамбыл» тақырыбында көркемсөз оқу шеберлерінің байқауы, «Жамбыл мұраларын жаңаша бағалау–ұлттық рухани жаңғырудың өзекті мәселесі» тақырыбында онлайн форматта республикалық ғылыми-тәжірибелік конференция өткізілді.
Ел Тәуелсіздігінің 30 жылдығы мен Жамбыл Жабаевтың 175 жылдығына орай 2021 жылдың қазан айында Тараз қаласында өткен «Көне Тараз күмбірі» атты республикалық фольклорлық ансамбльдер конкурсында Қорқыт ата атындағы Қызылорда университетінің «Дидар» халықтық фольклорлық-этнографиялық ансамблі жүлделі үшінші орынды иеленіп, аймақ мерейін асқақтатты.
Бүгінде облыс бойынша Ж.Жабаевтың есімі берілген 2 мектеп, 30 көше бар. 2021 жылдың 27 ақпаны күні ақынның туған күні қарсаңында аталған білім ұйымдарында іс-шаралар өткізіліп, мектеп оқушылары жыр алыбының жалынды жырларын дәріптеді.
Ақынның өмір жолы мен шығармашылығын насихаттау жұмыстары алдағы уақытта да жалғасын таппақ.

Қызылордада Жамбыл Жабаевтың 175 жылдығына орай 130 іс-шара өткізілді

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысында күзгі егін жинау жұмыстары толығымен аяқталды. Дихандар биылғы жылы орын алған су тапшылығына қарамастан егілген егістен өткен жылғы деңгейде өнім алуға қол жеткізіп отыр. Бұл туралы Өңірлік коммуникациялар қызметінің ақпараттық алаңында облыстық ауыл шаруашылығы басқармасының басшысы Талғат Дүйсебаев мәлімдеді.
<blockquote>
 «Егін жинау науқанына шаруашылықтардың қолында бар 4266 бірлік ауыл шаруашылығы техникалар қатысты. Бүгінгі күні егілген 83 570 гектар күріш көлемі толық жиналып, орта өнімі 59,8 центнерден айналды. Күзгі егін жинау науқанының аяқталуына байланысты ағымдағы жылдың 22-23 қазан күндері жылдағы дәстүр бойынша «Алтын дән – 2021» шарасы өткізілетін болады. Облыс диқандарының биылғы жылғы вегетация кезінде, су тапшылығына және басқа да қиындықтың бәрін еңсере отырып, Тәуелсіздігіміздің 30 жылдығы қарсаңында жоғары өнім алуға қол жеткізген өндіріс озаттарын «Алтын дән – 2021» шарасы аясында 22 қазан күні марапаттайтын боламыз. Сондай-ақ, ағымдағы жылдың 23 қазан күні сағат 8:00-ден бастап барлық аудандардың қатысуымен Қызылорда қаласында ауыл шаруашылығы өнімдерінің жәрмеңкесі ұйымдастырылады. Жәрмеңкеде барлығы 340 көлікпен 1044 тонна ауыл шаруашылығы өнімдері нарық бағасынан 15-20 пайыз төмен бағада сатылатын болады. Осы күні сағат 12:00-де қалалық ипподромда «Алтын дән – 2021» шарасына байланысты ұлттық ат спорты түрлерінен бәйге жарыстары өткізіледі», – деді Талғат Тұрсынұлы.
</blockquote>

Қызылордада күзгі егін жинау жұмыстары толығымен аяқталды

<a href="https://kyzylorda-news.kz/ru/obshestvo/">Kyzylorda-news.kz</a>. Елімізде мәртебесі реттелмеген және жеке басын куәландыратын құжатсыз жүрген азаматтарды анықтау бойынша акция жүргізілуде. Нәтижесінде республика бойынша 6 мыңнан аса құжатсыз жүрген азаматтар анықталды. Олардың басым көпшілігіне өздеріне тиісті жеке басын куәландыратын құжаты табысталған. Бұл туралы Өңірлік коммуникациялар қызметінде өткен брифингте ҚР ІІМ Көші-қон қызметі комитетінің азаматтық, иммиграция және эмиграция басқармасының бастығы Ғани Шымырбаев мәлімдеді.
<blockquote>
 «Шараның мақсаты − құжатсыз жүрген немесе КСРО кезіндегі құжат негізінде қалған азаматтарға жеке бас құжатын рәсімдеу болып табылады. Өздеріңізге мәлім, жеке басын куәландыратын құжаттың болмауы конституциялық құқықтары мен заңды мүдделерін іске асыруын шектейді. Сондай-ақ, қажетті жәрдемақы немесе басқа да әлеуметтік көмектерді алуды рәсімдей алмайды. Білім алу және денсаулық сақтау қызметтерін пайдалануда қиындықтар болады. Сол себепті, акция шеңберінде жеке басын куәландыратын құжаты жоқ тұлғаларға тиісті көмектер көрсетілуде. Құжаты жоқ азаматтың көпшілігі Алматы, Шымкент, Түркістан, Жамбыл облыстарында тіркелді. Ішкі істер министрлігі жүргізіліп жатқан іс шараның маңыздылығына орай 2022 жылдың мамыр айына дейін жалғасатынын хабарлады», – деді Ғани Зиябекұлы.
</blockquote>
Сондай-ақ баспасөз конференциясында Адам құқықтары және заңдылықты сақтау жөніндегі Қазақстан халықаралық бюросы директорының орынбасары Денис Дживага құжатсыз жүрген азаматтардың әлі де көптігін айтып, бюроның атқарып жатқан жұмыстарын баяндады.
<blockquote>
 «Республикада мәртебесі анықталмаған және құжатсыз тұратын адамдарды анықтау жөніндегі акция жалғасуда. Өткен жылдың қыркүйек айында ішкі істер министрлігі Үкіметтік емес ұйымдармен оның ішінде Адам құқықтарының заңдылығын сақтау жөніндегі халықаралық бюросы ауқымды сәйкестендіру компаниясын іске қосты. Азаматтығы жоқ адамдарды ешбір санатта жоқ деуге болады. Өкініштісі, елімізде еш құжатсыз күн көріп жүргендер әлі де бар. Тіпті ата-әжесі, ата-анасы, баласы, яғни үш толқынның еш жерде тіркелмегені анықталып жатыр», -деді Д.Дживага.
</blockquote>
Одан әрі Қызылорда облыстық Полиция департаменті Көші-қон қызметі басқармасы бастығының орынбасары Сағындық Қамитбеков облыстағы жағдайды баяндады.
<blockquote>
 «Облыста 26 адамның ескі үлгідегі құжатпен жүргені мәлім болды. Олар ҚР азаматтылығына тиісті екені анықталып жеке бас құжаттары берілді. Одан бөлек, осы жылы облыс бойынша 34 шетелдік тұрақты тұруға қалдырылған. Тұрақты тұруға келгендердің басым бөлігі – этникалық қазақтар мен тұрмысқа шыққан шетелдік әйелдер», – деді Сағындық Убайдуллаұлы.
</blockquote>
Сондай-ақ брифингте «Сана сезім» әйелдер бастамаларының құқықтық орталығының заңгері Элина Еникеева аталған мәселелер бойынша тұрғындарға ақысыз қызмет көрсететінің хабарлады.
<blockquote>
 «Біздің мекеменің заңгерлері облыстағы жеке бас құжаты бойынша мәселелері бар тұрғындарға ақысыз түрде тиісті шаралар жүргізеді. Орталыққа жеке бас құжаты көрсетілмеген немесе азаматтығы жоқ тұрғындар өз өтініштерін білдіруге болады», -деді Э.Еникеева.
</blockquote>

КСРО құжатымен жүрген 26 қызылордалық жаңа төлқұжат алды

<a href="https://kyzylorda-news.kz/ru/obshestvo/">Kyzylorda-news.kz</a>. Үкімет жанындағы Қазақстанда коронавирустың таралуына жол бермеу жөніндегі ведомствоаралық комиссиясы 21 қазандағы жағдай бойынша Қазақстан өңірлеріндегі эпидемиологиялық ахуалды бағалау матрицасын жариялады.
Оның нәтижесі бойынша, Алматы облысы «қызыл» аймаққа, Қызылорда облысы «жасыл» аймаққа өтті.&nbsp;
«Қызыл» аймақта: Нұр-Сұлтан, Алматы қалалары, Алматы, Қостанай, Павлодар, Ақмола, Солтүстік Қазақстан облыстары.
«Сары» аймақта: Атырау, Қарағанды, Шығыс Қазақстан облыстары.
«Жасыл» аймақта: Шымкент қаласы, Ақтөбе, Батыс Қазақстан, Қызылорда, Түркістан, Жамбыл, Маңғыстау облыстары.
Айта кетері, кеше Алматы мен Қызылорда облыстары «сары» аймақта тұрған болатын.

Қызылорда облысы «жасыл» аймаққа өтті

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1683 адамның коронавируспен ауырғаны ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 180,
Алматы қаласы – 312,
Шымкент қаласы – 40,
Ақмола облысы – 129,
Ақтөбе облысы – 54,
Алматы облысы – 135,
Атырау облысы – 41,
Шығыс Қазақстан облысы – 83,
Жамбыл облысы – 30,
Батыс Қазақстан облысы – 40,
Қарағанды облысы – 154,
Қостанай облысы – 117,
Қызылорда облысы – 31,
Маңғыстау облысы – 9,
Павлодар облысы – 164,
Солтүстік Қазақстан облысы – 139,
Түркістан облысы – 25.
Жалпы ел бойынша ауырғандар саны 921216.

Covid-19: Қызылордада қанша адам вирус жұқтырды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссиясы 20 қазандағы жағдай бойынша Қазақстан өңірлеріндегі эпидемиологиялық ахуалды бағалау матрицасын жариялады.
«Қызыл» аймақта: Нұр-Сұлтан, Алматы қалалары, Қостанай, Павлодар, Ақмола, Солтүстік Қазақстан облыстары.
«Сары» аймақта: Алматы, Атырау, Қарағанды, Қызылорда, Шығыс Қазақстан облыстары.
«Жасыл» аймақта: Шымкент қаласы, Ақтөбе, Батыс Қазақстан, Түркістан, Жамбыл, Маңғыстау облыстары.
Айта кетейік, 19 қазан күні Қызылорда облысы «жасыл» аймақта тұрған еді.

Қызылорда облысы қайтадан «сары» аймаққа өтті

<a href="https://kyzylorda-news.kz/ru/obshestvo/">Kyzylorda-news.kz</a>. Биыл ауыз су беру жөніндегі көрсетілетін қызметтер құнын субсидиялау қағидаларына өзгерістер енгізілді. Бұл туралы Өңірлік коммуникациялар қызметінің ақпараттық алаңында облыстық энергетика және тұрғын үй-коммуналдық шаруашылық басқармасы басшысының орынбасары Ерлан Жоламанов мәлімдеді.
<blockquote>
 «Ауыз суды есепке алу аспабы болған кезде субсидиялар 1 адамға арналған тұтыну нормативі кезінде тәулігіне 140 литр мөлшерінде төленеді. Осы нормадан асқан жағдайда тұтынушы сумен жабдықтау қызметтеріне толық тарифпен төлейді. Яғни ережеге сәйкес бір адамға тәулігіне 140 литр бұл айына 4,3 м3 егер пайдаланған ауыз су осы көлемнен аса тұтынушылар толық тарифпен төлем жасайтын болады. Бекітілген тариф бойынша топтық су құбырлары үшін 1 текше метрге ҚҚС қосқанда 507,14 теңге. Оқшау су құбырлары үшін 1 текше метрге ҚҚС қосқанда 364,63 теңге. Ережелердің жаңа нормалары биылғы жылғы 16 тамыздан бастап күшіне енді, онда жергілікті атқарушы органдардың берілген ауыз судың бір текше метрі үшін төлемақы мөлшерін әзірлеу және жергілікті өкілді органға бекітуге ұсыну жөніндегі құзыреті көзделген. Халықтың ауыз суға төлеп отырған 30/40 теңге деген баға 2006 жылдан бері өзгермеген. Яғни осы 15 жыл ішінде су беруші мекемелердің электр энергиясы, айлық жалақы және тағы да басқа шығындары ескеріліп, табиғи монополияларды реттеу жөнінде уәкілетті органмен бекітілетін ауыз су тарифы қанша көтеріліп жатқанымен халықтың жасайтын төлемі өзгеріссіз қалып келген. Оның өзінде 2014 жылға дейін халықтан басқа барлық тұтынушы да осы 30/40 теңге жеңілдетілген бағамен төлеп келсе, 2014 жылдан бастап тек қана халыққа берілген ауыз суға ғана субсидия беріле бастады», – деді Ерлан Ералыұлы.
</blockquote>
«Арал» салынып жатқан кәсіпорындардың біріккен дирекциясы» мекемесі директорының орынбасары Ержан Ералыұлының айтуынша, бұған дейінгі су пайдаланушылардың көлемін есептеп, облыс бойынша халыққа берілетін ауызсудың бір текше метрі үшін төлемақы мөлшері есептеліп 202 теңгені құрады. Бірақ баламасыз су көзі ретінде ауыз суды ішуге және шаруашылық мақсатта тұтынып отырған халыққа ауыз су бағасын бірден өсірмей есептегіш барларға 60 теңге, есептегіш құралы жоқ тұтынушыға 80 теңгемен бекітуді және оны қолдануды 2022 жылдың 1 қаңтарынан бастау жоспарланды.

Қызылордада ауыз судың бағасы қымбаттайды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысында аз қамтылған 12 мыңға жуық отбасы мен мүмкіндігі шектеулі 31 мың азамат бар. Аталған тұлғалар мемлекет тарапынан тиісті әлеуметтік жәрдемақымен қамтамасыз етілуде. Онан бөлек өңірдегі белсенді ұйымдар мен еріктілер көмекке мұқтаж жандарға әрдайым қолдау көрсетіп келеді. Өңірлік коммуникациялар қызметінде өткен брифингте облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Абдукаримов қайырымдылық шаралары аясындағы атқарылған жұмыстарды тізбектеді.
<blockquote>
 «Жыл басынан бері облыс бойынша демеушілер мен ұйымдардың қолдауы арқылы 8 мыңнан аса әлеуметтік тұрмысы төмен отбасыларға көмек көрсетілді. Сондай-ақ, кәсіпорындар мен жеке қорлардың қаражаты есебінен баспанаға мұқтаж 56 отбасыға үй кілті табысталды. Мұнда әлеуметтік жағдайы төмен жанұяларға коммуналдық шығындарды өтеу үшін қажетті қаржы қарастырылды. Қайырымдылық шараларын өткізуге мекемелер мен кәсіпорындар, бизнес-құрылымдар, этно-мәдени бірлестіктер мен үкіметтік емес ұйымдар және қайырымдылық қорлары ат салысты. Бұл қайырымдылық жұмыстары жыл көлемінде жалғасатын болады», – деді Мейрамбек Жақсылықұлы.
</blockquote>
«Қайырымды істер марафоны» жалпыұлттық жобасы басталғалы бері 647 іс-шара ұйымдастырылды. Марафон аясында көмекке мұқтаж әртүрлі отбасыларға азық түлік пен қажетті тұрмыстық заттар үйлестірілген. «Қоғамдық Келісім» орталығының директоры, «Волонтерлер фронт офисінің» жетекшісі Болатбек Айтбенбетов жоба шеңберіндегі шаралар туралы баяндады.
<blockquote>
 «Қайырымды істер марафоны» жалпы ұлттық жобасы ауқымды шараларды ұйымдастырды. Облыс көлемінде 3000 мыңға жуық отбасына азық-түлік себеті үйлестірілді. Одан бөлек, әртүрлі ұйымдардың бірлесуімен көмекке мұқтаж азаматтарға баспана кілті берілді. Атап айтсақ, апатты жағдайда тұрған 50 ге жуық отбасыларға баспана кілті табысталды. Оның ішінде Арал ауданындағы Болат Өтемұратов қорының «Баламекен» жобасы шеңберінде 40 отбасы жаңа баспанаға ие болды. Қармақшы ауданының тұрғыны, көпбалалы отбасына “Харекет” қайырымдылық қорының 440-шы баспана кілті табысталды. «Жаңарған Жаңақорған жастары» қоғамдық корының бастамасымен 2 баспананың кілті табысталды. Марафон бастау алғаннан бері еріктілер білім саласында да белсенділік танытты. Мектеп оқушыларынан құрылған еріктілер ерекше білім беруді қажет ететін оқушыларға көмек көрсетуде. Жалпы бұл жобаға қайырымдылық қорлары, жеке кәсіпкерлер мен еріктілер белсенді араласты», – деді Болатбек Серікбайұлы.
</blockquote>

Мейрамбек Әбдікәрімов: Қызылордада 56 отбасыға баспана кілті табысталды

Kyzylorda-news.kz. Пандемияға қарсы іс-қимыл жөніндегі республикалық азаматтық штаб өкілдерінің Қызылорда облысына сапары бұқаралық ақпарат құралдары өкілдері қатысқан баспасөз конференциясымен аяқталды. Сапардың басты мақсаты халыққа COVID-19 вакцинациясының коронавирустық инфекция пандемиясымен күрестегі жалғыз дұрыс шешім ретінде маңыздылығын түсіндіру болды.
Елде ұжымдық иммунитетті қалыптастыру, халықтың 70-80%-ын вакцинациялау нәтижесінде COVID-19-дан сырқаттанушылық пен өлім деңгейін азайту, мүмкін болатын әдеттегі өмірге қайтаруымыз қажет деді Өңірлік коммуникациялар қызметінде өткен баспасөз конференциясында ҚР Премьер-министрі орынбасарының баспасөз-хатшысы, Санитарлық-эпидемиологиялық бақылау комитетінің ресми өкілі Ержан Байтанаев.
<blockquote>
 «Қызылорда өңірі бүгінде жасыл аймақта. Эпидемиологиялық ахуал тұрақты. Дегенмен, алдағы уақытта күннің салқындауына байланысты тұмау, ЖРВИ ауруы өршуі мүмкін. Сондықтан, әлі де болса сақтық шараларына қатаң сақтауымыз қажет», – деді пандемияға қарсы іс-қимыл жөніндегі республикалық “Ел үшін егілемін” азаматтық штабының мүшесі.
</blockquote>
Журналистердің қойған сауалдарының бірі, балаларға салынатын екпе болды. Бірақ, бүгінде 18 жасқа дейінгі жасөспірімдерге ешқандай вакцинациялау жүргізіліп жатқан жоқ. Дегенмен, Дүниежүзілік Денсаулық сақтау Ұйымының мақұлдаған 12-17 жас аралығындағы балаларға «Pfizer» вакцинасы ұсынылуда.
Ресми өкіл Ержан Байтанаевтың айтуынша, Денсаулық министрлігі Америкалық компаниямен келіссөздер жүргізіп жатыр. Нәтижелі болғанда биылғы жылдың IV-тоқсанында елімізге жеткізу жоспарлануда.
Айта кету керек, вакцинациялау ата-аналардың және заңды қорғаушылардың келісімімен жүргізіледі. Балаларға мәжбүрлеу, мектепке кіргізбеу жұмыстары болмайды. Бұл балаларымызды аурудан қалай сақтаймыз, вирустан қалай қорғанамыз деген көптеген ата-аналардың өтінішін қанағаттандыру мақсатында жүргізіліп жатыр.
Еске сала кетейік, вакцина салу білім ордаларында жүргізілмейді. Өздеріне қарасты емханаларда салынады.
Бірнеше күн бұрын Үкімет құрамындағы ведомствоаралық комиссия отырысында қазақстандықтарды ревакцинациялау бойынша шешім шығарылды. Көптеген мемлекеттерде вакцинациялаудан кейін 6 айдан соң, 1 дозалы екпе алуға болады. Бұл екпеден кейін жоғалған антиденені қалпына келтіруге мүмкіндік береді. Комиссия зерделей келе, қайта вакцинациялау осы жылдың қараша айының үшінші онкүндігінде басталады деп жоспарлады. Мұны да салдыру әр адамның өзінің еркіндігі.

Қазақстан және Қызылорда облысының жаңалықтары: Басты жаңалықтар old

Қызылордада биыл 750-ге жуық азамат әскерге аттанады

Алтын дән – 2021: Қызылордада ауылшаруашылық саласының үздіктері марапатталды

Қызылорда қайтадан «сары» аймаққа өтті

Қызылордада Жамбыл Жабаевтың 175 жылдығына орай 130 іс-шара өткізілді

Қызылордада күзгі егін жинау жұмыстары толығымен аяқталды

КСРО құжатымен жүрген 26 қызылордалық жаңа төлқұжат алды

Қызылорда облысы «жасыл» аймаққа өтті

Covid-19: Қызылордада қанша адам вирус жұқтырды

Қызылорда облысы қайтадан «сары» аймаққа өтті

Қызылордада ауыз судың бағасы қымбаттайды

Мейрамбек Әбдікәрімов: Қызылордада 56 отбасыға баспана кілті табысталды

Вакцина салу білім ордаларында жүргізілмейді

Қазақстан және Қызылорда облысының жаңалықтары: Басты жаңалықтар old

Қызылордада биыл 750-ге жуық азамат әскерге аттанады

Алтын дән &#8211; 2021: Қызылордада ауылшаруашылық саласының үздіктері марапатталды

Қызылорда қайтадан «сары» аймаққа өтті

Қызылордада Жамбыл Жабаевтың 175 жылдығына орай 130 іс-шара өткізілді

Қызылордада күзгі егін жинау жұмыстары толығымен аяқталды

КСРО құжатымен жүрген 26 қызылордалық жаңа төлқұжат алды

Қызылорда облысы «жасыл» аймаққа өтті

Covid-19: Қызылордада қанша адам вирус жұқтырды

Қызылорда облысы қайтадан «сары» аймаққа өтті

Қызылордада ауыз судың бағасы қымбаттайды

Мейрамбек Әбдікәрімов: Қызылордада 56 отбасыға баспана кілті табысталды

Вакцина салу білім ордаларында жүргізілмейді

Алтын дән – 2021: Қызылордада ауылшаруашылық саласының үздіктері марапатталды