<a href="https://kyzylorda-news.kz/ru/obshestvo/">Kyzylorda-news.kz</a>. Биылдан бастап мүгедектігі бар адамдар техникалық оңалту құралдары мен қызметтерін әлеуметтік қызметтер порталынан өз таңдаулары арқылы алуда. Бүгінгі күнде облыс бойынша 22 369 әлеуметтік оңалтуды қажет ететіндердің 82,8 пайызы әлеуметтік оңалту шараларын алды.
Бұл туралы өңірлік коммуникациялар қызметінде өткен брифингте облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Айгүл Ибраева баяндады.
<blockquote>
 «Ағымдағы жылы 23 кохлеарлы импланты бар мүгедектігі бар адамға сөйлеу процессорларын ауыстыру және реттеу қызметін көрсету үшін 115,1 млн.теңге қаралды. Биылғы жылдан бастап Басқармаға қарасты Арнаулы әлеуметтік қызметтер көрсету балалар орталығы жанынан 20 орынға арналған тірек-қимыл аппараты бұзылған балаларды оңалту орталығы өз жұмысын бастады. Сонымен қатар, өңірімізде 2017 жылдан бастап ерекше қажеттілігі бар балаларды мемлекеттік әлеуметтік тапсырыс аясында Иппотерапиямен оңалту шаралары жүргізілуде» – , деді Айгүл Болатқызы.
</blockquote>
Биылғы жылдың 1 қазанында 1132 мүгедектігі бар балаға 48,3 млн.теңгеге материалдық көмек төленді.
<blockquote>
 Мүгедектігі бар адамдардың әлеуметтік инфрақұрылым нысандарына кедергісіз кіруіне жағдай жасау жұмыстарына, Қазақстан Республикасының Еңбек және халықты әлеуметтік қорғау министрлігімен Қызылорда облысы көлемінде 2021-2025 жылдарға 1294 инфрақұрылым объектілерін бейімдеуден өткізу жоспары белгіленді. Жоспарға сәйкес 2021 жылға 258 нысанды толық бейімдеу жұмыстары көзделген. Қазіргі таңда 258 әлеуметтік инфрақұрылым объектілерінің барлығына толық бейімдеу жүргізіліп, республикалық «Қолжетімділіктің интерактивті картасына» енгізілді. Сондай-ақ, облыста бірнеше рет қайырымдылық акциялары ұйымдастырылып, бюджеттен тыс көздерден көмекке мұқтаж халықтың әлжуаз топтарынан шыққан 8143 адамға, оның ішінде 1000 нан астамы мүгедектігі бар адамдарға 124,1 млн.теңгеге қайырымдылық көмектер көрсетілді. 50 отбасы тұрғын-үймен қамтамасыз етілді. Мұндай қайырымдылық шаралар жалғасын табуда, – деді басқарма басшысының орынбасары Айгүл Ибраева.
</blockquote>
Айта кетейік, бүгінде облыста мүгедектігі бар адамдар саны 30921 болса, оның 5455-і балалар. Естуі бойынша мүгедектер – 330, көз мүгедектері – 831, кресло-арбаның көмегімен қозғалатындар – 1418 адам.

Қызылордада мүгедектігі бар жандарға қандай көмек көрсетіледі?

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Биылғы жылы аймақтағы 3 аудан орталығын газдандыру жұмыстары толық аяқталып, 46 мың тұрғын табиғи газбен қамтылды. Атап айтқанда, Жосалы, Жалағаш және Тереңөзек кенттері көгілдір отынның игілігін көруде. Алдағы уақытта аймақтағы ірі елді мекендерді газға қосу бойынша жұмыстар жасалуда. Бұл туралы Өңірлік коммуникациялар қызметінде өткен брифингте облыстық энергетика және тұрғын үй-коммуналдық шаруашылық басқармасы басшысының орынбасары Ерлан Жоламанов хабарлады.
<blockquote>
 «Облыс тұрғындарының табиғи газға қосылу үлесі 65 пайызды құрады. Бүгінде аймақтағы тіректі елді мекендерді газға қосу жұмыстары қарқынды жүруде. Атап айтсақ, өткен жылы Арал ауданыныдағы Жақсықылыш кенті, Қазалыдағы Ғ.Мұратбаев және Шиелідегі Байсын елді мекендеріне көгілдір отын жеткізілген. Ал биыл Қазалы қаласы, Шиелі ауданыныдағы Н.Бекежанов пен Ш.Қодаманов ауылдарына газ тарту жұмыстары басталып, қазіргі таңда құрылыс аяқталуға жақын. Қармақшы ауданындағы Төретам кенті мен Ақай ауылына ткөгілдір отын жеткізу жұмыстары 2022 жылдың соңына дейін жүзеге аспақ. Ол үшін жергілікті бюджеттен қаржы бөлінген. Қала маңындағы Наурыз және Ж.Махамбетов ауылдарын газдандыру үшін республикалық бюджеттен 500 млн теңгеге жуық ақша қаралып, жұмыс жоспар бойынша 2023 жылы аяқталуы керек. Сондай-ақ «Ауыл ел-бесігі» бағдарламасы аясында Қазалы ауданына қарасты Қ.Пірімов, Жалаңтөс батыр, Басықара ауылдарын газдандыру жоспарлануда, – деді Ерлан Ералыұлы.
</blockquote>

Қызылордада 3 аудан табиғи газға қосылды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысының шаруалары бір құжаттың салдарынан 20,6 млн теңгені мемлекетке қайтаруға мәжбүр болған еді. Кәсіпкерлер палатасының заңгерлері жауапты органнан дер кезінде түсіндірме хатын алып, мәселені шешіп берді.
Осы жылдың қазанында Қызылорда облысы кәсіпкерлер палатасына бір топ шаруа қожалық иелерінен ұжымдық өтініш түсті. Өтініште шаруалар жергілікті атқарушы орган мемлекеттен алған субсидияны қайтаруды талап етіп жатқанын жеткізіпті.
<blockquote>
 «Шаруа қожалықтары 2019 жылы күрішті өндіру шығындарын ішінара өтеуге бөлінген субсидияны алған болатынбыз. Алайда 6 қазанда ауыл шаруашылығы басқармасынан 14 күннің ішінде субсидияға берілген қаржыны қайтару туралы хат алдық. Аталған мәселені шешуге көмек көрсетулеріңізді сұраймыз», – деп жазылған шаруалардан түскен хатта.
</blockquote>
Жеті шаруа қожалықтан қайтаруды қажет ететін сома 20,6 млн теңгені құрайды.
Жергілікті атқарушы орган кәсіпкерлер субсидияны алуға арналған өтінімді беру барысында өңдеуші кәсіпорынмен жасаған ауыл шаруашылығы өнімін тапсыру туралы шарттарды тіркемеген деп отыр, яғни субсидия&nbsp; заңсыз төленген деп тұжырымдаған.
Кәсіпкерлер палатасының сарапшылары аталған салаға субсидияны төлеуге арналған нормативтік-құқықтық құжаттарды толықтай зерттеп, шаруалардың құжатынан қателік таппады.
<blockquote>
 «Кәсіпкерлер өтінім беру барысында келісімшарттардың сканерленген нұсқасын тіркемегенімен құжаттың нөмірін, қол қойылған күнін көрсеткен. Бұл жағдайда нақты бағасын уәкілетті орган ғана бере алады. Сол үшін біз өтінімге қоса шарттың сканерленген көшірмесін тіркеу міндеттілігіне қатысты түсіндірме беруді сұрап Ауыл шаруашылығы министрлігіне хат жаздық», – деп пікір білдірді Қызылорда облысындағы кәсіпкерлердің құқығын қорғайтын бизнес-омбудсменнің өкілі Салават Құлмахан.
</blockquote>
Ауыл шаруашылығы министрлігі Кәсіпкерлер палатасына көп күттірмей жауабын жолдады. Онда: «Қазақстан Республикасы Ауыл шаруашылығы министрінің 2020 жылғы 30 наурыздағы № 107 бұйрығымен бекітілген «Өсімдік шаруашылығы өнімінің шығымдылығы мен сапасын арттыруды субсидиялау қағидаларында» өтінімге қосымша ауыл шаруашылық тауарын өндірушілердің өңдеуші кәсіпорынмен жасалған ауыл шаруашылығы өнімін тапсыру туралы шарттардың сканерленген көшірмесін тіркеу талабы көрсетілмеген», – деп жазылған.
Бұл түсіндірме хат кәсіпкерлер тарапынан кемшілік жіберілмегенін дәлелдеді. Нәтижесінде облыстың ауыл шаруашылық тауарын өндірушілер мемлекеттен бөлінген субсидияны қайтармай, 20,6 млн теңгесін сақтап қалды.

Қызылордада шаруалар 20,6 млн теңгені мемлекетке қайтармайтын болды

<a href="https://kyzylorda-news.kz/ru/obshestvo/">Kyzylorda-news.kz</a>. 2021 жылғы 3 қарашадағы жағдай бойынша коронавирусқа қатысты Қазақстан өңірлеріндегі эпидемиологиялық ахуалды бағалау матрицасы жарияланды.
«Қызыл» аймақта: Қостанай, Павлодар, Ақмола, Солтүстік Қазақстан облыстары орналасқан.
«Сары» аймақта: Нұр-Сұлтан, Алматы қалалары, Қарағанды, Шығыс Қазақстан облыстары тұр.
«Жасыл» аймаққа: Шымкент қаласы, Ақтөбе, Атырау, Алматы, Батыс Қазақстан, Түркістан, Жамбыл, Қызылорда, Маңғыстау облыстары енген.

Қызылорда «жасыл» аймаққа өтті

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Мырзахан Сапарбек «Ауыл шаруашылығын қаржылай қолдау қоры» АҚ Қызылорда облыстық филиалынан осы жылдың ақпанында мемлекеттік бағдарлама аясында жеңілдетілген 4 млн теңге несие алады. Қор бүгінде 22 жастағы кәсіпкерден қаржыны айыппұлымен бірге 5 млн 66 мың теңге көлемінде қайтаруын сұрап отыр.
Қызылордалық Мырзахан Сапарбек жеке кәсіппен айналысу үшін жыл басында «Ауыл шаруашылығын қаржылай қолдау қоры» АҚ Қызылорда облыстық филиалы арқылы 4 млн теңге несие алады. Бұл қаржыға 10 бас жылқы алып, кәсібін жүргізеді. Жас кәсіпкерге мемлекеттік бағдарлама аясында каникул кезеңін бергені, яғни ай сайынғы несие бойынша төлемді 6 айдан кейін жасауға болатыны ерекше ұнайды.
Алайда тамызда жеке сот орындаушысынан шұғыл түрде қорға 5 млн 66 мың теңге, қосымша атқару парағы үшін 14 мың теңге шамасында өндіру туралы шешім келгенде кәсіпкер абдырап қалады.
<blockquote>
 «Сот орындаушысының шешімін алғанда бастапқыда қорқып қалдым. Себебі кәсібімді енді бастадым. Оның үстіне қолымда осыншалықты мол қаржы да жоқ. Несиеге алған қаржыға 10 бас жылқы алып қойғанмын. Кәсіпкерлер палатасы көмектесе алады дегенді естіп, осы ұйымнан құқығымды қорғауын сұрадым», – дейді жас кәсіпкер.
</blockquote>
Мырзахан Сапарбектің айтуынша, «Ауыл шаруашылығын қаржылай қолдау қоры» АҚ Қызылорда облыстық филиалы несие қаражатының жұмсалу мақсатына күмәнданып, ақшаны қайтар деп талап еткен.
<blockquote>
 «Қордың мамандары мен үйде болмаған уақытта келіп, мониторинг жасапты. Несиеге мал алынбаған деп ақшаны қайтаруымды талап етті», – дейді кәсіпкер.
</blockquote>
Кәсіпкерден қаржыны қайтару туралы шешім қордың өтініші бойынша нотариустың талабы арқылы шығады. Қызылорда облысы кәсіпкерлер палатасының заңгерлері кәсіпкердің мәселесін зерделеу барысында шешімнің талапқа сай келмейтінін анықтап, кәсіпкерге қарсылық білдіріп хат жолдауды ұсынады. Кәсіпкерлер палатасының мамандары хаттың мәтінін әзірлеп те береді.
<blockquote>
 «Нотариат туралы» заң бойынша нотариустар борышкер міндеттеменің орындалмауын мойындаған жағдайда атқарушылық жазба негізінде берешекті өндіріп алады. Оның ішінде борышкер дауды сотқа дейін реттеу тәртібімен өндіріп алушыға жіберілген наразылыққа жауапта мойындау керек. Негізі атқарушылық жазба даусыз талаптар бойынша жүргізіледі. Ал біздің кәсіпкеріміздің жағдайында, Мырзахан Сапарбек атқарушылық жазбаның шыққанын білмеген. Іс жеке сот орындаушысына өтіп кетіп, есепшоттары жабылғанда ғана бір-ақ білген. Осы жағдайлардың бәрін негізге алып, кәсіпкердің тиісті құжаттарын әзірлеп бердік», – дейді Кәсіпкерлер палатасы директорының орынбасары, Қызылорда облысындағы бизнес-омбудсменнің өкілі Салават Құлмахан.
</blockquote>
Кәсіпкердің қарсылық хатынан кейін нотариус атқарушылық хатының күшін жою жөнінде қаулы шығарды. Ал кәсіпкер «Ауыл шаруашылығын қаржылай қолдау қоры» АҚ Қызылорда облыстық филиалына несиені мақсатты алғанын дәлелдеу үшін кәсібін көрсететін болып келісті.

Қызылордада жас кәсіпкер 5 млн теңге көлемінде шығынға ұшырай жаздады

<a href="https://kyzylorda-news.kz/">Kyzylorda-news.kz.</a>&nbsp;Қызылордалық кәсіпкер Жасұлан Әбілов 2019 жылдан бастап сұйық травертин өнімдер өндірісін қолға алып, қала және аудан тұрғындарының сұранысын қанағаттандыруда.
Кәсіпкер 2021 жылы «Микробизнес Қызылорда» өңірлік инвестициялық орталығы» арқылы 2 пайыздық несиелендіру бойынша 10 млн. теңге қаражатқа ие болды. Жасұлан Әбілов бұл қаражатқа цехты кеңейтуді жоспарлап отыр.
<blockquote>
 «Сұйық травертин өнімін өндіру үшін белгілі бір дағдылар қажет. Сондықтан мамандарды Алматы қаласы мен Қырғызстан еліне тәжірибе жинақтауға жібереміз,» – дейді кәсіпкер.
</blockquote>
Цехта тапсырыс берушінің сұранысына сәйкес сұйық травертин көмегімен текстураның әр түрлі түрлері дайындалады. Сәндік ерекшеліктерінің арқасында интерьерге түрлі көрініс беруге болады.
Айта кетейік, бүгінде кәсіпкерлік нысанда 6 адам жұмыспен қамтылған.
<img src="https://kyzylorda-news.kz/wp-content/uploads/2021/11/252343503_2953951088204963_5484755373717325613_n.jpg" alt="" />
<img src="https://kyzylorda-news.kz/wp-content/uploads/2021/11/252318859_2953951008204971_8391196822819993841_n.jpg" alt="" />

Қызылордалық кәсіпкер сұйық травертин өнімдерін өндіруде

<a href="https://kyzylorda-news.kz/">Kyzylorda-news.kz.</a> Бүгінгі күні аймағымызда санитарлық – эпидемиологиялық ахуал біршама тұрақталып келеді. Дегенмен, күн сайын халық арасында коронавирус індетін жұқтырғандар анықталып, мамандар бақылуына алынуда. Бұл сақтық шараларына селсоқ қарауға болмайтынын аңғартады. Осы жайында Өңірлік коммуникациялар қызметінде өткен брифингте дәрігер мамандар карантиндік талаптарды қатаң ұстап, екпе алуға шақырды.
<blockquote>
 «Коронавирус індетін жеңудің жалғыз жолы – вакцина салдыру болып отыр. Мен екпені алғаш қабылдаған медицина саласы мамандарының бірімін. Бүгінде денсаулығыма қатысты ешқандай шағымым жоқ. Күнделікті үйіме еш алаңсыз барып, жақындарыммен емен – жарқын араласа аламын. Барлық жерлестерімді екпе алуға шақырамын. Әр адамның саулығы – өз қолында», – деді облыстық психикалық денсаулық орталығының аға мейірбикесі Ақмарал Матаева.
 «Коронавирус індеті адам өміріне үлкен қауіп төндіретін дерт. Науқастардың ортақ клиникалық белгілеріне дене қызуының көтеріліп, тыныс жолдарының тарылып, өкпенің жұмыс жасауы қиындайтындығы жатады. Облыстық психикалық денсаулық орталығына қарасты «Сейхун» провизорлық стационарында еңбек еткен тұста, талай ем алушының ауа жетіспегеннен қиналғанын көзімізбен көріп, қажетті медициналық көмек көрсеттік. Біздің қоғам алдындағы міндетіміз деп есептейміз», – деді облыстық психикалық денсаулық орталығының мейірбикесі Айжамал Сайпырова.
</blockquote>

Қызылордада санитарлық–эпидемиологиялық ахуал тұрақталып келеді

<a href="https://kyzylorda-news.kz/">Kyzylorda-news.kz.</a>&nbsp;Әлеуметтік медициналық сақтандыру қоры жыл сайын профилактикалық медициналық тексерулерді қаржыландыруға қаражат бөледі. Биыл осы мақсат үшін 9,6 млрд теңге жоспарланған. Уақытында жүргізілген тексерулер аса ауыр ауруларды ерте кезеңде анықтауға және емдеуді бастауға көмектеседі.
Скринингтік тексерулерді өткізіп алмау неліктен маңызды және оны қалай жасауға болатындығы туралы қысқаша шолу дайындадық.
**Скрининг дегеніміз не және ол не үшін қажет? 
**Скрининг – бұл шағымдары жоқ белгілі бір жастағы адамдарды ауруларды ерте сатысында анықтау және алдын алу үшін профилактикалық медициналық тексеру.
Яғни, емханаға бір рет бару арқылы сіз арнайы тексеру әдістерін қолдана отырып, қатерлі ісік немесе басқа аурулардың болуының (скрининг түріне байланысты) алдын аласыз немесе олардың пайда болу ықтималдығын уақытында анықтай аласыз.
**Сақтандыру қажет пе? 
**Профилактикалық қарап-тексеру және скрининг бойынша медициналық көмек ТМККК және МӘМС бойынша көрсетіледі. Яғни учаскелік дәрігердің қабылдауы ТМККК шеңберінде жүргізіледі, сондықтан сақтандырылған тұлға мәртебесі қажет емес. Алайда пациентті консультациялық-диагностикалық қызметтерге (кардиолог, эндокринолог және офтальмологтың консультациясы, талдаулар алу, рентгеннен өту немесе қандай да бір басқа тексерулерден өту) жіберу үшін түлғаның сақтандырылған мәртебесі болу керек, өйткені бұл қызметтер МӘМС жүйесінде көрсетіледі.
2021 жылға Әлеуметтік медициналық сақтандыру қоры скринингтік зерттеулерге 9,6 млрд. теңгеден астам қаражат бөлді (салыстыру үшін: өткен жылы 4,6 млрд. теңге жұмсалды). 2021 жылдың 9 айының қорытындысы бойынша 4,6 млрд теңгеден астам сомаға скрининг қызметі көрсетілді.
**Кімге және қандай скринингтік тексеруден өту қажет? 
**30-39 жас аралығындағы әйелдер мінез-құлық қауіп факторларын ерте анықтау мақсатында скринингтен өтеді. Темекі шегу, дұрыс тамақтанбау, дене белсенділігінің төмен болуына немесе алкогольді шамадан тыс тұтынуға байланысты пациентке салауатты өмір салты мен дұрыс тамақтану жөнінде ұсынымдар беріледі.
40-тан 70 жасқа дейінгі ерлер мен әйелдер артериялық гипертонияны, жүректің ишемиялық ауруын, қант диабетін және глаукоманы ерте анықтау үшін скринингтен өтеді. Мужчины и женщины в возрасте от 40 до 70 лет проходят скрининг на раннее выявление артериальной гипертонии, ишемической болезни сердца, сахарного диабета и глаукомы. Қан қысымының, холестериннің, қан глюкозасының деңгейі және дене салмағының индексі анықталады.
30-дан 70 жасқа дейінгі әйелдер жатыр мойны обырын ерте анықтауға тексеруден өтеді, оның ішінде ПАП-тест және тереңдетілген диагностика – (бейне) кольпоскопия, биопсия және гистологиялық зерттеу, бейінді мамандардың консультациясын алады.
40-тан 70 жасқа дейінгі әйелдер сүт безі обырын ерте анықтауға-екі проекцияда маммографияға тексеруден өтеді. Қажет болған жағдайда тереңдетілген диагностика – нысаналы маммография, сүт бездерінің УДЗ, трепанобиопсия, пункциялық немесе аспирациялық биопсия, гистология, бейінді мамандардың консультациясы жүргізіледі.
50-ден 70 жасқа дейінгі ерлер мен әйелдер гемокульт-тесттің көмегімен колоректалдық обырды ерте анықтауға тексеруден өтеді немесе қажет болған жағдайда тереңдетілген диагностика – жаппай бейне колоноскопия, оның ішінде наркоз, эндоскопиялық шертпелі биопсия, гистологиялық зерттеу арқылы мамандардың консультациясын алады.
Скринингтер өткізу «Скринингтік зерттеулерге жататын адамдардың нысаналы топтарын, сондай-ақ осы зерттеулерді жүргізу қағидаларын, көлемі мен кезеңділігін бекіту туралы» ҚР ДСМ м.а. № 174 бұйрығымен регламенттеледі.
Скринингтен қалай өту керек?
Көңіл-күйіңізге, денсаулығыңызға ешқандай шағым болмаса да, скринингтен міндетті түрде өту қажет. Профилактика – сіздің денсаулығыңызды қорғаудың маңызды әдістерінің бірі. Бүкіл әлемдегі медицина қазір дәрігерлердің, мемлекеттің ғана емес, азаматтардың өздерінің де денсаулығы үшін ортақ жауапкершілікті көтеруге шақырады. Сондықтан жасына қарай жасалынатын тексерулерді өткізіп алуға болмайды.
Әдетте, пациент тіркелген емхананың учаскелік медбикесі оны скринингтен өтуге шақырады. Алайда, сіз ол жерге жеке куәлігіңіз қолыңызда болса, өздігіңізден хабарласа аласыз.
Әрбір емханада скринингтік кабинеттер құрылған, онда дәрігер өмір салты мен тамақтану рационы, зиянды әдеттердің, тұқым қуалайтын аурулардың болуы туралы сұрақтар қояды, бойын, салмағын, қан қысымын өлшейді, қандағы қант пен холестерин деңгейін тексереді. Содан кейін қажет болған жағдайда пациент қосымша тексеруге немесе бейінді маманның кеңесіне жіберіледі. Жүргізілетін іс-шаралар тізбесі скринингтік зерттеу түріне байланысты болады.
Халық денсаулығы және денсаулық сақтау жүйесі туралы кодексте қызметкерлерге скринингтік зерттеулерден өту үшін жыл ішінде 3 жұмыс күніне дейін әлеуметтік демалыс берілетінін білу маңызды. Яғни, жұмыс беруші өз қызметкерін оның лауазымы мен орташа жалақысын сақтай отырып, скринингтен өтуге кедергісіз босатуы керек.
Егер сұрақтарыңыз болса, сіз оларды емханаңыздан пациенттерге қолдау көрсету қызметіне хабарласып сұрай аласыз. Егер сізге сол жерде көмектесе алмаған жағдайда, онда сіз ыңғайлы байланыс арнасы арқылы Әлеуметтік медициналық сақтандыру қорына өтініш жібере аласыз: fms.kz ресми сайты, 1406 байланыс орталығы, Telegram-да SaqtandyryBot және Qoldau 24/7 мобильді қосымшасы.
<img src="https://kyzylorda-news.kz/wp-content/uploads/2021/11/skrining_kaz.jpg" alt="" />

Скринингтік зерттеулер туралы не білу қажет?

<a href="https://kyzylorda-news.kz/">Kyzylorda-news.kz.</a>&nbsp;Қызылордалық жас кәсіпкер Даулет Ізбасарұлы 2021 жылдан бастап сабын шығаруды қолға алды.
Кәсіпкер биылғы жылы «Бизнестің жол картасы – 2025» мемлекеттік бағдарламасы аясындағы грантқа қатысып, 4,5 млн. теңге қаржылай қолдауға ие болды.
Ұтып алған гранттық қаржыға цехты кеңейту және «Ұнтақ өндірісі» жобасын жүзеге асырмақ.
<blockquote>
 «Қазіргі таңда ұнтақ өндіруге мүмкіндік беретін цех құрылысын жүргізудеміз. Алдағы уақытта «Таза ұнтақ» атауымен сатылымға шығармақпыз. Ал, бүгінде табиғи таза, сапасы жоғары сабын өнімдерінің өлшеміне қарай 5 түрін өндірудеміз. Цехта 20-дан астам адам еңбек етеді», – деді жас кәсіпкер.
</blockquote>
Қазір шағын цех бір күнде орта есеппен 1500 дана сабын шығарады.
Қызылорда облысы тұрғындарының сұранысын қамтамасыз етіп отырған өнімдер Нұр-Сұлтан, Ақтөбе өңірлеріне де тасымалданады.

Қызылорданың сабыны Нұр-Сұлтан, Ақтөбе қалаларына тасымалданады

<a href="https://kyzylorda-news.kz/">Kyzylorda-news.kz.</a>&nbsp;Қазақстанда күздің үшінші айы жаңашылдықтарға толы болмақ. Бүгіннен бастап мектеп оқушылары күзгі демалысқа шықты, бірқатар тас жол енді ақылы, ал денсаулық министрлігі ревакцинация науқанын бастауды көздеп отыр, деп хабарлайды <a href="https://sputnik.kz/society/20211101/18541787/qazaqstan-1-qarasha-ozgerister.html">Sputnik Қазақстан</a>.
**Қайта вакциналау науқаны 
**Денсаулық сақтау министрлігі қараша айының үшінші онкүндігінен халықты ревакцинациялауды жоспарлап отыр. Қайта вакциналау кезінде адамдарға вакцинаның тек бір дозасы егіледі.
<blockquote>
 “Коронавирусқа қарсы вакциналаудың толық курсы аяқталғаннан кейін 6-9 айдан соң қосымша доза салдыру ұсынылады”, – деген еді денсаулық министрі Алексей Цой.
</blockquote>
Спутник V вакцинасын салдырғандар 9 айдан кейін инактивтелген Sinopharm, CoronaVac, Hayat-Vax, QazCovid-in немесе Pfizer вакцинасын ала алады.
Ал, керісінше, Sinopharm, CoronaVac, Hayat-Vax, QazCovid-in вакцинасы егілгендерге 6 айдан соң векторлық Спутник V немесе м-РНК-вакцина (Pfizer) салынады.
Pfizer салғызғандарға алты айдан кейін инактивтелген Sinopharm, CoronaVac, Hayat-Vax, QazCovid-in немесе векторлық Спутник вакцинасын қайта салу ұсынылады.
**Ақылы жолдар 
**1 қарашадан бастап Қазақстанда автокөлік жолдарының 7 учаскесі ақылы болады.
Олар:
Нұр-Султан – Павлодар, 
Шымкент – Өзбекстан шекарасы (Ташкентке қарай), 
Щучье – Көкшетау, 
Қапшағай – Талдықорған, 
Шымкент – Тараз, 
Тараз – Қайнар, 
Шымкент – Қызылорда. 
Бұл учаскелердің тарифі қазіргі ақылы жолдардың бағасымен бірдей болады. Жолақы құны автокөлік түрі мен бағдар ұзақтығына байланысты.
Мысалы Нұр-Сұлтан-Павлодар тас жолымен жүретін жеңіл автокөліктер 380 теңге төлесе, автобустар үшін жол ақы 1 870 теңгеден 5 610 теңгеге дейін. Ал жүк көліктері үшін 1 870 теңгеден 9 380 теңгеге дейінгі аралықта болады.
Жол ақысын интернет-банкинг, төлем терминалдары, сондай-ақ SMS арқылы төлеуге болады.
**Оқушыларда каникул басталды 
**Қазақстан мектептерінде бірінші тоқсан аяқталды. Оқушылар бірінші қарашадан күзгі демалысқа шықты. Каникул тура бір аптаға созылады. Дүйсенбі, 8 қарашада балалар мектепке қайта оралады. 
<img src="https://kyzylorda-news.kz/wp-content/uploads/2021/11/18541869.png" alt="" />
Келесі каникул – Жаңа жылда. Қысқы демалыс 30 желтоқсаннан 9 қаңтарға дейін созылады.
Ал көктемде 12 күн – 19 мен 30 наурыз аралығында демалады.
1-сыныптар үшін қосымша жеті күн демалыс берілген, ол 2022 жылдың 7-13 ақпанына тура келеді.
**Магистратураға құжат қабылдау 
**Білім саласында тағы бір жаңалық бар. Бүгін, 1 қарашадан магистратураға түсу үшін екінші рет өткізілетін кешенді тестілеуге құжат қабылдау басталады.
Ол үшін Ұлттық тестілеу орталығының app.testcenter.kz сайтында тіркелу қажет. Құжат 1-15 қараша аралығында қабылданады. Кешенді тестілеу 18 қараша мен 11 желтоқсан аралығында өтеді. Тесті сәтті тапсырған үміткердің магистратураға бөлінген грантты ұтып алуға мүмкіндігі бар.
Үміткерлер дәстүрлі түрде шет тілі, білім бағдарламалары тобының бейіні бойынша және оқуға дайындығын анықтау бойынша тест тапсырады. Шет тілін меңгергенін растайтын халықаралық сертификаты бар адамдар автоматты түрде тестілеуден босатылады.
Мемлекеттік білім тапсырысы және ақылы негізде ғылыми-педагогикалық магистратураға түсу үшін шекті балл – 75, бейінді магистратура үшін 50 балды құрайды.
Магистратураға білім гранттарын тағайындау конкурсына құжаттар 25 желтоқсанға дейін қабылданады. Магистратураға қабылдау 26 желтоқсан мен 10 қаңтар аралығында өтеді.
Бұған дейін білім министрі Асхат Аймағамбетов магистратураға оқуға қабылдау жылына екі рет өткізілетінін хабарлады. Жазда грантқа түсе алмағандар және бұрын кешенді тестілеу тапсырмағандар үшін күзде екінші мәрте кешенді тестілеу ұйымдастырылады.
**Дизель отыны 
**Қараша айында Қазақстаннан бензин және дизель отынын шығаруға тыйым салу мерзімін ұзарту жоспарланып отыр. Тыйым жарты жылға енгізіледі деп күтілуде. Бұйрық әзірге ресми түрде қабылданған жоқ, мемлекеттік органдарда талқыланып жатыр.
Қазір елдегі дизель отынының тапшылығы көп адамды мазалап жүр. Энергетика министрлігінің мәліметінше, тамыз айының соңынан бері дизель қоры азая бастаған. Оған Қазақстанда жанар-жағармай бағасының төмен болуы да әсер етті. Жүк көліктерінің дені, “солярканы” Қазақстаннан құйып алуға тырысады.
Тапшылықпен күресу үшін үкімет бензин мен дизель отынын Қазақстаннан шығаруға тыйым салды.
**Ең арзан пәтерден құр қалмаңыз 
**Нұр-Сұлтанда жастардан сатып алу құқығынсыз жалға берілетін баспанаға өтінім қабылдау басталады.
Арендалық тұрғын үй тек жұмыс істейтін жастарға бес жылға беріледі. Яғни, 5 жылдан кейін пәтерді босату керек. Бірақ осы мерзім ішінде жастардың өз үйін сатып алуға ақша жинауға мүмкіндігі болады.
Мысалы, қазір елордалық жастар ай сайын 90 000 – 120 000 теңгеге пәтер жалдап тұрса, арендалық баспанаға небәрі 5 000 – 15 000 теңге төлейді.
Құжат тек электронды түрде тапсырылады.
Байқау шарттары:
29 жасқа толмаған Қазақстан азаматы; 
аяқталған орта/арнайы орта/жоғары/жоғары оқу орнынан кейінгі білім және ресми жұмыстың болуы; 
Нұр-Сұлтан қаласында соңғы 2 жылдан кем емес тұрақты үздіксіз тіркелу; 
өтініш берушінің және отбасының барлық мүшесінің меншігінде баспананың болмауы; 
төлем қабілеттілігін растау (ай сайынғы табыс кемінде 116 680 теңге/соңғы 6 айда 40 АЕК). 
Құжат тапсырған тұрғындар арасында іріктеу балдық жүйе бойынша жүргізіледі. Өтінімді қарау кезінде отбасындағы бала саны, еңбек өтілі, кәсіби жетістіктер, жұмыс орны, банктегі жинақтары ескеріледі.
**Еуропаға әуе рейсі 
**4 қарашадан “Северный ветер” (Nordwind) әуе компаниясы Қазақстаннан Ресейдің Калининград қаласына рейстер ашады. Әуе рейсі апта сайын орындалады.
Калининградқа Нұр-Сұлтаннан (сенбі сайын) және Алматыдан (бейсенбі сайын) жетуге болады. Жолаушыларды Boeing-737 тасымалдайды.
Калининград облысы Еуропаның қақ ортасында, Польша мен Литва арасында орналасқан.
**Аяқ киімді міндетті таңбалау 
**Қазақстанда 1 қарашадан бастап аяқ киім өндірушілер мен импорттаушылар тауарды міндетті түрде таңбалауы керек. Цифрлық Data Matrix коды жоқ аяқ киімдерді елге әкелуге тыйым салынады.
Бұл шара нарықтағы контрафактілік өнімдерді азайтады деген жоспар бар. Мемлекеттік кірістер комитетінің дерегі бойынша аяқ киімнің көлеңкелі нарығы жалпы көлемнің шамамен 48,5%-ін құрайды. Міндетті таңбалаудың арқасында осы көрсеткішті төмендетуге мүмкіндік бар. Ал тұтынушылар Naqty Onim мобильді қосымшасы арқылы таңбаланған тауардың түпнұсқалығын оңай тексере алады.
Егер кәсіпкер аяқ киімді таңбалап үлгермесе, оған мұндай тауарларды 2022 жылдың сәуіріне дейін сатуға мүмкіндік беріледі. Осы мерзімнен кейін таңбаланбаған аяқ киімдерді сатуға мүлде тыйым салынады.
Егер цифрлық таңбалау міндеті 1 сәуірге дейін де орындалмаса, кәсіпкер тауарды 2022 жылдың 1 қарашасына дейін таңбалауға міндетті болады.
Қазақстандық өндірушілер аяқ киімді өндірісте, яғни сатуға шығарылғанға дейін, ал импорттаушылар үшінші елдер аумағында немесе Қазақстанның кеден қоймаларында таңбалауға тиіс.

Бүгіннен бастап «Шымкент – Қызылорда» тас жолы ақылы болады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1730 адам коронавирус індетінен емделіп шықты, деп хабарлайды coronavirus2020.kz.
Өңірлер бойынша:
Нұр-Сұлтан қаласы – 300,
Алматы қаласы – 175,
Шымкент қаласы – 11,
Ақмола облысы – 122,
Ақтөбе облысы – 18,
Алматы облысы – 157,
Атырау облысы – 62,
Шығыс Қазақстан облысы – 133,
Жамбыл облысы – 11,
Батыс Қазақстан облысы – 206,
Қарағанды облысы – 155,
Қостанай облысы – 10,
Қызылорда облысы – 26,
Маңғыстау облысы – 132,
Павлодар облысы – 141,
Солтүстік Қазақстан облысы – 29,
Түркістан облысы – 42.
Жалпы, пандемия басталғалы елімізде коронавирус 940 612 адамнан анықталса, соның ішінде 887 705 науқас жазылды.

Қызылордада коронавирустан жазылғандар бар

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1395 адамда коронавирус ПТР-талдау арқылы расталды, деп хабарлайды coronavirus2020.kz.
Өңірлер бойынша:
Нұр-Сұлтан қаласы – 151,
Алматы қаласы – 206,
Шымкент қаласы – 9,
Ақмола облысы – 120,
Ақтөбе облысы – 37,
Алматы облысы – 86,
Атырау облысы – 20,
Шығыс Қазақстан облысы – 95,
Жамбыл облысы – 7,
Батыс Қазақстан облысы – 29,
Қарағанды облысы – 138,
Қостанай облысы – 115,
Қызылорда облысы – 26,
Маңғыстау облысы – 2,
Павлодар облысы – 198,
Солтүстік Қазақстан облысы – 143,
Түркістан облысы – 13.
Жалпы, пандемия басталғалы елімізде коронавирус 940 612 адамнан анықталды.

Қазақстан және Қызылорда облысының жаңалықтары: Басты жаңалықтар old