<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облыстық әкімі Гүлшара Әбдіқалықованың төрағалығымен мүгедектігі бар азаматтарға әлеуметтік қорғау шаралары саласындағы Үйлестіру кеңесінің отырысы өтті.
Жиынға облыс әкімінің орынбасары Балжан Шаменова, облыс әкімінің мүгедектер істері жөніндегі кеңесшісі Нұрмұрат Ерманов, Қызылорда облыстық мүгедектер қоғамы қоғамдық бірлестігінің төрағасы Мұрат Жұмаділдаев, «Самұрық» инновациялық идеяларды дамыту орталығы» қоғамдық қорының директоры Жандос Тұсмағамбетов, «Қызылорда қалалық мүгедектер қоғамы» қоғамдық бірлестігінің төрағасы Сәкен Алдашбаев және І топ мүгедегі, белсенді азаматтар Сағатбек Сиюов пен Александр Ульяновский қатысты. Сондай-ақ, тиісті салалық басқарма мен департамент басшылары және онлайн режимде қала, аудан әкімдері ортақ мәселелерді талқылады.
Облыс әкімі мүгедектігі бар азаматтар үшін қолайлы орта құру, оларды әлеуметтік қолдау, жұмыспен және қажетті оңалту бағдарламалардың орындалу барысын саралап, жауапты сала басшыларының есебін тыңдады.
<blockquote>
 «Мемлекет басшысы Қасым-Жомарт Кемелұлы Тоқаев мүгедектігі бар адамдар мен жүріп-тұруы шектеулі басқа да азаматтар үшін «есіктен есікке дейін қағидаты» бойынша кедергісіз қолжетімділікті қамтамасыз ету шараларын қабылдауға міндеттер қойды.Бұл бағытта мемлекеттік органдар мен меншік нысанына қарамастан барлық мекемелер тиісті жұмыстарды атқарса да, бірақ әлі де реттелуі тиіс жұмыстар бар. Мәселен, Мен өзім қаладағы мемлекеттік және мемлекеттік емес бірнеше нысандарды аралап көрдім, пандустардың өзі нормативтерге сәйкес келмейді», – деді Гүлшара Әбдіқалықова.
</blockquote>
Аймақ басшысы мүгедектігі бар жандарға арналған пандустардың орнатылуы көп жағдайда сын көтермейтінін алға тартты. Мұндай келеңсіздіктерге жол бермес үшіннысандарды қабылдауда үкіметтік емес ұйымдар мен ерекше күтімді қажет ететін адамдарды қатыстыру керектігін тілге тиек етті.
Басқарма басшысы Гаухар Қалмақова мүгедектігі бар адамдарды әлеуметтік оңалту мәселелері және Үйлестіру кеңесі мәжілісінің хаттамалық тапсырмаларының орындалуы барысын баяндады.Сондай-ақ, өткен жылы әзірленген мүгедектігі бар адамдардың құқықтарын қамтамасыз ету және тұрмыс сапасын жақсарту жөніндегі 2025 жылға дейінгі Жол картасының орындалу барысына тоқталды.
Отырыста Қызылорда қаласының әкімі Ғанибек Қазантаев облыс орталығында кедергісіз орта қалыптастыру, мүгедектерді жұмыспен қамту шараларын тізбектеді. Қала әкімі 2021 жылға жоспарланған 34 нысан толығымен ұлттық стандарттарға сәйкестендірілгенін және мүгедектігі бар азаматтарды жұмыспен қамту мақсатында қаладағы мекемелердің жұмыскерлердің тізімдік санына қарай 2-ден 4 пайызға дейінгі мөлшерде квота бекітілгенін мәлімдеді. Сонымен бірге, өңірде қараша айынан бастап мемлекеттік әлеуметтік тапсырыс шеңберінде «Ten Qogam» әлеуметтік жобасы жүзеге асырылатын болады. Жоба аясында мүмкіндігі шектеулі азаматтарға әлеуметтік, құқықтық, психологиялық көмек көрсету, жұмыспен қамтуға жәрдемдесу, өз ісін бастауда кәсіпкерлікке баулу, әлеуметтік дағдыларды үйрету шараларын іске асыру жоспарланған.
Жиын барысында басқарма басшылары мен аудан әкімдері облыс аумағында әлеуметтік маңызды нысандардың мүмкіндігі шектеулі азаматтарға қолжетімділігін бейімдеу жұмыстарын да баяндады.
Ортақ мәселелер талқыланған жиында Сағатбек Сиюов пен Александр Ульяновскиймүгедек жандардың қала ішіндегі әлеуметтік нысандарда жүріп тұру қозғалысы, пандустардың ыңғайлылығы, нысандарды пайдалануға беру ісіндегі комиссияға мүгедектігі бар адамдарды қосу мәселелерін көтерді.
Кеңес отырысын қорытындылаған аймақ басшысы облыстық жұмыспен қамтуды үйлестіру және әлеуметтік бағдарламалар басқармасына Қызылорда қаласы және аудан әкімдерімен бірлесіп, мүгедектігі бар адамдарды оңалту бағытындағы жұмыстарды үйлестіруді және әлеуметтік қызметтер порталын қолдану бойынша мүгедектігі бар азаматтарғатүсіндірме жұмыстарын күшейтуді тапсырды. Сондай-ақ, облыстық құрылыс, сәулет және қала құрылысы басқармасына мүгедектігі бар адамдар мен жүріп-тұруы шектеулі басқа да азаматтар үшін қолданыстағы жәнежаңадан салынатын тұрғын үйлерді, қоғамдық ғимараттарды бейімдеу жұмыстарынжүргізу, қала және аудан әкімдеріне мүмкіндігі шектеулі азаматтарды арнайы көлікпен қамту және жұмысқа жарамды мүгедектігі бар адамдарды тұрақты жұмыс орнымен қамтылуына жағдай жасауды тапсырды.
Тапсырмалардың орындалуын бақылау облыс әкімінің орынбасары Балжан Шәменоваға жүктелді.
Айта кетейік, өткен айда аймақ басшысы белсенді жас Сағатбек Сиюовпен Қызылорда қаласының бірқатар нысанын аралап, олардың мүгедектігі бар азаматтар үшін қолжетімділігін тексерген болатын. Облыс көлемінде 30 мыңнан астам ерекше күтімді қажет ететін адам бар болса, оларға қолайлы орта қалыптастыру мен тең мүмкіндік тудыру баста назарда болатынын айтқан еді.

Гүлшара Әбдіқалықова: Пандустар нормативке сәйкес келмейді

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қармақшы ауданы 2021-2022 жылғы жылу маусымына дайын. Қазіргі таңда ауданға 181 вагон, яғни, барлығы 20535 тонна қатты отын жеткізілді. Оның 2790 тоннасы әлеуметтік нысандарға таратылса, 17745 тоннасы тұрғындарға сатылды. Жоспардың орындалуы тұрғындар бойынша 91 пайызды құраса, әлеуметтік нысандар бойынша 93 пайызды құрап отыр дейді Өңірлік коммуникациялар қызметінде өткен брифингте Қармақшы ауданы әкімінің орынбасары Жандос Қойшыбаев.
Бүгінде ауданның барлық әлеуметтік нысандарында күзгі-қысқы жылу беру маусымының дайындығы күнделікті бақылауға алынған. Аудан бойынша көмір бағасын тұрақтандыру мақсатында барлық қатты отын тасымалдаушы кәсіпкерлер мен аудан әкімі арасында меморандум әзірленіп, қол қойылды. Бүгінде Қармақшы ауданы бойынша қатты отын тасымалдаумен 4 кәсіпкер айналысады. Көмір бағасы Жосалы кентінде Шұбаркөл маркалы көмір – 17 мың теңгеден, Майкөбен маркалы көмір – 18 мың теңгеден, Богатырь маркалы көмір 13 мың 500-15 мың теңгеден сатылуда. Төретам кентінде Шұбаркөл маркалы көмір – 15 мың 500 теңгеден сатылуда.

Қармақшыға 20 мың тоннадан астам көмір жеткізілді

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Облыс әкімі Гүлшара Әбдіқалықованың төрағалығымен әлеуметтік маңызы бар азық-түлік пен азық-түлік емес тауарлардың бағасын тұрақтандыру бойынша кеңейтілген отырыс өтті. Жиынға облыс әкімінің орынбасарлары, тиісті салалық басқарма мен департамент басшылары және онлайн режимде қала, аудан әкімдері қатысты.
Жиынның күн тәртібінде 3 мәселе қаралды. Атап айтқанда, облыстағы тұтыну бағасының индексі, әлеуметтік маңызы бар азық-түлік пен азық-түлік емес тауарлардың бағаларын ұстап тұруға бағытталған шараларды саралау.
Алдымен облыс бойынша статистика департаментінің басшысы Мәриям Баекеева атқарылған жұмыстар бойынша есеп беріп, нақты көрсеткіштерге тоқталды.
Облыста тұтыну бағаларының индексі өткен жылдың осы кезеңімен салыстырғанда 106,8% құрады. Азық-түлік тауарларына бағалар – 8,3%, азық-түлік емес тауарларына – 6,7%, халыққа арналған ақылы көрсетілетін қызметтер – 4,9%-ға өскен.
Отырыс барысында аймақ басшысы Президент Қасым-Жомарт Тоқаевтың Үкіметке және Ұлттық банкке инфляцияны 8,5 пайыз деңгейінде ұстап тұру тапсырмасына сәйкес өңірдегі көрсеткішті осы межеге жеткізу керектігін тілге тиек етіп, жауапты сала басшыларына бірқатар міндеттемелер жүктеді.
Күн тәртібіндегі екінші мәселе бойынша облыстық ауыл шаруашылығы басқармасының басшысы Талғат Дүйсебаев негізгі азық-түлік бағаларын тұрақтандыру мәселесіндегі басты басымдықтарды атады.
Аймақта бағаның негізсіз өсуіне жол бермеу үшін облыстың тұрақтандыру қорынан тауарлық интервенциялар жүргізу механизмі қолға алынған. Нәтижесінде, тұрақтандыру қорында 189,1 млн. теңгенің 1161,4 тонна тауарлары сақталып отыр. Ал, 19 әлеуметтік маңызы бар өнімдері бойынша үш айлық қажеттілік 68,3 мың тоннаны құраса оның жеткізілуі 59,2 мың тоннаны құрады. Осы қажетті өнім көлемін облыс бойынша қамтамасыз ету үшін «Байқоңыр» ӘКК» АҚ арқылы 1685,4 тонна әлеуметтік маңызы бар өнімдерді жеткізу бойынша келісім алынса, 1900 тонна өнімді мемлекеттік сатып алу арқылы жүргізу жоспарланды.
Өңірде азық-түлік бағаларына деген қолжетімділікті арттыру үшін жәрмеңкелер ұйымдастыру қолға алынды. Жыл басынан бері тұрғындар үшін тұрақты түрде 35 рет ауыл шаруашылығы жәрмеңкесі өткізілді.
Талғат Тұрсынұлы бекітілген шекті мәннен бөлшек сауда бағасы 15%-дан жоғарылаған өнімдерге шекті бағаларды облыс әкімдігімен бекіту жөнінде 2021 жылдың 6 қыркүйегінде шешім ұсынып, қаулы жобасын әзірлеу бойынша жұмыстар жүргізілгенін тілге тиек етті. Мәселен, күнбағыс майын 781 теңге, пиязды 106 теңге, сәбізді 221 теңге, картопты 158 теңде және қантты 286 теңге көлемінде бекіту мәселесін қарау ұсынылды. 
Жиын барысында облыс әкімі азық-түлік бағасының өсуі халықты алаңдатып отырған өзекті мәселе екенін назарға салып, қала және аудан әкімдеріне нанның орташа бағасын 90 теңгеден асырмау қажет екенін қаперге салды. Бұл бағытта тиісті мониторинг жұмыстары ұдайы түрде жүргізілмек.
<blockquote>
 «Қазіргі уақытта халықты өте алаңдатып отырған өзекті мәселе – азық-түлік бағасының өсуі. Мұны реттеу мақсатында әр аптаның сенбі күндері Премьер-министр Асқар Ұзақбайұлы Маминнің төрағалығымен мәжілістер өткізілуде. Жыл болса аяқталып қалды, желтоқсан айындағы мерекелер қарсаңында әдеттегідей сауда-саттық көлемі ұлғайып, әсіресе азық-түлік бағаларының өсу қаупі болады. Сондықтан осы мәселелердің алдын-алу шараларын қарастыруымыз қажет. 
 Үкіметтің тапсырмасына сәйкес азық-түлік тауарларына баға белгілеудің бүкіл тізбегі бойынша делдалдық схемаларды тексеру жөніндегі комиссияның құрылғанына 1 айдан астам уақыт өтті. Дегенмен комиссия аясында жүктелген міндеттер бүгінге дейін орындалмай отыр. Қызылорда қаласы мен аудан әкімдері тиісті жұмыстарды апта соңына дейін аяқтап, ақпаратты ауыл шаруашылығы басқармасына жолдасын. Жауапты басқарма басшысы бәсекелестікті қорғау және дамыту департаментіне жинақталған ақпаратты жолдап, нәтижесін маған баяндайды. Ал, Бәсекелестікті қорғау және дамыту департаменті азық-түлік тауарларының бағаларына талдау жүргізіп, нәтижесімен, заң бұзушылық анықталған жағдайда Қызылорда қаласы және аудан әкімдіктеріне ұсыныс енгізуі қажет. Жұмыс та, абырой да ортақ, сондықтан бұл жерде бірлескен жұмыс қажет», – деді Гүлшара Әбдіқалықова.
</blockquote>
Жиында қаралған үшінші мәселе бойынша облыстық кәсіпкерлік және туризм басқармасының басшысы Фердоуси Қожабергенов азық-түлік емес тауарларының бағасына қатысты негізгі көрсеткіштерді тізбеледі. 
Биыл азық-түлік емес тауарлардың бағасы өткен жылдың есепті кезеңімен салыстырғанда 6,7 пайызға өсті. Тұрмыстық, құрылыс тауарларына қарағанда өсім жанар-жағармай бағасында байқалуда.
Аймақ басшысы азық-түлік емес тауарлардың бағалары да жалпы инфляцияға үлкен әсерін ететінін атап өтті. Мәселен, өткен жылғы пандемия кезіндегі карантиндік шаралар уақытша сауда-экономикалық байланыстардың үзілуіне әкеліп, тауар, шикізаттардың тапшылығының салдарынан республикалық нарықта негізсіз баға көтерілуіне әкелді. Әсіресе, жанар-жағармай бағасының өсуі мен тапшылығына байланысты халық арасында шағымданушылар көп. Осы ретте аймақ басшысы энергетика басқармасының басшысына басты өзгерістерге сай тұрғындарға қажетті түсіндіру жұмыстарын күшейту қажет екендігін тапсырды.
Облыста ақылы қызмет көрсету бағаларында да өсім байқалады. Өткен жылдың осы кезеңімен салыстырғанда комплекстік демалысты ұйымдастыру 31,4 пайызға, жолаушылардың әуе тасымалы 17,5 пайызға, пошталық қызмет 12,5 пайызға өскен. Дегенмен тауарлардың бағасына делдалдардың қызметі кері әсерін тигізуде. Осыған байланысты облыс әкімі Гүлшара Әбдіқалықова азық-түлік емес тауарлар бағасын реттеу бойынша делдалдық схемаларды тексеру қажеттігін атап өтті.
Жиынды қорытындылаған облыс әкімі тамақ өнімдеріне қатысты әсіресе халық жиі тұтынатын 19 түрлі тауарлар бағасының шекті бағадан асып кетпеуі үшін бақылауды күшейтіп, күн сайын мониторинг жүргізуді міндеттеп, нақты тапсырмалар берді.
Облыс көлемінде азық-түлік қорларын қалыптастыруды және тұрақтандыру қорының және айналым схемасы арқылы заем беру арқылы бағаны тұрақтандыру, әлеуметтік маңызы бар азық-түлік тауарларының бағаларына талдау жүргізіп, заң бұзушылық анықталған жағдайда қала және аудан әкімдіктеріне тиісті шараларды қабылдау тапсырылды. Сондай-ақ, әлеуметтік маңызы бар 19 тауардың сауда үстемесі 15 пайыздан асырмауын қамтамасыз етіп, бағаны тұрақтандыру үшін қосымша қаржы бөлу мүмкіндіктерін қарастыру жүктелді.

Әлеуметтік маңызы бар тауарлардың бағасын тұрақтандыру мәселелері қаралды

&nbsp;<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Өткен тәулікте Қазақстанда коронавирус инфекциясын жұқтырған 909 жағдай тіркелді.
Елімізде коронавирус инфекциясын жұқтырғандар саны 950 539 жетті.
Оның ішінде:
Нұр-Сұлтан қаласында – 109,
Алматы қаласында – 79,
Шымкент қаласында – 16,
Ақмола облысында – 76,
Ақтөбе облысында – 4,
Алматы облысында – 61,
Атырау облысында – 9,
Шығыс Қазақстан облысында – 50,
Жамбыл облысында – 15,
Батыс Қазақстан облысында -10,
Қарағанды облысында – 109,
Қостанай облысында – 83,
Қызылорда облысында – 7,
Маңғыстау облысында – 3,
Павлодар облысында – 133,
Солтүстік Қазақстан облысында – 135,
Түркістан облысында – 10.Жалпы ел бойынша ауырғандар саны 950539.

Қызылордада вирус жұқтырғандар саны азайып келеді

Kyzylorda-news.kz. Соңғы уақытта облыста электрмен қамту жүйесінде арнаулы шектеу қойылуда. Негізгі себебі – электр энергиясының тапшылығына байланысты болып отыр. Осы себепті бірнеше елді-мекендерде 17:30 дан 20:30-ға дейін электр энергиясы уақытша шектеледі. Бұл туралы Өңірлік коммуникациялар қызметінде өткен брифингте облыстық энергетика және тұрғын үй-коммуналдық шаруашылық басқармасының басшысы Ерлан Жаңабаев мәлімдеді.
Ерлан Мақсотұлының айтуынша, облыстың жалпы электр энергиясын тұтыну көлемі шамамен 172 МВ құрайды. Оның 29 пайызы «Қызылорда жылу электр орталығы» мекемесі қамтыса, 6 пайызы «СКЗ-U» ЖШС өндіреді. Қалған 65 пайызы сырттан алынады. Электр энергиясымен қамтамасыз ететін «Самұрык-Энерго» акционерлік қоғамына қарасты Екібастұз ГРЭС-1, ГРЭС-2 және Мойнақ ГЭС электр станцияларының электр энергиясын өндіру көлемінің шамадан тыс жүктелуіне байланысты шектеулер қойылды. Бұндай шектеулер облыста 3 қарашадан басталды. Алдағы уақытта оңтүстік аймақтарда электр энергиясын өндіруші станциялардағы энергия тапшылығы және қуаттың жетіспеушілігінен уақытша шектеулердің орын алатындығын хабарлаймыз. Шектеулер уақыты 17:30-дан 20:30-ға дейін болады.
<blockquote>
 «Шектеудің негізгі себебі – еліміз бойынша электр қуаты жетіспеуде. Өйткені, Мойнақ су электр станциясында ақаулар пайда болды. Бұл уақытша екенін айтқым келеді. Қазір оңтүстік өңірлер бойынша орта есеппен 200 МВ шамасында жетіспейді. Шектеулер келесі елді мекендерде жүргізілуде: Арал АЭТ – Аманөткел, Көктем, Аққұлак, Бөген, Ақлақ, Қарашалаң, Жаңақұрылыс. Қазалы АЭТ – Басықара, Ақсуат, Байқожа, Майлыбас, Кожабақы, Түктібаев, Бекарыстан би, Кәукей, Бозкөл, Өркендеу, Майдакөл, Жалпақ, Бірлік, Аранды, Қазалы қаласы. Қармақшы АЭТ – Қорқыт, Төребай би, III-Интернационал, Жаңажол, Қуаңдария, Жаңақала, Иіркөл, Ақжар, Тұрмағанбет, Ақтөбе, Көмекбаев, Алдашбай Ахун. Жалағаш АЭТ – Шаменов, Қаракеткен, Далдабай, Таң, Жаңаталап, Мәдениет, Аққыр, Мақпалкөл, Мырзабай, Еңбек, Бұхарбай батыр, Жаңадария, Ақарық. Тереңөзек АЭТ – Іңкәрдария, Ақжарма, Қарақасқа. Шиелі АЭТ – Алмалы, Ботабай, 1-май, Бірлестік, Бестам, Қарамұрын, Сұлутөбе, Бала би, Тартоғай, Досбол би, Қарғалы, Жансейіт, Телікөл. Қызылорда қаласы бойынша КБИ, Коммунизм, Шанхай, Наурыз, Сабалақ, Сәулет, Саяхат, Шұғыла, Белкөл, Водозобор, Астана-1 мөлтек ауданы», – деді «Қызылорда электр тарату тораптары» компаниясы АҚ басқарма төрағасы Мұхиджан Исмайылұлы.
</blockquote>

Қызылордада электр энергиясына шектеу қойылады

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін мемлекеттік статистикаға 101 жыл. Биыл Қазақстан статистикасы үшін Ұлттық халық санағының үшінші рет өтуімен есте қалды. Осы халық санағының алдыңғы санақтан ерекшелігі электронды форматта өткендігі. Бұл туралы бүгін Өңірлік коммуникациялар қызметінде өткен баспасөз конференциясында облыстық статистика департаментінің басшысы Мариям Баекеева мәлімдеді.
2021 жылы 1 қыркүйектен 30 қазанға дейінгі кезең аралығында елімізде Ұлттық халық санағы өткізілді. Халықты толық есепке алуды қамтамасыз ету және 2021 жылғы халық санағын жүргізу кезінде деректер сапасының анықтығын тексеру үшін 1 қарашадан 7 қарашаға дейін бақылау іс-шаралары нақтыланды. 1қарашадағы жағдай бойынша халық санағы облыстың барлық тұрғындарын қамтыды.
<blockquote>
 «Жалпы, облыс статистиктері барлық шараларда белсенділігін көрсетіп келеді. Мәселен, мемлекеттік тіл саясатын жүзеге асыруға арналған іс-шараларда, үздік мемлекеттік қызметші байқауларында, облыстық мемлекеттік қызметшілер арасындағы спартакиадаларда жүлделі орындарды иеленуде. 2012 жылы ҚР Үкіметінің қаулысымен алғашқы рет статистика тарихында «Статистика үздігі» Төс белгісі бекітілді. Осы уақытқа дейін ол белгімен қызметтегі ең жоғары көрсеткіштерге қол жеткізген және лауазымдық міндеттерін үлгілі атқарғаны үшін департаменттің 23 қызметкері марапатталды. Биылғы жылы департамент сапа менеджменті жүйесінің қайта сертификаттау аудитінен сәтті өтіп, ҚР СТ ИСО 9001-2016 ұлттық стандартының талаптарына сәйкестік сертификатын алды. Бүгінгі айтулы күнде ресми статистиканың дамуы мен гүлденуі ісінде мемлекеттік статистика органдарының барлық министрліктер мен ведомстволар, жергілікті атқару органдары, ғалымдар, респонденттермен және басқа да пайдаланушылармен өзара қарым-қатынас құруы өте маңызды іс», – деді департамент басшысы Мариям Жәдігерқызы.
</blockquote>

Бүгін статистика күні

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1031 адамның коронавирус жұқтырғаны ПТР арқылы расталды, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-7-karasha-23-59-dagy-epidemiologiyalyk-zhagday_a3858996">coronavirus2020.kz</a>.
Аймақтар бойынша:
Нұр-Сұлтан қаласы – 115,
Алматы қаласы – 135,
Шымкент қаласы – 10,
Ақмола облысы – 89,
Ақтөбе облысы – 9,
Алматы облысы – 34,
Атырау облысы – 12,
Шығыс Қазақстан облысы – 60,
Жамбыл облысы – 16,
Батыс Қазақстан облысы – 15,
Қарағанды облысы – 111,
Қостанай облысы – 119,
Қызылорда облысы – 15,
Маңғыстау облысы – 6,
Павлодар облысы – 139,
Солтүстік Қазақстан облысы – 142,
Түркістан облысы – 4.
Жалпы ел бойынша ауырғандар саны 949630.

COVID-19: Өткен тәуліктегі мәлімет жарияланды

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін облыс әкімі Гүлшара Әбдіқалықова ҚР Ұлттық ғылым академиясының академигі Уәлихан Бишімбаевпен кездесіп, қайраткерді 75 жас мерейтойымен құттықтады. Кездесуге облыстық мәслихат хатшысы Наурызбай Байқадамов, облыс әкімі аппаратының басшысы Ерлан Райғаниев, Қызылорда қаласының әкімі Ғанибек Қазантаев, облыстық кәсіподақтар орталығының төрағасы Мақсұт Нәлібаев, сондай-ақ, мерейтой иесінің жұбайы Алмира Нұрлыбекова, Қорқыт Ата атындағы Қызылорда университетінің ректоры Бейбіткүл Каримова және облыстық мәслихат депутаты Қылышбай Бисенов қатысты.
Аймақ басшысы Уәлихан Қозыкеұлының ел Тәуелсіздігін нығайтуға, отандық білім мен ғылымының дамуына қосқан ерекше еңбегін атап өтіп, зор денсаулық және шығармашылық табыс тіледі.
<blockquote>
 «Сіздің тәжірибеңіз, ақыл-кеңесіңіз жастар үшін қашанда аса қымбат. Білімдарлық, жоғары талапшылдық пен еңбексүйгіштік сынды асыл қасиеттеріңіздің арқасында Ұлттық ғылым академиясының академигі атанып, Мемлекеттік сыйлық иегері болдыңыз. Қазақстан Республикасы Парламенті Мәжілісінің депутаты ретінде көптеген өзекті мәселелерді көтердіңіз. 
 Облысымызда Сіздің бастамаңызбен Жамбыл гидромелиоративтік–құрылыс институтының Қызылорда филиалының негізі қаланды. 
 Бүгінде осы оқу орнын еліміздің көптеген жастары бітіріп, түлектер түрлі салада табысты еңбек етуде. Бұның бастауында Өзіңіз тұрсыз», – деді облыс әкімі.
</blockquote>
Басқосуда білім мен ғылымына сіңірген еңбегі үшін академикке Қызылорда облысының «Құрмет» грамотасы табысталды.
Сондай-ақ, Уәлихан Қозыкеұлы мен оның жұбайы Алмира Балтабайқызына ҚР Ұлттық ғылым академиясының академигі, облыстық мәслихаттың депутаты Қылышбай Бисенов және облыстық мәслихат хатшысы Наурызбай Байқадамов ізгі тілектерін білдірді.
Кездесу соңында мерейтой иесі облыс әкіміне және әріптестеріне көрсеткен құрмет үшін алғысын білдіріп, Сыр өңірінде еңбек еткен жылдары туралы жылы естеліктерімен бөлісті.
Сондай-ақ, бүгін Қызылордада Уәлихан Бишімбаевтің құрметіне ғылыми-танымдық конференция ұйымдастырылып, академик атындағы дәрісхана ашылмақ.
Айта кетейік, Қызылорда облысында Уәлихан Бишімбаевтің бастамасымен ашылған Жамбыл гидромелиоративтік–құрылыс институтының Қызылорда филиалының түлектері бүгінгі күні түрлі салада табысты еңбек етуде.
Уәлихан Қозыкеұлы Бишімбаев (27.10.1946 ж. туылған, Оңтүстік Қазақстан облысы, Түлкібас ауданы Т.Рысқұлов ауылы) – ғалым, техника ғылымының докторы (1991), профессор (1992), ҚР ҒА-ның академигі (1992), Қазақстанның еңбек сіңірген ғылыми қайраткері. 500-ден аса ғылыми еңбектің, оның ішінде 13 монография, оқулықтар, оқу құралдары, 29 өнертабыс пен патенттің авторы. «Құрмет белгісі», «Құрмет», «Парасат» ордендерімен марапатталған. «Қазақстанның еңбек сіңірген қызметкері» құрметті атағын алған, ҚР білім, ғылым және техника саласындағы Мемлекеттік сыйлығының иегері. 2009 жылы ІҮ шақырылған Қызылорда қаласының мәслихатының шешімі, Қызылорда қаласы әкімдігінің қаулысымен Бишімбаев Уәлихан Қозыкеұлына «Қызылорда қаласының Құрметті азаматы» атағы берілді.
<img src="https://kyzylorda-news.kz/wp-content/uploads/2021/11/253849473_179977300990189_8040299244754031482_n.jpg" alt="" />
<img src="https://kyzylorda-news.kz/wp-content/uploads/2021/11/254111715_179977304323522_7829126067998537707_n.jpg" alt="" />
<img src="https://kyzylorda-news.kz/wp-content/uploads/2021/11/253252948_179977234323529_7494476946992265550_n.jpg" alt="" />

Сыр елінде профессор Уәлихан Бишімбаевқа құрмет көрсетіліп, академик атындағы дәрісхана ашылды

<a href="https://kyzylorda-news.kz/ru/obshestvo/">Kyzylorda-news.kz</a>. 2021-2022 жылдардағы жылу беру маусымына Жалағаш ауданы бойынша барлық әлеуметтік және басқа да нысандардың сұйық отын қажеттілігі 2850 тоннаны, қатты отын қажеттілігі 2900 тоннаны құрайды. Бүгінде нысандар 1710 тонна сұйық отынмен, 2700 тонна қатты отынмен қамтамасыз етілген. Бұл туралыы Өңірлік коммуникациялар қызметінде өткен брифингте Жалағаш ауданы әкімінің орынбасары Алтынбек Дәрібаев хабарлады.
Жалпы, барлық нысандар 2022 жылдың 15 қаңтарына дейін отын қорымен толық қамтамасыз етілген. Ал, аудан тұрғындарына 2021-2022 жылдардағы жылу беру маусымына 17 000 тонна көмір жеткізу жоспарланып отыр.
Аудан әкімі орынбасарының айтуынша, тамыз айынан бастап бүгінгі күнге дейін жергілікті кәсіпкерлермен 14 500 тонна көмір жеткізілді яғни жоспардың 85,3 пайызы орындалды. Оның ішінде, 5320 тонна көмір темір жолмен жеткізілсе, 9180 тонна автокөліктермен жеткізілді. Сонымен қатар, 5 вагон яғни 350 тонна көмір жолда келе жатыр. Қоймада 60 тонна көмір қоры бар. Көмірдің 1 тоннасы 18000 теңгеден сатылуда.

Жалағашта көмірдің тоннасы 18 мың теңгеден сатылуда

Kyzylorda-news.kz. Бүгін облыс әкімі Гүлшара Әбдіқалықованың төрағалығымен Сырдария өзеніндегі су жағдайына қатысты жиын өтті.
Отырыста облыстың табиғи ресурстар және табиғат пайдалануды реттеу басқармасының басшысы Бауыржан Шаменов, ҚР Экология, геология және табиғи ресурстар министрлігінің Су ресурстары комитетінің су ресурстарын пайдалануды реттеу және қорғау жөніндегі Арал-Сырдария бассейндік инспекциясы басшысының м.а Зейнолла Қазтоғанов, «Қазсушар» РМК Қызылорда филиалының директоры Хамит Бейімбетов Сырдарияның су деңгейін көтеру бойынша атқарылған жұмыстарды баяндады. 
Сырдария өзенінің сулылығы Тоқтағұл (Қырғызстан) су қоймасында жиналған судың жиналуымен тікелей байланысты. Бүгінде қоймадағы судың көлемі 11,9 млрд.м3 құрап, өткен жылдың осы кезеңінен 2,8 млрд.м3 кем болып отыр.
Қазірдің өзінде 207 көлдің 17-сі толығымен құрғап қалса, қалған көлдердің толуы 50 пайыз шамасында. Осы орайда, ең үлкен Қамбаш көлінің жағалауы (18 мың гектар) 200-300 метрге дейін тартылып қалды.
Биылғы жылдың 11 мамырында өткен Мемлекетаралық су шаруашылығын үйлестіру комиссиясының 80-ші отырысынан кейін Шардара су қоймасына келісілген 4084 млн.м3 судың 56,7 пайызы (2319 млн.м3), ал Арал теңізіне келісілген 1 262 млн.м3 судың 15,6 пайызы (199 млн.м3) ғана түсіп отыр.
Бүгінгі күні сыйымдылығы 5,2 млрд.м3 құрайтын Шардара су қоймасында 894 млн. м3 су бар. Қоймадағы судың аз болуына байланысты су қоймасынан Сырдария өзенінің төменгі ағысына биылғы жылдың 8 қыркүйегінен 18 қазан аралығында секундына 30 текше метр, 19 қазаннан 23 қазан аралығында 50 текше метр, 24 қазаннан 2 қараша аралығында 65 текше метр су жіберіліп келді.
Бүгінгі күні су қоймасына түсіп жатқан су көлемінің ұлғаюына байланысты ағымдағы жылдың 3 қарашадан бастап өзеннің төменгі ағысына 90 текше метр су жіберілуде.
Қызылорда облысына секундына 114 текше метр су кіруде, бұл өткен жылдың осы кезеңінен 28 текше метрге кем. Қызылорда су торабынан төмен қарай секундына 76 текше метр су жіберілуде, бұл өткен жылдың осы кезеңінен 9 текше метрге аз. 
Сырдария өзеніне жіберіліп жатқан судың көлемінің төмен болуына байланысты Орталық Азия мемлекеттері басшыларының деңгейінде су ресурстарын тиімді пайдалану, су алу лимиттерімен Арал-Сырдария бассейні су қоймалары каскадының жұмыс режимдерін сақтау және Шардара су қоймасына түсетін ағынды суды ұлғайту мәселесін пысықтау жөнінде Үкіметке тапсырма беру туралы облыс әкімдігімен ҚР Президентінің атына хат жолданды.
Сонымен бірге, Экология, геология және табиғи ресурстар министрлігі Шардара су қоймасына судың түсуі және Сырдария өзенінің төменгі ағысына су жіберу көлемін ұлғайту мәселесі биылғы жылдың қараша айында өтетін Мемлекетаралық су шаруашылығын үйлестіру комиссиясының 81-ші отырысында қаралады. Мұнда Сырдария өзенінің бассейні бойынша 2021 жылғы вегетациялық кезеңнің қорытындылары шығарылып, 2021-2022 жылғы вегетацияаралық кезеңінде мемлекеттердің су алу лимиттері мен Нарын-Сырдария су қоймалары каскадының болжамды жұмыс режимін келісуі пысықталады.
Жиын соңында аймақ басшысы Гүлшара Әбдіқалықова шаруашылық иелері үшін көктемгі егіс уақытына жер асты суын пайдалану әдісін қолдануға қажетті құралдармен қамтамасыз ету жұмыстарын үлестіруді және Сырдариядағы су деңгейіндегі ахуалды күнделікті бақылауға алып, ахуалды баяндап отыруды міндеттеді.
Сонымен қатар, алдағы уақытта да өзеніндегі су көлемін ұлғайту бойынша тиісті жұмыстар жүргізілу қажет екенін атап өтті.
<hr />

Сырдария өзеніндегі су жағдайы мемлекетаралық су шаруашылығын үйлестіру комиссиясының отырысында қаралады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Жаңақорған ауданында әлеуметтік маңызы бар 144 ұйым бар. Аталған ұйымдардың 100-і қатты отынмен, 21-і сұйық отынмен қамтылған. Сондай-ақ, 23 нысан табиғи газ отынын пайдалануда. Бүгінгі таңда ауданға 24 900 тонна қатты отын жеткізілді. Қажеттілік толық 100 пайызға орындалды. Бұл жөнінде Өңірлік коммуникациялар қызметінде өткен брифингте Жаңақорған ауданы әкімінің орынбасары Ерділда Сұлтанбеков хабарлады.
<blockquote>
 «Жаңақорған ауданында 85 мыңнан аса тұрғын бар болса, газдандыру үлесі халық санына шаққанда 38,8 пайызды құрайды. Ал қатты отынмен 61,2 пайыз тұрғын қамтылды. Табиғи газ жүйесіне 5 717 тұрғын үй, 124 коммуналдық-тұрмыстық нысандар қосылған. Жылу беру маусымында әлеуметтік нысандарға 5900 тонна көмір және 841 тонна сұйық отын жеткізу жоспарланды. Ал аудан халқына қажетті 19 мың тонна көмір тасымалданды. Тағы бір айта кететін жәйт, жаңадан қосылған мөлтек аудандарға газ құбырын жүргізу бойынша жоба-сметалық құжаттар әзірленуде. Биыл аудандағы жеті елді мекенді табиғи газға қосу үшін облыстық және аудандық бюжеттен арнайы қаржы бөлініп, тиісті жұмыстар атқарылуда. Аудандағы қоймаларға апта сайын 600-700 тоннадан қатты отын жеткізіліп жатыр. Жалпы жылу маусымының өту барысы қалыпты деңгейде екенін айтқым келеді», – деді Жаңақорған ауданы әкімінің орынбасары Ерділда Нұртазаұлы.
</blockquote>

Жаңақорған халқына 19 мың тонна көмір жеткізілді

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1396 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 110,
Алматы қаласы – 211,
Шымкент қаласы – 46,
Ақмола облысы – 121,
Ақтөбе облысы – 25,
Алматы облысы – 89,
Атырау облысы – 19,
Шығыс Қазақстан облысы – 82,
Жамбыл облысы – 18,
Батыс Қазақстан облысы – 52,
Қарағанды облысы – 129,
Қостанай облысы – 132,
Қызылорда облысы – 37,
Маңғыстау облысы – 5,
Павлодар облысы – 142,
Солтүстік Қазақстан облысы – 154,
Түркістан облысы – 24.
Жалпы ел бойынша ауырғандар саны 944501.

Қазақстан және Қызылорда облысының жаңалықтары: Басты жаңалықтар old