Kyzylorda-news.kz. Әке – отбасының тірегі, әрбір жанның үлгі тұтар тұлғасы, жанұяның қорғаны, құрмет пен берекенің бастауы.Қазақта әкені ерекше құрмет тұтып, жанұядағы рөлін айрықша қастерлеген. Осы бұзылмаған заңдылықтың арқасында бүгінде үлгілі отбасылардың саны едәуір артып келеді.Өткен жылы Қазақстан Республикасы Үкіметінің қаулысымен бекітілген «Мерекелік күндердің тізбесіне» маусым айының үшінші жексенбісі - «Әкелер күні» болып енгізілді. Бұл мерекені атап өтудегі басты мақсат – еліміздегі отбасылық құндылықтарды ілгерлету, отбасы институтын нығайту, әкелердің қоғамдағы рөлін айшықтау.Осыған сәйкес, Әкелер күні елімізде екінші рет атап өтілуде.&nbsp; Атаулы күнге орай, Сыр өңірінде «Әке – отбасы тірегі» атты облыстық әкелер форумы өтті. Форумға республикалық «Әкелер одағы» қоғамдық бірлестігінің төрағасы Айтмағанбет Мақсұтбек және аталған ұйымның Астана қаласындағы филиалының директоры, сондай-ақ ақын, жазушы, сценарист, Қазақ Ұлттық өнер университетінің аға оқытушысы, «Абай жолы», «Ахмет», «Ұлт ұстазы», «Міржақып», «Оян қазақ» сериалдарының сценарисі, «Дайағашшы» және өзге де кітаптардың авторы, «Ерең еңбегі үшін» төсбелгісінің иегері Ұларбек Нұрғалымұлы арнайы қонақ ретінде шақыртылды. Сонымен қатар, аталған шараға облыстың барлық аумағындағы үлгілі отбасылардың әкелері, көп балалы әкелер, аймақтық деңгейдегі «Мерейлі отбасы» конкурсының жеңімпаздары, қоғамға пайдалы қызметпен айналысқан еріктілер, қайырымдылық жасаушы меценеттар, зиялы қауым өкілдері, ардагерлер, ҮЕҰ және БАҚ өкілдері, білім, денсаулық, ішкі істер, әскери, төтенше жағдай саласында еңбек ететін және ардагер әкелер, яғни 140 ер азамат қатысты. &nbsp;Форумда облыс әкімінің орынбасары Шахмардан Байманов игі шараның ашылуында алғы сөз сөйлеп, қатысушыларды мерекесімен құттықтады. Облыс әкімдігімен отбасы құндылықтарын насихаттау, әкелер институтын қалыптастыру, анаға құрмет көрсету, балаларды рухани-мәдени тәрбиелеу, білімге ынталандыру бағытында атқарылып жатқан ауқымды жұмыстар туралы баяндады.&nbsp; Өз кезегінде форумға қатысушылар арнайы тақырыптар бойынша өз пікірлерін ортаға салып, баяндама жасады. Сондай-ақ, отбасы құндылықтарын насихаттау бағытындағы осындай іс-шараларды жиі ұйымдастырылуын керектігі туралы өз ұсыныстарын білдірді. Форум аясында осы жылы көктемде орын алған су тасқыны салдарын жоюға және елдімекендерді су басу қаупінен сақтап қалуға атсалысқан елжанды азаматтар, еңбек адамдары, отбасында ғылыми, спорттық, мәдени, шығармашылық жетістіктерге жеткен балаларды тәрбиелеп отырған әкелер, қайырымдылық және қоғамға пайдалы шаралармен айнылысып жүрген ерікті ер азаматтар облыс әкімінің «Алғыс хатымен» марапатталды және оларға бағалы сыйлықтар табысталды.&nbsp; Шара соңында форумға қатысушылар естелік фотоға түсіп, мерекелік көңіл-күйде тарқасты.<img src="https://knadmin.beoblood.kz/uploads/FB_IMG_1718453738893_26dd91c3ee.jpg" alt="FB_IMG_1718453738893.jpg"><img src="https://knadmin.beoblood.kz/uploads/FB_IMG_1718453744999_560b515658.jpg" alt="FB_IMG_1718453744999.jpg"><img src="https://knadmin.beoblood.kz/uploads/FB_IMG_1718453742670_0a6390ad82.jpg" alt="FB_IMG_1718453742670.jpg">

«Әке – отбасы тірегі» атты облыстық әкелер форумы өтті

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаев Қызылорда қаласындағы құрылыс нысандарын аралап, жұмыс барысын көрді.Алдымен аймақ басшысы «Арай-2» мөлтек ауданындағы көпқабатты тұрғын үйлердің қасбетін әрлеу жұмыстарымен танысты. Биыл демеушілер қолдауымен осы жұмыс қолға алынған еді. Бұл – қала бейнесін, сәулетін жаңартуға, көркейтуге бағытталған қадам.Еске салсақ, өткен жылы Қызылорда облысының 85 жылдығына және қала күніне орай шаһардағы 30-дан астам көпқабатты тұрғын үйдің қасбеті заманауи панельмен қапталған еді. Бұл жұмыс демеушілердің, атап айтқанда қала құрылысшылары мен кәсіпкерлердің қолдауымен атқарылды. Игі бастама биыл да жалғасын таппақ.Әрі қарай Нұрлыбек Машбекұлы орталық алаңға барып, ондағы қайта жаңғырту, абаттандыру жұмыстарын көрді.Өткен жылы аймақтың бас қаласын көркейтуге ерекше маңыз беріліп, игілікті істің бірі орталық алаңда бастау алған болатын. Жоба бойынша алаңға субұрқақтар, қиыршық тас, жолжиек тас төселіп, жарық диодты шамдар қойылып, газон, көпжылдық жасыл көшеттер отырғызылды. Сонымен қатар, шағын архитектуралық пішімдемелер қойылуда. Мұнда жаңа үлгідегі орындықтар, жарық бағаналары және балалар ойын алаңы да орналастырылған. Ы.Жақаев көшесінің Қорқыт ата көшесінен орталық алаңға дейінгі аралығы да толықтай абаттандырылады. Осылайша қала келбеті, орталықтағы негізгі көшенің бірінің бойы көріктене түспек. Бұл тұрғындар демалысы мен серуендеуіне қолайлы жағдай жасау мақсатында жүзеге асырылуда. Нысан жақын күндері халық игілігіне табысталады. Айта кету керек, орталық алаңды толық жаңғырту жобасы кәсіпкердің демушілігімен жүзеге асырылуда.Мұнан әрі облыс әкімі теміржол вокзалына барды. Еске салсақ, өткен жылы вокзал ғимараты жаңғыртылып, аумағы абаттандырылған еді. Аймақ басшысы осы маңдағы дүңгіршектер мен өзге де кәсіпкерлік нысандардың қасбетін әрлеуге, тазалық пен көгалдандыруға қатысты тапсырмалар берді. Қала әкімідігіне құрылыс сапасы мен мерзімін қатаң бақылау жүктелді.Облыс әкімі жаңа жылу-электр орталығының құрылыс алаңындағы жұмыстармен де танысты. Қолданыстағы жылу орталығының тозығы жетуіне байланысты, Мемлекет басшысының оңтүстік өңірлерде электр энергиясы тапшылығын болдырмау тапсырмасына сәйкес, түрік инвесторымен бірлесіп, құны 215 млрд теңге болатын жаңа жылу орталығының құрылысы басталғаны белгілі. Нысан 2025 жылы іске қосылады. Шетелдік инвестиция есебінен салынатын жаңа ЖЭО 240МВт электр қуатын өндіре алады.Жоба қазіргі Қызылорда жылу-электр орталығы аумағындағы 24,5 гектар жер учаскесінде іске асырылуда. Бүгінде инвестор «AKSA Energy» түрік компаниясы құрылысқа 70 млрд. теңгеден астам инвестиция салды. Негізгі қондырғыларды дайындау үшін шетелдік компанияларға тапсырыс берілген. Құрылғылар шілде айынан бастап Швейцария, Чехия, Италия, Түркиядан құрылыс алаңына жеткізіледі. Жоба жүзеге асырылғанда Қызылорда облысы электр энергиясымен, Қызылорда қаласы жылу энергиясы және ыстық сумен толық қамтылатын болады.<img src="https://knadmin.beoblood.kz/uploads/FB_IMG_1718454212845_25ec518ea3.jpg" alt="FB_IMG_1718454212845.jpg"><img src="https://knadmin.beoblood.kz/uploads/FB_IMG_1718454210799_a629adbbb9.jpg" alt="FB_IMG_1718454210799.jpg">

Аймақ басшысы құрылыс нысандарын аралады

Қызылорда қаласында «Qosyl» Қалалық жастар ресурстық орталығы мен Qyz Jibek Group ұйымдастыруымен жас аспаздар сайысы өтті.&nbsp;Бұл шара қала әкімінің «Самғау» жастар сыйлығы аясында жүзеге асырылып, жас таланттарды қолдау және дамыту мақсатын көздеді.Сайыс үш кезеңнен тұрды. Бірінші кезеңде қатысушылар тіркеліп, түйіндемелерін тапсырды. Екінші кезеңде олар теориялық сұрақтарға жауап берді, ал үшінші кезеңде аспаздық шеберліктерін көрсетуге мүмкіндік алды. Сайысқа 29 аспаз тіркеліп, финалдық кезеңде 8 үміткер бақ сынасты. Қатысушылар арасында әуесқой және кәсіби аспаздар болды.Сайыстың қазылар алқасын танымал блогер Рустам Маушев, Qyz Jibek Group бас аспазы Ибрагимов Фаррух, «Motor» және «ДНК арт» бардың бас аспазы Қани Досбол және «Бидай» мейрамханасының шеф повары Бакберген Әлиасқар құрады. Қазылар тағамдардың сапасын, дайындау барысындағы тазалықты, ұсыну және безендіру ерекшеліктерін бағалады.Сайыс қорытындысында Ази Ақылбек жеңімпаз атанып, қала әкімінің «Самғау» сыйлығымен және 150 000 теңге ақшалай ұтыспен марапатталды. Жүлделі орындарға ие болған аспаздарға демеуші Ерлан Раимов тарапынан да ақшалай сыйлықтар табысталды: I орын - 100 000 теңге, II орын - 70 000 теңге, III орын - 30 000 теңге.Бұл сайыс жыл сайын дәстүрлі түрде жалғасын тауып келеді. Шараның басты мақсаты – талантты жас аспаздарды анықтау, қолдау көрсету, кәсіби өсу және тәжірибе алмасуға арналған жас аспаздар бірлестігін құру. Ұйымдастырушылардың айтуынша, осындай шаралар арқылы жастардың шығармашылық әлеуеті артып, болашақта мықты аспаздар қатары көбейе түседі.Қызылордада өткізілген бұл шара жас таланттардың кәсіби өсуіне үлкен мүмкіндік берді. Осындай бастамалар жастардың болашағына сеніммен қарауға, өздерінің кәсіби дағдыларын дамытуға үлкен септігін тигізеді. Жас аспаздар сайысы - бұл тек жарыс емес, сонымен қатар тәжірибе алмасу, жаңа білім мен дағдыларды меңгеру алаңы.Осы шараның арқасында көптеген жас аспаздар өздерінің таланттарын көрсетіп, кәсіби шеберліктерін шыңдауға мүмкіндік алды. Бұл іс-шараның болашақта да өз жалғасын тауып, жаңа есімдерді ашып, кәсіби аспаздар қатарын толықтыра беретініне сенімдіміз.

Қызылордада жас аспаздар сайысы өтті

Kyzylorda-news.kz. 28 маусым - Бұқаралық ақпарат құралдары қызметкерлерінің кәсіби &nbsp;мерекесіне орай бүгін С.Бермағамбетовты еске алуға арналған БАҚ өкілдері арасындағы шағын футболдан облыстық турнир өтті.Спорттық сайыстың ашылуына облыстық қоғамдық даму басқармасының басшысы Алмасбек Есмаханов арнайы қатысып, барлық қатысушыларға сәттілік тіледі. Өз кезегінде Сағитжан Бермағамбетовтың анасы сөз сөйлеп, талантты журналистің есімін ұлықтауға атсалысқан азаматтарға өз алғысын білдірді.Бүгінгі ала доп бәсекесіне барлығы 6 команда қатысып, өзара бәсекеге түсті.&nbsp;Жарыс нәтижесінде 1- орынды меншікті тілшілер алса, 2-орын "Сыр медиа" серіктестігіне бұйырды. 3-орынды облыстық “QYZYLORDA” &nbsp;телеарнасының ұжымы алды.Сонымен қатар Қайрат Рабаев - "Үздік қақпашы",&nbsp; Қуаныш Мұстафаев - "Үздік ойыншы", Дархан Тоқсейіт - "Үздік шабуылшы" атанды.Айта кетейік, жарыс жеңімпаздары 28 маусым күні БАҚ өкілдерінің кәсіби мерекесіне орай ұйымдастырылатын салтанатты іс-шарада марапатталатын болады.<img src="https://knadmin.beoblood.kz/uploads/FB_IMG_1718445324620_1b399e35c0.jpg" alt="FB_IMG_1718445324620.jpg"><img src="https://knadmin.beoblood.kz/uploads/FB_IMG_1718445339423_4a64c6a5da.jpg" alt="FB_IMG_1718445339423.jpg"><img src="https://knadmin.beoblood.kz/uploads/FB_IMG_1718445331166_c6aec6cec1.jpg" alt="FB_IMG_1718445331166.jpg"><img src="https://knadmin.beoblood.kz/uploads/FB_IMG_1718445321754_f61b69a8c7.jpg" alt="FB_IMG_1718445321754.jpg">

БАҚ өкілдері арасында  шағын футболдан облыстық турнир өтті

Kyzylorda-news.kz. Әйелін өлімші етіп сабамаса да, денесіне қасақана жеңіл жарақат келтіргендер 50 тәулік темір торда отыруға тиіс.Отбасының берекесін қашырғандар бұрынғыдай әкімшілік емес, енді қылмыстық жауапкершілікке тартылады. Заңдағы бұл оң өзгерістер 16 маусымнан бастап күшіне енбек. Құжаттағы нормалар қазірдің өзінде жалпақ жұрттың санасына әсер етуде дейді депутаттар, деп хабарлайды KYN.KZ ақпарат агенттігі КТК арнасына сілтеме жасап.<blockquote>«Бұл заң 2019 жылы алғаш мемлекет басшысы Президент болғаннан бастап осыған бағыт бағдар алған. Оның негізгі тектіктері — &nbsp;әйел қауіпсіздігі, бала қауіпсіздігі, әйел құқықтары, жалпы азаматтардың құқығын қорғау. Бұл жерде тек әйел деп айтуға болмайды. Себебі зорлық-зомбылық жасаған кез келген адам осы нормаларға байланысты жауап береді», - дейді Сенат депутаты Амангелді Толамисов.</blockquote>Ең көп талқыланған заңдағы өзгерістердің ішінде бала құқығына қатысты реформалар көптің көңілінен шыққан. Енді кәмелетке толмағандарға қол жүгірткен педофилдер өмір бойына бас бостандығынан айырылады. Баланы буллингтің астына алып, суицидке итермелегендер де 5 - 9 жыл арасында абақтыға қамалады. Ал әйелін өлімші етіп сабамаса да, денесіне қасақана жеңіл жарақат келтіргендер 50 тәулік темір торда отыруға тиіс.<blockquote>«Қазақстанда әр адам өзін қауіпсіз сезінуі керек. Соңғы кезде педофилдердің көбейгенін байқап отырмыз. Сондықтан заңдағы осы озбырларға қатысты өзгеріс баршамызды қуантқаны сөзсіз. Енді олар өмір-бақи түрмеде отыратын болады. Әр аймақта өз баласына жауыздық жасаған ата-аналарды да көзіміз шалуда. Енді мұндай адамдармен де әңгіме басқаша болады», - деді Сенат депутаты Нұрия Ниязова.</blockquote>

«9 жылға қамалады»: әйеліне қол көтеретін еркектер енді қылмыстық жауапкершілікке тартылады

Көрнекті қоғам қайраткері, белгілі шығыстанушы, филология ғылымдарының кандидаты Мұрат Мұхтарұлы Әуезов өмірден өтті.&nbsp;Қайғылы хабарды жазушы-журналист, Қазақстан ПЕН клубының президенті Бигелді Ғабдуллин жеткізді."Қаралы хабар келді. Ұзаққа созылған ауыр науқастан ұлтымыздың мақтанышы, көрнекті ойшыл Мұрат Әуезов жантәсілім етіпті. Қош бол, қымбатты Мұрат Мұхтарұлы!" – деп жазды ол парақшасында.Қазақстандық қоғам қайраткері, белгілі шығыстанушы, түркітанушы, мәдениеттанушы, эссеист, дипломат және филология ғылымдарының кандидаты былтыр ғана 80 жылдық мерейтойын атап өткен еді.Мұрат Мұхтарұлы 1943 жылғы 1 қаңтарда Жамбыл облысы Меркі ауылында дүниеге келген.Қазақ әдебиетінің көрнекті жазушысы, драматург, ғалым, қазақтың тұңғыш "Абай жолы" роман-эпопеясының авторы Мұхтар Әуезовтің отбасында туған Мұрат әкесінің өсиеті арқасында туған тіліне, халқына, мәдени мұрасына деген сүйіспеншілік пен құрметті бойына сіңіріп өсті.1965 жылы М. В. Ломоносов атындағы Мәскеу мемлекеттік университетінің Шығыс тілдері институтын филолог-шығыстанушы мамандығы бойынша бітірді.КСРО Ғылым академиясының Әлем әдебиеті институтында диссертация қорғап, әдебиет теориясы бойынша филология ғылымдарының кандидаты атанды.Қазақстан Журналистика Академиясының толық мүшесі.Мұрат Әуезов "Қазақфильм" киностудиясында бас редактор (1981-1987), Қазақстан Жазушылар одағының көркем аударма және әдеби өзара байланыстар жөніндегі алқасының басшысы (1988-1990), Қазақстандағы "Мир" телерадиокомпаниясының көркемдік жетекшісі (1990), Қазақ КСР Жоғарғы Кеңесінің депутаты болып сайланып, Кеңес президиумының мүшесі, парламентаралық байланыстар жөніндегі комитеттің төрағасы (1990), Ұлттық кітапхана директоры (2003-2006) секілді жоғары қызметтерді атқарған. Қазақстан өз тәуелсіздігін жариялаған кезде елді өзгертуге белсене атсалысты.Парламент депутаты болды, сонымен қатар әдеби зерттеулермен айналысты, Қазақстан Республикасының Қытай Халық Республикасындағы тұңғыш елшісі қызметін атқарды.Көркемдік процестің теориясы мен практикасы бойынша 200-ден астам жарияланымның, сондай-ақ "Уақытты байланыстырушы жіп" (1972), "Иппокрена. Уақыт құдықтарын аралау" (1997) және "Қайта оралу үшін кету" (2002) сияқты танымал монографиялардың авторы. &nbsp;М.Әуезов 2007 жылдан бері Мұхтар Әуезов атындағы қорды басқарып келді.

Мұрат Әуезов 81 жасында дүниеден өтті

Бүгін облыс әкімі Нұрлыбек Нәлібаевтың төрағалығымен Жаңақорған ауданында әлеуметтік-экономикалық көрсеткіштерге, кадрлық өзгерістерге байланысты актив отырысы өтті.Жиында аймақ басшысы Жаңақорған ауданының әкімі қызметін атқарған Тілеуімбетов Мұрат Жолкелдіұлына қажырлы еңбегі үшін облыстың ең жоғары марапаты – Қызылорда облысының «Құрмет грамотасын» табыстап, ауданның жаңа әкімі Самитов Мажит Самитұлын таныстырды.<blockquote>«Бүгін кадрлық өзгерістерге байланысты жиналдық. Жаңа ғана аудандық мәслихаттың кезектен тыс сессиясы өтіп, тиісті шешім қабылданды. Өздеріңізге белгілі, бұған дейін Жаңақорған ауданының әкімі қызметін атқарған Тілеуімбетов Мұрат Жолкелдіұлы ел мүддесі жолындағы қызметін Қызылорда облыстық мәслихатының төрағасы ретінде жалғастыруда. &nbsp;Мұрат Жолкелдіұлы мұнда 2 жылдан астам қызмет жасады. Жаңақорғанда кейінгі жылдары құрылыс қарқын алып, тұрғындардың тұрмыс сапасын жақсартуға бағытталған нақты істер жүзеге асырылды. Маңызды жобаларды жоғары деңгейде үйлестіріп, нәтижелі жұмыс атқарған Мұрат Жолкелдіұлының елеулі еңбегін атап өту қажет.Ендігі кезекте ауданның жаңа әкімін таныстыруға рұқсат етіңіздер. Қазақстан Республикасы Президенті Әкімшілігі және Жаңақорған аудандық мәслихатының келісімдері негізінде, облыс әкімінің өкімімен Жаңақорған ауданының әкімі лауазымына Самитов Мажит Самитұлы тағайындалды.Мажит Самитұлы – білікті маман, тәжірибелі басшы. &nbsp;Ауданның әлеуметтік-экономикалық ахуалымен етене таныс, мемлекеттік қызметтің барлық сатысынан өткен. Аудан әкімі ретінде Мемлекет басшысының тапсырмалары мен алға қойған міндеттерді орындап, игі бастамаларды одан әрі жалғастыру жолында аянбай жұмыс жасайды деп сенемін. Жаңа қызметіңізге сәттілік тілеймін!», – деді Нұрлыбек Нәлібаев.</blockquote>Самитов Мажит Самитұлы 1985 жылы Жаңақорған ауданында дүниеге келген. Әл Фараби атындағы Қазақ Ұлттық университетін «Заңтану», Қорқыт Ата атындағы Қызылорда мемлекеттік университетін «Экономика» мамандықтары бойынша бітірген. Еңбек жолын 2007 жылы Қызылорда қаласы прокурорының көмекшісі болып бастаған. 2010-2015 жылдары Қызылорда облыстық прокуратурасының басқарма прокуроры, аға прокуроры қызметтерін атқарған. 2015-2017 жылдары ҚР Бас прокуратурасының бірінші департаментінің прокуроры, аға прокуроры болған. 2017-2019 жылдары Қармақшы ауданы әкімінің орынбасары, Қызылорда облысы әкімінің көмекшісі қызметтерін атқарған. 2019-2022 жылдары Президент Әкімшілігі басшысының хатшылығы меңгерушісінің орынбасары, ҚР Мемлекеттік хатшысы хатшылығының меңгерушісі қызметтерін абыроймен атқарған. 2022 жылдың маусым айынан ҚР Мемлекеттік кеңесшісі хатшылығының меңгерушісі саяси қызметін атқарып келді.<img src="https://knadmin.beoblood.kz/uploads/FB_IMG_1718381879257_65417651f2.jpg" alt="FB_IMG_1718381879257.jpg">

Жаңақорған ауданының әкімі тағайындалды 

Бүгін облыс әкімі Нұрлыбек Нәлібаевтың төрағалығымен кадрлық өзгерістерге байланысты актив мәжілісі өтті.Қазақстан Республикасы Президенті Әкімшілігінің келісімімен, облыс әкімінің өкімі негізінде Байманов Шахмардан Асқарұлы облыс әкімінің орынбасары лауазымына тағайындалды.<blockquote>«Өздеріңіз білетіндей, Мемлекет басшысының мемлекеттік аппарат қызметін оңтайландыру туралы тапсырмасына сәйкес, өткен жылы аппарат басшыларына жергілікті бюджеттен қаржыландырылатын атқарушы органдарға жетекшілік жасау бойынша өкілеттік берілді. Осыған сәйкес облыс әкімі аппаратының басшысы Байманов Шахмардан Асқарұлы мемлекеттік саяси лауазымына тағайындалып, екі жылдан астам уақыт аппаратқа, оған қоса өңірдің қоғамдық-саяси саласына, қоғамдық даму, мәдениет және спорт, дін мәселелеріне жетекшілік жасап келді. Ел экономикасын дамытып, әлеуметтік мәселелердің оң шешімін табуда қоғамдық-саяси ахуалдың тұрақтылығы аса маңызды. Мемлекет басшысының тапсырмасына сәйкес, өңірлердегі идеологиялық жұмыстарды күшейту мақсатында идеологиялық блок және ішкі саясат мәселелеріне жетекшілік етуді әкім орынбасарына бекіту практикасы қайта енгізілді. Бұл өз кезегінде өңірлердегі қоғамдық-саяси ахуалдың, әлеуметтік шиеленістер мен тәуекелдердің алдын алып, тұрақтылықты қамтамасыз етеді», – деді аймақ басшысы.</blockquote>Облыс әкімінің орынбасары ретінде Шахмардан Байманов қоғамдық даму, мәдениет, дене шынықтыру және спорт, білім, дін және жастар ісі мәселелеріне жетекшілік жасайтын болады. Ш.Байманов Қорқыт Ата атындағы Қызылорда мемлекеттік университетін «Қаржы және қаржылық құқық» мамандығы бойынша бітірген. ҚР Президенті жанындағы Мемлекеттік басқару академиясы Мемлекеттік саясаттың ұлттық мектебінің «Саясаттану» мамандығы бойынша түлегі, әлеуметтік білім магистрі. Ш. Байманов әр жылдары үкіметтік емес ұйымдар мен жастар бірлестіктерінде жоғары басшылық лауазымға дейінгі жолдан өтті. 2012-2017 жылдары Ақмола облысының жастар саясаты мәселелері басқармасының басшысы, республикалық «Жас Отан» жастар қанатының &nbsp;төрағасы болған. 2017-2022 жылдары Қызылорда қаласы әкімінің орынбасары, Ақпарат және қоғамдық даму министрлігі Жастар және отбасы істері комитеті төрағасының орынбасары, комитет төрағасы лауазымдарын абыроймен атқарған. 2022 жылдың сәуір айынан Қызылорда облысы әкімі аппаратының басшысы қызметін атқарып келеді.<img src="https://knadmin.beoblood.kz/uploads/FB_IMG_1718381585890_164d55f665.jpg" alt="FB_IMG_1718381585890.jpg">

Шахмардан Байманов облыс әкімінің орынбасары лауазымына тағайындалды

Kyzylorda-news.kz. Облыс әкімі Нұрлыбек Нәлібаев медицина қызметкерлерін кәсіби мерекемен құттықтады. Мерекелік іс-шараға ҚР Денсаулық сақтау бірінші вице-министрі Тимур Сұлтанғазиев арнайы келіп қатысты.<blockquote>«Мемлекет басшысы Қасым-Жомарт Кемелұлы «Мемлекет медицина қызметкерлеріне жан-жақты қолдау көрсетіп, денсаулық сақтау саласын дамытуға баса назар аударады. Ұлт саулығы – Әділетті Қазақстанды құру жолындағы мемлекеттік саясатымыздың аса маңызды бағыты» деп айрықша атап өтті.&nbsp; Бүгінде аймақта халыққа сапалы медициналық қызмет көрсету, дәрігер мәртебесін арттыру үшін қажетті шаралардың барлығы жасалуда. Өткен жылмен салыстырғанда өңірде сәби өлімі 13%, қан айналым жүйесінің ауруынан болатын өлім-жітім 16,9%, қатерлі ісіктерден болатын өлім-жітім 4,7% төмендеді. Бұл – Президентіміз бен Үкімет тарапынан медицина саласына көрсетілген тұрақты қолдаудың жемісі. &nbsp;Ауру көрсеткішінің төмендеп, оң динамиканың қалыптасуы – халыққа қалтқысыз қызмет еткен ақ халатты абзал жандардың еңбегінің нәтижесі. Біз мұнымен тоқтап қалмай, ауылдық жердегі медициналық қызмет сапасын, әлеуетін көтеруге бар күш-жігерімізді жұмсаудамыз. Осы мақсатта тұрғындардың медициналық қызметке қолжетімділігін арттыру, денсаулық сақтау инфрақұрылымын одан әрі жетілдіру шаралары кешенді жүргізілуде», – деді Нұрлыбек Машбекұлы.</blockquote>Салтанатты іс-шарада ҚР Денсаулық сақтау бірінші вице-министрі Тимур Сұлтанғазиев әріптестерін құттықтап, ізгі тілегін жеткізді. Бірқатар сала қызметкеріне Денсаулық сақтау министрлігі мен облыс әкімінің марапаттары табысталды.Мерекелік кеш концерттік бағдарламаға ұласты.Айта кетейік, биыл өңірдің медицина саласында ауқымды жобалар жүзеге асуда. Мемлекет басшысының бастамасымен қолға алынған «Ауылдық денсаулық сақтауды жаңғырту» ұлттық жобасы аясында жалпы құны 11 млрд. теңгені құрайтын 27 нысан салынуда. Өткен жылы елді мекендерде 15 жаңа дәрігерлік амбулатория, 1 медициналық бекет пайдалануға берілді. Қалған 11 нысан жыл соңына дейін халық игілігіне табысталады.&nbsp; «Ауыл – ел бесігі» бағдарламасы шеңберінде Қызылорда қаласының Досан елді мекенінде медициналық бекет, Баймұрат батыр ауылында дәрігерлік амбулатория қолданысқа берілді. Көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды. Облыс орталығында 36 млрд. 400 млн теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы қарқынды жүруде.Осы кезге дейін жеке ғимараты болмаған &nbsp;облыстық Қан орталығы жақын күндері ел игілігіне табысталады. Ғимарат құрылысына республикалық бюджеттен 2 млрд. 900 млн. теңге қаржы бөлінді.Жергілікті бюджет есебінен 922 млн. теңгеге Жаңақорған ауданы, Төменарық ауылында дәрігерлік амбулаториясымен қоса 15 төсектік ауылдық аурухана салынуда. Шиелі ауданында 30 төсектік инфекциялық бөлімше құрылысы басталады. Таяуда Жаңақорған ауданындағы көпбейінді аудандық орталық аурухана базасында, жыл соңына дейін Арал ауданында «Қамқорлық» оңалту орталығы ашылады. Аймақ медицинасын дамытуға бюджеттен тыс ресурстар да тартылған. «Қазақстан халқына» қоғамдық қоры екі жылда өңірдің денсаулық сақтау саласына 2 млрд. теңгеден астам қаржы бағыттады. Бұл қаржыға облыстық балалар ауруханасы базасында «Қамқорлық» реабилитация орталығы ашылып, &nbsp;аса қымбат дәрі-дәрмек алынды. Қор облыстық онкология орталығын 1 млрд. 100 млн теңге тұратын онкологиялық скрининг жүргізуге арналған жылжымалы медициналық кешенмен қамтамасыз етті. Мұндай кешен республиканың 3 өңірінде ғана бар. Бүгінде &nbsp;жылжымалы кешен облыстың шалғай елді мекендерін аралап, 1300-ден астам тұрғын онколог кеңесін алды. Әрі қарай да аймақ тұрғындарына медициналық көмек беруді жалғастырады. Халыққа сапалы медициналық қызмет көрсету үшін мамандар біліктілігін арттыру назардан тыс қалған емес. Биыл 10 реаниматолог және 5 кардиолог маман Түркия еліндегі жетекші медициналық ұйым – «Мемориал» клиникасында білім жетілдірді.<img src="https://knadmin.beoblood.kz/uploads/FB_IMG_1718298604837_0eec016cea.jpg" alt="FB_IMG_1718298604837.jpg"><img src="https://knadmin.beoblood.kz/uploads/FB_IMG_1718298576151_c85b58040e.jpg" alt="FB_IMG_1718298576151.jpg"><img src="https://knadmin.beoblood.kz/uploads/FB_IMG_1718298615778_6382cfcc34.jpg" alt="FB_IMG_1718298615778.jpg"><img src="https://knadmin.beoblood.kz/uploads/FB_IMG_1718298595246_d236600e1c.jpg" alt="FB_IMG_1718298595246.jpg"><img src="https://knadmin.beoblood.kz/uploads/FB_IMG_1718298643733_b3b85baeaf.jpg" alt="FB_IMG_1718298643733.jpg"><img src="https://knadmin.beoblood.kz/uploads/FB_IMG_1718298613357_318ba30ee8.jpg" alt="FB_IMG_1718298613357.jpg"><img src="https://knadmin.beoblood.kz/uploads/FB_IMG_1718298567929_ac9e13b845.jpg" alt="FB_IMG_1718298567929.jpg"><img src="https://knadmin.beoblood.kz/uploads/FB_IMG_1718298597514_16af2d20d0.jpg" alt="FB_IMG_1718298597514.jpg">

Облыс әкімі медицина қызметкерлерін құттықтады

Kyzylorda-news.kz. Облыс әкімі Нұрлыбек Нәлібаев Медицина қызметкерлері күні қарсаңында емдеу мекемелеріне жаңа санитарлық автокөліктердің кілтін салтанатты түрде табыстап, саланың өркендеуіне жан-жақты қолдау көрсетіле беретінін айтты. Салтанатты іс-шараға ҚР Денсаулық сақтау бірінші вице-министрі Тимур Сұлтанғазиев арнайы келіп қатысты.<blockquote>«Мемлекет басшысы Қасым-Жомарт Кемелұлы денсаулық сақтау саласына айрықша көңіл бөліп, «Ұлт саулығы жақсы болса ғана, қоғам орнықты дамиды» &nbsp;деген болатын. Сыр өңірінде тұрғындардың медициналық қызметке қолжетімділігін арттыру, денсаулық сақтау инфрақұрылымын одан әрі жетілдіру кешенді түрде жүргізілуде. 2022 жылы халықтың сұранысына сәйкес 45 жедел жәрдем көлігі алынып, облыстық медициналық жедел жәрдем стансасы 100 пайыз қамтамасыз етілді. Өткен жылы денсаулық сақтау ұйымдарына 513 млн. теңгеге 25 жаңа санитарлық автокөлік табысталса, биыл барлық елді мекендердегі денсаулық сақтау мекемелеріне 200 санитарлық автокөлік алынады. Алғашқы 50 автокөлікті бүгін табыстаймыз. Қалған 150 автокөлік жыл соңына дейін беріледі. Осылайша, биыл елді мекендерді санитарлық автокөлікпен қамту мәселесін түбегейлі шешеміз», – деді Нұрлыбек Машбекұлы.</blockquote>Салтанатты іс-шарада ҚР Денсаулық сақтау бірінші вице-министрі Тимур Сұлтанғазиев, А.Н.Сызғанов атындағы хирургия ғылыми орталығының басқарма төрағасы Болатбек Баймаханов әріптестерін құттықтап, сала ардагері Тұрғанбай Маханов бата берді.&nbsp;Айта кетейік, биыл өңірдің медицина саласында ауқымды жобалар жүзеге асуда. Мемлекет басшысының бастамасымен қолға алынған «Ауылдық денсаулық сақтауды жаңғырту» ұлттық жобасы аясында жалпы құны 11 млрд. теңгені құрайтын 27 нысан салу көзделген. Өткен жылы елді мекендерде 15 жаңа дәрігерлік амбулатория, 1 медициналық бекет пайдалануға берілді. Қалған 11 нысан жыл соңына дейін халық игілігіне табысталады.&nbsp;«Ауыл – ел бесігі» бағдарламасы шеңберінде Қызылорда қаласының Досан елді мекенінде медициналық бекет, Баймұрат батыр ауылында дәрігерлік амбулатория қолданысқа берілді. Көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды. Облыс орталығында 36 млрд. 400 млн теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы қарқынды жүруде.Осы кезге дейін жеке ғимараты болмаған &nbsp;облыстық Қан орталығы жақын күндері ел игілігіне табысталады. Ғимарат құрылысына республикалық бюджеттен 2 млрд. 900 млн. теңге қаржы бөлінді.Жергілікті бюджет есебінен 922 млн. теңгеге Жаңақорған ауданы, Төменарық ауылында дәрігерлік амбулаториясымен қоса 15 төсектік ауылдық аурухана салынуда. Шиелі ауданында 30 төсектік инфекциялық бөлімше құрылысы басталады. Таяуда Жаңақорған ауданындағы көпбейінді аудандық орталық аурухана базасында, жыл соңына дейін Арал ауданында «Қамқорлық» оңалту орталығы ашылады. Аймақ медицинасын дамытуға бюджеттен тыс ресурстар да тартылған. «Қазақстан халқына» қоғамдық қоры екі жылда өңірдің денсаулық сақтау саласына 2 млрд. теңгеден астам қаржы бағыттады. Бұл қаржыға облыстық балалар ауруханасы базасында «Қамқорлық» реабилитация орталығы ашылып, &nbsp;аса қымбат дәрі-дәрмек алынды. Қор облыстық онкология орталығын 1 млрд. 100 млн теңге тұратын онкологиялық скрининг жүргізуге арналған жылжымалы медициналық кешенмен қамтамасыз етті. Мұндай кешен республиканың 3 өңірінде ғана бар. Бүгінде &nbsp;жылжымалы кешен облыстың шалғай елді мекендерін аралап, 1300-ден астам тұрғын онколог кеңесін алды. Әрі қарай да аймақ тұрғындарына медициналық көмек беруді жалғастырады.Халыққа сапалы медициналық қызмет көрсету үшін мамандар біліктілігін арттыру назардан тыс қалған емес. Биыл 10 реаниматолог және 5 кардиолог маман Түркия еліндегі жетекші медициналық ұйым – «Мемориал» клиникасында білім жетілдірді.<img src="https://knadmin.beoblood.kz/uploads/FB_IMG_1718298010463_f7a8af994d.jpg" alt="FB_IMG_1718298010463.jpg"><img src="https://knadmin.beoblood.kz/uploads/FB_IMG_1718298005610_4607ca7e83.jpg" alt="FB_IMG_1718298005610.jpg"><img src="https://knadmin.beoblood.kz/uploads/FB_IMG_1718297999911_a1d3d89394.jpg" alt="FB_IMG_1718297999911.jpg"><img src="https://knadmin.beoblood.kz/uploads/FB_IMG_1718298016689_4817f56402.jpg" alt="FB_IMG_1718298016689.jpg"><img src="https://knadmin.beoblood.kz/uploads/FB_IMG_1718298019385_6c1614faac.jpg" alt="FB_IMG_1718298019385.jpg">

Қызылордада медицина мекемелеріне 50 жаңа көлік табысталды

<a href="https://kyzylorda-news.kz/">Kyzylorda-news.kz</a> Мемлекет басшысының Қазақстан халқына арнаған Жолдауынан туындайтын негізгі міндеттердің бірі – отандық және шетелдік инвестиция тарту. Осы ретте, 2025 жылға қарай жалпы ішкі өнімнің құрамындағы инвестицияның үлесін 25%-ға жеткізу міндеті қойылып, өңірлер үшін жоспар бекітілген.Айта кетейік, 2022 жылы аймаққа 413,2 млрд теңге инвестиция тартылды. Биыл 517,5 млрд теңге инвестиция тарту жоспарланған. Жыл басынан бері 5 айда 174,4 млрд теңге инвестиция тартылды. Бұл өткен жылдың сәйкес кезеңімен салыстырғанда 53,2 млрд. теңгеге немесе 40% артық.Еске салсақ, облыс өңірлер арасында өңдеу өнеркәсібінің көрсеткіші бойынша бірінші орынға тұрақтаған. 2022 жылдың қазан айында шетелдік инвестордың қатысуымен ашылған, 197 мың тонна өнім шығаруға қабілетті шыны зауыты тұрақты жұмыс жасауда. Өнеркәсіп саласының дамуына серпін беретін бұл жобаға 42 млрд. теңге инвестиция тартылды. Қажетті шикізат шетелден, негізінен Ресейден, Өзбекстаннан тасымалдануда. Зауыт іске қосылғалы бері 23,9 млрд. теңге болатын 19 млн. м2 шыны өндірді. Өнімнің 70%-ы ішкі нарыққа, 30%-ы Өзбекстан, Қырғызстан, Тәжікстан, Грузия және Ресейге экспортқа жіберіледі. Зауытта 400-ге жуық адам жұмыспен қамтылған.Осы ірі жобаның айналасында шағын және орта кәсіпкерлікті дамытуға мүмкіндік мол. Мәселен, «Айна Гласс» компаниясы жылына 720 мың шаршы метр айна шығаратын жобасын бастады. Қаржыландыру мәселесі Өнеркәсіпті дамыту қоры арқылы шешілді. Мемлекеттік қолдау ретінде зауыт орналасатын жер телімі берілді. Сондай-ақ, «Комфорт-1KZ» ЖШС «Шыңдалған шыны және автомобиль шыныларын өндіру зауытын кеңейту» жобасын жүзеге асыруға ниетті. Өндірістің негізгі шикізаты – табақша шыны, жылына 360 мың шаршы метр өнім шығару жоспарлануда. Оны Бірыңғай индустрияландыру картасына енгізу үшін құжаттары салалық министрлікке жолданды.Ілеспе жобаларды құру шыны кластерін дамытуға, салық базасын кеңейтуге, қосымша 400-ден астам жаңа жұмыс орнын құруға, өнім түрін ұлғайтуға, заманауи халықаралық технологияларды енгізуге және жергілікті мамандардың біліктілігін арттыруға серпін береді.Мұнан бөлек, «Medal Group GmbH», «Horn Glass» және «Wehrhahn GmbH» компанияларымен тау-кен байыту комбинатын, фиброцемент, газобетон және құрғақ құрылыс қоспалары өндірістерін құру, шыны бөтелке зауыты жобасын жүзеге асыру туралы меморандумдарға қол қойылды. Бүгінде «Seven Rivers Technologies» ЖШС «Horn glass» германдық технологиясымен жылына 220 миллион бөтелке шығаратын, шыны қалдығын қайта өңдейтін желіні іске қосуды жоспарлауда.Электр энергиясын тұтыну қарқынын, энергетикалық инфрақұрылымды дамыту маңыздылығын ескеріп, түркиялық «Aksa Energy» компаниясымен бірлесіп, қуаттылығы 240 МВт жаңа жылу-электр орталығының құрылысы жүргізілуде. Құны 215 млрд теңге болатын жаңа станция – егемендік жылдарындағы инвестор қаржысына салынатын ең ірі жобалардың бірі. Оған қоса, қуаттылығы 1 100 мегаваттық бу-газ станциясын салу туралы келісімге қол қойылды. Осы жобаны 2024-2029 жылдары іске асыру, оның аясында 800 млрд. теңге инвестиция тарту, «Қызылорда-Шымкент», «Қызылорда-Жезқазған» бағыттары бойынша жаңа электр желілерін салу жоспарлануда.Сондай-ақ, «Тесис» ЖШС Шиелі ауданында қуаттылығы 40 МВттық күн-электр станциясын салмақ. Оған 80 гектар жер учаскесі бөлінді. Аукцион талаптарына сәйкес іске қосу мерзімі 2025 жыл болып белгіленген.Сәуір айындағы Түркия Республикасына жұмыс сапары кезінде өңдеу өнеркәсібі саласындағы компания басшыларымен кездесулер ұйымдастырылып, ынтымақтастық туралы екі меморандумға қол қойылды. «Bayteks Tekstil» компаниясы «Тоқыма емес маталарды шығару» жобасын жүзеге асырады деп жоспарлануда. Қазір аталған жобаны орналастыру үшін жер телімі қарастырылуда.Сонымен қатар, «Akplas» компаниясының тамшылатып суару өндірісі жобасын іске асыру арқылы су үнемдеудің заманауи әдісі енгізіледі. Жүргізілген келіссөздер нәтижесінде компания басшысы арнайы іссапармен келіп, өңірдің инвестициялық әлеуетімен танысты. Бұдан бөлек, жасанды мәрмәрдан еден мен қасбетке арналған қаптама шығаратын «Capra Insaat» серіктестігімен келіссөздер жүргізілуде. Атап өту қажет, өткен жылы елімізге құны 600 мың АҚШ долларын құрайтын жасанды мәрмәр импортталған. Сондай-ақ, сүт және тамақ өнімдеріне арналған пластикалық қаптама өндірісімен айналысатын «Teknika Plast» компаниясымен келіссөз бар. Былтыр елімізге құны 37,9 млн. АҚШ доллары болатын 9,7 мың тонна пластик ыдыс-аяқ, оның ішінде Қызылорда облысына 453 мың АҚШ долларына бағаланған 149 тонна осындай өнім сырттан әкелінген. «Uranus Wind» компаниясымен қуаттылығы 50 МВт жел-электр станциясын салу, кореялық «With YOU» компаниясымен қоқысты сұрыптау және қайта өңдеу бағытындағы бастамалар қолға алынды.ҚР Сыртқы істер министрлігі және «Kazakh Invest» акционерлік қоғамымен бірлесіп, агроөнеркәсіп, өңдеу өнеркәсібі, энергетика және басқа да салалардағы 90-ға жуық әлеуетті шетелдік компанияға ұсыныстар жолданып, келіссөздер жүргізілуде. Тағы 50-ге жуық жоба облыс аумағына орналастыру үшін сүйемелденуде.Экология және әлеуметтік салаға инвестиция тартумен қатар, инновация, жаңа технологиялар енгізу мақсатында нидерландтық компаниялармен бірлескен жұмыстар қолға алынды. Мамырдың 10-ы күні Астана қаласында Нидерланд Премьер-министрінің Қазақстанға іссапары аясында «DGB Group» және «Spectator eHealth» компанияларымен 2 меморандумға қол қойылды. Жобалар денсаулық сақтау және экология салаларымен байланысты. Біріншісі, телемедицина платформасын енгізуге 10 млн. еуро тартылмақ. Екіншісі, Арал теңізі аймағындағы 80 мың гектарға, бастапқы кезеңде 10 мың гектарға жасыл екпе егу жоспарлануда. Бұған 5 млн. еуро инвестиция құйылмақ.Тау-кен металлургия саласында жаңа кеніштерді игеруде екі инвестициялық жоба іске асырылуда. «Шалқия» қорғасын-мырыш және «Баласауысқандық» ванадий кеніштеріне 400 млрд. теңгеге жуық инвестиция тарту жоспарлануда. Мұнан бөлек, «Баласауысқандық» кен орны 100% шетелдік инвестордың қатысуымен іске асырылуда. Мұнда 2016 жылдан бері тәжірибелік-өндірістік кешен жұмыс жасайды. Кеніштен алынған аммоний метаванадаты, ферромолибден, ванадий пентоксид өнімдері Ұлыбритания және Австрия, Швейцарияға экспортталады.Мемлекет басшысы сапалы ет, сүт, астық өнімдерін терең өңдеуге бағытталған жобаларға басымдық беруді тапсырған болатын. Облыста құс етіне қажеттілік жылына 14,1 мың тонна. Осыған дейін оның барлығы сырттан келетін. Өткен жылы Қармақшы ауданы, Ақтөбе ауылындағы «Қармақшы құс» жауапкершілігі шектеулі серіктестігінің құс фабрикасы іске қосылып, алғашқы өнімі шығарылды.Фото: Нұрболат НҰРЖАУБАЙ

Биыл Сыр өңіріне 500 млрд теңгеден астам инвестиция тартылмақ

Журналист Гүлмира Әбіқай әлеуметтік желісінде “Тиран ене” атты жазба қалдырды,-деп хабарлайды politico.kz.Оқиға Түркістан облысының Арыс ауданында болды. Дананың жасы 26-да. Жігітімен сүйіп қосылды. Күйеуге тиген 6 жылда 3 бала туды. Үлкені 4-те, ортаншысы 2-ден асты, кішісі небәрі 9 айлық бөпе.Баламның басын айналдырып тидің деп келін болып түскелі отырса опақ, тұрса сопақ. Енесі тарапынан Әркез психологиялық қысым, қорлық, қол көтеруден мезі болған келін соңғы ұрыстан соң өлуге бел шешеді.1 маусым күні таңертең үйдегілер қалың ұйқыда жатқанда орнынан тұрып, балаларының бетінен сүйіп қоштасып, уксус ішіп естен танады. 3 күн ес-түссіз жатып, беті әрең бері қарады. Жанында өз анасы күткен. Палатаға ауысқан соң дәрігерлер анасын шығарып артқы есіктен күйеуін кіргізді,- дейді туыстары.Енді басталады өтірік аяққа жығылу, күйем-сүйем, енді қайталамаймын, кешір деген варианттар. Одан қалса енесі, атасы, туыс, құдалар, ауыл белсенділері , ақсақалдар алқасы, ауыл биі бір кешірім бер келін деп келетіні тағы анық. Кей ауылда кешірімге әкім мен инспектор да қызу араласады.Осындай бір ауылға сөзі өтіп, елді қаратып отырған жандар отбасылық зорлық-зомбылық болған кезде дер мезетте неге араша түспейді екен деген ой келеді?! Дана енді ол үйге оралмаймын деп отыр. Енесінің үстінен арыз жазды. Азаматша Қатираға қатысты ҚР 105 баппен қылмыстық іс қозғады (өзіне-өзі қол жұмсауға дейін жеткізу). Енді ағайыншылық, қазақылық демей заң Заң болып қалуы тиіс! Жігітіне сүйіп қосылып, күйеуінен емес енесінен таяқ жеген келінге әділ заң бар екенін айтып, тілекші болайық.Дананың балаларын көрмегелі тура 1 апта болды. Ендігі уайымы балаларымды қалай аламын деп жылап отыр.Құдай-ау, кәмелет жасқа толмаған әлі өз ой-пікірін жеткізе алмайтын балалар заңға сай анасының қамқорлығында қалады. Оның үстіне 9 айлық бала емшек сүтін сағынып жүргені анық.

Қазақстан және Қызылорда облысының жаңалықтары: Басты жаңалықтар old