Kyzylorda-news.kz. Сенбі күні облыс әкімі Нұрлыбек Нәлібаев Сырдария ауданына жұмыс сапарымен барып, "Бесарық" ауылының әлеуметтік-экономикалық дамуымен танысты.Еске салсақ, өткен жылдың қорытындысымен бұл ауыл «Үлгілі елді мекен» байқауының жеңімпазы атанған еді.Қазір &nbsp;бірқатар игі жобалар жүзеге асуда. &nbsp;Спорт кешенінің құрылысы 2022 жылы басталды. Жобаның жалпы құны – 389,2 млн. теңге. Ауыл халқының спортпен тұрақты шұғылдануына оңтайлы &nbsp;мүмкіндік жасайтын &nbsp;нысан құрылысын «SCS Инжиниринг» ЖШС салуда. Бүгінде ішкі &nbsp;жұмыстары жүргізіліп, спорттық құрылғылар орнатылуда. Нысан биыл пайдалануға берілмек.Аймақ басшысы аудан әкімі Берік Сәрменбаевқа бірқатар тапсырма берді. &nbsp;Ауылда салынатын әлеуметтік нысандардың құрылыс сапасын мұқият қадағалауды және тазалық, абаттандыру, көгалдандыру жұмыстарын күнделікті бақылауды міндеттеді. Айта кетейік, жыл басында Сырдария ауданының бюджеті 10,3 млрд. теңге болып бекітілсе, 4 айдың қорытындысымен 11,6 млрд. теңгені құрады. &nbsp;Бюджеттің 65 пайызы әлеуметтік және инфрақұрылым салаларын дамытуға бағытталды. Жыл басынан &nbsp;қаңтар-сәуір айларында ауданның өнеркәсіп орындары 30,8 млрд. теңгенің өнімін өндірді, бұл 2023 жылдың осы кезеңімен салыстырғанда 160 пайызды құраған. Негізгі капиталға 20 млрд. теңге инвестиция тартылды, бұл өткен жылдың тиісті кезеңімен &nbsp;салыстырғанда 123,7 пайыз болды.<img src="https://knadmin.beoblood.kz/uploads/FB_IMG_1717859631176_a1562a8f37.jpg" alt="FB_IMG_1717859631176.jpg"><img src="https://knadmin.beoblood.kz/uploads/FB_IMG_1717859637968_e9168747ff.jpg" alt="FB_IMG_1717859637968.jpg"><img src="https://knadmin.beoblood.kz/uploads/FB_IMG_1717859640905_3c693b8d02.jpg" alt="FB_IMG_1717859640905.jpg">

Аймақ басшысы "Бесарық" ауылының даму барысымен танысты

Әскерде көз жұмған сарбаздың бас сүйегі сынған және денесінен 26 жарақат іздері табылған.Екі жыл бұрын қайтыс болған сарбаз Алмас Шахимовтың анасы баласын әскерде қасақана өлтіргенін мәлімдеді, деп хабарлайды KYN.KZ ақпарат агенттігі.Марқұмның туыстары 2023 жылы эксгумацияға тексеруге берген. Экспертиза нәтижесінде Алмас Шахимовтың денесінен 26 жарақат белгісі және оң жақ бөлігінде пышақ іздері бары анықталған.<blockquote>“Біз басында эксгумацияға қарсы болдық. Ол кезде дәлелдер бар еді. Бірақ әскерлер оның барлығын жойып жіберді. Денесінен үш пышақ жарақаты және буындырған іздері бары анықталды. Арқасына шылымның шоғы басылған, бүйрегін езіп жіберген”, - дейді сарбаздың анасы.&nbsp;</blockquote>Сондай-ақ, сарбаздың атынан офицер несие рәсімдеген. Алмастың туыстары екі жыл бойы әділдікке жете алмай жүр. Анасының сөзінше, әскерилер оған материалдық көмек көрсетіп, қыздарын оқуға түсіруге уәде де берген екен.

Арқасына шылымның шоғын басқан: қайтыс болған сарбаздың анасы баласын қасақана өлтіргенін айтты

Елімізде бұрынғы сағат белдеуін қайтару туралы петиция 50 мың қол жинады. Енді бұл мәселені Сауда және интеграция министрлігі қарауы қажет, деп хабарлайды <a href="https://dalanews.kz/kz">Dalanews.kz.</a><blockquote>Еске салайық, 2024 жылы 29 ақпаннан 1 наурызға қараған түні Үкіметтің "Қазақстан Республикасының аумағында уақытты есептеу тәртібі туралы" Қаулысына сәйкес елдің бүкіл аумағы бірыңғай сағаттық белдеуге көшті. Содан бері Қазақстанның 16 облысы 5 сағаттық "UTC+5" белдеуінде орналасты. Алайда бұдан кейін сағат тілін кері жылжыту туралы петиция пайда болды.</blockquote>Бұған дейін премьер-министрдің орынбасары Серік Жұманғарин петиция 50 мың дауыс жинағанда қандай шешім қабылданатыны туралы сауалға жауап берген еді.<blockquote>"Петиция 50 мың дауыс жинаса, біз арнайы жұмыс тобын құрып, белгіленген тәртіпте мемлекеттік органдар мен сарапшыларды тарта отырып, оны қарайтын боламыз. Мен қазір алдын ала ештеңе айта алмаймын. Оның 50 мың дауыс жинағанын күтейік", - деді ол.</blockquote>Айта кетейік, Қазақстанда бірыңғай уақыт белдеуіне көшу туралы алғашқы ұсыныс 2020 жылы жасалды. Оған ҚР Премьер-Министрі Әлихан Смайылов Үкімет қаулысына қол қойды.2024 жылдың 29 ақпанынан 1 наурызға қараған түні жергілікті уақыт бір сағатқа артқа жылжыды.

Қазақстанда бұрынғы уақыт белдеуін қайтару туралы петиция 50 мың дауыс жинады

Kyzylorda-news.kz. Аймақ басшысы Нұрлыбек Нәлібаевтың төрағалығымен облыс әкімдігі жанындағы құқық бұзушылық профилактикасы жөніндегі ведомствоаралық комиссия отырысы өтті. Онда тұрмыстық зорлық-зомбылықтың алдын алуда &nbsp;атқарылған жұмыстар мен қаржы пирамидаларына қатысты мәселелер қаралды. Жиынға жауапты мекеме, ұйым басшылары қатысып, аудан әкімдері селекторлық байланыс арқылы қосылды.Облыс әкімі әйелдер мен балалардың құқығын қорғау &nbsp;мемлекеттік саясаттың басым бағыты екенін, бұл күрделі мәселе жауапкершілікті талап ететінін қаперге салды.<blockquote>«Мемлекет басшысы өткен жылғы Жолдауында &nbsp;тұрмыстық зорлық-зомбылық үшін жауапкершілікті күшейтуді тапсырған еді. Таяуда ғана Президент «Әйелдердің құқықтары мен балалардың қауіпсіздігін қамтамасыз ету туралы» заңға қол қойды. Тұрмыстық зорлық-зомбылықтың қылмыс деп танылуы, балаларға қатысты зорлық-зомбылықтың барлық түрлері үшін жазаның күшейтілуі және отбасындағы зорлық-зомбылықтың алдын алуға арналған түрлі шаралардың белгіленуі заңның негізгі жаңашылдығы деп айтуға болады. Бұл мәселемен тікелей айналысатын арнайы құрылым жұмысын бастады. Полиция органдарында мамандандырылған бөлімше құрылып, жұмыс атқаруда. Тек анықтаумен шектелмей, арнайы ашылған орталықтар және мүдделі органдармен бірлесіп, нақты шараларды қолға алу қажет. Бірінші кезекте тез нәтиже беретін әрі халыққа аса қажетті жобаларды қолға алу керек», - деді Нұрлыбек Машбекұлы.</blockquote>Тұрмыстық қарым-қатынастағы құқық бұзушылықтың алдын алу, зардап шеккен әйелдер мен олардың отбасыларына қолдау көрсету бағытында атқарылған шаралар туралы департамент бастығының бірінші орынбасары Ермахан Абдраманов, &nbsp;облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев баяндама жасады.Аймақ басшысы тұрмыстық зорлық- зомбылыққа бейім отбасылармен арнайы мамандарды тартып, профилактикалық шаралар жүргізуді тапсырды. Зардап шеккен отбасыларға тұрақты мониторинг жүргізіп, &nbsp; әлеуметтік тұрғыдан бейімделуіне қосымша шаралар қабылдау үшін нақты ұсыныстар әзірлеу міндеті қойылды.Қаржы пирамидасы мен қаржылық алаяқтықтың алдын алу бағытында атқарылған шаралар туралы &nbsp;департамент басшысының міндетін атқарушы Арман Джанадилов баяндады.Аймақ басшысы қаржылық алаяқтықтың алдын алу және тұрмыстық жанжалдарды азайтуға азаматтық қоғам институттары мен қоғамды тартудың маңызын айтты. Сол арқылы жастардың құқықтық сауаттылығы артып, қауіпті кеселге қарсы дүниетанымы қалыптасады. Облыс басшысы &nbsp;құзырлы мекеме басшыларына көлеңкелі экономикаға қарсы іс-қимылды күшейту, қаржы пирамидалары белгілерін алдын ала анықтау жұмыстарын жандандыруды ескертті. «Қаржылық сауаттылық және қаржылық қауіпсіздік негіздері» аясында Қызылорда қаласы және аудан әкімдері, тиісті салалық басқармалар бірлесіп, кешенді іс-шара қабылдауы тиіс.Комиссия отырысында күн тәртібінен бөлек &nbsp;басқа да өзекті мәселелер қаралды. Жаз айларында тұрғындар қауіпсіздігін қамтамасыз ету үшін бұқаралық ақпарат құралдары мен әлеуметтік желілер арқылы профилактикалық сипаттағы 6 арнайы әлеуметтік ролик жасау тапсырылды. Олар вандализм, лудомания, есірткі қылмыстары, балалардың терезеден құлап кетуі, белгіленбеген орындарда шомылу, интернет-алаяқтық пен кәмелетке толмағандарға жыныстық қол сұғушылықтың алдын алу тақырыптарын қамтуы тиіс.&nbsp; Жиынды қорытындылай келе, облыс әкімі қаралған мәселелер бойынша жауапкершілікті күшейтіп, көзделген міндетті мүлтіксіз орындау қажеттігін қатаң ескертті.

Нұрлыбек Нәлібаев: Тез нәтиже беретін әрі халыққа аса қажетті жобаларды қолға алу керек

Табиғаттың қарасқаны болар, биыл дария деңгейі қалыпты күйде. &nbsp;Бұған, әрине, жауын-шашынның мол түсуі оң әсерін тигізді. «Шардараға» дейінгі су қоймаларында осы кезде 16,3 млрд текше метр су бар. Былтыр 14,6 млрд текше метрді құраған еді.«Шардараның» шырайы жақсы Кейінгі жылдары дария суы төмендеп кеткені белгілі. Былтыр «Шардара» су қоймасына 4,2 млрд текше метр су жиналады деген болжам жасалған еді. Дегенмен ол небәрі 2,4 млрд текше метрден асқан жоқ. Биыл жыл басында мамандар былтырғы көрсеткіш қайталануы мүмкін деген болжамын айтқан болатын. Жауын-шашынның мол түсуі өзеннің да, қойманың да деңгейін көтерді. Сәуір айында Шымкент қаласында Қазақстан, Өзбекстан, Қырғызстан, Тәжікстан мемлекеттерінің су шаруашылығы министрлерінің бас қосуымен өткен жиында аталған мәселе кеңінен талқыланды. Нәтижесінде «Шардараға» түсетін су мөлшері 3,6 млрд текше метр көлемінде белгіленді. Сол арқылы Қызылорда облысының су шаруашылығына бөлінген &nbsp;лимит 3,7 млрд текше метрге көбейді. – Қазір облысқа секундына 654 текше метр су келуде. Былтыр ол 616 текше метрді шамалады. Жасыратыны жоқ, кейінгі жылдары Солтүстік Арал теңізіне жіберілетін су мөлшері төмендеп кеткен еді. Комиссия отырысында Кіші Аралға 997 млн текше метр су босату жөнінде ұйғарымға келді. Ендігі кезекте сол судың межелі жеріне толықтай жетуіне қадағалау жүргіземіз, – деді Арал-Сырдария бассейндік инспекциясының басшысы Қайратбек Сәрсенбаев. Жалпы, мемлекетаралық комиссия лимитті бекіткенде Аралға түсетін судың мөлшерін де бақылауда ұстайды. Өкініштісі, табиғи жағдайға байланысты бұл болжам 40-50 пайыз көлемінде орындалып келді. Қазір теңізге 20 текше метр су түсіп жатыр. Алдағы аптада 30 текше метрге дейін көтеріледі. Сәуір айына болжанған 70 текше метр су жаппай егістің басталуынан орындалмай қалды. – Кейінгі уақытта Кіші Арал теңізіндегі судың тұздылығына байланысты мәселелер көтеріліп келеді. Мамандар судың тұздылығы 13,5-ке жетсе, балықтар өмір сүре алмайтынын айтады. Сондықтан облыс басшылығының қолдауымен теңізге түсетін судың деңгейін төмендетпеу қатаң бақылауға алынған. Бұл мақсатта министрлік және өзге де құзырлы мекемелермен тығыз байланыста жұмыс жасап келеміз. Сондай-ақ қазір Арал теңізіне бөлінетін су лимитін елімізде жаңадан қаралып жатқан «Су кодексіне» енгізу жөнінде ұсыныстар бар. Кодекс жыл басынан бері Парламентте талқылануда. Аталған пікір онда ескерілген. Мемлекет басшысының қолдауымен жүзеге асатын «Қараөзек» су қоймасы аймақтың су ресурстарын басқару ісіне оң септігін тигізеді. Онда 1 млрд текше метрге дейін су сақтайды. Қазір оған байланысты техника-экономикалық негіздемесі жасалуда. Жоба-сметалық құжаты дайын болғаннан кейін құрылысы басталады деп күтілуде. Су қоймасы екі жылдың көлемінде пайдалануға беріледі деген болжам бар. Алдағы уақытта аймақ үшін «Қараөзектің» пайдасы орасан. Судың мол уақытында онда су жинақталады. Қажет кезінде егінге жіберіледі, – деді Қ.Сәрсенбаев. &nbsp; &nbsp;&nbsp; Аралға арнайы лимит керек пе? Елімізде су қорлары гидрографиялық белгілер бойынша бассейндік жүйеде басқарылады. Ал, ел аумағы сегіз су нысаны бассейніне бөлінген. Сала мамандарының айтуынша, Арал-Сырдария бассейні олардың арасында ең ауқымдысы, сондай-ақ, экологиясы жөнінен проблемасы толық шешімін таппаған. – Арал-Сырдария бассейні климаты жағынан ерекшеленеді. Бізде жаз айында аптап ыстық, жауын-шашын мөлшері тым аз. Мұндай жағдайда су шаруашылығы экономиканың барлық салаларының тұрақты жұмысы мен халық тіршілігінің қамтамасыз етілуіне, қоршаған ортаның тұрақтылығына тікелей әсер етеді. Жалпы, Сырдария өзенінде су мол жылдары төменгі ағыста су басу қаупі тіркелсе, су аз жылдары вегетация кезінде тапшылық сезілді. Биыл жыл басынан бастап Арал теңізіне нақты түскен су 1158 млн текше метрді құрайды. Айта кетсек, 24 мамырдан бастап «Шардарадан» төменге қарай секундына 300, 28 мамырдан бастап секундына 350 текше метр су тасталуда. Оған «Көксарай» су реттегішінен қосылатын суды қоса есептегенде төменге қарай секундына 650 текше метр су жіберілуде,– деді облыстық табиғи ресурстар және табиғат пайдалануды реттеу басқармасы басшысының орынбасары Қайрат Жансұлтанұлы. Оның айтуынша, 2023 жылдың 8 желтоқсанында Су ресурстары және ирригация министрлігімен бірге «Қызылорда облысындағы суармалы жүйелері мен гидротехникалық құрылыстарды &nbsp;қалпына келтіру жөніндегі кешенді жоспар» бекітілген. &nbsp;Кешенді жоспарға республикалық меншіктегі 26 магистральді және шаруашылықаралық каналды, 21 қашыртқыны, 144 тік дренажды ұңғыманы қайта жаңғырту, каналдарды цифрландыру, автоматтандыру және басқа да су шаруашылығы саласын дамытуға бағытталған 37 жоба енгізілген. Жаңақорған ауданының Келінтөбе магистральді каналына су беретін канал және Жаманбай батыр ауылдық округіндегі науалық суғару жүйесінің құрылысы жобаларын жүзеге асыруға биыл республикалық бюджеттен қаржы бөлініп, тиісті жұмыстар атқарылуда. Оған қоса министрлікке коммуналдық меншіктегі 8 су шаруашылығы нысанына күрделі жөндеу жүргізуге бюджеттік өтінім ұсынылды. Тамшы судың есебі бар «Қазсушар» РМК облыстық филиалы, облыстық ауыл шаруашылығы және жер қатынастары басқармасының мамандары су пайдалану лимитіне сәйкес биылғы жылға бекітілген егін көлемін нақтылады. Жалпы алғанда, 187,5 мың гектар жерге егін орналастыру жоспарланса, оның 81,2 мың гектары күрішке бағытталған. Қазір филиал тарапынан нақтыланған индикативтік жоспар мен белгіленген лимитке сәйкес су пайдаланушылармен келісім-шарт жасалуда. Атап айтқанда, бүгінге дейін 760 шаруашылық құрылымының 116 мың гектар егін алқабына 2,665 млрд текше метр су жеткізіп беруге құжат дайындалды. Мамандар лимит пен нақтыланған индикативтік жоспарға сәйкес су пайдаланудың күнтізбелік жоспарын әзірлеп, кестеге сәйкес жұмыс жасауда. Вегетациялық кезеңде егін алқаптарына 21 сәуірден бастап каналдар арқылы Сырдария өзенінен 1 млрд 194,3 млн текше метр су алынып, су пайдаланушыларға 936,9 млн текше метр &nbsp;су жеткізілді. Күнтізбелік жоспарға сәйкес мамыр айының үшінші онкүндігінде Сырдария өзенінен магистральді және шаруашылықаралық каналдар арқылы секундына 460 текше метр су берілді. Егілген 80,1 мың гектар күріш алқабының басым бөлігі суға бастырылды. – Филиал мамандары су пайдаланушылардың сұранысын қамтамасыз ету үшін облыс, аудан әкімдіктерімен тығыз қарым-қатынаста жұмыс жүргізуде. Аудандық өндірістік бөлімшелердің барлық маманы күндіз-түні егін алқаптарына су жеткізіп беру ісін қадағалауда ұстап отыр. Күріш себу және суға бастыру кезінде суды үнемді және тиімді пайдалану түсіндірілуде. Үкімет резерві есебінен берілген насос қондырғыларын су жетіспеушілігіне қарай белгіленген орындарға құру ескеріледі. Су тапшылығына қатысты ескертпеге қарамастан, кейбір шаруашылықтар канал сағасынан қашық немесе биік алқапқа егін еккен жағдайлар бар. Олар өз қаражаты есебінен насос қондырғысын орнатуы тиіс, – дейді «Қазсушар» РМК облыстық филиалы директорының орынбасары Айдос Асанбаев. Жалпы алғанда, облыста суды үнемді пайдалану үшін нақты жұмыстар жүргізілуде. Шаруашылық құрылымдары тамшылатып және жаңбырлатып суару әдісін қолдана бастады. Австралиялық «Рубикон» компаниясының технологиясы арқылы суды пайдаланудың нақты есебін жүргізуге мүмкіндік бар. Қазір бұл бағытта тиісті іс-шаралар қолға алынған. Сондай-ақ су шаруашылығы саласын цифрландыру ұмыт қалып жатқан жоқ. Бұл – бақылау күшейе түсуде деген сөз. – Рас, егін егумен айналысатын кейбір азаматтар келеңсіздікке жол беріп жатады. Қазір әрбір тамшы судың есебі бар. Бұл жөнінде диқандарды ұдайы құлағдар етеміз. Жауапсыздыққа жол бергені болса, оларға тиісті айыппұл қарастырылған. Біздің міндетіміз – «Шардарадан» алынған судың межелі жеріне дейін ысырапсыз жетуін қадағалау. Сондықтан ешбір шаруашылық рұқсатсыз су алуына болмайды. Алдымен қатаң ескерту беріледі. Қазіргі таңда біздің инспекция құзыретін арттыру жөнінде тиісті орындарға ұсыныстар берілуде, – деді Қ.Сәрсенбаев.Әділжан Үмбет

Биыл Арал теңізіне 1158 млн текше метр су түскен

Қазақстан Республикасы Президентінің жанындағы Мемлекеттік басқару академиясының Қызылорда облысы бойынша филиалында «Мемлекеттік қызмет – елдің мүддесіне адал еңбек» тақырыбында дөңгелек үстел өтті.&nbsp; Аталған шарада Қазақстан Республикасы Мемлекеттік қызмет істері агенттігінің Қызылорда облысы бойынша департамент басшысы Е.Мендалиев сөз алып, Қазақстан Республикасы Президенті жанындағы басқару академиясының отыз жылдық мерейтойымен құттықтады.&nbsp;Дөңгелек үстел барысында «Мемлекеттік қызметші тұлғасының адамгершілік негізін және оның инновациялық әлеуетінің тарихи және мәдени бастауы туралы» департаменттің басқарма басшысы Ж.Шынтасов баяндама жасаса, «Сыбайлас жемқорлыққа қарсы іс-қимылдың жаңа тетіктері туралы» ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің бас маманы Жанар Қозбағарова өз ақпаратымен бөлісті.&nbsp;Сонымен бірге, «Мемлекеттік қызметшілердің кәсіби құзыреттерін қалыптастыруда жоғары мектептің ролі» тақырыбында Қорқыт ата университетінің профессоры Алмагүл Абдимомынова өз ғылыми зерттеулері және тәжірибесімен бөлісті.&nbsp; Дөңгелек үстел соңы пікір алмасулармен жалғасып, қорытынды ақпаратты жинақтау туралы өзара келісімге тоқталды.

Мемлекеттік қызмет-елдің мүддесіне адал еңбек

Kyzylorda-news.kz. Мемлекет басшысы Қасым-Жомарт Тоқаев Халықаралық балаларды қорғау күнімен құттықтады.«Құрметті отандастар!Баршаңызды Халықаралық балаларды қорғау күнімен құттықтаймын! Жарқын жаз өскелең ұрпаққа қамқорлықтың символына айналған осы мерекеден басталады.Ұл-қыздарымыздың парасатты және жан-жақты болып өсуіне жағдай жасау, жас азаматтардың құқығын қорғап, денсаулығын сақтау әрдайым мемлекеттің басты басымдығы саналады. Балалар — біздің болашағымыз. Сондықтан еліміздегі әрбір жеткіншектің мейірім мен қамқорлыққа бөленіп, үлкеннің қолдауын сезінуі, ертеңгі күнге сеніммен қарауы өте маңызды.Мен жас ұрпақ Әділетті Қазақстанның негізгі қағидаттарын нақты жүзеге асырып, «Адал азамат» тұжырымдамасының озық идеалдарына толық сай болады деп сенемін. Ол үшін біз бүкіл қоғам болып жалпыұлттық құндылықтарымызды ұрпақтың бойына сіңіруіміз және оларды еңбекқорлық пен білімпаздыққа баулуымыз керек. Сондай-ақ төл тарихымыз бен мәдениетімізді құрметтеуге үйретуіміз қажет.Барлық бала ата-анасы мен жақындарын оқудағы, шығармашылық саладағы және спорттағы жетістіктерімен, жақсылық пен жасампаздыққа ұмтылысымен қуанта берсін!Баршаңызға зор денсаулық, бақ-береке, толайым табыс тілеймін!» — делінген Президент құттықтауында.

Мемлекет басшысы  Халықаралық балаларды қорғау күнімен құттықтады

Kyzylorda-news.kz. Маусым айындағы ауаның орташа айлық температурасы +26,9, +28,9 градус болады деп күтілуде. Бұл нормадан 1 градус жоғары болмақ.&nbsp;Өңірлік коммуникациялар қызметінің ақпарат алаңында Қазгидромет РМК Қызылорда облысы бойынша филиалының метеоболжау бөлімінің инженері Мағжан Сәдуақасов маусым айындағы ауа райы болжамымен бөлісті.<blockquote>- Маусымның алғашқы онкүндігінде ауа температурасы түнде +14+19 градустан +22, +27 градусқа дейін, ал күндіз +30, +35 градустан +38, +43 градусқа дейін жоғарылайды деп күтіледі. Екінші онкүндікте ауа температурасының түнде +22,+27-ден +15+20 градусқа дейін, күндіз +38, +43 градустан +30+35-ке дейін ауытқуы болжанады. Онкүндіктің соңында ауа температурасының төмендейді деп күтіледі. Ал, үшінші онкүндіктің басында ауа температурасы түнде +15, +20 градус болса, күндіз +30+35 градусқа дейін төмендемек. Сондай-ақ, бірінші және үшінші онкүндіктің соңында өткінші жаңбыр жауып мен найзағай болады деп болжанған. Алғашқы онкүндіктің соңы мен екінші онкүндіктің басында шаңды дауыл болып, 15-20 м/с жел күтілуде, - деді Мағжан Ғалымұлы</blockquote>

Синоптиктер маусым айына болжам жасады

Елорда төрінде «AMANAT» партиясының ұйымдастыруымен «Әйел аманаты» атты республикалық семинар өтті.Халықаралық балалар күні қарсаңында ұйымдастырылған семинарда қоғамдағы ата-ана мен баланың орны, балалар қауіпсіздігі, олардың салауаттылығы туралы мәселелер қозғалды. Семинарға аймақтардан іскер және көшбасшы әйелдер, қоғам қайраткерлері, Сыр өңірінен облыс әкімі аппаратының басшысы Ш.Байманов, облыстық мәдениет, архивтер және құжаттама басқармасының басшысы М.Қазбекова, «Анаға тағзым» орталығының директоры А.Молжанова қатысып, пікір алмасты.Жиында облыс әкімі аппаратының басшысы Ш.Байманов «Руханият жылы» аясындағы жұмыстарға, ана мен бала құқығы, отбасы құндылықтарын ілгерілетудегі мәселелерге тоқталды.Айта кетейік, өткен жылы Алаштың анасы – Сырдың төрінде еліміздің барша аналарының құрметіне «Анаға тағзым» орталығы ашылып, жас отбасылардың бақыт мекеніне айналған «Отбасы орталығы» өз қызметін бастады.Сыр топырағында рухани құндылықтарды бағалауда келелі жұмыстар мен тың жобалар жүзеге асырылуда. Облыс әкімінің бастамасымен барлық ауданда музей, түнгі мезгілде жұмыс жасайтын кітапхана, архив, неке қию залы, ардагерлер және аналар, жастар орталықтарын біріктіретін типтік үлгідегі «Руханият» орталықтары салынуда.Облыстағы 171 мәдениет үйі мен елді мекендердегі клубтар Мемлекет басшысының «Адал азамат» тұжырымдамасы негізінде жұмыс жасай бастады, жоспарын 7 бағыт бойынша қайта әзірледі.Өңірде балалар мен жасөспірімдерді шығармашылыққа баулу мақсатында да бірқатар нақты жоба қолға алынды. Облыс орталығында «Шығармашылық академиясы», екі ауданда Оқушылар үйі мен Өнер мектептері, «Саутс ойл» компаниясының демеушілігімен Қазанғап атындағы Қызылорда музыкалық жоғары колледжінің жаңа ғимараты салынуда. Үстел теннисі орталығының және орталық стадионның құрылысы жүруде. Халықаралық стандарттарға сай жабық бассейні бар көпсалалы дене шынықтыру-сауықтыру кешенінің құрылысы басталды.1 маусымнан бастап облыстағы барлық кітапхана түнгі 00.00-ге дейінгі жұмыс тәртібіне көшеді.

 «Әйел аманаты» атты республикалық семинар өтті

Kyzylorda-news.kz. Мемлекет басшысы Қасым-Жомарт Тоқаев еңбек адамының мәртебесін көтеру туралы айтты. Бұл туралы Ақорданың баспасөз қызметі мәлім етті.<blockquote>«Тағы бір мәселе. Мен еңбек адамының мәртебесін көтеру туралы үнемі айтып жүрмін. Өткен бес жылдың ішінде бұл бағытта көп шаруа атқарылды. Тиісті заңдарға өзгерістер енгізілді. Жалақы көтерілді. Басқа да әлеуметтік қолдау шаралары қолға алынды. Мемлекеттік марапаттар нағыз еңбек адамына тапсырылып жатыр. Осындай нақты жұмыстың нәтижесінде түрлі мамандық иелерінің беделі арта түсті. Мамандықтың жаманы жоқ. Еліміз үшін барлық кәсіп иелері қажет. Өз ісінің хас шебері атанған адам міндетті түрде табысқа жетеді. Түптеп келгенде, бұл – қоғамда еңбекқорлық пен кәсіби біліктілікті жаппай дәріптеу деген сөз. Бәсекеге қабілетті ұлт болу үшін қоғамда осы құндылықтар орнығуы қажет», - деді президент.</blockquote>Сондай-ақ, мемлекет басшысы ғалымдармен кездесу барысында ғалымдардың мәртебесін көтеру жөнінде де айтты.«Біз ғалымдарға жағдай жасау керек деп жиі айтамыз. Бұл – құр сөз емес. Мемлекет тарапынан нақты жұмыс жасалып жатыр. Алдағы екі жылда жас ғалымдардың зерттеуіне бөлінетін грант саны тағы да көбейеді. Бюджеттен 18 миллиард теңге бөлінеді. Былтыр 284 жас ғалым баспана алды. Биыл менің тапсырмаммен оларға тағы 200 пәтер берілетін болды. Осындай нақты шаралар арқылы еліміздегі ғылымды және жалпы ғалымдар қауымын қолдау жұмысы алдағы уақытта да жалғасын табады», - деді Қасым-Жомарт Тоқаев.

Жас ғалымдардың зерттеуіне бөлінетін грант саны көбейеді 

Қызылорда облысындағы “Руханият” жылы аясында композитор, ҚР Еңбек сіңірген қайраткері, «Құрмет» орденінің иегері, Қазақстан Композиторлар Одағының мүшесі, Қызылорда облысының Құрметті азаматы Рамазан Таймановтың 70 жасқа толу мерейтойына арналған І республикалық «Сыр Ана» әншілер конкурсы қорытындыланды.Сыр даласын әсем әнге бөлеген конкурста республикамыздың түкпір-түкпірінен және Сыр өңірінен арнайы іріктелген 17 талапкердің өнерін композитор, Қазақстан Композиторлар одағының төрағасы, Қазақстанның еңбек сіңірген қайраткері Серік Әбдінұров, әнші, Қазақстанның еңбек сіңірген қайраткері Жеңіс Ысқақова, продюсер, Мәдениет қайраткері Сәрсен Ибрашева, композитор, Мәдениет саласының үздігі Сәбит Ұлықпанұлы және мерей той иесі Рамазан Тайманов бағалады.Конкурс қорытындысы бойынша жүлделі lll орынды Назым Мауленқызы (Алматы қаласы), Әкімжан Шакиров (Ақтөбе облысы), «Шабыт» тобы (Қостанай облысы), ll орынды Арайлым Маханбетжанова (Қызылорда қаласы), Ақтоты Абдрахманова (Көкшетау қаласы), l орынды Замира Көлімбетова (Байқоңыр қаласы) иеленсе, Бас жүлдені Айсұлу Әбді (Қызылорда қаласы) жеңіп алды. Сондай-ақ, жүлдегерлерге қаржылай сыйлық табысталды.Марапаттау рәсімі композитордың шығармашылық ән кешіне ұласып, кеште Сыр өңірінің өнерлі өрендері мен конкурс жүлдегерлері және Сыр елінің мақтанышы Жеңіс Ысқақова Рамазан Тайманов әндерін орындап, көрермен қошеметіне бөленді.<img src="https://knadmin.beoblood.kz/uploads/FB_IMG_1716617173820_ddb58853fe.jpg" alt="FB_IMG_1716617173820.jpg"><img src="https://knadmin.beoblood.kz/uploads/FB_IMG_1716617166720_19e73497ba.jpg" alt="FB_IMG_1716617166720.jpg"><img src="https://knadmin.beoblood.kz/uploads/FB_IMG_1716617155306_cb768335e1.jpg" alt="FB_IMG_1716617155306.jpg">

Республикалық «Сыр Ана» әншілер конкурсы қорытындыланды

Kyzylorda-news kz. "Amanat" партиясының облыстық филиалы жанындағы Жастарды қолдау жөніндегі аймақтық кеңестің отырысы өтті. Жиынға партияның облыстық филиалы Атқарушы хатшысының орынбасары Алтынбек Жарылқасынов, жастарды қолдау бойынша кеңестің мүшелері, қалалық мәслихат депутаттары, атқарушы орган мен «Жастар Рухы» ЖҚ оқу орны бөлімшелерінің жетекшілері қатысты.Кеңес отырысының күн тәртібінде кәмелетке толмағандар арасында құқық бұзушылық &nbsp;деңгейін төмендету және жастар арасындағы құқық бұзушылықтың алдын алу, өңір жастарын қолдау, шығармашылығын дамыту бағытында атқарылған жұмыстар мен жоспарлар туралы қаралып, талқыланды.Күн тәртібіндегі мәселелер бойынша кеңес және Сырдария аудандық мәслихаттағы «AMANAT» партиясы депутаттық фракциясының мүшесі &nbsp;Ақтөре Ибрагимұлы, облыстық «Жастар ресурстық орталығы» КММ директоры Талғат Оспанұлы баяндама жасады.Жиын соңында білім беру ұйымдарында және полиция басқармасының профилактикалық есебінде тұрған жасөспірімдерді бақылау және жасөспірімдердің &nbsp;қауіпсіздігін қамтамасыз ету бойынша ұсыныстар айтылды.Отырыс қорытындысы бойынша кеңес мүшелері аталған тақырыптар аясында сұрақтар қойып, талқыланған мәселелердің шешімі нақтыланды.

Қазақстан және Қызылорда облысының жаңалықтары: Басты жаңалықтар old