<a href="https://kyzylorda-news.kz/">Kyzylorda-news.kz.</a> Ежелгі заманнан бері сақталған әлемнің жеті кереметі туралы естімеген адам жоқ. Одан бөлек көпшілік біле бермейтін ерекше құрылысымен тамсандыратын таңғажайып ғимараттар да бар.
Жаңа Оңтүстік Уэльсте толығымен төбенің ішінде орналасқан ғимарат бар. Ол «Көрінбейтін үй» деп аталады.
<img src="https://kyzylorda-news.kz/wp-content/uploads/2020/10/1-2.jpg" alt="" />
Шанхайдағы InterContinental Wonderland курортының ғимараты.
<img src="https://kyzylorda-news.kz/wp-content/uploads/2020/10/2.jpg" alt="" />
Grotta Palazzese – Полиньяно-Маре шағын қаласында орналасқан әлемдегі ең романтикалық мейрамхана.
<img src="https://kyzylorda-news.kz/wp-content/uploads/2020/10/3.jpg" alt="" />
Испаниядағы Сетенил-де-лас-Бодегас қаласында ғимараттардың көпшілігі жартастың дәл өзіне салынған.
<img src="https://kyzylorda-news.kz/wp-content/uploads/2020/10/4.jpg" alt="" />
Бұл – бірегей Мадаин-Салих сарайы. Жалғыз жартастан ойылып, жерасты өткелдері арқылы жақын маңдағы басқа ғимараттармен байланысқан.
<img src="https://kyzylorda-news.kz/wp-content/uploads/2020/10/5-1.jpg" alt="" />
1967 жылы Монреальде «Хабитат-67» таңғажайып ғимараты салынды.
<img src="https://kyzylorda-news.kz/wp-content/uploads/2020/10/6.jpg" alt="" />
Қытайдың Уцзинь қаласындағы жасанды көлге «Лотос» ғимараты салынған.
<img src="https://kyzylorda-news.kz/wp-content/uploads/2020/10/8.jpg" alt="" />
Мадонна делла Коронаның италиялық қасиетті орны 400 жыл бойы Бальдо жартасында тұр.
<img src="https://kyzylorda-news.kz/wp-content/uploads/2020/10/9.jpg" alt="" />
Роттердамдағы Overblaak көшесінде текше үйлер орналасқан. Бұл жер әлем төңкеріліп кеткен сияқты әсер қалдырады.
<img src="https://kyzylorda-news.kz/wp-content/uploads/2020/10/12.jpg" alt="" />
Әлемдегі ең ұзын су көпірі – Магдебург, 918 м. Германияның кеме жүретін екі маңызды артериясын жалғап тұр.
<img src="https://kyzylorda-news.kz/wp-content/uploads/2020/10/13.jpg" alt="" />
Дағыстандағы Джули көпірі бір де бір шегесіз ағаштан жасалған. Ол 200 жыл бұрын салынған және әлі күнге дейін қолданыста.
<img src="https://kyzylorda-news.kz/wp-content/uploads/2020/10/14.jpg" alt="" />
Роттердамдағы жабық базар әлемдегі ең әдемі базар саналады. Ол арка тәрізді тұрғын үйдің ортасында орналасқан.
<img src="https://kyzylorda-news.kz/wp-content/uploads/2020/10/16.jpg" alt="" />
Румыниядағы қараусыз қалған Салина Турда шахтасының үлкен қуысы ойын-сауық саябағына айналған.
<img src="https://kyzylorda-news.kz/wp-content/uploads/2020/10/17.jpg" alt="" />
<a href="https://24.kz/kz/zha-aly-tar/lemde/item/429179-lemdegi-e-erekshe-imarattar">Хабар 24</a>

Әлемдегі ең ерекше ғимараттар

<a href="https://kyzylorda-news.kz/">Kyzylorda-news.kz.</a> Әлемнің 40 еліндегі 350-ден астам ғалым мен табиғатты қорғаушылар кит және дельфиндердің мекендеу ортасын сақтауды талап еткен ашық хатқа қол қойды. Өйткені оларға климаттың өзгеруі мен адам әрекеті қауіп төндіріп тұр.
<img src="https://kyzylorda-news.kz/wp-content/uploads/2020/10/1602485455_l.jpg" alt="" />
Солтүстік тегіс киттерінің өсуі күрт баяулады
Ғалымдар сүтқоректілердің бұл түрі алдағы он жылда жойылып кетуі мүмкін дейді. Оған себеп – теңіз бен мұхиттардың ластануы.
<blockquote>
 “Біз киттерді қорғауға арналған бұл ашық хат ғалымдар, саясаткерлер мен қоғам ұйымдарының назарын тартады деп ойлаймыз. Осы арқылы болашақта мұхиттардағы тіршілік сақталады деп үміттенеміз”, – дейді Бристоль университетінің өкілі Марк Симмондс.
</blockquote>
Аталмыш ашық хатқа бүкіл әлем зерттеушілері қол қойған.
<img src="https://kyzylorda-news.kz/wp-content/uploads/2020/10/1-3.jpg" alt="" />
Киттерді құтқару
“Киттерді құтқару” ұраны кит аулауға қарсы күрес науқаны аясында өткен ғасырдың жетпісінші-сексенінші жылдары басталды.
Содан бері киттер популяциясы біршама қалпына келді, бірақ жаңа ғасырда жаңа қауіп пайда болған. Атап айтқанда: мұхиттың ластануы (пластикалық қалдықтардың салдарынан), климаттың өзгеруі, сондай-ақ сауда кемелерінің киттерге қауіп төндіруі.
Кейінгі уақытта балық аулау өнеркәсібі ең үлкен қауіпке айналды. Жыл сайын 300 мың дельфин мен кит траулер торына түсіп қалады. Осының салдарынан киттер мен дельфиндер жойылып жатыр. Әсіресе Солтүстік тегіс киті (eubalaena glaciali) ерекше қауіп-қатерге ұшырайды. Бүгінде олардың тек жүз шақтысы ғана қалған.
Хат авторлары аталмыш жануарлар санының күрт төмендеуін алдын алуға болатынын, бірақ бұл сүтқоректілерді қорғаудың қажет шараларын саясаткерлер қолдамағанын айтты.
Ғалымдар ашық хат теңіз сүтқоректілерін құтқару үшін күресте көмектеседі деп үміттеніп отыр.
<img src="https://kyzylorda-news.kz/wp-content/uploads/2020/10/2-1.jpg" alt="" />
Киттер жойылса не болады?
Былтыр ғалымдар жаһандық жылынудан ағаштар емес киттер құтқаратынын мәлімдеген болатын. 2050 жылы адамзаттың өліміне жол бермеу үшін ғалымдар көмірқышқыл газын сіңіріп, парник әсерінің қаупін төмендететін ағаш отырғызуды мүмкіндігінше қарастырып жатыр. Алайда жаһандық жылынумен күресу үшін 189 елге ақша бере алатын Халықаралық валюта қорының қызметкерлері жақында ағаш отырғызудың орнына адамдар киттің популяциясын қорғап, қалпына келтіруі керек деп мәлімдеді.&nbsp;
Time басылымы Ақша Қорының профессорлары жақында киттердің көмірқышқыл газын сіңіру қабілетінің бар екенін анықтағанын жазды. Олардың есептеулеріне сәйкес, үлкен кит түрлерінің әрқайсы орташа есеппен 100 жыл өмір сүргенде шамамен 30 тонна көмірқышқыл газын сіңіреді. Сонымен бірге бір ағаш бір жылда 22 келі көмірқышқыл газын бейтараптайды, яғни бір ғасырда 2,2 тоннадан аспайды. Осы көрсеткіштерді салыстыра отырып, киттердің ғаламдық жылынуға қарсы күресте өсімдіктерден гөрі едәуір маңызды рөл атқаратыны белгілі болды.
<a href="https://massaget.kz/layfstayl/alemtanu/63412/">Massaget.kz</a>

Алдағы 10 жылда кит пен дельфиндер жойылып кетуі мүмкін

Kyzylorda-news.kz. 2011 жылы 19 желтоқсанда БҰҰ Бас Ассамблеясы 66/170 қарарын қабылдап, қыздардың құқықтарын мойындау, олардың бүкіл әлемде кездесетін ерекше қиындықтарын атап көрсету, қыздардың жалпы адами құқықтарын сақтау, соның ішінде – тең білім алу және физикалық тәуелсіздікке қол жеткізуді жүзеге асыруды насихаттау мақсатында қазанның 11 жұлдызын Халықаралық қыздар күні деп жариялады.
Осыдан 25 жыл бұрын Бейжіңдегі Әйелдер құқығы жөніндегі төртінші дүниежүзілік конференцияда жаһандық қоғамдастық әйелдер мен қыздардың мүмкіндіктерін кеңейтудің ең көреген жоспарын – Бейжің декларациясы мен Іс-қимыл тұғырнамасын қабылдады. Осылайша қазіргі уақытта қыздар өздерінің бейбіт және гүлденген болашағын құру үшін осы жоспарды ұстанып, әрекет ете алады. Бейжің декларациясын еске алу үшін «БҰҰ-Әйелдер» құрылымы бірнеше ұрпақтар толқынын қамтитын «Теңдік буыны» науқаны аясында әйелдер мен қыздардың құқықтарын қорғаушыларды біріктіреді. Жасөспірім қыздардың қажеттіліктері мен мүмкіндіктеріне байланысты нақты мақсаттар мен іс-шаралар және олардың шешімдері ұрпақтар теңдігін қамтамасыз ету миссиясының басты бағыты болып табылады.
Қыздар үй ішінде және қоғамда зорлық-зомбылықсыз өмір сүруді талап етеді. Ондай жағдайды қамтамасыз ету – барлығымыздың міндетіміз. 2015 жылғы Қазақстандағы кластерлік зерттеу мәліметтері бойынша, қыздардың 50% зорлықты тәрбиеге душар болуда. Оның ішінде 21% – дене зорлығы, 45% психологиялық агрессияға ұшырайды.
Сонымен қатар COVID-19 қыздарға ақпарат пен білімге тең қол жеткізу үшін жаңа кедергі – цифрлық алшақтықты тудырды. Қыздар жылдам өзгермелі еңбек нарығы жағдайында бәсекелес болу үшін білім мен кәсіби дағдылардың үлкен теңсіздігіне тап болады. Гендерлік рөлдер мен стереотиптер – бала шақтан басталып, жасөспірім кезде қалыптасып, болашақта таңдайтын кәсіп түріне әсер ететін үйреншікті мінез-құлық үлгісі. Дүниежүзінде ғылым, технология, инженерия және математика салалары (STEM) бойынша оқыған түлектер арасында әйелдердің үлесі әлем елдерінің үштен екісінен астамында 15%-тен аспайды. Гендерлік теңдікке қол жеткізу үшін әйелдер мен жас қыздарға білімге, технологияға, цифрлық оқытуға және ақпараттық қауіпсіздікке тең қолжетімділік қажет.
Жаңа дағдыларға ие қыздардың мүмкіндіктерін дамыту экономикалық даму үшін өте маңызды. Қазақстандағы қыздар арасында STEM саласындағы білім мен инновацияларды дамыту мақсатында 2020 жылы ЮНИСЕФ пен әл-Фараби атындағы Қазақ ұлттық университетінің ғылыми-технологиялық паркі қыздарға UniSat наноспутниктерін жасап шығару бойынша білім беру жобасын іске қосты. Ағымдағы жылдың қазан айында Қазақстанның әр аймағынан келген 14 пен 35 жас аралығындағы 20 қыз стратосфераға алғашқы дайын наноспутникті ұшырады. Бұл шара нанотехнология, бағдарлама жасау және ғарыш аппараттарын жобалау саласы Қазақстанның қыздары үшін ашық екенін дәлелдейді. Сонымен қатар қазақстандық жастардың індет кезіндегі оқшаулануды жеңуіне көмектесіп, денсаулыққа эмоционалды қолдау көрсеткен, күйзелістермен күресуге қол ұшын созып, құрдастарымен кеңес бөліскен БҰҰ еріктілерінің көпшілігін қыздар құрайды.
Мәдени шаралар мен шығармашылық арқылы қыздарға мүмкіндік беру – 2005 жылғы ЮНЕСКО-ның мәдени саланың әртүрлілігін қорғау және қолдау туралы конвенциясының негізі. Осыған орай, ЮНЕСКО қыздардың белгілі бір шығармашылық кәсіби салалардағы білімін кеңейту және жетілдіру мақсатында бүкіл Орталық Азия елдерінің ерекше қажеттіліктері бар қыздарына арналған #GirlsCreArt2020 онлайн курсын бастады.
Бүгінгі таңда ЮНФПА гендерлік мәселелер, репродуктивті денсаулық және әрбір қыз бен әйелдің құқығы туралы хабардар болуға бағытталған «Қыз тағдыры» жобасын әнші, қоғам белсендісі Қалия және The Steppe порталымен бірге ұсынды. Бұл жоба гендерлік теңдік әлемін құрудың кезекті әрекеті ретінде жасалды. Онда әрбір қыз өзінің денсаулығы мен өмірі туралы саналы таңдау жасауға құқылы.
<a href="https://www.inform.kz/kz/bugin-halykaralyk-kyzdar-kuni_a3704744">ҚазАқпарат</a>

Бүгін &#8211; халықаралық қыздар күні

Kyzylorda-news.kz. Қырғыз Республикасының өз-өзін Ішкі істер министрі етіп тағайындаған Курсан Асанов президент Сооронбай Жээнбековтің қазір қайда екенін білмейді. Президентті іздеуге Ішкі істер министрлігі емес, басқа құрылымдар жұмылдырылған, деп хабарлайды <a href="https://kaz.zakon.kz/5043154-sooranbay-zheenbekovty-barly-y-tappay.html">zakon.kz</a>.
<blockquote>
 Шынымды айтсам, мен қазір басқа мәселелермен айналысып жатырмын. Бішкекте жағдайды ретке келтіру керек. Көріп отырғаныңыздай, кешеден бастап біз ерікті халық жасақтарымен бірге қаладағы жағдайды бақылауға алып, жаппай бейберекетсіздіктің алдын алдық. Біз осы бағытта жұмыс жасай береміз. Басқа құрылымдар Жээнбеков пен басқаларды іздеуге кіріседі деп сенемін, – деді ол бүгін Бішкекте өткен брифингте.
</blockquote>
Қырғызстанның шекарашылары елден жоғары лауазымды шенеуніктерді шығармау туралы бұйрық алды. Сонымен қатар шекараны жабу туралы шешім қабылданды.
Естеріңізге сала кетейік, 6 қазанда Ішкі істер министрінің бұрынғы орынбасары Құрсан Асанов Қырғыз Республикасы ішкі істер министрлігі Бішкек қаласы комендантының міндетін атқарушы болғаны жарияланды. Ішкі істер министрі Қашқар Жунушалиев әлі отставкаға кеткен жоқ.

Жээнбеков жоғалып кетті

Kyzylorda-news.kz. Токио марафоны коронавирус пандемиясына байланысты келесі жылғы наурыздан күзге ауыстырылады, деп хабарлайды ҚазАқпарат.
Тас жолдағы жарысты ұйымдастырушы Tokyo Marathon Foundation қоры жұма күні Директорлар кеңесінің отырысын өткізіп, осы шешімді ресми түрде бекітеді. Оған сәйкес шамамен 38 000 қарапайым қатысушыға рұқсат берілуі тиіс.
Дереккөздердің хабарлауынша, қор пандемияға байланысты 7 наурызда жоспарланған күннен бас тартты және оның орнына келесі жазда Токиодағы Олимпиада ойындарынан кейін марафон өткізуді ұйғарды.
Ұйымдастырушылар 2022 жылғы бәсекені наурыз айында, әдетте Жапония астанасында өтетін уақытта өткізуді жоспарлап отыр.
Биылғы жылы Токио марафоны таңдаулы қатысушылар үшін коронавирустың өршуіне байланысты шектеулі болды. Жарыс жолынан шығарылған қарапайым қатысушыларға келесі немесе 2022 жылғы іс-шараға автоматты түрде кіру мүмкіндігі берілді.
Токио марафоны –әлемдегі алты негізгі марафонның бірі. Осы жылы Бостон, Берлин, Чикаго және Нью-Йорктегі барлық марафон тоқтатылды, ал өткен демалыс күндер өткен, сәуір айында кейінге шегерілген Лондон марафонына таңдаулы жүгірушілер ғана қатысты.

Коронавирус: Токио марафоны 2021 жылға ауыстырылады

Kyzylorda-news.kz. Сауд Арабиясы зиярат етушілерді қабылдай бастады.
Жеті айға созылған тыйымнан кейін жергілікті билік кіші қажылық рәсімдерін орындауға қайта рұқсат беріп отыр. Билік өкілдерінің айтуынша, Ұмра маусымы кезең-кезеңімен ашылады. Әзірге оны тек жергілікті халық пен эмигранттар атқара алады екен. Ал 1 қарашадан бастап, кіші қажылық рәсімін орындауға шетелдіктерге де рұқсат берілмек. Айта кетейік, індет кесірінен тек мыңға жуық мұсылман қажылық жасады.
<a href="https://24.kz/kz/zha-aly-tar/lemde/item/427340-mekke-ziyarat-etushilerdi-abyldaudy-bastady">Хабар 24</a>

Мекке зиярат етушілерді қабылдауды бастады

Kyzylorda-news.kz. Еуропа лигасының жеребе тәрту рәсімінде қызылордалық “Қайсардың” қарсыласы анықталды.
Жеребеге сәйкес екінші раундта қасқырлар кипрлік “Апоэлмен” күш сынасады. Кездесу 17 қыркүйекте Шымкент қаласында өтеді.

&#8220;Қайсар&#8221; командасы енді кіммен бақ сынасады

Kyzylorda-news.kz. Үш жасар қыз Тайванның солтүстік-батысында Синьчжу қаласында өткен фестивальде батпырауықпен бірге ұшып кетті, деп хабарлайды Stan.kz.
Ата-анасы қызды батпырауық арқанын қалай тартып алып кеткенін байқамай қалды. Қыз бала батпырауықпен аспанға 10 метр биіктікке көтерілді.Бала есеңгіреген көпшіліктің алдында бірнеше секунд ауада тербеліп, содан кейін адамдардың қолына құлап түсті. Ата-анасы оның күйзеліс алып қалғанын, бірақ физикалық жарақат алмағанын айтты.
Оқиғаға байланысты «Дауыл қаласы» деп аталатын Синьчжу батпырауық фестивалі тоқтатылды.

Кішкентай қыз батпырауықпен бірге аспанға ұшып кетті (ВИДЕО)

<a href="https://kyzylorda-news.kz/">Kyzylorda-news.kz.</a> Халықаралық футбол федерациясы (ФИФА) коронавирус індетінен туындаған дағдарыстан шығынға ұшыраған ұлттық федерацияларға қаржылай көмек көрсету шешімін қабылдады, деп хабарлайды <a href="https://www.inform.kz/kz/fifa-kazakstanga-1-5-mln-dollar-komek-bermek_a3678123">ҚазАқпарат</a>.
ФИФА атқарушы комитетінің бюросы 1,5 миллиард доллар көлемінде жиынтық төлемді мақұлдаған. Тағы 210 федерациясы сияқты, Қазақстан да 1 миллион доллар көлемінде ақшалай өтемақы және әйелдер футболы үшін тағы 500 мың доллар алады.
Сондай-ақ, бөлінген сома індет салдарын жоюға жетіспей қалған федерацияларға 5 миллион долларға дейін несие алу мүмкіндігі беріледі.
Айта кетсек, қазақстандық премьер-лига ойындары әлемде қалыптасқан жағдайға байланысты әзірге тоқтатылды.

FIFA Қазақстанға 1,5 млн доллар көмек бермек

<a href="https://kyzylorda-news.kz/">Kyzylorda-news.kz.</a> Екі ғасырдан астам уақыт ішінде Ақ үй ел басшыларының резиденциясы ретінде ғана емес, АҚШ күш-қуатының нышаны ретінде де қызмет етіп келеді.&nbsp;
♦ АҚШ президенттерінің ресми резиденциясы – бүкіл әлемге танымал “Ақ үй” деп аталатын ғимараттың іргетасы 1792 жылы қаланды.
♦&nbsp;Құрылыс нысанының орнын елдің тұңғыш президенті Джордж Вашингтон таңдаған.
♦&nbsp;“Бұл Потомак өзенінің бойында, 10 шаршы мильден аспайтын жер болуы керек” деген Вашингтон.
<img src="https://kyzylorda-news.kz/wp-content/uploads/2020/07/1595497084_l-1.jpg" alt="" />
Джордж Вашингтон
♦&nbsp;Осылайша, Ақ үйдің құрылысы қазіргі орналасқан жерде (“1600, Пенсильвания даңғылы, Вашингтон, DC 20500, АҚШ”) &nbsp;басталады.
♦&nbsp;Ғимараттың дизайнына жариялаған конкурста Джеймс Хобан есімді сәулетші жеңімпаз атанды. Хобанмен қатар Вашингтонның өзі де жобаның авторы ретінде бірлесіп жұмыс істейді.
<img src="https://kyzylorda-news.kz/wp-content/uploads/2020/07/1595494884_l-1.png" alt="" />
Ақ үйдің алғашқы көрінісі
♦Джеймс Хобан ғимаратты жобалаған кезде Дублиндегі Лейнстер үйінің (қазіргі Ирландия парламенті) сәулетімен шабыттанғанын айтқан.
♦Жоба бойынша ғимарат классикалық грек сәулетінің принциптеріне, нақты симметрияны ұстана отырып салынуы керек еді.
♦&nbsp;Ақ үйдің алғашқы құрылысына 2,5 миллион доллар бөлінген.
♦&nbsp;1800 жылдың жазына қарай ғимараттың негізгі бөлігіндегі құрылыс аяқталды.
♦&nbsp;1800 жылдың 4 маусымы – Ақ үйдің ресми пайдалануға берілген күні.
♦&nbsp;8 жылдық құрылыс аяқталғаннан кейін өзі басқарып, салдырған ғимаратта тұру Вашингтонға нәсіп етпеді.
♦Осы уақытта оның мерзімі аяқталып, екінші президент Джон Адамс үкімет басына келеді. Ол жұбайы Эбигайлмен бірге Ақ үйге көшкен алғашқы президент ретінде тарихта қалды.
<img src="https://kyzylorda-news.kz/wp-content/uploads/2020/07/1595495590_l-1.jpg" alt="" />
Неге Ақ үй?
Ғимарат неге мұндай атпен аталғаны туралы нақты дерек болмаса да бірнеше нұсқалар бар.
♦&nbsp;Бірінші нұсқа: ғимарат қызыл гранитпен салынған басқа үйлердің қасында ерекше аппақ боп көрінгені үшін осы атты алған.
♦&nbsp;Екінші нұсқа бойынша бұл атау ғимаратқа 1811 жылы берілген.
♦&nbsp;Тағы бірінде 1814 жылы берілгені айтылған.
Енді осы соңғы нұсқа тарихына тоқталатын болсақ, АҚШ бастапқыда Ұлыбритания отары еді. Ұлыбритания отарынан арылу әрекеті 1812-15 жылдардағы екі ел арасындағы соғыс өртінің тұтануына себепкер болды.
♦&nbsp;1814 жылы британдықтар Вашингтонға от қойып, өрт кезінде Ақ үйге айтарлықтай зиян келді. Дәл осы уақытта ғимараттағы өрттің зардабын жасыру үшін ол ақ түске боялған деген ақпарат бар.
<img src="https://kyzylorda-news.kz/wp-content/uploads/2020/07/1595495071_l-1.jpg" alt="" />
Ұлыбритания – АҚШ астанасына шабуыл жасаған жалғыз ел
♦&nbsp;Жоғарыда аталған нұсқалардың қайсысы ең қолайлы болғанына қарамастан, президент резиденциясы ресми түрде 1901 жылы – Теодор Рузвельттің билігі кезінде “Ақ үй” атауына ие болды.
<img src="https://kyzylorda-news.kz/wp-content/uploads/2020/07/1595495631_l-1.jpg" alt="" />
Ақ үйдің 1814-17 жылы қайта салыну кезі
Қайта құру
Ақ үйдің қазіргі көрінісі алғаш салынған кезінен өзгеше. Соңғы ІІІ ғасырда оның құрылымына бірнеше толықтырулар енгізілді.
♦&nbsp;Жоғарыда айтылғандай, Ақ үй 1814 жылы британдықтардың шабуылынан кейін қайта құрылды және 1817 жылы пайдалануға берілді. Қайта өңдеу кезінде ғимаратқа 2 қабат жерасты бөлмелері қосылды.
♦&nbsp;ХХ ғасырдың басында Теодор Рузвельттің президенттігі кезінде батыс және шығыс қанаттарына тағы да ғимараттар салынды.
♦Батыс қанатында – Oval Office, президенттің негізгі кеңсесі, ал шығыс қанатында қабылдау бөлмесі орналасқан.
♦&nbsp;1927 жылы резиденцияның шатыры қайта салынып, адам тұруға бейімделді.
<img src="https://kyzylorda-news.kz/wp-content/uploads/2020/07/1595495870_l-1.jpg" alt="" />
♦&nbsp;1949-1952 жылдары президент Гарри Трумэннің басшылығымен Ақ үй күрделі жөндеуден өтті. Ғимараттың ағаш қаңқасы болатпен алмастырылып, интерьері де өзгерді.
Ғимараттың құрылымы
♦&nbsp;Жалпы ауданы 5000 шаршы метрлік Ақ үй – 6 қабаттан (2 қабат жер асты), 132 бөлмеден, үш жеделсаты және 8 баспалдақтан тұрады. Ғимаратта 32 жуынатын бөлме және 28 камин пеші бар.
♦&nbsp;Ғимаратта салтанатты қабылдауға арналған көк бөлме, бейресми қабылдаулар үшін жасыл бөлме, отбасылық түскі ас ішетін қызыл бөлме, үлкен зал, президент кеңсесі және басқа да бөлмелер бар.
♦&nbsp;Ақ үйге келген әрбір президент негізгі кеңсесінің дизайнын өз талғамына қарай өзгерте алады.
<img src="https://kyzylorda-news.kz/wp-content/uploads/2020/07/1595496245_l-1.jpg" alt="" />
АҚШ-тың қазіргі бірінші ханымы Ақ үй бақшасында
♦&nbsp;Ақ үйдің айналасында президент бағы орналасқан. 
♦&nbsp;Ғимараттың батыс жағында Вудро Уильсонның әйелі салған Қызғылт бақ, ал шығыс қанатында Джон Ф. Кеннедидің әйелі Жаклин Кеннедидің бастамасымен салынған бақ бар.
Ақ үйдің ішкі көрінісі 
♦&nbsp;Ақ үйге көшкен жаңа президент пен оның отбасы ғимаратты өз қалауымен жиһаздай алады. Олардың әрқайсысы президент үйіне жаңалық әкелуге тырысқанымен, ғимаратта ХVIII-ХІХ ғасыр аурасы сақталып қалған. Ғимараттың безендірілуі, интерьердің өзгеруі Ақ үй басқару комитетімен келісіліп жасалады.
<img src="https://kyzylorda-news.kz/wp-content/uploads/2020/07/1595496299_l-1.jpg" alt="" />
Қызыл бөлме
♦&nbsp;Резиденцияда бұрынғы президенттердің отбасыларына тиесілі заттар, сондай-ақ басқа елдердің жоғары лауазымды шенеуніктері берген сыйлықтар бар. Қазіргі президенттің отбасы оларды бөлмелерді безендіруге қолдана алады.
Ақ үйге саяхаттау 
♦&nbsp;Ақ үй Томас Джефферсонның тұсында тұңғыш рет көпшілік үшін ашылды. АҚШ-тың үшінші президенті 1805 жылғы ұлықтау рәсіміне қатысқандарды Ақ үйге келуге шақырады. Көп өтпей президент резиденциясы оны көргісі келетіндер үшін ресми түрде ашылды.
♦&nbsp;Джефферсон сонымен қатар Жаңа жылды және 4 шілде – Тәуелсіздік күнін Ақ үйде тойлау дәстүрін енгізді.
♦&nbsp;Бүгінде сейсенбіден жұмаға дейін туристер үшін Ақ үйге саяхат ұйымдастырылады (қазір пандемияға байланысты тоқтатылған).
♦&nbsp;Ресми және жеке кездесулер өткізілетін көгілдір, жасыл, шығыс және қызыл бөлмелерге туристер саяхаттай алады. Ғимараттың басқа бөлмелері президент пен оның отбасына арналған.
♦&nbsp;Ақ үйге виртуалды түрде <a href="https://artsandculture.google.com/partner/the-white-house?hl=ru">мына сілтеме</a> бойынша саяхаттай аласыз.
<a href="https://massaget.kz/layfstayl/alemtanu/62793/">Massaget.kz</a>

220 жылда 44 президент тұрған Ақ үй туралы қызықты деректер (ФОТО)

<a href="https://kyzylorda-news.kz/">Kyzylorda-news.kz.</a> Пандемия кезінде сұраныс жоғары тауарлар – бір реттік маскалар мен медицииналық қолғаптар экологиялық апатқа әкеп соқтыруы мүмкін.
Жапонияның «Киодо» ақпараттық агенттігі осылай деп отыр. Өйткені Түркия мен Еуропа елдерінде су түбінде табылған медициналық қалдықтар көбейген. Франция экологтарының пайымдауынша, жуық арада теңізде медузадан гөрі маска көп болуы мүмкін. Себебі таяуда мұнда 2 миллиардтан аса бетпердеге тапсырыс берілген.
Мамандардың айтуынша, бір ғана маска жүздеген жылдар бойы ыдырайды екен. Қазірдің өзінде оның қалдықтары балықтар мен тұзда табылып жатыр. Мамандар «тұрғындардың көбі медициналық қорғаныс құралдарын қалай кәдеге жаратарын білмейді» дейді. Көп елде тіпті ол үшін қолайлы жағдай да жасалмаған көрінеді. Осы ретте экологтар көп реттік маскаларды қолдануға кеңес беріп отыр.
<blockquote>
 “Адамдар маска тағып, өздерін қауіпсіз сезінгісі келеді. Алайда ол үшін пластик қолдану міндетті емес. Басқа материалдар толып жатыр”,- дейді A Plastic Planet ұйымының негізін қалаушы Шан Сазерленд.
</blockquote>
<a href="https://24.kz/kz/zha-aly-tar/lemde/item/411440-maskalar-men-ol-aptar-planetany-ekologiyaly-apat-a-shyratady">Хабар 24</a>

Маскалар мен қолғаптар планетаны экологиялық апатқа ұшыратады

<a href="https://kyzylorda-news.kz/">Kyzylorda-news.kz.</a> Әлемде қызғылт түске боялатын көлдер көп емес. Түсінің ерекшелігімен туристердің қызығушылығын тудырып, демалыс орнына айналған.&nbsp;
Австралияда мұндай бірнеше көл бар, сонымен қатар Оңтүстік Америка, Батыс Африка, Шығыс Еуропа, Мексика және Қазақстаннан да кездестіруге болады.
Хиллер көлі, Аустралия
<img src="https://kyzylorda-news.kz/wp-content/uploads/2020/07/1595585858_l-2.jpg" alt="" />
Батыс Аустралиядағы&nbsp;Решерш&nbsp;архипелагын құрайтын аралдардың ең үлкеніне орналасқан Хиллер көлінің түсі жыл он екі ай өзгермейді. Ашық қызғылт түсті суды бөтелкеге құйып алғанның өзінде түсін сақтап қалады екен. Көлдің ұзындығы 600 метрді құрайды. Ал оны мұхиттан бар болғаны 2-3 метр жер бөліп тұр.&nbsp;
Хиллер көлі&nbsp;Мидл Айлендпен бірге 1812 жылы табылған. Көлдің жан-жағы ақ тұз бен қалың орманмен қоршалған. Сол себепті қызғылт көлге жету үшін туристер ұзақ жаяу жүруге дайын.
Ретба көлі, Сенегал
<img src="https://kyzylorda-news.kz/wp-content/uploads/2020/07/1595586230_l-1.jpg" alt="" />
Ретба көлі – Сенегал астанасы Дакардан шығыс жағындағы Жасыл мүйіс түбегінде орналасқан. Көлдің түсі Dunaliella salina балдырының арқасында қызғылтқа боялады екен.&nbsp;Ретба көлінің түсі&nbsp;қуаңшылық маусымында жақсы көрінеді.
Жергілікті тұрғындар көлден тұз жинаумен күн көреді. Көлдің құрамының 40% тұз болғандықтан жұмысшылар ши ағашының майын денесіне жағып, жұмыс істейді.&nbsp;
Көлдегі алқызыл түс көп мөлшердегі цианобактериялардың әсерінен пайда болған. Қара теңіз секілді бұл көлдің де тығыздығы аса жоғары. Бір қызығы, көлдің тұздылығына қарамастан, онда балықтар өмір сүреді екен.
Торревьеха көлі, Испания
<img src="https://kyzylorda-news.kz/wp-content/uploads/2020/07/1595586245_l-1.jpg" alt="" />
Дүниежүзілік денсаулық сақтау ұйымы&nbsp;Торревьеха және Ла Мата көлдерін Еуропадағы ең жақсы сақталған деп баға берген.&nbsp;Торревьеха көлінде тұз мөлшерінің көп болғаны соншалық Өлі теңіздегідей судың бетінде қалқып жүресіз. Туристер бұл маңға тері және өкпе ауруларын емдеу үшін келеді екен.&nbsp;
Лагуна Хатт көлі, Аустралия
<img src="https://kyzylorda-news.kz/wp-content/uploads/2020/07/1595586137_l-1.jpeg" alt="" />
Үнді көлінің жанында орналасқан Лагуна Хат Аустралиядағы қызғылт көлдің екіншісі. Көлдің ұзындығы 14 шақырымды, ені 2 шақырымды құрайды. Бұл жерде кішкентай балдырларды өсіретін әлемдегі ең үлкен орналасқан.&nbsp;
Шаңды раушан көлі, Канада
<img src="https://kyzylorda-news.kz/wp-content/uploads/2020/07/1595586349_l-1.jpg" alt="" />
Канададағы жалғыз қызғылт түсті көл аса танымал емес. Құрамында тұз болмаса да, балдырлар өспесе де көл қызғылт түске боялған. Оған осы аймақтың табиғатының ерекшелігі себеп. Жақын маңдағы мұздықтағы тас шаңының әсерінен көлдің түсі қызғылтқа боялады екен.&nbsp;
Қызғылт көл, Аустралия
<img src="https://kyzylorda-news.kz/wp-content/uploads/2020/07/1595586558_l-1.jpg" alt="" />
Батыс Аустралияда орналасқан тағы бір қызғылт түсті көл.&nbsp;Dunaliella salina балдыры мен тұзды&nbsp;асшаянның арқасында көл анда-санда қызғыл түске боялады. Ғалымдар әлі күнге көл
Масазир көлі, Әзірбайжан
<img src="https://kyzylorda-news.kz/wp-content/uploads/2020/07/1595586164_l-1.jpg" alt="" />
Ауданы 10 шаршы шақырым болатын&nbsp;Масазир көлі Бакуге жақын маңда орналасқан. Көлдің құрамында хлорид пен сульфат көп мөлшерде болғандықтан оның түсі қызғылтқа боялған. Ал 2010 жылы ел билігі тұз өндіретін “Azeri” зауытын ашты.&nbsp;
Квайрадинг қызғылт көлі, Аустралия
<img src="https://kyzylorda-news.kz/wp-content/uploads/2020/07/1595586541_l-1.jpg" alt="" />
Бұл көл кейбір маусымда түсін өзгертеді. Көлдің бір беті&nbsp;қара қызғылт түске боялса, екінші жағы ашық қызғылт түс болады екен.&nbsp;
Қызғылт көл, Қазақстан
<img src="https://kyzylorda-news.kz/wp-content/uploads/2020/07/img-20200725-wa0004.jpg" alt="" />
Көл Ақмола облысы Ерейментау ауданының Өлеңті ауылдық округінің аумағында орналасқан. Теңіз деңгейінен 253 метр биіктікте. Көлдің ауданы – 690 га, тереңдігі – 1,5 метр.
Көбейтұз жылына бірнеше рет қызғылт түске боялады. Судың қызғылт реңге боялуына негізінен тұзды теңіздерді мекендейтін біржасушалы дуналиелла сортаңды су балдыры әсер етеді деп саналады. Демек көлдің тұзды болуының арқасында бұл балдырлар пайда болған.
Мұнымен қызғылт түсті көлдер тізімін аяқталған жоқ. Олардың қатарына Қырымдағы Кояш, Мексикадағы Лас-Колорадас, Танзаниядағы Натрон, Боливиядағы&nbsp;Лагун Колорадо, АҚШ-тағы&nbsp;Үлкен тұзды көл, Ресейдегі Меклетин мен Тунистегі&nbsp;Шотт-эль-Джерид көлін қосуға болады.
<a href="https://massaget.kz/layfstayl/alemtanu/syrly-alem/62801/">Massaget.kz</a>

Қазақстан және Қызылорда облысының жаңалықтары: Әлем

Әлемдегі ең ерекше ғимараттар

Алдағы 10 жылда кит пен дельфиндер жойылып кетуі мүмкін

Бүгін – халықаралық қыздар күні

Жээнбеков жоғалып кетті

Коронавирус: Токио марафоны 2021 жылға ауыстырылады

Мекке зиярат етушілерді қабылдауды бастады

“Қайсар” командасы енді кіммен бақ сынасады

Кішкентай қыз батпырауықпен бірге аспанға ұшып кетті (ВИДЕО)

FIFA Қазақстанға 1,5 млн доллар көмек бермек

220 жылда 44 президент тұрған Ақ үй туралы қызықты деректер (ФОТО)

Маскалар мен қолғаптар планетаны экологиялық апатқа ұшыратады

Табиғат ғажайыбы: Қызғылт түске боялған көлдер

Қазақстан және Қызылорда облысының жаңалықтары: Әлем

Әлемдегі ең ерекше ғимараттар

Алдағы 10 жылда кит пен дельфиндер жойылып кетуі мүмкін

Бүгін &#8211; халықаралық қыздар күні

Жээнбеков жоғалып кетті

Коронавирус: Токио марафоны 2021 жылға ауыстырылады

Мекке зиярат етушілерді қабылдауды бастады

&#8220;Қайсар&#8221; командасы енді кіммен бақ сынасады

Кішкентай қыз батпырауықпен бірге аспанға ұшып кетті (ВИДЕО)

FIFA Қазақстанға 1,5 млн доллар көмек бермек

220 жылда 44 президент тұрған Ақ үй туралы қызықты деректер (ФОТО)

Маскалар мен қолғаптар планетаны экологиялық апатқа ұшыратады

Табиғат ғажайыбы: Қызғылт түске боялған көлдер

Бүгін – халықаралық қыздар күні

“Қайсар” командасы енді кіммен бақ сынасады