Ғылым айлығы аясында Қорқыт ата атындағы Қызылорда университетінде аймақтағы алғашқы Халықаларлық экологиялық марафон өтті. Марафонның мақсаты – қоршаған ортаның қолайсыз факторларының салдарын азайту жөніндегі мәселелерді талқылау, қоршаған орта, сумен жабдықтау және Арал өңірінің әлеуметтік-экономикалық дамуы саласындағы жобаларды іске асыруға жәрдемдесу, сондай-ақ экология және табиғи ресурстар саласындағы халықаралық ынтымақтастықты дамыту. Экомарафонның жұмысына Дүниежүзілік денсаулық сақтау ұйымының эксперті, шетелдік және отандық ғалымдар, университеттің көптен бергі серіктестері және Арал өңірінің экожүйесін зерттеушілер қатысты.<blockquote>«Биылдан бастап Қазақстан Республикасы 2024-2026 жылдар ішінде Халықаралық Аралды құтқару қорында төрағалық етеді. Құрамына Қазақстан, Тәжікстан, Түрікменстан және Өзбекстан кіретін Халықаралық Аралды құтқару қоры Арал теңізін құтқаруға және өңірдің экологиялық жағдайын жақсартуға, сондай-ақ жалпы әлеуметтік-экологиялық проблемаларды шешуге бағытталған бірлескен мемлекетаралық экологиялық және ғылыми-практикалық бағдарламалар мен жобаларды іске асырумен айналысады. Міне Ғылым айлығы аясында орындалып жатқан бүгінгі іс-шарамызда тек қана өңіріміздің экологиялық мәселелеріне &nbsp;арналмайды жалпы жаһандық әлемдегі экологияның жағдайында &nbsp;қозғайды» деді алғы сөзінде Қорқыт ата атындағы Қызылорда университетінің Басқарма Төрағасы-Ректор Бейбіткүл Каримова.</blockquote>Жиынның басты міндеті – Халықаралық Аралды құтқару қорының құрамына кіретін мемлекеттер ғалымдарының өзара іс-қимылы мен ынтымақтастығын одан әрі нығайту, оның ішінде Орталық Азияның су ресурстарын тиімді пайдалану, болашақтың тұрақтылығын дамыту. Арал өңірінің қолайсыз аймағының экожүйелерін талдау, Арал теңізі бассейніндегі экологиялық жағдайды жақсарту үшін ғылыми ынтымақтастықты арттыру. Сонымен қатар жиынға Қызылорда облысы бойынша экология департаментінің басшысы Нұржан Өмірсерікұлы, Экологиялық мәселелер жөніндегі Дүниежүзілік денсаулық сақтау ұйымының эксперті Али Осама, Польшалық лимнологиялық қоғамның президенті, &nbsp;Познань қаласындағы Адам Мицкевич университетінің профессоры Петр Климашик, Оңтүстік-Батыс Цзяотон университетінің (ҚХР, Чэнду қ.) профессоры, экологиялық инженерия институты деканының орынбасары Жао Цзяоян, Оңтүстік-Батыс Цзяотон университетінің профессоры (ҚХР, Чэнду қ.) Сергей Кривоногов қатысты. Экологиялық марафон өткізу эстафетасы Өзбекстандық ғалымдарға жолданды. Мұнан соң Оңтүстік-батыс Цзяотун университеті мен Қорқыт ата атындағы Қызылорда университеті арасында ынытмақтастық туралы меморандумға қол қойды.<img src="https://knadmin.beoblood.kz/uploads/FB_IMG_1713028595423_b62a7b1980.jpg" alt="FB_IMG_1713028595423.jpg"><img src="https://knadmin.beoblood.kz/uploads/FB_IMG_1713028592959_fd6ecbe40c.jpg" alt="FB_IMG_1713028592959.jpg"><img src="https://knadmin.beoblood.kz/uploads/FB_IMG_1713028587326_90b3f43a3e.jpg" alt="FB_IMG_1713028587326.jpg">

Халықаларлық экологиялық марафон өтті

Облыс әкімі Нұрлыбек Нәлібаевтың төрағалығымен өткен мәжілісте аймақтың салық базасын ұлғайту жолдары қаралды.Аймақ басшысы аталған мәселенің маңыздылығына тоқталып, жан-жақты талдау арқылы бюджетке қосымша кіріс көздерін іздестіруді тапсырды.«Бюджетті тиімді басқару және сапалы жоспарлау – басты міндетіміз. Осы орайда бюджеттің тиімділігін арттыру үшін салық базасын ұлғайту жайы апта сайын қаралуда. Өткен аптадағы мәжілісте жауапты басқармаларға, департамент басшыларына, қала, аудан әкімдеріне әрбір салық түсімі, салық төлеушілер бойынша талдау жасап, жергілікті бюджет түсімінің резервтерін анықтау тапсырылды. Бюджет түсімінің өсімі бірінші кезекте жеке бизнес қызметін заңдастыру, инвестиция тарту, нақты салықтық базаны анықтау &nbsp;арқылы қамтамасыз етіледі. Қойылған мақсаттарға қол жеткізу үшін барлық деңгейдегі әкімдер өз құзыреті шегінде облыс бюджетінің кіріс бөлігін толықтыруға аса жауапкершілікпен қарауы қажет», – деді Нұрлыбек Машбекұлы.Жиында мемлекеттік кірістер департаменті басшысының орынбасары Әділбек Бекішев, аудан әкімдері мен облыстық басқарма басшылары атқарылған жұмыстар туралы баяндады. Мәселен, Арал ауданында бір апта ішінде 3 кәсіпорын тіркеліп, жылына 16 млн. теңге салық төлейтін болды. Мұнан бөлек, шамамен 50-70 млн. теңге салық төлейтін өзге аймақтағы 7 кәсіпкерлік субъектісін ауданға тіркеу үшін құжаттары рәсімделуде. Қазалы ауданында сырттан 18 кәсіпкерлік субъектісін тіркеу жұмыстары жүргізілді. Корпоративтік, жеке табыс, көлік салығынан 50 млн. теңге түседі деп күтілуде.Мәжілісті қорытындылаған облыс әкімі 2024 жылғы жергілікті бюджет кірістерінің айлық бөлінісінің болжамы және оның орындалуы тұрақты қадағаланатынын ескертті. Барлық деңгейдегі әкімдер, басқармалар, аймақтық департаменттер және кірістер органдары салық базасын ұлғайту жұмыстарын күшейтуі қажет екенін атап өтті.Фото: Қызылорда облысы әкімінің баспасөз қызметі

Салық базасын ұлғайту мәселелері қаралды

Бүгін Мемлекет Басшысы үндеуін жариялады.Республикалық штабты басқарған Премьер-Министр Үкімет пен мемлекеттің барлық күштері су тасқыны салдарымен күресуге және одан әрі залалдың алдын алуға жұмыстар атқарып жатыр.Соңғы 80 жылда болмаған ірі табиғи апат салдарынан халқымыз қиын кезеңді басынан кешіруде.Сондай-ақ, орын алған жағдайларға байланысты, Президент тапсырмасы аясында алдағы уақытта заң аясындағы өзгерістер мен толықтыру жұмыстарын да қолға алатын боламыз.Біздің Ата заңымыздың бірінші бабында: «Қазақстан Республикасының ең қымбат қазынасы - адам және оның өмірі» деп нақты жазылған. Сондықтан қазір ең бастысы-адам өмірі.Кез келген материалдық мәселелер шешіледі. Президент ешбір зардап шеккен азамат мемлекет назарынан тыс қалмайтынын және барлық шығындардың өтелетініне, халыққа қажетті көмек көрсетілетініне кепілдік пен уәде берді.Келесі баса назар аудартатын жайт. Осындай кезде ел арасына от, іріткі салмай, тәртіпсіздікті өз мақсаттары үшін пайдаланбауы керек. Құқықтық режим толығымен сақталуы қажет. Бұл ақпарат таратуға да қатысты болмақ. Халықты дәлелденген ақпаратқа сенулеріңізді шақырамын.Жіп біріксе арқан болады, сетінесе талқан болады. Яғни, осындай кезеңді жеңу үшін біз өз күш-жігерімізді біріктіруіміз қажет.Елдегі әрбір қиындықтан сабақ алуымыз заңдылық. Бұл қиындықтан да шығатынымыз анық, тек береке-бірлік керек. Күшіміз тек бірлікте!Мархабат Жайымбетов, ҚР Парламенті Мәжілісінің депутаты

Мархабат Жайымбетов: Кез келген материалдық мәселелер шешіледі

Елімізде орын алған күрделі жағдай яғни су тасқыны барша халықты алаңдатып отыр. Бүгін Мемлекет басшысы су тасқынынан қалыптасқан ауыр жағдайға байланысты Қазақстан халқына үндеу жолдады. Мен үндеудің толық нұсқасымен танысып шықтым. Көптеген мәселелерді қозғап, елге жанашырлық танытып, азаматтарды ауысбіршілікке шақырды.&nbsp; Мемлекет басшысы зардап шеккен отбасылар мен аймақтарға тиісті түрде көмек көрсетіліп, қауіпті аймақтарға көмек жіберілетінін айтты. Сонымен қатар азаматтарымыз тек қана ресми ақпарат көздеріне сүйенуі қажет екендігін жеткізді. Президент көлемі жағынан соңғы 80 жылдан бергі ең ірі табиғи апат екенін айтты. “Жағдай өте күрделі болса да, біз қиындықты міндетті түрде еңсереміз, барлығын қалпына келтіреміз. Ең бастысы – азаматтардың амандығы” - деп, барлық атқарушы органдарға шұғыл түрде тапсырма берді. Мемлекет басшысының шұғыл әрекет етуімен, тиісті мамандардың штрақ қимылымен табиғи апатқа қарсы тәулік бойы жұмыстар жүргізіліп жатыр. Ел басына күн туғанда, күшімізді біріктіріп, сын сағатта сүрінбей, бейбітшілік болсын! &nbsp;Арман Әбілпейісұлы,«AМANAT» партиясы Жаңақорған аудандық филиалының төрағасы

Арман Әбілпейісұлы: Бұл қиындықты да еңсереміз

&nbsp; Мемлекет басшысы Қасым-Жомарт Тоқаев еліміздің бірқатар облысындағы су тасқыны салдарынан қалыптасқан күрделі жағдайға байланысты Қазақстан халқына Үндеу жариялады. Ел Президенті өз сөзінде елімізде мұндай ахуал ұзақ жылдан бері болмағаннын, көлемі жағынан соңғы 80 жылдан бергі ең ірі табиғи апат екенін айтты. Сондай-ақ, қазіргі таңда Үкіметке нақты тапсырмалар берілгенін, жан-жақты жұмыстар қолға алынып жатырғанын атап өтті. «…Қазір барлық қажетті шаралар қабылданып жатыр. Үкімет қарғын судың салдарын жоюға бар күшін салуда. Премьер-Министрдің басшылығымен Республикалық штаб құрылды. Премьер-Министрдің өзі, оның орынбасарлары және Төтенше жағдайлар министрі апат болған аймақтарды аралап жүр. Барлық құтқару жұмыстары менің тікелей бақылауымда. …Зардап шеккен аймақтардың әкімдіктері күндіз-түні жұмыс істеуде. Ондаған мың волонтер де көмектесіп жүр, - деген Мемлекет басшысы зардап шеккен азаматтарға жан-жақты көмек болатындығын жеткізді. Еліміз үшін осындай қиын уақытта бірлікте болуымыз қажет. Күн кеше ауданымыздан су тасқыны орын алған Ақтөбе өңірінің Қобда ауданына &nbsp;қажетті жабдықтар, азық-түлікпен басқа заттар тиелген жүк көлігі жетіп, көмек табысталды. Бұл игі іске өз үлесін қосқан барша аудан тұрғындарына, халық қалаулылары мен кәсіпкерлерге алғысымыз шексіз. Ендігі кезекте орын алып жатқан қиындықты жұрт болып жұмылып, бірге еңсерейік. Еліміз аман, жұртымыз тыныш болсын.Ғазиз Әліш,&nbsp;"AMANAT" партиясы Қазалы аудандық филиалының төрағасы &nbsp; &nbsp; &nbsp; &nbsp; &nbsp;

Ғазиз Әліш: Еліміз үшін осындай қиын уақытта бірлікте болуымыз қажет

Теміртауда көпқабатты тұрғын үйдің бірінші қабаттың терезесінен үш жасар бала құлап кетті. Анықталғандай сол кезде бала ересектердің қарауынсыз, жалғыз қалған. Қазіргі уақытта&nbsp; ауруханаға жатқызылып, жағдайы орташа деп бағаланады, деп хабарлайды <a href="http://sn.kz/">Skifnews.kz</a> ақпарат порталы.Биылғы жылы балалардың терезеден құлауының алғашқы оқиғасы Теміртауда орын алған болатын.<blockquote>«2024 жылы 4 сәуірде Теміртау қаласында ересектердің қарауынсыз қалған 9 қабатты тұрғын үйде бірінші қабаттағы пәтердің терезесінен 2021 жылы туған бала құлады. Ауруханаға жатқызылды, қазір жағдайы орташа», - деп хабарлады денсаулық сақтау басқармасы.</blockquote>Фото: Pixabay

Теміртауда үш жасар бала терезеден құлап кетті

Ауа-райының күрт жылуы салдарынан туындаған еліміздің бірқатар өңірлеріндегі ахуалға байланысты Ел Президенті Қасым-Жомарт Кемелұлы Тоқаев Қазақстан халқына үндеу жасады.Мемлекет су тасқынының зардаптарын жою бойынша қарқынды шаралар қабылдауда. Төтенше жағдайлар қызметі мен құтқару жасақтары күшейтілген режимде жұмыс істеуде. Елде қалыптасқан жағдай Мемлекет басшысының жеке бақылауында.Мемлекет үшін бастысы - адамдардың қауіпсіздігі. Жұмысты үйлестіруде су тасқынынан зардап шеккен адамдарға қажетті қолдау көрсетуге басымдық берілуде, оның ішінде: эвакуациялау; уақытша тұратын орын-жаймен қамтамасыз ету; медициналық көмек көрсету; азық-түлік пен медициналық құрал-жабдықтарды жеткізу; психологиялық көмек көрсету.Су тасқынынан зардап шеккендердің барлығына материалдық көмек көрсетіледі, барлық шығын өтеледі және толық жабылатындығы айтылды.ҚҰРМЕТТІ БІЛІМ САЛАСЫНЫҢ ҚЫЗМЕТКЕРЛЕРІ! ҚАДІРЛІ ЖЕРЛЕСТЕР!Халықтың бірлігін, қоғамның ынтымағын және рухтың беріктігін сақтау қазіргі таңда аса маңызды.Көрінеу ақпаратқа арандамауға, тек ресми ақпаратқа сүйенуге шақырамын!Қазіргі басты міндет – су тасқыны кезеңін еңсеріп, азаматтардың қауіпсіздігін қамтамасыз ету.Санира Жанназарова,&nbsp;Арал аудандық білім бөлімінің басшысы

Санира Жанназарова: Елде қалыптасқан жағдай Мемлекет басшысының жеке бақылауында

Бүгін Мемлекет басшысы Қасым-Жомарт Тоқаев Қазақстан халқына Үндеу жолдады. Презизент жан-жақты зерделенген, нақты дәлелмен келтірілген өте орынды, пайымды пікір айтты. Жауаптыларға қадау-қадау тапсырма берді.“БАҚ өкілдеріне, блогерлер мен белсенді азаматтарға айтарым: жұртты дүрбелеңге салатын ақпараттарды жариялауға тыйым салынады.Жалған ақпараттар таралмауы қажет. Дәл қазір билік пен қоғамды ұйыстыратын әрекеттер жасау - аса маңызды. Сондықтан, ел халқынан ресми дәлелденген, шынайы ақпараттарға сүйенуге шақырамын”-, деді Президент &nbsp;Қасым-Жомарт Тоқаев.Мемлекет басшысы дұрыс айтады! Арамызда ұрымтал тұсты өз мүдделеріне пайдаланып кететіндер жоқ емес. Ол бұрын да болған. Және бола береді. Олардың мақсаты - &nbsp;елдігіміздің тыныштығына сына қағып, ауызбіршілікке сызат түсіру.Сондықтан, сын сағатта, бір-бірімізге демеу болып, барымызбен бөлісіп, өкпе ренішті артта қылдырып, бірлікті ту етуіміз қажет.&nbsp;Президенттің бұл сөздері қиын жағдайға тап болған халыққа демеу болады деген сенімдемін.Елена Пак,Қорқыт ата атындағы Қызылорда Университеті«Филология» факультетінің студенті,«Абай қазынасына саяхат» клубының жетекшісі&nbsp;

Елена Пак: Мемлекет басшысы жалған ақпарат таратпауға шақырды

&nbsp; &nbsp; &nbsp;Мемлекет басшысы Қасым-Жомарт Тоқаевтың үндеуі жарияланды.&nbsp; Президент орын алған жағдайға байланысты бірде-бір адамды мемлекет ескерусіз қалдырмайтынын жеткізді. “Бүгін мен еліміздің азаматтарына арнайы үндеуімді жолдап отырмын. Баршаңызға белгілі, қазір елімізде күрделі жағдай қалыптасып отыр. Қардың күрт еруіне байланысты аймақтарда су тасқыны болып жатыр. Бұл – табиғи апат. Мұндай ахуал ұзақ жылдан бері болмаған. Бұл көлемі жағынан соңғы 80 жылдан бергі ең ірі табиғи апат деуге болады”,- деді Президент. Расында мұндай көлемдегі тасқын су басу жағдайы талай жылдан кейін болып жатыр. Су тасқынына байланысты еліміздің он аймағы - Абай, Ақмола, Ақтөбе, Атырау, Батыс Қазақстан, Қарағанды, Қостанай, Павлодар, Солтүстік Қазақстан және Ұлытау облыстарында төтенше жағдай қалыптасты. Мемлекет басшысы Қытайдан келе салып, атқарушы органдар жіберген олқылықтарды түзеу үшін шұғыл жиын өткізді. Республикалық штаб құрды. Үкіметке нақты тапсырмалар берді. Қанат Бозымбаевты Үкімет басшысының орынбасары етіп тағайындады. Соның арқасында үйлестіру жұмыстары жедел жүргізілді. Президент дер кезінде кіріспегенде барлық қажетті шаралар қабылданбай қалар еді.“Барлық құтқару жұмыстары менің тікелей бақылауымда. Су тасқынымен күресуге Төтенше жағдайлар министрлігінің барлық ресурсы тартылды. Сондай-ақ құтқару жұмыстарына Ішкі істер министрлігі, Ұлттық ұлан, Қарулы Күштер және Ұлттық қауіпсіздік комитетінің мамандары белсене атсалысып жатыр. Зардап шеккен аймақтардың әкімдіктері күндіз-түні жұмыс істеуде. Ондаған мың волонтер де көмектесіп жүр. Жағдай өте күрделі болса да, біз қиындықты міндетті түрде еңсереміз, барлығын қалпына келтіреміз. Ең бастысы – азаматтардың амандығы”,- деді Президент өз Үндеуінде. Азаматтарды алаңдатқан басты сұраққа жауап берілді. Қасым-Жомарт Тоқаев “Баршаңызға қаржылық және басқа да көмек беріледі. Материалдық шығындар толық өтеледі”,-деді. Ең үлкен мәселенің бірі -осы алапат су тасқынынан тиісті қорытынды шығару. Шұғыл түрде жіберілген олқылықтарды түзетіп, тиісті сабақ алу қажет. Ең алдымен су шаруашылығы мамандарының тапшылығын болдырмау, бұл үшін сала мамандарын оқыту және даярлау мәселесі жедел шешілгені керек.Үкімет және жергілікті атқарушы органдар су тасқынымен күресті тиімді үйлестіріп отыруға тиіс.&nbsp; Жағдайдың қаншалықты күрделі екенін апатқа қарсы күреске Қорғаныс министрлігі қосымша әскери күштерінің жұмылдырылуы байқатса керек. Президент ел-жұртқа көмектесу үшін Үкіметке мемлекеттік материалдық резервті пайдалануды тапсырды. Осының өзі елдегі тасқын су зардабының көлемі мен мөлшері орасан үлкен екенін аңғартады. Мемлекет басшысы елді түрлі теріс ақпаратпен елді дүрліктірмеуге шақырды. “Бұқаралық ақпарат құралдарына, белсенді азаматтарға және блогерлерге айтарым, жұртты дүрбелеңге салатын жалған ақпараттарды таратпау қажет. Қазіргі уақытта билік пен қоғамды ұйыстыратын әрекеттер жасау аса маңызды. Азаматтарды тек қана ресми ақпарат көздеріне сүйенуге шақырамын”,- деді. Сондай-ақ, Президент құтқару ісіне араласып жатқан азаматтарға,тәртіп сақшыларына, волонтерлерге және апатпен күресуге атсалысып жатқан барша жұртқа алғыс айтты. “Осындай қиын-қыстау кезде бір жағадан бас, бір жеңнен қол шығару айрықша маңызды. Бір ел, бір халық болып жұмылып, бұл апатты еңсереміз. Бұл біздің қолымыздан келеді”.&nbsp; Кеше Қадір түнінде барша халық тасқын судан елдің аман қалуын тіледі. Бүгін Президент елдің амандығын қамтамасыз ету мәселесін тиянақты түрде қолға алғанын жеткізді.&nbsp; Елге де, Ерге де бір Алла жар болсын!Нұртөре Жүсіп,&nbsp; ҚР Сенат депутаты

Нұртөре Жүсіп: Бұл сынақтан сүрінбей өту маңызды 

“Жағдай өте күрделі болса да, біз барлығын еңсереміз. Ең бастысы азаматтардың амандығы”, -деді Мемлекет басшысы Қасым-Жомарт Тоқаев су тасқыны салдарынан қалыптасқан ауыр жағдайға байланысты үндеуінде. Иә, бұл елімізде 80 жылдан кейінгі үлкен су тасқыны болып тұр. Осындай қиын сәтте бірлігімізді берік етіп, бір-бірімізге деген қолдауды аямауымыз қажет. Күні кеше Қызылорда өңірінен зардап шеккен аймақтарға гуманитарлық көмек эхинококкозманитарлық акцияға өңірлік ҚХА мүшелері, этномәдени бірлестіктер мен ҚХА құрылымдары белсенді қатысты. Бұл игі істер өз жалғасын табады.&nbsp; Мемлекет басшысы су тасқынынан зардап шеккен азаматтарға қажетті көмек көрсетілетінін, барлық материалдық шығындардың өтелетінін де атап өтті.Сонымен қатар, “Бұқаралық ақпарат құралдарына, белсенді азаматтарға және блогерлерге жұртты дүрбелеңге салатын жалған ақпараттарды таратпау қажетігін, қазіргі уақытта билік пен қоғамды ұйыстыратын әрекеттер жасау аса маңызды екеніне тоқталды. Расында, бүгінгі күні бірігіп, елдігімізді, бірлігімізді көрсету маңызды.Сақтапберген Жұбатқанов, Қызылорда облыстық Қырғыз эмб төрағасы

Сақтапберген Жұбатқанов: Ең бастысы азаматтардың амандығы

Бүгін ақпарат көздерінде Мемлекет басшысы Қасым-Жомарт Кемелұлы Тоқаевтың су тасқыны салдарынан қалыптасқан ауыр жағдайға байланысты үндеуі жарияланды. Оқыдық, ойландық, тауқымет тартқан тұрғындар туралы толғандық. Әрине, ауа райының күрт жылынуына байланысты көктемнің қарғын суы қарапайым халықты әбігерге түсірді. Осыған орай еліміздің он аймағында төтенше жағдай жарияланды. Бүгінгі таңда Абай, Ақмола, Ақтөбе, Атырау, Батыс Қазақстан, Қарағанды, Қостанай, Павлодар, Солтүстік Қазақстан және Ұлытау облыстарында су тасқынының алдын алу шаралары жедел жүргізіліп жатқанымен қалыпты жағдайға әлі толық келген жоқ. Ауыртпалық бар. Қиындық құрсауындағы халыққа көмектесу үшін Үкіметке мемлекеттік материалдық резервті пайдалану тапсырылды. Мемлекет тарапынан бірде-бір адамның әлеуметтік жағдайы ескерусіз қалдырылмайтыны белгілі болды. Материалдық шығындар толық өтелмек. Ел Президентінің Үндеуін Қазақстан халқына деген жанашырлық, қиын-қыстаудан құтқарудың қамы деп қабылдауымыз қажет. Сондықтан сабырға келіп, жауапты тұлғалардың тиісті тапсырмаларды орындауына кедергі жасамауды сұрар едім. Біздің бірнеше сенатор әріптестеріміз оқиға орнында болып, жағдайды көзімен көріп келді. Сондай-ақ түрлі ақпарат көздері таратқан мәліметтер жағдайды мәлім етіп отыр. Десе де кейбір ақпарат жұртты дүрбелеңге салуды көздейтін секілді көрінді. Жалпы, жалған ақпарат жұртты жарға жығатынын ескерген жөн. Тауқыметке төтеп беру амалын және қарғын судың қатерін өз басымнан өткерген іс-тәжірибем бар. Сол себепті ел күйзелісін жүрегіммен қабылдадым. 2016 жылы Қызылорда облысы, Жаңақорған ауданының әкімі кезімде Қаратауға қалың түскен қардың күрт еруі зардабы біршама қиындық туғызды. Ақүйек және Жайылма ауылдық округтері аумағын су басу қаупі туындап, күн-түн демей қызыл сумен күрестік. Ескі арналар көміліп қалған, Көлтоған су қоймасына сыймай жатыр. Тіпті Жаңақорған кентіне қауіп төнді. Міне, осындай сын сағатта ақсақалдардың ақылымен, жастардың жігерімен, көптің күшімен ешбір шығынға ұрынбай, елді аман алып шыққан едік. Қысқа уақыт ішіндегі қиыншылық пен қарбалас әліге дейін жадымнан шықпайды. Еліміздің бірнеше аймағында болған қарғын су салдары өткенді ойға салды. Және сол кездегі тұрғындардың төзімі мен сабыры, ортақ мүддеге деген ағайынның ауызбіршілігі ауыртпалықты жеңуге жол ашты. Мемлекет Басшысының бұл Үндеуі де елдің бірлігі мен берекесін қорғауды, азаматтармыздың амандығын тілеуді мақсат тұтқанын айтқан ләзім. 2008 жылы Сырдария арнасынан тасып, ел қатты әбігерге түскен болатын. Осындай қысылтаяң шақта елде қызмет етіп жүрген белгілі қаламгер Бауыржан Омаров халықты сабырға шақырып, «Сабыр, сабыр, Сыр-Ана!» деген терең толғаммен жазбасын жариялады. Сол еске түсіп, сабырға мен де шақырып отырмын. …Сабыр, сабыр, Су-Ана!Руслан Рүстемов, Қазақстан Республикасы Парламенті Сенатының депутаты

Руслан Рүстемов: Президент үндеуі үмітке толы

Бүгін Мемлекет басшысы Қасым-Жомарт Тоқаев су тасқыны салдарынан қалыптасқан ауыр жағдайға байланысты үндеу жасады.Президент жағдайдың өте күрделі болуына қарамастан, біз қиындықты міндетті түрде еңсереміз, барлығын қалпына келтіреміз деді. Ең бастысы – халықтың амандығы екенін атап өтті. Қазіргі кезде бұл жағдайды оңтайлы шешу үшін жан-жақты жұмыстар жүргізіліп жатқанын, тікелей бақылауында ұстайтынын баса айтты. Ең бастысы – адам және оның өмірі мен денсаулығы.Мемлекет басшысы Қасым-Жомарт Кемелұлы: “Тасқын судан зардап шеккен азаматтарға айтарым, мемлекет бірде-бір адамды ескерусіз қалдырмайды. Баршаңызға қаржылық және басқа да көмек беріледі. Материалдық шығындар толық өтеледі”, – деді.Президенттің бұл сөздері қиын жағдайға тап болған халыққа демеу болады деген сенімдемін.Сондай-ақ, “Бұқаралық ақпарат құралдарына, белсенді азаматтарға және блогерлерге жұртты дүрбелеңге салатын жалған ақпараттарды таратпау қажетігін, қазіргі уақытта билік пен қоғамды ұйыстыратын әрекеттер жасау аса маңызды екенін айтты. Шынымен де, қазіргі уақытта бірігіп, елдігімізді, бірлігімізді көрсету маңызды.Еліміз аман, жұртымыз тыныш болсын!Қайрат Ерназаров, Облыстық мәслихат депутаты, “ҚХП” Қызылорда облыстық филиалының төрағасы

Қазақстан және Қызылорда облысының жаңалықтары: Әлем