Қызылордада 300 мың пара алған мектеп директоры сотталды – Kyzylorda News
Басты бет

Қызылордада 300 мың пара алған мектеп директоры сотталды

27.11.2019, 12:20

707 0

Kyzylorda-news.kz. Қызылорда қаласындағы С.Сейфуллин атындағы №4 орта мектептің директоры пара алғаны үшін сотталды, деп хабарлайды Сыбайлас жемқорлыққа қарсы қызметтің баспасөз қызметі.

Қызылорда облысының сыбайлас жемқорлыққа қарсы қызметі бұған дейін азаматты жұмысқа орналастыру үшін 300 мың теңге көлемінде пара алды деген күдікпен ұсталған С.Сейфуллин атындағы №4 орта мектептің директоры А.Ж. Алтынбековаға қатысты сотқа дейінгі тергеуді аяқтаған болатын.

Ағымдағы жылдың 26 қарашасында №2 Қызылорда қалалық сотының үкімімен шенеунік осы сыбайлас жемқорлық қылмысты жасағаны үшін кінәлі деп танылып, оған мемлекеттік қызметте лауазым иелену құқығынан өмір бойына айыру арқылы 9 миллион теңге айыппұл салынды.

0

Пікір қалдыру