Қаңтар оқиғасы кезінде көз жұмған азаматтардың балалары білім грантын ала алады

Kyzylorda-news.kz.  Қаңтар оқиғасы кезінде көз жұмған азаматтардың балалары «Қазақстан халқына» қорынан білім грантын ала алады. Бұл туралы қордың баспасөз қызметі хабарлады.

Бағдарламаға 18-29 жас аралығындағы Қазақстан Республикасының азаматтары қатыса алады.

Өтініштер 2023-2024 оқу жылынан бастап қабылданады. Грант беру мерзімі мен тәртібі қордың сайтында биылғы 1 маусымға дейін жарияланады.