«SCAT» әуе компаниясы "Ақтау – Қызылорда – Ақтау" бағыты бойынша &nbsp;субсидиялық жаңа әуе рейсін іске қосты. Алғашқы рейспен 146 жолаушы Қызылордаға келсе, дәл осындай жолаушы Ақтауға аттанды.Жаңа бағыт рейстері "Boeing" әуе кемесімен аптасына екі рет – сәрсенбі және сенбі күндері ұшады. Ұшақ Ақтау қаласынан Қызылордаға сағат 16:00-де қонып, Қызылордадан Ақтауға сағат 17:00-де ұшып шығады. Билет құны бір бағытқа тұрақты түрде 25 000 теңге болады.ҚР Премьер-министрінің бірінші орынбасары Нұрлыбек Машбекұлының қолдауымен ұйымдастырылған алғашқы &nbsp;рейсті дәстүрге сәйкес әуежайдағы су аркасымен салтанатты қарсы алу рәсімі өтті.Жаңа әуе бағыты өңіраралық байланысты нығайтып, жолаушылардың мүмкіндігін кеңейтеді. Сондай-ақ туристік және іскерлік байланыстарды дамытуға оң ықпал етеді.Фото: Қорқыт ата әуежай

"Қызылорда – Ақтау" бағытында жаңа әуе рейсі іске қосылды

Қазалы ауданында Мемлекет басшысының бастамасымен жүзеге асқан «Таза Қазақстан» республикалық экологиялық акциясы аясында аудан әкімдігі, аудандық прокуратура және аудандық полиция бөлімінің ұйымдастыруымен тазалық шарасы өтті.Тазалық шарасы Әйтеке би кентіндегі мәдени-демалыс кешені аумағында ұйымдастырылып, оған мемлекеттік мекеме, кәсіпорын қызметкерлері, құқық қорғау органдарының өкілдері, «Жасыл ел» жастары және аудан тұрғындары белсене қатысты.Экологиялық шарада аудан әкімі Алмасбек Есмаханов сөз сөйлеп, тазалық мәдениетін қалыптастыру мен тазалықты сақтау – баршаға ортақ міндет екенін атап өтті.-Мемлекет басшысы Қасым-Жомарт Тоқаевтың тапсырмасына сәйкес жүзеге асырылып жатқан «Таза Қазақстан» республикалық экологиялық акциясы – ел болашағына бағытталған маңызды бастама. Президентіміз «Таза Қазақстан – бұл бір реттік науқан емес, бұл – әр азаматтың күнделікті өмір салтына айналуы тиіс қағида» деп атап өткен болатын. Бүгінгі таңда экологиялық акция аясында ауқымды абаттандыру және құрылыс жұмыстары жүргізілген Қазалы мәдени-демалыс кешені аудан тұрғындары мен қонақтарының ең көп жиналатын, сүйікті демалыс орындарының біріне айналды. Заманауи талаптарға сай жабдықталған кешенде тұрғындардың жайлы демалуына барлық жағдай жасалған. Күн сайын кешенге 3 мыңнан астам адам келіп, өздерінің бос уақытын тиімді өткізуде. Туған жеріміздің тазалығын сақтау – баршамыздың ортақ міндетіміз. Осы орайда аудан әкімдігі мен аудан прокуратураның, құқық қорғау органдарының ұйымдастыруымен өтіп жатқан бүгінгі сенбілік шарасы – туған жерге деген құрметтің, елге деген жанашырлықтың нақты көрінісі, - деді аудан басшысы.Аудан прокуроры Мадияр Бекпанов та сөз сөйлеп, қоршаған ортаны таза ұстау – азаматтық жауапкершіліктің маңызды көрінісі екенін жеткізді.Экологиялық акцияға орай ұйымдастырылған шара серпінді сенбілік жұмыстарына жалғасып, қазалылықтар туған жердің тазалығына ауызбіршілікпен атсалысты.

«Таза Қазақстан» республикалық экологиялық акциясы аясында тазалық шарасы ұйымдастырылды

Қармақшы ауданы әкімінің тапсырмасына сәйкес Жосалы кентінің орталық алаңында дәстүрлі түрде өткізіліп жүрген «Ел іші – өнер кеніші» тақырыбында концерттік бағдарламаның ашылу кеші өтті.Тағылымды кеште аудан әкімінің орынбасары Диас Асылбекұлы құттықтау сөз сөйлеп: - Ауданымызда дәстүрлі түрде ұйымдастырылып келе жатқан «Ел іші – өнер кеніші» концерті жергілікті өнерпаздардың шығармашылығы мен талантты азаматтардың арасындағы мәдени байланысты нығайтуға үлкен үлес қосып келеді. Сондай-ақ маусым айының үшінші жексенбісінде елімізде «Әкелер күні» аталып өтеді. Отбасының тірегі, шаңырақтың иесі болған әкелердің қоғамдағы орны ерекше. Сондықтан Сіздерді осы мағыналы күнмен құттықтай отырып, ұрпақ тәрбиесі мен ел бірлігін нығайту жолындағы барлық әкелерге шынайы алғысымды білдіремін,- деп атап өтті.Бүгінгі кеш барысында Ақай мен Тәйімбет Көмекбаев ауылдық округтерінің өнерпаздары ән мен биден шашу шашып, тұрғындарға рухани әсер сыйлады.Айта кетсек ұлтымыздың асыл құндылығын дәріптеу мақсатында ұйымдастырылар тағылымды кеш Жосалы кентінің орталық алаңында кент және ауылдық округ өнерпаздарының қатысуымен қыркүйек айына дейін әр сенбі сайын өткізілетін болады.Фото: Қармақшы ауданы әкімінің баспасөз қызметі

Қармақшыда «Ел іші – өнер кеніші» тақырыбында концерт өтті

Арал ауданы әкімдігінің мәжіліс залында Қызылорда облыстық ардагерлер ұйымының тәжірибе алмасуға арналған көшпелі семинар-кеңесі өтті.Алқалы жиынға облыстық ардагерлер кеңесінің төрағасы Серік Дүйсенбаев төрағалық етіп, игі бастамаға қолдау көрсетіп, барлық мүмкіндіктерді қарастырып жатқан ел азаматтарына ризашылығын білдіріп, ауданда соңғы жылдары атқарылып жатқан елеулі істерге қысқаша тоқталып өтті.Жиынға аудан әкімі Аманжол Оңғарбаев, облыс және аудан ардагерлер кеңестерінің мүшелері, қоғам қайраткерлері мен белсенді ардагерлер қатысты.Семинар барысында ардагерлер ұйымдарының жұмыс тәжірибелері талқыланып, ұрпақтар сабақтастығын нығайту, қоғамдық келісім мен тұрақтылықты сақтау, жастар тәрбиесіне бағытталған жұмыстардың өзекті мәселелері сөз болды. Сонымен қатар ардагерлер ұйымдарының алдағы міндеттері айқындалып, озық тәжірибелерді кеңінен насихаттау мәселелері қаралды.Жиында аудан әкімі Аманжол Сақыпұлы соңғы жылдары Арал ауданында жүзеге асқан әлеуметтік-экономикалық жобаларға тоқталып, халықтың тұрмыс сапасын жақсарту бағытында атқарылған жұмыстар туралы баяндады.Атап айтқанда, аудан тұрғындарының толықтай таза ауыз сумен қамтамасыз етілуі, газдандыру деңгейінің 72 пайызға жетуі, жаңа білім және денсаулық сақтау нысандарының пайдалануға берілуі, тұрғын үй құрылысының қарқынды жүргізілуі мен мәдени-спорттық инфрақұрылымның дамуы кеңінен айтылды.Семинар-кеңес барысында облыстық ардагерлер кеңесінің жұмысы мен аймақ ардагерлер ұйымдарының алдағы міндеттері жөнінде облыстық ардагерлер кеңесінің төрағасы С.Дүйсенбаев, Жаңақорған аудандық ардагерлер кеңесінің төрағасы, Жаңақорған ауданының Құрметті азаматы, Қызылорда облысының Құрметті ардагері медалінің иегері Ө.Тақырбасов және облыстық білім саласы ардагерлер ұйымының төрағасы, Қызылорда облысының «Құрметті ардагері» медалінің иегері Ғ.Бекенов пен Қармақшы ауданының белсенді ардагері, Ы.Алтынсарин атындағы төсбелгі иегері, 5 кітаптың авторы &nbsp;Д.Нәзікбаевтар хабарлама жасады.Пленарлық отырыста бірқатар ардагерлер қоғамдық жұмыстарға қосқан елеулі үлесі мен өңірдің дамуына сіңірген еңбегі үшін Қазақстан Республикасы Ардагерлер ұйымы Орталық кеңесінің медальдарымен, Қызылорда облысының «Құрметті ардагері» медалімен және Құрмет грамоталарымен марапатталды.Көшпелі семинар-кеңес ардагерлер ұйымдарының өзара тәжірибе алмасуына, қоғамдық жұмыстардың тиімділігін арттыруға және аға буынның қоғамдағы белсенді рөлін нығайтуға бағытталған маңызды алаңға айналды.Фото: Аудан әкімдігінің баспасөз қызметі

Архив

"Қызылорда – Ақтау" бағытында жаңа әуе рейсі іске қосылды

«Таза Қазақстан» республикалық экологиялық акциясы аясында тазалық шарасы ұйымдастырылды

Қармақшыда «Ел іші – өнер кеніші» тақырыбында концерт өтті

Аралда облыстық ардагерлер ұйымының көшпелі семинар-кеңесі өтті