<a href="https://kyzylorda-news.kz/">Kyzylorda-news.kz</a> «Қазақстан темір жолы ҰК» АҚ мен Wabtec арасындағы стратегиялық әріптестіктің негізгі бағыты ел аумағында әлеуметтік жобаларды жүзеге асыруды көздейді. Сол жобалардың бірі – Арал ауданындағы оқушыларға арналған заманауи шығармашылық сарайы.Ұлттық компанияның бастамасы аясында 100 орындық «Оқушылар үйі» мен 50 орындық «Өнер мектебін» біріктірген, балаларға қосымша білім беретін заманауи инфрақұрылым құрылады. Негізгі мақсат – өскелең ұрпақтың шығармашылық әлеуетін дамыту.Жалпы ауданы 1 950 шаршы метрлік кешенде түрлі бағыттағы үйірмелер, өнер және қосымша білім беру кабинеттері орналасады деп жоспарлануда. Бұл оқушылардың бейіміне қарай сапалы қосымша білім алуына, жан-жақты дамуына мүмкіндік береді.<img src="https://knadmin.beoblood.kz/uploads/V_Aralskom_rajone_nachato_stroitelstvo_Dvorcza_shkolnikov1_1e992a4f8f.jpg" alt="В Аральском районе начато строительство Дворца школьников1.jpg">Жұмысқа 120-дан астам маман тартылып, нысанға отандық құрылыс материалдарын пайдалану арқылы жергілікті өндірісті қолдауға да басымдық берілмек. Оқушылар сарайы ел игілігіне айналғаннан кейін 100-ге жуық жаңа жұмыс орны ашылады деп күтілуде.Аталған жоба өңірдің әлеуметтік инфрақұрылымын дамытуға, балалар мен жастар үшін қолайлы орта қалыптастыруға және елді мекен тұрғындарының тұрмыс сапасын арттыруға оң ықпал етеді.Фото: Қызылорда облысы әкімнің баспасөз қызметі

Арал ауданында оқушылар сарайының құрылысы қолға алынды

<a href="https://kyzylorda-news.kz/">Kyzylorda-news.kz</a> Қазіргі уақытта болашақ ұрпақтың тарихи танымын кеңейтуге арналған игі бастамалар елімізде және ауданымызда жүйелі түрде жүзеге асырылып келеді. Осыған орай Қармақшы ауданы, Ақжар ауылдық округінің №28 орта мектебінде Қазақстан тарихы пәнінен 9–10 сынып оқушылар арасында Сәден Нұртаев атындағы кезекті республикалық олимпиада өткізілді.«Өрлеу» біліктілікті арттыру ұлттық орталығының Қызылорда облысы бойынша филиалының бастамасымен ұйымдастырылған бұл шараның басты мақсаты — оқушылардың тарих пәніне деген қызығушылығын арттыру, дарынды жастарды қолдау және ұлттық құндылықтарды дәріптеу.Сәден Нұртаев – туған өлкенің тарихын зерттеу бағытындағы жұмыстарды 1960 жылдары алғашқылардың бірі болып жүргізген КСРО Білім беру ісінің үздігі, ұлағатты ұстаз, сондай-ақ Ұлы Дала тарихын сақтап, болашаққа жол салған тұлға. Оның еңбегі бүгінгі білім саласында үлкен мәнге ие.Олимпиаданың ашылу салтанатына аудан әкімінің орынбасары Диас Молдабаев, «AMANAT» партиясы облыстық филиалының төрағасы Жандос Базартай, аудандық мәслихат төрағасы Әділ Қошалақов, «Өрлеу» біліктілікті арттыру ұлттық орталығы» Кәсіби даму институты директорының орынбасары Сәкен Серікбаев арнайы қатысып, жас дарындарға сәттілік тілеп, қолдау білдірді.Жаңа заман дағдыларын меңгеретін биылғы республикалық олимпиадаға Қызылорда және Түркістан облыстарынан барлығы 22 оқушы қатысты. Олимпиада 3 инновациялық кезең бойынша өтіп, қатысушылар Қазақстан тарихы пәнінен өз білімдерін ортаға салды. Бәсекелі жарыс қорытындысы бойынша үздік шыққан жеңімпаздар дипломдармен және қаржылай сыйақымен марапатталды.Айта кетсек бүгінде Қазақстан тарихы пәнінен 9-10 сынып оқушылар арасында мұрағатшы әрі ұлағатты ұстаз Сәден Нұртаев атындағы цифрлық форматтағы республикалық олимпиада 2018 жылдан бері дәстүрлі түрде өткізіліп келеді.Фото: Қармақшы ауданы әкімінің баспасөз қызметі

Сәден Нұртаев атындағы республикалық олимпиада өткізілді

<a href="https://kyzylorda-news.kz/">Kyzylorda-news.kz</a> Мәжіліс Қазақстан Республикасы Премьер-министрінің бірінші орынбасары қызметіне Нұрлыбек Нәлібаевтың кандидатурасына келісім берді, деп хабарлайды <a href="Мәжіліс Қазақстан Республикасы Премьер-министрінің бірінші орынбасары қызметіне Нұрлыбек Нәлібаевтың кандидатурасына келісім берді, деп хабарлайды Egemen.kz. Бүгін Парламент Мәжілісінің Экономикалық реформа және өңірлік даму комитетінің отырысында Қазақстан Республикасының Премьер-министрінің бірінші орынбасары лауазымына Нұрлыбек Машбекұлы Нәлібаевтың кандидатурасы келісілді. Мәселе «Қазақстан Республикасының Парламенті және оның депутаттарының мәртебесі туралы» Конституциялық заңның 22-1-бабына сәйкес қаралды. Отырыстың нәтижесі бойынша ұсынылған кандидатураны Қазақстан Республикасының Премьер-министрінің бірінші орынбасары қызметіне тағайындауға болатыны туралы қорытынды қабылданды.">Egemen.kz.</a>Бүгін Парламент Мәжілісінің Экономикалық реформа және өңірлік даму комитетінің отырысында Қазақстан Республикасының Премьер-министрінің бірінші орынбасары лауазымына Нұрлыбек Машбекұлы Нәлібаевтың кандидатурасы келісілді.Мәселе «Қазақстан Республикасының Парламенті және оның депутаттарының мәртебесі туралы» Конституциялық заңның 22-1-бабына сәйкес қаралды.Отырыстың нәтижесі бойынша ұсынылған кандидатураны Қазақстан Республикасының Премьер-министрінің бірінші орынбасары қызметіне тағайындауға болатыны туралы қорытынды қабылданды.

Архив

Арал ауданында оқушылар сарайының құрылысы қолға алынды

Сәден Нұртаев атындағы республикалық олимпиада өткізілді

Нұрлыбек Нәлібаев Премьер-министрдің бірінші орынбасары қызметіне тағайындалды