<a href="https://kyzylorda-news.kz/">Kyzylorda-news.kz</a>&nbsp;Арал ауданының әкімі Аманжол Оңғарбаев азаматтардың жеке мәселелері мен өтініштері бойынша жеке қабылдау өткізді.Қабылдауға жазылған тұрғындар арасында аудан әкімімен онлайн байланысқа шығып, өздерінің ұсыныс-пікірлерін жеткізген азаматтар да болды.&nbsp;Жеке қабылдауға келген өзге тұрғындар ұсыныс-тiлектерiн жеткізіп, мәселелерiнiң оң шешiмiн табуына ықпал жасауды сұрады. Азаматтар үй және жер кезегіне қатысты мәселелерін айтса, енді бірі тұрақты жұмысқа орналыстыру жөнінде ұсыныстарын жеткізді.&nbsp;Аудан басшысы көтерілген әрбір мәселелерді сала мамандарымен бірге мұқият зерделеп, заңдылығына қарай шешім қабылданатынын жеткізді.&nbsp;Айтылған өтініштер мен ұсыныстар бойынша жауаптыларға нақты тапсырмалар жүктелді.

Аралдық тұрғындарды қабылдап, жеке мәселелерін тыңдады

<a href="https://kyzylorda-news.kz/">Kyzylorda-news.kz</a>&nbsp;Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен төтенше жағдайлардың алдын алу және оларды жою жөніндегі аудандық комиссияның кезекті отырысы өтті.Отырысқа аудан әкімінің орынбасары, аудандық азаматтық қорғау және төтенше жағдайлар қызметтерінің басшылары, қала әкімі, сондай-ақ кент және ауылдық округ әкімдері онлайн форматта қатысты.Жиынның күн тәртібінде екі мәселе қаралды. Алғашқы мәселе – 2025–2026 жылдардың қыс-көктем мезгілдерінде мол суды қауіпсіз өткізу және су тасқынының алдын алу шаралары туралы болды. Бұл жөнінде аудан әкімі аппаратының жұмылдыру дайындығы және аумақтық қорғаныс бөлімінің басшысы Д. Ниязымбетов хабарлама жасады.Қыс-көктем айларында Сырдария өзеніндегі су деңгейінің күрт көтерілуі елді мекендерді су басу, жол қатынасы мен шаруашылық нысандарына зиян келтіру қаупін тудырады. Осыған байланысты жыл сайын тасқынның алдын алу мақсатында өзен жағалауындағы қорғаныс бөгеттерінде қажетті инженерлік және ұйымдастыру шаралары жүзеге асырылады. Бұл бағыттағы жұмыстарды жандандыру – негізгі басымдықтардың бірі.Аудан әкімі аталмыш мәселені ерекше назарға алып, дария бойы мен каналдар маңындағы негізгі қатынас жолдарының ашықтығын қамтамасыз ету, сондай-ақ тұрғындардың өмірі мен қауіпсіздігіне қауіп төндіруі мүмкін жағдайларды тұрақты бақылауда ұстауды жауапты тұлғаларға тапсырды.Күн тәртібіндегі екінші мәселе – қыс мезгілінде облыстық және аудандық маңызы бар автожолдарда төтенше жағдайлардың алдын алу және жою жұмыстары туралы болды. Бұл бағытта аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Ж.Құдайберген баяндама жасады.Аудан басшысы Аманжол Сақыпұлы баяндама барысында айтылған мәселелерге тоқталып, жауапты мекемелерге нақты тапсырмалар берді.&nbsp;Қыс мезгіліне дайындықты қазірден бастап пысықтау қажеттігін атап өтті. Әсіресе жолаушылар қауіпсіздігі мен жол қозғалысы ережелерінің сақталуын қамтамасыз ету, төтенше жағдай орын алған жағдайда коммуналдық қызметтердің дер кезінде әрекет етуін қадағалау жөнінде бірқатар тапсырмалар жүктелді.

Арал: Төтенше жағдайлардың алдын алу мәселесі қаралды

<a href="https://kyzylorda-news.kz/">Kyzylorda-news.kz</a>&nbsp;«AMANAT» партиясы облыстық филиалы жанындағы Партиялық бақылау комиссиясының кезекті отырысы өтті. Оған партияның облыстық филиалының атқарушы хатшысы Ләйлә Төрешова, Партиялық бақылау комиссиясының төрағасы Нұркен Бақытбекұлы мен комиссия мүшелері және аумақтық филиалдардың атқарушы хатшылары мен партиялық бақылау комиссияларының төрағалары қатысты.Жиында партияның «Халықпен бірге!» &nbsp;Сайлауалды бағдарламасының енгізілген &nbsp;автомобиль жолдарын орташа, күрделі жөндеу жұмыстары туралы және партияның Қармақшы, Байқоңыр филиалдарымен партиялық бақылау бекеттерінің жұмысы, жалпы партиялық бақылауды ұйымдастыру және ішкі партиялық тәртіпті нығайту бойынша мәселелер қаралды. Отырыстың күн тәртібіне сай облыстық жолаушылар көлігі және автомобиль жолдары басқармасы басшысының орынбасары Руслан Ибрагим хабарлама жасап, атқарылған жұмыстарды баяндады.Қызылорда облысы аумағында жергілікті маңызы бар автомобиль жолдарының жалпы ұзындығы – 3545 км құрайды. Оның 1024,5 км республикалық, 555 км облыстық, 1965,5 км аудандық маңызы бар жолдар. Өткен жылдың қортындысымен барлық қаржы көздерінен ұзындығы 300 км аса автомобиль жолдары мен көшелер және көпір өткелдері жөндеуден өткізіліп, жүзеге асырылған 100-ге жуық жобаның нәтижесінде аймағымыздағы сапалы жолдардың үлесі 92,5 пайызды құраған.&nbsp;"Ағымдағы жылы жол инфрақұрылымын дамытуға республикалық, облыстық және аудандық бюджеттен барлығы 49,6 млрд. теңге бөлініп ұзындығы 329 км жол құрайтын автомобиль &nbsp;жолдары, көшелер мен көпір өткелдерін жөндеуден өтуде. Осы жұмыстар нәтижесінде жыл соңында облыс аймағындағы сапалы жолдардың үлесін 95%-ға жетеді деп жоспарланып отыр", - деді Руслан Ибрагим.&nbsp;Күн тәртібіндегі екінші мәселе бойынша партияның Қармақшы аудандық филиалының Партиялық бақылау комиссиясы төрағасы Айдынбек Скендиров, «Байқоңыр» филиалының Партиялық бақылау комиссиясы төрағасы Сейл Жұмадьяров ZOOM бағдарламасы арқылы хабарлама жасап, атқарылып жатқан жұмыстарға тоқталды.Отырыс барысында Партиялық бақылау комиссиясының төрағасы Нұркен Бақытбекұлы комиссияның жұмысын күшейтуді, соның ішінде мониторинг жұмыстары мен резонанстық мәселелерді қарау қажеттігін атап айты.Сондай-ақ партияның облыстық филиалының атқарушы хатшысы Ләйлә Төрешова күн тәртібіндегі мәселелер бойынша пікір білдіріп, бақылау жұмыстарын күшейту бойынша жүйелі тапсырмалар жүктеді.<img src="https://knadmin.beoblood.kz/uploads/Ba_ylau_komissiyasyny_kezekti_otyrysy_e98d47756a.jpg" alt="Бақылау комиссиясының кезекті отырысы.jpg">

Архив

Аралдық тұрғындарды қабылдап, жеке мәселелерін тыңдады

Арал: Төтенше жағдайлардың алдын алу мәселесі қаралды

Партиялық бақылау комиссиясының кезекті отырысы өтті