<a href="https://kyzylorda-news.kz/">Kyzylorda-news.kz</a> &nbsp;Талғар қаласының әкімі Арыстанбек Әбілқайырұлы TikTok-тың белсенді пайдаланушы болып шықты, деп хабарлайды&nbsp;<a href="https://el.kz/talgar-akimi-tiktok-zhuldyzyna-aynaldy_400019719/">El.k</a>z&nbsp;ақпарат агенттігі.Көпшілік бұл әлеуметтік желіні көбіне көңіл көтеру үшін пайдаланса, әкім оны жұмыс құралына айналдырған.Арыстанбек Әбілқайырұлы жұмыс сапарларынан бейнежазбалар түсіріп, тұрғындардың өтініштері мен ескертулеріне жауап беріп, шағымдар бойынша өзі оқиға орнына барады.Мұндай белсенділік пен тұрғындармен тікелей байланыс қазақстандықтарды таңғалдырды:<blockquote>«Міне, азамат! Осылай жалғастырыңыз, халыққа жақынсыз, тығылып жүрмейсіз. Сонда ғана тәртіп орнайды».«Шынымен бе? Әкімнің өзі барып, мәселе шешіп жүр ме? Бұл бір жаңалық қой. Егер рас болса, жарайсыз! Тамаша үлгі».«Халықпен сөйлесіп жатқанның өзі – алғыс айтуға тұрарлық».« Шынымен әкім бе? Фейк емес пе? Өте керемет! Бар жақсылықты тілеймін!»«Елестетіп көріңізші, егер барлық әкімдерде TikTok болып, халықпен осындай байланыс орнатса. Талғар, бүкіл Қазақстан сізге қызығып отыр».«Бұл – жаңа дүние, міндетті түрде лайк. Бұрын әкімдер туралы видеоларды тек әзілкештер түсіретін».«Құрметті әкім! Мүмкін бізге көшіп келіп, біздің әкім боларсыз?»</blockquote>Алайда әкімнің белсенділігін пайдаланып, кейбір тұрғындар өз наразылықтарын да білдірді:<blockquote>«Бес жылдан бері сұрап келеміз, нәтиже жоқ. Қоңырау шалсаң да, жазсаң да, жауап жоқ».«Тұрғындардың сөзінше, ол ешқайда бармайды».«Грейдер кішкентай ғана үйіндіні тегістеп кеткен, болды. Ағаштарды кесіп тастады, қоқыс қалды, бұтақтар бір аптадан бері жатыр».</blockquote>

Талғар әкімі TikTok жұлдызына айналды

<a href="https://kyzylorda-news.kz/">Kyzylorda-news.kz</a> &nbsp;«AMANAT» партияның облыстық филиалының төрағасы Алмасбек Есмаханов қабылдауға келген азаматтардың өтінішін тыңдады. Қабылдауға келген азаматың бірі несие бойынша берешегін жоюға ықпал етуді сұраса, келесі азаматтар көпқабатты тұрғын үйдің кәріз жүйесін жеке сектор аймағынан өтуіне наразылықтарын білдірді.Партия филиалының төрағасы әрбір өтінішті байыппен тыңдап, шешілу жолдарын қарастырды. Мәселен, несиелері бойынша қордаланып қалған қарызы салдарынан жалақысынан үстеме пайыздар ұсталынып қалатындығын айтқан көп балалы анаға «Қарызсыз қоғам» партиялық жобасы жайлы толық ақпарат беріп, жобасы аясында өтініш иесін оқуға тіркеді. Құжаттарын қабылдап, нақты көмек көрсету үшін заңгерлерге жолдады.Ал, Б.Баймаханов көшесінде салынып жатқан көпқабатты тұрғын үйлердің тар көшемен өткізілетін кәріз жүйесі болашақта жағымсыз иістің пайда болуына, одан әрі санитарлық-гигиеналық талаптардың бұзылуына әкеліп соғатынын айтқан қаладағы Ақтөбе 2 тұйығы тұрғындарының өтініші бойынша тиісті құзыретті органдармен аталған мекен жайға барып, зерттеу жұмыстары жүргізілетін болып келісті. Зерделеу жұмыстарынан соң нақты шешім жасалатын болды.Атап өтейік, «AMANAT» партиясының қоғамдық қабылдау бөлмелеріне ағымдағы жылдың алғашқы тоқсанында азаматтардан 2120 өтініш түсіп, олардың 72,6 пайызы оң шешілген. 552 өтініш иесіне қолданыстағы заңнамалар аясында нақты кеңес берілген. Бұл өткен 2024 жылдың осы кезеңімен салыстырғанда 45,5 пайызға жоғары.&nbsp;

Өтініш қараусыз қалмайды

<a href="https://kyzylorda-news.kz/">Kyzylorda-news.kz</a> &nbsp;Биыл облыс аумағына 4 167 шетел азаматы уақытша тіркеуге алынған. Оның 4 093-і ТМД елдерінен, ал қалған 74-і алыс шет елдерден келген. Бұл туралы Өңірлік коммуникациялар қызметінің ақпарат алаңында облыстық ПД Көші-қон басқармасы бастығының орынбасары Сағындық Қамитбеков мәлімдеді.<blockquote>– Мемлекеттік маңызы зор, өзекті мәселелердің бірі – көші-қон саясаты. Жыл басынан көші-қон саласымен жалпы 25 516 мемлекеттік қызмет көрсетілді. Мемлекеттік қызметті көрсету стандартына сәйкес, көші-қон қызметтерінің 90 пайызы электронды түрде жүргізіледі. Көші-қон процесіне талдау жүргізу және бақылау орнату, ішкі істер органдарына жүктелгендігіне байланысты облыс көлемінде үнемі жедел-профилактикалық іс-шаралар өткізіледі. Іс-шара барысында жыл басынан бері 432 құқық бұзушылық анықталды. Айта кету керек, өңірде тұрақты тұрып жатқан 382 шетелдік бар. ҚР азаматтығын алуға өтініш білдірген 10 азаматтың іс-құжаттары қабылданып, ҚР азаматтығын алды. Облыс көлемінде барлығы 21 мың азаматтың жеке басын растайтын құжаттары рәсімделіп, табысталды,- деді Сағындық Убайдуллаұлы.</blockquote>

Биыл көші-қон саласында 25 516 мемлекеттік қызмет көрсетілді 

<a href="https://kyzylorda-news.kz/">Kyzylorda-news.kz</a> Австралияда ЭКО жасатқан әйел эмбриондардың ауысып кетуі салдарынан бөтен адамның баласын дүниеге әкелген. Себебі ұрықтандыру клиникасының қызметкерлері бөтен әйелдің эмбриондарын оның жатырында орналастырған, деп хабарлайды <a href="https://baq.kz/qatelesken-eko-zhasatqan-ayel-basqa-adamnyn-balasyn-duniege-akeldi-200011501/?fbclid=IwY2xjawJlnFBleHRuA2FlbQIxMQABHj8UO8IVB6O9koYLdGv7Zcx60oxtNp6xux9uwEeivD3GY89e2CgxSCILTBeO_aem_K1dUDznfJC8keKIF14l_ag">BAQ.KZ</a>&nbsp;BBC-ге сілтеме жасап.Оқиға Брисбенде орналасқан Monash IVF ұрықтандыу клиникасында болған.Клиника қызметкерлері баланың ата-анасы қалған мұздатылған эмбриондарды басқа клиникаға ауыстыруды сұраған кезде ғана өздерінің қателескенін білген.Monash IVF клиникасы басқа пациенттің эмбрионы бөтен әйелге енгізілгенін растап, нәтижесінде бала дүниеге келгенін хабарлады.<blockquote>«Бұл жағдай үшін шын жүректен кешірім сұраймын», – деді&nbsp;Monash IVF бас директор Майкл Кнапп.</blockquote>Осы оқиғадан кейін клиникада тергеу жүргізіліп, бұл адам қателігінен болған жалғыз жағдай екені анықталған.Брисбен клиникасы зардап шеккен пациенттермен кездесіп, олардан кешірім сұрап, көмек көрсету жұмыстарын барынша атқаруда.Былтыр осы клиникада тағы да шу шыққан. Клиника ол кезде пациенттеріне тірі эмбриондары жойылғаны үшін сот шешімі бойынша 56 миллион доллар (26,8 миллион фунт) өтемақы төлеген.IVF (ин витро ұрықтандыру) – әйелдің жұмыртқалары алынатын, кейін олар зертханада сперматозоидтармен ұрықтандырылатын процесс. Ұрықтанған жұмыртқалар эмбриондарға айналғанда, олар әйелдің жатырында орналастырылады. Бұл қымбат процесс болып табылады және әрқашан сәтті бола бермейді.2021 жылы Австралия мен Жаңа Зеландияда 20 690 бала IVF нәтижесінде дүниеге келген, деп хабарлады Жаңа Оңтүстік Уэльс университеті.Фото: Нұрболат Нұржаубай

Архив

Талғар әкімі TikTok жұлдызына айналды

Өтініш қараусыз қалмайды

Биыл көші-қон саласында 25 516 мемлекеттік қызмет көрсетілді

«Қателескен»: ЭКО жасатқан әйел басқа адамның баласын дүниеге әкелді