Абай тойы ресми түрде басталды (ФОТО) – Kyzylorda News
Басты бет

Бізге жаңалық жіберіңіз: +7(702)702-76-00

Абай тойы ресми түрде басталды (ФОТО)

21.01.2020, 15:40

544 2

Kyzylorda-news.kz. Бүгін «Астана Опера» театрында Абай Құнанбайұлының 175 жылдық мерейтойы салтанатты түрде ашылды. Ресми шараға ҚР Тұңғыш Президенті – Елбасы Нұрсұлтан Назарбаев және Мемлекет басшысы Қасым-Жомарт ТоқаевҚР Тұңғыш Президенті – Елбасы Нұрсұлтан Назарбаев және Мемлекет басшысы Қасым-Жомарт Тоқаев қатысты.

Салтанатты шара барысында мәдениет және спорт министрі Ақтоты Райымқұлова бірінші болып сөз сөйледі.

«Ұлы Абай шығармашылығының өзегінде елдің қамы, қуанышы мен қайғысы, келешегі, арман-мұраты тұр. Жаңа қоғам мен жаңа адамды қалыптастыру идеясы да Абайдан басталады. Ол елдің үнемі алға жылжуына, өсіп-өркендеуіне шын ниетімен тілеулес болып, халқымызды жаңа өмірге бейім болуға шақырды. Хәкім Абайдың тіл үйренуді және жаңа кәсіп игеруді ерекше дәріптегенін жақсы білеміз», – деді Райымқұлова.

Министр Абайдың халықты еңбекке баулуға деген ынтасын ерекше атап өтіп, елдің дамуын тежейтін теріс әдеттерге қатысты сөзіне де тоқталды.

«Әсіресе, мақтан мен масылдық психологиядан арылып, адамды еңбек етуге үндеді. Ұлы ойшылдың ғибратты сөздері тәуелсіз Қазақстанның жаңа серпінмен дамуы үшін қажет. Сондықтан бұл мерейтойдың танымдық және тағылымдық мән-маңызы өте зор», – деп атап көрсетті Райымқұлова.

Осыдан кейін жүргізушілер музыкалық кештің басталатынын жариялады. Театр сахнасында ұлы Абайдың өлеңдері мен әндері орындалды. Қазақстанның танымал әртістері – Роза Рымбаева, Әлібек Дінішев, Майра Мұхамедқызы, Тамара Асар және тағы басқа әншілер өз өнерін паш етті.

2

  • Ұлы Абайдың 175 жылдығын атап өтуіміз құптарлық іс. Ұлы тұлғаны насихаттауда мемлекеттік деңгейде атап өткенімізбен бір әттегенайы бар боп тұр .Мысалы аудан ,ауыл көлемінде не атқарылып жатыр ? Ұлы Абайға кең көшелерді бердік пе ?
    Мысалы біздің ауылдағы орталық көшелерден орын тимей шеттегі жабайы көшеге бере салған .Ал ол көшеде жалғыз үй тұрады .Халыққа өлшеусіз қызмет жасаған атақты токарь Жанзақ Ережепов тұратын осы көшені сол кісіге беру жөн шығар .Абай ғұламаға көрікті көшелердің бірін берсе …

    • Төреәлі, пікіріңіз үшін үлкен алғысымызды білдіреміз! Бірақ, аудан мен ауылыңызды көрсетпепсіз. Мәліметтерді нақты жазсаңыз.

Пікір қалдыру