**[Kyzylorda-news.kz.](https://kyzylorda-news.kz/) Қызылорда облысында браконьерлерден 1 тонна балық тәркіленді. Бұл туралы Экология, геология және табиғи ресурстар министрлігінің Орман шаруашылығы және жануарлар әлемі комитетінің баспасөз хатшысы Сәкен Ділдахмет** [**«Facebook»**](https://www.facebook.com/photo.php?fbid=1471989412952605&set=pcb.1471989869619226&type=3&theater) **парақшасында жариялады.** > _«2019 жылдың 25 желтоқсанында рейд барысында Қызылорда облысының орман шаруашылығы және жануарлар әлемі аумақтық инспекциясының инспекторлары қармақшы ауданының аумағында УАЗ маркалы көлікті тоқтатып, оның ішінде адамдардың 1 тонна 153 келі балықтың заңсыз әкетіп бара жатқанын анықтады», – деп жазады Сәкен Ділдахмет._ Табиғат қорғаушылар браконьерлер Қармақшы ауданының полиция бөліміне жеткізілді.  Қазіргі уақытта аталмыш факт бойынша ҚР Қылмыстық кодексінің 335-бабы 3-бөлігі бойынша сотқа дейінгі тергеу амалдары жүргізіліп жатыр.