«Жедел жәрдем станциясына жұмысқа тұрғызып беремін»: Қызылордада алаяқ ұсталды – Kyzylorda News
Басты бет

«Жедел жәрдем станциясына жұмысқа тұрғызып беремін»: Қызылордада алаяқ ұсталды

17.06.2021, 17:30

446 0

Kyzylorda-news.kz. Қызылорда қаласының тұрғыны алаяқтың құрбаны болғаны туралы қалалық полиция басқармасына арызданған.

Осы жылдың ақпан айында бір әйел кісі сеніміне кіріп «медициналық жедел-жәрдем станциясына жүргізуші қылып жұмысқа тұрғызып беремін»деп 400 мың теңге ақшасын алған. Бірақ осы күнге дейін уәдесін де орындамаған, ақшасын да қайтармаған.

«Жедел іздестіру шараларының барысында полиция қызметкерлері күдіктіні анықтап, ұстады. Ол 46 жастағы қала тұрғыны болып шықты. Оған қатысты «ешқайда кетпеу және өзін дұрыс ұстау туралы қолхат» түріндегі бұлтартпау шарасы қолданылды», – делінген полиция департаментінің таратқан хабарламасында.

Қазіргі таңда аталған дерек бойынша Қазақстан Республикасы Қылмыстық кодексінің 190 бабының 1 бөлігімен (алаяқтық) сотқа дейінгі тергеп-тексеру амалдары жүргізілуде.  

0

Пікір қалдыру