Нұр-Сұлтан мен Алматы қалаларынан өзге өңірлерге 600-ден аса әуе рейстері тоқтатылды – Kyzylorda News
Басты бет

Бізге жаңалық жіберіңіз: +7(702)702-76-00

Нұр-Сұлтан мен Алматы қалаларынан өзге өңірлерге 600-ден аса әуе рейстері тоқтатылды

19.03.2020, 18:00

135 0

Kyzylorda-news.kz. Нұр-Сұлтаннан 16 қалаға, Алматыдан 18 қалаға ішкі әуе рейстері тоқтатылды, деп хабарлайды ҚР Индустрия және инфрақұрылымдық даму министрлігі.

​«ҚР Президенті жанындағы Төтенше жағдай режимін қамтамасыз ету жөніндегі мемлекеттік комиссияның шешімдерін орындау үшін 2020 жылғы 22 наурыз күні сағат 00:00-ден бастап халықаралық және жүк рейстерін қоспағанда, барлық қазақстандық әуе компаниялардың Нұр-Сұлтан және Алматы қалаларына келетін және ұшып шығатын тұрақты, тұрақты емес (чартерлік) жолаушылар рейстері тоқтатылады», – делінген ақпаратта.

Атап айтқанда Нұр-Сұлтан қаласынан Алматы, Балқаш, Талдықорған, Петропавл, Тараз, Шымкент, Жезқазған, Қызылорда, Орал, Өскемен, Павлодар, Семей, Ақтау, Атырау, Ақтөбе, Қостанай және тағы басқа қалаларға 16 ішкі бағыт бойынша аптасына 320 тұрақты рейс тоқтайды.

Ал Алматы қаласынан Нұр-Сұлтан, Балқаш, Көкшетау, Петропавл, Тараз, Шымкент, Жезқазған, Қарағанды, Қызылорда, Орал, Өскемен, Павлодар, Семей, Үржар, Ақтау, Атырау, Ақтөбе, Қостанай және тағы өзге қалаларға 18 бағыт бойынша аптасына 295 тұрақты рейс тоқтатылады. ​

«ҚР Президенті жанындағы Төтенше жағдай режимін қамтамасыз ету жөніндегі мемлекеттік комиссия отырысының 2020 жылғы 16 наурыздағы № 1 хаттамасына сәйкес әуе компаниялар төтенше жағдай режимі қолданылатын кезеңде әуе билеттерін айыппұлсыз және толық көлемде қайтаруды рәсімдеуі қажет. ​Азаматтық авиация комитеті азаматтардың шоғырлануын болдырмау үшін жолаушыларға 2020 жылғы 22 наурызда сағат 00:00-ден бастап Нұр-Сұлтан және Алматы қалаларының әуежайларына бармауды ұсынады», – деп атап өтті ведомстводан.

0

Пікір қалдыру