Kyzylorda-news.kz. Құқық қорғау қызметінің жұмыс уақыты шектеусіз, олар халықтың тыныштығын күні-түні күзетіп қоғамдық тәртіпті бақылайды.Тәртіп, антқа адалдық, елге қызмет. Бұл құқық қорғау саласында 15 жылдан астам уақыт қызмет атқарып келе жатқан Қызылорда облысы ПД-ң Арал ауданы полиция бөлімінің жергілікті полиция қызметі бөлімшесінің бастығы полиция майоры Нұртай Тасқынбаев ұстанымы.
Еңбегі ескерусіз қалмады, бөлімнің мәжіліс залында санитарлық талаптарды сақтай отырып, бөлім бастығы полиция полковнигі Әміржан Өтегенов Қазақстан Республикасының ішкі істер министрінің құзырымен марапаталған полиция майоры Н.Тасқынбаевқа ІІ дәрежелі «Ішкі істер органдарының үздігі» төсбелгісін табыстады.
«Қазақстан Республикасының Ішкі істер министрінің құзырымен марапаталу мен үшін мәртебелі марапат. «Ер жігіт –ел таныштығының кепілі» демекші бұл бөлімнің, жеке құрамы қызметкерлерінің барлығының жетістігі деп есептеймін. Осы күн төзімділік, қырағылық деген ұғымды бойыма сіңдіріп, қызметтің қиындығына қарамастан антқа адал болып, өз күш жігерімді Отан алдындағы қызметтік борышымды атқаруға сенім берері сөзсіз»-деді полиция майоры Н.Тасқынбаев.
