Kyzylorda-news.kz. Алдағы үш күнде оңтүстіктен ойысқан циклон Қазақстан аумағы арқылы өтеді, соған байланысты республикамыздың басым бөлігінде ауа-райы тұрақсыз болады.
Еліміздің басым бөлігінде күн жауын-шашынды болады, солтүстік-батыста қатты жаңбыр жауады деп күтіледі. Кей жерлерде бұршақ аралас жаңбыр жаууы мүмкін. Тек еліміздің шығысында ауа-райы жауын-шашынсыз болады. Республикамыздың кей өңірінде қатты жел тұрады, – деп хабарлайды “Қазгидромет” РМК.