Kyzylorda-news.kz. 20 мыңнан астам адам коронавирустан вакцина жасалу үшін тәжірибеден өтуге келісім берді, деп хабарлайды The Wall Street Journal.
Еріктілер британиялық hVIVO тобының зерттеу бағдарламасына жазылды. Қазіргі уақытта әлемде коронавирустың жаңа түріне қарсы вакцина әзірленген жоқ, осыған байланысты дәрі-дәрмек іздеуде сол отбасыға жататын вирустар қолданылады.
Вирус жұқтырғаннан кейін олар карантинде екі апта жатады. Тәжірибелерге қатысқаны үшін әр адамға 3500 фунт (1,8 миллион теңге) төленеді.
Айта кетейік, бұған дейін Қазақстанда коронавирусқа қарсы вакцина әзірленіп жатқаны туралы хабарлаған болатынбыз. Оған Ұлттық биотехнология орталығы мен биологиялық қауіпсіздік мәселелері ғылыми-зерттеу институтының мамандары атсалысып жатыр.