<a href="https://kyzylorda-news.kz/">Kyzylorda-news.kz.</a> Атырау қаласында самбодан ерлер мен əйелдер арасында өткен ҚР чемпионатында Сыр спортшылары 9 медальмен оралды.
68 келі салмақта Гүлдерайым Алмағанбет пен 80 келіде Мереке Құдайбергенова күміс жүлдегер атанды.
52 келіде Дамир Абдеков, 68 келіде Аружан Байзақ, 72 келі салмақта Алиса Нұртас, 74 келіде Əсет Абдреев, 80 келіде Ляйля Арыстанбек, 80 келіден жоғары салмақта Меруерт Əбубəкір, 82 келіде Ғалымжан Абдрахманов қола жүлделерге ие болды.
<img src="https://kyzylorda-news.kz/wp-content/uploads/2020/02/11sambo2.jpg" alt="" />
<img src="https://kyzylorda-news.kz/wp-content/uploads/2020/02/11sambo3.jpg" alt="" />

Қызылордалық самбошылар 9 медальға ие болды

<a href="https://kyzylorda-news.kz/">Kyzylorda-news.kz.</a> Мұз айдыны” СК-де “Спорт – нашақорлыққа қарсы” ұранымен баскетболдан балалар-жасөспірімдер спорт мектептерінің оқушылары арасында облыстық біріншілік өтті.
Жарысқа Қызылорда, Байқоңыр қалалары мен аудандардан 8 команда 2003-2004 ж.т. 212 жасөспірім ұлдар мен қыздар қатысты.
Нəтижесінде ұлдар мен қыздар арасында Қызылорда қаласының #2 ОРМБЖМ мектебінің командасы жеңімпаз атанды.
Ұлдар арасында Шиелі – екінші, Байқоңыр қаласы – үшінші орындарды еншіледі.
Қыздар арасында жүлделі орын алған командалардың нəтижесі ұлдармен бірдей болды.
Жеңімпаз жəне жүлдегер командаларды облыстық баскетбол федерациясының президенті Ғалым Əміреев марапаттады.
<img src="https://kyzylorda-news.kz/wp-content/uploads/2020/02/10basketboll2.jpg" alt="" />
<img src="https://kyzylorda-news.kz/wp-content/uploads/2020/02/10basketboll3.jpg" alt="" />
<img src="https://kyzylorda-news.kz/wp-content/uploads/2020/02/10basketboll4.jpg" alt="" />

Қызылордалық баскетболшылар жеңімпаз атанды

<a href="https://kyzylorda-news.kz/">Kyzylorda-news.kz.</a> Қызылорда қаласындағы “Евразия” спорт кешенінде ауыр атлетикадан ерлер мен əйелдер арасында ҚР-ның жекелей жəне командалық чемпионаты мен кубогы өтуде.
Жарысқа Нұр-Сұлтан, Алматы, Шымкент қалаларынан жəне облыс орталықтарынан 14 команда, 186 спортшы 20 салмақ дəрежесінде қатысуда. Оның 73-і əйел, 113-і ерлер.
Жарыстың салтанатты ашылуына Қызылорда облыс əкімінің орынбасары Наурызбай Байқадамов қатысып, спортшыларға сəттілік тіледі.
Жарыс қорытындысы бойынша сәуір айында Нұр-Сұлтан қаласында өтетін Азия чемпионатына қатысатын құрама команда жасақталатын болады.
Айта кетейік, Ташкентте ауыр атлетикадан өтіп жатқан халықаралық бірлік чемпионатына жерлесіміз Илья Ильин қатысуда. Сондай-ақ, 13-20 ақпан аралығында Ташкентте жасөспірімдер мен жастар арасында өтетін Азия чемпионатына облыстан Əлем чемпиондары Рахат Бекболат пен Сəпи Есенкелді жəне күміс жүлдегер Айсамал Сансызбаева Қазақстан атынан өнер көрсетеді.
Ел чемпионаты мен кубогы күнде сағат 11.00-17.00 аралығында өтеді. Жалпыкомандалық есеп бойынша нәтиже 14 ақпан күні белгілі болады.
<img src="https://kyzylorda-news.kz/wp-content/uploads/2020/02/10auratletika2.jpg" alt="" />

Қызылордада ауыр атлетикадан ел чемпионаты мен кубогы өтуде

<a href="https://kyzylorda-news.kz/">Kyzylorda-news.kz.</a> &nbsp;Өскемен қаласында шорт-тректен 2008-2009 жылдары туылған жасөспірімдер арасында өткен ҚР чемпионатында қызылордалық шорттрекшілер 6 медаль иеленді.
Жаттықтырушылар Марат Мұратбекұлы мен Рүстембек Байғара дайындаған Сыр спортшылары ел чемпионатында табысты өнер көрсетті.
Қыздар арасында Жансая Есен 222 метр қашықтықта мәреге бірінші келіп, Қазақстан чемпионы атанса, 333 метр қашықтықта жəне көпсайыс қорытындысында екі рет күміс жүлдені иеленді.
Көпсайыс қорытындысы бойынша 500 метр қашықтықта Ұлту Құрманбай екінші орынды еншіледі.
Сондай-ақ, қыздар жəне ұлдар арасында командалық эстафетада жерлестеріміз 2-орынды еншіледі. Команда құрамында қыздар арасында Жансая Есен, Ұлту Құрманбай, Айару Қайратқызы, Диляра Туралиева, ұлдар арасында Мағжан Бақытжанұлы, Əли Дайрабай жəне Ілияс Әбдіманап өнер көрсетті.
Шорт-трек спорты облыста ашылғанына аз уақыт болса да спортшылар республикалық жарыстарда, ҚР чемпионаттарында облыс намысын абыроймен қорғап келеді.
Спортшылар №4 облыстық олимпиадалық резервтің мамандандырылған балалар-жасөспірімдер мектебінде тәлім алады.
<img src="https://kyzylorda-news.kz/wp-content/uploads/2020/02/10shorttrek2.jpg" alt="" />
<img src="https://kyzylorda-news.kz/wp-content/uploads/2020/02/10shorttrek3.jpg" alt="" />
<img src="https://kyzylorda-news.kz/wp-content/uploads/2020/02/10shorttrek4.jpg" alt="" />

Қызылордалық шорттрекшілер ел чемпионатында 6 медаль иеленді

<a href="https://kyzylorda-news.kz/">Kyzylorda-news.kz.</a> Қазақстандық зілтемірші Игорь Сон Ташкентте топ жарды,&nbsp;деп хабарлайды <a href="https://24.kz/kz/zha-aly-tar/sport/item/373257-aza-standy-ziltemirshi-zbekstanda-y-chempionatta-bas-zh-ldege-ie-boldy">«Хабар 24»</a>.
Ол Өзбекстан астанасында өтіп жатқан Халықаралық бірлік чемпионатында көзге түсті. 61 келі салмақта сынға түскен Сон жұлқа көтеруде 130 келіні таза орындады. Ал серпе көтеруде 156 келіні бағындырып, бабында екенін байқатты. Қоссайыста 286 ұпай жинаған Қазақстан ауыр атлет бас жүлдені еншіледі. Күміс пен қола Малайзия және Түрікменстан спортшыларына бұйырды. Бұл сайысқа еліміздің атынан Соннан бөлек тағы 3 атлет қатысады. Енді жарыс жолына Раушан Мешітханова, Ибрагим Берсанов және Илья Ильин шығады.

Қазақстандық зілтемірші Өзбекстандағы чемпионатта бас жүлдеге ие болды

<a href="https://kyzylorda-news.kz/">Kyzylorda-news.kz.</a> &nbsp;Қазақ күресі федерациясы 2020 жылы өтетін жарыстардың кестесін жариялады, деп хабарлайды&nbsp;<a href="https://sputniknews.kz/sport/20200207/12765441/Kazakh-kures-keste.html">Sputnik Қазақстан.</a>
Іс-шаралар тізімі:
<ul>
<li>18 сәуір – “Бала балуан” республикалық турнирі. Нұр-Сұлтан қаласы, “Жекпе-жек” сарайы;</li>
<li>30-31 мамыр – “Халық барысы” республикалық турнирі. Оған 18-50 жас аралығындағы спортқа жарамды кез келген Қазақстан азаматы қатыса алады. Алматы қаласы, “Сұңқар” халықаралық трамплиндер кешені;</li>
<li>4 шілде – “Қазақстан барысы” республикалық турнирі. Нұр-Сұлтан қаласы, “Жекпе-жек” сарайы;</li>
<li>9-13 қараша – ересектер арасындағы Қазақстан чемпионаты. Атырау қаласы;</li>
<li>2 желтоқсан – “Еуразия барысы” әлем кубогы. Алматы қаласы, “Алматы Арена” мұз сарайы.</li>
</ul>
<h3 id="">Қазақ күресінің атауы өзгереді</h3>
Қазақ күресі федерациясының президенті Дәурен Абаевтың айтуынша, бүгінде ғалымдарға қазақ күресіне қатысты терминдерді зерделеуге тапсырма берілді. Негізгі мақсат – бейтарап атау арқылы ұлттық күресті әлемдік деңгейге көтеру. &nbsp;
“Сонымен қатар, төрешілер мен жаттықтырушыларға арналған ғылыми-әдістемелік нұсқаулықтар жарық көреді. Қазақ күресінің ережесі жинақталған видеонұсқаулық түсіріліп жатыр. Ол жерде әрбір әдіс бүге-шүгесіне дейін видеомен көрсетіледі”, – деді Абаев астанада өткен баспасөз мәслихатында.
Оның сөзіне қарағанда, жыл соңына дейін қазақ күресінің даму картасы жасалады.

Қазақ күресінен жарыстар қашан өтеді?

<a href="https://kyzylorda-news.kz/">Kyzylorda-news.kz.</a> Boxingscene.com сайты соңғы онжылдықтағы мықты 20 боксшы рейтингінің бірінші бөлігін ұсынды. Оған орта салмақтағы қазақстандық боксшы Геннадий Головкин енді, деп хабарлайды <a href="https://www.inform.kz/kz/golovkin-songy-onzhyldyktagy-uzdik-boksshylardyn-bestigine-endi_a3611857">ҚазАқпарат</a>
GGG мексикалық боксшы Сауль «Канело» Альварес, америкалық Флойд Мэйвезер және тағы бір америкалық Теренс Кроуфордтан кейінгі төртінші орынға жайғасты.
«Қазақстандық боксшы ала алмаған орта салмақтағы екі марапат бар: WBO белбеуі мен желілік чемпион тәжі. Головкиннің біріншісін жеңіп алуға ешқашан мүмкіндігі болған жоқ. Көпшілік әлі күнге дейін Сауль Альвареспен бірінші айқаста екінші титулды Головкин алуы керек еді деп есептейді. Головкинге сыншылар қаншама жұлдызды қарсылас ұсынса да, ол ТОП-10-дағы боксшылармен айқасқысы келді. Марвин Хаглер мен Бернард Хопкинс те дәл осылай жасаған еді.
Головкин мықты беделге ие бола отырып, 18 нокаутпен декаданы бастады. Ақырында ол жалғыз санаттағы төрт басты титулдың үшеуін біріктірген әлем чемпионы атанып, оны өзінің «үйі» деп атады», – делінген материалда.

Головкин соңғы онжылдықтағы үздік боксшылардың бестігіне енді

<a href="https://kyzylorda-news.kz/">Kyzylorda-news.kz.</a> &nbsp;Ағымдағы жылдың 9-14 ақпан аралығында Қызылорда қаласындағы «Евразия» спорт кешенінде ауыр атлетикадан ерлер мен əйелдер арасында ҚР-ның чемпионаты мен кубогы өтеді.
Жарысқа еліміздің барлық өңірлерінен келетін спортшылар 20 салмақ дəрежесінде (10 салмақ ерлер, 10 салмақ əйелдер) жүлделерді сарапқа салады.
Жарыс нəтижесінде биыл сəуір айында Нұр-Сұлтан қаласында өтетін Азия чемпионатына спортшылар іріктеледі.
Жарысты ҚР Мəдениет жəне спорт министрлігі Спорт жəне дене шынықтыру істері комитеті, ҚР ауыр атлетика федерациясы, Қызылорда облысының дене шынықтыру жəне спорт басқармасы ұйымдастыруда.
Жарыс 9 ақпан күні сағат 11.00-де басталады, 10 ақпан сағат 10.00-де салтанатты ашылуы өтеді.

Қызылордада ауыр атлетикадан ерлер мен əйелдер арасында ҚР чемпионаты мен кубогы басталады

<a href="https://kyzylorda-news.kz/">Kyzylorda-news.kz.</a> &nbsp;Нұр-Сұлтан қаласында парадзюдодан ерлер және әйелдер арасында Қазақстан Республикасының чемпионаты өтті.
Жарыс нəтижесінде қызылордалық спортшылар 1 алтын, 2 күміс медаль иеленді.
Əр кездесуінде қарсыластарынан басым болған Даяна Федосова 57 келіде алтын медаль иегері атанып, жеңіс тұғырының ең биік сатысына көтерілді.
Ал 78 келіден жоғары салмақта өнер көрсеткен Айдана Кенжебай мен Əсем 
Аманбек күміс жүлделерді еншіледі.
Енді спортшылар сəуір айында Ұлыбританияда парадзюдодан өтетін Гран-при жарысына қатысуға дайындалады.
Спортшыларды жарысқа Жанарбек Сансызбаев, Қайрат Баякенов, Руслан Беркімбай жəне Қайрат Төленов дайындады.
<img src="https://kyzylorda-news.kz/wp-content/uploads/2020/02/7paraduzo2.jpg" alt="" />

Қызылордалық парадзюдошылар Ұлыбританияда өтетін жарысқа жолдама алды

<a href="https://kyzylorda-news.kz/">Kyzylorda-news.kz.</a> &nbsp;8 ақпан күні ауыр атлетикадан халықаралық бірлік чемпионаты басталады, деп хабарлайды <a href="https://olympic.kz/kk/article/10867">Olympic.kz</a>.
Аталған додаға қатысатын Қазақстан құрамасы қазіргі таңда Шымкент қаласында дайындықтарын пысықтап жатыр.
Өзбекстан астанасы Ташкентте ел сапынан 4 спортшы шығады. Игорь Сон (61 кг), Илья Ильин (102 кг), Ибрагим Берсанов (109 кг) және Раушан Мешітханова (81 кг). Турнир 12 ақпанға дейін жалғасады.

Илья Ильин Ташкентте өтетін халықаралық турнирге қатысады

<a href="https://kyzylorda-news.kz/">Kyzylorda-news.kz.</a> Маңғыстау облысы Ақтау қаласында қазақ күресінен 2005-2006 жылы туылған жасөспірімдер арасында Қазақстан Республикасының чемпинаты өтті.
Бұл додадан қызылордалық боз кілем шеберлері үздік көрсеткішпен оралды.
Жасөспірімдер арасында облыстың аға жаттықтырушысы Берік Қасымбеков бастаған Сыр балуандары 2 алтын, 2 күміс, 1 қола медальмен жалпы командалық есепте бірінші орынды иеленді.
Жерлестеріміз 42 келі салмақта Мейіржан Ержігіт пен 75 келіде Мұхамеджан Бейсенбай Қазақстан жеңімпазы атанды. Қос спортшы ақтық белдесуде Түркістан облысының спортшыларымен кездесіп, Мейіржан айқын басымдықпен жеңсе, Мұхамеджан таза жеңіспен тізе бүктірді.
55 келіде өнер көрсеткен Мұрат Тілекжан мен 75 келіден жоғары салмақта Мақсат Елеусинов күміс, 38 келіде Мырзабек Мұстафаев қола жүлделерге ие болды.
Спортшылар алдағы уақытта халықаралық жарыстарға дайындалады.
<img src="https://kyzylorda-news.kz/wp-content/uploads/2020/02/6kures2.jpg" alt="" />
<img src="https://kyzylorda-news.kz/wp-content/uploads/2020/02/6kures3.jpg" alt="" />

Қазақстан чемпионатында қызылордалық балуандар бірінші орынды жеңіп алды

<a href="https://kyzylorda-news.kz/">Kyzylorda-news.kz.</a> Футзалдан Қазақстан құрамасы әлем чемпионаты финалдық кезеңіне жолдама алды, деп хабарлайды <a href="https://www.inform.kz/kz/kazakstan-futzaldan-alem-chempionatynyn-finaldyk-kezenine-shykty_a3611539">ҚазАқпарат</a>.
Әлем чемпинаты элиталық сатысы топтық кезеңіндегі соңғы кездесуінде Қазақстан құрамасы Чехияны жеңді. Қазақстан құрамасы алғашқы минуттан ойын тізгінін қола алды. Нәтижесінде небәрі төрт минут ішінде қарсылас қақпасына үш голғып үлгерді. Алғашқы екі голды 3 және 4-минуттарда Дуглас Жуниор соқса, сол 4-минутта Тайнан есепті үстемелей түсті. Ал екінші кезеңнің 23-минутында Дуглас Жуниор хет-трик жасады. Ойынның 36-минутында чехтар бір гол соқты. Қазақстандық ойыншы Тайнан 38-минутта бос қақпаға гол соғып кетті. Ойынның бітуіне 28-секунд қалғанда чехтар тағы бір мәрте мергендік танытты. Кездесуде Қазақстан Чехияны 5:2 есебімен жеңді.
Осылайша Қазақстан өз тарихында үшінші мәрте әлем чемпионаты финалдық кезеңіне жолдама алып отыр.
Әлем чемпионаты элиталық сатысы топтық кезеңінде бірінші орын алған Португалия, Испания, Ресей құрамалары финалдық сатысына тікелей жолдама алған болатын.
Естеріңізге сала кетелік, әлем чемпионатының финалдық кезеңі 2020 жылдың 12 қыркүйек – 4 қазан аралығында Литвада өтеді. Онда барлығы 24 құрама сынға түседі. Әрбір топта жеңімпаз атанған төрт құрама турнирдің финалдық кезеңіне тікелей жолдама алады. Ал өз тобында екінші орын алған төрт құрама қосымша екі жолдаманы сарапқа салады. Мұндай мүмкіндікке Финляндия, Сербия, Хорватия және Чехия құрамалары ие болып отыр.

Қазақстан және Қызылорда облысының жаңалықтары: Спорт