<a href="https://kyzylorda-news.kz/">Kyzylorda-news.kz.</a> “Мұз айдыны” спорт кешенінде гір көтеру жəне қол күресінен ересектер арасында ҚР кубогы өтуде.
Жарысқа еліміздің барлық өңірлерінен 300-дей спортшы 30 салмақ дəрежесінде күш сынасуда.
Ел кубогының ашылу салтанатына облыс əкімінің орынбасары Наурызбай Байқадамов пен гір көтеру жəне қол күресінен ҚР мемлекеттік жаттықтырушысы Серік Ерішұлы қатысып, қатысушыларға сəттілік тіледі.
Жарыстың жеңімпаздары мен жүлдегерлері ҚР Дене шынықтыру жəне спорт комитетінің диплом, медаль, кубогымен марапатталады.
Бүгін гір спорты сайысы жеңімпаздарының есімі белгілі болады.
<img src="https://kyzylorda-news.kz/wp-content/uploads/2019/12/6girkubok2.jpg" alt="" />
<img src="https://kyzylorda-news.kz/wp-content/uploads/2019/12/6girkubok3.jpg" alt="" />

Қызылордада гір спорты жəне қол күресінен ел кубогы басталды

<a href="https://kyzylorda-news.kz/">Kyzylorda-news.kz.</a>&nbsp; Халықаралық ауыр атлетика федерациясы (IWF) ресми түрде қазақстандық ауыр атлет Владимир Седовтың 2008-2016 жылдар аралығындағы нәтижелерін жойды, <a href="https://baq.kz/news/othernews/auyr-atletikadan-lem-chempiony-vladimir-sedov-barly-ata-ynan-ayyryldy/">BAQ.KZ</a>.&nbsp;
2016 жылдың жаз айында Халықаралық Олимпиада комитеті (ХОК) пен Дүниежүзілік допингке қарсы агенттік (WADA) Седовтың допинг-сынамасын қайта тексерген болатын. Үштөбе қаласының тумасының қанынан 2008 жылғы Пекин Олимпиадасында “станозолол” препараты табылған. Осыдан соң спортшы 8 жылға спорттан шеттетілді (01.08.2016 – 01.08.2024). Өйткені, отандасымыз оның алдында 2006 жылы да допингпен ұсталып, 2 жылға жарыстардан тыс қалған болатын&nbsp; (18.05.2006 – 18.05.2008).
Бірақ 2016 жылы Седовтың тек Пекин Олимпиадасындағы нәтижесін жойған еді. Ол кезде спортшы төртінші орын алған. Енді, міне, Седовтың өзге де атақтарынан айырып отыр.&nbsp;Седов 2009 жылғы әлем чемпионы, 2009 және 2016 жылғы Азияның екі дүркін чемпионы, 2011 жылғы Азия чемпионатының күміс жүлдегері, сонымен қатар, 2013 жылғы әлем чемпионаты мен 2014 жылғы әлем чемпионатының қола және күміс жүлдегері атақтарынан да айырылатын болады.

Тағы бір қазақстандық ауыр атлет барлық атағынан айырылды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Nur Otan партиясының ұйым­дастыруымен «Нұр-Сұлтан – Түркістан» ұлы ма­рафоны Қызылордада жал­ғасын тапты.
Марафонның басты міндеті – жас ұрпақты патриотизм және Отанын құрметтеуге тәрбиелеу, сонымен бірге салауатты өмір сал­тын насихаттау.
Тәуелсіздік күні мен жаңа Түр­кістан аймағын дамытуға ба­­ғыт­талған «Нұр-Сұлтан – Түр­кіс­тан» ұлы марафоны бастау ал­ған болатын. Қа­зақ­стан құры­лысшылар ода­ғы, Nur Otan пар­тиясының қол­дауымен ұйымдас­тырылған жа­­рысқа 10 тәжірибелі ультра­ма­­рафоншы қатысып жатыр. Нұр-Сұлтан – Сабынды – Жан­теке – Қорғалжын – Баршино – Қызылжар – Жезқазған – Қы­зылор­да – Түркістан бағытында жү­гіріп өтпек.
Марафоншыларды Nur Otan партиясы және Jas Otan Жастар қанаты Қызылорда облыстық филиалының белсенділері қарсы алды.
Ұйымдастырушылармен бір­ге ұлы марафонның ашы­лу салтанатына танымал спорт­шылар, депутаттар, Nur Оtan пар­тиясының өкілдері, қоғам қайраткерлері, кәсіпкерлер, құры­лысшылар қатысты.
Бір аптада марафоншылар эстафетаны әр 10 шақырымнан жүгіріп өтіп, 1 400 шақырым жол­ды өтуі керек. Сонымен қа­тар ма­рафон аясында халықпен кездесулер өткізіледі.
Ұлы марафон жүгірушілері Қарағанды облысы аумағындағы Бетпақдала шөлі арқылы жүгіріп өтеді. Ұйымдастырушылар мен қатысушылар үшін маршруттың бұл бөлімі аса қауіпті мекен са­налады. Жылдың осы уақы­тында шөл далада қарлы бо­ран соғады. Сондықтан мара­фонға жүгіру­шілер мен тәжіри­белі құт­қарушылар тобы, соны­мен қатар медициналық қызмет­керлер бірге еріп жүреді.

«Нұр-Сұлтан – Түркістан» ұлы марафоны Қызылордада жалғасты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Әлем барысы» әлем чемпионатының қола жүлде үшін белдесуінде Мақсат Исағабылов өзбек палуаны Мухсин Хисамиддиновті жеңді.
Мақсат Исағабылов жартылай финалда Айбек Нұғымаровқа, ал өзбек палуаны Мухсин Хисамиддинов Ресей палуаны Роман Бобиковке есе жіберген.
«Әлем барысы» чемпионатының биылғы жүлде қоры 20 миллион теңге. Жеңімпаз атанған балуанға 10 млн теңге және алтын белбеу, екінші орын иегеріне 6 млн теңге және үшінші орын иегеріне 3 млн теңге, сәйкесінше күміс және қола белбеулермен марапатталады.
Ал, «Жеңіске деген жігері үшін» атанған спортшыға 1 млн теңге беріледі. Сонымен бірге, жылдағы дәстүр бойынша жанкүйерлер арасында автокөлік ойнатылады.

«Әлем барысы»: Қола жүлде қызылордалық Мақсат Исағабыловта

<a href="https://kyzylorda-news.kz/">Kyzylorda-news.kz</a>. Boxingscene.com журналисі Стивен Эдвардс қазақстандық боксшы Геннадий Головкин мен мексикалық Сауль Альварестің екінші айқасын жоғары бағалады, деп хабарлайды <a href="https://www.inform.kz/kz/golovkinnin-aykasy-songy-on-zhyl-ishindegi-uzdik-zhekpe-zhekter-tizimine-endi_a3589936">ҚазАқпарат</a>.
Автор оны соңғы онжылдықтағы үздік айқастар тізіміне қосты (2010-2019).
Еске салайық, Головкин рематчта төрешілердің басым бөлігінің шешімімен «Канелодан» жеңіліп қалды.
<blockquote>
 «Осы онжылдықдағы менің сүйікті айқастарым мыналар: Гонсалес — Эстрада, Пакьяо — Маргарито, Уильямс — Херд, Котто — Мартинес, „Канело« — Головкин 2, Мэйвезер — Майдана 1, Спенс — Брук, Ломаченко — Линарес, Ригондо — Донэр, Иноуэ — Донэр, Уайлдер — Фьюри. Тағы бірнешеуін ұмытып тұрмын. Мэйвезер — Пакьяо айқасының өткенін қалаймын, айқастардың айқасы болар еді», – деп жазды Эдвардс.
</blockquote>

Головкиннің айқасы соңғы он жыл ішіндегі үздік жекпе-жектер тізіміне енді

<a href="https://kyzylorda-news.kz/">Kyzylorda-news.kz.</a> Golden Boy Promotions промоутерлік компаниясының президенті Эрик Гомес FightHype-ке берген сұхбатында компанияның басты жұлдызы Сауль Альваресті рингте кіммен көргісі келетінін айтты, деп хабарлады&nbsp;<a href="https://24.kz/kz/zha-aly-tar/sport/item/357587-golden-boy-basshysy-kanelo-men-golovkinni-shinshi-zhekpe-zhegin-k-rgisi-keledi">«Хабар 24»</a>.
<blockquote>
 «Бұл – GGG. Олар жақсы әрі жақын екі жекпе-жек өткізді, стильдерінің арқасында фанаттарға ұнады. Онда көптеген әрекет пен бақталастық болды, бір-біріне жақсы соққылары тигізді. Жарқын жекпе-жек шықты. Себебі екеуі бір-біріне ыңғайлы», – деді Гомес.
</blockquote>
Алайда Альварестің өзі Головкинмен трилогия өткізуге ниетті емес. Айтуынша, қазақстандық боксшы енді оған сынақ бола алмайды.
Боксшылар Лас-Вегаста екі рет жұдырықтасқан, 2017 жылы қыркүйекте тең есеп тіркелсе, бір жылдан кейін Канело төрешілер шешімімен жеңген.
DAZN стриминг сервисі де Альварес пен Головкин арасындағы үшінші жекпе-жекті өткізуді қалайды. Боксшылар 2019 жылы қыркүйекте жұдырықтасады деген жоспар болған, бірақ мексикалық одан бас тартқан еді.

Golden Boy басшысы Канело мен Головкиннің үшінші жекпе-жегін көргісі келеді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Дарын» мемлекеттік жастар сыйлығының иегерлері анықталды. Олардың қатарында қызылордалық спортшылар да бар.
ҚР Үкіметінің 2019 жылғы 22 қарашадағы №868 қаулысымен Қазақстан Республикасы Үкіметінің 2019 жылғы «Дарын» мемлекеттік жастар сыйлығын берілді.
Айта кетерлігі, сыйлық жемісті ғылыми, шығармашылық, қоғамдық қызметі, сондай-ақ жоғары спорттық жетістіктері үшін жастарға беріледі.
«Эстрада» номинациясы бойынша
Әділхан Құрманғалиұлы Макин – Қазақстан Республикасының Мәдениет және спорт министрлігі «Т.Қ. Жүргенов атындағы Қазақ ұлттық өнер академиясы» республикалық мемлекеттік мекемесінің 3-курс студенті
Марат Төреханұлы Айтімбай – Қазақстан Республикасының Мәдениет және спорт министрлігі «Қазақконцерт» мемлекеттік концерттік ұйымы» республикалық мемлекеттік қазыналық кәсіпорнының солисі, конферансье «Классикалық музыка» номинациясы бойынша
Данара Ерұланқызы Мұсахан – Қазақстан Республикасы Мәдениет және спорт министрлігінің «Құрманғазы атындағы Қазақ ұлттық консерваториясы» республикалық мемлекеттік мекемесі «Музыкатану және композиция» кафедрасының аға оқытушысы, философия докторы (PhD)
&nbsp;Әзімбек Қалдыбекұлы Жамбаев – Қазақстан Республикасының Мәдениет және спорт министрлігі «Қазақ ұлттық өнер университеті» республикалық мемлекеттік мекемесінің 1-курс магистранты
«Халық шығармашылығы» номинациясы бойынша
Мейірбек Бектұрсынұлы Сұлтанхан – айтыскер
Жарас Болатұлы Сатыбалдиев – «Батыс Қазақстан облысы мәдениет басқармасының Ғ. Құрманғалиев атындағы облыстық филармониясы» мемлекеттік коммуналдық қазыналық кәсіпорнының әртісі, дирижер
«Әдебиет» номинациясы бойынша
&nbsp;Жадыра Төкенқызы Байбұланова – «Хабар агенттігі» акционерлік қоғамы «Хабар 24» телеарнасының редакторы
&nbsp;Бекзат Болатжанұлы Смағұлов – Қазақстан Республикасы Мәдениет және спорт министрлігінің Мәдениет және өнер істері департаменті музыка өнері басқармасының сарапшысы
«Театр және кино» номинациясы бойынша
Алтынгүл Ерболқызы Серкебаева – Нұр-Сұлтан қаласы әкімдігінің «Қ. Қуанышбаев атындағы Мемлекеттік академиялық қазақ музыкалық драма театры» мемлекеттік коммуналдық қазыналық кәсіпорнының актрисасы
Аян Өмірәлі Өтепберген – Қазақстан Республикасының Мәдениет және спорт министрлігі «М. Әуезов атындағы Қазақ мемлекеттік академиялық театры» республикалық мемлекеттік қазыналық кәсіпорнының актері
&nbsp;«Спорт» номинациясы бойынша
Элизабет Байтаққызы Тұрсынбаева – мәнерлеп сырғанаудан 2019 әлем вице-чемпионы, Төрт құрлық чемпионатының күміс жүлдегері, қысқы Универсиада-2019 күміс жүлдегері
Қамшыбек Бисенбайұлы Қоңқабаев – Қазақстан Республикасының еңбек сіңірген спорт шебері, Әлем чемпионатының екі дүркін күміс жүлдегері (2017, 2019), Азия чемпионатының екі дүркін күміс жүлдегері (2017, 2019), бокстан Қазақстан Республикасы құрамасының капитаны
«Дизайн және бейнелеу өнері» номинациясы бойынша
Айжан Қуанышәліқызы Жүзбай – «Жүзбай дизайн» жауапкершілігі шектеулі серіктестігінің директоры, бас дизайнер, «Қазақ сән қауымдастығы» заңды тұлғалар бірлестігінің президенті
Сырым Еламанұлы Мүсіреп – Қазақстан Республикасының Мәдениет және спорт министрлігі «Қазақ ұлттық өнер университеті» республикалық мемлекеттік мекемесінің «Мүсін» мамандығы бойынша 4-курс студенті «Журналистика» номинациясы бойынша
Мырзабек Нағашыбекұлы Түсіпов – «Хабар» агенттігі» акционерлік қоғамының «Хабар» телеарнасы бағдарламалар өндірісі бөлімінің редакторы
Айбек Серікұлы Тасқалиев- Ақтөбе облыстық қоғамдық-саяси «Ақтөбе» газетінің тілшісі «Қоғамдық қызмет» номинациясы бойынша.
Нұрсұлтан Құдайбергенұлы Ибрагимов – «Қазақстан Республикасы Ұлттық спорт қауымдастығы» заңды тұлғалар бірлестігінің бас хатшысы.
&nbsp;Түстікбаев Ілияс Нұрболұлы – «Қазақстанның студенттер альянсы» республикалық студенттік қозғалысы» қоғамдық бірлестігінің президенті.
«Ғылым» номинациясы бойынша
Қанат Нұрлан – Қазақстан Республикасы Үкіметінің Өкілетті өкілінің бағыты бойынша «Біріккен ядролық зерттеулер институты» халықаралық үкіметаралық ұйымын Н. Н. Боголюбов атындағы теориялық физика зертханасының кіші ғылыми қызметкері.
Ерасыл Ерланұлы – Қазақстан Республикасының Білім және ғылым министрлігі «әл-Фараби атындағы Қазақ ұлттық университеті» коммерциялық емес акционерлік қоғамының Физика-техникалық факультеті плазма физикасы, нанотехнология және компьютерлік физика кафедрасының 2-курс PhD докторанты.
Еске сала кетсек, Қазақстан Республикасы Үкіметінің «Дарын» мемлекеттік жастар сыйлығының 2019 жылға арналған мөлшері әр номинация бойынша 600 мың теңге сомасында белгіленген.

Қызылордалық спортшылар «Дарын» мемлекеттік жастар сыйлығының иегері атанды

<a href="https://kyzylorda-news.kz/">Kyzylorda-news.kz</a>. Бүгін Қазалыда КСРО спорт шеберлігіне кандидат Тарғын Нұралиевты еске алуға арналған бокстан облыстық турнир басталды. Жасөспірімдер арасындағы бокс бәсекесіне Қызылорда облысының былғары қолғап шеберлерімен қатар, Қарағанды және Шығыс Қазақстан облысы, Байқоңыр қаласының спортшылары да бақ сынауда.
Турнирдің ашылу салтанатында аудан әкімі Мұрат Ергешбаев құттықтау сөз сөйлеп, боксшыларға сәттілік тіледі.
<img src="https://kyzylorda-news.kz/wp-content/uploads/2019/11/qazalyda-bokstan-oblystyq-twrnir-bastaldy.jpg" alt="" />

Қазалыда Тарғын Нұралиевті еске алуға арналған бокстан облыстық турнир басталды

<a href="https://kyzylorda-news.kz/">Kyzylorda-news.kz.</a> Жалағашта ауыл шаруашылығының көрнекті ұйымдастырушысы Мөрәлі Шәменовты еске алуға арналған дзюдодан 2003-2004 жылы туған жасөспірімдер арасында республикалық турнир өтті.
Дүбірлі бәсекеге Алматы, Шымкент қалалары, Ақтөбе, Батыс Қазақстан, Түркістан, Шығыс Қазақстан және Қызылорда облыстарынан 300-ге жуық татами шеберлері 9 салмақ дәрежесінде жүлделерді сарапқа салды.
Жарыс нәтижесінде Сыр дзюдошылары 6 алтын, 7 күміс, 12 қола медаль, барлығы 25 медаль еншілеп, жалпы командалық есепте 1-орынды жеңіп алды.
<img src="https://kyzylorda-news.kz/wp-content/uploads/2019/11/qyzylordalyq-dzjudoshylar-zhengimpaz-atandy-1.jpg" alt="" />
<img src="https://kyzylorda-news.kz/wp-content/uploads/2019/11/qyzylordalyq-dzjudoshylar-zhengimpaz-atandy-2.jpg" alt="" />

Қызылордалық дзюдошылар жеңімпаз атанды

<a href="https://kyzylorda-news.kz/">Kyzylorda-news.kz.</a> Қазақстандық боксшы Геннадий Головкин украиналық Сергей Деревянченкомен жұдырықтасқаны үшін 15 миллион доллар табыс тапты, деп жазды <a href="https://24.kz/kz/zha-aly-tar/sport/item/355622-2019-zhyly-e-k-p-gonorar-al-an-10-boksshyny-tizimi-zhariyalandy">«Хабар 24»</a>.
Vringe порталының мәліметінше, PPV сатылымын есепке алғанда GGG дәл 15 миллион пайда тапқан. Сауль Альварес екі жекпе-жегінде де қарсыластарынан екі есе көп табысқа кенелген. Бұл кездесулер&nbsp;Дэниел Джейкобс пен&nbsp;Сергей Ковалевке қарсы өткен болатын.
Ал Энтони Джошуа 2019 жылы ең мол гонорар алған боксшы атанды. Ол&nbsp;Энди Руиспен өткен&nbsp;реваншта 85 миллион доллар тапқан.&nbsp;
2019 жылы ең көп&nbsp;гонорар алған&nbsp;ТОП-10 боксшы:
<ol>
<li>85 миллион $ – Энтони Джошуа Энди Руиспен өткен&nbsp;реваншта.</li>
<li>75 миллион $ әрқайсысы – KSI мен Логан Пол өздерінің екінші кездесуінде 150 миллион доллар тапты (бұны өзара теңдей бөліседі).</li>
<li>36 миллион $ – Сауль Альварес Дэниел Джейкобспен жекпе-жекте.</li>
<li>35 миллион $ – Сауль Альварес Сергей Ковалевпен жекпе-жекте.</li>
<li>25 миллион $ – Энтони Джошуа Энди Руиспен бірінші жекпе-жекте.</li>
<li>15 миллион $ – Геннадий Головкин Сергей Деревянченкомен жекпе-жекте.</li>
<li>13 миллион $ – Энди Руис Энтони Джошуамен екінші жекпе-жекте.</li>
<li>11 миллион $ – Тайсон Фьюри Том Шварцпен жекпе-жекте.</li>
<li>10 миллион $ – Деонтей Уайлдер Доминик Бризилмен жекпе-жекте.</li>
<li>10 миллион $ – Дэниел Джейкобс Сауль Альвареспен жекпе-жекте.</li>
</ol>

2019 жылы ең көп гонорар алған 10 боксшының тізімі жарияланды

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебі жастар жылы аясында және бұқаралық спортты дамыту мақсатында жеңіл атлетикалық&nbsp; марафон ұйымдастырды.
Іс-шара барысында сөз алған мектеп директоры Бақыт Жұматай аталған спорттық іс-шараның мектеп қоғамдастығының мүшелері арасындағы байланысты нығайтудағы маңыздылығын атап өтті.
<blockquote>
 «Бұл спорттық іс-шара салауатты өмір салтын қолдау мақсатында өткізіліп отыр. Марафонға қатысуға атсалысқан&nbsp; ата-аналар оқушылардың спортпен шұғылдануына үлгі болады деп ойлаймын», – деді мектеп директоры.
</blockquote>
Мектеп тарихында алғашқы көпшілік жүгіруге оқушылар, ата-аналар және мектеп қызметкерлері қатысты. 100-ден астам адам Сырдария өзені жағалауымен 3,5 шақырым қашықтықта жүгірді. Марафон нәтижесі бойынша оқушылар арасында 11 «А» сынып оқушысы Елжан Жарылқасын және 9 «С» сынып оқушысы Жанар Сабихан мәре сызығына бірінші болып келді.
Ата-аналар арасында Нұрдидар Құдайбергенов пен Базаркүл Бисенбаева барлық қатысушыларды басып озды.
<blockquote>
 «Бұл тапсырма мен үшін оңай болған жоқ, дегенмен өз күшімді сынап көргім келді. Бастапқы уақытта мәреге жүгіріп келмесем де, ең болмағанда жүріп жетемін деп ойладым. Өзім үшін жаңа рекорд орнаттым», – деді марафон жеңімпазы Базаркүл Бисенбаева.
</blockquote>
Педагог-қызметкерлер арасынан педагог-ұйымдастырушы-куратор Еркебұлан Досжанов және дене шынықтыру пәнінің мұғалімі Жанна Омарова жарыстың жеңімпаздары деп танылды. Ұйымдастырушылар тарапынан барлық жүлдегерлер естелік медальмен және дипломмен марапатталды.
<img src="https://kyzylorda-news.kz/wp-content/uploads/2019/11/21marafon2.jpg" alt="" />
<img src="https://kyzylorda-news.kz/wp-content/uploads/2019/11/21marafon3.jpg" alt="" />
<img src="https://kyzylorda-news.kz/wp-content/uploads/2019/11/21marafon4.jpg" alt="" />

Қызылордада оқушылар ата-аналарымен бірге марафонға қатысты

<a href="https://kyzylorda-news.kz/">Kyzylorda-news.kz.</a> Ауыр атлетші Илья Ильин алғаш рет олимпиадаға жіберілмейтінін білген кезде қандай күйде болды? Бастан өткерген қиындықтары туралы спортшы «Gakku» арнасындағы «Если честно» бағдарламасында айтып берді.
Қызылордалық зілтемірші сұхбат барысында көзіне жас алды.
<blockquote>
 «Мұны қалай өткере алдым дейсіздер ме? Бұл олимпиадаға үш ай қалған кезде болды. Мен тамаша формада жүрдім, олимпиадада жеңіске жетуге дайын едім. Олар маған келіп осы туралы айтты. Астанаға шақырып алды ғой деймін. Бірнәрсе жасап, заңгерлер тағайындау қажет дегендей. Процесс кетті. Бір аптадан кейін жаттығу залына келуді қойдым. Атлетикаға, штангіге қарай алмадым. Ал жігіттер олимпиадаға дайындалып жатты. Ал мені лақтырып тастады. Көптеген жағымсыз эмоция болды», – дейді спортшы.&nbsp;
</blockquote>
Илья Ильин өзінің көңілшек адам екенін жасырмады. Сондай-ақ, ұзақ уақыт бойы естеліктермен өмір сүруге мәжбүр болғанын айтты.&nbsp;
<blockquote>
 «Мен эмоционалды адаммын. Әрине, жыладым. Instagram желісінде лентама кіріп отырғаным есімде. Көп көз жас төгілді. Көп жылымды бердім, көп жұмыс істедім деп ойладым. Күтпеген жерден осылай болды. Әділетсіз, дұрыс емес жасады. Бірақ, неге әділетсіз екенін айтпай-ақ қояйын. Бәлкім кейін уақыты келгенде айтармын», – деді Илья Ильин.
</blockquote>

Қазақстан және Қызылорда облысының жаңалықтары: Спорт