<a href="https://kyzylorda-news.kz/">Kyzylorda-news.kz.</a> Қызылордада 25 қаңтар күні «Евразия» спорт кешенінде ҚР &nbsp;еңбек сіңірген экономист, қаржы саласының құрметті қайраткері Камал Шөкеновті еске алуға арналған шағын-футболдан облыстық турнир басталады.
Биылғы жылы тоғызыншы мəрте ұйымдастырылатын турнирге 9 команда қатысады.
Ойын 20 минуттан екі кезеңде өткізіледі. Жеңімпаз, жүлдегер командалар 26 қаңтар күні белгілі болады.
Жарыс 25 қаңтар күні сағат 09.00-де басталады, 10.00-де салтанатты ашылуы өтеді.
Кіру тегін.

Қызылордада Камал Шөкеновті еске алуға арналған шағын-футболдан турнир өтеді

<a href="https://kyzylorda-news.kz/">Kyzylorda-news.kz.</a> Өткен жыл Сыр спортшылары үшін жетістікке толы болды. Қызылордалық атлеттер ел чемпионаттарында 1457 медальдарды жеңіп алса, Әлем және Азия чемпионаттарында 170 медальдарға қол жеткізді. Аймақтың бетке ұстар&nbsp; 578 спортшысы ҚР Ұлттық құрама сапына енді.
Олардың қатарында&nbsp; мұз ханшайымы атанған Элизабет Тұрсынбаева да бар. Ол Жапонияның Сайтама қаласында мәнерлеп сырғанаудан&nbsp; Әлем чемпионатының күміс жүлдесін иеленіп, төрт айналым элемент секірген әйелдер арасында тұңғыш рет тарихқа енді.
Сондай-ақ, АҚШ-тың Лас-Вегас қаласында ауыр атлетикадан жасөспірімдер арасында өткен Әлем чемпионатында Сәпи Есенгелді және Бекболат Рахат жеңімпаз атанды. Облыс тарихында ауыр атлетикадан жасөспірімдер арасында бұл алғашқы медаль болып табылады.
Нұр-Сұлтан қаласында еркін күрестен өткен Әлем чемпионатында Дәулет Ниязбеков күміс жүлдені иеленіп, 2020 жылы Токиодағы Олимпиада ойындарына жолдама алды.
Ресейдің Екатеринбург қаласында бокстан өткен Әлем чемпионатында Қамшыбек Қоңқабаев күміс, Тұрсынбай Құлахмет қола жүлделерге ие болды.
Алматы қаласында қазақ күресінен өткен «Әлем барысы» әлем чемпионатында Мақсат Исағабылов қола жүлдені иеленсе, Ақтөбе қаласында қазақ күресінен өткен Әлем чемпионатында Нұрым Сәлімгереев алтын медалді қанжығасына байлады.

Қызылорданың 578 спортшысы ұлттық құрама сапында

<a href="https://kyzylorda-news.kz/">Kyzylorda-news.kz.</a> Қызылордада шағын футбол ойын ұйымдастырылды. Оған 23 команда қатысты. Қайырымдылық футболы «Евразия» және «Сейхун» мәдени спорт кешенінде өтті.
Мемлекет басшысы Қасым-Жомарт Тоқаев 2020 жылды «Еріктілер жылы» деп жариялады.&nbsp; Жастар арасында кең тараған бағыттың тағы бірі – спорттық еріктілік екендігін ескерсек, еріктілер жылы аясында облысымыздың белсенді жастары алаңда доп теуіп те, қайырымды іс жасауға болатынын көрсетті.
<blockquote>
 «Бүгін – қайырымдылықты жанына жалау етіп, масылдықты жою мақсатында аянбай тер төгіп жүрген жастардың басы қосылды.&nbsp;&nbsp; Турнирдің басты мақсаты – Сабалақ саяжайында үйі өртеніп, үйсіз қалған жас отбасыға көмектесу яғни турнирден жиналған қаржыны жас отбасыға табыстаймыз», – дейді турнирдің ұйымдастырушылары.
</blockquote>
<img src="https://kyzylorda-news.kz/wp-content/uploads/2020/01/20kairymfoot2.jpg" alt="" />
<img src="https://kyzylorda-news.kz/wp-content/uploads/2020/01/20kairymfoot3.jpg" alt="" />
<img src="https://kyzylorda-news.kz/wp-content/uploads/2020/01/20kairymfoot4.jpg" alt="" />

Қызылордада шағын футболдан қайырымдылық ойыны ұйымдастырылды (ФОТО)

<a href="https://kyzylorda-news.kz/">Kyzylorda-news.kz.</a> Қазақстандық боксшы Қанат Ислам&nbsp;(27-0, 21 КО) жаттықтырушысы Багаудин Бековпен қоштасты, деп хабарлады&nbsp;<a href="https://24.kz/kz/zha-aly-tar/sport/item/368024-anat-islam-zhatty-tyrushysymen-oshtasty">«Хабар 24»</a>.
Қанат Исламды соңғы екі жекпе-жегіне дайындаған қазақстандық маман&nbsp;Facebook-парақшасында боксшымен арадағы жұмысын тоқтатқаны жайлы мәлімдеді.
Айта кетейік, Қанат Ислам 26 қазан күні Алматыда жекпе-жек өткізіп, намибиялық&nbsp;Уолтер Каутондокваны (18-2, 11 КО) төрешілердің шешімімен жеңді.

Қанат Ислам жаттықтырушысымен қоштасты

<a href="https://kyzylorda-news.kz/">kyzylorda-news.kz</a>. Қызылорданың «Қайсар» командасы тағы екі футболшыны қатарына қосты, деп хабарлайды <a href="https://lenta.inform.kz/kz/futbol-kaysarga-kabo-verde-kuramasynyn-oyynshysy-keldi_a3603444">ҚазАқпарат</a>.
Биыл қызылордалық клубта Африка құрлығындағы Кабо-Верде құрамасының жартылай қорғаушысы Алвин Фортес өнер көрсетеді. Бүгінгі күнге дейін 25 жастағы ойыншы Финляндияның «ПС Кеми», Голландияның «Валвейк», «ТОП Осс», «Витесс ІІ», Түркияның «Болуспор», Грекияның «Верия», Чехияның «Зброёвка», Грузияның «Дила» клубтарының намысын қорғаған. 2018 жылдан бері Кабо-Верде құрамасында ойнайды.
Сондай-ақ, былтыр «Атырау» жейдесін киген қорғаушы Қуаныш Қалмұратов енді «Қайсар» қатарына қосылды. Ол 2014 жылдан бері «Атырау», елорданың «Астана-1964» командаларында шеберлігін шыңдаған. 2016-2018 жылдарда 21 жасқа дейінгі Қазақстан жастар құрамасында ойын көрсетті.
Бұдан бұрын «Қайсар» басшылығы қорғаушылар – Елдос Ахметов және Бағдат Қайыров, грузиялық шабуылшы Элгуджа Лобжанидземен&nbsp;келісімшартқа отырған&nbsp;болатын.
Айта кетейік, «Қайсар» 3-27 қаңтар аралығында Түркияның Анталия қаласында алғашқы оқу-жаттығу жиынын өткізеді. Қазір командада қазақстандық футболшылармен бірге Ресейден Алексей Шумских, Украинадан Ризван Аблитаров, Мозамбиктен Режиналдо Файфе, Португалиядан Нани сынақтан өтуде.

Футбол: «Қайсарға» Кабо-Верде құрамасының ойыншысы келді

<a href="https://kyzylorda-news.kz/">Kyzylorda-news.kz.</a> Орал қаласында волейболдан 2005-2006 жылдары туылған жасөспірімдер арасында Қазақстан Республикасының қысқы чемпионаты өтті.
Ел чемпионатында Сыр волейболшылары тағы да &nbsp;І орынды жеңіп алды.
Айта кетейік, осы жас ерекшелігі бойынша шеберлік байқасып жүрген жерлестеріміз Қазақстан Республикасының жазғы, күзгі жəне қысқы чемпионаттарына қатысып, төрт мәрте чемпион атанған болатын. Бұл – олардың бесінші жеңісі.
Команданы жарысқа Батырқожа Бабаев, Самат Сопбеков жəне Мұрат Мұхамадиев дайындады.
Сондай-ақ, Нұр-Сұлтан қаласында 2007-2008 жылдары туылған жасөспірімдер арасында өткен ҚР қысқы чемпионатында жерлестеріміз 1-орынды иеленді.
Команданы жарысқа Өтепберген Абдраманов дайындады.
2005-2006 ж.т жасөспірімдер арасында Бекнұр Сайрамбек, Руслан Қалдыбек, Жанарыс Əлден, Бекарыс Досмағамбетов, Нұрхат Кенжебек, ал 2007-2008 ж.т. жасөспірімдер арасында Ержігіт Айбекұлы, Əділет Амангелдіұлы, Ғазиз Ізатіллаұлы, Богдан Таланов, Дамир Ибрагим жəне Ғабиден Алтынбек жақсы ойын өрнегін көрсетіп, команданың алға шығуына өз үлестерін қосты.
<img src="https://kyzylorda-news.kz/wp-content/uploads/2020/01/syr-volejbolshylary-1.jpg" alt="" />

Сыр волейболшылары &#8211; жеңіс тұғырында

<a href="https://kyzylorda-news.kz/">Kyzylorda-news.kz.</a> Қызылорданың «Қайсар» командасының құрамы қазақстандық қорғаушы Бағдат Қайыровпен толықты.
Бағдат Қайыров 1993 жылы 17 сәуірде Ақтөбе қаласында дүниеге келген. Футболшылық ғұмырын 1992 жылы сол қаладағы «Ақтөбе-жас» командасынан бастады. 2015 жылы Ақтаудың «Каспий» командасында доп тепсе, 2016 жылдан бері «Ақтөбенің» намысын қорғады. Аталмыш ұжымда 102 ойын өткізіп, қарсыластар қақпасына 2 гол соқты. 2016 жылы «Ақтөбе» командасы сапында Еуропа лигасында ойнады.
Биыл «Қайсар» Еуропа лигасында бақ сынайды. Команда былтыр Қазақстан кубогына қол жеткізді. Қазіргі таңда Түркияда оқу-жаттығу жиынын өткізіп жүр. Команданың оқу-жаттығу жиынына қазақстандық футболшылармен бірге Ресейден Алексей Шумских, Украинадан Ризван Аблитаров, Мозамбиктен Режиналдо Файфе, Португалиядан Нани, Кабо-Верде елінен Элвин Фортес шақырту алды.

«Қайсардың» құрамына Бағдат Қайыров қосылды

<a href="https://kyzylorda-news.kz/">Kyzylorda-news.kz.</a> BoxingScene басылымы орта салмақтағы IBF және IBO тұжырымдары бойынша әлем чемпионы қазақстандық боксшы Геннадий Головкин&nbsp;(40-1-1, 35 КО) келесі жекпе-жегін қашан және кіммен өткізетінін хабарлады.&nbsp;
37 жастағы қазақстандық былғары қолғап шебері келесі жекпе-жегінде поляк боксшысы Камил Шереметаға (21-0, 5 КО) қарсы өткізуі мүмкін. Бокс кеші Чикаго қаласында өтеді деп күтілуде. Әзірге нақты қай уақытта өтетіні белгісіз. Кейбір дереккөздер Головкин 28 наурызда не сәуір айында шаршы алаңға шығады деп көрсетуде.
Бұған дейін&nbsp;Халықаралық бокс федерациясы&nbsp;(IBF) орта салмақта&nbsp;осы тұжырымның чемпионы, қазақстандық былғары қолғап шебері Геннадий Головкинге&nbsp;(40-1-1, 35 КО)&nbsp; титулға міндетті үміткер&nbsp;Камил Шереметаға қарсы жекпе-жекте&nbsp;белбеуін қорғауды міндеттеген болатын. Ал оған дейін&nbsp;Головкин мен Шеремета жекпе-жек үшін қанша сыйақы алатынын келіскен болатын.&nbsp;Поляк боксшысы бұл жекпе-жек үшін 235 мың еуро сыйақы алмақ. Бұл – оның мансабындағы ең қомақты қаражат.
30 жастағы Камил Шеремета мансабында 21 жекпе-жек өткізіп, бәрінде жеңіске жеткен. Оның бесеуін уақытынан бұрын аяқтаған екен.
Головкин мен Шеремета соңғы жекпе-жектерін өткен жылдың қазан айында Нью-Йорктегі&nbsp;Madison Square Garden кешенінде өткізген болатын. Поляк бокшысы мексикалық қарсыласы Оскар Кортесті нокаутқа түсірсе, қазақстандық былғары қолғап шебері украиналық Сергей Деревянченконы төрешілердің шешімімен жеңді.
Бүгінгі таңда Геннадий Головкин Business Insider басылымының нұсқасы бойынша қазіргі заманның үздік 15 боксшысының қатарына кіреді. Ол рейтингінің үздік ондығына енген. Көштің басын мексикалық&nbsp;Сауль “Канело” Альварес бастаса, екінші орынға украиналық Василий Ломаченко жайғасқан. Үздік үштікті тағы бір украиналық боксшысы Александр Усик түйіндеп тұр. 
** 
<a href="https://massaget.kz/layfstayl/sport/zhanalyktar/60222/">Massaget.kz</a>**

Головкин шаршы алаңға қашан оралады?

<a href="https://kyzylorda-news.kz/">Kyzylorda-news.kz.</a> Қызылорданың «Қайсар» командасы алғашқы оқу-жаттығу жиынын өткізу мақсатында Түркияға аттанды.
Бұл жөнінде команданың баспасөз қызметі мәлім етті. Оқу-жаттығу жиыны Түркияның Анталия қаласында өткізіледі. Қызылордалық клуб 3-23 қаңтар аралығында Анталияда екі жолдастық кездесу өткізуді жоспарлап отыр. Әзірге қарсыластар анықталуда.
«Қайсар» командасы әзірге кеткен және жаңа ойыншылар жөнінде ешқандай мәлімет берген жоқ. Дегенмен ақпарат көздерінде Джон Джошуа, Тигран Барсегян сынды футболшылар өзге клубтарға ауысатыны жөнінде хабарлады. Ал қорғаушы Александр Марочкин енді Қостанайдың «Тобыл» командасының намысын қорғайтыны белгілі болып отыр.
2019 жылы «Қайсар» Қазақстан кубогына қол жеткізді. Нәтижесінде биыл тұсаукесер ойынын Еуропа лигасы екінші кезеңінен бастайды. Сондықтан алдағы маусымға дайындықты тиянақты жүргізуді көздеп отыр.

«Қайсар» Түркияға оқу-жаттығу жиынына аттанды

<a href="https://kyzylorda-news.kz/">Kyzylorda-news.kz.</a> Допинг қолданғаны үшін айыпталған олимпиада қатысушылары да аз емес. Олардың басым бөлігі кәсби карьераларын аяқтады.
Допинг дауы саябырси бастағанда қазақстандық спортшылар тағы да допингпен&nbsp;ұсталды. Қазақстанның допингке қарсы орталығының мәліметінше, келесі бес ауыр атлеттің тыйым салынған препараттарды пайдаланғаны анықталған:
<ul>
<li>Асылжан Бектай (81 келі);</li>
<li>Әлішер Сейітқазы (102 келі);</li>
<li>Ерасыл Кеңесбаев (96 келі);</li>
<li>Гүлдана Жүніс (64 келі);</li>
<li>Аружан Көлбай (71 келі).</li>
</ul>
Тексеру барысында олардың қанынан&nbsp;“Тестостерон” анаболикалық стероиды&nbsp;табылған. WADA-ның тәуелсіз комиссиясы спортшыларды 2 жылға, ал олардың жаттықтырушыларын (Талғат Әбенов пен Айбол Көлбаев) 4 жылға спорттан аластады. 
Жоғарыда аталған орталықтың дерегінше, 2014 жылдан бері 115 қазақстандық спортшы және 3 бапкер допинг қолданғаны үшін жүлделерінен айрылып, бірнеше жылға үлкен спорттан шеттетілген. Ал жыл сайын тыйым салынған препаратқа құмар спортшылар саны артып келеді.
<ul>
<li>2014 жыл – 1 спортшы;</li>
<li>2015 жыл – 2 спортшы;</li>
<li>2016 жыл – 19 спортшы;</li>
<li>2017 жыл – 15 спортшы;</li>
<li>2018 жыл – 36 спортшы;</li>
<li>2019 жыл – 42 спортшы.</li>
</ul>
Спорттан шеттетілген спортшылардың толық тізімімен&nbsp;мына жердентанысуға болады.
Илья Ильин спорттағы биігіне қайта жете ме?
Допингпен ұсталып, бірақ кәсіби карьерасын қайта бастаған спортшылар да бар. Олардың бірқатары спортқа оралып қана қоймай, жеңіске де жеткен. Ауыр атлетикадан екі дүркін олимпиада, төрт дүркін әлем чемпионы атанған Илья Ильин де 2018 жылы карьерасын қайта жандандырды. Бірақ “допинг дауынан” (2008 және 2012 жылғы олимпиада ойындары кезінде қолданған) кейінгі жетістіктері көңіл көншітпейді.
Атлет 23 желтоқсанда лицензиялық Катар кубогына қатысып, 96 келі салмақ дәрежесінде 5-орынға ғана тұрақтады. Ол тұғырдағы 6 мүмкіндігінің екеуін ғана еңсерген. Жалпы нәтижесі – 365 келі (165+200).
Алтын медаль алған катарлық Ибрахим Әлбах 404, күміс алған ирандық Киануш Рустами 403, қола жүлдегер тағы бір ирандық Мири Әли 371 келіні көтерген. Қырғыз Бекдулат Расулбеков 370 келімен Ильиннен бір саты жоғары орналасқан. Жалпы, бұл сайысқа 19 спортшы қатысыпты.
Илья осыған дейін Азия чемпионатында – 5, Ұлыбритания ашық чемпионатында – 2, Токиодағы халықаралық жарыста – 8, ал әлем чемпионатында 13-орын алды. Бұдан кейін спортшының Токио олимпиадасына қатысу мүмкіндігі жоғары деп айту қиын.
Қай спорт түрінің өкілдері допингті жиі пайдаланады?
Жанкүйерлер әдетте ауыр атлеттер, балуандар және шаңғышыларды допингпен көп ұсталатын спортшылар ретінде біледі. Ал шын мәнінде біз елеусіз қалдыратын бірнеше спорт түрі бойынша тыйым салынған дәрілерді тұтыну жиі кездеседі. Олар:
<ul>
<li>Каноэде есу;</li>
<li>Бодибилдинг;</li>
<li>Дзюдо;</li>
<li>Таэквондо;</li>
<li>Жүзу;</li>
<li>Спорттық балық аулау;</li>
<li>Муайтай;</li>
<li>Пара-атлетика;</li>
<li>Армрестлинг;</li>
<li>Кір тасын көтеру.</li>
</ul>
Спортшылардың допингпен жиі ұсталуы елдің спорттағы сыртқы имиджіне де нұқсан келтіреді. Келешекте Халықаралық олимпиада комитеті мұндай мемлекетті үлкен додалардан да ығыстыруы мүмкін. Бұған Ресейдегі жағдай дәлел.
Желтоқсанның басында Халықаралық олимпиада комитеті Ресейді 2020 жылғы Токио олимпиадасына қатыстырмайтынын мәлімдеді. Сондай-ақ, Ресей 2032 жылғы олимпиада ойындарын өткізуге үміткер де бола алмайды. Ал допинг дауына ілікпеген Ресей спортшылары нейтрал мәртебемен Токио олимпиадасына қатыса алады. Олар жеңіске жеткен жағдайда өз елінің туы көтеріліп, әнұраны ойнатылмайды.
Ресей Федерациясының олимпиадалық командасы 2018 жылғы Пхёнчхан олимпиадасынан да шеттетілген еді.
Маңызды ақпарат:&nbsp;2019 жылы желтоқсанда президент Қасым-Жомарт Тоқаев “Спорт және дене шынықтыру туралы кейбір заңнамалық актілерге өзгертулер мен толықтырулар енгізу туралы” заң жобасына&nbsp;қол қойды. Заң бойынша спортшының допинг қабылдауына ықпал еткен адам әкімшілік жауапкершілікке тартылып,&nbsp;200 айлық есептік көрсеткішкөлемінде айыппұл салынбақ.
Заң бойынша допингпен ұсталған спортшыларға тағайындалуы мүмкін жазалар:
<ul>
<li>Жарыстардан шеттетіледі;</li>
<li>Спорттағы нәтижелері жойылады және біліктілік ұпайларынан айырылады, ақшалай сыйақылар қайтып алынады;</li>
<li>Спортшылар мен бапкерлерге өмір бойы ай сайын берілетін материалдық көмек тоқтатылады;</li>
<li>Спорттық атақтарынан айрылады;</li>
<li>Допингпен ұсталған Олимпиада, Паралимпиада, Сурдлимпиада жеңімпаздары мен жүлдегерлерімен тұрғын үй шартын бұзу қарастырылады;</li>
<li>Құрама және штаттық құрама командадан спортшылар мен жаттықтырушылар шығарылады.</li>
</ul>
Еске сала кетейік, келесі Токио олимпиада ойындары 7 айдан кейін, 2020 жылғы 24 шілде мен 9 тамыз аралығында өтеді.
<a href="https://informburo.kz/kaz/6-zhylda-115-sportshy-doping-oldanany-shn-ayyptalan-informburokz-sholuy.html">Informburo</a>

6 жылда 115 спортшы допинг қолданғаны үшін айыпталған.

&nbsp;Тағы бір жыл тарих қойнауына еніп барады. Осы ретте 2019 жылы қазақ спорты несімен есте қалды деген сауалға жауап іздеп көрсек.
20 жыл күткен алтын тағы да бұйырмады
Биыл еліміз күрес түрлерінен алғаш рет әлем чемпионатын қабылдады. 14-22 қыркүйек аралығында Нұр-Сұлтан қаласында өткен біріншілікке дүние жүзінің 100 елінен 1002 балуан келді. Жалпы 30 медаль жиынтығы сарапқа салынды.
“Барыс-Арена” бозкілемінде Олимпиада мен әлем чемпионатында бірнеше рет жеңіске жеткен еркін күрестің шеберлері америкалық Кайл Снайдер мен ресейлік Абдулрашид Садулаев, грек-рим күресінен екі дүркін Олимпиада чемпионы ресейлік Роман Власов секілді мықтылардың өнерін тамашаладық.
Өкініштісі, қазақ балуандары тағы да әлем чемпионатынан алтсынсыз қалды. Грек-рим күресінен Қазақстан балуаны соңғы рет 1999 жылы топ жарған. Одан бері 20 жыл өтті. 55 келі салмақтағы Қорлан Жақаншаның мүмкіндігі болып еді, бірақ ол финалда грузиннің Нугзари Цурцумия есімді жас баласынан жеңіліп қалды.
Ал еркін күрестен 65 жылдан бері чемпион шықпаған. Елімізге еркін күрес 1954 жылы келген екен. Содан бері бірде-бір балуанымыз тұғырдың ең жоғары сатысына көтеріле алмады. Бұл жолы үш қазақ финалға дейін жеткенімен, күмісті қанағат тұтты.
Нұр-Сұлтанда өткен әлем чемпионатында Дәулет Ниязбеков (еркін күрес, 65 келі), Нұрқожа Қайпанов (еркін күрес, 70 келі), Қорлан Жақанша (грек-рим күресі, 55 келі) күміс медальға қол жеткізсе, Нұрислам Санаев (еркін күрес, 57 келі), Мейрамбек Айнақұлов (грек-рим күресі, 60 келі), Алмат Кебіспаев (грек-рим күресі, 63 келі), Валентина Исламова (әйелдер күресі, 50 келі) қола жүлдеге қол жеткізді.
Элизабет қуантты
Жақында Қазақстанның ұлттық комитеті “Қысқы спорт түрлеріндегі үздік спортшы” аталымында мәнерлеп сырғанаудан Қазақстан жұлдызы Элизабет Тұрсынбаеваны марапаттады. Шынымен де, Элизабет биыл ерледі.
Осы мәнерлеп сырғанау спортында марқұм Денис Теннен кейін әлемдік деңгейде енді кім шығады-ау деп жүргенде Элизабет наурыз айында қуантып тастады. Қазақтың қаршадай қызы Сайтамада (Жапония) өткен әлем чемпионатында әйелдер арасындағы жарыста күміс медаль алды. Отандасымыз тек Олимпиада чемпионы ресейлік Алина Загитоваға есе жіберді.
Тұрсынбаева әлем чемпионатында тек күміс медаль алып қойған жоқ, ол негізгі бағдарламада 4 айналым сальхов (4S) элементімен секірді. Ол төрт айналым элемент секірген алғашқы мәнерлеп сырғанаушы қыз ретінде тарихқа есімін жазып қалдырды.
Батыр Бекзат
Қыркүйек айында Ресейдің Екатеринбург қаласында бокстан әлем чемпионаты өтті. Осы жарыста 81 келіде қарсылас шыдатқан жоқ. Жартылай финалда төрт дүркін әлем чемпионы, Рио Олимпиадасының жеңімпазы Ла Крузды жеңгенде көзіне жас алмаған қазақ болмаған шығар.
Бекзат Нұрдәулетов көпшілігімізге 2000 жылы құйрықты жұлдыздай ағып өткен Бекзат Саттархановтың есімін өшірмейтіндей көрінді. Сиднейде топ жарған ағасының спорттағы жетістігін Бекзат енді Токио төрінде қайталайды деп үміттенеміз.
Чемпионаттан кейін Маңғыстау облысының әкімі боксшыға Ақтау қаласынан екі бөлмелі үйді сыйға тартты. Ал Тәуелсіздік мерекесі қарсаңында&nbsp;президент Қасым-Жомарт Тоқаев “Құрмет” орденін табыстады.
Иесін тапқан алтын мен күміс медаль
Ұлттық Олимпиада комитетінің жылдың үздіктерін анықтауға арналған “Алтын Самғау-2019” жүлдесін табыстауға арналған салтанатты іс-шарада екі спортшымыз Олимпиада ойындарындағы жүлделеріне ие болды.
Нақтырақ айтсақ, допинг дауынан кейін 2008 жылғы Олимпиада ойындарының нәтижелері қайта қаралып, ауыр атлетика мен жеңіл атлетикадағы Қазақстанның көрсеткіштері өзгерген еді.
Алла Важенина 75 келіде 2008 жылғы Олимпиада ойындарының алтын жүлдегері атанды.&nbsp;
Ал Ольга Рыпакова өз туған күнінде үш қарғып секіруден Бейжің Олимпиадасының күміс жүлдесін ресми түрде иеленді.&nbsp;
Осылайша, Рыпакова Олимпиада ойындарындағы жүлделер жиынтығын толық еншіледі. Ол 2008 жылғы Бейжің Олимпиадасының күміс, 2012 жылғы Лондон Олимпиадасының алтын және 2016 жылғы Рио Олимпиадасының қола жүлдегері атанып отыр.
Хоккейден элиталық раундқа жолдама алды
Биыл елімізде алғаш рет шайбалы хоккейден әлем чемпионатының (1 дивизион, А тобы) ойындары өтті. 6 елдің ұлттық құрамалары элитаға берілетін қос жолдаманы сарапқа салды. Бұл екі жолдамаға Қазақстан мен Беларусь құрамалары ие болды.
Айтпақшы, Қазақстан осы іріктеуде өз тариxында алғаш рет Беларусь xоккейшілерін жеңді. Қазақстан өз тариxында тоғызыншы рет элиталық раундта өнер көрсететін болады.
“Манчестер Юнайтедті” жеңген күн
Елордаға Еуропа лигасының топтық кезеңі аясында атақты “Манчестер Юнайтед” клубы келді. “Астананың” өз алаңындағы Чемпиондар лигасының үш дүркін, Англияның бірнеше дүркін чемпионымен өтетін ойынды күткендер көп. Бірақ ағылшындар негізгі құрамдағы жұлдыздарын емес, жастарын әкелді. Бірінші таймда жеңіліп жатып, екінші кезеңде екі гол соғып , “Астана” жеңісті жұлып алды. Тарихта нәтиже қалады деген сөз бар. “Астананың” бұл жеңісін жоғары бағалауға болады.
Көптен күткен заң қабылданды
Биыл ҚР Мәдениет және спорт министрлігі допинг туралы жаңа заң жобасын әзірледі. Мәжіліс пен Сенатта талқыланып, кейіннен&nbsp;қолдау тапқан заң жобасына президент қол қойды.
Заң жобасы допингке қарсы ережелерді бұзғаны үшін жауапкершілікті қатаңдатуға, Допингке қарсы ұлттық ұйымның мәртебесін күшейтуге бағытталған.
Қолданыстағы заңнамаға допингке қарсы ережелерді бұзғаны үшін жауапкершілікті қатаңдату бойынша өзгерістер мен толықтырулар енгізу, атап айтқанда спортшыға допинг тағайындаған адамдарға қатысты әкімшілік жауапкершілікті енгізу қажеттілігі туындады, ол 200 айлық есептік көрсеткіш мөлшерінде айыппұл түрінде жазаны көздейді.
– дисквалификация;
– спортшының спорттық нәтижесін жою және біліктілік ұпайларын немесе балдарын алып тастау;
– ақшалай көтермелеуді қайтару;
– спортшылар мен жаттықтырушыларға өмір бойы ай сайынғы материалдық қамсыздандыруды төлеуді тоқтату;
– спортшыларға, жаттықтырушыларға және клуб командаларының басшыларына ай сайынғы ақшалай қамтуды тоқтату;
– спорттық атағынан айыру;
– Олимпиада, Паралимпиада және Сурдлимпиада ойындарының чемпионы және жүлдегері тұрғын үйді пайдалану шартын бұзу;
– спорт түрлері бойынша Қазақстан Республикасының құрама және штаттық құрама командаларының құрамынан спортшыларды, жаттықтырушыларды шығару.
Сондай-ақ, Заң жобасында Олимпиада, Паралимпиада және Сурдлимпиада ойындарының чемпиондары мен жүлдегерлеріне 10 жыл мерзімге жалға беру үшін тұрғын үй беру, сондай-ақ допинг-тестілерді сақтау мерзімі 10 жыл болуына байланысты осы мерзімге аталған тұрғын үйді иеліктен шығаруға тыйым салу көзделген және егер осы кезеңде сынамаларда допинг анықталмаса, тұрғын үй спортшының меншігіне берілетін болады.
<img src="https://kyzylorda-news.kz/wp-content/uploads/2019/12/2019-zhylghy-qazaq-sporty-nesimen-este-qaldy-2-1.jpg" alt="" />
<img src="https://kyzylorda-news.kz/wp-content/uploads/2019/12/2019-zhylghy-qazaq-sporty-nesimen-este-qaldy-alla-vazhenina-1.jpg" alt="" />
<img src="https://kyzylorda-news.kz/wp-content/uploads/2019/12/2019-zhylghy-qazaq-sporty-nesimen-este-qaldy-batyr-bekzat-1.jpg" alt="" />
<img src="https://kyzylorda-news.kz/wp-content/uploads/2019/12/2019-zhylghy-qazaq-sporty-nesimen-este-qaldy-manchester-junajted-1.jpg" alt="" />
<img src="https://kyzylorda-news.kz/wp-content/uploads/2019/12/2019-zhylghy-qazaq-sporty-nesimen-este-qaldy-olga-rypakova-1.jpg" alt="" />
<img src="https://kyzylorda-news.kz/wp-content/uploads/2019/12/2019-zhylghy-qazaq-sporty-nesimen-este-qaldy-hokkej-1.jpg" alt="" />
<a href="https://baq.kz/news/othernews/2019-zhylgy-qazaq-sporty/">BAQ.KZ</a>

2019 жылғы қазақ спорты несімен есте қалды?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Business Insider&nbsp;басты үш критерийді негізге ала отырып қазіргі заманның үздік 15 боксшысының тізімін жариялады, деп хабарлайды <a href="http://lenta.inform.kz/kz/gennadiy-golovkin-alemnin-uzdik-10-boksshysynyn-katarynan-korindi_a3598629">ҚазАқпарат</a>.
53 жеңіс (36 нокаут), бір жеңіліс және екі тең нәтижемен Сауль «Канело» Альварес әлемнің үздік боксшыларының көшін бастап тұр.
Украиналық Василий Ломаченко екінші орынға жайғасқан. Ол 14 жеңіс (10 нокаут) және бір жеңіліс иесі.
Үшінші орынды аса ауыр салмақтағы жеңілмеген Украина боксшысы Александр Усик иеленіп тұр. Ол 17 рет жеңіске жеткен (13 нокаут).
Қазақстан боксының жұлдызы, орта салмақтағы IBF және IBO нұсқалары бойынша Әлем чемпионы Геннадий Головкин 9-орынға жайғасты. Оның қоржынында 40 жеңіс (35 нокаут), бір жеңіліс және бір тең нәтиже бар. «Big Drama Show» сөзімен танылған спортшы рейтингтегі құрметті орынға бекер жайғасқан жоқ.
Естеріңізге сала кетейік, Головкин әуелде әуесқой боксшы ретінде шығып, 2003 жылғы Әлем чемпионатында алтын медаль, ал 2004 жылғы Олимпиада ойындарында «күміс» алған.
Бірнеше жылдан кейін ол кәсіпқой боксқа ауысып, төрт жылдан соң әлемнің уақытша чемпионы деген алғашқы атағын жеңіп алды. Соққысының қуатты болуы арқасында ол талантты боксшыға айналды.
2017 жылы Канелоға қарсы жекпе-жектегі тең нәтиже мен реванш кезіндегі жеңілісі – Головкин мансабындағы даулы сәттер.
Айта кетейік, Геннадий украиналық боксшы Сергей Деревянченкомен болған соңғы кездесуінде орта салмақтағы Әлем чемпионы белбеуін қайтарып алды.

Қазақстан және Қызылорда облысының жаңалықтары: Спорт

Қызылордада Камал Шөкеновті еске алуға арналған шағын-футболдан турнир өтеді

Қызылорданың 578 спортшысы ұлттық құрама сапында

Қызылордада шағын футболдан қайырымдылық ойыны ұйымдастырылды (ФОТО)

Қанат Ислам жаттықтырушысымен қоштасты

Футбол: «Қайсарға» Кабо-Верде құрамасының ойыншысы келді

Сыр волейболшылары – жеңіс тұғырында

«Қайсардың» құрамына Бағдат Қайыров қосылды

Головкин шаршы алаңға қашан оралады?

«Қайсар» Түркияға оқу-жаттығу жиынына аттанды

6 жылда 115 спортшы допинг қолданғаны үшін айыпталған.

2019 жылғы қазақ спорты несімен есте қалды?

Геннадий Головкин әлемнің үздік 10 боксшысының қатарынан көрінді

Қазақстан және Қызылорда облысының жаңалықтары: Спорт

Қызылордада Камал Шөкеновті еске алуға арналған шағын-футболдан турнир өтеді

Қызылорданың 578 спортшысы ұлттық құрама сапында

Қызылордада шағын футболдан қайырымдылық ойыны ұйымдастырылды (ФОТО)

Қанат Ислам жаттықтырушысымен қоштасты

Футбол: «Қайсарға» Кабо-Верде құрамасының ойыншысы келді

Сыр волейболшылары &#8211; жеңіс тұғырында

«Қайсардың» құрамына Бағдат Қайыров қосылды

Головкин шаршы алаңға қашан оралады?

«Қайсар» Түркияға оқу-жаттығу жиынына аттанды

6 жылда 115 спортшы допинг қолданғаны үшін айыпталған.

2019 жылғы қазақ спорты несімен есте қалды?

Геннадий Головкин әлемнің үздік 10 боксшысының қатарынан көрінді

Сыр волейболшылары – жеңіс тұғырында