<a href="https://kyzylorda-news.kz/">Kyzylorda-news.kz.</a> Дәл қазір қазақстандық «Қайсар» UEFA Еуропа лигасы екінші іріктеу сатысында Кипрдің АПОЭЛ клубымен кездесіп жатыр, деп хабарлайды <a href="https://lenta.inform.kz/kz/europa-ligasy-kaysar-karsylasynan-zhenilip-zhatyr_a3695896">ҚазАқпарат</a>.
Ойын Шымкент қаласындағы Қажымұқан Мұңайтпасов атындағы стадионда өткізілуде. Жеңімпаз бір ғана ойыннан анықталады.
Бірінші кезеңнен кейін «Қайсар» қарсыласынан 1:2 есебімен жеңілуде.
Алдымен 6-минутта «Қайсар» сапынан Элгуджа Лобжанидзе есеп ашқан болатын. Оған 15-минутта АПОЭЛ футболшысы Де Винсенти Томас бір голмен жауап қайырды. Ал 25-минутта кипрлік команда құрамынан Тухами Ануар өз командасын алға шығарды.
<a href="https://www.inform.kz/kz/europa-ligasy-kaysar-tazhiribeli-karsylasyn-zhene-ala-ma_a3695577">Кипрлік команда</a>&nbsp;жылма-жыл еурокубок ойындарында ойын көрсетіп келеді. Клуб 1926 жылы ел астанасы – Никосия қаласында құрылған. Содан бері 28 мәрте чемпиондық атаққа қол жеткізді.
Сондай-ақ, бүгін елордалық «Астана» Алматы қаласында Черногорияның «Будучность» командасын қабылдаса, «Қайрат» Израильде жергілікті «Маккаби» (Хайфа) клубымен шеберлік байқасады.

Еуропа лигасы: «Қайсар» қарсыласынан жеңіліп жатыр

<a href="https://kyzylorda-news.kz/">Kyzylorda-news.</a> Бүгін қазақстандық «Қайсар» UEFA Еуропа лигасы екінші іріктеу сатысында Кипрдің АПОЭЛ клубымен кездеседі, деп хабарлайды <a href="https://lenta.inform.kz/kz/europa-ligasy-kaysar-tazhiribeli-karsylasyn-zhene-ala-ma_a3695577">ҚазАқпарат</a>.
Естеріңізге сала кетелік, бұл кездесу қызылордалық команданың еурокубок ойындарындағы тұсаукесер ойыны болмақ. Бұл мүмкіндікке «Қайсар» 2019 жылы Қазақстан кубогын алғаннан кейін қол жеткізді.
Қызылордалық командаға тәжірибелі клуб жолықты. Жанкүйерлер АПОЭЛ клубының әлеуетін жақсы біледі. Кипрлік команда жылма-жыл еурокубок ойындарында ойын көрсетіп келеді. Клуб 1926 жылы ел астанасы – Никосия қаласында құрылған. Содан бері 28 мәрте чемпиондық атаққа қол жеткізді.
Биыл аталған команда өз елінде қола жүлдені қанағат тұтты. Сәтсіздікке байланысты норвег маманы Коре Ингебригтсен қызметінен кетті. Бүгінде ол қызметті грекиялық Маринос Узунидис атқарады. Ол 2002 жылы АПОЭЛ сапында ел чемпионы атанған еді. Ал 2007 жылы бас бапкер ретінде кипрлік клубпен бірге чемпион болды.
Өз елінің доп додасындағы сәтсіздіктен кейін биыл команда құрамында да көптеген өзгеріс жасалды. Келісім-шарт мерзімінің бітуіне байланысты ұзақ жылдан бері негізгі қақпашы болған нидерландтық Бой Ватерман мен грекиялық Праксителис Вурос, швециялық Линус Халлениус, кипрлік Андреас Макрис, Андреас Параскевас, Андреас Артемиу, Стафис Алонефтис өзге клубтарға ауысып кетті. Олардың орнына иорданиялық Омар Хани, македониялық Урош Матич, бразилиялық Алеф, словениялық Вид Белец, сербиялық Андрия Павлович, Милан Евтович, исландиялық Бьорн Сигурдарсон, португалдық Андре Видигал келді.
«Қайсар» мен АПОЭЛ командалары арасындағы ойын бүгін, 17 қыркүйекте елорда уақытымен 18.00-де басталады. Кездесу Шымкент қаласындағы Қ.Мұңайтпасов атындағы стадионда болады.

Еуропа лигасы: «Қайсар» тәжірибелі қарсыласын жеңе ала ма?

<a href="https://kyzylorda-news.kz/date/2020/09/16/">Kyzylorda-news.kz.</a> Пандемияға байланысты Токио Олимпиадасы 2021 жылға ауыстырылғаны белгілі. Байрақты бәсекеде ел намысын Сырдың екі спортшысы қорғайды. ҚР еңбек сіңірген спорт шеберлері, боксшы Қамшыбек Қоңқабаев пен балуан Дәулет Ниязбеков.
<blockquote>
 «Өздеріңізге белгілі ешқандай спорттық жарыстар өтіп жатқан жоқ. Елімізде енді ғана карантин талаптары жеңілдетіліп, спортшылар жаттығуларына кірісті. Боксшы Қамшыбек Қоңқабаев шеберлігін шыңдау үшін ұлттық құраманың бапкерімен келісіп, кәсіпқой боксқа ауысты. Яғни, мықты қарсыластармен бокстасу арқылы тәжірибесін толыстырады. Бұл Олимпиадаға қатыспайды деген сөз емес. Дәулет Ниязбековтың да дайындығы бақылауымызда. Екі спортшымыздан көп үміт күтеміз, – деді облыстық дене шынықтыру және спорт басқармасының басшысы Жақсылық Оспанов журналистерге арналған баспасөз мәслихатында.
</blockquote>
Дүниежүзілік дода жолдамасы әлі де үлестіріледі. Сыр өңірінен каратэ-додан Әлем чемпионы Мөлдір Жаңбырбай, стенд атудан Әлем кубогының жүлдегері Максим Коломоец, байдарка және каноэде есуден Азия чемпионы Гүлжайна Тыныбековалар алдағы уақытта лицензиялық жарыстарға қатысатын болады.

Токио Олимпиадасында ел намысын Сырдың екі спортшысы қорғайды

<a href="https://kyzylorda-news.kz/">Kyzylorda-news.kz</a>. Бірер күннен соң Сыр бойының бас командасы кипрлік АПОЭЛ-ға қарсы ойын өткізеді. Тарихи матчқа Қайсар командасы тас түйін дайын. Командада жарақат алған ойыншылар жоқ. Бұл туралы бүгін Өңірлік коммуникациялар қызметінің ақпарат алаңында өткен онлайн брифингте команда капитаны Асхат Тағыберген мәлімдеді.
Қызылордалық “Қайсар” 17 қыркүйекте Еуропа Лигасындағы жорығын бастайды. Қарсыласы өз елінің 28 дүркін жеңімпазы, кипрлік АПОЭЛ. Еуро додаларда жақсы нәтиже көрсетіп жүр. 
“Біздің команданың әлеуеті көңіл қунатады. Соңғы турларда фаворит командалармен кездесіп, әзірлікті пысықтадық.
Қазіргі таңда Шымкент қаласындағы базада физикалық оқу-жаттығу жұмыстарын үздіксіз жүргізудеміз. Футболшыларда жарақат жоқ, барлығының алаңға шығуға мүмкіндігі бар. Жауапты ойында алаңға шығатын ойыншылар әлі нақтыланған жоқ. Құрамдағы барлық футболшылардың Еуропа лиигасында дебютті ойынға дайындықтары жоғары” – деді команданың сарапшы бапкері Қанат Шерімбетов.
«Дала қасқырлары» ел біріншілігінде 4 жеңіс, 1 тең, 2 жеңілісі бар. 13 ұпаймен төртінші орында келеді. Ал «Қайсардың» қарсыласы АПОЭЛ өз чемпионатында 3 матч өткізіп, 4 ұпаймен 7-ші орында.
<img src="https://kyzylorda-news.kz/wp-content/uploads/2020/09/119673385_1115686712160173_1429761112554293732_o.jpg" alt="" />
<img src="https://kyzylorda-news.kz/wp-content/uploads/2020/09/119646062_1115686625493515_1806953072268350193_o.jpg" alt="" />

&#8220;Қайсар&#8221; Еуропа лигасындағы алғашқы матчын өткізеді

<a href="https://kyzylorda-news.kz/date/2020/09/15/">Kyzylorda-news.kz.</a> Облыстық дене шынықтыру жəне спорт басқармасының ұйымдастыруымен “ZOOM” бағдарламасы бойынша онлайн жүйеде футбол фристайлынан Қызылорда облысының жекелей жарысы өтті.
Екінші мəрте ұйымдастырылған тартысты жарысқа Қызылорда қаласы мен аудандардан 15-16 жəне 18 жастан жоғары 25 спортшы қатысты.
Жарыс нəтижесінде 18 жастан жоғары спортшылар арасында Мейіржан Əбішбековке тең келер ешкім болмады.
Ол 20 минут үздіксіз допты жерге түсірмей, қарсыластарынан басым түсті. Мейіржанның бұл спорт түрімен айналысып жүргеніне 4 жылдай уақыт болды. Бұл ойынды ол əлемдік деңгейдегі фристайлшы Сиан Гарньерге қарап үйренген. Жас фристайлшы Қазақ спорт жəне туризм Академиясының 2-курс студенті. Оның мақсаты – келешекте футбол мектебін ашып, жас жеткіншектерді осы спорт түріне баулу.
Сырдария ауданының спортшылары Мұхтар Əбжапбаров екінші, Даулет Шакратов үшінші орындарды иеленді.
15-16 жас аралығында қазалылық Диас Жұмағұлов чемпион атанса, Жалағаш спортшылары Азиз Махмуд – күміс, Диас Сағымбай – қола жүлделерге қол жеткізді.
Жеңімпаздар мен жүлдегерлерге диплом, естелік сыйлықтар берілді.
<img src="https://kyzylorda-news.kz/wp-content/uploads/2020/09/119606165_2665364897057506_2785237450999666595_n.jpg" alt="" />
<img src="https://kyzylorda-news.kz/wp-content/uploads/2020/09/119613378_2665365063724156_8588216276499873803_n.jpg" alt="" />

Қызылордалық футбол фристайлшысы онлайн жарыстың жеңімпазы атанды

<a href="https://kyzylorda-news.kz/">Kyzylorda-news.kz.</a> Қазақстандық ауыр атлет Илья Ильин Қазақстан спортшылар одағы Қызылорда облыстық филиалының басшысы болды, деп хабарлайды <a href="https://lenta.inform.kz/kz/il-ya-il-in-kazakstan-sportshylar-odagynyn-filialyna-basshylyk-etetin-boldy_a3692834">ҚазАқпарат</a>.
<blockquote>
 «Бүгін сіздермен жақсы жаңалықпен бөліскім келіп отыр. Мен Қазақстан спортшылар одағының&nbsp;<a href="https://www.instagram.com/sportodagy/">@sportodagy</a>&nbsp;Қызылорда облысы бойынша филиалын басқара бастадым… Туған өңірімде спортты дамыту бойынша үлкен жоспарларым бар. Өз алдыма үлкен мақсаттар қойып отырмын және оларды міндетті түрде жүзеге асырамыз деп үміт артамын!», – деп жазды И.Ильин&nbsp;<a href="https://www.instagram.com/p/CE6i1mwByVi/">Instagram-дағы парақшасында.</a>
</blockquote>
Сондай-ақ спортшы аталмыш филиал ресми түрде 2020 жылдың 1 қыркүйегінде тіркелгенін мәлім етті.
Айта кетейік, бүгінде Илья Ильин Қызылорда облыстық Дене шынықтыру және спорт басқармасына қарасты «Мұз айдыны» спорт кешенінің&nbsp;<a href="https://www.inform.kz/kz/il-ya-il-in-kyzylordadagy-muz-aydyny-sport-kesheninin-direktory-kyzmetine-tagayyndaldy_a3648307">директоры.</a>

Илья Ильин Қазақстан спортшылар одағының филиалына басшылық ететін болды

<a href="https://kyzylorda-news.kz/date/2020/09/03/">Kyzylorda-news.kz.</a> Қазіргі таңда спортпен шұғылданамын деген жас жеткіншектерге жағдай жасалынған. Көптеген елді мекендерде спорт кешендері салынғалы, салауатты өмір салтын ұстанушылар қатары артты.
Мемлекет Басшысы кезекті Жолдауында бұқаралық спортқа, дене тәрбиесіне және балаларға басымдық беру керек. Әр облыста, ірі аудан орталықтарында спорт үйірмелерін ашу қажет екенін атап өтті.
Жалпы облыста 21 балалар мен жасөспірімдер спорт мектептерінде 20 147 оқушы 45 спорт түрімен тегін шұғылданады. Оған қоса Қызылорда қаласы мен аудандарда тұрғындардың барлық жас деңгейін қамтитын бір-бірден дене шынықтыру-сауықтыру клубтары жұмыс жасайды. Келешекте, осы бағытта, қала және аудан әкімдіктерімен бірлесіп жұмыстарды жалғастырамыз.
Бұқаралық спортты дамытудағы аса маңызды мәселелердің бірі – спорттық инфрақұрылым жасау. Осы орайда биыл мемлекеттік – жекешелік әріптестік аясында жоспарланған 12 жобаның бесеуі іске қосылса, қалған жетеуі және облыстың әлеуметтік-экономикалық дамытудың 2019-2022 жылдарға арналған кешенді жоспарына сәйкес 5 жобаны кезең-кезеңімен жүзеге асыруды көздеп отырмыз.
Әлемді жайлаған пандемия кезінде дене шынықтырудың маңызы артты, сол себепті біз, дене шынықтыру және спортпен шұғылдану дағдыларын әр тұрғын бойында қалыптастыруға жұмыс жасайтын боламыз. Ол үшін бар күшті біріктіруіміз қажет.
Жақсылық Оспанов,
Қызылорда облысының дене шынықтыру және спорт басқармасының басшысы
<img src="https://kyzylorda-news.kz/wp-content/uploads/2020/09/118770207_4996793353680178_5450780472564871596_o.jpg" alt="" />

Жақсылық Оспанов: Дені сау ұрпақ – ұлт болашағы

Kyzylorda-news.kz. Еуропа лигасының жеребе тәрту рәсімінде қызылордалық “Қайсардың” қарсыласы анықталды.
Жеребеге сәйкес екінші раундта қасқырлар кипрлік “Апоэлмен” күш сынасады. Кездесу 17 қыркүйекте Шымкент қаласында өтеді.

&#8220;Қайсар&#8221; командасы енді кіммен бақ сынасады

<a href="https://kyzylorda-news.kz/">Kyzylorda-news.kz.</a> Қазақстан Республикасының Конституция күніне орай қоссырықта қолды бүгіп жазудан (отжимания на брусьях) ерлер арасында Қызылорда облысының жекелей жарысы өтті.
Облыстық дене шынықтыру жəне спорт басқармасының ұйымдастыруымен онлайн жүйеде алғашқы мəрте өткізілген жарысқа 18-23 жəне 24-29 жас аралығында 23 спортшы бақ сынасты.
Сайыс нəтижесінде Арал ауданының спортшылары мықтылықтарын дəлелдеп, үздіктер қатарынан көрінді. Атап айтсақ, 18-23 жас аралығында аралдық Данияр Кеңесов І орынды жеңіп алса, ІІ орынды жаңақорғандық Қанжарбек Əбділдаев, ІІІ аралдық Рауан Амангелдиев иеленді.
24-29 жас аралығында Арал ауданының спортшысы Ғазиз Бектұрсын чемпион атанса, жалағаштық Ербол Ерғалиев ІІ орынды, аралдық Ақберен Қуандықов ІІІ орынды еншіледі.
Жеңімпаздар медаль және дипломдармен марапатталды.
<img src="https://kyzylorda-news.kz/wp-content/uploads/2020/08/fb_img_1598586921993.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598586935494.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598586929855.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598586927344.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598586938355.jpg" alt="" />

Қызылордада қолды бүгіп жазудан онлайн сайыс өтті

<a href="https://kyzylorda-news.kz/date/2020/08/26/">Kyzylorda-news.kz.</a> Облыстық олимпиадалық резервтің мамандандырылған балалар-жасөспірімдер спорт мектептеріне спорттық секцияларға қабылдау жыл бойына жүргізіледі.
Қаладағы алты спорт мектебіне балаларды қабылдау жөнінде ақпараттар ретімен жарияланады.
<a href="https://www.facebook.com/hashtag/1%D0%BE%D1%80%D0%BC%D0%B1%D0%B6%D0%BC?__eep__=6&source=feed_text&epa=HASHTAG">#1ОРМБЖМ</a>-і бойынша алғашқы дайындық тобының бірінші оқу жылына (АДТ -1) төмендегі спорт түрлерінен жасөспірімдерді ақысыз қабылдау жүргізілуде.
таеквондо (8-10 жас);
белбеу күресі (10 жас);
қазақ күресі, самбо (9-11 жас);
кикбоксинг (10-12 жас);
Мекен-жайы: Бұқарбай батыр 113 г (бұрынғы аквапарк), 24-51-84.
<img src="https://kyzylorda-news.kz/wp-content/uploads/2020/08/118594124_4948664081826439_8534554965990241825_o.jpg" alt="" />

Қызылорда: Спорт мектептеріне балалар ақысыз қабылданады

<a href="https://kyzylorda-news.kz/date/2020/08/24/">Kyzylorda-news.kz.</a> Алматыда MTK Kazakhstan промоутерлік компаниясының ұйымдастыруымен өткен бокс кешінде Тұрсынбай Құлахмет жеңіске жетті. Бұл туралы prosports.kz хабарлады.
Бокс кешінің негізгі карды аясында кәссіпқой бокста тәжірибелі Сағадат Рахманқұлов (6-1-0) пен әуесқой бокста атой салған Тұрсынбай Құлахмет кездесті.&nbsp;
Жекпе-жек төртінші раундтан кейін тоқтатылды. Жарақат алған Сағадат кездесуді жалғастыра алмады. Сөйтіп, Тұрсынбай кәсіпқой бокстағы мансабын сәтті бастады.&nbsp;
Айта кетейік, әуесқой бокста 75 келіге дейінгі салмақ дәрежесінде өнер көрсеткен Тұрсынбай Құлахмет кәсіпқой боксқа биыл жыл басында ауысқан.&nbsp;
Ол 2019 жылы Азия чемпионатында, кейін ҚР Президенті кубогында жеңіске жетті. Екатеринбургте өтен әлем чемпионатында филипиндік Эумир Марсьяльдан жартылай финалда жеңілді.

Тұрсынбай Құлахмет кәсіпқой боксты жеңіспен бастады

<a href="https://kyzylorda-news.kz/">Kyzylorda-news.kz.</a> Қызылордалық “Қайсар” Olimpbet Қазақстан біріншілігінің 5-турында “Жетісумен” жолықты.
Стойчо бапкер өткен турдағы құрамға сәл өзгеріс енгізді. Бірніші минуттан алаңға Элгуджа Лобжанидзе беттеді. Ойынның алғашқы жартысында қос қарсылас бір-бірінен бағамдап, аса қауіпті шабуылдар ұйымдастыра қоймады.
Кездесудің шешуші сәті екінші таймда тіркелді. 75 минутта сол қапталдан Максим Фединнің асырған пасына шабуылшы Элгуджа Лобжанидзе бірінші жетіп, әуедегі допты қайшылап теуіп, қақпа торына енгізді.
Таблодағы есеп ашылғаннан кейін Дмитрий Огай бар шабуылшысын алаңға шығарды. Дегенмен, қасқырлардың қорғанысы сыр бермеді. Осылайша “Қайсар” чемпионаттағы 3 жеңісіне қол жеткізіп, турнирлік кестеде ІІІ-орынға жайғасты.

Қазақстан және Қызылорда облысының жаңалықтары: Спорт

Еуропа лигасы: «Қайсар» қарсыласынан жеңіліп жатыр

Еуропа лигасы: «Қайсар» тәжірибелі қарсыласын жеңе ала ма?

Токио Олимпиадасында ел намысын Сырдың екі спортшысы қорғайды

“Қайсар” Еуропа лигасындағы алғашқы матчын өткізеді

Қызылордалық футбол фристайлшысы онлайн жарыстың жеңімпазы атанды

Илья Ильин Қазақстан спортшылар одағының филиалына басшылық ететін болды

Жақсылық Оспанов: Дені сау ұрпақ – ұлт болашағы

“Қайсар” командасы енді кіммен бақ сынасады

Қызылордада қолды бүгіп жазудан онлайн сайыс өтті

Қызылорда: Спорт мектептеріне балалар ақысыз қабылданады

Тұрсынбай Құлахмет кәсіпқой боксты жеңіспен бастады

“Қайсар” Алматыда екінші жеңісіне қол жеткізді

Қазақстан және Қызылорда облысының жаңалықтары: Спорт

Еуропа лигасы: «Қайсар» қарсыласынан жеңіліп жатыр

Еуропа лигасы: «Қайсар» тәжірибелі қарсыласын жеңе ала ма?

Токио Олимпиадасында ел намысын Сырдың екі спортшысы қорғайды

&#8220;Қайсар&#8221; Еуропа лигасындағы алғашқы матчын өткізеді

Қызылордалық футбол фристайлшысы онлайн жарыстың жеңімпазы атанды

Илья Ильин Қазақстан спортшылар одағының филиалына басшылық ететін болды

Жақсылық Оспанов: Дені сау ұрпақ – ұлт болашағы

&#8220;Қайсар&#8221; командасы енді кіммен бақ сынасады

Қызылордада қолды бүгіп жазудан онлайн сайыс өтті

Қызылорда: Спорт мектептеріне балалар ақысыз қабылданады

Тұрсынбай Құлахмет кәсіпқой боксты жеңіспен бастады

&#8220;Қайсар&#8221; Алматыда екінші жеңісіне қол жеткізді

“Қайсар” Еуропа лигасындағы алғашқы матчын өткізеді

“Қайсар” командасы енді кіммен бақ сынасады

“Қайсар” Алматыда екінші жеңісіне қол жеткізді