<a href="https://kyzylorda-news.kz/">Kyzylorda-news.kz.</a> &nbsp;Нұр-Сұлтан қаласында парадзюдодан ерлер және әйелдер арасында Қазақстан Республикасының чемпионаты өтті.
Жарыс нəтижесінде қызылордалық спортшылар 1 алтын, 2 күміс медаль иеленді.
Əр кездесуінде қарсыластарынан басым болған Даяна Федосова 57 келіде алтын медаль иегері атанып, жеңіс тұғырының ең биік сатысына көтерілді.
Ал 78 келіден жоғары салмақта өнер көрсеткен Айдана Кенжебай мен Əсем 
Аманбек күміс жүлделерді еншіледі.
Енді спортшылар сəуір айында Ұлыбританияда парадзюдодан өтетін Гран-при жарысына қатысуға дайындалады.
Спортшыларды жарысқа Жанарбек Сансызбаев, Қайрат Баякенов, Руслан Беркімбай жəне Қайрат Төленов дайындады.
<img src="https://kyzylorda-news.kz/wp-content/uploads/2020/02/7paraduzo2.jpg" alt="" />

Қызылордалық парадзюдошылар Ұлыбританияда өтетін жарысқа жолдама алды

<a href="https://kyzylorda-news.kz/">Kyzylorda-news.kz.</a> &nbsp;8 ақпан күні ауыр атлетикадан халықаралық бірлік чемпионаты басталады, деп хабарлайды <a href="https://olympic.kz/kk/article/10867">Olympic.kz</a>.
Аталған додаға қатысатын Қазақстан құрамасы қазіргі таңда Шымкент қаласында дайындықтарын пысықтап жатыр.
Өзбекстан астанасы Ташкентте ел сапынан 4 спортшы шығады. Игорь Сон (61 кг), Илья Ильин (102 кг), Ибрагим Берсанов (109 кг) және Раушан Мешітханова (81 кг). Турнир 12 ақпанға дейін жалғасады.

Илья Ильин Ташкентте өтетін халықаралық турнирге қатысады

<a href="https://kyzylorda-news.kz/">Kyzylorda-news.kz.</a> Маңғыстау облысы Ақтау қаласында қазақ күресінен 2005-2006 жылы туылған жасөспірімдер арасында Қазақстан Республикасының чемпинаты өтті.
Бұл додадан қызылордалық боз кілем шеберлері үздік көрсеткішпен оралды.
Жасөспірімдер арасында облыстың аға жаттықтырушысы Берік Қасымбеков бастаған Сыр балуандары 2 алтын, 2 күміс, 1 қола медальмен жалпы командалық есепте бірінші орынды иеленді.
Жерлестеріміз 42 келі салмақта Мейіржан Ержігіт пен 75 келіде Мұхамеджан Бейсенбай Қазақстан жеңімпазы атанды. Қос спортшы ақтық белдесуде Түркістан облысының спортшыларымен кездесіп, Мейіржан айқын басымдықпен жеңсе, Мұхамеджан таза жеңіспен тізе бүктірді.
55 келіде өнер көрсеткен Мұрат Тілекжан мен 75 келіден жоғары салмақта Мақсат Елеусинов күміс, 38 келіде Мырзабек Мұстафаев қола жүлделерге ие болды.
Спортшылар алдағы уақытта халықаралық жарыстарға дайындалады.
<img src="https://kyzylorda-news.kz/wp-content/uploads/2020/02/6kures2.jpg" alt="" />
<img src="https://kyzylorda-news.kz/wp-content/uploads/2020/02/6kures3.jpg" alt="" />

Қазақстан чемпионатында қызылордалық балуандар бірінші орынды жеңіп алды

<a href="https://kyzylorda-news.kz/">Kyzylorda-news.kz.</a> Футзалдан Қазақстан құрамасы әлем чемпионаты финалдық кезеңіне жолдама алды, деп хабарлайды <a href="https://www.inform.kz/kz/kazakstan-futzaldan-alem-chempionatynyn-finaldyk-kezenine-shykty_a3611539">ҚазАқпарат</a>.
Әлем чемпинаты элиталық сатысы топтық кезеңіндегі соңғы кездесуінде Қазақстан құрамасы Чехияны жеңді. Қазақстан құрамасы алғашқы минуттан ойын тізгінін қола алды. Нәтижесінде небәрі төрт минут ішінде қарсылас қақпасына үш голғып үлгерді. Алғашқы екі голды 3 және 4-минуттарда Дуглас Жуниор соқса, сол 4-минутта Тайнан есепті үстемелей түсті. Ал екінші кезеңнің 23-минутында Дуглас Жуниор хет-трик жасады. Ойынның 36-минутында чехтар бір гол соқты. Қазақстандық ойыншы Тайнан 38-минутта бос қақпаға гол соғып кетті. Ойынның бітуіне 28-секунд қалғанда чехтар тағы бір мәрте мергендік танытты. Кездесуде Қазақстан Чехияны 5:2 есебімен жеңді.
Осылайша Қазақстан өз тарихында үшінші мәрте әлем чемпионаты финалдық кезеңіне жолдама алып отыр.
Әлем чемпионаты элиталық сатысы топтық кезеңінде бірінші орын алған Португалия, Испания, Ресей құрамалары финалдық сатысына тікелей жолдама алған болатын.
Естеріңізге сала кетелік, әлем чемпионатының финалдық кезеңі 2020 жылдың 12 қыркүйек – 4 қазан аралығында Литвада өтеді. Онда барлығы 24 құрама сынға түседі. Әрбір топта жеңімпаз атанған төрт құрама турнирдің финалдық кезеңіне тікелей жолдама алады. Ал өз тобында екінші орын алған төрт құрама қосымша екі жолдаманы сарапқа салады. Мұндай мүмкіндікке Финляндия, Сербия, Хорватия және Чехия құрамалары ие болып отыр.

Қазақстан футзалдан әлем чемпионатының финалдық кезеңіне шықты

<a href="https://kyzylorda-news.kz/">Kyzylorda-news.kz.</a> Түркістан облысы Шымкент қаласы Сайрам ауданында волейболдан халықаралық турнир өтті.
Жарысқа Түркістан, Шымкент, Тараз, Қарабұлақ, Қызылорда жəне Өзбекстаннан алты команда қатысты. Жарыста қызылордалық «Қайсар» волейбол командасы жеңімпаз атанды.
Ақтық ойында қайсарлықтар Өзбекстан командасымен кездесіп, 3:2 есебімен жеңді.
Команда құрамында Сайын Дидар «Үздік қорғаушы» номинациясына ие болса, Юрий Сенкевич «Үздік шабуылшы» атанды.
Енді команда 19-29 ақпан аралығында Орал қаласында волейболдан жоғары лига командалары арасында өтетін ҚР ХХVIII чемпионатының үшінші айналымына қатысады.
Чемпионаттың төртінші айналымы наурыз айында Талдықорғанда, соңғысы сəуірде Түркістан облысында өтеді.
Қазіргі таңда «Қайсар» волейбол командасы Шымкент қаласында оқу-жаттығу жиынында тыңғылықты дайындалуда.
<img src="https://kyzylorda-news.kz/wp-content/uploads/2020/02/5voleybol2.jpg" alt="" />
<img src="https://kyzylorda-news.kz/wp-content/uploads/2020/02/5voleybol3.jpg" alt="" />

Қызылордалық волейболшылар жеңіске жетті

<a href="https://kyzylorda-news.kz/">Kyzylorda-news.kz.</a> Футболдан Қазақстан чемпионатында бірінші лигада сынға түсетін Қызылорданың «Байқоңыр» командасы оқу-жаттығу жиынын өткізу мақсатында Өзбекстан астанасы – Ташкент қаласына аттанып кетті.
Оқу-жаттығу жиыны 18 ақпанға дейін жалғасады. Онда жолдастық кездесу ойындарын өткізеді деп жоспарланып отыр.
Дайындыққа аттанған футболшылар қатарында Дамир Байшылықов, Нұрмат Сәрсенов, Ислам Рахметов, Бекзат Бектай, Сәбит Шегебай, Қуаныш Кемалұлы, Нұржан Рақыш, Нұрдәулет Әмірбек, Тұрарбек Қуанышбеков, Наурызхан Бөржан, Олжас Алтаев, Аян Құлмағанбетов, Ерболат Серік, Қасымхан Алпысбаев, Руслан Дүйсенбаев, Елжас Сарбай, Әлім Тәңірбергенов, Мейіржан Меңлібаев, Дастан Бірімтай бар.
«Байқоңыр» 2014 жылы құрылған. Онда негізінен қызылордалық жастар ойнайды. Бүгінгі күнге дейін команда құрамынан «Қайсар» сапына алынған ойыншылар аз емес. 2019 жылы олар бірінші лигада сегізінші орын алды.

«Байқоңыр» оқу-жаттығу жиынына аттанды

<a href="https://kyzylorda-news.kz/">Kyzylorda-news.kz.</a> Бұл туралы Маңғыстау облыстық «Қоғамдық коммуникация орталығында» өткен брифингте ҚР Қазақ күресі федерациясының бас хатшысы Бақдаулет Сәбитов мәлім етті, деп хабарлайды <a href="https://www.inform.kz/kz/kazak-kuresi-mektepterde-pan-retinde-engizilui-mumkin_a3611010">ҚазАқпарат</a>.
<blockquote>
 «Жас өспірімдер арасында осы Қазақ күресінен біріншіліктің алғаш рет Ақтау қаласында өтуі, оған қолдау тапқаны қуантады. Өйткені, жылдан жылға ата-аналар тарапынан қазақ күресіне деген қызығушылық артып келеді. Осыған орай, жаңа оқу жылынан бастап осы спорт түрін мектептерде пән ретінде енгізуді жоспарлап отырмыз. Алдымен, Нұр-Сұлтан қаласы мен Маңғыстау облысында пилоттық жоба ретінде іске асырылады. Бағдарламасы әзірленіп, мамандар даярлау барысы қолға алынды», – деді ҚР Қазақ күресі федерациясының бас хатшысы Бақдаулет Сәбитов.
</blockquote>
Осы бағытта жылдың соңына дейін Қазақ күресі академиясы құрылып, мамандар дайындау жұмыстары жүргізілмек. 1-4 сыныптарға қазақ күресінен акробатика ретінде, ал 5-11 сынып оқушылары арасында арнайы пән ретінде өткізіледі деп жоспарлануда. Сондай-ақ, қыз балалар да осы спорт түрімен айналысуға мүмкіндіктер жасалған.
<blockquote>
 «Осындай беделді жарыстарды өлкемізде өткізу арқылы қазақ күресінің облысымызда қарқынды дамуына ерекше екпін береміз», – дейді ұйымдастырушылар.
</blockquote>

«Қазақ күресі» мектептерде пән ретінде енгізілуі мүмкін

<a href="https://kyzylorda-news.kz/">Kyzylorda-news.kz.</a> Павлодар облысы Екібастұз қаласында бокстан 2002-2003 жылы туылған жастар жəне 2004-2005 жылы туылған жасөспірім қыздар арасында ҚР чемпионаты өтті.
Ел чемпионатына барлық өңірден 250-дей боксшы қыз қатысып, шаршы алаңда бақтарын сынады.
Бұл жарыста қызылордалық боксшы қыздар өнер көрсетіп, облыс қоржынына 4 медаль салды.
2002-2003 жылы туылған жастар арасында 81 келі салмақта сынға түскен Əсел Сағатова Қазақстан чемпионы атанса, Арайлым Бақытжанқызы (+81 келі) күміс жүлдеге ие болды.
2004-2005 жылы туылған жасөспірімдер арасында Нұржауған Төрешова (46 келі) екінші, Ақгүл Ирзаева (48 келі) үшінші орындарды иеленді.
Спортшы қыздарды Бейбіт Сағындықов, Самат Байекешов, Асхат Жеңісбеков, Шахноза Исаханова, Бақытбек Құлбаев, Мақсат Мыңжасаров жаттықтырады.
<img src="https://kyzylorda-news.kz/wp-content/uploads/2020/02/3boks2.jpg" alt="" />
<img src="https://kyzylorda-news.kz/wp-content/uploads/2020/02/3boks3.jpg" alt="" />

Қызылордалық боксшы қыздар ел чемпионатында 4 медаль иеленді

<a href="https://kyzylorda-news.kz/">Kyzylorda-news.kz.</a> Қызылордада «Евразия» спорт кешенінде футболшы, шеберлер командасының ойыншысы Әбіл Қалымбетовты еске алуға арналған футзалдан ардагерлер арасында облыстық ашық турнир өткізілді.
Биыл жетінші мәрте ұйымдастырылған турнирге 12 команда қатысып, үздіктері анықталды.
Екі күнге созылған жарыстың қорытындысы бойынша «Қайсар» командасы бірінші орынды жеңіп алды.
Олар финалда «Петро Қазақстан» командасын ұтты. Ойынның негізгі уақыты тең аяқталғандықтан жеңімпаз тек айып добын орындау барысында анықталып, есеп 2:0 болды.
Жаңақорғандық «Сығанақ» командасы ІІІ орынды иеленсе, «Ардагер» командасы 
ІV орынды қанағат тұтты.
«Үздік қақпашы» номинациясы бойынша Жаңабек Әлназаров («Қайсар» командасы), 
«Үздік қорғаушы» – Берік Жаппасбаев («Ардагер» командасы), 
«Үздік шабуылшы» – Шамсиддин Иристаев («Сығанақ» командасы), «Мерген ойыншы» – Бахадир Турсынкулов («Сығанақ» командасы), «Үздік ойыншы» – Əкімжан Əбішев («Петро Қазақстан» командасы) марапатталды.
Жеңімпаз және жүлдегер командаларға кубок, диплом, ақшалай сыйақы, үздік ойыншыларға естелік сыйлықтар берілді.
<img src="https://kyzylorda-news.kz/wp-content/uploads/2020/02/3kaisar2.jpg" alt="" />
<img src="https://kyzylorda-news.kz/wp-content/uploads/2020/02/3kaisar3.jpg" alt="" />

Қызылордадағы футболдан ардагерлер арасында өткен турнир: «Қайсар» командасы – жеңімпаз

<a href="https://kyzylorda-news.kz/">Kyzylorda-news.kz.</a> Қостанай қаласында ауыр атлетикадан 17 жасқа дейінгі ұлдар жəне қыздар арасында өткен ел чемпионатында Сыр өңірінің зілтеміршілері жеңіс тұғырынан көрінді.
Қазақстан Респуликасының чемпионатында Қызылорда облысының зілтеміршілері 6 алтын, 4 күміс, 1 қола медаль иеленіп, жалпы командалық есепте ұлдар құрамасы 1-орынды жеңіп алды.
Жекелей есепте Таисия Алексеева, Алтынай Тәңірбергенова, Русалина Муликова, Əлфараби Жауынтаев, Шахизат Абдрахманов, Бақдаулет Камал Қазақстан жеңімпазы атанды.
Таңшолпан Каюпова, Нұрай Балжігіт, Дінмұхаммед Данышпан, Дəуірбек Аймырза күміс, Аянат Жұмағали қола жүлдеге ие болды.
<img src="https://kyzylorda-news.kz/wp-content/uploads/2020/01/30auyratletika2.jpg" alt="" />
<img src="https://kyzylorda-news.kz/wp-content/uploads/2020/01/30auyratletika3.jpg" alt="" />
<img src="https://kyzylorda-news.kz/wp-content/uploads/2020/01/30auyratletika4.jpg" alt="" />

Қызылордалық зілтеміршілер – бірінші орында

<a href="https://kyzylorda-news.kz/">Kyzylorda-news.kz</a> Қытайдың Дунгуан қалалық округінде 4-8 ақпан аралығында теннистен өтуі тиіс болған Федерация кубогы коронавирустың тарауына байланысты Нұр-Сұлтанға ауыстырылғаны туралы хабар тараған еді. ҚР Мәдениет және спорт министрлігінің Дене шынықтыру және спорт комитетінің төрағасы Серік Сәпиев аталмыш турнирдің елордада өтпейтінін мәлім етті, деп хабарлайды <a href="https://www.inform.kz/kz/serik-sapiev-tennisten-federaciya-kubogy-nur-sultanda-otpeydi_a3608960">ҚазАқпарат</a>.&nbsp;
<blockquote>
 «БАҚ құралдарында теннистен лицензиялық турнир Қытайдан Қазақстанға ауыстырылғаны туралы ақпарат тараған еді. Мен «Нью-Йорк Таймс» сайтын оқығанымда, ол жерде теннистен турнирді Қазақстанға ауыстыру жоспарланып отырғанын оқыған едім. Біздің БАҚ құралдары ол турнирдің бекітілгенін жазып таратқан. ҚР Үкіметінің қаулысымен Қытай азаматтарына 72 сағаттық виза тоқтатылған еді. Қазір барлық халықаралық турнирлер тоқтатылып жатыр. Теннистен аталмыш лицензиялық турнир Нұр-Сұлтанда өтпейді деп сеніммен айтуға болады», – деді Серік Сәпиев.
</blockquote>
Айта кетсек, Қытайдың Дунгуан қалалық округінде теннис турнирінің Нұр-Сұлтанға ауыстырылуы – қоғамда біршама дау тудырған болатын. Бұған – Қытайда тараған коронавирус себеп болып отыр.

Теннистен Федерация кубогы Нұр-Сұлтанда өтпейді

<a href="https://kyzylorda-news.kz/">Kyzylorda-news.kz.</a> Атырау қаласында тоғызқұмалақтан өткен ерлер арасындағы ҚР командалық чемпионатында облыс құрамасы жүлделі ІІІ-орынды иеленді.
Команда құрамында Бексұлтан Бостандықов, Ермұхаммед Əлайдар, Дамир Ахметов, Сəбит Шүленбаев, Ерасыл Пернебаев жəне Хəкімжан Елеусінов шеберлік байқасты.
Енді 15-21 ақпан аралығында Тараз қаласында əйелдер арасында өтетін ел чемпионатына облыс құрамасы қатысады.
Содан кейін облыс тоғызқұмалақшылары 1-7 наурыз аралығында Қызылорда қаласында өтетін мемлекет жəне қоғам қайраткері Н.Ергешбаевты еске алуға арналған ашық Азия кубогына дайындалады.
<img src="https://kyzylorda-news.kz/wp-content/uploads/2020/01/28togyzkumalak2.jpg" alt="" />

Қазақстан және Қызылорда облысының жаңалықтары: Спорт