Kyzylorda-news.kz. Облыс әкімінің өкімімен және Қазақстан Республикасы Президентінің Әкімшілігі мен Шиелі аудандық мәслихатының келісімдерімен Шиелі ауданының әкімі лауазымына Мақұлбеков Нариман Әскербекұлы тағайындалды.
Мақұлбеков Нариман 1968 жылы Қызылорда қаласында туған. Әл-Фараби атындағы Қазақ мемлекеттік ұлттық университетін құқықтану мамандығы бойынша бітірген. 
Еңбек жолын 1986 жылы Қызылорда қаласындағы автобазада слесарь ретінде бастаған. 
1987-1994 жылдары Қарулы күштер қатарында әскери борышын өтеп, жоғары оқу орнында студент болған.
1994-2017 жылдары құқық қорғау органдарында, соның ішінде Қызылорда қалалық прокуратурасының тергеуші стажерінен облыс прокурорының орынбасары, Бас прокуратураның департамент бастығына дейінгі қызмет сатысынан өткен. 2018-2020 жеке секторда “Jfc colos” ЖШС директорының кеңесшісі лауазымын атқарған.
2020 жылдан бастап осы кезге дейін Қызылорда облысы әкімі аппараты басшысының орынбасары қызметін атқарып келді.
Аймақ басшысы Гүлшара Әбдіқалықова жаңа аудан әкімін таныстырып, қызметіне сәттілік тіледі.

Шиелі ауданына жаңа әкім тағайындалды

<a href="https://kyzylorda-news.kz/">Kyzylorda-news.kz</a>. Облыс әкімі Гүлшара Әбдіқалықова аймақтағы мәслихат депутаттарымен жаңа форматта кездесті. Яғни, Қызылорда қаласынан, аудандардан сайланған депутаттарды үш күн қатарынан қабылдап, кездесу ұйымдастырды.
Аймақ басшысы жарты жыл ішінде елмен кездесіп, мәселелерін жетік білетін халық қалаулыларымен еркін форматта пікірлесіп, өзекті мәселелер бойынша ұсыныс-пікірлерді тыңдады. Депутаттар өңірдің әлеуметтік-экономикалық дамуына қажетті ұсыныстар мен нақты мәселелерді ортаға салды.
Облыс әкімі жақында өткен ел Президенті Қасым-Жомарт Кемелұлының Үкіметтің кеңейтілген отырысында көзделген тапсырмалар мен міндеттемелерді орындау бағытында тиісті жұмысты бірлесе атқару қажеттігін атап өтіп, алдағы кезеңде әрбір мәслихат депутатымен жеке кездесу өткізу жоспарда бар екенін айтты. Әсіресе, депуттатық корпус өкілдері халықтың вакцина алу белсенділігіне ықпал етіп, қажетті түсіндірмені жүргізуге атсалысу қажет деп атап өтті.
<blockquote>
 «Өздеріңізге белгілі Үкіметтің кеңейтілген отырысында Президент Қасым-Жомарт Кемелұлы Тоқаев аймақтың дамуы мен қуаңшылық кезінде қабылдайтын шаралардың бағытын айқындап берді. Қиын кезеңнен мәселені бірлесіп шешу арқылы шығамыз. Сіздер бұл тұрғыда халықтың қажеттілігін билікке дер кезінде жеткізетін тұлға ретінде маңызды рөл атқарасыздар. Шын мәнінде, сіздер халық ішінде жүріп, өзекті мәселелерді саралап келесіздер. Сол себепті де аймақ дамуына қажетті ұсыныстарыңызды тыңдау үшін осындай форматта кездесуді жөн санадым. 
 Бірнеше күннен бері облыстық, қалалық, аудандық мәслихаттың құрамымен жеке кездестім. Тамыз айынан бастап әр депутатпен кестеге сәйкес жаңа форматта кездесетін боламын», – деді Гүлшара Әбдіқалықова.
</blockquote>
Кездесулерде халық қалаулылары бірқатар маңызды мәселелерді көтерді. Атап айтсақ, экономика бағыты бойынша азық-түлік бағасын тұрақтандыру, әлеуметтік дүкендердің санын көбейту, елді мекендерді ауыз су, газбен қамтамасыз ету, тұрғындарға оның ішінде өзін-өзі жұмыспен қамтыған азаматтарға қолдау көрсету сұрақтары көтерілсе, кәсіпкерлік бағыты бойынша бизнес иелеріне қолдау мақсатында коммуналдық мәселелерді шешуге көмек көрсету сөз болды. Сонымен қатар, мемлекеттік бағдарлама арқалы кәсіп ашамын деген азаматтарға түсіндірме жұмыстарын күшейту қажет екені айтылды.
Сонымен бірге депутаттар тарапынан ауылдарды дамыту, тірек ауылдарды көбейту, мал шаруашылығымен айналысатын азаматтарды кешенді түрде қолдау және ауылдық жерлерге инфрақұрылымды жеткізу мәселесі де назардан тыс қалмады.
Ал, әлеуметтік сала бойынша мүгедектігі бар азаматтардың құқықтары мен бағдарламаларға қатысуы, бала күтіміне байланысты жәрдемеақы төлеу мәселесін күшейту, көпбалалы аналарды кәсіпкерлікке тарту, қиын жағдайда қалған отбасындағы әйелдерді қоғамдық ортаға бейімдеу және писхологиялық көмек ұйымдастыру мәселесі талқыланды.
Мұнымен қоса, кездесу барысында білім беру ұйымдарында құрылыс жұмыстарының уақытылы бітуі, дәстүрлі оқуға көшуге қажетті жағдайларды жасау, балабақшалар салу, мектептерді күрделі жөндеуден өткізу, инклюзивті білім беру мәселелері бойынша қажет деп танылған ұсыныстар ортаға салынды.
Халық қалаулылары Тәуелсіздіктің 30 жылдығына орай аталып өтілетін шаралардың маңыздылығына да тоқталып, Сыр елінің дамуына елеулі еңбек еткен азаматтарды таныту, еңбек адамдарын насихаттайтын тақырыптық хабарлар әзірлеу, жастарға бағытталған әлеуметтік роликтер түсіру мәселесін көтерді.
Депутаттармен ашық пікірлескен аймақ басшысы Гүлшара Әбдіқалықова елдегі мәселелердің шешілуіне олардың рөлі айрықша екенін назарға салып, бірлесіп жұмыс атқару арқылы нәтиже болатынын қаперге салды. Сондай-ақ, халық атынан түскен мәселелерді саралап, шешілу тетігін кезең-кезеңімен іске асырылатынын қаперге салды.
<img src="https://kyzylorda-news.kz/wp-content/uploads/2021/07/akim-3.jpeg" alt="" />
<img src="https://kyzylorda-news.kz/wp-content/uploads/2021/07/akim-5.jpeg" alt="" />

Гүлшара Әбдіқалықова мәслихат депутаттарымен кездесті

<a href="https://kyzylorda-news.kz/">Kyzylorda-news.kz</a>. Бүгін облыс әкімі, облыстық Қазақстан халқы Ассамблеясының төрағасы Гүлшара Әбдіқалықованың төрағалығымен «Бірлік пен бейбітшіліктің 30 жылы» тақырыбында Қызылорда облысының Қазақстан халқы Ассамблеясының ХХIІІ сессиясы өтті.
Күн тәртібінде екі мәселе қаралды. Атап айтсақ, Қазақстан халқы Ассамблеясының ХХІХ сессиясының қорытындысы бойынша Қызылорда облыстық Қазақстан халқы Ассамблеясының міндеттерін талқылау, облыстық Қазақстан халқы Ассамблеясы төрағасының жаңа орынбасарын қоғамдық негізде тағайындау.
Сессияға Қызылорда облысының Қазақстан халқы Ассамблеясының мүшелері, облыстық мәслихат депутаттары, Қызылорда қаласы әкімі және онлайн байланыс арқылы аудан әкімдері, этномәдени бірлестік жетекшілері, үкіметтік емес ұйымдар, облыстық Ассамблеяның құрылымдарының жетекшілері қатысты. 
Аймақ басшысы Қазақстан халқы Ассамблеясының ел дамуында аса маңызды рөл атқаратынын назарға салып, алдағы уақытқа бірқатар міндеттерді жүктеді.
<blockquote>
 «Биыл бірлігі бекем, татулығы жарасқан Қазақстан халқы Тәуелсіздіктің 30 жылдығын атап өтуде. Тәуелсіздік – бұл ең алдымен біздің ортақ тарихымызға тағзым, кемел келешегімізге нық сенім. Елбасы Нұрсұлтан Әбішұлы Назарбаевтың сарабдал саясатының арқасында саяси жүйесі тұрақты, экономикалық әлеуеті мықты, халықаралық беделге ие қуатты мемлекетті қалыптастырдық. 
 2020 жылы әлемді құрсауына алған пандемия жағдайында халқымыз індетті еңсеру жолында бір жағадан бас, бір жеңнен қол шығара алды. Облыстық ассамблея мүшелері осы істің бел ортасында болып, үлкен қолдау көрсетті. Осы орайда, Мемлекет басшысы Қасым-Жомарт Кемелұлы Тоқаевтың «Тәуелсіздік үшін нағыз күрес күнделікті еңбекпен, үздіксіз әрі дәйекті елдік саясатпен мәңгі жалғасады» – деген сөзінің мазмұны терең. 
 Іргелі мемлекет атануымызда, бірлік, келісім және өзара қолдау қағидаттарына негізделген Қазақстан халқы Ассамблеясының рөлі ерекше. Бүгінде Алаштың анасына баланған Сыр өңірінде 35 этнос өкілі тату-тәтті өмір сүруде. Осы ретте, қазақстандық патриотизм, азаматтық теңқұқықтық қағидаттарын, мемлекеттік тілдің біріктіруші рөлін, алуан түрліліктегі бірлікті ілгерілету, ұлтты тұрақты жаңғырту жөнінде шаралар қабылдану қажет. Этномәдени бірлестіктердің мүшелерін Саяси қуғын-сүргін құрбандарын толық ақтау жөніндегі өңірлік комиссияның жұмысына тартып, этноәлеуметтік процесстерге мониторинг жүргізіп, қоғамдық келісімді бұзу ықтималдығы жоғары көріністерге талдау жасау арқылы оларды шешу бойынша ұсыныстар әзірленуі керек. Қайырымдылықпен айналысып жүрген кәсіпкерлер мен меценаттарды ынталандырудың және қайырымдылықты дамытудың жаңа форматты шараларын ұйымдастыру маңызды», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/07/215256806_3512111085558602_4032131494006543247_n.jpg" alt="" />
Мұнымен қоса, облыс әкімі «Жаңғыру жолы» жастар қозғалысының жұмысын жандандыру мақсатында аймақтық жастар ұйымдарымен бірлескен іс-шаралар кешенін жүзеге асырып, облыстық ассамблеяның Аналар және Қоғамдық келісім кеңестерін этносаралық байланыс алаңы ретінде пайдалануды тапсырды. Және этносаралық қарым-қатынас, қайырымдылық, волонтерлік және мемлекеттік тілді үйрену орталықтары ретінде достық үйлерінің жұмысын күшейту қажет екенін атап өтті.
Отырыста модератор ретінде сөз бастаған Қызылорда облысы әкімінің орынбасары, облыстық Қазақстан халқы Ассамблеясының төрағасының орынбасары Серік Ахмет Қазақстан халқы Ассамблеясының мүшесі, облыстық мәслихат хатшысы Наурызбай Байқадамов, облыстық Қазақстан халқы Ассамблеясы төрағасының орынбасары, неміс этномәдени бірлестігінің жетекшісі Ирина Шек, Қазақстан халқы ассамблеясы жанындағы Волонтерлер орталығының жетекшісі Ильдар Гафуров, облыстық перинаталдық орталықтың бас дәрігері Олег Ким және облыстық Қазақстан халқы ассамблеясының мүшесі, облыстық мәслихат депутаты Дильфура Байрахтароваға сөз берді. Спикерлер бейбітшілік пен келісім, ұлттық құндылықтар, әлеуметтік, қоғамдық даму мәселелері бойынша пікірлерін ортаға салды.
Сессияда облыстық Ассамблея Кеңесін осы лауазымға ауыстыру қағидатына сәйкес ұсынымдар бойынша аймақ басшысы Гүлшара Әбдіқалықова облыстық Қазақстан халқы Ассамблеясының Төрағасы ретінде Ирина Шекті қоғамдық негізде төрағаның орынбасары қызметіне тағайындап, алдағы жұмысына сәттілік тіледі. Сондай-ақ, осы қызметте болған Ильдар Гафуровке жақсы жұмысы үшін алғысы білдірді.
Облыстық ассамблеяның XХІІІ сессиясын қорытындылаған аймақ басшысы, облыстық Қазақстан халқы Ассамблеясының төрағасы Гүлшара Әбдіқалықова алдымызда кемел келешекке, жарқын болашаққа жету жолында ұлт үшін атқарылуы тиіс ұлы істер бар екенін атап өтті. Сонымен қатар, ел тұрақтылығын сақтауда, індеттің күшейуіне байланысты вакцинация жұмыстарын насихаттауға атсалысуда, қуаңшылық кезеңінде елді бірлікке шақыруда облыстық Ассамблеяның орны ерекше екенін назарға салды.
<img src="https://kyzylorda-news.kz/wp-content/uploads/2021/07/211348986_3512138875555823_4303379846913521388_n.jpg" alt="" />

«Бірлік пен бейбітшіліктің 30 жылы»: Облыстық Қазақстан халқы Ассамблеясының ХХIІІ сессиясы өтті

<a href="https://kyzylorda-news.kz/">Kyzylorda-news.kz</a>. Қазақстан Президенті Елорда күніне арналған мерекелік іс-шараны дәстүрлі түрде ашатын Мемлекеттік ту көтеру салтанатты рәсіміне қатысты, деп хабарлайды&nbsp;<a href="https://www.akorda.kz/kz/kasym-zhomart-tokaev-memlekettik-tu-koteru-rasimine-katysty-36853">Ақордаға</a>.
<blockquote>
 «Биыл қастерлі Тәуелсіздігімізге – 30 жыл. Сондықтан бұл рәсімнің тарихи мән-маңызы айрықша. Көк туымыз – Тәуелсіз Қазақстанның ең басты рәмізі. Халқымыз үшін азаттықтан асыл, байрақтан биік құндылық жоқ. Қазақтың тарихы «Туың жығылмасын!» деген бір ауыз тілекке сыйып тұр. Бабаларымыз қашанда туын биік ұстаған. Елдігі сынға түскен сәтте байрақ астына бірігіп, тұтастығын танытқан. Ерлік пен бірліктің дәстүрі ұрпақтан ұрпаққа жалғасып, Тәуелсіздік дәуіріне ұласты. Егемен елдің көк байрағы – мызғымас мемлекеттігіміздің белгісі», – деді Президент.
</blockquote>
Қасым-Жомарт Тоқаев жоғары әскери оқу орнының түлектерінің алдында сөйлеген сөзінде Мемлекеттік туымыз бен еліміздің бас қаласы ұлт бірлігінің жарқын символы екенін айтты.
<blockquote>
 «Елордамыз – қазіргі Қазақстанның бетке ұстар бас қаласы. Еліміздің орталық мегаполисі болашаққа жол ашатын ордаға, жалпы ұлт болып ұйысудың және шынай патриотизмнің үлгісіне айналды. Тұңғыш Президент – Елбасы мен миллиондаған отандасымыздың қажырлы еңбегінің арқасында бой көтерген қала – халқымыздың мақтанышы. Отанымыздың жүрегі дәл осы жерде соғып тұр. Аса маңызды шешімдердің бәрі осы жерде қабылданып, салмақты ой-пікірлер ортаға салынып, бірегей жобалар жүзеге асырылып жатыр», – деді Мемлекет басшысы.
</blockquote>
Қазақстан Президентінің пікірінше, елорда дарынды, жігерлі отандастарымыздың, сондай-ақ, өзге мемлекеттердің көптеген азаматтарының бас қосатын орталығына айналды. Қасым-Жомарт Тоқаев Ұлы дала кіндігінде қасиетті Туды биікте желбірете отырып, еркіндік пен егемендік мұратына бейілді екенімізді атап өтті.
<blockquote>
 «Елорда күні адамдарды қолдап, шабыттандыру, бірліктің күшін, өзара көмектің маңыздылығы мен әр азаматтың ортақ іске қосқан үлесінің құндылығын дәріптеу үшін аса маңызды. Елорда тұрғындары екпе салу науқаны мен шектеу шараларын сақтау кезінде алдыңғы қатарда болуы қажет. Жаппай вакциналау қалыпты тыныс-тіршілікке қайта оралудың, адамдардың денсаулығын сақтаудың жалғыз жолы екенін дұрыс түсінуіміз керек. «Біз біргеміз» ұраны аса қатерлі індетке қарсы күрестегі жеңісіміздің бойтұмары болатынына сенімдімін», – деді Қасым-Жомарт Тоқаев.
</blockquote>
Рәсім барысында жоғары әскери оқу орнының 12 үздік түлегі Қазақстан Президенті – Қазақстан Республикасының Жоғарғы Бас қолбасшысының қолынан офицер погонын алды.
<blockquote>
 «Оқуларыңыздың сәтті аяқталғаны құтты болсын, жас офицерлер! Офицерлік шен – бұл, ең бірінші, Отан алдындағы зор жауапкершілік. Болашақта командир атанып, жас сарбаздарға тәлім бересіздер. Сондықтан отаншыл, батыл және айбынды болып, үлгі көрсету аса маңызды. Мүлтіксіз қызмет ету – бәріңізге ортақ міндет. Антқа адал болу, Тәуелсіз елімізді қорғау – қастерлі парыз», – деді Мемлекет басшысы.
</blockquote>
Жиын соңында Қасым-Жомарт Тоқаев барлық қатысушыларды келе жатқан Елорда күнімен құттықтап, Отанымыздың өсіп-өркендей беруіне тілектестік білдірді.
<img src="https://akorda.kz/assets/media/kz4-2060.jpg" alt="" />
<img src="https://akorda.kz/assets/media/kz4-1475.jpg" alt="" />
<img src="https://akorda.kz/assets/media/kz4-1275.jpg" alt="" />
<img src="https://akorda.kz/assets/media/dsc-5193.jpg" alt="" />
<img src="https://akorda.kz/assets/media/kz4-1811.jpg" alt="" />
<img src="https://akorda.kz/assets/media/kz1-1639-2.jpg" alt="" />
<img src="https://akorda.kz/assets/media/kz1-1663-1.jpg" alt="" />
<img src="https://akorda.kz/assets/media/kz1-1688-2.jpg" alt="" />

Президент Мемлекеттік ту көтеру рәсіміне қатысты

<a href="https://kyzylorda-news.kz/">Kyzylorda-news.kz</a>. Мемлекет басшысы ХХХІІ жазғы Олимпиада ойындары қарсаңында Қазақстанның ұлттық құрама командасының мүшелерімен кездесті, деп хабарлайды <a href="https://www.akorda.kz/kz/kasym-zhomart-tokaev-olimpiada-oyyndaryna-katysatyn-kazakstan-kurama-komandasymen-kezdesti-265110?fbclid=IwAR1L1gOY7b4d9WdOInEfbvpFKYkR1SLIyYqI3LvmlOwZVB-_4LJgo7gfqU0">Ақорда.</a>
Қазақстан құрама командасының негізгі бөлігі кездесуге Алматы облысындағы «Ақбұлақ» олимпиадалық орталығынан телекөпір арқылы қатысты. Онда спортшылар Токиоға аттанар алдындағы соңғы жаттығу жиындарын өткізіп жатыр.
Президент Олимпиадаға баратын спортшылардың алдында сөйлеген сөзінде әлемнің басты спорт бәсекесінде ел намысын қорғау мәртебелі міндет, үлкен абырой, зор жауапкершілік екенін айтты.
<img src="https://akorda.kz/assets/media/daa-2075-2.jpg" alt="" />
Мемлекет басшысы Тәуелсіздік жылдарында Қазақстаннан Олимпиаданың 16 жеңімпазы, 71 жүлдегері шыққанын, жүзден астам ірі спорт кешені, оның ішінде,16 халықаралық деңгейдегі нысандар бой көтергенін атап өтті.
Қасым-Жомарт Тоқаев аса күрделі кезеңде Токиода жағылатын Олимпиада алауы бүкіл адамзат үшін жаһандық індетпен күрестің символы болатынын айтты. Президент әлемнің түгелге жуық елінде ұзаққа созылған локдаунның қалыпты тыныс-тіршілікке ауыр соққы жасағанына тоқталды. &nbsp;&nbsp;
<blockquote>
 – Сіздер халықаралық деңгейдегі өздеріңіздің көшбасшылық орындарыңызды нығайту үшін нағыз чемпионға тән мінез көрсетіп, Олимпиада лицензиясын иелендіңіздер. Осындай қиын-қыстау жағдайда сіздер спорттың өзін-өзі шектейтін қатаң режимін сақтап, өзгелерге үлгі көрсеттіңіздер, – деді Қасым-Жомарт Тоқаев. &nbsp;
</blockquote>
<img src="https://akorda.kz/assets/media/dsc-4772.jpg" alt="" />
Президент қазақстандықтардың Олимпиада ойындары барысында біздің спортшыларға көрсететін күшті қолдауы оларға қосымша рух беретініне сенім білдірді.
<blockquote>
 – Тәуелсіздігіміздің 30 жылдығында Олимпиада тұғырына көтерілу сіздердің ғана жетістіктеріңіз емес, бүкіл ұлтымыздың абыройы. Олимпиада шыңы мыңдаған жасты спортпен шұғылдануға, салауатты өмір салтын ұстануға және көздеген мақсаттарына жетуге шабыттандырады, – деді Қасым-Жомарт Тоқаев. &nbsp;
</blockquote>
<img src="https://akorda.kz/assets/media/dsc-4657.jpg" alt="" />
Мемлекет басшысы өз сөзінде бұқаралық және балалар мен жасөспірімдер спортын дамытуға басымдық берілетінін атап өтті.
<blockquote>
 – Бұқаралық спортты дамыту арқылы біз ұлтымыздың денсаулығын жақсартамыз және бүкіл еліміз мақтан тұтатын Олимпиада жеңімпаздарының – спорт жұлдыздарының жаңа буынын тәрбиелеп шығарамыз. Мұндай саясат спорт секциялары мен аулалық клубтардың дамуына тың серпін береді. Сондай-ақ балалар жаттықтырушыларын ынталандыруға ықпал етіп, дарынды атлеттердің жаңа шоғырын айқындауға септігін тигізеді, – деді Президент. &nbsp;&nbsp;
</blockquote>
Қасым-Жомарт Тоқаев спортшыларымыздың Токиода рекордтық нәтижелер көрсететініне, еліміздің әлемдегі жетекші спорт державаларының арасындағы беделін нығайтатынына сенім білдірді. Президенттің айтуынша, атлеттердің әрбір жеңісінің артында, көбінесе назардан, камералардан тыс қалатын, олардың жаттықтырушыларының қажырлы еңбегі тұр. &nbsp;&nbsp;
Рәсім барысында Қасым-Жомарт Тоқаев Қазақстан Республикасының Мемлекеттік Туын алғаш рет екі бірдей ту ұстаушыға – жеңіл атлетикадан Олимпиада чемпионы Ольга Рыпакова мен бокстан әлем чемпионатының күміс жүлдегері Қамшыбек Қоңқабаевқа табыстады.
<img src="https://akorda.kz/assets/media/kz1-1221-1.jpg" alt="" />
Ольга Рыпакова Мемлекет басшысына жылы қабылдап, ізгі тілек білдіргені үшін ұлттық құраманың атынан алғыс айтты.
<blockquote>
 – Сіздің ақ тілегіңіз – бізге ерекше күш-жігер береді. Халқымыздың риясыз махаббатын сезінеміз және өзімізге жүктелген жауапкершілікті түсінеміз. Сондықтан Отанымыздың абыройын арттыру үшін бар күшімізді салып, шеберлігімізді паш етеміз, – деді Ольга Рыпакова.
</blockquote>
<img src="https://akorda.kz/assets/media/daa-2190-2.jpg" alt="" />
Қамшыбек Қоңқабаев&nbsp; Президентке отандастарымыздың сенімін ақтау үшін құрама команда барын салатынын жеткізді. &nbsp;&nbsp;
<blockquote>
 – Сіздің қолыңыздан еліміздің Туын алу – үлкен абырой, зор жауапкершілік. Олимпиадаға қатысушы спортшылар қастерлі санайтын осы Тудың Токио төрінде жиі көтеріліп, Әнұранымыздың шырқалуы үшін барымызды саламыз, – деді бокстан Қазақстан құрама командасының капитаны.
</blockquote>
<img src="https://akorda.kz/assets/media/dsc-4161.jpg" alt="" />
<img src="https://akorda.kz/assets/media/kz1-1366-2.jpg" alt="" />
<img src="https://akorda.kz/assets/media/dsc-4742.jpg" alt="" />
<img src="https://akorda.kz/assets/media/dsc-4880.jpg" alt="" />
<img src="https://akorda.kz/assets/media/dsc-9091.jpg" alt="" />
<img src="https://akorda.kz/assets/media/dsc-9096.jpg" alt="" />

Президент ҚР Туын Қамшыбек Қоңқабаев пен Ольга Рыпаковаға табыстады

<a href="https://kyzylorda-news.kz/">Kyzylorda-news.kz</a>. Қасым-Жомарт Тоқаев “БҰҰ – әйелдер”&nbsp; құрылымының Франция және Мексика үкіметтерімен бірлесіп ұйымдастырған “Ұрпақ теңдігі” атты жаһандық форум қатысушыларына бейне үндеу жасады, деп хабарлайды&nbsp;<a href="https://www.akorda.kz/kz">Ақорда</a>. &nbsp;&nbsp;
Виртуалды форматта өткен жиын гендерлік теңдік саласындағы жаһандық күш-жігерді үйлестіруге арналған. Форумның негізгі мақсаты – осы процеске тартылған барлық қатысушының нақты міндеттемелеріне негізделген көпжақты механизм қалыптастыру.
Мемлекет басшысы өз сөзінде Қазақстан тәуелсіздік алғаннан бастап 30 жыл бойы әйелдерді қолдауға бағытталған салиқалы саясатты дәйекті түрде жүргізіп келе жатқанын атап өтті.&nbsp;&nbsp;&nbsp;
<blockquote>
 “2030 жылға дейінгі отбасы және гендерлік саясат тұжырымдамасын басты негізге алған берік құқықтық база қалыптастырдық. Өткен айда адам құқығына қатысты алдағы уақытта атқарылатын шаралар туралы жарлыққа қол қойдым. Оның негізгі бағыттарының бірі – гендерлік теңдікті қамтамасыз ету. Гендерлік мәселені шешу – өңірлік өлшем бойынша еліміздің сыртқы саясаттағы басымдықтарының бірі”, – деді Қасым-Жомарт Тоқаев.
</blockquote>
Сонымен қатар президент Қазақстанның “Гендерлік зорлық-зомбылыққа қарсы іс-қимыл коалициясы” және “Экономикалық әділдік пен құқық жөніндегі іс-қимыл коалициясы” сияқты екі серіктес бірлестікке қосылатынын мәлімдеді. Бұл мемлекеттің бірқатар міндеттеме қабылдағанын білдіреді.
Атап айтқанда әйелдер мен қыздарға қатысты зорлық-зомбылықтың таралуы туралы жалпыұлттық зерттеу жұмысын қолға алу жөнінде шешімін айтты.
Мемлекет басшысы гендерлік теңдік және зорлық-зомбылықтың алдын алу бойынша озық тәжірибемен бөлісу үшін Орталық Азияда өңірлік білім платформасын құру туралы бастама көтерді.
Қасым-Жомарт Тоқаев БҰҰ мен Еуропалық одақтың Орталық Азия мен Ауғанстанға арналған “Жарық сәулесі” өңірлік бастамасына инвестиция салуға дайын екенін атап өтті.
Бұдан бөлек президент әйел кәсіпкерлерді қолдау үшін еліміздің барлық өңірінде ресурстық орталықтар құру жоспары туралы мәлімет берді.
Мемлекет басшысы заңнамалық деңгейде қабылданып жатқан шаралар туралы айта келіп, әйелдер үшін тыйым салынған мамандықтар тізімін қайта қарауға, сондай-ақ әйелдер мен балаларды әлеуметтік және құқықтық тұрғыдан қолдауды күшейтуге ниетті екенін жеткізді.
Қасым-Жомарт Тоқаев сөзінің соңында әйелдердің теңдігі мен қауіпсіздігін қорғауға, олардың құқықтары мен мүмкіндіктерін кеңейтуге бағытталған игі істі еліміздің толық қолдайтынын нақтылады.

Әйелдер үшін тыйым салынған мамандықтар тізімі қайта қаралады

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев “Ұрпақ теңдігі” атты жаһандық форум қатысушыларына бейнеүндеу жасайды. Бұл туралы президенттің баспасөз хатшысы Берік Уәли&nbsp;<a href="https://www.facebook.com/people/%D0%91%D0%B5%D1%80%D1%96%D0%BA-%D0%A3%D3%99%D0%BB%D0%B8/100003403233694/">facebook</a>&nbsp;парақшасында хабарлады.
<blockquote>
 “Бүгін Нұр-Сұлтан қаласының уақыты бойынша шамамен сағат 21:30-да Қазақстан президенті Қасым-Жомарт Тоқаев “БҰҰ – әйелдер” құрылымының Франция және Мексика үкіметтерімен бірлесіп ұйымдастырған “Ұрпақ теңдігі” атты жаһандық форум қатысушыларына бейне үндеу жасайды”, – деп жазды Уәли.
</blockquote>
Виртуалды форматта өтетін жиын гендерлік теңдік саласындағы жаһандық күш-жігерді үйлестіруге арналған.
Форумның негізгі мақсаты – осы процеске тартылған барлық қатысушының нақты міндеттемелеріне негізделген көпжақты механизм қалыптастыру.

Қасым-Жомарт Тоқаев бүгін бейнеүндеу жасайды

<a href="https://kyzylorda-news.kz/">Kyzylorda-news.kz</a>. Мемлекет басшысы «Қазақстан Республикасының кейбір заңнамалық актілеріне жер қатынастарын дамыту мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды деп хабарлайды <a href="https://www.akorda.kz/">Ақорда</a>.
Заңның мәтіні баспасөзде жарияланады.
Жаңа түзетулерге сәйкес, ауыл шаруашылығы мақсатындағы жерлерді Қазақстан азаматтарына жеке меншікке беру туралы Жер кодексінің нормаларын қолдануға мораторий 2026 жылдың 31 желтоқсанына дейін ұзартылды. Жерді жалға алу тек 49 жыл мерзімге Қазақстан азаматтары мен шетелдік емес заңды тұлғаларға қолжетімді.

Президент жер қатынастарын дамыту бойынша өзгерістер енгізілген заңға қол қойды

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев Премьер-Министр Асқар Маминді қабылдады.
Премьер-Министр Қасым-Жомарт Тоқаевқа Қазақстанның биылғы қаңтар-мамыр айларындағы әлеуметтік-экономикалық дамуының қорытындылары, еліміздегі санитарлық-эпидемиологиялық ахуал мен егіс науқанының аяқталғаны жөнінде есеп берілді.&nbsp;
Премьер-Министр Қазақстан экономикасының пандемиядан кейінгі қайта қалпына келу сатысына өткені туралы айтты. Биылғы қаңтар-мамыр айларындағы ішкі жалпы өнім өсімінің қарқыны былтырғы осы кезеңмен салыстырғанда 1,6 пайызды құрады.
Асқар Маминнің айтуынша, дамудың негізгі қозғаушы күші 7,2 пайыздық өсім деңгейін көрсетіп отырған өңдеу өнеркәсібі (машина жасау, құрылыс материалдарын өндіру, жеңіл өнеркәсіп және т.б. салаларда қарқынды өсім бар), құрылыс секторы болып отыр.
Экономиканың өндірмейтін секторларында жоғары инвестициялық белсенділік байқалады. Негізгі капиталға құйылған инвестицияның өсімі тау-кен саласын есепке алмағанда 25,5 пайызға жеткен.
Президентке көктемгі егін егу жұмыстарының нәтижесінде егіс алқаптары 78,2 мың гектарға ұлғайып, 22,7 миллион гектарға дейін артқаны жөнінде баяндалды.
Үкімет көктемгі егіс науқанын қаржылық, материалдық-техникалық тұрғыдан қамтамасыз ету үшін барлық қажетті шешімдерді қабылдады. Көктемгі егіс жұмыстарына 128 миллиард теңге қаржы бөлініп, 380 мың тонна жанармай нарықтағы бағадан 14 пайызға төмен сатылған және 405,3 мың тонна тыңайтқыш берілген.&nbsp;&nbsp;
Премьер-Министр еліміздегі санитарлық-эпидемиологиялық ахуалдың жақсарғанын айтып, Covid-19 індетінің таралуы бойынша Қазақстан «сары» аймақтан «жасыл» аймаққа өткенін жеткізді. Бір апта ішінде індет жұқтыру деңгейі 30 пайызға азайып, коронавирустың таралу индексі 0,84-ке дейін төмендеген. Жұқпалы аурулар бөлімдерінің 24 пайызында, жан сақтау бөлімдерінің 21 пайызында науқастар ем қабылдап жатыр.&nbsp;
Нұр-Сұлтан қаласы «қызыл» аймақта, Алматы қаласы, Атырау, Павлодар, Батыс Қазақстан, Ақмола және Қарағанды облыстары «сары» аймақта. Қалған 10 облыс – «жасыл» аймақта.
Қазіргі таңда 2,4 миллион адам екпенің бірінші компонентін алды, 1,3 миллионға жуық адамға екпенің екінші компоненті салынған.
Мемлекет басшысы тұрғындарға вакцина салу қарқынын бәсеңдетпеудің және эпидемияға қарсы шараларды жалғастырудың маңызды екенін атап өтті.
Кездесу қорытындысы бойынша Президент әлеуметтік маңызы бар азық-түлік тауарларының бағасын ұстап тұру, құрылыс материалдарының бағасын реттеу, сыртқы және ішкі инвестиция көлемін арттыру, өңдеу секторын дамытып, өсімін қамтамасыз ету арқылы экономиканың құрылымдарын әртараптандыру жөніндегі шараларды жүзеге асыруға баса мән беруді тапсырды.

Президент азық-түлік тауарларының бағасын тұрақтандыруды тапсырды

<a href="https://kyzylorda-news.kz/">Kyzylorda-news.kz</a>. Бүгін Қазақстан Республикасының Бас Прокурор Ғизат Нұрдәулетов пен Ішкі істер министрі Ерлан Тұрғымбаев Қызылорда облысына жұмыс сапарымен келді.
Облыстық прокуратура ғимаратында облыс әкімі Гүлшара Әбдіқалықова және ведомстволардың басшылары прокурорлар мен сотқа дейінгі тергеп-тексеру органдарының жаңа іс жүргізу жағдайындағы өзара іс-қимыл тәртібімен танысты.
Айта кетсек, Мемлекет басшысының тапсырмасымен Қазақстан ЕЭЫҰ елдерінің үлгісі бойынша қылмыстық процестің үш буынды моделіне көшуді бастаған. Полиция дәлелдемелерді жинап, прокуратура оларға құқықтық баға береді, ал сот үкім шығаратын болады. Бұл тәсілдің артықшылығы тежемелік әрі тепе-теңдік жүйесі болып табылады, азаматтардың құқықтарын қорғау механизмі күшейтіледі.
Қазіргі уақытта өзгерістердің бірінші кезеңі – прокурорлардың тергеу органдарының негізгі шешімдерін электрондық форматта келісуі іске асырылуда. Бұрын тергеуші азаматтарды қылмыстық шеңберге тарту мәселесін дербес шешсе, енді оның шешімдері прокурор келіскеннен кейін ғана күшіне енеді. Жаңажағдайларда прокурор тергеу процесіне белсенді қатысады және заңсыз шешімдерге уақытылы ден қояды. Жыл басынан бері елімізде прокурорлар 133 мың шешіммен келісіп, 1,5 мыңнан астам азаматты қылмыстық процеске негізсіз тартудың алдын алған.
Мұнан соң Бас Прокурор Ғизат Нұрдәулетов пен облыс Әкімі Гүлшара Әбдіқалықова өңірдегі құқық қорғау және арнайы органдар басшыларымен қылмысқа қарсы күрес және құқық бұзушылықтың алдын алу мәселелері жөнінде кеңес өткізді.
Прокурорларға қылмыстық процесте қадағалауды күшейту және органдар басшыларымен бірлесіп, нақты өзара іс-қимылды жолға қою тапсырылды. Іс шара қорытындысы бойынша басшыларға басқа да бірқатар тапсырмалар берілді.

Қызылорда облысына Бас Прокурор мен Ішкі істер министрі жұмыс сапарымен келді

<a href="https://kyzylorda-news.kz/">Kyzylorda-news.kz</a>.&nbsp; ҚР Президенті Қасым-Жомарт Тоқаев Саяси қуғын-сүргін және ашаршылық құрбандарын еске алу күніне байланысты үндеу жариялады.
Мемлекет басшысы Қасым-Жомарт Тоқаевтың Саяси қуғын-сүргін және ашаршылық құрбандарын еске алу күніне байланысты үндеуі
Құрметті отандастар!
Бүгін, 31 мамыр – ел тарихындағы ең азалы кезеңнің бірін еске алу күні.
Өткен ғасырдың алғашқы жартысындағы саяси қуғын-сүргін Кеңес Одағы дәуіріндегі миллиондаған азаматтың тағдырына таңба салды. Қазақстанда жүз мыңнан астам адам жазықсыз сотталып, оның төрттен бірі өлім жазасына кесілді.
Еліміздің аумағында он бір еңбекпен түзеу лагері болды. Қазақстан Республикасының Тұңғыш Президенті Нұрсұлтан Назарбаевтың бастамасымен қасірет мекені КАРЛАГ пен АЛЖИР-де тоталитарлық жүйенің шексіз қатігездігін үнемі еске салып тұратын тарихи мемориалды кешендер ашылды.
Зұлмат заманда тұтас халықтар қудалауға түсті. Туған жерінен зорлықпен көшірілген бес миллионға жуық адам қасиетті қазақ жерінен пана тапты. Қазақстан олардың құтты мекеніне айналды.
Ұлтымыз алапат аштықтың зардабын тартып, орны толмас шығынға ұшырады. Шектен шыққан ұжымдастыру науқаны Ұлы даланы бұрын-соңды болмаған ауқымды гуманитарлық апатқа ұрындырды.
Халқымыз небір зобалаңды көрсе де рухын аласартқан жоқ. Бірлігін бекемдеп, ынтымағын арттыра түсті.
Тәуелсіздік таңы атқаннан кейін біз арыстарымызды ақтауға кірістік. Кезінде жазықсыз жазаланған мыңдаған азаматтың есімін ел жадында жаңғырттық.
Былтыр қуғын-сүргін құрбандарын толық ақтау үшін&nbsp;<a href="https://www.inform.kz/kz/kugyn-surgin-kurbandaryn-aktau-buryn-belgisiz-derekterdi-zhuyeleu-zhurip-zhatyr_a3794481">Мемлекеттік комиссия</a>&nbsp;құрылды. Комиссия солақай саясаттан жапа шеккен қазақстандықтарға қатысты тарихи әділдікті қалпына келтіруге тиіс. Бұл – мемлекеттің ғана міндеті емес, бүкіл қоғамның парызы.
Төл шежіреміздегі қайғылы кезеңдерді ұлттық бірегейлігімізден бөле-жара қарау мүмкін емес. Сондықтан, біз саяси қуғын-сүргін және ашаршылық құрбандарының рухына тағзым етіп, есімдерін мәңгі есте сақтаймыз.
Тарихтан тағылым алып, мұндай тауқымет ешқашан қайталанбауы үшін бәрін жасайтын боламыз.

Қасым-Жомарт Тоқаев: Біз саяси қуғын-сүргін және ашаршылық құрбандарының есімдерін мәңгі есте сақтаймыз

<a href="https://kyzylorda-news.kz/">Kyzylorda-news.kz</a>. Президент Қасым-Жомарт Тоқаев банктік, микроқаржылық және коллекторлық қызметті реттеу туралы заңға қол қойды, деп хабарлайды&nbsp;<a href="https://www.akorda.kz/kz/memleket-basshysy-kazakstan-respublikasynyn-keybir-zannamalyk-aktilerine-kazakstan-respublikasynda-banktik-mikrokarzhylyk-zhane-kollektorlyk-kyzmetti-retteu-maseleleri-boyynsha-ozgerister-men-tolyktyrular-engizu-turaly-kazakstan-respublikasynyn-zanyna-kol">Ақорда</a>.
<blockquote>
 “Мемлекет басшысы “Қазақстан Республикасының кейбір заңнамалық актілеріне Қазақстан Республикасында банктік, микроқаржылық және коллекторлық қызметті реттеу мәселелері бойынша өзгерістер мен толықтырулар енгізу туралы” Қазақстан Республикасының Заңына қол қойды”, – делінген ресми хабарламада.
</blockquote>
Айта кетейік, заңда кредит тарихы нашар адамдарға аса қажет болған жағдайда кредит алуға мүмкіндік беретін норма көзделген. Егер бұрын кредит тарихын сақтау мерзімі 10 жыл болса, бүгінде кредитін өтеген және қазір берешегі жоқ адамдарға қатысты бұл мерзім 5 жылға дейін қысқартылады.
“Азаматтардың кредит тарихын сақтау мерзімі маңызды мәселе болып отыр. Банктер өткен он жылда қарызын уақытылы төлемей, мерзімін өткізіп алған адамдарға кредит беруден бас тартады. Кредит тарихын сақтау мерзімі 10 жылдан 5 жылға дейін қысқарғанда, 490 мыңға жуық отандасымыз қажет болған жағдайда банктер мен микроқаржы ұйымдарынан кредит ала алады”, –дейді сенатор Ольга Перепечина.
Сонымен қатар елімізде коллекторлардың қызметін реттейтін түзетулер де қабылданды.
Енді оларға коллекторлық агенттікке тіркелмеген, бөтен адамдардың телефон нөмірінен борышкерлерге хабарласуға тыйым салынады. Одан басқа, агенттіктер борышкермен сөйлесудің кез келген процесіне бейне және аудио түрінде жазба жүргізуге міндеттеледі. Осылайша, бұл норма коллекторлардың борышкермен дөрекі сөйлесуіне немесе заңнаманы бұзуына жол бермейді.
Заң жобасында банк қарыздары мен микрокредиттер бойынша проблемалы берешектерді сотқа дейін реттеу тетіктері де жетілдірілді. Мерзімі өткен кредиттер бойынша берешекті реттеудің бірыңғай құқықтық тәртібі көзделіп отыр. Ол банктердің қарыздарына ғана емес, сондай-ақ микроқаржы ұйымдарының кредиттеріне де қолданылады.
Сондай-ақ кредиторлардың қарыз алушылардың өтінішін қарау мерзімі 180 күннен 90 күнге дейін қысқартылды.

Қазақстан және Қызылорда облысының жаңалықтары: Саясат