Kyzylorda-news.kz. Қызылорда қаласының әкімі Ғанибек Қазантаев қала тұрғындарын Тұңғыш Президент күнімен құттықтады.
Құрметті қызылордалықтар! 
Қадірлі жерлестер!
Баршаңызды Қазақстан Республикасының Тұңғыш Президенті күнімен шын жүректен құттықтаймын!
Еліміздің жетістіктерін ұлықтайтын, жас ұрпаққа нағыз елжандылық пен Отансүйгіштіктің үлгісін көрсететін бұл мерекенің орны ерекше.
1-желтоқсан тәуелсіз еліміздің қатпарлы тарихында жаңа парақша ашылған күн. Осыдан тура 30 жыл бұрын еліміз шекарасын бекітіп, егемендігін алып, өз тәуелсіздігін жариялап, тұғырына туын көтеріп болашағы үшін тағдырлы шешім қабылдады. Сол жылы алғаш рет жас мемлекеттің Президенті сайланып, халқымыз тарихи таңдау жасап, Ұлт көшбасшысы Нұрсұлтан Әбішұлы Назарбаевқа ел тізгінін ұстатты.
Мемлекетіміздің Тұңғыш Президенті – жаңа тәуелсіз мемлекеттің шаңырағын көтеріп, ел еңсесін тіктеп, қадамын нықтап, болашаққа батыл бастап, тұтас халықтың татулығы мен ауызбіршілігін сақтап, тірлігін түлетті.
Дербес ел атанып, тәуелсіздігін алған отыз жылға жуық уақыт ішінде Қазақстанды жаһандық мәселелерді шешуде ортақ ой айта алатын, әлемдік деңгейде үздік саясаттың үлгісін қалыптастырған, экономикасы қарқынды дамушы ел ретінде барша әлем танып, мойындады. Тұңғыш Президентіміздің сындарлы, сарабдал саясатының арқасында еліміз экономикалық реформаларды сәтті жүзеге асырып, тұрмысы түзелген, халқының әл-ауқаты жақсарған мемлекеттердің қатарына қосылды.
Сондықтан бұл – татулықты ту етіп, экономикалық ынтамақтастықты берік сақтап келе жатқан мемлекетіміз үшін маңызы мол, бірлігі жарасқан халқымызды бір мақсатқа жұмылдырар тарихи тағылымы терең мейрам.
Халқымыздың бірлігі мен берекесін ұлықтап, мемлекеттің мерейін асыратын мәртебелі мерекеде баршаңызға зор денсаулық, отбасыларыңызға амандық, шаңырақтарыңызға шаттық тілеймін. Тәуелсіздігіміз мәңгі болып, халықтың бірлігі мен ынтымағы артып, еліміз тыныш, Елбасымыз аман болғай!
Ғанибек Қазантаев,
Қызылорда қаласының әкімі

Тұңғыш Президент – жаңа тәуелсіз мемлекеттің шаңырағын көтеріп, ел еңсесін тіктеді

Гүлшара Әбдіқалықова: Тәуелсіз еліміздің жүріп өткен жолы кемеңгер Көшбасшының кемел істерімен тығыз байланысты

<pre><code>Kyzylorda-news.kz. Қазақстан Тәуелсіздік алған тұста ұлт тарихындағы жаңа дәуір дәл осы 1 желтоқсан күнінен басталған-ды. Өйткені, ата-бабамыздың ғасырлар бойы асыл арманы болып келген егемен Қазақстанды құру жөніндегі тарихи аманаты 1991 жылғы 1 желтоқсанда орындалып, дәл сол күні Нұрсұлтан Әбішұлы Назарбаев Тәуелсіз Қазақ елінің Тұңғыш Президенті болып сайланған болатын. 

Тәуелсіздігін енді ғана алған Қазақстанда өткен сол алғашқы жалпыхалықтық сайлауда мемлекетіміздің негізін қалаушы Нұрсұлтан Назарбаев Тұңғыш Президент болып сайланды. Мемлекет басшысының еліміздегі кең ауқымды экономикалық, саяси және әлеуметтік реформаларды жүзеге асырудағы ерен еңбегі, Қазақ елінің әлемге танымал мемлекет болып танылуына сіңірген үлесі ұшан-теңіз. 

Құрметті Отандастар, осынау мерейлі күнмен баршаңызды құттықтаймын! Еліміз аман, жұртымыз тыныш болсын! Тәуелсіздігіміз тұғырлы, болашағымыз жарқын болсын! Әр шаңыраққа амандық, береке, бірлік тілеймін!
</code></pre>
Бақдәулет Махашов,
“Жан-Арай” ЖШС басшысы.

Бақдәулет Махашов:  Елбасының қазақ елінің әлемге танылуына сіңірген үлесі ұшан-теңіз

Kyzylorda-news.kz. Қызылорда облыстық мәслихатының хатшысы Наурызбай Байқадамов ҚР Тұңғыш Президенті күнімен құттықтады.
“Тәуелсіздік бұл – халқымыздың бостандығы мен дербес даму жолындағы сан ғасырлық күрес тарихының нәтижесі. Дегенмен, келген тәуелсіздікті тұғырлы етуде елін сүйер жанкешті қасиеттері жоғары, қоғамды ұйымдастырар қарымды, ел мен елді елдестірер елші, жұртын төрге сүйреуге тәжірибелі, бұрынғы саясаттан алар сұңғылалығы мен өткеннен жияр сабақтастыққа сабырлықпен қарайтын қайраткерлер керектігін тарихтан жақсы білеміз. 
Біздің қазақ сияқты езіліп келген елдің, жұтылып кете жаздаған жұрттың, ұтылып келген ұлттың ұпайын түгендеп, айын оңынан тудыру тәуекелшіл Ер тұлғалы адамға ғана тән. Өйткені адамзат тарихында отарлықтан тәуелсіздік жолына түскен елдер көп болғанымен, социалистік жүйедегі империялық бодандықтан бостандық жолына түсу тәжірибесі алғаш рет біз сияқты кеңестік елдердің пешенесіне жазылыпты. 
Ел өмірінің осындай өткір де өтпелі кезеңінде Нұрсұлтан Назарбаевтай қырағы да табанды саясаткер бізге бұйырды. 
Қазақстан Республикасы ТМД мемлекеттері арасында бірінші болып барлық көрші елдермен шекара мәселесін шешіп алды. Мысалы, Қытай өзімен шектесетін 15 елдің ішінде бізбен ғана толық шекаралық келісімге келді. Әлемдегі ең ұзын шекаралық белдеу болған Қазақстан-Ресей шекарасы анықталып, ғасырларға созылған шекаралық дауға нүкте қойылды. 
Семей сынақ полигонын жабу нәтижесінде мемлекетіміздің тәуелсіздігінің қауіпсіздігіне әлемнің іргелі мемлекеттері кепілдік берді. 
Қазақстанда этносаралық өзара мәдени ықыластық орын алды. Басқаларды менсінбеушіліктен туатын ұлттық эгоизмнен де, өзін төмендетіп шегіншектей беретін ұлттық нигилизмнен де алшақ өз тағдырын өзгелер тағдырымен бірге қарастыратын, қадірлейтін ең биік гуманистік ұстаным қалыптасты. 
«Болашақ» бағдарламасы бойынша Қазақстан жастарына әлемнің үздік оқу орындарында білім алуға жол ашылды. 
Ұлт көшбасшысының Қазақстандықтар алдында сіңірген т.б осындай тарихи қызметіне деген құрметтің белгісі ретінде 
Қазақстан республикасының Тұңғыш Президенті – Елбасы туралы заң қабылданды. 
2000 жылы енгізілген «ҚР Тұңғыш Президенті» мәтіні 2010 жылы «Елбасы» деген айқындауыш сөзбен толықтырылды. 
Бұл ұғым Н.Ә. Назарбаевтың Ел тәуелсіздігін тұғырлы етудегі, Қазақстан халқын біртұтас Ұлтқа бірте-бірте айналдыру жолындағы нақты да орасан еңбегін көрсетеді. 
Тәуелсіздіктен қасиетті, қастерлі ештеңе жоқ. Азаттық деген сыйы мен сынағы қатар жүретін құдіретті құбылыс. Сан ғасырғы арманның бәріне аз уақытта қол жеткізе салуға ниет болғанымен қауқарымыз әлі де жетпеуде. Барымызды қадірлей, жеткенімізді жетілдіре білейік! Еліміз аман, тәуелсіздігіміз баянды, азаттығымыз мәңгі болсын! ҚР Тұңғыш Президенті күні бәріңізге құтты болсын”,- деді Наурызбай Сейітқалиұлы.

Наурызбай Байқадамов: Нұрсұлтан Назарбаевтай қырағы да табанды саясаткер бізге бұйырды

Kyzylorda-news.kz. Тарих деген бір күнде жасалмайды, тарих деген біздің көз алдымызда. Адамның жасының өзі 30 жас, 30-дағы жігітті орда бұзады дегенмен, қатты бір үлкен жетістіктегі жеке адамның өзінеде көп жас емес. Ал мемлекеттің жасы негізі ғасырлармен өлшенеді, есептеледі.
Біз қазіргі жағдайда тәуелсіздікті тұңғыш алған, бұрын-соңды бұндай үлкен деңгейде мемлекетімізді құрып көрмегендіктен 30 жылда біз көптеген мемлекеттерден кемшілігіміз де жететін шығар, десе де біз артық жетістіктеріміз көп болды. Осының бірден бір бастаушысы, қозғаушы күші, халыққа да, әлемге де өзінің жан-жақтылығымен, беделімен, алғырлығымен, ұстамды, нық тұғырымен Н.Ә.Назарбаевтың еңбегі жойтасыз көп. Ол туралы кітаптар жазылып жатыр, әндер шығып жатыр, шығармалар жазылып жатыр. Бірақ әлде де болса, біз қанша жерден айтқанмен біз тарихи бағасын дөп бере алмаймыз.
Тарихта болған ұлы, ірі тұлғалардың барлығының бағасы белгілі бір ұрпақ ауысқаннан кейін нақтылана түскен. Саяси жағдайлар, кейбір әлеуметтік жағдайлар, кейбір мәселелерді толық түсіне алмауымыз мүмкін. Тау алыстаған сайын, биіктей береді дегендей, Нұрсұлтан Әбішұлының да тұлғасы жыл өткен сайын асқақтап, күн өткен сайын биіктей береді деп ойлаймыз. Ол кемшіліксіз болу деген сөз емес, кемшілік адамның бәріне тән, бір отбасын басқарып отырған немесе бір шағын ауылды басқарып отырған адамның өзі міндетті түрде бір тәуекелге баратын кезде ол міндетті түрде бір жағдайлар кемшіліктерге баруы керек болады. Бірақ осындай үлкен тағдырлар, тәуекелге толы ертеңгі шешімдері екіталай болып тұрған жерлерде өзіне бүкіл аманатты мойнына алып, ғасырлардың тәуекеліне барған осындай біздің ұлт лидері, Елбасымыз бар, әрдайым мақтанамыз және арқа сүйейміз.
Біздің міне жас мемлекетімізді әлде де болсын қазіргі Президентіміз Қасым-Жомарт Кемелұлымен тізе қоса отырып әлі талай биіктерге шығарады деп сенеміз.
Мұхтар Ниязов

Мұхтар Ниязов: Тарих бір күнде жасалмайды

Kyzylorda-news.kz. Қызылорда облысының әкімі Гүлшара Әбдіқалықова Сыр халқын Тұңғыш Президент күнімен құттықтады.
Қадірлі жерлестер!
Тәуелсіз еліміздің мемлекеттік мерекесі 1 желтоқсан – Тұңғыш Президент күні баршаңызға құтты болсын!
Әлемдегі әр халықтың өз дәуірлеу тарихы болса, сол кезеңде басшылық еткен тұлғаның да істеген ісі мен ізі қалады.
Биыл – Тәуелсіз ел болғанымызға 30 жыл! 
Бүгінде жаңарған, жаңғырған Қазақстанның осы жылдар ішіндегі шыққан биігін барша әлем Елбасымыз Нұрсұлтан Әбішұлы Назарбаевтың есімімен тікелей байланыстырады. Сондықтан, Қазақстан Республикасының Тұңғыш Президенті күні мемлекеттік мерекесі – тәуелсіздік шежіресіндегі ең маңызды даталардың бірі. 
Биыл бұл атаулы мемлекеттік мерекеге 10 жыл толуда.
Еліміздегі әрбір адамның Тұңғыш Президентпен кездесіп, қолын алып, өз атына жақсы сөз айтқанын есітуді армандамағаны кемде-кем деуге болады.
Кеше мемлекеттік мерекеге орай өткен «Тұңғыш Президент және Тәуелсіз Қазақстан: Өркендеудің 30 жылы» атты конференция барысында баяндама жасаған азаматтардың Елбасымен кездесуін, шет мемлекеттерде өздеріне Қазақстан, Назарбаев деп зор құрмет көрсетілгенін ерекше ілтипатпен айтқан сөздерінен елі, жері, Президенті үшін мақтанышты сезіндім. 
Әрине, сенің туған еліңді, оның Бірінші Басшысын өзгелер біліп, мойындап жатса, жүрегіңді қалайша қуаныш сезімі кернемесін?!
Британдық мемлекеттік және саяси қайраткер, көрнекті тұлға Уинстон Черчилльдің «Сұңқар желдің ағынымен емес, желге қарсы биік ұшады», – деген сөзі бар.
Тәуелсіз мемлекетіміздің бір формациядан екінші формацияға өту, қалыптасу жылдарында Елбасы елін сын-қатерлерге соқтықтырмай, жағада қалдырмай, бүгінгідей жаңа Қазақстан болуы жолында шексіз еңбек етті.
Сондықтан да, тәуелсіз ел ретінде өркендеуіміздің 30 жылындағы Елбасының ерен ерлігі мен еңбегін ұрпаққа ұлағаттаудың жас өркенді Отанын сүюге, оның болашағына аянбай қызмет етуге тәрбиелеуде маңызы зор деп түсінемін.
Тәуелсіздігіміздің 30 жылдық мерейлі мерекесі құтты болсын! 
Елін сүйген кемеңгер Елбасымыз егемен елімен бірге жасай берсін!

Гүлшара Әбдіқалықова Тұңғыш Президент күнімен құттықтады

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықованың төрағалығымен 1 желтоқсан – ҚР Тұңғыш Президенті күніне арналған «Тұңғыш Президент және Тәуелсіз Қазақстан: өркендеудің 30 жылы» атты республикалық ғылыми-практикалық конференция өткізілді.
Конференцияға ҚР Парламенті Сенатының Әлеуметтік-мәдени даму және ғылым комитетінің төрағасы, саяси ғылымдар докторы Мұрат Бақтиярұлы, облыстық мәслихаттың хатшысы Наурызбай Байқадамов, Ұлттық ғылым академиясының академигі, облыстық Қоғамдық кеңестің төрағасы Бақберген Досманбетов, облыстық ардагерлер кеңесінің төрағасы Серік Дүйсенбаев, белгілі әнші-композитор Жеңіс Сейдоллаұлы, айтыскер ақын, үш дүркін «Алтын домбыра» иегері Мұхтар Ниязов, Сыр толағайы, ауыр атлетші Илья Ильин, зиялы қауым өкілдері, облыстық Қазақстан халқы Ассамблеясының белсенділері, жоғары оқу орындарының басшылары мен ғалымдары, басқарма басшылары, үкіметтік емес ұйым өкілдері және онлайн байланыс арқылы аудан әкімдері мен зиялы қауым өкілдері қатысты.
Аймақ басшысы Сыр халқын ҚР Тұңғыш Президенті күнімен құттықтап, Тәуелсіз Қазақстанның даму белесінде Елбасының рөлі мен жаңғыру кезеңіндегі Сыр елінің жетістігін тізбектеп берді.
<blockquote>
 Баршаңызды Тәуелсіз еліміздің мәртебелі мерекесі – Қазақстан Республикасының Тұңғыш Президенті күнімен құттықтаймын! Биыл бірлігі бекем, татулығы жарасқан Қазақстан халқы Тәуелсіздіктің 30 жылдығын атап өтуде. Елбасының көшбасшылығы арқасында саяси жүйесі тұрақты, экономикалық әлеуеті мықты, ұлттық рухы берік, халықаралық беделі зор қуатты мемлекетті құрдық. Осы жасампаз істерді Елбасының серігі, Президентіміз Қасым-Жомарт Кемелұлы Тоқаев жүйелі түрде жүзеге асыруда. Еліміз тәуелсіздік жылдары қаншалықты толымды табыстарға қол жеткізсе, оған Сыр елі де өз үлесін қосуда. 
 «Сыр – Алаштың анасы», бұл – қазақ елінің алғашқы астанасы Қызылорда жайлы Елбасының сөзі. 
 Екіншіден, Отандық ғарыш кеңістігінің өркендеуі. Қызылорда облысы – Қазақстанда ғана емес әлемде ғарыштық кешен орналасқан стратегиялық маңызы бар өңір. 
 Үшіншіден, халықаралық сарапшылар тарапынан «Ғасыр жобасы» аталған Арал теңізін сақтап қалу идеясы. Экологиялық апат аймағы ретінде тарап кеткелі тұрған облысымыз Тұңғыш Президентіміздің дана саясатымен Тәуелсіздік тарихында өз орнын сақтап қалды. 
 Төртіншіден, «Батыс Еуропа – Батыс Қытай» жолы арқылы ел мен елді, жер мен жерді жақындатты. Бұл барлық ауданы теміржол мен автокөлік жолының бойында орналасқан Сыр елі үшін ең тиімді инфрақұрылымдық шешім, – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/11/262919220_196208636033722_4509026016156636189_n.jpg" alt="" />
Конференцияда Мұрат Бахтиярұлы «Елбасы және ел тәуелсіздігі», Наурызбай Байқадамов «ҚР Тұңғыш Президенті – Елбасы Н.Ә.Назарбаевтың Тәуелсіз Қазақстанды қалыптастырудағы рөлі», Бақберген Досманбетов «Елбасы – елорда архитекторы», Серік Дүйсенбаев «Тұңғыш Президент және Сыр өңіріндегі дамудың өрелі 30 жылы» тақырыбында баяндама жасап, Ұлт көшбасшысы Ұлы даланың ұлы есімдерінің тікелей жалғасы, Тәуелсіз Қазақстанның негізін қалаушы ұлы реформатор Нұрсұлтан Назарбаевтың сарабдал саясаты туралы сөз қозғады.
Сонымен қатар облыстық Қазақстан халқы Ассамблеясы төрағасының орынбасары, неміс этномәдени бірлестігінің төрағасы Ирина Шек «Елбасы және Қазақстан халқы Ассамблеясы: бейбітшілік пен келісім жолы» тақырыбында баяндама жасаса, Жеңіс Сейдоллаұлы, Мұхтар Ниязов, Илья Ильин мен Талғат Тілес Тәуелсіз Қазақстанды қалыптастыру жолындағы азаматтардың үлесі туралы ой қозғап, жүрекжарды пікірлерін жеткізді.
<img src="https://kyzylorda-news.kz/wp-content/uploads/2021/11/262902757_196209012700351_1272248834876290106_n.jpg" alt="" />
<img src="https://kyzylorda-news.kz/wp-content/uploads/2021/11/262859428_196208939367025_6213194692619163956_n.jpg" alt="" />
<img src="https://kyzylorda-news.kz/wp-content/uploads/2021/11/262719848_196208972700355_9178996250587879210_n.jpg" alt="" />

Елбасының ерен еңбегі: Қызылордада Тұңғыш Президент күніне арналған республикалық конференция өтті

<a href="https://kyzylorda-news.kz/">Kyzylorda-news.kz.</a> Бүгін облыс әкімі, «Nur Otan» партиясы Қызылорда облыстық филиалының төрағасы Гүлшара Әбдіқалықованың қатысуымен 1 желтоқсан – ҚР Тұңғыш Президенті күніне орай «Nur Otan» партиясының қатарына салтанатты қабылдау шарасы өтті.
Аймақ басшысы мерекеге орай құттықтауын жеткізіп, партияның үлкен саяси ұйым екенін атап өтті.
<blockquote>
 1 желтоқсан – «Қазақстан Республикасының Тұңғыш Президенті күні» мерекесімен құттықтаймын! Бұл күн – елді егемендікке жеткізген Ұлт Көшбасшысы Нұрсұлтан Әбішұлы Назарбаевқа 1991 жылы халқымыздың ел тізгінін ұстатқан күні. 
 Ел мен Елбасы ұғымы егіз десек, Тұңғыш Президентіміздің «Nur Otan» партиясының бүгінгі күні ел тағдырына жауапты ең басты саяси күшке айналуына да еңбегі зор. Ел дамуымен қатар келе жатқан 20 жылдан астам уақытта партиямыз Ұлт Көшбасшысының саясатына берік ұстанымын танытып, Тәуелсіз Қазақстанның экономикалық, әлеуметтік, рухани дамуын қамтамасыз етуші үлкен саяси ұйымға айналды. 
 Бүгінгі салтанатты шарада партия қатарына жаңадан қабылданушыларға үлкен жауапкершілік жүктеумен қатар, алдағы жұмыстарды атқаруға мол күш-қуат берері сөзсіз. Қатарымызға жаңадан қосылып жатқан азаматтар партияның сенімді саяси жасағы ретінде, мықты партияның – мықты лидерлеріне айналады деп сенім білдіремін, – деді Гүлшара Әбдіқалықова.
</blockquote>
Салтанатты шарада облыс әкімі әр салада қызмет етіп жүрген «Nur Otan» партиясының қатарына қабылданушы 10 азаматқа партиялық билетті табыстады.
Сондай-ақ, «Nur Otan» партиясының мақсаттары мен міндеттерін орындауда белсенділік танытқан 10 партия мүшесі Алғыспен марапатталды.
Жиында облыстық қоғамдық кеңес төрағасы, қоғам қайраткері Бақберген Досманбетов Тәуелсіздіктің құндылығы туралы сөз сөйлеп, Қызылорда қаласындағы Назарбаев Зияткерлік мектебінің баспасөз хатшысы Елена Рыбина елдігіміздің мызғымас тұғыры – бірлік пен келісім туралы пікірін білдірді.
Ал, Қорқыт Ата атындағы Қызылорда университеті журналистика факультетінің 2 курс студенті Жамбыл Бақытәлі «Прагматизм – білім, бәсекеге қабілетті болудың кепілі, Елбасының қандастарға деген қамқорлығы туралы» ойын ортаға салып, жыр шумағымен құттықтауын жеткізді.
Шара соңында Арал ауданындағы келісім кеңесінің төрағасы, Арал ауданының құрметті азаматы Нұралы Оспанов, Қармақшы ауданының құрметті азаматы, жырау Бидас Рүстембекұлы мен Шиелі ауданы, «Ақмая» шаруа қожалығының басшысы Дәулет Жұмбеков онлайн байланыс арқылы қосылып, Елбасының Аралға деген қамқорлығы, ұлттық мәдениет пен салт-дәстүр және бақуатты өмірдің кілті – еңбек туралы пікірлерін білдірді.
<img src="https://kyzylorda-news.kz/wp-content/uploads/2021/11/262172440_195566786097907_7474828916907767052_n.jpg" alt="" />
<img src="https://kyzylorda-news.kz/wp-content/uploads/2021/11/262167670_195566669431252_808300744340550028_n.jpg" alt="" />
<img src="https://kyzylorda-news.kz/wp-content/uploads/2021/11/262445498_195566752764577_2222675965196006593_n.jpg" alt="" />

Облыс әкімі «Nur Otan» партиясына өткен азаматтарға партиялық билетті табыстады

<a href="https://kyzylorda-news.kz/">Kyzylorda-news.kz.</a> ҚР Тұңғыш Президенті – Елбасы Нұрсұлтан Әбішұлы Назарбаевтың төрағалығымен партия Саяси кеңесінің кеңейтілген отырысы өтті.
Кеңес отырысында ҚР Үкіметі басшысы, ҚР Парламенті Мәжілісіндегі партия фракциясының жетекшісі, партия жанындағы аймақтық даму бойынша қоғамдық кеңес төрағасы, аймақтық партия филиалы төрағасы, аудандық мәслихаттағы фракция жетекшісі сөз сөйлеп, партияның Сайлауалды бағдарламасын іске асыру бойынша Жол карталарының орындалу барысы туралы баяндаса, партия атынан сайланған ауыл әкімі елімізде жүргізіліп жатқан жаңа саяси реформалардың жастарға беріп жатқан мүмкіндіктерін атап өтті.
Бұл тұрғыда «Nur Otan» нақты мақсаттары мен істері бар партия ретінде елді партияның 2025 жылға дейінгі сайлауалды бағдарламасы мен 217 өңірлік жол картасы төңірегінде ұлттың тұрақтылығы мен топтасуын қамтамасыз етіп отыр. Орталық және жергілікті деңгейлерде басым тәртіппен бюджеттік қаржыландыру бөлініп, халыққа нақты және түсінікті индикаторлар белгіленді. Біздің өңірдің өзіндегі Жол карталарында барлығы 872 іс-шаралар жоспарланса, ағымдағы жылдың 10 ай қорытындысымен оның 53% орындалды (бұл 465 іс-шара) және 29% орындалу үстінде (252 іс-шара). 18%-ы яғни 155 іс-шара 2022-2025 ж.ж. орындалуы көзделген. Бұл «Nur Otan» партиясының істі аяғына дейін жеткізетін елдегі жалғыз саяси күш екенін тағы бір дәлелдейді.
Сонымен бірге партия жанындағы барлық ұйымдар Жол карталарының іске асырылуын бақылауға бағытталған. Себебі партия барлық деңгейдегі өкілді органдарда абсолютті басымдыққа ие болып қана қоймай, мәслихаттардағы фракция мүшелерінің бағдарламаның әрбір тармағына жауаптылығын бекітті. Яғни, өңірлік қоғамдық кеңестердің кең желісі сайлау алдындағы уәделерге мониторингті жүзеге асыра отырып, халықтың проблемалық мәселелерін де нақты тұжырымдауда.
Саяси кеңес отырысында ерекше аталып өткен келесі мәселе бұл ел Тәуелсіздігінің 30 жылдығы.
Ордалы 30 жыл ішінде Тұңғыш Президент – Елбасы Нұрсұлтан Назарбаевтың бастауымен еліміз тәуелсіз, табысты, әлемдік қоғамдастық мойындаған мемлекет ретінде қалыптасты. Әлемге зардабын тигізген ядролық қаруды жойып, өзге мемлекеттерге үлгі көрсеттік. Арқаның төрінен Еуразия жүрегі аталған Елордамызды салдық. Шетелдермен тереземіз теңесіп, саяси бағытымыз айқындалды. Еліміздегі сан ұлттың өкілі тұрақтылық пен татулықты ту етіп, бейбіт өмірді басты қағидаға айналдырды. Ауыл шаруашылығының технологиялық жетістіктері артып, өндіріс өркендеуде, орта және шағын кәсіпкерлік жанданып, әрбір ауылымыз тәуелсіздіктің шапағатын сезінуде. Осы орайда, Саяси кеңес отырысында Елбасымыз «Nur Otan» партиясының Тәуелсіздік жылдарындағы елдің дамуына қосқан үлесі мен алдағы міндеттеріне тоқтала келе қазақстандықтарға бағдар болатын «Елдіктің жеті тұғыры» атты қағидаттар жиынтығын ұсынды.
Бұл қағидаттар жиынтығын ұсыну арқылы Елбасымыз – Қазақстанның бірлігін, Конституцияны, адам мен азаматтың құқықтары мен бостандықтарын қорғауды қамтамасыз еткен қазіргі заманғы Қазақстанның негізін қалаушы ғана емес, ұлттың Көшбасшысы екендігін тағы бір мәрте көрсетті. Тұңғыш Президентіміз өзінің реформаторлық рөлі мен саяси көшбасшылық феноменін еліміз үшін қазіргідей тағдыршешті кезеңде де нақты бағыттар ұсыну арқылы көрсетіп отыр.
«Елдіктің жеті тұғыры» қағидаттарының жиынтығы – бұл Елбасының саяси тәжірибесін саяси-философиялық тұрғыдан ұғыну және қорыту. Онда әлемдік озық тәжірибе мен халқымыздың ұлттық тарихи-мәдени дәстүрлері ескерілген және Тәуелсіздіктің мызғымас құндылықтарын көрсететін іргелі құжат. Ұлт көшбасшысы егемен Қазақстанның болашақ ұрпақтарына қуатты және нақты көшбасшылық формуласын беретін қағидаттар жиынтығын ұсынды.
Қағидалар жиынтығында:
– Тәуелсіздік пен мемлекеттілік – қазақстандық ұлттың басты жетістігі және ата-бабаларымыздың армандарының жүзеге асуы екендігі;
– Елдің тұтастығы, жер және оған қол сұғылмаушылық – ұлттық бірліктің нышаны екендігі;
– Ұлтаралық келісім және мемлекеттік тілді білу – қоғамды топтастыратын, ұрпақтан ұрпаққа берілетін мәдени-өркениеттік кодтар екендігі;
– Отбасылық құндылықтар мен дәстүрлер, ұлттық және рухани мәдениетті насихаттау – жауапты қоғамның ерекше бірегей түрі екендігі;
– Терең білім мен адал еңбек – адамдардың өмірін өзгертуге, отбасының, ауылдың, өңірдің, елдің болашағын айқындауға қабілетті прогрестің негізгі шарттары екендігі сипатталады.
Сондықтан осындай ұлттық мүддені қорғау мен оған берілгендік қазақстандық патриотизмінің жасампаз күші ғана емес, сонымен қатар басты мемлекеттік басымдықтар мен әрбір азаматтың борышы мен міндеті болуы тиіс.
Л. Төрешова
«Nur Otan» партиясы облыстық филиалы
төрағасының бірінші орынбасары

Саяси кеңесте жасампаздықтың 7 қағидасы ұсынылды

&nbsp; <a href="https://kyzylorda-news.kz/ru/obshestvo/">Kyzylorda-news.kz</a>. Нұрсұлтан Назарбаев «Nur Otan» партиясының Төрағасы өкілеттігін тапсыру туралы шешім қабылдады, деп хабарлайды Елбасының Баспасөз хатшысы Айдос Үкібай Twitter-дегі парақшасында.
<blockquote>
 «Саяси кеңестің кеңейтілген отырысында Нұрсұлтан Назарбаев «Nur Otan» партиясының Төрағасы өкілеттігін тапсыру туралы шешім қабылдай отырып, партияны ел Президенті басқаруы керектігін атап өтті. Өкілеттікті беру рәсімі партия жарғысына сай жүзеге асатын болады» делінген хабарламада.
</blockquote>

Нұрсұлтан Назарбаев «Nur Otan» партиясының Төрағасы өкілеттігін Президентке тапсыру туралы шешім қабылдады

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін облыс әкімі Гүлшара Әбдіқалықова Жапонияның Қазақстан Республикасындағы Төтенше және Өкілетті Елшісі Джун Ямадамен кездесіп, екі ел арасындағы, оның ішінде Сыр елінің дамуы бағытында атқарылып жатқан жұмыстарды талқылады. Басқосуға облыс әкімінің орынбасары Бақыт Жаханов, тиісті басқарма басшылары және Жапония елінен келген делегаттар атташе Томоя Ёкоэ мен «Шөп тамыры» халықаралық бағдарламасының үйлестірушісі Акира Мацумото қатысты.
Облыс әкімі аймақтағы білім беру және экология саласындағы бастамалар мен жобаларды іске асыру үшін атқарылып жатқан жұмыстарға ризашылығын білдіріп, Джун Ямадаға Алғыс хат табыстады.
<blockquote>
 «Бүгінгі таңда Қазақстан мен Жапония ұзақ жылдар бойы ашық және сенімді өзара қарым-қатынас орната білген стратегиялық әріптестер болып табылады. Жоғары деңгейдегі тұрақты кездесулер, сауда-экономикалық қатынастар мен бірлескен мәдени ынтымақтастық елдеріміз арасындағы тиімді өзара қарым-қатынастың жарқын айғағы болып табылады. Қазақстан Жапонияның Орталық Азиядағы негізгі әріптестерінің бірі және екіжақты қатынастар жылдар өткен сайын тек кеңеюде. Достық қарым-қатынастың бір мысалы ретінде Жапония үкіметі біздің еліміздің аумағында жүзеге асырып жатқан «Шөп тамыры» бағдарламасын атап өтуге болады. Әлеуметтік саланы дамыту өңірлік саясаттың, оның ішінде білім беру саласын жақсартудың аса маңызды басымдығы болып табылатыны баршаға мәлім. Осы мүмкіндікті пайдалана отырып, Сіздерге Қызылорда облысында білім беру және экология саласындағы бастамалар мен жобаларды іске асыруға көмек көрсеткендеріңіз үшін алғысымды білдіремін», – деді Гүлшара Әбдіқалықова.
</blockquote>
«Шөп тамыры» бағдарламасы – Жапония Үкіметі Дамуға Ресми Көмек шеңберінде іске асыратын бағдарламалардың бірі. Бұл бағдарлама үкіметтік емес ұйымдар, сондай-ақ жергілікті органдар бастамашылық еткен жобаларға жәрдем көрсетеді. Бағдарлама шеңберінде денсаулық сақтау, білім беру, ауыл шаруашылығы және т. б. салалардағы жобалар іске асырылуда. Гранттық көмек жабдықты сатып алуға, сондай-ақ мекемелерді жабдықтауға қаражат беруге бағытталған.
Кездесуде Жапонияның Қазақстан Республикасындағы Төтенше және Өкілетті Елшісі Джун Ямада көрсетілген құрметке ризашылығын білдіріп, алдағы уақытта да бірлесіп жұмыс атқаруға дайын екенін жеткізді. 
Айта кету керек, Жапония делегаттары Сыр еліне жұмыс сапары барысында облыс орталығындағы бірқатар әлеуметтік нысандарды аралап, Арал ауданына барады.
<img src="https://kyzylorda-news.kz/wp-content/uploads/2021/10/248969759_3833730133396694_627923839431768400_n.jpg" alt="" />

Аймақ басшысы Жапонияның Қазақстан Республикасындағы Төтенше және Өкілетті Елшісімен кездесті

Kyzylorda-news.kz. Бүгін облыс әкімі Гүлшара Әбдіқалықова Франция Республикасының Ұлттық қорғаныс жөніндегі жоғары зерттеу институты делегациясымен кездесті.
Кездесуге Францияның Қазақстандағы Елшісі Дидье Канесс, Францияның Ұлттық қорғаныс жөніндегі жоғары зерттеу институтының қару-жарақ бойынша Бас инженері Флоранс Плессис, Францияның Алматыдағы Бас консулы Алекс Шахтахтински және Франция Елшілігі мен қорғаныс саласының қызметкерлері келді. 
Аймақ басшысы екі ел арасындағы өзара тиімді қарым-қатынастардың жалғасатынына сенім білдіріп, делегация сапарына сәттілік тіледі.
Франция Республикасы Қазақстанның тәуелсіздігін мойындаған алғашқы еуропалық мемлекет. Биыл Франция мен Қазақстан арасындағы ашық және сенімді дипломатиялық қарым-қатынастардың орнағанына 29 жыл толып отыр.
<blockquote>
 Франция мемлекеті осы өңірден шыққан жерлесіміз, Алаш қайраткері Мұстафа Шоқайға ерекше назар аударып, құрмет білдіріп келеді. Бүгінгі күні Францияны өзінің екінші отаны ретінде көрген Мұстафа Шоқайдың құрметіне саябақ және Ножан-сюр-Марн қаласында мүсіні қойылғанын ерекше атап өткен жөн, – деді облыс әкімі.
</blockquote>
Айта кетейік, осы жылдың тамыз айында Сыртқы істер министрлігінің қолдауымен екі жақты қарым-қатынас пен ынтымақтастықты одан әрі дамыту мақсатында Ножан-сюр-Марн қаласының мэриясымен Қызылорда қаласы әкімдігі арасында Бауырластық байланыстар туралы келісімге онлайн режимде қол қойылды.
Өз кезегінде, Францияның Қазақстандағы Елшісі Дидье Канесс және Ұлттық қорғаныс жөніндегі жоғары зерттеу институтының қару-жарақ бойынша Бас инженері-делегация басшысы Флоранс Плессис аймақ басшысына қонақжайлылық танытып, жылы қабылдағаны үшін алғыс білдірді.
Сыр өңіріне екі күндік сапары барысында делегация өкілдері Байқоңыр қаласына барып, Байқоңыр ғарыш алаңының тарихы музейін аралайды және Ю. Гагарин мемориалдық музейі мен бақылау алаңының жұмысымен танысады.

Қазақстан және Қызылорда облысының жаңалықтары: Саясат