<a href="https://kyzylorda-news.kz/">Kyzylorda-news.kz</a> &nbsp; Халықтың сенімін барынша иеленіп, азаматтардың конституциялық құқықтары мен бостандықтарын қорғау әрбір тәртіп сақшысына жүктелген басты міндет. Ал осы жауапкершілігі зор қызмет тәрбие мен тәртіптен басталатыны белгілі.Халықтың мұң-мұқтажы үшін кез келген қылмысқа, құқық бұзушылыққа қарама-қарсы тұра алатын нағыз қызметкерлерді дайындап, шыңдау осы бір жауапты салаға жүктелген.Осы ретте Қызылорда облысы Полиция департаменті бастығының орынбасары полиция полковнигі Оралбек Омаров төрағалығымен қалалық, аудандық полиция бөлімі бастықтарының кадр саясаты жөніндегі орынбасарлары, &nbsp;тәрбие және кадр жұмысы басқармасы, арнайы және жұмылдыру даярлық басқармасы, сондай-ақ ЖПҚБ ППР, ЖҚАЖ тәрбие және кадр жұмысы тобы инспекторларының қатысуымен «Ішкі істер органдарында кадр саясатын іске асыру» тақырыбында жедел кеңес өтті.Оралбек Тәубақабылұлының баяндама жасап, бірнеше өзекті мәселелерге тоқталып өтті.<blockquote>– Кадр саясатында еңбек ету әр қызметкерден кәсібилік пен жауапкершілікті, мұқияттылықты талап етеді. Қызметкерлерді іріктеу, дайындау, жеке құрамның кәсіби деңгейін арттыру, қызметкерлерді патриоттық рухта тәрбиелеу, олардың рухани дүниесін жан-жақты жетілдіру мақсатында атқарылып жатқан жұмыстар өте ауқымды. Әрбір қызметкердің міндеттерін тиісті деңгейде орындауының, біліктілігін үнемі арттырып отыруының, адал қызмет атқаруының, күйзеліске төзімді бола білуінің түп тамырында біздің жасап жатқан тынымсыз еңбегіміз тұр. Яғни біздің мақсат – қызметкерлердің жоғары тұлғалық қасиеттерін дамытып, патриоттық сезімдерін қалыптастырып, қызметте азаматтардың конституциялық құқықтары мен бостандықтарын бұзуға жол бермей, Қазақстан Республикасының заңдарын қатаң сақтайтын қызметкерлерді даярлау. Бүгінгі күні біз шынайы нәтижеге бағытталған жұмыстар атқарудамыз. Мемлекет басшысы атап өткендей, полиция қашанда халыққа үлгі – өнеге болуы керек, – деді Оралбек Тәубақабылұлы.</blockquote>Кеңес соңында О.Омаров ұжымда қолайлы моральдық-психологиялық ахуалды қалыптастыруды; жеке құрам арасында&nbsp;сыбайлас жемқорлыққа қарсы мәдениетін қалыптастыруда пәрменді шаралар қабылдауды; қызметтен тыс уақытта заңсыздықтарға жол бермеуді, қызметтік немесе жеке автокөліктерін басқару кезінде жол-қозғалыс ережелерін сақтауды; кәсіби-қызметтік даярлық аясында жеке құрамның&nbsp;құқықтық біліктілігін арттырып, кәсіби дайындық, дене шынықтыру&nbsp;сабақтарын жүйелі түрде жүргізуді&nbsp;тапсырды.Сонымен қатар, ҚР Ішкі істер министрлігімен берілген тапсырмаларды жеке құрамның назарына жеткізіп, жедел кеңесті қорытындылады.&nbsp;

Полиция департаментінде жедел кеңес өтті

Жәбірленуші полиция істі жеңіл баппен қарап отыр деп санайды.Ақтау тұрғынын жағажайда бейтаныс ер адам аяусыз жұдырықтап, мұрнын сындырған, – деп хабарлайды <a href="https://aikyn.kz/271204/ak-tauda-er-adam-zhag-azhayda-zhurgen--yeldi-ayausyz-u-ryp--k-anzhosa-k-ylg-an">Aikyn.kz.</a>Жергілікті басылым жазғандай, қалалық жағажайда демалып отырған әйелдерді таныс емес ер адам мазақ етіп, рұқсатсыз камераға түсіріп отырған. Оған әйелдердің бірі ескерту жасаған соң, арада жанжал басталады.<blockquote>«Сол кезде мен баламды ойнатып отырдым. Жанжалды тоқтатуға тырысып, оларға жақындадым. Алдымнан мас ер адам шыға келді де, бетімнен ұрды. Құлап түстім, мұрным сынды, бетім қан-жоса болды, бірақ ол мені тағы да ұра түсті», – дейді жәбір көрген әйел.</blockquote>Оқиға орнына полиция келген. Әйел қатты соққыдан кейін есінен танып қалған. Ол ауруханада бір апта бойы емделген.<blockquote>«Денсаулығыма едәуір зиян келді. Мұрнымды сындырды – 4,5 см жыртылған. Оның қолында қатты бір зат болған сияқты. Алайда полиция оны жеңіл баппен қарап жатыр. Тергеу дұрыс жүріп жатқан жоқ деп есептеймін. Ол осы уақытқа дейін кешірім сұрап келген жоқ, істеген ісіне өкінбейтін секілді», – дейді жәбірленуші.</blockquote>Маңғыстау облысы полициясының хабарлауынша, аталған фактке байланысты «Денсаулыққа қасақана ауырлығы орташа зиян келтiру» бабымен қылмыстық іс қозғалған. Күдікті ұсталды, сараптамалар тағайындалған.

Ақтау тұрғынын жағажайда бейтаныс ер адам аяусыз жұдырықтап, мұрнын сындырған

<a href="https://kyzylorda-news.kz/">Kyzylorda-news.kz</a>&nbsp; Елорданың екі тұрғыны TikTok әлеуметтік желісінде құмар ойындарын ұйымдастырып, жүргізгені үшін сотталды, деп хабарлайды <a href="https://egemen.kz/">Egemen.kz</a> Астана қалалық прокуратурасына сілтеме жасап.Алдын ала сөз байласу адамдар тобымен кінәлі тұлғалар «TikTok» әлеуметтік желісінде жалпы сомасы аса ірі мөлшерде 34 млн теңгеден астам табыс табумен «Зарик» атты құмар ойын өткізген.Анықталғандай, ойынның шарты тікелей эфирге қосылған азаматтар 500-ден 4000 теңгеге дейінгі мөлшердегі белгіленген соманы ұйымдастырушының есепшотына есімін және ұтыс алу үшін жеке телефон нөмірін көрсете отырып жолдауы қажет. Бір ойын тек екі қарсыластың арасында өткен.Ойын нәтижесінде бәс тігудің жеңімпазы 3 ойын текшесін айналдыру арқылы анықталған. Ең көп ұпай жинаған ойыншы жеңімпаз атанған.<blockquote>«Сот үкімімен Астана қаласының екі тұрғыны&nbsp; Қазақстанның ойын бизнесі туралы заңнамасында белгіленген орындардан тыс жерлерде құмар ойындарды ұйымдастырғаны және өткізгені үшін әрқайсысы 4 жылға бас бостандығынан айырылды», делінген хабарламада.</blockquote>Үкім заңды күшіне енді.Фото: Ашық дереккөз

Әлеуметтік желіде құмар ойын ұйымдастырғандар 4 жылға сотталды

<a href="https://kyzylorda-news.kz/">Kyzylorda-news.kz</a> &nbsp;Әділет департаментінің негізгі бағыттары – ұлттық заңнаманы қалыптастыру және зияткерлік меншік құқықтарын қорғау сондай-ақ халыққа мемлекеттік қызмет көрсету.&nbsp;Әділет органдарымен мемлекеттік қызметтің 12 түрі көрсетіледі. Заңды тұлғаларды тіркеу бағыты бойынша Әділет департаменті коммерциялық емес ұйымдарды тіркейді. Биыл облыс бойынша 46 заңды тұлға тіркелген. Бұл өткен жылмен салыстырғанда 22 пайызға азайғанын көрсетеді. Бұл туралы облыстық әділет департаментінің басшысы Ирина Бакишева мәлімдеді.<blockquote>–&nbsp;Әділет департаменті өзіне жүктелген міндеттерді орындауда ауқымды жұмыстар атқарып келеді. Қызмет барысында азаматтардың құқықтары мен бостандықтарының қорғалуына басымдық беріле отырылып, департаменттің жұмысы жоспарлы түрде жүргізілді. Заңды тұлғаларды тіркеу бағыты бойынша Әділет департаменті Коммерциялық емес ұйымдарды тіркейді. Биылғы жылы облыс бойынша 46 заңды тұлға тіркелді, бұл өткен жылмен салыстырғанда 22 пайызға азайған. Департаменттің негізгі міндеттерінің бірі – заңгерлік қызмет көрсетуді ұйымдастыру және құқықтық насихат саласында мемлекеттік саясатты қалыптастыру және іске асыру. Заңгерлік қызмет көрсету саласы тоқталып өтейін. Облыс бойынша Адвокаттардың жалпы саны –159 құрайды. Әділет департаментімен 80 адвокатпен тегін заң көмегін көрсету туралы келісімдер жасалған.6679 азаматқа заңда көзделген жағдайларда тегін заң көмегі көрсетілді. Облыста 73 жеке сот орындаушы жұмыс жасайды, оның ішінде 14-і аудандарда, 59-і Қызылорда қаласында орналасқан. Жеке сот орындаушылар бағытындағы басты жаңалықтың бірі&nbsp;Қазақстанда робот сот орындаушысы іске қосылды. ҚР Әділет министрлігі Республикалық ЖСО палатасымен бірлесіп, Тараз қаласында оңтайландырылған атқарушылық өндірісті енгізу бойынша пилоттық жобаны іске қосты. Осыған дейін азаматтар салынған айыппұлды уақытында өтей алмаған жағдайда, айыппұлдың 25%-ға дейінгі сомасын жеке сот орындаушыға төлеуге міндетті болатын. Енді бұл қызметті робот тегін атқарады. Жаңа жобаның арқасында ел азаматтары қаржысын үнемдей алады, –деді Ирина Жұмабайқызы.</blockquote>Фото:&nbsp;Қызылорда облысының Өңірлік коммуникациялар қызметі

Ирина Бакишева: 6679 азаматқа тегін қызмет көрсетілді

<a href="https://kyzylorda-news.kz/">Kyzylorda-news.kz</a> &nbsp;Облыс көлемінде өтіп жатқан «Қауіпсіз жол» жедел-профилактикалық іс-шарасы өткізілді жол қозғалысы ережесін бұзудың 901 дерегі орын алды.&nbsp;&nbsp;Оның ішінде: белгіленген тәртіппен тіркелмеген көлік құралын басқарудың – 18, жаяу жүргiншiлердің немесе жол жүрiсiнiң өзге де қатысушыларының жүруiне басымдық бермеудің –45, көлік құралын мас күйде басқарудың – 14, жаяу жүргіншілердің жол қозғалысы ережесін бұзудың – 224, қауіпсіздік белдігін пайдалану ережесін бұзудың - 158 . Сонымен қатар, 134 автокөлік айып тұрағына қойылса, 112 автокөліктің мемлекеттік белгісі алынды.

 «Қауіпсіз жол»: 901 құқық бұзушылық анықталды

<a href="https://kyzylorda-news.kz/">Kyzylorda-news.kz</a> Соңғы уақытта өзге адамның әлеуметтік желідегі аккаунтын пайдаланып, қаржылай көмек сұрайтын алаяқтардың әрекеті күшейіп кетті. Астыртын әрекетін жүзеге асырудың да жолы оп-оңай. Мұндай алаяқтардың арбауына түскендердің де қатары көбейген. Биылғы жылдың 7 ай мерзімінде 501 алаяқтық қылмыс тіркеліп, оның 245 өндірістен аяқталған. Бұл туралы облыстық Полиция Департаменті Криминалдық полиция басқармасының Аға жедел уәкілі полиция подполковнигі Тимур Хамитов айтып берді.<blockquote>– Талдау көрсеткендей, жалпы тіркелген алаяқтықтың 40,2% интернет-алаяқтық қылмыстары құрап отыр.Интернет-алаяқтық қылмыстарын ашу өзекті мәселелердің бірі болғандықтан, осы бағытта жүйелі жұмыс ұйымдастырып, қылмыстарды ашуға бағытталған шаралар қабылдау мақсатында Департамент бастығының бұйрығымен тергеу және криминалды полиция бөліністерінің тәжірибелі қызметкерлерінен жасақталған тұрақты «Киберпол» жедел-тергеу тобы құрылып, жұмыс жасауда. Департаменттің мүдделі қызмет салаларымен алаяқтық қылмыстарының алдын алу мақсатында біршама шаралар жүргізіліп жатыр. Қазіргі уақытта қала көлеміндегі базарлар мен басқа да ірі сауда орталықтарының төлем кассаларында интернет-алаяқтықтан сақтану жөніндегі анықтамалық жадынамалар халыққа берілуде,- деді Тимур Хамитов.</blockquote>Фото: Қызылорда облысының Өңірлік коммуникациялар қызметі

Қызылордада 501 алаяқтық қылмыс тіркелген

<a href="https://kyzylorda-news.kz/">Kyzylorda-news.kz</a> &nbsp;Шиелі аудандық прокуратурасында пробациялық бақылаудағы азаматтармен кездесу өткізілді. Кездесу барысында есептегі тұлғаларға пробациялық бақылаудың мақсаты, мерзімдері, құқықтары мен міндеттері, жауапкершіліктері, заңдарда көзделген жеңілдіктер, жазаны өтеуді қаскөйлікпен бұзу түрлері, Қылмыстық кодекске жаңадан енген (108-1, 109-1, 121-1-баптар) қылмыстық құқық бұзушылықтар және басқа да мағлұматтар назарларына ұсынылып, туындаған бірқатар сұрақтарға жауап берілді.Шара соңында бақылаудағы азаматтарға аудандық прокуратурамен дайындалған арнайы жадынама таратылып, онда жазаны өтеумен байланысты туындауы мүмкін сұрақтарға жауап жазылғаны атап көрсетілді. Шиелі аудандық пробация қызметінің бастығы әділет подполковнигі Қайрат Байкенжеевтің айтуынша қазіргі таңда проабция есебінде 70-ке жуық сотталған есепте тұр.Олармен тұрақты түрде профилактикалық жұмыстар жүргізіледі. Түсіндірме жұмыстарға қарамастан құқықбұзушылық жасағандар да кездеседі.Жыл басынан жаза өтеу дің міндеттерін орындамаған 3 азамат түзеу мекемесіне жіберілген,-дейді әділет подполковнигі Қайрат Байкенжеев.

Прокуратура пробация есебіндегі сотталғандармен кездесті

<a href="https://kyzylorda-news.kz/">Kyzylorda-news.kz</a> Жаңақорған аудандық пробацияқызметімен «Жігер» қоғамдық қорымен ұйымдастыруымен аудандық пробация қызметінің есебіндегі сотталғандар арасында дойбыдан жарыс өтті.Жарыстың ашылуымен ұйымдастырушылар дойбы спортының ақыл-ойды дамытуға қосар үлесі жөнінде тоқталып, сотталған азаматтарды салауатты өмір салтын насихаттауға шақырды. Сондай-ақ, алдағы уақытта осындай додалар жиі ұйымдастырылып тұратындығын атап өтіп, белсенділік танытып қатысуға шақырды. Бәсекеде пробация есебіндегі 20 сотталған сайысқа түсіп, бақтарын сынады. Жеңімпаздар алғыс хатпен марпатталды.<blockquote>– Мен бүгінгі жарыста қарсыласымды озып, алғыс хатпен марапатталдым. Мектеп жасынан ойнап жүргеннен маған жарыс аса бір қиын болмады. Негізі спорттық шаралардан қалмауға тырысамын. Осы жарыстың алдында футболдан турнир өткен.Ол жарыста да командамен жүлделі орынды иелендік. Осындай шараларға қатысуымызға ықпал етіп жүрген аудандық пробация қызметкерлеріне алғысым шексіз, – деді есептегі азамат.</blockquote>Шара соңында психолог маман семинар тренинг өткізді.

Қызылордада пробация есебіндегі сотталғандар дойбы ойнаудан сынға түсті

<a href="https://kyzylorda-news.kz/">Kyzylorda-news.kz</a> Қазақстанда жүргізуші куәлігін алу жеңілдетілді. Бұл туралы&nbsp;<a href="https://stan.kz/">Stan.kz&nbsp;</a>ақпарат агенттігі хабарлайды.Жаңа ережелерге сәйкес, енді жүргізуші куәлігінің жарамдылық мерзімі аяқталған немесе жоғалған кезде ғана емес, тегі, аты және әкесінің аты өзгерген кезде де eGov.kz порталы арқылы алуға болады.Сондай-ақ енді жүргізуші куәлігін ауыстыратындар бұрын алынған жеке куәлігі немесе төлқұжаттағы фотосын пайдалана алады.Құжатты тек мамандандырылған халыққа қызмет көрсету орталығынан емес, енді онлайн алу мүмкіндігі де қарастырылған.Еске салсақ, осыған дейін премьер-министр Олжас Бектенов&nbsp;<a href="https://stan.kz/kazakstanda-avtomektepterdegi-okitu-zhane-zhurgizushi-k-404026/">жүргізушілерді оқытуды аяқтау және жүргізуші куәлігін алу</a>&nbsp;тәсілдерін қайта қарауды тапсырды.Фото: kolesa.kz

Қазақстанда жүргізуші куәлігін алу жеңілдетілді

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы Полиция департаментінің қызметкерлері 30 жылға жуық уақытын қиын да қауіпті салаға арнаған полиция полковнигі Маштаев Әбілхан Ибрагимұлын зейнеткерлік демалысқа шығарып салды.Әбілхан Ибрагимұлы ішкі істер органдарындағы қызметін 1997 жылы Қызылорда ҚІІБ Жедел криминалистикалық бөлімінің криминалисті лауазымынан бастаған. Көптеген ауыр, аса ауыр қылмыстардың, оның ішінде «қасақана кісі өлтіру» фактілерінің де ізін суытпай ашуға үлкен үлесін қосқан.2016 жылдан Жедел-криминалистикалық басқармасының бастығы лауазымын атқарып келді.Ішкі істер органдарында қызмет атқарған жылдары ҚР ІІМ, ОІІД бастығының «Құрмет грамоталарымен», «Үздік криминалист» атағымен, «ҚР ІІМ Үздік қызмет үшін» омыраулық белгісімен, 1-ші, 2-ші, 3-ші дәрежелі «Ішкі істер органдарындағы мінсіз қызметі үшін», «Қазақстан полициясына 25 жыл» медальдарымен марапатталған.Департамент бастығының орынбасары полиция полковнигі Досжанов Амангелді Асқарұлы Әбілхан Ибрагимұлына адал қызметі үшін алғысын білдіріп, отбасына амандық, бақ-береке және жаңа жетістіктер тіледі.Фото: полиция департаменті

Қызылордалық полицейлер әріптесін құрметті демалысқа шығарып салды

<a href="https://kyzylorda-news.kz/">Kyzylorda-news.kz</a> &nbsp;Қызылорда облысының тұрғынынан 267 түп сора тәркіленді, – деп хабарлайды <a href="https://polisia.kz/qyzylorda-oblysynyng-turghynynan-267-tup-sora-tarkilendi/">Polisia.kz.&nbsp;</a>Қызылорда облысы ПД есірткі қылмысына қарсы іс-қимыл басқармасының және Сырдария аудандық полиция бөлімінің қызметкерлері жедел-іздестіру іс-шаралары барысында есірткі өсірген аудан тұрғынын ұстады.&nbsp;Жүргізілген жедел жұмыстар нәтижесінде күдіктінің ауласынан биіктігі 1,5-2 метр болатын 267 түп сора өсімдігі тәркіленді. Тәркіленген сораның жалпы салмағы – 248 келі 740 грамм. Қазіргі уақытта күдікті қамауға алынды. Тергеу жүргізіліп жатыр. Айта кетейік, 1 маусым мен 31 қазан аралығында республика көлемінде “Қарасора – 2024” жедел-профилактикалық іс-шарасы өткізіліп жатыр.Фото: polisia.kz

Қызылорда облысының тұрғынынан 267 түп сора тәркіленді 

<a href="https://kyzylorda-news.kz/">Kyzylorda-news.kz</a> Құқықтық статистика және арнайы есепке алу жөніндегі комитетінің Қызылорда облысы бойынша департаментінің мәліметінше, осы жылдың 6 айында департаментке барлығы 618 өтініш келіп түскен. “Олардың дені соттылықтың болуы не болмауы туралы анықтамалар бойынша”, – дейді мамандар. Сондай-ақ өзге мемлекеттік анықтамаларды&nbsp;egov.kz порталы немесе eGov мобильді қосымшасы арқылы іске асыруға мүмкіндік бар. Бұл туралы Қызылорда облысының Өңірлік коммуникациялар қызметінде өткен брифингте Құқықтық статистика және арнайы есепке алу жөніндегі комитеттің облыс бойынша департаменттің бөлім бастығы Естай Жукашев мәлімдеді.<blockquote>– Анықтаманы алу үшін электрондық цифрлық қолтаңба немесе телефон нөміріңізге келетін бір реттік құпия сөз арқылы өз сұрауыңызға қол қойып, жеке кабинетіңізде қол жетімді анықтаманы күтесіз. Мемлекеттік қызметті көрсету уақыты 10 минуттан 5 жұмыс күніне дейін екені ескертіледі. Анықтаманы электронды түрде «EgovKzBot» тelegram-боттың көмегімен де алуға болатының назарыңызға саламыз. Сондай-ақ, назар аудару қажет!&nbsp;http://xn--gov-qdd.kz/ порталында «бір өтініш» қағидаты бойынша шетелге шығу үшін апостиль қойылған қағаз түрінде соттылықтың болуы немесе болмауы туралы анықтама алуға өтініш беруге болады. Мемлекеттік қызметті көрсеткені үшін «Ресми құжаттарды апостиль қою» мемлекеттік баж алынады, оны төлеу «электрондық үкіметтің» төлем шлюзі немесе екінші деңгейдегі банктер арқылы жүзеге асырылады, – деді Құқықтық статистика және арнайы есепке алу жөніндегі комитеттің облыс бойынша департаменттің бөлім бастығы Естай Жукашев.</blockquote>Сонымен қатар, құқықтық статистика органдары «Адамның сыбайлас жемқорлық қылмыс жасағаны туралы ақпаратты беру» мемлекеттік қызметін а.ж. ақпан айынан бастап жүзеге асыруда, адамның сыбайлас жемқорлық қылмыс жасағаны туралы мәліметтерді беру қағидаларына түсіндірме түзету енгізілді.<blockquote>– Осылайша, мемлекеттік қызмет көрсету кезінде адамның сыбайлас жемқорлық қылмыс жасағаны туралы барлық ақпараттық жүйеде тіркелген мәліметтер көрсетіледі. 2024 жылдың 6 айының қорытындысымен Комитеттің «Арнайы есептер» автоматтандырылған ақпараттық жүйесі арқылы барлығы 164 мұрағаттық анықтама сұрату туралы сұраулар келіп түскен, оның ішінде 70 «Электронды үкімет» веб-порталы арқылы және 94 «Азаматтарға арналған үкімет» мемлекеттік корпорациясы» коммерциялық емес акционерлік қоғамы арқылы жолданған. Барлық жолданған 164 сұратулардың 81 тұлғалардың қуғын-сүргінге ұшырағандар кезеңінде болғандардың қатарына жатпауына, яғни 1940 жылдың 1 қаңтарында он алты жасқа толмауына және 66 мұрағатта мәліметтердің болмауына байланысты қанағаттандырусыз қалдырылған, – деді &nbsp;Естай Жукашев.</blockquote>Фото: Қызылорда облысының Өңірлік коммуникациялар қызметі

Қазақстан және Қызылорда облысының жаңалықтары: Құқық