&nbsp;Фото: uralskweek.kzҚызылорда қаласының тұрғыны газ инспекторларының жұмысына көңілі толмайтынын айтты <a href="https://kyzylorda-news.kz/ru">Kyzylorda-news.kz</a>-ке.Тұрғын үйлерді аралап, газ қауіпсіздігіне көз жеткізетін, құрылғының &nbsp;жарамдылығын тексеретін маман некен-саяқ деп отыр. Мәселе мұнымен шектелмейді. Айтуынша, «жауапты мекеме жұмысына жауапсыздық танытса да, ақысын ұмытпай жинайды».<blockquote> – «Рцку Кызылорданың» ешқандай техникалық қадағалау жүргізбей, 2500 теңгеден жылына жинауы масқара! Колл-центрдегі маманның айтуынша, бәрі құжатпен қатталып отыр. Бірақ біздің үйде таңнан кешке дейін адам болады. Газдан деп келген жан жоқ. Сонда пәтер жағалап, газ құрылғысын көрмей жасалатын не тексеру ол? Бір ғана «Ақмешіт» мөлтек ауданында жер үйлерді қоспағанда 3400 аса пәтер бар. Бұл – жылына 8 млн ақшаны біреудің қолына ұстата салу ғой....», - дейді &nbsp;М.Серікболқызы.</blockquote> Мәселені редакция тілшілері назарға алды. Бірақ «РЦКУ Кызылордадан» алыстан, нақты ақпарат алу мүмкін болмады. Ал бетпе-бет пікір білдірген маман былай деді: &nbsp;<blockquote> – Заңға сәйкес жұмыс атқарып жатырмыз. Жылына бір рет тұрғын үйлерге қызметкерлер «үлгерсе» барады. Себебі Қызылорда қаласы бойынша техникалық қадағалау жасайтын шамамен 10 жұмысшы ғана бар. Оның ішінде адам болғасын денсаулық жағдайы, отбасылық мәселесі де қатар жүреді», – &nbsp; деді өзін Call орталығының басшысымын деген қызметкер.&nbsp;</blockquote> Бұдан кейін толыққанды жауап берер жауапты маман алдымыздан &nbsp;шықты. Қала тұрғынының шағымын есепке алды. Әлгі тұрғынның «қол қойды» деген құжатын да көрсетті. Бірақ қала тұрғыны – М.Серікболқызының айтуынша, онда тұрған анасының қолы емес.&nbsp;<blockquote> – Сіздің үйіңізге 2023 жылы тексеруге бармаған. Ал, 2431 теңге алдыңғы жылдарда (2020,2021,2022жж) жиналған қарыздарыңыз. Құжат 2023 жылы шыққан соң мерзімі солай жазылған. Арыз-шағымыңызды жазыңыз, біз сіздің үйіңізге барған және үй тұрғыны қойылған құжаттарды тауып беруге тырысамыз, – &nbsp;деді “РЦКУ-Қызылорда” ЖШС-нің үй ішкі газ жабдықтарының техникалық қызмет көрсету бөлімінің басшысы Мұзарай Сәбит.</blockquote> Осылайша, мекеме басшылығы құжатты экспертизадан өткізу қажеттігін алға тартып отыр.&nbsp;<img src="https://knadmin.beoblood.kz/uploads/Izobrazhenie_Whats_App_2024_01_26_v_12_34_54_45fcd201_0dfca93a50.jpg" alt="Изображение WhatsApp 2024-01-26 в 12.34.54_45fcd201.jpg">Фото шағымданушының келісімімен жарияланды&nbsp; Айта кетейік, аталған мекеме 2016 жылы құрылған. Сол уақыттан бері &nbsp;газ қауіпсіздігі саласында жұмыс жүргізіп келеді.&nbsp;

Анамның атынан қол қойған: Қызылордалық тұрғын көрсетілмеген қызметтің ақысын төлеуге наразы 

Фото: видео скринВидео: <a href="https://www.youtube.com/@PaparaciAgenttigi">Paparaci Agenttigi</a><a href="https://kyzylorda-news.kz/ru">Kyzylorda-news.kz.</a> 23 қаңтар күні сағат таңғы 05:30 шамасында Қызылорда қалалық Полиция басқармасы патрульдік полиция қызметкерлері Қорқыт ата көшесінің бойында Volkswagen Touareg маркалы автокөлік жүргізушісін жол белгілері талаптарын сақтамағаны үшін тоқтауын сұраған, - деп хабарлайды <a href="http://paparaci.kz/">Paparaci.kz</a>Алайда, ол-полиция талабына бағынбай, қалаға іргелес елді-мекендегі Қарауылтөбе ауылына қарай қашып, күріштік алқабына түскен. Тосқауыл жасауға көмекке келген полиция нарядының қызметкері Volkswagen Touareg автокөлігінің алдынан жаяу шығып тоқтатқан уақытта жүргізуші заңды талабына бағынбай, полиция қызметкерін қағып, оқиға орнынан бой тасалаған.Ауыр дене жарақатын алған тәртіп сақшысы қалалық аурухананың жансақтау бөліміне жеткізілген. «Тосқауыл» арнайы жоспары бойынша шұғыл әрекет еткен сақшылар көп ұзамай 32 жастағы күдіктіні қола түсірді. Оның орта дәрежелі масаң екендігі анықталып, уақытша ұстау изоляторына қамаққа алынды. Автокөлік айыптұрақта. Қазіргі таңда билік өкіліне қатысты күш қолдану дерегі бойынша сотқа дейінгі тергеп-тексеру амалдары жүргізілуде.<figure class="media"><div data-oembed-url="https://www.youtube.com/watch?v=qqZl6_hm0DY"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/qqZl6_hm0DY" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Қызылордада масаң күйде көлік басқарған жүргізуші полиция қызметкерін қағып кеткен

Фото: egemen.kz<a href="https://kyzylorda-news.kz/ru">Kyzylorda-news.kz.</a> Ақпарат құралдарында кәмелет жасқа толмағандарға жасалған зорлық-зомбылық фактілеріне қатысты материалдар өте жиі айтылады. Тіпті қоғамдағы өзекті мәселеге айналды. Кім кінәлі? Біріміз мұғалім, біріміз құқық қорғау органдарын айыптап жатамыз. Ата-ана қайда? Шындап келгенде бұл мәселеге бүкіл қоғам жауаптымыз және қоғам болып күресуіміз керек.&nbsp;Мемлекет басшысының кәмелетке толмағандарға жасалған зорлық-зомбылықтың кез келген түріне қатысты жазаны күшейту қажеттігі жөніндегі тапсырмасы өңірде қалай жүзеге асуда? Білім беру ұйымдарында кәмелетке толмағандарға қатысты зорлық-зомбылықтың алдын-алу мәселесіне сәйкес психологиялық қолдау қызметін күшейту мен бірыңғай сенім телефонын ұйымдастыруда не істеліп жатыр? Осы өзекті мәселе «AMANAT» партиясы облыстық филиалы жанындағы партиялық бақылау комиссиясы отырысында талқыланды.<blockquote>«Кәмелетке толмағандармен және оларға қарсы жасалатын қылмыстардың алдын-алу мақсатында өткен жылы 7743 құқық бұзушы ішкі істер органдарына жеткізілсе, оның 306 кәмелетке толмағандар. Түнгі уақытта заңды өкілісіз тұрғын үй жайдан тыс жерде жүрген 5743 кәмелетке толмағандардың заңды өкілдері әкімшілік жауапкершілікке тартылды. Алайда қаншама профилактикалық жұмыстар жүргізілгенімен 2023 жыл көлемінде кәмелетке толмағандарға қарсы жасалған қылмыстар саны 2012 жылмен салыстырғанда 21,4 пайызға өсім алған», - дейді облыстық полиция департаменті, Жергілікті полиция қызметі басқармасы басшысының орынбасары Рауан Алдешов.</blockquote>Облыстық білім басқармасының балалар мен жасөспірімдерді әлеуметтік қорғау бөлімінің басшысы Шолпан Жүнісованың айтуынша "Балаларға қатысты зорлық-зомбылықтың алдын алу және оған ден қою бойынша білім беру ұйымдары қызметкерлерінің іс-қимылы алгоритміне" сәйкес әр оқиғаға қатысты шұғыл әрекет ететін аудандық және облыстық мобильді топтар құрылған.Олар бүгінгі күні 31 оқиға басында болып,12 сағат ішінде зорлық көрген баланы отбасында қалдыру немесе қалдырмау жөнінде шешім шығарған.&nbsp;Жиын барысында балалар мен жасөспірімдер арасындағы қауіп-қатер тобын анықтау үшін мектеп психологтары мен әлеуметтік педагогтардың жұмысын арттыру, баланың бос уақытын тиімді ұйымдастыру, ата-аналар комитеті, әкелер, аналар кеңестері жұмысын біріктіру, арнайы әлеуметтік маңызы бар бейнероликтер әзірлеп, БАҚ және әлеуметтік желілерде, мектептерде жариялау, тәрбиелі балаларды, олардың ата-аналарын қолдап, оларды насихаттау секілді ұсыныстар ортаға салынды.Отырыс соңында партияның облыстық филиалы жанындағы Партиялық бақылау комиссиясының 2024 жылға арналған жоспары бекітіліп, комиссия құрамына өзгерістер енгізілді. &nbsp;

Қызылордада кәмелетке толмағандар арасында қылмыс көбейген 

Фото: kazgazeta.kz<a href="https://kyzylorda-news.kz/ru">Kyzylorda-news.kz.</a> ҚР ТЖМ «Сейсмологиялық бақылаулар және зерттеулер ғылыми орталығы» ЖШС сейсмикалық стансалар желісі Алматы маңында болған тағы екі жер сілкінісін тіркеді, - деп хабарлайды <a href="https://kazgazeta.kz/news/145752">kazgazeta.kz</a>Бүгін, 25 қаңтар күні сағат 00:45-те жер сілкінді. Ошағы Алматыдан оңтүстік-шығысқа қарай 261 км қашықтықта Қытай аумағында жатыр.Зілзаланың энергетикалық класы 10.9. Магнитудасы 4.9 MPV. Бағыты 41,33° с. е. 78,81° ш. б. Тереңдігі 15 км. Қазақстан аумағында сезілмеген.ҚР ТЖМ «Сейсмологиялық бақылаулар және зерттеулер ғылыми орталығы» ЖШС сейсмикалық стансалар желісінің мәліметтері бойынша, тағы бір жер сілкінісі сағат 01:33-те тіркелді. Ошағы Алматыдан оңтүстік шығысқа қарай 262 км қашықтақта Қытай аумағында жатыр.<blockquote>«Энергетикалық класы 104. Магнитудасы 4.6. MPV. Ошағы 41,19° с. е. 78,54° ш. б. Тереңдігі 5 км. Қазақстан аумағында сезілмеген», — деліген хабарламада.</blockquote>Сағат 01:59-да үшінші мәрте зілзала тіркелді. Оның ошағы Алматыдан оңтүстік-шығысқа қарай 273 км қашықтықта Қытай территориясында жатыр.Энергетикалық класы 10.4. Магнитудасы 4/9 MPV. Ошағы 41,09° с. е. 78,57° ш. б. Тереңдігі 5 км. Қазақстанда сезілмеген.

Алматы маңында бүгін үш рет жер сілкінді

Фото: ашық дереккөз<a href="https://kyzylorda-news.kz/ru">Kyzylorda-news.kz.</a>&nbsp;Қызылорда қаласында жол апатын азайту мақсатында проекциялық жаяу жүргіншілер өткелі салынды, - деп хабарлайды Kyzylorda news ақпарат агенттігі. Облыстық полиция департаментінің мәліметінше, өткен жыл төңірегінде 59 жол-көлік оқиғасы тіркеліп, 2 адам қаза болған. 60 адам жарақаттанған. Жауапсыз шопыр жаудан жаман демекші, жауапсыздардың жайын қалалық әкімдік ескеріпті. Енді алыстағы алты жасар баланы қиындықсыз көруге болады. Себебі өткелде жарықшамдар &nbsp;жағулы тұр. Дегенмен, жаңашылдық қаланың барлық аумағын қамтымайды. Әзірге адам аяғы арылмайтын көшелерге орнатылған.<blockquote> - Мердігер – &nbsp;«Али проект констракшн» ЖШС. Қала бойынша 40 дана деп белгіленді. Бірақ әр көшенің еніне қарай қойып жатырмыз. Әсіресе, мектеп, балабақша, әлеуметтік нысан бар аумаққа назар аударылуда. Сондай-ақ, кешкі уақытта қозғалыс көп аймақтар қамтылады, - деді қалалық түрғын-үй коммуналдық шаруашылығы, жолаушылар көлігі және автомобиль жолдары бөлімі басшысының орынбасары Дархан Бақтияров. &nbsp;</blockquote>Азамат АБИМОЛДА

Қызылордада жаяу жүргіншілер жолағында өзгеріс пайда болды

Фото: ашық дереккөз<a href="https://kyzylorda-news.kz/ru">Kyzylorda-news.kz.</a> &nbsp;18 қаңтарда Астанада 2024 жылғы алғашқы үшем дүниеге келді. Бұл туралы <a href="https://stan.kz/astanalik-ayel-egiz-baladan-keyin-ushem-duniege-akeldi-394245/">Stan.kz</a> ақпарат агенттігі хабарлайды.&nbsp;Үшемнің анасы – 1998 жылы туған елорда тұрғыны Ажар Қабитова. Бұл Ажардың алғаш ана атануы емес, оның 2020 жылы туған қызы мен 2022 жылы туған егіз баласы бар.Бұл жолы отбасы 3000 грамм, 2300 грамм және 2500 грамм салмақпен дүниеге келген үш сәбимен толықты.<blockquote>"Әйел жүктіліктің 34-ші аптасында босанды. Жаңа туған нәрестелер №2 қалалық көпсалалы ауруханада бір аптаға жуық болады. Сәбилердің жағдайы жақсы, салмақ қосып жатыр, дәрігерлердің бақылауында. Ертең барлығы бірге үйлеріне шығарылды", – дейді аурухана өкілдері.</blockquote>

Астаналық әйел егіз баладан кейін үшем дүниеге әкелді

Фото: drive2.ruДереккөз: <a href="https://tolqyn.kz/">Tolqyn.kz</a>&nbsp;<a href="https://kyzylorda-news.kz/ru">Kyzylorda-news.kz.</a> Аралдықтар көлік күтіп жүр. Иә, шынымен айдың басында ұтыстан көлік ұтқан жерлестерінің жолын бізге де берсін дейтіндер көп. Нақтырақ айтсақ,«Аладдин» шығыс шайханасының ашылғанына 4 жыл болуына орай ұйымдастырылған бұл ұтыстан дәмелі жандар тек Аралдан емес, еліміздің түкпір-түкпірінде бар. Былтыр 2 көлікті өз иесіне табыстаған шайхана иесі биыл да 3 көлік және 150 бағалы сыйлықты ұтысқа қойған. Бірінші кезеңінде 75 сыйлықпен қоса 1 автокөлік ойнатылса, соның иесі аралдық Қуаныш Жұбанова атанған. Бүгін біз сол жолы болған жерлесімізбен тілдескен едік.&nbsp;<blockquote> – Әдетте мұндай дүниелерге көп қызықпайтынмын. Нәпақамды еңбегіммен тауып жүрмін. Бұрын балық комбинатында есепші болып жұмыс жасадым. Ал қазіргі уақытта балық сатумен айналысамын. Бірде інімнің жарнамасынан ұтыс өтетіні туралы естідім. Қызығушылықпен өзіне қоңырау шалып, қаншалықты шынайы, әділ өтетінін сұрадым. Барлығы ашық, әділ өтеді деген соң бағымды сынап көргім келді, – дейді.</blockquote> Толық ақпаратты естіген соң бар-жоғы 3 билет сатып алып, ұтыс ойнына қатысуға тәуекел еткен. Әрі қарай өз сезімімен бөліскен кейіпкеріміз:<blockquote> – Ұтыс ойналатын күні көпшілікпен бірге барып, өз көзіммен көргім келді. Мыңнан аса адам жиналды. Одан бөлек, тікелей байланыс арқылы төрт мыңға жуық адамның тамашалап отырғанын да естідім. Басқа қанша адам барын тіпті ойлау мүмкін емес. Үміт бар, бірақ сенім аз болды. Менде осыншама адамның арасынан көлік маған бұйырады деген ой мүлде болмады. Ал есімімді атап, ортаға шақырғандағы сезімімді, қуанышымды сөзбен айтып жеткізе алмаймын. Жолдасымда тұрақты жұмыс жоқ. Өзім көп балалы анамын. Жеті қыз тәрбиелеп отырмын. Сол балаларымның несібесі шығар, «Нyundai sonata sport» көлігі маған бұйырды. Өзімде көлік жүргізуге рұқсат қағазым жоқ. Қазір жолдасым жүргізіп жүр – дейді.</blockquote>О.ЖОЛДАСОВ&nbsp;

Аралдық балық сатушы ұтыстан көлік ұтты

Фото: baigenews.kz&nbsp;<a href="https://kyzylorda-news.kz/ru">Kyzylorda-news.kz.</a>&nbsp; Бұған дейін эколог, қоғам қайраткері Мелс Елеусізов Алматыда кез келген уақытта 12 баллдық жойқын жер сілкінісі болатынын айтқан еді деп жазады <a href="https://dalanews.kz/">Dalanews.kz.</a><blockquote>«1912 жылы үлкен сілкініс болды. Сол кезде 28 панфиловшылар паркіндегі орыстардың шіркеуі ғана аман қалған. Өте керемет салынған, қираған жоқ. Ал, Алматының барлығы қирады. Енді сондай жағдай болса сұмдық болады. Ғылыми негізде енді кез келген уақытта болуы мүмкін. Себебі, арада 100 жыл өтті, тарих көрсеткендей әр 100 жылда қайталанады. 12 баллдық жер сілкінісінде адамдардың тірі қалу ықтималдығы аз», – деді эколог.</blockquote>Оның айтуынша, қазіргі үйлерден адам шыға алмай қалуы да мүмкін.<blockquote>«Совет үкіметі уақытында үйлер 5 қабатты болатын, ал қазіргі 20-30 қабатты үйлер қиын. Физикада «инерция покоя» деген бар. Ол дегеніңіз сейсмикалық толқын төменгі жақта болғанда жоғары жақ толық сақталады. Кезіндегі 5 этаж бекер емес. Қазіргі үйлерде ешқандай сапа жоқ. Негізі халық ақырын-ақырын қайтадан ауылға бару керек. Алматыда тұруға болмайды», – деді ол.</blockquote>Елеусізовтың сөзінше, жер сілкінісі 12 баллға баратын Индонезия, Жапония, Курил аралдары, Чили елдерінен кейін бесінші біз.Күні кеше Алматыда 4 балл деңгейінде жер сілкініп, ел көше кезіп кеткен еді.Жерасты дүмпуі Алматыдан оңтүстік-шығысқа қарай 264 шақырым жерде, Қазақстан мен Қырғызстан шекарасы аумағында орын алған. Азанда да 3 баллдық толқын байқалған.Бірақ ТЖМ мамандары «Алматыда 7 баллдан асатын жер сілкінісі күтілмейді» деп сендіріп отыр.

Алматыдағы зілзала: Елеусізов қуатты жер сілкінісі жайлы ескерткен

Фото: Халық үні&nbsp;<a href="https://kyzylorda-news.kz/ru">Kyzylorda-news.kz.</a>&nbsp; &nbsp;Талдықорғанда 2 көпқабатты тұрғын үй салу кезінде бюджет қаражатын жымқырғандар сотталды, деп хабарлады<a href="https://halyq-uni.kz/money/29952-taldykorganda-sheneunik-turgyn-ui-saluga-bolingen-komakty-karazhatty-zhymkyrgan/"> halyq-uni.kz.</a>Қылмыстық тергеуді арнайы прокурорлар жүргізген.Талдықорған қаласы құрылыс бөлімінің лауазымды тұлғасы мердігермен алдын ала сөз байласып, 250 млн теңгеден аса сомаға атқарылған жұмыс туралы жалған актілерге қол қою арқылы аса ірі мөлшерде ұрлық жасаған.Сот үкімімен 3 айыпталушы, оның ішінде әкімдік қызметкері Қылмыстық кодекстің 189-бабы 2-тармағы 4-бөлігі бойынша кінәлі деп танылып, 7 жылға бас бостандығынан айырылды.Үкім заңды күшіне енген жоқ.

Шенеунік тұрғын үй салуға бөлінген қомақты қаражатты жымқырған

Фото: yandex.kz&nbsp;<a href="https://kyzylorda-news.kz/ru">Kyzylorda-news.kz.</a> ҚР Қорғаныс министрі генерал-полковник Руслан Жақсылықов пен ҚР Оқу-ағарту министрі Ғани Бейсембаев жұмыс кездесуін өткізді. Бұл туралы<a href="https://kaz.inform.kz/news/korganis-zhane-oku-agartu-ministrlkter-kush-brktrmek-159be0/"> Қазақпарат </a>хабарлады.Тараптар өскелең ұрпақты әскери-патриоттық тәрбиелеу және балалар мен оқушылардың бос уақытын мағыналы ұйымдастыру саласындағы ынтымақтастық перспективаларын талқылады. Олар бұдан бөлек Қапшағай су қоймасының жағасында орналасқан «Алтын емел» кешенін осындай мақсатқа пайдалану жөніндегі ведомстволар арасындағы шартты ұзарту жайын қозғады.Қорғаныс ведомствосының басшысы бүгінгі таңда «Алтын емел» аумағында оқу-сауықтыру орталығы толық жұмыс істемейтінін атап өтті. Ол Қонаев қаласындағы «Балдәурен» республикалық оқу-сауықтыру орталығы филиалының нысандарын жөндеуге, спорт алаңдары мен тағы бір асхана салуға көмек көрсетуді ұсынды.Министрлер «Балдәурен» РОСО-ның төрт филиалында әскери қызметшілер мен Қарулы күштер қызметкерлерінің балаларына демалу, сондай-ақ ерекше білім беруді қажет ететін балаларды оңалтуға квоталар бөлу мүмкіндігін де талқылады.<blockquote>– Жас сарбаз қозғалысы біздің қолдауымыздың арқасында дамып, жұмыс істеп келеді. Әр гарнизондағы бұл балалар осы оқу-сауықтыру орталықтарына өз қатарластарын білуге, демалуға, оқу алдында күш-қуат жинап, тынығуға келе алады. Бұл мемлекеттің нақты қолдауы болмақ және біз өз тарапымыздан қызметтің өзге де бағыттары бойынша көмектесуге дайынбыз, – деді генерал-полковник Руслан Жақсылықов.</blockquote>Оқу-ағарту министрі Ғани Бейсембаев өз кезегінде «Балдәурен» РОСО барлық филиалдарында әскери қызметшілердің балаларын сауықтыруға арналған квота туралы ұсынысты қолдады. Сөз барысында ол әскери бөлімдердің есіктері балалардың алдында жиі ашыла бастағанын атап өтті.<blockquote>– Біз қазір әскери бөлімдерде ашық есік күндерінің жүйелі түрде өткізіліп жатқанын байқап отырмыз. Мектеп бітіруші сынып оқушыларын әскери-патриоттық тәрбие саласына белсенді тарту, оларды армияның күнделікті өмірімен таныстыру қажет, – деп атап өтті ол.</blockquote>Министр Ғани Бейсембаев балалармен және жасөспірімдермен жұмыс істеуге алғашқы әскери дайындығын ұйымдастырушы оқытушылар ретінде әскери зейнеткерлердің қатысуына қолдау білдірді.Кездесу қорытындысы бойынша тараптар тиісті меморандум жасасу және балалар мен оқушыларға әскери-патриоттық тәрбие беру бойынша бірлескен жұмыс жоспарын жасау жөнінде жұмыс жүргізуге шешім қабылдады. Екі министрліктің ынтымақтастығы ашық есік күндерін өткізуді, «Балдәурен» РОСО филиалдарында үйірмелер, спорт секцияларын ашуды және сыныптарды тақырыптық безендіруді көздейді.Бұл бағытта жұмыс әрі қарай жалғасатынын айта кеткен жөн.

Қорғаныс және Оқу-ағарту министрліктері күш біріктірмек

Фото: Халық үні<a href="https://kyzylorda-news.kz/ru">Kyzylorda-news.kz.</a> Алматыда жер сілкінісі нәтижесінде 8 адам зардап шекті, бір тұрғының жағдайы ауыр, - деп хабарлайды <a href="https://kaz.inform.kz/news/almatida-zher-slkns-keznde-ush-adam-kopkabatti-uydn-terezesnen-sekrd-aa6ea9/">Қазақпарат.</a>Алматы қалалық денсаулық сақтау басқармасының мәліметінше, түнгі сағат 03:00-тегі жағдай бойынша 8 адам зардап шекті. Олар бірден қалалық ауруханаға жеткізілді.<blockquote>«Жарақат алған үш адам тұрғын үйлердің 2 және 3 қабатынан секірген. Медициналық тексерістен кейін екеуі амбулаториялық емделуге жіберілді. Үшінші науқастың жағдайы ауыр, қазір ол ауруханада жатыр», - деп хабарлады басқармадан.</blockquote>Сондай-ақ, үйден жүгіріп шыққан бес адам жарақат алды. Барлық қажетті медициналық көмек көрсетілгеннен кейін олар да амбулаториялық емдеуге жіберіледі.Бұған дейін басқарма өкілдері емдеу мекемелеріне тұрғындардың жүгінбегенін жеткізген еді.

Алматыда жер сілкінісі кезінде үш адам көпқабатты үйдің терезесінен секірді

Фото: Анадолу.&nbsp;<a href="https://kyzylorda-news.kz/ru">Kyzylorda-news.kz.</a>&nbsp; Алматыда қуатты жер сілкінісі болды. Бұл туралы <a href="https://kaz.inform.kz/">Kazinform</a> хабарлайды.&nbsp;Төтенше жағдайлар министрлігіне қарасты «СТӘК» ЖШС-ның сейсмикалық стансалар желісі Алматы уақытымен 23 қаңтар күні 00 сағат 09 минутта жер сілкінісін тіркеді. Жерасты дүмпуі Алматыдан оңтүстік-шығысқа қарай 264 шақырым жерде, Қазақстен мен Қырғызстан шекарасы аумағында болды.Энергетикалық санаты – 15.1. MPV тербелісі – 6.7. Тереңдігі – 65 км.Жер сілкінісі Алматыда 4 балл деңгейінде (MSK-64 шкаласы бойынша) сезілді.Алматы қаласы Төтенше жағдайлар департаментінің мәліметінше, өзара іс-қимыл алгоритмі бойынша тиісті мемлекеттік органдарға хабар берілді. Тіршілікті қамтамасыз ету объектілерінің жұмысына мониторинг жүргізіліп жатыр.Алматы тұрығындары үрейленіп, үйінен көшеге, далаға шығып жатыр.&nbsp;&nbsp;

Қазақстан және Қызылорда облысының жаңалықтары: Оқиғалар