<a href="https://kyzylorda-news.kz/">Kyzylorda-news.kz.</a>&nbsp; Жерлесіміз, Қазақстан Жазушылар Одағының мүшесі, ақын Темірше Сарыбайұлының 80 жылдық мерейтойына арналған «Сөйле жүрек, сөз сенде, толға бүгін» атты республикалық жазба ақындар жыр мүшәйрасы өтті.
<blockquote>
 «Темірше ақынның өлеңін оқыған адам оның туған жерге туын тіккен азамат екенін шамалайды. Қамал бұзар қырық жасында өнер қуып, өлең қуып Алматыға аттанса, араға отыз жыл салып, елге оралды. Бұлдағы Темкеңнің елге деген сағынышы мен махаббатынан болса керек. «Сырдың жиегінде тұрып сұлулығына көз салудан артық қандай бақыт бар!», деді аудан әкімінің орынбасары Жасұлан Ерданұлы.
</blockquote>
Жыр мүшайраға республикамыздың әр өңірінен 12 ақын қатысты. Байқау екі кезеңнен тұрды. Бірінші кезекте жас ақындар өздерінің Темірше Сарыбайұлына арнаған арнау өлеңдерін оқыса, екінші кезеңде еркін тақырыпта өз өлеңдерін оқыды.
Филология ғылымдарының кандидаты, қазылар алқасының төрағасы Шанжархан Бекмағанбетов, Қазақстан Жазушылар және Журналистер одағының мүшесі , ақын Ғазиза Әбілда және Қазақстан Жазушылар одағының мүшесі, ақын Назгүл Бердіқожа бастаған қазылар алқасы жеңімпаздарды анықтап, арнайы дипломмен және қаржылай сыйлықтармен марапаттады.
Сайыс нәтижесінде шымкенттік Арайлым Мұраталиева ІІІ орын, нұрсұлтандық Мұхтар Күмісбек ІІ орын, қызылордалық Ақжол Түменбай І орынды иеленсе, Алматы қаласынан келген Нұртас Тұрғанбек бас жүлдені қанжығасына байлады.
<img src="https://kyzylorda-news.kz/wp-content/uploads/2021/12/265112960_309185467876683_1845984262227242495_n.jpg" alt="" />

Жалағашта республикалық жазба ақындардың жыр-мүшайрасы өтті

<a href="https://kyzylorda-news.kz/">Kyzylorda-news.kz.</a> Ақпарат және қоғамдық даму министрлігінің қолдауымен «Қазақстан» телерадиокорпорациясы ұйымдастырған «30 жыл 30 есім» ұлттық байқауының жеңімпаздары анықталды.
**Жеңімпаздар: 
**– «Медицина және денсаулық сақтау саласына қосқан үлесі үшін» – Серік Ақшолақов, Юрий Пя, Надежда Петухова 
– «Қоғамдық белсенділігі үшін» Асылы Осман, Олеся Баимова, Айман Омарова 
– «Мәдениет саласына сіңірген еңбегі үшін» Димаш Құдайберген, Секен Тұрысбеков, Ерболат Төлепбай 
– «Кино саласына сіңірген еңбегі үшін» Болат Әбділманов, Асанәлі Әшімов, Досхан Жолжақсынов 
– «Спорт саласындағы жетістіктері үшін» Дәулет Тұрлыханов, Қанат Ислам, Илья Ильин 
– «Ғылымның дамуына қосқан үлесі үшін» Асқар Жұмаділдаев, Күнсұлу Закарья, Зейнолла Самашев 
– «Білім саласының дамуына қосқан үлесі үшін» Муаммер Гүль, Аятжан Ахметжанұлы, Аягүл Миразова 
– «Ауыл шаруашылығы және агроөндіріс саласына қосқан үлесі үшін» Нұрислам Ыбраев, Иван Сауэр, Сыдық Дәулетов 
– «Дәстүрлі өнердің дамуына қосқан үлесі үшін» Айгүл Үлкенбаева, Рамазан Стамғазиев, Елмұра Жаңабергенова 
– «Әдебиет» аталымы бойынша Дулат Исабеков, Светқали Нұржан, Ұлықбек Есдәулет марапатталды.

«30 ЖЫЛ 30 ЕСІМ» ұлттық жүлдесінің иегерлері анықталды

<a href="https://kyzylorda-news.kz/">Kyzylorda-news.kz.</a> Қызылорда облысының мәдениет, архивтер және құжаттама басқармасының ел Тәуелсіздігінің 30 жылдығына орай ұйымдастырған «Тұғыры биік Тәуелсіздік» атты республикалық ақындар айтысы «Жергілікті атқарушы органдар» санаты «Жылдың үздік жобасы» номинациясына ұсынылған болатын. Аталған шара жобалық басқару жөніндегі ұлттық конкурста жеңімпаз атанып, күміс жүлдеге ие болды.
Алты Алашқа ана атанған Сыр өңірінде сөз сарасын салмақтаған сүлейлердің жалғасы болған, елдің даңқын бір ауыз сөздің құдіретіне сыйдырған ақындар аймағымыздың өнері мен мәдениетін асқақтатып келеді.
Суырыпсалма өнердің саңлақтары сөз сайысында Тәуелсіздік жылдарындағы еліміздің қол жеткізген мерейлі жетістіктерін, кемел келешегі мен бағдарлы болашағының бағытын ұшқыр ой, көркем тілмен жырға қосып, халыққа кеңінен насихаттады. Сондай-ақ айтыс аламаны жаңа есімдер, жас ақындармен толықты.

«Жылдың үздік жобасы»: Қызылордада өткен ақындар айтысы күміс жүлдеге ие болды

Kyzylorda-news.kz. Бүгін облыстық Н.Бекежанов атындағы қазақ академиялық музыкалық драма театрында Қазақстанның еңбек сіңірген қайраткері, Қызылорда облысының Құрметті азаматы Әмір-Темір Хұсейін Жүсіпұлының 80 жылдығына арналған «Театр-тағдыр тұмарым!» атты шығармашылық кеші өткізілді.
Мерейлі кеште облыс әкімі Гүлшара Әбдіқалықова мерейтой иесін құттықтап, өнер саласындағы еңбегін ерекше бағалады.
<blockquote>
 “Тәуелсіздігімізге 30 жыл болған еліміздің рухани байлығын арттырып, төл өнерімізді халықаралық деңгейде танытуда өнер өкілдерінің алар орны бар. Қазіргі таңда Сыр елінде мақтаныш етіп айтатын өнердің тұғырлы тұлғаларының тұтас ансамблі бар. Солардың сапында Қазақстанның еңбек сіңірген қайраткері, танымал режиссер, талантты сахна майталманы Хұсейін Жүсіпұлы Әмір-Темірдің есімі ерекше аталады. Еліміздің бірнеше театрында қызмет етіп, алайда, туған жерге деген перзенттік парызын өтеу үшін Қызылорда драма театрында қалған Хұсейін ағамыз бүгінде қазақ театр өнеріндегі өр болмысты өнер иесіне айналып отыр. Хұсейін ағамызды Сыр театрының ғана емес, жалпы қазақ өнерінің дамуына сүбелі үлес қосқан қайраткер деп танимыз. Театрдың шығармашылық ұжымын бір арнаға тоғыстырып, сахналық өнерді толыққанды жасауға үздіксіз қызмет атқарып келеді. Міне, бүгін Сыр жұртшылығы, өнер сүйер қауым өзіңізбен бірге қуана тойлап жатыр. Мерейлі жасыңыз құтты болсын!”, – деді облыс әкімі.
</blockquote>
Аймақ басшысы мерейтой иесіне Сыр елінің өнер саласына қосқан зор үлесі үшін алғыс білдіріп, Қызылорда облысының Құрмет грамотасын табыстап, иығына шапан жапты.
Мерейтойлық кеште өнер майталманын КСРО және Қазақ КСР Халық артисі Асанәлі Әшімов, Қазақстанның халық артисі Талғат Теменов құттықтап, маэстроның театр өмірінде қалдырған өзіндік қолтаңбасы мен жоғары репертуарлық талғамын атап өтті. Ал, ҚР Мәдениет және спорт министрі Ақтоты Райымқұлованың құттықтауын аталмыш министрліктің жауапты қызметкері Гүлнафис Мырзашева жеткізді.
Шығармашылық кеште көрнекті жазушы, ҚР Мемлекеттік сыйлықтарының иегері Дулат Исабеков және С.Вургун атындағы Әзірбайжан Мемлекеттік орыс драма театрының көркемдік жетекшісі Мирбала Салимли бейнеқұттықтауын жолдады.
Іс-шарада Алматы қаласындағы Ғ.Мүсірепов атындағы жасөспірімдер театрының әртістері, Сыр өнерпаздары Самал Байсейітова мен Мақсат Мақұлбеков бастаған өнер саласының қызметкерлері режиссердің өмірлік жолы мен қызметіне арналған сахна қойылымдары мен ән композицияларын орындады. Кеш соңында мерейтой иесі жиналған жұртқа көрсетілген құрмет үшін ризашылығын білдірді.
Хұсейін Әмір-Темір Сырдария ауданында туған. Қызылорда, Талдықорған, Алматы, Шымкент, Орал театрларының сахнасында түрлі жанрдағы, әртүрлі стильдегі 200-ден аса спектакль қойған. Сыр өңіріндегі халық театрларында 15-тен аса спектакльді сахналаған. Өнер иесінің туындылары отандық және шетелдік театрларында қойылып, көрерменнің ыстық ықыласына бөленді.
Шығармашылық жетістіктері үшін кеңестік Мәдениет министрлігінің, 2 мәрте Қазақстан Республикасы Мәдениет министрлігінің, Қызылорда және Алматы облысы әкімінің Құрмет грамоталарымен марапатталған. Қазақстанның еңбек сіңірген қайраткері атағын алды.
<img src="https://kyzylorda-news.kz/wp-content/uploads/2021/12/fb_img_1638620592462.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620596070.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620598352.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620600940.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620607073.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620610186.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620612817.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620616248.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620618381.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620620327.jpg" alt="" />
<img src="https://kyzylorda-news.kz/wp-content/uploads/2021/12/fb_img_1638620626892.jpg" alt="" />

Театр тарланы Хұсейін Әмір-Темір &#8211; 80 жаста

<a href="https://kyzylorda-news.kz/">Kyzylorda-news.kz.</a>&nbsp; ҚР Тәуелсіздігінің 30 жылдығы және «Рухани жаңғыру», «Ұлы даланың жеті қыры» бағдарламалық мақалалары аясында өңірімізде 1 республикалық, 1 аймақтық, 15 облыстық конкурс-фестиваль ұйымдастырылды. Бұл туралы Өңірлік коммуникациялар қызметінің ақпарат алаңында өткен брифингте облыстық мәдениет, архивтер және құжаттама басқармасының басшысы Асқарбек Есжанов мәлімдеді.
<blockquote>
 «Осы байқаулардың нәтижесінде жыр әлеміне жаңа есімдер шығып, жас жыршыларымыз жеңіс тұғырынан көрінді. Жақында Қостанай қаласында ел Тәуелсіздігінің 30 жылдығына орай ұйымдастырылған «Арқада Наушабайдың Нұржаны өткен» атты дәстүрлі орындаушылардың ІІ республикалық байқауында жерлісіміз Малика Алдамжарова бас жүлдені, ал Ақтөбе қаласында өткен даңғайыр жырау Әбубәкір Кердері Боранқұлұлының 160 жылдығына арналған аймақтық жыраулар байқауында Жақсан Жәнібек ІІІ орынды иеленді. Сыр өнерпаздары әр уақытта өнер биігінен көрініп, Сыр мәдениеті мен ұлттық дәстүрімізді дәріптеп, өнер көшін әлі де жалғастыратынына сенімдіміз», – деді басқарма басшысы Асқарбек Темірбекұлы.
</blockquote>
Келер жылы Сыр шайырлары Базар жырау Ондасынұлының 180 жылдығына, Тұрмағамбет Ізтілеуұлының 140 жылдығына орай республикалық деңгейдегі шаралар ұйымдастырылып, «Қорқыт және Ұлы дала сазы» атты халықаралық фольклорлық музыкалық өнер фестивалін өткізу жоспарлануда.

«Қорқыт және Ұлы дала сазы» атты халықаралық фольклорлық өнер фестивалін өткізу жоспарлануда

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылорда қаласының әкімі Ғанибек Қазантаев Қазақстанның еңбек сіңірген қайраткері Хұсейн Әмір-Темірді қабылдады.
Кездесуде қала әкімі Хұсейн Жүсіпұлын Қазақстан Республикасы Тәуелсіздігінің 30 жылдығымен тұспа – тұс келген мерейтойымен құттықтап, құрмет көрсетті.
<blockquote>
 «Ұлы қазақ елінің өнер керуені еш уақытта аялдамайды. Қазақ мәдениетіне зор үлесін қосып, өнер өлкесінде өрісін тауып, руханият әлеміне өзіндік із қалдырған тұлғаларымыз аз емес. Халқымыз Сізді де талантымен талайды тәнті еткен өнер майталманы, киелі сахнаның саңлағы, ұлағатты жолды жалғастырушы, мыңдаған шәкірттердің ұстазы, дарынды режиссер ретінде таниды. Сіз қашан да тыңнан тақырып тауып, әртүрлі стильдегі, сан қырлы жанрдағы қойылымдарды талғамы биік көрермендерге ұсынып, құрмет төрінен орын алдыңыз. Шекпеніңізден шыққан ізбасарларыңыз әрдайым мерейіңізді үстем қыла бергей», -деді қала әкімі.
</blockquote>
Еңбек ардагері Хұсейн Жүсіпұлы көрсетілген ілтипатқа алғысын білдірді. Қала әкімі Ғанибек Қонысбекұлы мерейтой иесіне «Құрмет» грамотасын табыстап, иығына шапан жапты.
<img src="https://kyzylorda-news.kz/wp-content/uploads/2021/12/263741673_2975786509354754_2135463142336976372_n.jpg" alt="" />

Қазақстанның еңбек сіңірген қайраткері Хұсейн Әмір-Темірге құрмет көрсетілді

Kyzylorda-news.kz. Қазалы ауданы Үрмәш Түктібаев атындағы ауылда Орынбет ишан Дәрменқұлұлының 200 жылдығына орай «Ортамыздың құты Орынбет ишан» атты ауқымды шара өтті.
Ел Тәуелсіздігінің 30 жылдығы аясында өткен шарада облыстық жас ақындар айтысы мен ұлттық спорт түрлерінен жарыс ұйымдастырылды.
Ауылдық клубта жас ақындар айтысы басталмастан бұрын көрермендерге Орынбет ишанның өмір жолынан сахналық көрініс көрсетілді.
Облыстық жас ақындар айтысына қатысушы сөз зергерлерін Майдакөл ауылдық клубының меңгерушісі, ақын, сазгер Ермекбай Ағырай таныстырып, аламанды бастап кетті.
Жас ақындар жұртшылыққа кестелі жыр, сүбелі сөз сайысын паш етті. Айтыстың ақтық сынында бас жүлдені жалағаштық жас ақын Қартбай Мейіржан қанжығасына байласа, бірінші орынға Қызылорда қаласынан келген Бақытәлі Жамбыл ие болды. Екінші орынды майдакөлдік Бекзат Серіков, үшінші орынды Қызылорда қаласынан келген Бекқожа Нұржігіт пен қармақшылық Бекқанат Смайлұлы місе тұтты.
Ү.Түктібаев ауылдық клубында өткен шараға аудан әкімі Мұхтар Оразбаев қатысып, құттықтау сөз сөйледі.– Ү.Түктібаев атындағы ауыл қазақы қаймағы бұзылмаған, бір-бірімен тату-тәтті, ынтымағы мен берекесі жарасқан мекеннің бірі. Сондықтан болар түктібаевтықтардың бірлігі бекем, тірлігі тиянақты. Бүгін біз Сіздермен бірге облыстық жас ақындар айтысынан бөлек, түрлі шаралардың куәсі болып отырмыз. Әрине, мұндай салтанатты шараны ұйымдастыра білу екінің бірінің қолынан келе бермейді. Тек берекесі тасып, ынтымағы артқан, жастары жалындап тұрған ауылдар ғана қолға алып, абыроймен өткізе алады, – деген аудан басшысы жас айтыскерлерге сәттілік тіледі.
Мұнан соң Орынбет ишан Дәрменқұлұлының 200 жылдығына орай ұйымдастырылып жатқан шараны жоғары деңгейде өтуіне ерекше үлес қосқан Ү.Түктібаев ауылындағы «Орынбет ишан» мешітінің бас имамы Ғабдулла Иниятуллаұлына аудан әкімінің «Алғыс хаты» табысталды.
Облыстық жас ақындар айтысын аудандық мәслихат хатшысы Бақытжан Жарылқап, «Нұр Отан» партиясы аудандық филиалы төрағасының бірінші орынбасары Нұрғиса Жалғасбаев, облыстық мәслихат депутаты Ібайдулла Тілеп, Әйтеке би кентінің әкімі Қайрақбай Орынбасаров, аудандық ардагерлер кеңесінің төрағасы Оразғали Бекбанов, Жанқожа батыр атындағы аудандық мешіттің бас имамы Берік қажы Сүлейменов қатысып, жас ақындардың айтысын тыңдады.
Орынбет ишан Дәрменқұлұлының 200 жылдығына орай Б.Әбдіразақов атындағы №88 мектептің спорт залында қазақша күрес, батпан көтеру және қол күресінен жарыстар ұйымдастырылды. Жарыс жеңімпаздарына қаржылай сыйлықтар табысталды.

Қазалыда жас ақындар айтысы өтті

<a href="https://kyzylorda-news.kz/">Kyzylorda-news.kz.</a>&nbsp;Қазақ өнері мен Сыр мәдениетінің өркендеуіне өлшеусіз үлес қосқан өнер майталманы, Н.Бекежанов атындағы қазақ академиялық музыкалық драма театрының көркемдік жетекшісі, Қазақстанның Еңбек сіңірген қайраткері, «Құрмет» орденінің иегері Әмір-Темір Хұсейін Жүсіпұлының 80 жылдық мерейтойы облыс көлемінде аталып өтпек. Бұл жөнінде Өңірлік коммуникациялар қызметінде өткен брифингте Н.Бекежанов атындағы қазақ академиялық музыкалық драма театрының директоры Ғалым Баймырзаев хабарлады.
<blockquote>
 «Театрдың шығармашылық ұжымын бір арнаға тоғыстырып, сахналық өнердің толыққанды шығуына елеулі еңбек сіңірген Хұсейін Әмір-Темір Жүсіпұлының мерейтойына арналған «Сергек жас-80» атты театрландырылған концерттік бағдарлама 3 желтоқсан күні сағат 18:00-де және «Театр-тағдыр-тұмарым!» шығармашылық кеші 4 желтоқсан күні сағат 11:00-де театр сахнасында қалың көрерменге ұсынылмақ. Аталмыш кешке қазақ өнерінің майталманы Асанәлі Әшімов бастаған өнер иелері қатысады», – деді Ғалым Қонақбайұлы.
</blockquote>
Әмір-Темір Хүсейін Жүсіпұлы өнердегі шығармашылық жолын 1967 жылы Н.Бекежанов атындағы Қызылорда облыстық драма театрында әуелгіде артист, 1970 жылдан бастап режиссер болып еңбек етті. Бүгінде сексеннің сеңгіріне шыққан абыз ақсақалды барша халық құрметтейді.
<blockquote>
 «80 жыл – бір ғұмыр. 1965-1967 жылдары Қарағанды және Қызылорда театрында актер болып қызмет жасадым. 1973 жылы тұңғыш рет театрда Т.Ахтановтың «Махаббат мұңы» спектаклін қойдық. Сол уақыттарда 40-қа жуық спектакль театр сахнасында қойылған болатын. Біздің қойылымдарымызды Мәскеуден келген сыншылар көріп, өздерінің жоғары бағасын берген еді. 1979 жылы Бүкілодақтық байқаудың дипломымен марапатталдық. Одан кейін де жеткен жетістеріміз көп болды. Жас актерлерге ұстаз болып шәкірт те тәрбиеледім. Мінекей, ғұмырымның жартысынан көбі театр сахнасында өтті десем артық емес», – деді Әмір-Темір Хүсейін Жүсіпұлы.
</blockquote>

Әмір-Темір Хұсейін Жүсіпұлының 80 жылдық мерейтойы облыс көлемінде аталып өтпек

<a href="https://kyzylorda-news.kz/">Kyzylorda-news.kz.</a> Бүгін Ә.Тыныбаев атындағы 11 мектеп-лицейінде 1990 жығы түлектердің демеушілігімен 2000-нан астам оқушының рухани тәрбиеленуіне үлес қосатын домбыра сыныбы ашылды.
Домбыра сыныбын Қазақстан Республикасының еңбек сіңірген қайраткері Байбосынова Ұлжан Мәлікайдарқызы мен үш дүркін «Алтын домбыра» иегері, ақын Мұхтар Ниязов салтанатты түрде лентасын қиды.
Салтанатты шарада домбыра сыныбының ашылуына мұрындық болған қазақтың жыр өнерін әлемге паш етіп жүрген жыршы, филология ғылымдарының кандидаты, ҚР еңбек сіңірген қайраткері Байбосынова Ұлжан Мәлікайдарқызы мектеп оқушыларына өз атынан 20 домбыра тарту етті.

Қызылорда қаласындағы мектепте домбыра сыныбы ашылды

<a href="https://kyzylorda-news.kz/">Kyzylorda-news.kz.</a>&nbsp;Түркістан қаласында өткен «Халықаралық «Қазақтілі» қоғамы» қоғамдық бірлестігінің VI Құрылтайында мемлекеттік тілдің дамуына қосқан айрықша үлесі үшін қоғамдық бірлестіктің Қызылорда облыстық филиалының төрағасы, «Тіл сақшысы» газетінің бас редакторы, «Тіл жанашыры» белгісінің иегері Сәдуақас Аңсат Президент Жарлығымен бекітілген «Парасат» орденімен марапатталды.
Алқалы жиында орденді Қазақстан Республикасының Мемлекеттік хатшысы Қырымбек Көшербаев табыстады.
Барша сырбойылықтардың атынан қоғам жанашыры Сәдуақас Әбдіқадырұлына облыс әкімінің Алғысы табысталды. Мемлекеттік тілдің мәртебесін асқақ етуге табанды еңбек етіп, ана тілдің беделін көтеруде байыпты бастамалар жасап жүрген азаматқа облыс әкімінің құттықтау хатын облыстық ішкі саясат басқармасының басшысы Мира Қазбекова жеткізіп, құрмет көрсетті.
Сәдуақас Аңсат 1945 жылдың 12 қаңтарында Қызылорда облысы, Қармақшы ауданының Жосалы кентінде дүниеге келген. Сол кенттегі №26 қазақ-орта мектебін 1962 жылы бітіріп, Шымкент қаласындағы қазақ химия-технологиялық институтына түсіп, 1967 жылы «құрылыс-технологі инженері» мамандығын үздік дипломмен аяқтайды.
Еңбек жолын Шымкенттегі темір-бетон зауыттарында бетоншы, арматуршы болып бастаған. Мемлекеттік қызметте, қоғамдық бірлестіктерде жауапты лауазымды қызмет атқарып, елдің әлеуметтік-экономикалық дамуына айрықша үлес қосқан.
Қызылорда қаласында қызмет атқарған жылдары бірнеше мәрте облыстық партия комитеті мүшелігіне кандидат, қалалық кеңестің депутаты болып сайланған.
­Сәдуақас ­Әбдіқадырұлы «КСРО Еңбек ардагері», «Қазақстан Респуликасы Тәуелсіздігіне 20 жыл», «Қазақстан халық Ассамблеясына 10, 20 жыл», «Ұлы Октябрь Революциясына 100 жыл», «Халықаралық «Қазақтілі» қоғамының «Ана тілі» айрықша белгісі», Республикалық «Тіл жанашыры» құрмет белгісі, «Қызылорда қаласына 190 жыл», «Қармақшы ауданына 80 жыл», «Қызылорда облысына 70 жыл», «Комсомолға 100 жыл» мерекелік медальдарымен марапатталған.
Сондай-ақ Қызылорда облыс әкімі мен мәслихатының Құрмет грамотасымен, «Халықаралық Қазақ тілі» қоғамының ҚР көші-қон және демография агенттігінің құрмет грамоталарымен, ел тәуелсіздігінің 10 жылдығына, Қазақстан Үкімет басшысының Алғыс хатының иегері.

Тіл жанашыры Сәдуақас Аңсат «Парасат» орденімен марапатталды

<a href="https://kyzylorda-news.kz/">Kyzylorda-news.kz.</a> Екі жыл бұрын басталған дәстүр бұл. Әлі есімде. Облыстық мәслихат депутаты, «Nur Otan» партиясының мүшесі Аманжол Оңғарбаевтың басшылығымен «Сыр медиа» ЖШС қызметкерлерінен жасақталған топ Елбасының «Болашаққа бағдар: рухани жаңғыру» және «Ұлы даланың жеті қыры» бағдарламасы аясында Сыр бойындағы киелі жерлермен танысып, насихаттауды қолға алғаны бар. Бас директор Аманжол Сақыпұлының өзі бастап, әсіресе, жас тілшілерді бұл сапарға ерте шығуы көңіл қуантты.
Жазғы мезгіл. Ысыған уақыт басталғалы ысылдаған құм арасынан қазақтың өткенін білсек деген өлермендікпен апталап жүрсек те, бұл сапарға өкінген ешкім жоқ шығар. Бастысы, тарихи тұлғалардың өмір жолы мен ерлік ісі, елге деген қызметіне қатысты көрген-білгенімізді қағазға беттеп, «теңізге қосқан тамшыдай» болса да үлес қосуды өзімізге парыз санадық. Әрі солай еттік те. Ойға түйіп, параққа түсірген жазбалар облыс пен аудандық басыламдарда жарық көрді.
Сол уақытта сапар басын Отырар ауданындағы Арыстан бабтан бастауды жөн көрдік. Облыс статусын алған ежелгі қалада құрылыс қарқынды жүріп жатқан уақыт. Қала ішіне аралап, Отырар ауданына түсер автожолға дейінгі біздің байқағанымыз осы болды. Одан соң 50 шақырымнан әрі жатқан Шәуілдірдегі Арыстан бабтың мекенінде ұзақ аялдағанымыз бар. Дұрысы, осында қондық. «Арыстан бабқа түне, Қожа Ах¬меттен тіле» деген сөзді сіз де естігенсіз. Қазақылықтан аттамадық солай.
Айтпақшы, жеті жерде жайы бар әулиенің Арал ауданында да қорымы бар. Кесене емес, ақ тастармен қоршалған, төрт құлақты там ғана. Жергілікті жұрт мұнда Арыстан бабтың өзі жатқанына шүбәсіз сенеді. Сапар барысында ол жерді де көзбен көрдік. Әдетте, зиярат етуге ниет еткен азаматтар рухани астанамыз – Түркістанға жақын орналасқан Арыстан баб кесенесіне арнайы ат басын тіреуге тырысатыны рас. Әрі ондағы арасы жиі шоғырланған киелі орынның көптігі де себеп шығар. Біз сол уақытта көргеніміз бен түйгенімізді саралай келе, баба жатыр деген сенімдегі қос мекеннің ахуалын қаз-қалпынша газет бетіне жазуға тырыстық. Әсіресе, «Аралдың Ақирегінде жатқан киелі мекенді гүлдендіріп, туризмнің дамуына дем беруге болмас па?!» деген ой келе берді басымызға. Бұл Елбасы көтерген рухани жаңғыруға үн қосатын игілік, шын мәнінде. Әлі де Арал топырағына табаның тие бере дәл алдыңнан көрінер Арыстан баб әулиенің кесенесі мен жан-жағын көркейтуді тиісті орындар назарға алса, мұндағы ат басын тірейтін ағайынның қарасы тіпті көбейеді деген сенім зор. 
Қош, біз бұдан бөлек Түркістан қаласындағы Қожа Ахмет Яссауи кесенесіне соғып, ежелгі қала Сауран мен Сығанақта болдық. Бұдан бөлек, Шиеліде орналасқан үлкен зиярат кешеніндегі бабалар рухына құран бағыштадық. Мұнда қазақтың жеті әулиесі, сөзге шешен датқалары, батырлары жатыр. Экспедиция барысында осы әулиелер мекеніне де бас сұғып, бабалар рухына тағзым еттік.
Қазақта үш жүзге пір болған Мүсірәлі сопы әзизден кейінгі діни қайраткер ретінде Марал ишанның аты белгілі. Ал, аңыз айтатын үш жүзге пір болған, жеті өлікке жан берген сопы әзиз Мүсірәлінің «тоқсан түйе томардың үстінде күймей», хан кеңесіндегі пір сайлау сынағынан өткен кереметі тіпті бөлек әңгіме. Біз айтып отырған Марал баба Құрманұлының Сыр өңірі, одан қалды, қазақ рухания¬тында айрықша орны бар. «Сыр медиа» ЖШС-ның арнайы тобы Қармақшы жерінде де болды. Қорқыт баба мәңгілік мекен тапқан өлкеден тұтас елге белгілі дарынды ұл-қыздың шыққаны аян. Киелі топыраққа қадам басып тұрып, әуелі дүние тылсымын қобыз сарынына сыйғызған баба басына да, ишан жатқан мекенге де барғанбыз.
Сол жаздағы ерекше сапар Қазалы топырағында жалғасқан. Өзіміз атын естіп, сырттай қанық болғанмен, Қызылқұмның әр түкпіріндегі бұрынғы киелі кісілердің жатқан жайын осы жолы көзбен көргенбіз. Нақты мақсат та осы еді ғой. Олар кімдер десеңіз, аруақты Жанқожа баба, үш жүзге пір болған Мүсірәліұлы Қосым, мың баламен Бұланты шайқасында жоңғарды қырған Сартай батыр… Тізім жалғаса береді.
Сырдың бойын қасиет қонған һәм киелілер жатқан мекен деуіміздің де себебі осында. Әлі де қарт Қаратаудан бастап Аралдың кең атырабына дейінгі аймақта бүгінгілер білмейтін һәм білуге тиісті қанша құндылық жатқанын ешкім тап басып айта алмайды. Біз аймақтың бір бөлігін ғана шарлап шықтық. Бармаған, көрмеген нысандар қаншама?! Рас, бұған дейін атқарылған жұмысты да жоққа шығара алмаймыз. Біздің ежелгі кесенелер мен көне қалалар орны өзгелер тамсанатын Рим, Мысыр, Қытай өркениеттерімен иық тіресіп, шежірелі тарихтан сыр шерте алатыны анық. Бір қуанарлығы, біздегі барлық құнды жәдігер мемлекет бақылауына өтіп, қамқорлыққа алынды. Бұны ұлт мұрасына адалдық танытып, көне тарихымызды жаңғыртуда атқарылған көптеген нәтижелі істің арқасы деп білеміз.
Осындай шежірелі ескерткіштеріміз жайлы жазу үстеліне отырмас бұрын, олардың нақты мекен-жайына барып, көзбен көріп, көңілге түю бөлек дүние. Айтқандай, облыстық мәслихат депутаты, «Сыр медиа» ЖШС басшысы Аманжол Оңғарбаевтың ұйымдастыруымен құралған шығармашылық топтың киелі жерлер мен тарихи мекендерге сапары әлі де жалғасатын болады. Бұл – жаңғыру жолы. Бұл – «көрсем», «білсем» деп құмартқан кейінгі буынға деген рухани қазына.
Ержан ҚОЖАС

Үлгі болар үрдіс бар бізде

<a href="https://kyzylorda-news.kz/">Kyzylorda-news.kz.</a>&nbsp; «Birgemiz: Asyl мura» жалпыұлттық жобасын жүзеге асыру мақсатында жарияланған шағын грант байқауында Қорқыт ата атындағы Қызылорда университеті студентінің жобасы қолдау тапты.
Экономика және басқару кафедрасының аға оқытушысы Ағжан Карбозованың ғылыми жетекшілігімен Мұрат Төлеудің «Тарихи және мәдени жәдігерлерді цифрландыру» тақырыбындағы жобасы Қазалы ауданы, Қ.Пірімов ауылында жүзеге асырылды.
<blockquote>
 «Жоба нәтижесінде ескерткішке QR код&nbsp; тақтайшасы орнатылды. Бұл Ұлы Отан соғысы ардагерлерінің тек есімін ғана біліп қоймай, олардың фото, видеоларын өз ұля телефондары арқылы танып-білуге мүмкіндік береді.&nbsp; Жобаның мақсаты – Қ.Пірімов&nbsp; ауылының&nbsp; тарихи-мәдени ескерткіштерінің дамуына үлес қосып, цифрландыру жұмыстарын жүргізу», – деді «Экономика және басқару» кафедрасының аға оқытушысы Ағжан Карбозова.
</blockquote>
Бұдан бөлек жоба аясында жастарға ауыл көшелерінің аталу тарихы да насихатталды. Алдағы уақытта білім алушылардың ғылымға, білімге деген қызығушылығын одан әрі дамытып, қолдау мақсатындағы жұмыстар өз жалғасын табады.
<img src="https://kyzylorda-news.kz/wp-content/uploads/2021/11/ae18b33b-1e0a-4667-a726-22a9da74d815-1.jpg" alt="" />

Қазақстан және Қызылорда облысының жаңалықтары: Мәдениет

Жалағашта республикалық жазба ақындардың жыр-мүшайрасы өтті

«30 ЖЫЛ 30 ЕСІМ» ұлттық жүлдесінің иегерлері анықталды

«Жылдың үздік жобасы»: Қызылордада өткен ақындар айтысы күміс жүлдеге ие болды

Театр тарланы Хұсейін Әмір-Темір – 80 жаста

«Қорқыт және Ұлы дала сазы» атты халықаралық фольклорлық өнер фестивалін өткізу жоспарлануда

Қазақстанның еңбек сіңірген қайраткері Хұсейн Әмір-Темірге құрмет көрсетілді

Қазалыда жас ақындар айтысы өтті

Әмір-Темір Хұсейін Жүсіпұлының 80 жылдық мерейтойы облыс көлемінде аталып өтпек

Қызылорда қаласындағы мектепте домбыра сыныбы ашылды

Тіл жанашыры Сәдуақас Аңсат «Парасат» орденімен марапатталды

Үлгі болар үрдіс бар бізде

Тарихи-мәдени ескерткіштерді цифрландыру жобасы жүзеге асырылды

Қазақстан және Қызылорда облысының жаңалықтары: Мәдениет

Жалағашта республикалық жазба ақындардың жыр-мүшайрасы өтті

«30 ЖЫЛ 30 ЕСІМ» ұлттық жүлдесінің иегерлері анықталды

«Жылдың үздік жобасы»: Қызылордада өткен ақындар айтысы күміс жүлдеге ие болды

Театр тарланы Хұсейін Әмір-Темір &#8211; 80 жаста

«Қорқыт және Ұлы дала сазы» атты халықаралық фольклорлық өнер фестивалін өткізу жоспарлануда

Қазақстанның еңбек сіңірген қайраткері Хұсейн Әмір-Темірге құрмет көрсетілді

Қазалыда жас ақындар айтысы өтті

Әмір-Темір Хұсейін Жүсіпұлының 80 жылдық мерейтойы облыс көлемінде аталып өтпек

Қызылорда қаласындағы мектепте домбыра сыныбы ашылды

Тіл жанашыры Сәдуақас Аңсат «Парасат» орденімен марапатталды

Үлгі болар үрдіс бар бізде

Тарихи-мәдени ескерткіштерді цифрландыру жобасы жүзеге асырылды

Театр тарланы Хұсейін Әмір-Темір – 80 жаста