<a href="https://kyzylorda-news.kz/">Kyzylorda-news.kz.</a> &nbsp;Арал ауданында жастар жылына орай белгілі айтыскер ақын, термеші, әуесқой композитор Ниятолла Раманқұловты еске алуға арналған «Ақиқат жырдың арнасы – Аралдың Ниятолласы» атты облыстық мектеп оқушылары арасындағы жас ақындар айтысы өтті.
Жыр додасының ашылу рәсіміне аудан әкімінің орынбасары Бектемір Жұмағұлов қатысып, Ниятолла Раманқұловтың өмірі мен шығармашылық жолына тоқталды. Сонымен қатар, дәстүрлі өнерді дәріптеп, ойлы өлең шалымды шумақ құрап келген сөз зергерлеріне сәттілік тіледі.
Мұнан соң облыстық халық шығармашылығын дамыту және мәдени-продюсерлік орталығының қызметкері, жырау Берік Саймағамбетов сөз алып, жас айтыскерлерге ізгі лебізін білдірді.
Сөз жүйрігін даралайтын додаға Арал ауданымен қатар Шиелі, Жалағаш, Қармақшы, Қазалы аудандарынан келген 12 жас ақын қатысып, сынға түсті.
Көмейіне жыр толтырып, сөзден маржан терген жас ақындар Ниятолла Раманқұловтың шығармашылығын тақырыпқа арқау етіп, көпшілік көрерменді өнерлерімен тәнті етті.
Айтыс қорытындысы бойынша бас жүлдені қазалылық ақын Бекзат Серіков жеңіп алды. Жүлделі I орынды Қызылорда қаласынан келген Нұржігіт Биқожа қанжығасына байласа, аралдық ақын Ерасыл Сейітжанұлы II орынды, жалағаштық ақындар Дидар Өмірзақ пен Динара Берікқызы III орынға ие болды.
<img src="https://kyzylorda-news.kz/wp-content/uploads/2019/11/28aralaitys2.jpg" alt="" />
<img src="https://kyzylorda-news.kz/wp-content/uploads/2019/11/28aralaitys3.jpg" alt="" />

Аралда облыстық жас ақындар айтысы өтті

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясының қолдауымен «Қазақстан кәрістер қауымдастығы» Қызылорда облыстық қоғамдық бірлестігінің ұйымдастыруымен кәріс этносының мәдени күні болып өтті.
Мерекелік шараға облыстық Қазақстан халқы ассамблея құрылымдары, этномәдени бірлестіктің басшылары және белсенді мүшелері, жоғары және орта арнаулы оқу орындарының жастары және БАҚ өкілдері қатысты.
Шара барысында Достық үйінің фойесінде көрме ұйымдастырылды. Келушілер кәріс этносының асханасынан дәм татты.
Облыстық Қазақстан халқы ассамблеясы хатшылығының меңгерушісі Ләйлә Төрешова бірлік пен ынтымақты ту еткен кәріс этномәдени бірлестігінің бірқатар белсенділерін марапаттап, бірлестік жетекшісі Елена Алексеевнаға аймақ дамуына қосқан үлесі үшін алғысын білдірді.
<blockquote>
 «Сыр өлкесі – атам заманнан сан ұлт өкілі бас қосқан, бақыт тапқан мекен. Бүгінгі күні біздің өңірде 35 өзге этнос өкілдері бар. Әрқайсысы өз салт-дәстүрлерін сақтай отырып, өңірдің дамуына өз үлесін қосып келеді. Соның ішінде, кәріс халқы 80 жылдан астам осынау қазақ өлкесінде өмір сүруде. Бұл жай ғана оқиғалардың, күндердің тізбегі емес, &nbsp;ол – өзара бірлесіп өткізілген өмір, ортақ тарих. Кәріс этносының өкілдері әрдайым еңбекқорлығымен ерекшеленді. Бұған тек бір Шиелі ауданында ғана кәріс этносының 29 өкілі Социалистік Еңбек Ері атағына лайық екені дәлел бола алады. Ал “Авангард” колхозынан, бүгінгі күні Ақмая ауылдық округі 16 Социалистік Еңбек Ері шықты. Бұл лайықты таңданыс. Ұрпақтар сабақтастығын 30 жыл бойы “Қазақстан кәрістер қауымдастығы” Қызылорда филиалының жетекшісі Ким Елена Алексеевна бастаған мүшелері жалғастырып келеді. Құрметті, Елена Алексеевна және&nbsp; орталық белсенділері, сіздерге өңірдегі этносаралық келісім мен жалпыұлттық бірлікті нығайтуға, корей этносының мәдениетін, тілін, салт-дәстүрін және тарихын дамытуға және сақтауға қосқан үлестеріңіз үшін зор алғысымды білдіремін», – деді Ләйлә Төрешова.
</blockquote>
Шара мерекелік концертке ұласып, өнерпаздар әннен шашу шашып, түрлі қойылымдар қойды.
<img src="https://kyzylorda-news.kz/wp-content/uploads/2019/11/25karisetnos2.jpg" alt="" />
<img src="https://kyzylorda-news.kz/wp-content/uploads/2019/11/25karisetnos3.jpg" alt="" />
<img src="https://kyzylorda-news.kz/wp-content/uploads/2019/11/25karisetnos4.jpg" alt="" />
<img src="https://kyzylorda-news.kz/wp-content/uploads/2019/11/25karisetnos5.jpg" alt="" />
<img src="https://kyzylorda-news.kz/wp-content/uploads/2019/11/25karisetnos6.jpg" alt="" />

Қызылордада кәріс этносының мәдени күні өтті

Kyzylorda-news.kz. Елордада ҚР Президенті жанындағы Орталық коммуникациялар қызметінде Қызылорда облысының әкімі Қуанышбек Ысқақов баспасөз мәслихатын өткізді. Жиын барысында аймақ басшысы «Рухани жаңғыру» бағдарламасының облыста орындалу барысын баяндады.
Облыс әкімі Рухани және қоғамдық құндылықтарды қалыптастыруда мәдениеттің ықпалы зор екенін атап өтті. &nbsp;
<blockquote>
 «Былтыр 28 қарашада Маврикий Республикасында өткен Біріккен Ұлттар Ұйымы жанындағы ЮНЕСКО-ның 13-сессиясында Қорқыт Ата рухани мұралары ғаламдық материалдық емес мұралар тізіміне енді. Бұл жұмыстарды төрт жыл бойы түркиялық, әзірбайжандық әріптестерімізбен бірге атқардық.
 Ұлы Қорқыт ата мұраларын жаһандық мәдени мұра тізіміне енгізу бастамасы, негізінен бізге тиесілі. Осы жұмыстар аясында біз биыл түркітілдес елдердің «Қорқыт және Ұлы дала сазы» халықаралық өнер фестивалін бесінші рет өткіздік. Оған Түркия, Иран, Сербия, Саха, Татарстан, Әзірбайжан және басқа да елдерден белгілі ғалымдар қатысып, 200-ге жуық өнер шеберлері мен шығармашылық ұжымдар келді, – дейді аймақ басшысы.
</blockquote>
Айта кетейік, ежелгі және ортағасырлық Сығанақ, Жанкент, Сортөбе, Шірік-Рабат, Жент, Бәбіш-мола, Қышқала қалашықтарына археологиялық қазба жұмыстары жалғасуда. Биыл Сығанақ қалашағындағы қазба жұмыстары кезінде «ежелгі қорымнан» ХІІІ-ХІҮ ғасырлардағы алтын бұйымдар (сырға, алқа, қапсырмалар, моншақтар, керамикалық қаптамалар) табылып, ғылыми зерттеуге жіберілді.

Сыр еліндегі тарихи қалашықтарда археологиялық қазба жұмыстары жалғасуда

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазалыда жыршы-термеші Әмитжан Бөріқұлақовтың 95 жылдығына орай «Жыр тербеткен жүрегін» атты облыстық жыршы-термешілер байқауының өтті. ҚР Тұңғыш Президенті Н.Ә.Назарбаевтың «Болашаққа бағдар: Рухани жаңғыру» мақаласы аясында ұйымдастырылған шараға Қызылорда қаласы мен аудандардан 20 талапкер қатысты.
Облыстық байқауда аудан әкімінің орынбасары Әлімжан Жарылқағанов құттықтау сөз сөйлеп, талапкерлерге сәттілік тіледі.
Жыршы-термешілер байқаудың шартына сәйкес бірінші кезеңде Әмитжан Бөріқұлақовқа арнауын арнаса, екінші кезеңде Бұхар жырау, Нұртуған жырау, Мұрын жырау, Қарасақал Ерімбет, Нұрсұлтан Жұбатұлы, Байназар Өтептің термелерінен орындады.
Олардың өнерін белгілі жырау, облыстық халық шығармашылығын дамыту және мәдени-продюсерлік орталықтың жыраулармен жұмыс секторының меңгерушісі Майра Сәрсенбаева бастаған, Халықаралық, Республикалық, облыстық байқаулардың жеңімпазы Айбек Тәңірбергенов, Қазалы ауданының Қорқыт ата атындағы балалар музыка мектебінің терме сыныбының оқытушысы Сандуғаш Бисенбаева қостаған жыршы-термешілер сарапқа салды.
Әділқазылар алқасының шешімі бойынша Қазалы ауданының намысын қорғаған Жанболат Өмірзақ Бас жүлдені жеңіп алды. Ал жаңақорғандық Көкен Өскенбай бірінші орынға қол жеткізді.
Жүлделі екінші орындарға Сырдария ауданынан Өтеуов Алмат, Арал ауданынан Жақсан Жәнібектер табан тіресе, Арал ауданынан Еркебұлан Шынжанов, Қармақшы ауданынан Малика Алдамжарова, Руслан Өтегенов үшінші орындарға ие болды.
<img src="https://kyzylorda-news.kz/wp-content/uploads/2019/11/21zhyrshy2.jpg" alt="" />

Қазалыда облыстық жыршы-термешілер байқауының жеңімпазы анықталды

<a href="https://kyzylorda-news.kz/">Kyzylorda-news.kz.</a> Қазалы ауданындағы Р.Бағланова атындағы аудандық мәдениет орталығында «Сенсің бабам өнегесі ерліктің, Хақ бастауы азаттықтың елдіктің» атты жазба ақындар мүшәйрасы өтті.
Ұлт азаттығы жолындағы ұлы күрескер, даңқты қолбасшы, халық батыры Жанқожа Нұрмұхаммедұлының 245 жылдығына орай ұйымдастырылған байқауға 28 талапкер қатысты.
Мүшәйрада ҚР Журналистер Одағы сыйлығының лауреаты, ҚР Ақпарат саласының үздігі Жұмабек Табынбаев, Шилі ауылындағы №259 мектептің директоры Ұлан Қалиев және «Қазалы» газетінің жауапты хатшысы Алтын Қосбармақовалар ақындардың өнерін сарапқа салды.
Қазылар алқасының шешімімен Жанқожа Нұрмұхаммедұлының 245 жылдығына орай ұйымдастырылған мүшәйраның Бас жүлдесін Абай ауылындағы №90 орта мектептің 10 сынып оқушысы Әлихан Махашев жеңіп алса, І орынға Ғ.Мұратбаев ауылындағы №91 мектептің қызметкері Ақзия Қожахмет қол жеткізді. Ал, жүлделі екінші орындарға «Қазалы» газетінің тілшісі Ақтілеу Қалдыбай мен Қазалы қаласындағы №16 мектеп-лицейдің 9 сынып оқушысы Қызғалдақ Меңдіқұл, үшінші орындарға Аранды ауылының кітапханашысы Жанғазы Данабек, Жанқожа батыр атындағы №70 орта мектептің 11 сынып оқушысы Қуандық Ақнұр, Ғ.Мұратбаев ауылындағы №91 орта мектептің 10 сынып оқушысы Сүлеев Алтынбек табан тіреді.
Сондай-ақ, бұл байқауда Дәрменқұл ишан, Киікбай батыр, Ақтан батыр, Төремұрат жырау, Өтеген Нұрымбет, Көкіұлы Есет батыр, Дабыл батыр, Қызылбас палуан, Есенбай батыр, Шағырай батыр және Мұнарбай батыр атындағы арнайы жүлделер де өз иесін тапты.
<img src="https://kyzylorda-news.kz/wp-content/uploads/2019/11/21zhankozha2.jpg" alt="" />

Қазалыда Жанқожа батырдың 245 жылдығына орай аудандық жазба ақындар мүшәйрасы өтті

<a href="https://kyzylorda-news.kz/">Kyzylorda-news.kz.</a> Абай Құнанбайұлының 175 жылдығына орай 11-сынып оқушылары арасында Мұхтар Әуезовтің «Абай жолы» романының желісі бойынша сахналық қойылымдар байқауы өтті.
Кураторлар мен қазақ тілі пәні мұғалімдері ұйымдастырған шара Абай шығармашылығын оқушылар арасында насихаттау мақсатында өтті.
11 “С” сыныбы бала Абайдың оқудан келген сәті мен ата-анасымен қауышу, отбасында тәрбиелік мәні зор көріністі, 11 “В” сыныбы бозбала Абайдың әкесі Құнанбайдың тапсырмасымен жер мәселесін шешуге араласу сәтіндегі ақылдылығы мен шешендігін, ал 11 “А” сыныбы болыс Абайдың ел ісіне араласқан сәттегі әділдігі мен ақындығын сахналады.
Көркем шығарманың мазмұны мен танысқан оқушылар Абай бейнесін сомдауда зор ықылас пен актерлік шеберліктерін таныта білді.
<blockquote>
 – «Абай жолы» шығармасын толық оқымасам да, Абайдың жүріп өткен жолының қандай ауыр болғанын түсіндім. Бұл байқау романды оқуға деген қызығушылымды оятты. Ал сахнада образ сомдаудың жауапкершілігі өте жоғары екеніне көзім жетті, – деп, өз ойымен бөлісті Абай рөлін сомдаған 11 “В” сынып оқушысы Дархан Бақытжан.
</blockquote>
Айта кету керек, Ұлы Абайдың 175 жылдығына орай Қызылордадағы Зияткерлік мектепте көптеген тәрбиелік-танымдық шаралар ұйымдастырылып келеді. Жас ақындар мүшайрасы, мәнерлеп оқу байқауы, ақын шығармаларының желісі бойынша жас суретшілер сайысы өтіп, ең үздік жұмыстар марапатталды.
<img src="https://kyzylorda-news.kz/wp-content/uploads/2019/11/20nisabai2.jpg" alt="" />
<img src="https://kyzylorda-news.kz/wp-content/uploads/2019/11/20nisabai3.jpg" alt="" />
<img src="https://kyzylorda-news.kz/wp-content/uploads/2019/11/20nisabai4.jpg" alt="" />

Қызылордадағы зияткерлік мектепте «Абай жолы» романы сахналады

&nbsp;&nbsp;&nbsp;&nbsp;&nbsp;&nbsp; <a href="https://kyzylorda-news.kz/"></a><a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясының қолдауымен «Славян мәдени орталығы» қоғамдық бірлестігінің ұйымдастыруымен Достық үйінде «Достықта жоқ шекара» атты славян фестивалі өтті.
Фестивальге Жамбыл, Алматы облысы, аудандардан арнайы келген қонақтар, облыстық&nbsp; Қазақстан халқы ассамблеясының құрылымдары, этномәдени бірлестік төрағалары мен белсенді мүшелері, жоғары және орта арнаулы оқу орындарының жастары және БАҚ өкілдері қатысты.
Фестиваль басталмас бұрын келген қонақтар қолөнер және орамалдар көрмесін тамашалады.
Мәдени күн аясында облыстық Қазақстан халқы ассамблеясы хатшылығының меңгерушісі Л.Төрешова өңірдің дамуына елеулі үлес қосып жүрген славян этномәдени бірлестігінің бірқатар белсенділері мен Жамбыл, Алматы облысынан келген қонақтарды Алғыс хатпен марапаттады. Сонымен бірге, облыс әкімінің орынбасары Н.Байқадамовтың атынан бірлестіктің ардагері Майя Бусыгинаның 75 жылдық мерейтойына орай құттықтауын табыстай отырып, жылы лебізін білдірді. ««Құстың күші – қанатта, адамның күші – достықта» дегендей, біз сіздермен тамаша славян фестивалінің куәсі болдық. Бейбітшілік пен достық мерекесі өтті. Бір шаңырақтың астында түрлі этнос өкілдерінің бірігуі – біздің жеңісіміздің кепілі. Бүгінгі іс-шара біздің берік достығымыздың, өзара түсіністігіміздің және сыйластығымыздың тағы бір жарқын дәлелі.
Славян орталығы біздің облыста және одан тыс жерлерде кең танымал. Орталықтың есебінде көптеген игі істер бар. Бұл фестивальдер, байқаулар, халық мерекелерін өткізу, облыстық және қалалық қоғамдық-саяси және мәдени-бұқаралық іс-шараларға қатысу. Бұл Қазақстан мен Ресей арасындағы достық байланыстарды нығайту, Қазақстандағы гуманитарлық салалардағы Ресей Федерациясының елшілігімен тығыз ынтымақтастық.
Славян қоғамдық-мәдени орталығының күнделікті жұмысының басты мазмұны біздің қоғамдағы достық пен келісімді нығайту, жалпы рухани адамгершілік құндылықтарды насихаттау, өскелең ұрпақты қазақстандық патриотизм рухында тәрбиелей отырып, ортақ үйіміздің болашағы үшін жоғары жауапкершілікте болу.
Шын жүректен славян этномәдени бірлестігінің мүшелерін тамаша фестивальмен құттықтаймын. Жалпыұлттық бірлік пен қоғамдық келісімді нығайту, славян ұлттарының тілін, мәдениеті мен дәстүрлерін сақтау мен дамыту бойынша одан әрі жігерлі де жемісті жұмыс тілеймін.
<blockquote>
 «Славян мәдени орталығы» қоғамдық бірлестігінің басшысы Галина Сергеевнаға оның қажырлы еңбегі үшін үлкен алғыс айтамын»,- деді.
</blockquote>
&nbsp;Славян этносының фестивалінде әртүрлі жанрларда ән, би, өлеңдер орындалды. Жамбыл облысының «Калинка» вокалды тобы,&nbsp; Қапшағай өңірінен&nbsp; келген «Сударушки» ұлттық әндер ансамблі кештің көркін келтіріп, одан бетер жандандыра түсті. Мерекелік концерттен соң фестивальге келген қонақтар Сыр елінің көрікті жерлеріне экскурсия жасады.
<img src="https://kyzylorda-news.kz/wp-content/uploads/2019/11/18slavyan2.jpg" alt="" />
<img src="https://kyzylorda-news.kz/wp-content/uploads/2019/11/18slavyan3.jpg" alt="" />
<img src="https://kyzylorda-news.kz/wp-content/uploads/2019/11/18slavyan4.jpg" alt="" />
<img src="https://kyzylorda-news.kz/wp-content/uploads/2019/11/18slavyan5.jpg" alt="" />
<img src="https://kyzylorda-news.kz/wp-content/uploads/2019/11/18slavyan6.jpg" alt="" />

Қызылордада славян этносының фестивалі өтті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қорқыт Ата атындағы Қызылорда мемлекеттік университетінің Дәстүрлі өнер институтында «Болашаққа бағдар: Рухани жаңғыру», «Ұлы даланың жеті қыры» бағдарламасы аясында Жиенбай жырау Дүзбенбетұлының 155 жыл толуына арналған «Жыр иесі Жиенбай» атты лекция-концерті өтті.
Аталған концертте «Сәндік қолданбалы және бейнелеу өнері» кафедрасының профессор-оқытушылары А.Жүнісова, Қ.Қасенова, А.Алайдарова тақырыпқа сай студенттердің қолөнер бұйымдарынан көрме ұйымдастырды. Сонымен қатар «Дидар» халықтық фольклорлық этнографиялық ансамблі күйден күмбірлетіп шашу шашты.
Жиенбай жырау жүрек тереңінен шыққан жауһар өлең-жырмен халықты сусындатқан жыр жампозы, шашасына шаң жұқтырмайтын ақын деп халқы айдарлап атақ берген Жиенбайдың шығармашылығы негізінен сол заманғы ақын-жыраулардың бай-манап езгісінде болған кедей өмірі, махаббат пен арнауларға арналады. Жампоз жырау жыр жазып қана қоймаған, ол өзі сияқты ақындардың шығармаларын нақышына келтіре халық алдында насихаттап, оны тыңдаушы қауымға нақышында жеткізді. Ол жазба ақындар айтысында да өзіндік орнымен танылған тұлға. Жыраудың шығармаларын оқи отырып және оның өнегелі өмірінен сөз қозғасақ, өз дәуірінде оның өнеріне ел сүйсінген, көпшілік сыйлаған жырау болғанын білеміз. Иә, өз заманның дүлділі атанған сөз зергері Тайқоңырдан бастау алған жыраулық өнер оның баласы Дүзбенбетке, содан кейін оның немересі Жиенбайдан шөбересі Рүстембекке, әрі қарай Көшеней мен Бидасқа және одан кейінгі ұрпағы Арнұрға атадан балаға сабақтасып келеді.
Шараға Жиенбай жыраудың ұрпағы Ыдық Жиенбаева қатысып, естеліктермен бөлісті. Сондай-ақ концертте дәстүрлі өнер институтының студентері Жиенбай жыраудың жырларын орындап өз өнерлерін көрсетті.
<img src="https://kyzylorda-news.kz/wp-content/uploads/2019/11/14zhienbai2.jpg" alt="" />
<img src="https://kyzylorda-news.kz/wp-content/uploads/2019/11/14zhienbai3.jpg" alt="" />

Жыр иесі Жиенбай

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылорда облыстық Қазақстан халқы ассамблеясының қолдауымен Өзбек этномәдени бірлестігінің ұйымдастыруымен «Сыр елі – достық мекені» жобасы аясында Достық үйінде өзбек этносының мәдени күні аталып өтті.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Шараға облыстық Қазақстан халқы ассамблеясы хатшылығының меңгерушісі Л.Төрешова, этномәдени бірлестік басшылары мен белсенділері, еңбек ардагерлері, студент жастар қатысты.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Этнос күні аясында Достық үйінің фойесінде өзбек этносының салт-дәстүрі мен әдет-ғұрпын, мәдениетін суреттейтін ұлттық әшекей бұйымдарынан, өрнекті ыдыс-аяқтарынан, тұрмыста пайдаланылатын заттарынан, ұлттық нақыштағы киімдерінен көрме әзірленді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Сонымен қатар арнайы Шымкент қалалық өзбек драма театры өнерпаздарының мерекелік концерті ұсынылды. Мерекелік концерт барысында облыстық Қазақстан халқы ассамблеясы хатшылығының меңгерушісі Л.Төрешова өңірдің дамуына сүбелі үлес қосып жүрген өзбек этномәдени бірлестігінің бірқатар белсенділерін Алғыс хатпен марапаттады. «Өз еңбекқорлығымен Сыр елінің дамуына сүбелі үлес қосып келе жатқан тарихы тамырлас екі халықтың достығы ежелден беріктігін бұзған емес. Бүгінгі мерекелік концертте біз өзбек ағайындарымыздың өнерден бөлек, мәдениетінен сыр шертетін ұлттық нақыштағы қолөнер көрмесін тамашаладық. Өнерпаздардың өнеріне тәнті болдық. Осы сәтті пайдалана отырып, Қахар Алимович басқарып отырған облыстық өзбек этномәдени бірлестігінің белсенді мүшелеріне алғысымды білдіргім келеді», – деді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Концертте Шымкент қаласынан келген өзбек этносының ән-би ұжымдары өнер көрсетіп, ұлттық аспаптарында түрлі композициялар орындады.
<img src="https://kyzylorda-news.kz/wp-content/uploads/2019/11/14uzbeki2.jpg" alt="" />
<img src="https://kyzylorda-news.kz/wp-content/uploads/2019/11/14uzbeki3.jpg" alt="" />
<img src="https://kyzylorda-news.kz/wp-content/uploads/2019/11/14uzbeki4.jpg" alt="" />

Қызылордада Өзбек этносының мәдени күндері өтті

Оңаш Мәжитова: «Қазақта бүтін ұрпаққа «идеал» бола алатын тұлғалар бар»

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазалы аудандық мәдениет орталығында күйші, қобызшы, музыкант Махамбет және Романқұл Әуезовтер атындағы облыстық байқауы өтті. Байқауға Қызылорда қаласы мен Арал, Шиелі, Жаңақорған, Сырдария аудандарынан келген халықтық отбасылық ансамбльдері қатысты.
Байқаудың ашылу салтанатында аудан әкімі Мұрат Ергешбаев құттықтау сөз сөйлеп, қатысушыларға сәттілік тіледі. Сондай-ақ, Ресейдің Туапсе қаласында өткен халықаралық байқаудың Гран Приін ұтып алған жас әнші Мадияр Серікті жеңісімен құттықтады.
Талантты отбасылардың өнерін Қазақстан Композиторлар Одағының мүшесі, ҚР «Мәдениет қайраткері» белгісінің иегері Сәукен Әліш, Қазанғап атындағы жоғары колледжінің оқытушысы Талғат Кәденов, Қызылорда облысының мәдениет, архивтер және құжаттама басқармасының бөлім меңгерушісі Қарлығаш Жүсіповалар сарапқа салды.
Облыстық байқаудың бас жүлдесін Сырдария ауданынан келген «Сәдуақасовтар» отбасылық ансамблі иеленді.
Бірінші, екінші орындарды Жаңақорған ауданының «Айсыновтар» мен аралдық «Сыдықовтар» халықтық отбасылық ансамблі өзара бөліссе, сырдариялық «Сарыбаевтар» ансамблі үшінші орынға табан тіреді.
Ал, «Ноғайбаевтар», «Қожабековтер», «Бидашевтар» ансамбльдері «Алғыс хатпен» марапатталды.
<img src="http://kyzylorda-news.kz/wp-content/uploads/2019/11/11auezov2.jpg" alt="" />
<img src="http://kyzylorda-news.kz/wp-content/uploads/2019/11/11auezov3.jpg" alt="" />
<img src="http://kyzylorda-news.kz/wp-content/uploads/2019/11/11auezov4.jpg" alt="" />

Қазалыда отбасылық ансамбльдердің облыстық байқауы өтті

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясының ұйымдастырумен «Қазақы дүниетаным және ххі ғасыр» ғылыми-танымдық конференциясы болып өтті. 
Оған облыс әкімінің орынбасары Наурызбай Байқадамов, зиялы қауым өкілдері, ЖОО-ның және ОАОО-ның оқытушы профессорлары, басқарма басшылары, облыстық ҚХА құрылымдары мен этномәдени бірлестіктердің мүшелері, БАҚ өкілдері қатысты. 
Конференция аясында қатысушылар Достық үйінің фойесінде С.Айтбаев атындағы көркемсурет галереясы қорындағы туындылардан “Кенеп бетіндегі ауыл көрінісі” атты көрмеvty танысты. 
Атап өту керек, бүгінгі күнге дейін еліміздің барлық аймақтарында бұл бағытта кешенді жұмыстар жүргізілуде. Қазақстан халқы Ассамблеясы «Рухани жаңғыру» бағдарламасын іске асыру бойынша «Қазақтану» жобасын жүзеге асыруда. Жоба Қазақстан халқын шоғырландыратын ортақ құндылықтарды қалыптастыруға бағытталған. 
Ол Қазақстан жұртшылығының бойында біртұтас ортақ құндылықтарды қалыптастырудың негізі ретінде қазақ халқының тарихын, мәдениетін, философиясын, этикасын дәріптеуге, сондай-ақ Қазақстан этностарының арасында «Рухани жаңғыру» бағдарламасының жобаларын ілгерілетуге бағдарланған. 
«Біз жиылсақ – көппіз. Жайылсақ – жоқпыз». Қазіргі кезеңде елдегі ынтымақ пен бірлік – басты құндылықтардың бірі. Тәуелсіздіктің баянды тірегі, дамудың даңғыл жолы,- деп алғы сөзін бастаған облыс әкімінің орынбасары Н.Сейітқалиұлы «Қазақтану» жобасының мән-мақсатын айтып өтті. «Бүгінде Қазақстан ұлы жұттан басталған зобалаңнан, одан кейінгі Ұлы Отан соғысы сұрапылында туған жерлерінен үдере көшкен сан-мың ұлысқа ортақ шаңырақ бола алды. Репрессия жылдарында жер аударылып, қазақ халқының мейірімділігі мен көңілінің дархандығы арқасында өмір жалғасын тапқан этнос өкілдеріне, соңғы кездері елімізде ұлтымыздың құндылықтарын бағалау, оның насихатын арттырып, ұлттық салт-дәстүр, ұлттық ұстанымдарымызды жаңғырту, таныту бағытына қарқынды жұмыстар жүргізілуде. 
«Қазақтану» ғылыми-ағартушылық жобасы алғаш рет Қазақстан халқы Ассамблеясының XXVI сессиясында ұсыныс ретінде көтерілді. Аталмыш жобаның барша қазақстандықтардың ортақ мәдени кодының, біртұтас құндылықтарының және жалпыұлттық тарихи санасының негізінде халықтың бірлігін нығайтуда маңызы зор. Қазақстан этностарының арасында қазақ халқының тарихын, философиясын, құндылықтарын, дәстүрлерін, гуманитарлық және адамгершілік принциптерін дәріптеу, жобаның негізгі мақсаты болып табылуда. Сонымен бірге, ұлттық құндылықтарымыз негізінде қазақ халқының ұлттық қасиетіне айналған қонақжайлылық, сенім мен достық секілді қасиеттерді дәріптеу арқылы жастардың бойына елжандылық сезімін күшейту. 
«Қазақтану» ғылыми-ағартушылық жобасының салтанатты тұсау кесу рәсімі Қазақстан Халқы Ассамблеясының бастамасымен Ақмола облысында бастау алған. Қоғамдық келісім мен жалпыұлттық бірліктің қазақстандық үлгісін насихаттауға арналған бұл жоба республикалық деңгейде маңызды. Конференцияның Сыр өңірінде өтуінде үлкен мән бар. Себебі, Елбасы Алаштың анасына балаған Сыр елі, қазақы өмірдің әлі күнге қаймағы бұзылмай сақталып келе жатқан қасиетті, құтты өңір. Іргетасының қаланғанына 201 жыл болған Қызылорда қаласының мәдениет пен өркениеттің ордасы болуы тегін емес», – деді облыс әкімінің орынбасары Наурызбай Байқадамов. 
Алғашқы баяндаманы «Қазақы дінитаным және ұрпақ тәрбиесі» тақырыбымен Темірбек Жүргенов атындағы қоғамдық қордың төрағасы, қоғам қайраткері Сапен Ансатов жасады. Ол конференцияның маңыздылығына тоқталып, Қазақстан этностарының арасында қазақ халқының тарихын, философиясын, құндылықтарын, дәстүрлерін, гуманитарлық және адамгершілік принциптерін дәріптеу, жобаның негізгі мақсаты екендігін алға тартты. 
Келесі сөз филология ғылымдарының докторы, профессор, Қорқыт Ата атындағы ҚМУ-нің «Қорқыттану және өлке тарихы» ҒЗИ-ның директоры, Қазақстанның еңбек сіңірген қайраткері Бағдат Кәрібозұлына берілді. Ол «Сыр елі – руханияттың бастау бұлағы» тақырыбында ой өрбітті. Ұлы Абай мен Базар жыраудың шығармаларындағы көркем тілдің ерекшелігіне тоқталып,қазақтану, ұлттану бағытында жұмыстар аясын кеңейту керектігін ортаға салды. 
Ал, Алматы қаласынан конференцияға арнайы келген өнертану кандидаты, Әбілхан Қастеев атындағы Мемлекеттік өнер музейінің ғылыми хатшысы Екатерина Резникова «Образы кочевой цивилизации в живописи Казахстана» тақырыбында ой өрбітті. Ол қазақ халқының көшпелі өркениетін сурет өнері арқылы көрсеткен белгілі суретшілердің еңбектерін зерттеп, зерделеп, Петербургте, Вашингтонда қорғап шыққан болатын. 
Сол еңбегін бүгінгі конференцияда қатысушылардың назарына ұсынды және Қазақстандағы көшпелілер өркениетін сурет арқылы әсерлі жеткізген Салихиддин Айтбаев, Қанафия Телжанов, Гүлфайруз Исмаилова сынды суретшілердің туындыларымен таныстырып өтті. 
Түркістан қаласынан арнайылап келген филология ғылымдарының кандидаты, Қожа Ахмет Ясауи атындағы халықаралық қазақ-түрік университетінің қауымдастырылған профессоры Жазира Исаева «Ұлы дала паремиологиясы және ұлттық код» тақырыбында баяндама жасады. Ол өз баяндамасында ұлттық таным жаңғыруы үшін ең бірінші тіл жетілуі тиіс деді. Ана тіліміздің өнер бояуын жоғалтып алмау үшін, қазақтың әрбір мақалының мән-мағынасына терең бойлау керектігін назарға алды. Әрбір ұлттың өзіне тән іштей данышпан рухы бар, сол рухтың ерекшелігін сыртқа шығарып, сақтап, ұрпақтан-ұрпаққа беруші күш – тіл екендігін шегелеп айтты. 
Философия докторы, Қорқыт Ата атындағы ҚМУ-нің «Дәстүрлі өнер» институтының директоры Ғани Байулов «Қазақ музыкасының даму генезисі» тақырыбын қозғай отырып, жаңаша идеяларымен бөлісті. 
Конференция соңы пікір алмасу, сұрақ-жауапқа ұласты.
<img src="http://kyzylorda-news.kz/wp-content/uploads/2019/11/7konf2.jpg" alt="" />
<img src="http://kyzylorda-news.kz/wp-content/uploads/2019/11/7konf3.jpg" alt="" />
<img src="http://kyzylorda-news.kz/wp-content/uploads/2019/11/7konf4.jpg" alt="" />
<img src="http://kyzylorda-news.kz/wp-content/uploads/2019/11/7konf5.jpg" alt="" />
<img src="http://kyzylorda-news.kz/wp-content/uploads/2019/11/7konf6.jpg" alt="" />
<img src="http://kyzylorda-news.kz/wp-content/uploads/2019/11/7konf7.jpg" alt="" />
<img src="http://kyzylorda-news.kz/wp-content/uploads/2019/11/7konf8.jpg" alt="" />

Қазақстан және Қызылорда облысының жаңалықтары: Мәдениет