<a href="https://kyzylorda-news.kz/">Kyzylorda-news.kz</a> Қызылорда қаласы мен аудандарынан келген делегация мүшелері қаладағы бірқатар маңызды нысандарды аралап, түрлі мазмұндағы іс-шараларға қатысуда.Аталған сапар Ұлыстың ұлы күні Наурыз мерекесі аясында өтіп жатқан Наурызнама онкүндігімен тұспа-тұс келіп отыр. Бүгінгі күн – Жаңару күні ретінде ел өміріндегі оң өзгерістер мен жаңа бастамалардың маңызын айшықтай түседі. Бұл өткенді саралап, болашаққа нық қадам басатын, жаңғыру мен жаңару идеяларын дәріптейтін ерекше күн.Сапар барысында қатысушылар өңірдің әлеуметтік-экономикалық дамуына серпін беріп отырған инфрақұрылымдық жобалармен, білім, мәдениет және спорт салаларындағы нысандардың жұмысымен танысып жатыр.Делегация мүшелері қаланың қарқынды жаңару үдерісіне, жүзеге асырылып жатқан ауқымды жобалар мен тың бастамаларға жоғары бағасын беріп, олардың өңір дамуына қосып отырған үлесін ерекше атап өтті.<img src="https://knadmin.beoblood.kz/uploads/Audan_t_r_yndary_zha_ar_an_yzylordany_aralauda1_174aaeacdd.jpg" alt="Аудан тұрғындары жаңарған Қызылорданы аралауда1.jpg">

Аудан тұрғындары жаңарған Қызылорданы аралауда

<a href="https://kyzylorda-news.kz/">Kyzylorda-news.kz</a>&nbsp; Көктемнің шуақты күндерінде табиғатты жаңғыртып, көркейту – Наурыз мерекесінің басты құндылықтарының бірі. Осыған орай, «Наурызнама» тұжырымдамасы аясында «19 наурыз – Жаңару күніне» орай Жаңақорған кентінің Тәуелсіздік көшесінде ағаш отырғызу акциясы өтті.Жиын барысында аудан әкімінің міндетін атқарушы Бақтияр Ахметов жиналғандарды Наурыз мейрамымен құттықтап, табиғатты қорғаудың маңыздылығын атап өтті.Ағаш отырғызу акциясына аудан және кент әкімдігі, барлық мекеме, бөлім қызметкерлері, ардагерлер, аналар, қоғамдық ұйым өкілдері және еріктілер қатысты.Акция аясында 200 түп ағаш егілді, көгалдандыру жұмыстары жүргізілді. Бұл игі бастама ауданның барлық елдімекендерінде жалғасуда.

Жаңақорғанда «Жаңару күніне» орай ағаш отырғызу акциясы өтті

<a href="https://kyzylorda-news.kz/">Kyzylorda-news.kz</a>&nbsp; Digital Nauryz QR кодтары — бұл Наурыз мерекесін заманауи форматта өткізу үшін қолданылатын цифрлық тәсіл.QR кодты сканерлеу арқылы қоғамдық көліктегі жолаушылар Ұлыстың Ұлы күні - Наурыз мерекесіне арналған мерекелік іс-шаралар туралы ақпаратқа қол жеткізе алады.Қазіргі таңда Digital Nauryz QR кодтары қалаішілік бағыттардағы автобустарға ілінуде.Фото: Нұрболат Нұржаубай

Наурыз мерекесіне арналған цифрлық QR кодтары Қызылорда автобустарында бар

<a href="https://kyzylorda-news.kz/">Kyzylorda-news.kz</a> &nbsp;Бүгін Ұлыстың ұлы күні қарсаңында Қызылордада облыс әкімі Нұрлыбек Нәлібаев, құқық қорғау органдарының бірінші басшылары, мәслихат депутаттары мен зиялы қауым өкілдері, барлық ауданнан келген делегаттардың қатысуымен еліміздегі алғашқы «Құзыреттілік орталығы» ашылды.<img src="https://knadmin.beoblood.kz/uploads/yzylordada_elimizdegi_al_ash_y_zyrettilik_ortaly_y_ashyldy_f3e9b80a1c.jpg" alt="Қызылордада еліміздегі алғашқы «Құзыреттілік орталығы» ашылды.jpg">Аймақ басшысы өңірдегі серпінді жобаларға тоқталып, жаңа орталық ел игілігіне қызмет ететініне сенім білдірді.<blockquote>«Наурызнама бойынша бүгін – Жаңару күні. Айтулы мерекеде Мемлекет басшымыздың тапсырмасымен салынған техникалық және кәсіптік білім беруді дамытуға арналған сәулетті, жаңа заманауи «Құзыреттілік орталығын» ел игілігіне табыстаудамыз. Қаламызға көрік беретін жаңа, әсем ғимаратымыз құтты болсын!Мемлекет басшымыз Қасым-Жомарт Кемелұлы «Қоғамның түрлі саласын білікті мамандармен қамтамасыз ету – аса өзекті міндет. Бұл – экономиканы дамыту және инвестициялық тартымдылықты арттыру үшін қажетті бастама» деп атап өтті.Өткен жылы Президентіміз «Жұмысшы мамандықтар жылы» аясында өңірлерде «Құзыреттілік орталығын» салуды тапсырған болатын. Елімізде баламасы жоқ, бірегей орталық республика бойынша алғашқы болып аймағымызда бой көтерді. Орталық бизнес, техникалық және кәсіптік білім беру ұйымдарына арналған ортақ алаң болады.Жұмысшы мамандықтар мәртебесін көтеріп, қоғамда еңбек адамдарын танымал етуге, дәрежесін көтеруге, ең үздік қоғамдық және өндірістік дәстүрлерді анықтап мәртебелеуге, жастарды кәсіби еңбекке баулуға бағытталған орталық ел игілігіне қызмет ете берсін! Жұмысшы мамандықтарының бағалануы – бұл елдің әлеуметтік-экономикалық, мәдени дамуына оң әсер ететін маңызды қадам.Аймағымызда білім беру саласына 2022-2025 жылдары 1 трлн. 159 млрд. теңге, биыл 302 млрд. 196 млн. теңге қаралды. 2022 жылдан бері 43 жаңа заманауи білім беру нысаны салынып, пайдалануға берілді.Баршаңызды қаламызға таңғажайып көрік берген, заманауи сәулетімен ерекшеленетін «Құзыреттілік орталығы» ғимаратының салтанатты ашылуымен шын жүректен құттықтаймын», – деді Н.Нәлібаев.</blockquote>Басқосуда білім беру саласының дамуына елеулі үлес қосқан ұстаздар мен жаңа нысанның құрылысын мерзімінде аяқтаған мердігер мекеме қызметкерлері облыс әкімінің Алғыс хатымен марапатталды.Мемлекет және қоғам қайраткері Мұрат Бақтиярұлы, Қорқыт Ата атындағы Қызылорда университетінің басқарма төрағасы – ректоры Наурызбай Байқадамов сөз сөйлеп, тұрғындарға құттықтауын жеткізді.Айта кетейік, екі қабатты, 1000 орындық жаңа ғимарат кезінде заңсыз сыртқа кеткен активтер есебінен қаржыландырылды.Орталық студенттерді халықаралық кәсіби шеберлік жарыстарына даярлау, сарапшылық қауымдастықты дамыту, жұмысшы мамандықтарының танымалдығын, жастардың жұмысшы кәсібіне деген қызығушылығын арттыру жөніндегі бірыңғай жаттығу базасына айналады.Өңірдегі жұмысшы құзыреттіліктері бойынша жастардың кәсіби дағдыларын қалыптастырып, педагогтердің, жас мамандардың озық технологиялармен жұмыс істеуіне, еңбек нарығында сұранысқа ие маман болып қалыптасуына мол мүмкіндік береді.Жаңа заманауи ғимарат республикалық, халықаралық, деңгейдегі форумдар, конференциялар, семинарлар мен көрмелер өткізуге де бейімделген.Фото: Қызылорда облысы әкімінің баспасөз қызметі

Қызылордада еліміздегі алғашқы «Құзыреттілік орталығы» ашылды

<a href="https://kyzylorda-news.kz/">Kyzylorda-news.kz</a> Көктемгі егіс науқанына дайындық және мемлекеттік қолдау бағдарламаларын түсіндіру мақсатында шаруашылық құрылым басшыларымен мәжіліс өтті.Мәжіліске Жаңақорған ауданының әкімі Мажит Самитов, облыстық ауыл шаруашылығы және жер қатынастары басқармасының басшысы Талғат Дүйсебаев, Арал-Сырдария бассейндік инспекциясының басшысы Зейнулла Қазтоғанов, Қазсушар РМК Қызылорда филиалы директорының орынбасары Айдос Асанбаев, "Аграрлық несие корпорациясы" АҚ облыстық филиалы басшысының орынбасары Қуаныш Садақбаев және салаға жауапты &nbsp;мекеме басшылары мен ауылдық округ әкімдері, шаруашылық құрылымдарының төрағалары қатысты.Аталған мәжілісте топ жетекшісі Талғат Тұрсынұлы мен топ мүшелері тарапынан шаруаларға мемлекеттік қолдау бағдарламалары, жеңілдетілген несие мен лизинг тетіктері, егінді әртараптандыру, цифрландыру және су ресурстарын тиімді басқару бағытында жан-жақты түсіндірме берілді.Сонымен қатар ротация талаптарын сақтамаған және белгіленген межеден артық күріш дақылын &nbsp;еккен шаруашылықтарға вегетациялық кезеңде су берілмейтіні қатаң ескертілді.Жиын соңында шаруашылық жетекшілері өз ұсыныс-пікірлерін білдіріп, көктемгі дала жұмыстарына толықтай дайын екендіктерін жеткізді. Мәжіліс қортындысымен салаға жауапты аудан әкімінің орынбасары мен мекеме басшыларына бірлесіп жұмыс жасау бағытында тапсырмалар жүктелді.<img src="https://knadmin.beoblood.kz/uploads/Zha_a_or_an_auylsharuashyly_2_be801693a4.jpg" alt="Жаңақорған ауылшаруашылық 2.jpg">

Жаңақорғандық шаруалармен егіс науқанына дайындық барысы талқыланды

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың қатысуымен Наурызнама онкүндігінің 18 наурыз – Ұлттық киім күніне орай аудандық "Руханият" орталығында «Ұлттық киім – Ұлт ұясы » атты қазақ халқының ұлттық, сәндік киімдерін көрсетуден аудандық фестиваль өтті. Іс-шараға Қорқыт ата атындағы Қызылорда университетінің аға оқытушысы, Қазақстан қолөнершілер одағының мүшесі Айдана Әлайдарқызы, аудан ардагерлері, қолөнершілер қатысты.<img src="https://knadmin.beoblood.kz/uploads/Syrdariya_festival_3_5ebb3610c1.jpg" alt="Сырдария фестиваль 3.jpg">Фестивальде ұлттық киімдер ұлықталып, заманауи көзқараспен үндескен ерекше форматта көрермен назарына ұсынылды. Дизайнерлер мен тігіншілер этно-стиль бағытындағы заманауи киім үлгілерін көрсетіп, өз брендтерін таныстырды. Сән көрсетіліміне еңбектеген баладан еңкейген қартқа дейін қатысып, әр жас ұрпақ ұлттық киімнің көркемдік және рухани мәнін сезіне алды.<blockquote>— Президентіміз Қасым-Жомарт Тоқаев – «Ұлттық киім – халқымыздың мәдени мұрасы, оны дәріптеу – болашақ ұрпақ алдындағы міндетіміз»- деп ұлттық киімнің маңыздылығын атап өтіп, ұлттық киімді тек Наурыз мейрамында ғана емес, күнделікті өмірде де кию қажет екенін айтқан болатын. Ұлттық киім – халқымыздың тарихы мен тағылымын, мәдениеті мен болмысын айшықтайтын асыл мұра. Әрбір ою-өрнекте, әрбір кестеде ата-бабамыздың дүниетанымы, талғамы мен өмірге деген көзқарасы көрініс табады. Қазақтың шапаны мен камзолы, сәукелесі мен кимешегі – ұлтымыздың айрықша келбетін танытатын құндылықтар. Бүгінгі шара – сол асыл мұрамызды дәріптеп, ұрпақ санасына ұлттық құндылықтарды сіңіру жолындағы маңызды бастама. Ұлттық киімді ұлықтау – өткенге тағзым ғана емес, болашаққа бағдар. Сондықтан осындай игі шаралар алдағы уақытта да жалғасын табады деп сенемін,- деді Берік Әбдіғаппарұлы.</blockquote>Шара соңында жергілікті дизайнерлер және қатысушы топтарға аудан әкімінің мерекелік Құттықтауы табысталды.&nbsp;<img src="https://knadmin.beoblood.kz/uploads/Syrdariya_festival_bd3119fbc4.jpg" alt="Сырдария фестиваль.jpg">

«Ұлттық киім — ұлт ұясы» фестивалі өтті

<a href="https://kyzylorda-news.kz/">Kyzylorda-news.kz</a> «Арал» сервистік-дайындау орталығы — Арал қаласында орналасқан балық шаруашылығын дамытуға бағытталған кәсіпорын. Балық зауыты 2008 жылы бұрынғы аңызға айналған «Аралрыбпром» зауытының орнында салынған.Өндіріс 2010 жылы іске қосылып, сол уақыттан бері өнімдер тек ішкі нарықта ғана емес, сонымен қатар Еуропа, Қытай, Ресей және Орталық Азия нарықтарына да экспортталуда. Балық өңдеу цехында 50 қызметкер жұмыс жасайды.Өнім ассортиментіне балықтың филесі мен тұтас түрі, ысталған және кептірілген өнімдер, балық фаршы, сондай-ақ мұздатылған түрлері кіреді. Орталықтың өндірістік қуаттылығы жылына 5 мың тонна балықты өңдеуге мүмкіндік береді.Орталық экологиялық таза өндірісті қамтамасыз етеді және ISO 14001 экологиялық басқару стандартына сәйкес келеді. Өндірісте жоғары сапалы жабдықтар мен техникалар пайдаланылады. Орталықтың балық өңдеу кешендері заманауи қондырғылармен жабдықталған, бұл өнімдердің жоғары сапасын сақтауға мүмкіндік береді.2012 жылы компания Ernst &amp; Young ұйымдастырған «Жыл кәсіпкері» халықаралық байқауының финалисі атанып, «Үздік стартап» номинациясы бойынша жеңімпаз болды.2015 жылы облыстық әкімдік ұйымдастырған өңірлік балықшылар слетінде кәсіпорын «Үздік балық өңдеу кәсіпорны» номинациясымен марапатталды.«Арал» сервистік-дайындау орталығы өңірдің балық шаруашылығы саласының дамуына елеулі үлес қосып, сапалы өнім өндіруді жалғастырып келеді.

Сапалы өнім – саулық кепілі

<a href="https://kyzylorda-news.kz/">Kyzylorda-news.kz</a> Жалағаш ауданында аумақтық партия филиалы жанындағы &nbsp;партиялық бақылау комиссиясының мүшелері, төтенше жағдайлар бөлімі қызметкерлері және газ тарату мекемесінің мамандарымен бірлесіп, қоғамдық тамақтану орындарында қауіпсіздік талаптарының сақталуына мониторинг жүргізді.Аталған жұмыстардың басты мақсаты – тұрғындардың қауіпсіздігін қамтамасыз ету, төтенше жағдайлардың алдын алу және кәсіпкерлерге түсіндіру жұмыстарын жүргізу болды. Мониторинг барысында асханалар мен тамақтану орындарындағы өрт қауіпсіздігі талаптарының сақталуы, газ құралдарын дұрыс пайдалану, қауіпсіздік ережелерін сақтау деңгейі жан-жақты зерделенді.Тексеру кезінде мамандар тарапынан өрттің алдын алу, газды қауіпсіз пайдалану, техникалық талаптарды сақтау бойынша нақты түсіндірмелер беріліп, тиісті ұсынымдар айтылды. Әсіресе, асхана ішіндегі қауіпсіздік мәдениетін қалыптастыру, қызметкерлердің жауапкершілігін арттыру мәселесіне баса назар аударылды.Мұндай алдын алу шаралары – төтенше жағдайлардың алдын алудағы маңызды қадам. Себебі қауіпсіздік талаптарын сақтау – тек бақылаушы органдардың емес, әрбір кәсіп иесінің және қызметкердің ортақ міндеті.<img src="https://knadmin.beoblood.kz/uploads/Amanat_o_amdy_tama_tanu_monitoring_2_0cee2b1707.jpg" alt="Аманат қоғамдық тамақтану мониторинг 2.jpg">

Қоғамдық тамақтану орындарында қауіпсіздік бойынша мониторинг жүргізілді

<a href="https://kyzylorda-news.kz/">Kyzylorda-news.kz</a> &nbsp;Қызылорда облыстық мәслихатындағы «AMANAT» партиясы депутаттық фракциясының мүшесі Аида Абибуллаева азаматтарды жеке мәселелері бойынша қабылдады.Қабылдау барысында тұрғындар әлеуметтік қолдау мен тұрмыстық мәселелерге қатысты өтініштерін жеткізді.&nbsp;Фракция мүшесі барлық көтерілген мәселелерді назарға алып, қолданыстағы заңнама аясында тиісті түсіндірмелер берді.Сондай-ақ, азаматтардың өтініштері бойынша Қызылорда қаласы әкімдігіне хат жолданатыны және қаржылай көмек көрсету мүмкіндіктері қарастырылатыны айтылды. Кейбір мәселелер сол мезетте оңтайлы шешімін тапты.

«AMANAT»: Тұрғындар тілегі тыңдалды

<a href="https://kyzylorda-news.kz/">Kyzylorda-news.kz</a> Сырдария ауданы әкімінің орынбасары Димаш Серікбайұлының төрағалығымен «Сырдария-қауіпсіз аудан, болашақ ұрпақ мекені» жобасы аясында құқық бұзушылықтың алдын алу жөніндегі үшжақты (аудан әкімі, аудан прокуроры, аудандық полиция бөлімі) Жол картасының орындалуы бағытында мәжіліс өтті. Мәжіліске аудан прокурорының орынбасары Махмут Ахтанұлы, құқық қорғау және мемлекеттік органдардың өкілдері, кент және ауылдық округ әкімдері, тиісті сала қызметкерлері қатысты.Жиын барысында Махмут Ахтанұлы Жол картасының орындалу барысын баяндап, аудан аумағында қоғамдық қауіпсіздікті қамтамасыз ету, құқық бұзушылықтардың алдын алу және қоғамдық тәртіпті сақтау бағытында бірлескен жұмысты күшейту қажеттігін атап өтті.Мәжілісті аудан әкімінің орынбасары Димаш Серікбайұлы қорытындылап, Жол картасына сәйкес тапсырмалар беріп, тиісті шаралар қабылдау қажеттілігі жөнінде нақты міндеттер жүктеді.<img src="https://knadmin.beoblood.kz/uploads/y_b_zushyly_m_selesi_m_zhilis_2_7fe1396a76.jpg" alt="Құқықбұзушылық мәселесі мәжіліс 2.jpg">

Құқық бұзушылықтың алдын алу жөніндегі мәжіліс өтті

<a href="https://kyzylorda-news.kz/">Kyzylorda-news.kz</a> Қазалы ауданы әкімінің орынбасары Мұрат Әбсұлтанов бастаған жұмысшы топ аудан әкімі Алмасбек Есмахановтың тапсырмасына сәйкес Әйтеке би кентіндегі орталық көшелерді аралады. Негізгі мақсат – жол қозғалысы қауіпсіздігін арттыру, көлік қатынасын жүйелеу және тұрғындарға қолайлы орта қалыптастыру.Аралау барысында жол белгілерінің талапқа сай орнатылуы, олардың көріну деңгейі мен техникалық жағдайы жан-жақты тексерілді. Анықталған кемшіліктерді қысқа мерзімде қалпына келтіру бойынша жауапты сала басшыларына нақты тапсырмалар жүктелді.Сонымен қатар, орталық көшелерде жүк көліктерінің жүруін шектеу мәселесі де көтерілді. Бұл бағытта тиісті бақылауды күшейтіп, ауыр көліктердің қозғалысын реттеу арқылы жолдардың тозуын азайту және кептелістердің алдын алу көзделуде.Жұмысшы топ базар аумағындағы кәсіпкерлік нысандардың алдындағы автотұрақтарды ретке келтіру мәселесін назардан тыс қалдырмады. Көлік қою тәртібін жүйелеу арқылы жол қозғалысын жеңілдету және тұрғындар үшін қауіпсіз әрі ыңғайлы жағдай жасау басты назарға алынды.Жалпы, жүргізілген аралау нәтижесінде аудан әкімінің орынбасары Мұрат Байғабылұлы аудандық полиция бөлімі мен тиісті сала басшыларына жол кептелістерін азайту, қозғалыс қауіпсіздігін қамтамасыз ету бағытында бірқатар нақты тапсырмалар берді.<img src="https://knadmin.beoblood.kz/uploads/Zhol_t_rtibi_399c78ec9c.jpg" alt="Жол тәртібі.jpg">

Жол тәртібі – басты назарда

<a href="https://kyzylorda-news.kz/">Kyzylorda-news.kz</a> &nbsp;19 наурыз - Наурызнама онкүндігі аясындағы ерекше мәнге ие күндердің бірі – Жаңару күні. Бұл күн – табиғаттың ғана емес, адамзаттың да жаңарып, жаңғыратын, өткенге есеп беріп, болашаққа нық қадам жасайтын кезеңі.Көктемнің келуімен жер-ана бусанып, тіршілік атаулы қайта түлейді. Қыстың қытымыр суығы артта қалып, күннің нұры мен жылуы жан-дүниемізге ерекше серпіліс сыйлайды. Дәл осы сәтте адам баласы да өз өміріне көз жүгіртіп, жаңа жоспарлар құрып, тың бастамаларға бет бұрады. Сондықтан Жаңару күні – тек табиғаттың емес, әрбір адамның ішкі жан дүниесінің жаңғыруының символы.Бұл күні халық арасында игі істер жасау, айналаны тазарту, ағаш отырғызу, үлкендерден бата алу сияқты дәстүрлер кеңінен көрініс табады. Мұның барлығы – жаңарудың, тазалықтың, жақсылыққа ұмтылыстың айқын белгісі. Жаңару – өткеннің өкінішін артта қалдырып, жүректі реніштен арылтып, жаңа үмітпен алға қадам басу.Ұлыстың ұлы күні қарсаңындағы бұл кезең – татулық пен бірлікті нығайтып, ізгілік пен мейірімділікті дәріптейтін уақыт. Ендеше, Жаңару күнінде баршаңызды жаңа үміт, жарқын бастама, игі істерге толы өмір жолына қадам басуға шақырамыз. Жаңару күні – жаңа мүмкіндіктердің есігін ашатын, жарқын болашаққа бастайтын қасиетті күн!

Қазақстан және Қызылорда облысының жаңалықтары: Қоғам