<a href="https://kyzylorda-news.kz/">Kyzylorda-news.kz.</a> «Бизнестің жол картасы» және «Қарапайым заттар экономикасы» бағдарламаларын біріктірген жөн. Бұл туралы Президент Қасым-Жомарт Тоқаев Қазақстан халқына Жолдауында айтты.<blockquote>«Енді орта кәсіпкерлікті дамыту мәселесіне тоқталғым келеді. Соңғы жылдары қабылданған шаралардың арқасында шағын және ірі бизнес тұрақты дами бастады. Алайда орта кәсіпкерліктің даму қарқыны әлі де бәсең. Жаңа экономикалық үлгіге көшу үшін оны «қолмен көтеруге» тура келеді. Ең алдымен, орта бизнестің дамуын тежеп тұрған кедергілерді жою қажет. Орта кәсіпкерліктің басым бөлігі әбден дамыған кезде бөлшектеніп кетеді. Өйткені оларға шағын бизнес деңгейінде қалған әлдеқайда «қолайлы». Үкімет шағын бизнесті өзара бірігіп, ірі кәсіп иелері болуға ынталандыру үшін заңға өзгерістер енгізуі керек. Еліміздің нарығында белсенді жұмыс істеп жатқан табысты орта кәсіпорындар көп емес. Оларға қолдау көрсету қажет. Мұндай кәсіпорындардың әрқайсысына қатысты нақты жоспар әзірлеу керек. Сол арқылы олардың өндіріс қабілетін арттырып, өнім көлемін екі-үш есе көбейту қажет. «Бизнестің жол картасы» және «Қарапайым заттар экономикасы» бағдарламаларын біріктірген жөн. Оны шағын және орта кәсіпкерлікті қолдайтын кешенді бағдарламаға айналдыру керек», - деді Мемлекет басшысы.</blockquote>

Екі бағдарламаны біріктірген жөн - Тоқаев

<a href="https://kyzylorda-news.kz/">Kyzylorda-news.kz.</a> Елімізде Су ресурстары және ирригация министрлігі құрылады.&nbsp;<blockquote>«Су үнемдейтін технологияларды енгізу – аса маңызды және шұғыл міндет. Сондықтан тиімді тәсілдер ұсыну қажет. Дегенмен біз дәл қазіргі жағдайда жаңа тариф саясатынан да аттап өте алмаймыз. Әбден ескірген инфрақұрылым әрең жұмыс істеп тұр. Сондықтан жаңа инфрақұрылым салу – өте маңызды міндет, қазіргі нарықтың талабы. Суды нормативтен артық жұмсағандар оның ақысын жоғары тарифпен төлеуі керек. Бір сөзбен айтсақ, суды барынша үнемдеуіміз қажет. Оған қоса судың «көлеңкелі» нарығы түбірімен жойылуға тиіс. Халқымыз «Судың да сұрауы бар» деп бекер айтпаған. Су дегеніміз – үнемдеп пайдаланбаса, тез таусылатын шектеулі ресурс. Онсыз шаруалардың күні қараң. Сол себепті бұл салада заңсыздыққа жол берілмейді. Талапқа бағынбайтындар қатаң жазаға тартылады. Еліміз үшін судың маңызы мұнай, газ немесе металдан кем емес. Су шаруашылығы жүйесін тиімді дамыту мәселесімен дербес мекеме айналысуы қажет деп санаймын. Сондықтан Су ресурстары және ирригация министрлігі құрылады», - деді Тоқаев.</blockquote>Сонымен қатар Мемлекет басшысы елімізде Көлік министрлігін қайта құрған жөн екенін айтты.<blockquote>«Жалпы алғанда, Қазақстан Еуразия құрлығындағы басты транзит хабы ретіндегі рөлін арттыруы керек. Осылайша, уақыт өте келе көлік-логистика саласындағы ірі мемлекетке айналуымыз қажет. Көлік-логистика саласын қарқынды дамыту – бұл стратегиялық міндет. Үш жыл ішінде оның ішкі жалпы өнімдегі үлесі кемінде 9 пайызға жетуге тиіс. Ол үшін саланы тиімді басқару өте маңызды. Сондықтан Көлік министрлігін қайта құрған жөн. Бұл министрлік жол инфрақұрылымын салумен де айналысады»</blockquote>

Қазақстанда жаңа министрлік құрылады

<a href="https://kyzylorda-news.kz/">Kyzylorda-news.kz.</a> Елімізде су тапшылығы 12-15 миллиард текше метрге жетуі мүмкін. Бұл туралы Қасым-Жомарт Тоқаев Қазақстан халқына Жолдауы барысында мәлімдеді.<blockquote>«Су ресурсы еліміздегі өзекті мәселелердің бірі. Әсіресе, судың сапасы және оның халыққа қолжетімді болуы аса маңызды болып тұр. Жыл өткен сайын халқымыздың саны да, экономикамыз да өседі. Бұл – қалыпты құбылыс. Сол себепті 2040 жылдарға қарай Қазақстандағы су тапшылығы 12-15 миллиард текше метрге жетуі мүмкін. Жалпы, біз – трансшекаралық су көздеріне тәуелді елміз. Еуразия құрлығындағы өзендер мен каналдар – баршамызға ортақ табиғат байлығы. Осы су көздері біздің халықтарымызды, экономикамызды жақындастырады. Сондықтан көршілес әрі достас елдермен бұл мәселе бойынша әрдайым өзара түсіністікке және келісімге келу керек. Жан-жақты ойластырылған су саясатын жүргізу, трансшекаралық суларды пайдалану мәселелерін шешу – Үкіметтің алдында тұрған аса маңызды міндеттер», - деді Президент.</blockquote>

Су тапшылығы 12-15 миллиард текше метрге жетуі мүмкін

<a href="https://kyzylorda-news.kz/">Kyzylorda-news.kz.</a> Қазақстанда 5 жылда кемінде 14 гигаваттық жаңа электр қуаты іске қосылады.«Өткен қыста еліміздің жылу электр станцияларында қайта-қайта апат болды. Бұл жағдай жылдар бойы шешілмеген мәселенің бетін ашып берді. Инфрақұрылымның әбден тозуы халықтың тұрмыс сапасына тікелей әсер етеді. Индустрияландыру қарқынын да тежейді. Яғни, инфрақұрылымды жаңғыртпасақ, жаңа экономикалық үлгіге көшу мүмкін емес. Үкімет жаңа инфрақұрылымдық жоспарда осы саладағы барлық түйткілді ашық көрсетіп, оны шешу жолдарын анықтауға тиіс.Энергетикалық қауіпсіздік мәселесін де шешу қажет. Бұл салада қолдан келгенше өз ресурстарымызға арқа сүйеген абзал. Басты міндет электр энергетикасы саласына жүктеледі. Алдағы 5 жылда кемінде 14 гигаваттық жаңа электр қуаты іске қосылады.Биыл Екібастұздағы бірінші ГРЭС-тің бірінші блогын қайта құру жұмыстары аяқталады. Бұрын ешқашан толық қуатын пайдаланып көрмеген станцияның 8 блогы түгел жұмыс істейтін болады. Қазір екінші ГРЭС-ті кеңейту жобасы жүзеге асырылып жатыр, үшінші ГРЭС-тің құрылысы басталады», - деді Президент.

Қазақстанда 5 жылда 14 гигаваттық жаңа электр қуаты іске қосылады

<a href="https://kyzylorda-news.kz/">Kyzylorda-news.kz.</a> Мемлекет басшысы ел экономикасы өз-өзімізді қамтамасыз ететін жағдайға жеткізу қажеттігін айтты.&nbsp;<blockquote>«Енді экономиканың құрылымына қатысты реформаның негізгі тұстарына тоқталайын. Қазіргі ең басты міндет – еліміздің мықты өнеркәсіптік негізін қалыптастыру және экономикамыз өзімізді толық қамтамасыз ете алатын жағдайға жету. Сондықтан өңдеу саласын жедел дамытуға баса мән беруіміз қажет. Біз ел тағдыры үшін айрықша мәні бар бірқатар жобаны жүзеге асыруымыз керек. Экономиканы әртараптандыру бұрынғыдан да маңызды міндетке айналуда. Бұл ретте металды терең өңдеу мұнай-газ және көмір химиясы, ауыр машина жасау, уранды конверсиялау және байыту, автобөлшектер және тыңайтқыштар шығару сияқты бағыттарға айрықша назар аударған жөн. Басқаша айтсақ, жоғары деңгейде өңделген өнім шығаратын кластер құру керек», - деді Мемлекет басшысы.&nbsp;</blockquote>Президент Жолдау барысында еліміздің туризм саласы серпінді жобалар қатарында болу керектігін айтты.&nbsp;<blockquote>«Еліміздің туристік әлеуетін де пайдалану керек. Туризм осындай серпінді жобалар қатарында болуға тиіс. Өкінішке қарай, осы маңызды саладағы жұмыс дұрыс атқарылмай жатыр, еліміз басқа мемлекеттермен салыстырғанда артта қалып келеді. Жалпы, кемінде 15 ірі жобадан тұратын нақты тізім дайындалуға тиіс. Осы салада бұрын болған қателіктерді қайталауға болмайды. Жобаларды тиімді қолдау шараларын және оларды орындау мерзімдерін нақты айқындау керек. Оны іске асыруға шетел инвесторларын және еліміздің бизнес өкілдерін барынша тартқан жөн», - деді Президент.</blockquote>

Экономиканы әртараптандыру бұрынғыдан да маңызды міндетке айналуда - Президент

<a href="https://kyzylorda-news.kz/">Kyzylorda-news.kz.</a> ҚР-ның Сыртқы сауда-саттық деңгейі 136 млрд долларға жетті. Бұл туралы Мемлекет басшысы «Әділетті Қазақстанның экономикалық бағдары» атты Қазақстан халқына Жолдауы барысында айтты.&nbsp;<blockquote>«Алайда нағыз дамыған ел боламыз десек, саяси реформалармен шектеліп қалмауымыз керек. Осы жұмысты түбегейлі және жан-жақты әлеуметтік-экономикалық реформаға ұштастыру қажет. Қазір әлемде геосаяси ахуал ушығып тұр. Соған қарамастан, ел экономикасының негізгі бағыттары бойынша көрсеткіштер өсті. Былтыр Қазақстанның ішкі жалпы өнімі 104 триллион теңге болды. Елімізге 28 миллиард доллар тікелей шетел инвестициясы тартылды. Бұл – рекордтық көрсеткіш. Сыртқы сауда-саттық бұрын болмаған деңгейге, яғни 136 миллиард долларға жетті. Оның 84 миллиарды – экспорт. Сыртқы қорымыз 100 миллиард долларға жуықтады», - деді Тоқаев.</blockquote>

Тоқаев: Елімізге 28 миллиард доллар тікелей шетел инвестициясы тартылды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев «Әділетті Қазақстанның экономикалық бағдары» атты Қазақстан халқына Жолдауында нақты іске асқан шаралардың бір бөлігін атап өтті.<blockquote>«Осы орайда халықтың тұрмыс сапасына тікелей әсер еткен кейбір шараларды атап өткім келеді. Мысалы, 2020 жылдан бері мұғалімдердің жалақысы екі есе өсті. Дәрігерлердің айлығы да айтарлықтай көбейді. Қазір олардың табысы еліміздегі орташа жалақыдан әлдеқайда жоғары. Жұртқа зейнетақы жинағының бір бөлігін пайдалану мүмкіндігі берілді.&nbsp; Миллионға жуық адам осы жобаның игілігін көрді – тұрғын үй мәселесін шешіп, баспаналы болды. «Жайлы мектеп» жобасы аясында 400-ге жуық мектеп салынады. Қазір ауылдық жерде 300-ден астам денсаулық сақтау нысаны салынып жатыр. «Ұлттық қор – балаларға» жобасы қолға алынды. Соның арқасында жаңа жылдан бастап балалардың есепшотына қаражат түсе бастайды. Игерілмей жатқан немесе заңсыз берілген 8 миллион гектар жер мемлекет меншігіне қайтарылды. Мен нақты іске асқан шаралардың бір бөлігін ғана атап өттім. Шын мәнінде, көп жұмыс атқарылды, болашақта да өз жалғасын табады», - деді Президент.</blockquote>

Жолдау: Қазақстанда 8 млн гектар жер мемлекет меншігіне қайтарылды

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев бүгінгі Қазақстан халқына Жолдауында алдағы орта мерзімдік жұмыстың бағыт-бағдары айқындалғанын айтып өтті.&nbsp;«Баршаңызға мәлім, мен жыл сайын халыққа Жолдауымды Парламент сессиясының ашылуында жариялаймын. Бүгінде бұл жақсы дәстүрге айналды. Мұның айрықша мәні бар. Себебі дәл осы сәтте және дәл осы жерде билік тармақтарының барлық өкілдері бас қосады. Алдағы орта мерзімдік жұмыстың бағыт-бағдары айқындалады. Нақты тапсырмалар беріледі, жаңа міндеттер жүктеледі. Парламент, Үкімет және басқа да құзырлы органдар тың қарқынмен іске кіріседі. Бір сөзбен айтсақ, мемлекеттік аппараттың үйлесімді әрі тиімді жұмыс істеуі үшін бұл іс-шара өте маңызды. Бүгінде менің бастамаларымның басым көпшілігі жүзеге асты. Бірқатар жұмыс жалғасып жатыр», - деді Қасым-Жомарт Тоқаев.

Қасым-Жомарт Тоқаев: Алдағы орта мерзімдік жұмыстың бағыт-бағдары айқындалды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы басталды.<blockquote><span style="background-color:rgb(255,255,255);color:rgb(0,0,0);font-family:Roboto, -apple-system, BlinkMacSystemFont, &quot;Apple Color Emoji&quot;, &quot;Segoe UI&quot;, Oxygen, Ubuntu, Cantarell, &quot;Fira Sans&quot;, &quot;Droid Sans&quot;, &quot;Helvetica Neue&quot;, sans-serif;">«Баршаңызды кезекті сессияның ашылуымен құттықтаймын! Жауапты қызметтеріңізге табыс тілеймін! Көктемдегі сайлаудан кейін Парламенттегі саяси партиялардың қатары көбейді. Депутаттар құрамы айтарлықтай өзгерді.&nbsp; <span style="background-color:rgb(255,255,255);color:rgb(0,0,0);font-family:Roboto, -apple-system, BlinkMacSystemFont, &quot;Apple Color Emoji&quot;, &quot;Segoe UI&quot;, Oxygen, Ubuntu, Cantarell, &quot;Fira Sans&quot;, &quot;Droid Sans&quot;, &quot;Helvetica Neue&quot;, sans-serif;">Саяси партиялардың фракциялары, бір мандатты округтан сайланған депутаттар да жұмысқа белсене кірісті. Олар көптеген заң жобасына бастамашылық етіп, өзекті мәселелерді батыл көтере бастады. Депутаттарымыз жазда да көп жұмыс атқарды. <span style="background-color:rgb(255,255,255);color:rgb(0,0,0);font-family:Roboto, -apple-system, BlinkMacSystemFont, &quot;Apple Color Emoji&quot;, &quot;Segoe UI&quot;, Oxygen, Ubuntu, Cantarell, &quot;Fira Sans&quot;, &quot;Droid Sans&quot;, &quot;Helvetica Neue&quot;, sans-serif;">Небәрі екі айда 1200-ден астам елді мекенді аралап, сайлаушылармен кездесті, тұрғындардың тыныс-тіршілігімен танысты. Мен баршаңызға табысты қызметтеріңіз үшін шынайы ризашылығымды білдіремін. Жаңа сессияда жұмыс қарқыны бұдан да жоғары болады деп ойлаймын», - деді Президент.</blockquote>

Мемлекет басшысының Қазақстан халқына Жолдауы басталды

<a href="https://kyzylorda-news.kz/">Kyzylorda-news.kz.</a> Өткен жылдың қараша айында Қызылорда қаласында ұлттық бояуы заманауи үлгімен &nbsp;үйлескен мәдени-әлеуметтік нысан - «Анаға тағзым» орталығының құрылысы басталды.&nbsp;Адамзат баласы тіршіліктің түп қазығы анаға әрдайым қарыздар. Сондықтан жарық дүние сыйлаған жанға тағзым етеді, құрмет көрсетеді. Жаңа орталықтың жұмысы да Ұлы даланың ұлы аналарының киелі жолын дәріптеуді мақсат тұтпақ. Басты бағыты- жас ұрпаққа рухани-адамгершілік тәрбие беру, отбасылық құндылықтарды ұғындыру, бүгінгі қазақ әйелінің рухани келбетін қалыптастыру.&nbsp;Жоба «Парасат» орденінің иегері, кәсіпкер-меценат Марат Дүйсенбаевтың қаржылай қолдауымен іске асты. Алыстан көз тартатын көркем ғимаратты салуға 1,5 млрд.теңге жұмсалды. Нысан биыл қыркүйек айында пайдалануға беріледі.

«Анаға тағзым» орталығы қыркүйекте пайдалануға беріледі 

<a href="https://kyzylorda-news.kz/">Kyzylorda-news.kz.</a> Мұнай-газ саласы еліміздің экономикасында өзіндік ролі бар. Сол себепті қыркүйек айының бірінші жексенбісі – мұнай-газ саласы қызметкерлерінің күні болып белгіленді. Осы атаулы күнге орай, бүгін Өңірлік коммуникациялар қызметінің баспасөз алаңында облыстық кәсіпкерлік және өнеркәсіп басқармасының басшысы Исатай Аңсат мұнай-газ саласындағы алдағы атқарылатын жұмыстар туралы баяндады.<blockquote>«Мемлекет басшысының тапсырмасына сәйкес «Жер қойнауын игеру ісіне инвестиция тарту» басты міндеттердің бірі. Осы ретте, өңірдің әлеуметтік-экономикалық дамуына арналған кешенді жоспар әзірленді. Жоспар аясында, республикалық бюджет есебінен Шу-Сарысу, Арал және Сырдария бассейндерінде геологиялық зерттеулер жүргізілуде. Одан бөлек, «ҚазМұнайГаз» ұлттық компаниясы «Торғай-Палеозой» кен орнында тереңдігі 5 500 метр болатын ұңғыманы бұрғылауды биыл бастайды. Сарқылған мұнай-газ кен орындарын игеруде оң тәжірибесі бар жоғары технологияларды қолданатын шетелдік «Gepetto» компаниясын тарту бойынша жұмыстар басталды. Сарқылған мұнай-газ кен орындарын игеруде оң тәжірибесі бар жоғары технологияларды қолданатын шетелдік «Gepetto» компаниясын тарту бойынша жұмыстар басталды», - деді Исатай Сәбиұлы.</blockquote>Сондай-ақ, Сыр бойында «қара алтын» өндіруде өзіндік қолтаңбасы қалыптасып, алдыңғы шептегі ірі компания «ПетроҚазақстан Құмкөл Ресорсиз» АҚ-ның Вице-президенті Болат Көшербаев сала мамандарын мерекесімен құттықтады.<blockquote>«Бүгінге дейін бізде 83 миллион тонна мұнай өндірілді. Қазіргі таңда, жұмысшылардың 98 пайызы жергілікті тұрғындар. Мереке қарсаңында жұмысшыларды қолдау мақсатында түрлі іс-шаралар өткізіліп, қаржылай сыйақылар, жолдама табысталды. Жұмысшылардың басым бөлігі жастар болғаннан кейін спорттық сайыстар жиі өткізіледі. Айына бір-екі рет футбол, волейбол, теннис секілді спорттық сайыстармен қатар, дәстүрлі түрде өзара спартакида ұйымдастырылады. Барша мұнайшыларды кәсіби мерекесімен құттықтаймын. Жұмыстарыңызға табыс тілеймін»,– деді Болат Елеуұлы.</blockquote>

Исатай Аңсат: «Жер қойнауын игеру ісіне инвестиция тарту» басты міндеттердің бірі

<a href="https://kyzylorda-news.kz/">Kyzylorda-news.kz.</a> Бүгін Қазақстанның басым бөлігінде атмосфералық фронталды бөліктердің өтуіне орай күн құбылмалы болады, деп хабарлайды Қазгидромет.Елдің солтүстік-батысында, солтүстігіне, оңтүстігінде, оңтүстік-шығысында жаңбыр жауады. Жауын оңтүстік-шығыстағы таулардада (жаңбыр, жылбысқы қар) жауады. Тек еліміздің батысында, оңтүстік-батысында күн жауын-шашынсыз болады.Республика бойынша найзағай ойнап, жел тұрады, бұршақ жауады. Оңтүстік-батыста, оңтүстікте шаңды дауыл тұрып, оңтүстік-шығыста дауыл тұрады. Елдің солтүстік-батысында, солтүстігінде, оңтүстік-шығысында тұман түседі.Жамбыл облысында, Қызылорда облысының шығысында, оңтүстігінде, орталығында, Атырау облысының солтүстік-батысында, солтүстік-шығысында, оңтүстігінде, Ақтөбе облысының батысында, Батыс Қазақстан облысының солтүстігінде төтенше өрт қаупі сақталады.Батыс Қазақстан облысының орталығында жоғары өрт қаупі, облыстың оңтүстік-батысында, солтүстік-батысында, шығысында төтенше өрт қаупі сақталады.Павлодар, Қарағанды, Ұлытау облыстарының оңтүстігінде, Абай облысының батысында, солтүстігінде жоғары өрт қаупі сақталады.

Қазақстан және Қызылорда облысының жаңалықтары: Қоғам