Фото: ТЖМ<a href="https://kyzylorda-news.kz/">Kyzylorda-news.kz.</a> Жұмысшылар мінген автобус құлап кеткен "Майқайыңалтын" АҚ аумағында іздестіру-құтқару жұмыстары тоқтатылды, деп хабарлады облыстық төтенше жағдайлар депаратменті.<blockquote>"GRP-RIDDER-GROUP" ЖШС жүргізген зерттеу қорытындыларына сәйкес, опырылған аймақта топырақ құрылымы өзгеріп, тығыздық әлсірегені анықталды. Жүргізілетін жұмыстардың орнына да, астында да қуыстар бар. Құлау қаупі өте жоғары, - делінген департамент хабарламасында.</blockquote>Осы учаскеде қандай да бір тау-кен, іздестіру-құтқару жұмыстарын жүргізу құтқарушыларға үлкен қауіп тудырады.Апатты жою басшысының орынбасары – кәсіби әскерилендірілген авариялық-құтқару қызметінің Павлодар филиалы директорының орынбасары Еран Жарқымбеков құтқарушылар мен экскаватор машинистерінің өміріне қауіп төнгендіктен жұмыстарды тоқтата тұру туралы шешім қабылдады."Майқайың алтын" АҚ басшылығы және кәсіби әскерилендірілген авариялық-құтқару қызметтерінің республикалық орталық штабының филиалы жүргізіліп жатқан іздестіру-құтқару жұмыстарын жалғастыру немесе толық тоқтата тұру туралы қорытындыға қол жеткізу үшін өнеркәсіптік қауіпсіздік, тау-кен, геологиялық жұмыстар саласындағы сарапшыларды тартуға уәде береді. Қазіргі уақытта Павлодар облысы ТЖД барлық күштері мен құралдары жұмыс жүргізіліп жатқан жерде.Еске салайық, Майқайың кеніші шахтасының маңында төрт жолаушысы бар автобус тазарту кеңістігіне құлап кеткен. Апат кезінде онда төрт адам болған. Дәл сол күні екеуінің денесі табылды. Майқайың шұңқырына құлаған тағы екі адам әлі табылған жоқ.

Майқайың шұңқырына құлаған екі адам табылмады: Іздестіру тоқтатылды

<a href="https://kyzylorda-news.kz/">Kyzylorda-news.kz.</a>&nbsp; ҚР Халық әртісі Мақпал Жүнісова өнердегі әріптесі Нағима Есқалиеваға ренжіді. Бұл туралы Stan.kz ақпарат агенттігі хабарлайды.Нағима Есқалиева 70 жас мерейтойын атап өтіп, өнердегі әріптестерінің басын қосты.<blockquote>“Қазақ эстрадасында ортажастағы қыз-келіншектердің арасынан үш-ақ әйел “Халық әртісін” алдық. Бірі – Нағима, екіншісі – Мақпал, үшіншісі – мен”, – деді Роза Рымбаева.</blockquote><blockquote>Оны естіп тұрған туған күн иесі: “Мақпал “Халық әртісі” емес”, – деді.</blockquote>Өз кезегінде Мақпал Жүнісова да үнсіз қалмады. Жеке парақшасына жазба жариялап, әріптес-әпкесіне ренішін жеткізді. &nbsp;<blockquote>“Нағима әпше, ішіңіз күйсе тұз жалап жіберіңіз, мен өз еліме құрметтімін. Мен апамды жақсы білемін. Менен жасы үлкен ғой деп көрген жерде сәлем беремін. Маған Нағимадай әнші болу арман болған жоқ. Талай жерде “Сен “халық әртісін” менен ерте алып қойдың” деп айта береді. Ол үшін халықтың алдына көбірек шығып, қазақ әніне еңбек етсін! Менімен қалжыңдайтын менің досым емес, құрбым емес. Әуелі Зәкең өмірден озғанда да бір жылдан соң концертте көңіл айтқан. Жақсы көрсе мерейтойына шақырмай ма?!”, – деп жазды өнер иесі.</blockquote>Желі қолданушылары Нағима Есқалиеваның сөзіне шамданып, түрлі пікір жазып жатыр. “Мақпалдай болу қайда саған?!, “Нағиманың бір әнін жатқа білмейміз”, “Біз бәрібір Мақпалды жақсы көреміз”, “Роза айтқан тілегіне өкініп қалған шығар”, – деп жазып жатыр тыңдарман қауым.&nbsp;Фото: stan.kz

"Ішің күйсе тұз жала": Мақпал Жүнісова әріптесі Нағима Есқалиеваға өкпеледі

<a href="https://kyzylorda-news.kz/">Kyzylorda-news.kz.</a>&nbsp; Қаржы сарапшылары Мақсат Халық пен Айбар Олжай елдегі кедейшілік факторларына тоқталып, арнайы бағдарламалар қабылдануы керек екенін айтты, деп хабарлайды<a href="https://zhasalash.kz/news/kazakstan-kedey-el-oni-moyindau-kerek-sarapshilar-67c433/?fbclid=IwAR3BfWiksf5Oq2DxMf850h8JiIF0ikKW_EuRDT-alcSD-xSHfgQUDBa-1Kk"> Zhasalash.kz.</a>Экономист Мақсат Халық елімізде кедейшілік факторлары жиі байқалатынын айтты.<blockquote>“Халық тапқанын азық-түлік сатып алуға ғана жұмсап отыр. Басқа тауарларды сатып алуға қол жеткізе алмайды. Неге? Себебі, біздің халық кедей. Біз кедей мемлекет екенімізді ашық мойындауымыз керек. Кедей екенімізді Үкімет мойындап отырған жоқ”, – дейді ол.</blockquote>Ал Айбар Олжай болса, кедей ел екенімізді ресми жариялап, онымен күресу үшін арнайы бағдарлама қабылдану керек екенін баса айтты.<blockquote>“Макростатистикаға қарасақ, бәрі тамаша. Кедейшілік проблемасы бар деген күннің өзінде “кедейшілікке қарсы күрес” сияқты бағдарлама қабылдануы керек. Персоналды бағдарлама болса да. Мысалы, бір кедейді бағдарламаға енгізіп, “сен төрт жыл ішінде кедей болмау керексің” деген жүйемен оны жұмыспен қамтып, салықтан босатып, несиесін төлеуге жәрдемдесіп, кедейшіліктен құтылудың амалын қарастыру керек”, – деп есептейді ол. &nbsp;</blockquote>Фото: Нұрболат Нұржаубай

"Қазақстан кедей ел, оны мойындау керек" – сарапшылар

<a href="https://kyzylorda-news.kz/">Kyzylorda-news.kz.</a>&nbsp; 1 наурыздан бастап алғаш рет еліміздің барлық аймағында өңірлік кадрлық резервтерге іріктеу басталады. Аталмыш жобаның басты мақсаты - жас мемлекеттік басқарушылардың өңірлік пулдарын қалыптастыруды және әр өңірдегі талантты жастарды тартуды көздейді. Бұл жөнінде Өңірлік коммуникациялар қызметінің баспасөз алаңында ҚР Мемлекеттік қызмет істері агенттігінің Қызылорда облысы бойынша департаментінің басшысы Ерлеген Мендалиев хабарлады.<blockquote>Өңірлік кадрлық резервіне іріктеу бірнеше кезеңдерден тұрады. Атап айтқанда, бірінші кезең: 1-31 наурыз аралығында құжаттарды қабылдау жүргізіледі. Екінші кезең: 5-14 сәуір аралығында заңнаманы білуге және жеке қасиеттерін бағалауға тестілеу қабылданады. Үшінші кезең: 22 сәуір мен 7 маусым аралығында «Құзыреттерді бағалау» басталса, төртінше кезеңде комиссиядағы құрылымдық сұхбат жүргізіледі. Ал бесінші кезеңде комиссияның отырысы өтеді. Жобаға іріктеуді кадр комиссиясы жүзеге асырады. Сондай-ақ, өңірлік резервте болу мерзімі – 2 жыл, - деді Ерлеген Жәрдемұлы.</blockquote>Брифинг барысында Қызылорда облысы әкімі аппараты басшысының міндетін атқарушы Ерлан Бәкіров өңірлік резервке қабылданатын жас басқарушыларға қойылатын негізгі талаптарды атап өтті.<blockquote>Өңірлік резервке алынған азаматтар сайланатын негізгі лауазымдарды қоспағанда, жергілікті атқарушы органдарда «Б» корпусының мемлекеттік әкімшілік қызметтеріне орналаса алады. Іріктеуге 35 жастан аспаған, жоғары білімді және 3 жылдан кем емес еңбек өтілі бар ҚР азаматтары қатыса алады. Сондай-ақ, іріктеуден өткен талапкерлер бір ғана өңірді және бір салалық бағытты таңдауға құқылы. Одан кейін салалық бағыт пен өңірді өзгертуге жол берілмейді, - деді Ерлан Әмірханұлы.</blockquote>Фото: Нұрболат Нұржаубай

1 наурыздан бастап өңірлік кадрлық резервтерге іріктеу басталады

<a href="https://kyzylorda-news.kz/">Kyzylorda-news.kz.</a>&nbsp; Байқоңыр қаласында кәсіпорын есепшісі жұмысшылардың жалақысын заңсыз өсіріп, артынша оларды өзі жымқырған. Бұл туралы Stan.kz ақпарат агенттігі хабарлайды.Әйел қызметкерлерге олардың жалақысынан көп ақша аударған. Кейін жүйеде ақау болғанын айтып, ақшаны қайтаруды талап етті. Алаяқтық арқылы есепші бір жарым жыл ішінде 6,4 миллион рубль (32 миллион теңге) пайда көрген.<blockquote>Күдікті Қазақстан азаматы болғандықтан, кешен прокуратурасы қаладағы қазыналық кәсіпорындардың бірінің есепшісіне қатысты қылмыстық істі жолдады. Ресей Федерациясының қылмыстық кодексінің 159-бабының 4-тармағы “Адамның қызметтік бабын пайдаланып жасаған алаяқтық” бойынша іс қозғалды”, – делінген хабарламада.</blockquote>Әйел алаяқтық жасағаны үшін мүлкі тәркіленіп, он жылға дейін бас бостандығынан айырылуы мүмкін.Фото: Нұрболат Нұржаубай

Байқоңырда бухгалтер 30 миллион теңге ақша жымқырды деген күдікке ілінді

Фото: Қызылорда ПД<a href="https://kyzylorda-news.kz/">Kyzylorda-news.kz.</a> Ақпан айының 05-29 күндері аралығында облыс көлемінде «Қауіпсіз жол» жедел-профилактикалық іс-шарасы өткізіледі.Іс-шара барысында облыс көлемінде қоғамдық тәртіпті сақтау мен жол қозғалысы қауіпсіздігін қамтамасыз ету, жол көлік оқиғаларының алдын алу,жол қозғалысы ережелерін өрескел бұзушылықтың, әсіресе заңсыз жолаушы тасымалымен айналысатын автобус және такси көлік құралдарын анықтайтын болады.

Қызылордада «Қауіпсіз жол» жедел-профилактикалық іс-шарасы басталады

Фото: Үстірт қорығы<a href="https://kyzylorda-news.kz/">Kyzylorda-news.kz.</a>&nbsp;Маңғыстауда қырылған аққу саны 1018-ге жетті деп хабарлайды Kyzylorda news ақпарат агенттігі Маңғыстау әкімдігіне сілтеме жасап.Аққулардың қырылуына Қаракөлге құятын сужібергіш жабдықтағы судың шамадан тыс ластанғаны себеп болған еді. Бұған жауапты Rixos қонақүйін басқаратын Aktau Tourism Ltd компаниясына қарсы әкімшілік іс қозғалды.Тексерістің нәтижесінде Aktau Tourism Ltd компаниясының экология заңнамасын бұзғаны анықталған. Осы үшін «Атмосфералық ауаны қорғау және су объектілерін ластану мен қоқыстан қорғау жөніндегі талаптарды бұзу» және «Қоршаған ортаға жол берілетін антропогендік әсер ету нормативтерін бұзу» баптары бойынша іс қозғалған. Қазір айыппұл мөлшері есептеліп жатыр.

Маңғыстауда 1018 аққу қырылды

<a href="https://kyzylorda-news.kz/">Kyzylorda-news.kz.</a> Қызылорда облысында ауа райының күрт құбылуына байланысты «Самара-Шымкент» автомобиль жолының бірқатар бөлігінде көлік қозғалысы шектелді.4 ақпанда елорда уақытымен Қызылорда облысы Арал ауданы аумағында ауа райы күрт нашарлап кетті. Жол бойында бұрқасын, көктайғақ болып тұр.<blockquote>«Осыған байланысты 4 ақпанда сағат 20.20-де ауа райының күрт нашарлауына байланысты республикалық маңызы бар „Самара-Шымкент“ автомобиль жолының 1240-1360 шақырым аралығына жүк және қоғамдық көліктердің қозғалысына уақытша шектеу қойылды. Ол Ақтөбе облысының шекарасынан Арал қаласына дейінгі аралықты қамтиды», — деп мәлім етті Қызылорда облыстық Төтенше жағдайлар департаментінен.</blockquote>Фото: Нұрболат Нұржаубай

Қызылорда облысында көлік қозғалысы шектелді

&nbsp;Фото: gov.kz<a href="https://kyzylorda-news.kz/">Kyzylorda-news.kz.</a>&nbsp; Қазгидромет синоптиктері 5 ақпан, дүйсенбіге арналған ауа райы болжамын жариялады.Қазақстан аумағының басым бөлігінде 5 ақпан күні атмосфералық фронттарға байланысты қар аралас жаңбыр жауады.ҚР бойынша тұман шөгіп, жел күшейеді. Көктайғақ пен боран болады.

5 ақпанға арналған ауа райы

<a href="https://kyzylorda-news.kz/">Kyzylorda-news.kz.</a>&nbsp; &nbsp;Еліміздегі ең көпбалалы отбасы Қостанай облысының Лисаков қаласында тұрады. Ерлі-зайыпты Рустам Шукуров пен Муаззама Мансурованың 55 баласы бар. Оның үшеуі өздерінің туған перзенттері, Қалғанын асырап алған. Бұл туралы <a href="https://qazaqstan.tv/">Қазақстан телеарнасы </a>хабарлайды.Бір қарағанда бұл үй интернатқа ұқсайды. Ұзын дәліз, оның екі жағында балалардың бөлмелері орналасқан. Ал осы дәлізге жалғасып жатқан мына үлкен бөлме алпысқа жуық мүшесі бар отбасының төрт көзі түгел жиналатын орны. Олар бұл жерде әңгіме дүкен құрады, төрде тұрған теледидардан түрлі бағдарламаларды тамашалайды.Ал ас дайындайтын бөлме кішігірім қоғамдық тамақтану орны тәрізді. Сөреде тізілген ыдыстан көз сүрінеді, азық-түлікті текшелеп жинап қойған. Отанасы асты өзі дайындайды. Әр балаға көңіл бөліп, аналық мейірімін сыйлауға тырысады.Муаззама Мансурова, көпбалалы ана:<blockquote>Мен әрқайсының мінезін, асқа, киімге талғамын жатқа білемін. Әрқайсының ерекшелігі жайлы сағаттап әңгімелеуге болады. Мен қашанда үйде, осылардың ортасындамын. Бәрінің көңілін тауып, ешқайсын назардан тыс қалдырмауға тырысамын. Ерлі-зайыптылардың туған екі ұлы мен бір қызы бар. Бәрі де өзіне тете сіңілісі жоғына налып жылаған кенже қыздарын жұбатуға деген ниеттен басталған. Денсаулығына байланысты құрсақ көтере алмағандықтан Муаззама бала асырап алуға бел буады. Оны жұбайы да қолдайды. Сөйтіп 2017-ші жылы алғаш рет 7 баланы бауырларына басқан.</blockquote>Муаззама Мансурова, көпбалалы ана:<blockquote>Бізде бәрі де болды. Ақша да, басқасы да. Бірақ, мұндай бақыт болған жоқ. Әрине, қиын сәттер кездеседі. Бірақ балаға деген махаббат бәрін ұмыттырады. Сөйтіп алты жылда асырап алған баланың саны 52-ге жетті. Мұнда олардың бәрі өз қалауымен келген. Былтыр 3 ай ішінде 19 бала асырап алған. Қазір үйде 37 бала бар. Қалғаны студент, сыртта жүр. Бірақ келсе оларға да әрдайым есік ашық. Ата-анасы әр перзентін еркелетіп, ақыл-кеңесін де айтып отырады.</blockquote>Рустам Шукуров, көпбалалы әке:Мамандық таңдау жайын да талқылаймыз. Балалар көбіне арманшыл, қиялға ерік береді. Мен оларға «алдымен өздеріңді асырайтын кәсіпті игеріңдер» деймін. Биыл 8 балам тоғызыншы сыныптан соң колледжге барады.Данил Таржанов, оқушы:<blockquote>Мен бұл үйге екінші сыныпта келдім. Асыраушы әке-шешеміз бізге көп жағдай жасады. Мен оларды жақсы көрем. Мектеп бітіргесін дәнекерлеушілікке оқимын. Ақша табамын, үй саламын. Рустам Шукуров қазір тұрып жатқан үйлерін кезінде өзі сатып алған. Ағайындарымен ортақ бизнесіндегі үлесінен ептеп табыс кіріп тұрады. Балаларға ет пен сүт болсын деп аздап мал ұстайды. «Ешкімнен қол жайып көмек сұраған емеспін» дейді өзі. Бұл шаңырақтағы балалардың ең үлкені 24-те, кішісі 3-те. 36 оқушы бар. Ерлі-зайыптылар мұнымен тоқтамақ емес. Бұйыртса әлі де отбасы жылуын аңсаған талай баланы бауырына басқысы келеді.</blockquote>Фото: Нұрболат Нұржаубай

Елімізде 55 бала асырап алған отбасы бар

Фото: Н.Нұржаубай<a href="https://kyzylorda-news.kz/">Kyzylorda-news.kz.</a>&nbsp;&nbsp; "Қазгидромет" РМК мамандары Zakon.kz тілшісіне Қазақстанда алдағы үш күнде – 2024 жылдың 3-5 ақпанында ауа райы қандай болатынын айтып берді.Болжам бойынша, демалыс күндері Қазақстан бойынша синоптикалық жағдайды Скандинавияның солтүстігінде орналасқан Атлантикалық циклон анықтайды.<blockquote>"Елдің басым бөлігінде қарлы боранмен, екпінді жел және көктайғақ, әр түрлі фазаларда бұлттылық пен ошақты жауын-шашын болады... Атлантикалық циклон да республиканың барлық дерлік аумағында температураның біртіндеп көтерілуіне себеп болады"."Қазгидромет" РМК баспасөз қызметі</blockquote>Синоптиктердің айтуынша, республиканың оңтүстік облыстары ғана "антициклонның қорғауында әлі де болса, ауа райы негізінен жауын-шашынсыз сақталады".Бұған дейін "Қазгидромет" РМК мамандары Қазақстандағы су тасқынының алдын ала болжамын ұсынған болатын.

Демалыс күндеріне арналған ауа райы болжамы 

<a href="https://kyzylorda-news.kz/">Kyzylorda-news.kz.</a>&nbsp; Бірыңғай жинақтаушы зейнетақы қоры «Ұлттық қор&nbsp;—&nbsp; балаларға» жобасы бойынша бала шотына түсіп жатқан сома туралы түсінік берді, деп хабарлайды <a href="https://kaz.inform.kz/news/bzhzk-ulttik-kordan-audarilgan-100-dollar-turali-bul-tek-algashki-esepteu-33dc72/">ҚазАқпарат</a>.«Ұлттық қор&nbsp;— балаларға» бағдарламасы бойынша алғашқы нысаналы талаптар мен нысаналы жинақтар түсті.<blockquote>«Ұлттық қор&nbsp;— балаларға» бағдарламасы бойынша БЖЗҚ-ға алғашқы нысаналы талаптар (18 жасқа дейінгі балаларға) есептелініп, нысаналы жинақтау шоттарына алғашқы нысаналы жинақтар (2024 жылы 18 жасқа толатын балаларға) түсті. 2024 жылдың 1 қаңтарынан бастап бағдарламаға 2023 жылдың соңындағы жағдай бойынша кәмелетке толмаған, Қазақстан азаматы болып есептелетін барлық балалар қатысушы ретінде тіркелді»,&nbsp;— деп жазылған қордың ресми сайтында.</blockquote>Ресми мәлімет бойынша, бағдарламаға қатысушылардың жалпы саны — 6 919 131 бала (қоса алғанда, 01.01.2006 ж. бастап 31.12.2023 ж. дейін туылған балалар). Оның ішінде 304 815 қатысушы 2024 жылы 18 жасқа толады (қоса алғанда, 01.01.2006 ж. бастап 31.12.2006 ж. дейін туылған балалар).<blockquote>«Олардың барлығына өткен жыл үшін Қазақстанның Ұлттық қорынан 100 АҚШ доллары және 52 центі мөлшерінде бірдей сома есептелді. Бұл тек алғашқы есептеулер екенін түсіну маңызды! Жыл сайын бұл сома Ұлттық қор активтерінің өсуі және инвестициялық кіріс алу есебінен ұлғайып отырады. Бұдан бөлек, есептелген қаражат Ұлттық қордың валюталық активтерінің құрамында инвестициялануын жалғастырады және бағдарламаға қатысушы балаларға олар 18 жасқа толғанға дейін қосымша инвестициялық кіріс әкеледі»,&nbsp;— делінген БЖЗҚ мәліметінде.</blockquote>Ал&nbsp;18 жасқа 2024 жылы толатын балаларға аталған сома олардың БЖЗҚ-да автоматты түрде ашылған нысаналы жинақтау шоттарына түсуі керек. Олар биылдан бастап жинақтарын тұрғын үйге немесе білім алуға кәмелетке толғаннан кейін бірден пайдалануға құқылы.Нысаналы жинақтарды кәмелетке толған азамат <a href="https://enpf.kz/kz/">enpf.kz</a> сайтындағы өзінің жеке кабинетінде, БЖЗҚ-ның ұялы қосымшасында немесе <a href="https://egov.kz/cms/kk">egov.kz</a> порталында өз бетінше тексере алады.Фото: Нұрболат Нұржаубай

Қазақстан және Қызылорда облысының жаңалықтары: Қоғам