<a href="https://kyzylorda-news.kz/">Kyzylorda-news.kz</a> Өткен аптада Қызылорда қаласы бойынша білім бөлімінің кеңейтілген мәжілісі өтіп, онда білім беру жүйесіндегі маңызды бағыттар жан-жақты сараланды. Мәжіліске қала мектептерінің директорлары қатысып, өзекті мәселелер төңірегінде пікір алмасты.Жиында Қызылорда қаласы бойынша білім бөлімінің басшысы Бағдат Бердаулетов білім саласындағы жүйелі жұмыстар мен жауапкершіліктің маңыздылығына тоқталды.&nbsp;<blockquote>– Әрбір білім беру ұйымы тәрбие мен білім сапасына бірдей жауапкершілікпен қарауы тиіс. Әсіресе, оқушылардың қауіпсіздігі, олардың құқықтық сауаттылығы мен рухани дамуы біздің басты назарымызда. Алдағы уақытта да осы бағыттағы жұмыстарды күшейтіп, нақты нәтижеге бағытталған жүйелі жұмыстар жалғаса береді, - деді Бағдат Камбозұлы.</blockquote><img src="https://knadmin.beoblood.kz/uploads/Whats_App_Image_2026_04_24_at_18_39_04_1_6a6b7ddacc.jpeg" alt="Қалалық білім бөлімі кеңейтілген отырыс.jpeg">Күн тәртібіне сәйкес, ең алдымен кәмелетке толмағандар арасындағы қылмыс пен құқық бұзушылықтың алдын алу мәселесі қаралды. Бұл бағытта білім беру ұйымдары мен ата-аналардың бірлескен жұмысының маңызы ерекше екені атап өтілді.&nbsp;Келесі кезекте жалпы орта білім беру ұйымдарындағы психологиялық-педагогикалық қолдау қызметінің барысы талқыланды. Оқушылардың психологиялық ахуалын тұрақтандыру, олардың жеке дамуына жағдай жасау және кәсіби мамандардың жұмысын жетілдіру мәселелері кеңінен сөз етілді.Сондай-ақ, ағымдағы оқу жылының білім сапасы мен ұлттық бірыңғай тестілеу нәтижелері сараланып, алдағы кезеңге арналған міндеттер пысықталды. Оқушылардың функционалдық сауаттылығын дамыту бағытында жүйелі жұмыстарды жалғастыру қажеттігі айтылды.Сонымен қатар сыбайлас жемқорлық құқық бұзушылықтардың алдын алу және парасаттылық мәдениетін қалыптастыру мәселесі де назардан тыс қалмады. Бұл бағытта ашықтық пен әділдікті қамтамасыз ету басты басымдықтардың бірі.&nbsp;Жиын соңында күн тәртібіндегі мәселелер бойынша нақты тапсырмалар беріліп, білім беру ұйымдарының жұмысын жетілдіру бағытындағы міндеттер белгіленді.<img src="https://knadmin.beoblood.kz/uploads/Whats_App_Image_2026_04_24_at_18_39_04_4dc74a519b.jpeg" alt="Қалалық білім бөлімі кеңейтілген отырысjpeg">

Оқушылардың қауіпсіздігі мен білім сапасы күн тәртібінен түспейді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен өткен мәжілісте жалпыхалықтық референдумды ұйымдастыруға және жоғары деңгейде өткізуге белсенді атсалысқан азаматтар марапатталды.<blockquote>– Мемлекет басшымыз «Біз Халық Конституциясын келешек ұрпақ алдындағы жауапкершілігімізді терең сезіне отырып қабылдадық. Ата заң – қуатты, күшті, бәсекеге қабілетті Қазақстанның жаңа Жарғысы. Жаңа Конституция – көне заманнан бері бабаларымызға бағдар болған дала заңдарының бүгінгі жалғасы, ұрпақтар арасындағы сабақтастық көрінісі, – деген болатын.</blockquote>&nbsp;<img src="https://knadmin.beoblood.kz/uploads/Oblys_kimdigi_marapat_a633226048.jpg" alt="Облыс әкімдігі марапат.jpg">Жаңа Ата Заңымыз тәуелсіздігімізді, аумақтық тұтастығымызды сақтайды. Азаматтарымыздың құқықтары мен бостандықтарын қорғайды. Елімізді тың жетістіктер мен табыстарға бастайды. Бірлік пен әділдік, заң мен тәртіп сияқты құндылықтарды орнықтырып, еліміздің ұзақ мерзімді даму бағдарын айқындайды. Референдумға Сыр жұртшылығы да белсенді қатысып, берекелі бірліктің, тату тірліктің үлгісін көрсетті. Дана халқымыз<blockquote>– Бірлік бар жерде тірлік бар» деген. Жерлестеріміздің жоғары жауапкершілігінің арқасында өңірлер арасында көш бастадық. Сырбойылықтар Мемлекет басшымыздың Әділетті, Қуатты әрі Таза Қазақстанды құру жолындағы бастамаларын әрдайым қолдайтынын тағы бір мәрте айқын дәлелдеді, – Нұрлыбек Машбекұлы.</blockquote><img src="https://knadmin.beoblood.kz/uploads/Balzhan_Sh_menova_marapat_120868a5b6.jpg" alt="Балжан Шәменова марапат.jpg">Жиында Қазақстан Республикасы Президентінің Алғысымен, «Барыс» төсбелгісімен облыстық мәслихат төрағасы Мұрат Тлеумбетов марапатталды. &nbsp;Бірқатар азаматтарға Президенттің Алғыс хаты табысталды.Айта кетейік, 15 наурызда халқымыз жаңа Конституцияға арналған референдумға белсенді қатысып, мемлекеттің келешек тағдырын айқындады. Президент бүкіл халық атынан жаңа Ата заңға және «Конституцияны іске асыру жөніндегі шаралар туралы» Жарлыққа қол қойды. Халық Конституциясы 1 шілдеден бастап ресми түрде өз күшіне енеді.<img src="https://knadmin.beoblood.kz/uploads/Altynaj_Molzhanova_marapat_e07bc86ed7.jpg" alt="Алтынай Молжанова марапат.jpg">

Бірқатар азаматтар марапатталды

<a href="https://kyzylorda-news.kz/">Kyzylorda-news.kz</a> Қызылорда қаласындағы «Тағзым» алаңында Чернобыль қаласындағы радиациялық апаттан қаза тапқан құрбандарды еске алуға арналған тағылымды іс-шара өтті.Іс-шараның мақсаты – апат салдарынан қаза тапқан, ауыр жараланған ерлерге құрмет көрсетіп, ерліктерін өскелең ұрпаққа насихаттау.Осыдан 40 жыл бұрын, яғни 1986 жылдың 26 сәуірінде Чернобыль атом электр стансасында жарылыс болып, радиациясы көрші мемлекеттерге жетіп, апаты күллі адамзаттың қасіретіне айналды.Чернобыль апатының алдын алуға қатысқан мыңдаған отандасымыз ерлігі мен жігерінің арқасында радиацияның әрі қарай таралуына тосқауыл болды. Олар Отан үшін өмірлерін қиып, өзге де адамдарды қорғап, өз борыштарын орындады.Іс-шарада апат салдарын жоюға қатысқан азаматтардың ерлігі аталып, қатысушылар боздақтарды бір минут үнсіздікпен еске алды. Қоғамдық даму басқармасының басшысы Руслан Каюпов пен облыстық ардагерлер кеңесі төрағасының орынбасары Жұмабек Әлиев сөз сөйлеп, олардың ел алдындағы еңбегіне құрмет білдірді. Қалалық «Чернобыль» қоғамдық бірлестігінің төрағасы Жұмабек Шахатов ардагерлерге ізгі лебізін білдірді. Сондай-ақ, жиынға қала әкімінің орынбасары Арнұр Нұрмағанбетов, Чернобыль ардагерлері қатысып, тағзым білдірді.&nbsp;Іс-шараға Қызылорда қаласының Әскери техникалық мектебі, Аумақтық қорғаныс бригадасы 99215 және 5547 әскери бөлімдерінің қызметкерлері атсалысты. Бұл іс-шара – ерлікті ұлықтап, кейінгі ұрпаққа өнеге берудің айқын көрінісі.Еске алу шарасына жиналған қауым Чернобыль апатын жоюға қатысқан азаматтардың рухына бас иіп, боздақтарды бір сәт үнсіздікпен еске алды. Соңында құрбандардың рухына құран бағышталып, ескерткішке гүл шоқтары қойылды.<img src="https://knadmin.beoblood.kz/uploads/V_Kyzylorde_pochtili_pamyat_zhertv_katastrofy_na_Chernobylskoj_AES_1_67ef4d7131.jpg" alt="В Кызылорде почтили память жертв катастрофы на Чернобыльской АЭС1.jpg">

Чернобыль апаты құрбандарын еске алу іс-шарасы өтті

<a href="https://kyzylorda-news.kz/">Kyzylorda-news.kz</a> Өткен аптада Қазалы ауданында Қазақстан Республикасы Тәуелсіздігінің 35 жылдығына орай Қазақстан Композиторларының «Көк байрағым, желбіре!» атты фестиваль-концерті өтті.Роза Бағланова атындағы аудандық мәдениет орталығында өткен концертте ҚР Композиторлар Одағының құрметті төрағасы, ҚР Мемлекеттік сыйлығының лауреаты, «Құрмет» және «Парасат» ордендерінің иегері Балнұр &nbsp;Балғабекқызының, ҚР Композиторлар Одағының басқарма мүшесі, ҚР «Мәдениет қайраткері», Қазалы ауданының Қорқыт Ата атындағы өнер мектебінің директоры, аудандық мәдениет орталығының жанындағы &nbsp;аудандық «Мырза» атындағы халық аспаптар оркестрінің және «Қорқыт сазы» ансамблінің көркемдік жетекшісі Сәукен Әлмамбетұлының және халықаралық және республикалық конкурстардың лауреаты, облыстық филармония жанындағы Тұрмағанбет атындағы халық аспаптар оркестрінің бас дирижері Руслан Серікқалиұлының таңдаулы туындыларын «Мырза» халық аспаптар оркестрі орындады.Фестиваль-концертте өнер майталмандарының «Бөрілі менің &nbsp;байрағым», «Ақтайлақ», «Концерттік &nbsp;вальс», «Алтай-Атырау арасы», «Туған жерім - &nbsp;Күреңбел», «Қырғыз күй», «Сыр шертпе», «Қазақ елі» толғауы, «Дала үні», «Ұлы дала қыпшақтары» сынды шығармалары қазалылық көрерменге ұсынылды.<img src="https://knadmin.beoblood.kz/uploads/azaly_konczert_462f61cad5.jpg" alt="Қазалы концерт.jpg">Кеш соңында аудан әкімі Алмасбек Есмаханов сөз сөйлеп, ежелден өнер қонған қасиетті Қазалы жерінде ел Тәуелсіздігінің 35 жылдығына орай өткізіліп жатқан концерттің ұйымдастырушыларына және «Мырза» халық аспаптар оркестрінің ұжымына аудан жұртшылығының атынан шынайы алғысын жеткізді.&nbsp;ҚР Композиторлар Одағының құрметті төрағасы Балнұр Балғабекқызына аймақ басшысы Нұрлыбек Нәлібаевтың «Алғыс хатын» табыстап, иығына камзол мен жаулық жауып сый-құрмет көрсетті. Концерттік кеште Сәукен Әлмамбетұлы мен кештің дирижері Руслан Серікқалиұлы да жиылған жұртшылықтың зор қошеметіне бөленді.Еліміздің ең қастерлі құндылығы – Тәуелсіздігіміздің 35 жылдығына арналған ауқымды мәдени шара – ұлттық өнеріміздің мәңгілік екенін, рухани құндылықтарымыздың ешқашан өлмейтінін айшықтайтын тағылымды кеш болды.<img src="https://knadmin.beoblood.kz/uploads/azaly_konczert_3_b0c5d37b26.jpg" alt="Қазалы концерт 3.jpg">

Қазалыда «Көк байрағым, желбіре!» атты фестиваль-концерт өтті

<a href="https://kyzylorda-news.kz/">Kyzylorda-news.kz</a> «AMANAT» партиясының «Қарызсыз қоғам» жобасы аясында партия алаңында азаматтарды тақырыптық жеке қабылдау өтті. Қабылдауды жоба өкілі Балдырған Мәмен жүргізді.Кездесу барысында тұрғындар несиелік міндеттемелер, берешек жүктемесі және қаржылық қиындықтарға қатысты өзекті мәселелерін көтерді. Азаматтардың бір бөлігі тұтынушылық несиелер бойынша төлем қабілетінің төмендеуіне байланысты қарыздарын қайта құрылымдауға көмек сұрады. Сонымен қатар, банк алдындағы берешектерді өтеу мерзімін ұзарту және айыппұл санкцияларын азайту мәселелері де талқыланды.Қабылдауға келген тұрғындардың бірі жеке мақсатта алынған несиелерін уақытылы өтей алмай отырғанын айтып, қарызын жеңілдету жолдарын қарастыруды өтінді. Тағы бір өтініш иесі бірнеше банктен алған несиелерін біріктіріп, ортақ төлем кестесін жасауды сұрады. Сондай-ақ, қаржылық жағдайының қиындауына байланысты төлем мерзімін кейінге шегеру және пайыздық жүктемені азайту бойынша кеңес алғандар да болды.Бұдан бөлек, азаматтар банкроттық рәсімі, жеке сот орындаушылармен жұмыс және коллекторлық ұйымдармен өзара іс-қимыл мәселелері бойынша сұрақтар қойды. Барлық өтініштер бойынша заңнама аясында түсіндірмелер беріліп, нақты іс-қимыл алгоритмдері ұсынылды.Қабылдау қорытындысы бойынша азаматтарға несиелерді қайта құрылымдау, төлем мерзімін ұзарту және берешекті кезең-кезеңімен өтеу жолдары түсіндірілді. Жекелеген өтініштер бойынша екінші деңгейлі банктер мен тиісті қаржы ұйымдарына ресми хаттар жолдау мүмкіндігі қарастырылуда.Барлық көтерілген мәселелер жеке бақылауға алынып, әрбір өтініш бойынша тиісті жұмыстар кезең-кезеңімен жүргізілетін болады.

Қаржылық мәселелер бойынша азаматтарға қолдау көрсетілді

<a href="https://kyzylorda-news.kz/">Kyzylorda-news.kz</a> Өткен аптада Байқоңыр қаласында «AMANAT» партиясы Қызылорда облыстық филиалының төрағасы Жандос Базартай және Қазақстан Заңгерлер Одағының мүшесі, «Әділет» құқықтық қызмет көрсету орталығының жетекшісі Дәулет Ізбасарұлының қатысуымен «Құқықтық көмек» партиялық жобасы аясында тақырыптық қабылдау ұйымдастырылды.Қабылдау барысында азаматтар түрлі әлеуметтік-құқықтық мәселелер бойынша өтініштерін білдірді. Атап айтқанда, тұрғын үй кезегі, әлеуметтік төлемдер, жеке кәсіпкерлікке қатысты құқықтық сұрақтар, сондай-ақ мүлікке байланысты салық мәселелері көтерілді.Әрбір өтініш мұқият тыңдалып, қолданыстағы заңнама аясында жан-жақты түсіндірмелер берілді. Келіп түскен сұрақтардың бірі І топ мүгедектігі бар, Чернобыль апатының ардагері санатындағы азаматтарға тұрғын үйдің кезектен тыс немесе басым тәртіппен берілу мүмкіндігіне қатысты болды. Бұл бағытта заңмен белгіленген нормалар мен талаптар түсіндірілді.Сондай-ақ, жеке кәсіпкер ретінде жақында ғана жұмысын бастаған азаматшаның декреттік төлем тағайындау тәртібі жөніндегі сұрағы қаралды. Бұл ретте әлеуметтік төлемдерді тағайындау шарттары мен міндетті әлеуметтік сақтандыру жарналарының маңыздылығына назар аударылды.Қабылдау қорытындысы бойынша тұрғындардың өтініштерін оңтайлы шешу бақылауға алынып, тиісті мемлекеттік органдармен бірлесіп жұмыс жүргізу қажеттігі атап өтілді.<blockquote>«Бүгін ұйымдастырылған “Құқықтық көмек” партиялық жобасы аясындағы тақырыптық қабылдау азаматтардың өзекті мәселелерін заң аясында шешуге бағытталған маңызды алаң. Біз үшін әрбір тұрғынның өтініші мен ұсынысы маңызды. Қоғамдағы кез келген мәселе ашық айтылып, заң шеңберінде шешімін табуы тиіс. Әсіресе әлеуметтік қолдау, тұрғын үй мәселесі, жұмыспен қамту және әлеуметтік төлемдер сияқты бағыттарда түсіндіру жұмыстарын күшейту қажет. Бүгін көтерілген әрбір мәселе назардан тыс қалмайды. Біз тиісті мемлекеттік органдармен бірлесіп, нақты шешімдер қабылдауға жұмыс жасаймыз», – деді төраға Жандос Базартай.</blockquote>Азаматтардың құқықтық сауаттылығын арттыру және өзекті мәселелерін шешуге ықпал ету – мұндай қабылдаулардың басты мақсаты болып қала береді.

Тұрғындарға құқықтық көмек көрсетілді

<a href="https://kyzylorda-news.kz/">Kyzylorda-news.kz</a> Қызылорда қаласында Әлем чемпионы, КСРО-ға еңбек сіңірген спорт шебері Сатыбалдиев Марат Қуанбайұлының жүлдесіне арналған тас жолдағы велоспорттан 25–29 сәуір күндері 15–16 жас аралығындағы жасөспірім ұлдар арасында өтетін республикалық веложарыстың ашылу салтанаты өтті.Іс-шара Велосипед спорт түрлері бойынша кәсіпқой спорт клубының базасында ұйымдастырылып, оған еліміздің тоғыз өңірінен келген 110 жас спортшы қатысуда.Салтанатты рәсімге арнайы қатысқан “AMANAT” партиясының Қызылорда облыстық филиалының төрағасы Жандос Базартай қатысушыларға сәттілік тілеп, партияның бұқаралық спортты дамытуға ерекше көңіл бөліп отырғанын атап өтті.<blockquote>«Бүгінде «AMANAT» партиясы елімізде салауатты өмір салтын қалыптастыруға, оның ішінде балалар мен жасөспірімдер спортын дамытуға бағытталған бірқатар жобаларды жүзеге асыруда. Өңірлерде спорт инфрақұрылымын жаңғырту, ауылдық жерлерде спорт нысандарын көбейту, жастардың спортпен жүйелі айналысуына жағдай жасау-біздің басты басымдықтарымыздың бірі. Осындай жарыстар жас спортшыларға үлкен мүмкіндік беріп, олардың кәсіби тұрғыда қалыптасуына жол ашады,” – деді ол.</blockquote>Жарыс алдағы күндері жалғасып, спортшылар түрлі қашықтықтар бойынша өзара мықтыны анықтайтын болады. Бұл дода жас спортшылар үшін тәжірибе жинақтап, шеберліктерін шыңдауға үлкен мүмкіндік береді.<img src="https://knadmin.beoblood.kz/uploads/Amanat_velozharys_2_d55536dde4.jpg" alt="Аманат веложарыс 2.jpg">

“AMANAT”: Қызылордада республикалық веложарыстың салтанатты ашылуы өтті

<a href="https://kyzylorda-news.kz/">Kyzylorda-news.kz</a> Өткен аптада Қызылорда қаласындағы «Мұз айдыны» спорт кешенінде «Петро Қазақстан Кұмкөл Ресорсиз» АҚ жүлдесіне арналған баскетболдан дәстүрлі республикалық турнир өтті. Биыл 26-шы мәрте ұйымдастырылған тартысты бәсекеде еліміздің әр аймағынан келген 20-ға жуық команда жарыс алаңында өзара бақ сынаспақ.&nbsp;Салтанатты шараның ашылу рәсіміне басқарманың бөлім башысы Сағидат Бертай және «Петро Қазақстан Құмкөл Ресорсиз» АҚ менеджері Ақтолқын Демесбайқызы қатысып, барша қатысушы командаларға сәттілік тілеп, дәстүрлі жарыстың тартысты өтетініне сенім білдірді.&nbsp;<blockquote>– Бүгінде аймағымыздағы барлық спорт түрі қарқынды дамып, үлкен жетістіктерге қол жеткізуде. Әсіресе облыс намысын әр түрлі деңгейдегі жарыстарда қорғап жүрген баскетболшылар жоғары деңгейдегі бәсекелерде топ жарып жүр. Мінекей, бүгін «Петро Қазақстан Кұмкөл Ресорсиз» компаниясының бастамасымен дәстүрлі жарысымыз жалғасып тауып, еліміздің әр аймағынан келген үздік командалар сынға түсуде. Осы орайда барлық жарыс қатысушыларына сәттілік тілей отырып, үздіктер жеңіс тұғырынан көрінсін, – деді Сағидат Талғатұлы.&nbsp;</blockquote>Сондай-ақ, Ақтолқын Сұлтангереева қатысушы командаларға компания атынан алғыс білдіріп, ізгі тілегін жеткізді. Баскетболдан республикалық турнир 28 сәуірге дейін жалғасатын болады. Жеңімпаз және жүлдегер командаларға арнайы дипломдар және медальдар табысталады.

Баскетболдан дәстүрлі республикалық турнир өтті

<a href="https://kyzylorda-news.kz/">Kyzylorda-news.kz</a> &nbsp;Сырдария ауданындағы "Руханият" орталығында аудан әкімі Берік Сәрменбаевтың қатысуымен Чернобыль апатының зардаптарын жоюға қатысқан ардагерлерге арналған тағылымды кездесу өтті. Іс-шараға аудан ардагерлері, мекеме басшылары, жастар және аудан тұрғындары қатысты.Кездесу барысында аудан басшысы 40 жыл бұрын орын алған апаттың себеп-салдарына кеңінен тоқталып, оның адамзат пен қоршаған ортаға тигізген ауыр зардаптарын атап өтті.<blockquote>– Мемлекет басшысы Қасым-Жомарт Тоқаев «Біз Чернобыль апатының зардаптарын жоюға атсалысқан азаматтардың ерлігін әрдайым жоғары бағалаймыз. Олардың жанқияр еңбегі мен батылдығы – кейінгі ұрпаққа үлгі» деп атап көрсетті. Радиоактивті сәуленің аса қауіпті зардаптары мыңдаған адамның өміріне үлкен қауіп төндірді. Бұл апат табиғатқа да, адамзатқа да орасан зиян келтірді. Осындай ауыр кезеңде өз өмірін қатерге тігіп, апаттың зардаптарын жоюға қатысқан азаматтардың ерлігі өлшеусіз. Сіздер уақытпен санаспай, қауіптен тайсалмай, адамзат алдындағы борыштарыңызды бәрінен жоғары қойдыңыздар. Бұл – шынайы патриотизм мен азаматтық жауапкершіліктің айқын көрінісі. Біздің ауданымыздан аталған апатты жоюға 43 азамат қатысса, бүгінгі күні олардың 12-сі ортамызда. Сіздердің ерліктеріңізді ұлықтау және оны жас ұрпақтың санасына сіңіру – аса маңызды міндет, – деді Берік Әбдіғаппарұлы.</blockquote>Чернобыль апатының зардаптарын жоюға қатысқан ардагерлерге арнайы төсбелгілер табысталып, сый-құрмет көрсетілді.Аудандық ардагерлер кеңесінің төрағасы Мұса Келдібаев сөз сөйлеп, Чернобыль апатының зардаптарын жоюға қатысқан азаматтардың ерлігі ешқашан ұмытылмайтынын атап өтсе, зардапты жоюға қатысқан ардагерлер ұсыныс-пікірлерін жеткізіп, көрсетілген құрмет үшін алғыстарын білдірді.Фото: Сырдария ауданы әкімінің баспасөз қызметі

Чернобыль апатының жоюға қатысқан ардагерлерге құрмет көрсетілді

<a href="https://kyzylorda-news.kz/">Kyzylorda-news.kz</a> Қызылорда қаласындағы педагогикалық жоғары колледжінің базасында студенттермен мерзімді әскери қызметті насихаттау және әскери оқу орындарына түсу бағыты бойынша кешенді үгіт-насихат жұмыстары жүргізілді.Шараға Қызылорда облысының қорғаныс істері жөніндегі департаменті бастығының орынбасары, подполковник Е.С. Өткелбаев, «Қарулы Күштері ардагерлері» РҚБ филиал төрағасы, отставкадағы подполковник М.С.Ршауов және Қызылорда қаласының қорғаныс істері жөніндегі басқарма инспекторы А.Ж.Бердібаева қатысты.Кездесу барысында мерзімді әскери қызметтің келесі маңызды бағыттары егжей-тегжейлі баяндалды:Білім беру саласындағы жеңілдіктер:Мерзімді әскери қызметін өтеген азаматтар үшін еліміздің жоғары оқу орындарына ҰБТ-сыз, ақылы негізде түсуге мүмкіндік беріледі. Ал қызмет барысында жоғары көрсеткіш көрсеткендер мемлекеттік білім беру грантын (тегін оқу) иелене алады. Бұл — педагогикалық мамандықтың жоғары курстарында оқитын немесе бітіруші түлектер үшін үлкен мүмкіндік.Қаржылық қолдау (Несие каникулы):Әскерге шақырылған азаматтардың мерзімді қызмет атқару кезеңінде және одан кейін 60 күн ішінде банктер мен микроқаржы ұйымдарындағы несиелері бойынша төлемдерін кейінге қалдыру мүмкіндігі қарастырылған. Бұл жеңілдік сарбаздың отбасына түсетін қаржылық жүктемені азайтады.Әлеуметтік кепілдіктер:Мерзімді әскери қызметшілер толықтай мемлекет есебінен киім-кешекпен, тамақпен және медициналық көмекпен қамтамасыз етіледі. Сонымен қатар, мерзімді қызметтен кейін келісімшарт бойынша әскери қызметке орналасуға немесе құқық қорғау органдарында жұмыс істеуге басымдық беріледі.Жоғары әскери оқу орындары:Студенттерге еліміздегі және шетелдегі мамандандырылған әскери институттарға түсу талаптары, оқу кезіндегі толық мемлекеттік қамтамасыз ету және болашақ офицерлік мансаптың артықшылықтары туралы ақпараттық парақшалар таратылды.Мақсат — болашақ педагогтердің құқықтық сауаттылығын арттырып, оларды Отан алдындағы борышты өтеудің маңыздылығымен таныстыру.

Колледж студенттеріне мерзімді әскери қызметтің артықшылықтары түсіндірілді

<a href="https://kyzylorda-news.kz/">Kyzylorda-news.kz</a>&nbsp; Арал ауданының прокуроры Дарын Әбіш қалада жүзеге асырылып жатқан бірқатар инвестициялық жобалардың жұмысымен танысты.Аудандық кәсіпкерлік және өнеркәсіп бөлімінің басшысы Р. Жанаев ауданда қолға алынып жатқан өзге де жұмыстар жөнінде баяндап, ауқымды жобалардың басым бөлігі биыл аяқталып, іске қосылатынын жеткізді.Алдымен прокурор түйе сүтінен құрғақ ұнтақ өндіретін зауытқа барды. Жоба бастамашысы «Qazaq Camel» ЖШС. Кәсіпорын жылына 392 тонна өнім шығаруды жоспарлап отыр. Зауыт құрылысына 3 млрд теңге инвестиция салынған. Оның 1,8 млрд теңгесі мемлекеттік қолдау (жеңілдетілген несие), ал 1,2 млрд теңгесі жеке қаражат.Негізгі өндірістік ғимараттың құрылысы мен құрал-жабдықтарды орнату жұмыстары толық аяқталған. Қазіргі таңда 13 Қытай азаматы монтаждау жұмыстарын жүргізуде.Ұлы Жібек жолының бойында қарқынды жүргізіліп жатқан жобалардың бірі – «Алаш Метан» ЖШС-нің метан газ құю бекеті. Аудан прокурор нысан басында мердігер мекеменің өкілдерімен кездесіп, жұмыс барысымен танысты.Қазіргі уақытта метан газ құю қондырғылары орнатылып, қосымша ғимарат құрылысы жүргізілуде. Жобаның жалпы құны – 600 млн теңге. Іске қосылған кезде 10 адамды тұрақты жұмыспен қамту жоспарланған. Бекет тәулігіне 200 автокөлікке қызмет көрсетуге қауқарлы және осы жылы пайдалануға беріледі деп күтілуде.Мұнан соң «Эко Энерджи Плюс» ЖШС-нің «Арал ауданында автомобиль газ толтыру компрессорлық станциясы бар көпфункционалды жол бойындағы кешен салу» жобасы аясында салынып жатқан метан газ құю бекетінде болды.Аудан прокуроры құрылыс алаңында жоба жұмыстарының барысымен танысты.Жалпы құны 1 млрд теңгені құрайтын бұл инвестициялық жоба аймақта алғашқылардың бірі болып жүзеге асырылуда. Қазіргі таңда кешеннің бірінші кезеңі іске қосылып, 15 адам жұмыспен қамтылған. Сонымен қатар 2026 жылдың сәуір айында қосымша құрылыс жұмыстары басталып, автомобиль жолын салу жұмыстары жүргізілуде.Кешеннің жылдық қуаттылығы 12 мың автокөлікті метан газымен қамтамасыз етуге мүмкіндік береді.Аудан прокуроры Дарын Елтайұлы жобаларды жүзеге асыру барысында ең алдымен қауіпсіздік талаптарын қатаң сақтау қажеттігін атап өтті. Сонымен қатар сапаға ерекше мән беріп, өндіріс көлемін арттырудың маңыздылығын жеткізді.

Аудан прокуроры қаладағы бірқатар инвестициялық жобалардың жұмысымен танысты

<a href="https://kyzylorda-news.kz/">Kyzylorda-news.kz</a> Қазалы ауданында Қазақстан Республикасы Тәуелсіздігінің 35 жылдығына орай Қазақстан Композиторларының «Көк байрағым, желбіре!» атты фестиваль-концерті өтті.Роза Бағланова атындағы аудандық мәдениет орталығында өткен концертте ҚР Композиторлар Одағының құрметті төрағасы, ҚР Мемлекеттік сыйлығының лауреаты, «Құрмет» және «Парасат» ордендерінің иегері Балнұр Балғабекқызының, ҚР Композиторлар Одағының басқарма мүшесі, ҚР «Мәдениет қайраткері», Қазалы ауданының Қорқыт Ата атындағы өнер мектебінің директоры, аудандық мәдениет орталығының жанындағы аудандық «Мырза» атындағы халық аспаптар оркестрінің және «Қорқыт сазы» ансамблінің көркемдік жетекшісі Сәукен Әлмамбетұлының және халықаралық және республикалық конкурстардың лауреаты, облыстық филармония жанындағы Тұрмағанбет атындағы халық аспаптар оркестрінің бас дирижері Руслан Серікқалиұлының таңдаулы туындыларын «Мырза» халық аспаптар оркестрі орындады.Фестиваль-концертте өнер майталмандарының «Бөрілі менің байрағым», «Ақтайлақ», «Концерттік вальс», «Алтай-Атырау арасы», «Туған жерім - Күреңбел», «Қырғыз күй», «Сыр шертпе», «Қазақ елі» толғауы, «Дала үні», «Ұлы дала қыпшақтары» сынды шығармалары қазалылық көрерменге ұсынылды.Кеш соңында аудан әкімі Алмасбек Есмаханов сөз сөйлеп, ежелден өнер қонған қасиетті Қазалы жерінде ел Тәуелсіздігінің 35 жылдығына орай өткізіліп жатқан концерттің ұйымдастырушыларына және «Мырза» халық аспаптар оркестрінің ұжымына аудан жұртшылығының атынан шынайы алғысын жеткізді.ҚР Композиторлар Одағының құрметті төрағасы Балнұр Балғабекқызына аймақ басшысы Нұрлыбек Нәлібаевтың «Алғыс хатын» табыстап, иығына камзол мен жаулық жауып сый-құрмет көрсетті. Концерттік кеште Сәукен Әлмамбетұлы мен кештің дирижері Руслан Серікқалиұлы да жиылған жұртшылықтың зор қошеметіне бөленді.Еліміздің ең қастерлі құндылығы – Тәуелсіздігіміздің 35 жылдығына арналған ауқымды мәдени шара – ұлттық өнеріміздің мәңгілік екенін, рухани құндылықтарымыздың ешқашан өлмейтінін айшықтайтын тағылымды кеш болды.

Қазақстан және Қызылорда облысының жаңалықтары: Қоғам

Оқушылардың қауіпсіздігі мен білім сапасы күн тәртібінен түспейді

Бірқатар азаматтар марапатталды

Чернобыль апаты құрбандарын еске алу іс-шарасы өтті

Қазалыда «Көк байрағым, желбіре!» атты фестиваль-концерт өтті

Қаржылық мәселелер бойынша азаматтарға қолдау көрсетілді

Тұрғындарға құқықтық көмек көрсетілді

“AMANAT”: Қызылордада республикалық веложарыстың салтанатты ашылуы өтті

Баскетболдан дәстүрлі республикалық турнир өтті

Чернобыль апатының жоюға қатысқан ардагерлерге құрмет көрсетілді

Колледж студенттеріне мерзімді әскери қызметтің артықшылықтары түсіндірілді

Аудан прокуроры қаладағы бірқатар инвестициялық жобалардың жұмысымен танысты

Қазалыда «Көк байрағым, желбіре!» атты фестиваль-концерт өтті