<a href="https://kyzylorda-news.kz/">Kyzylorda-news.kz</a> Полиция – қоғамдық тәртіптің сақшысы. «Қазақстан Республикасына адал қызмет етуге ант етемін» деп қызметке қабылданған құқық қорғау саласы мамандарының жұмысы өзіндік ерекшелікке, қиындыққа толы. Тәулік бойы ел тыныштығын күзету міндетін мойнына алған олардың атқарар қызметі оңай деу әсте келмес. Сол сала маманы болу үшін ең алдымен физикалық тұрғыдан мықты, жүйкесі берік, шапшаң әрекет ете алатын, барынша адал әрі психолог болуы тиіс. Осындай қажыр-қайратты қажет ететін мамандыққа өмірін арнап жүрген жанның бірі – Нұрсұлтан Қожабаев.Ауданның тәртібін қадағалап, халықтың қауіпсіздігін қамтамасыз етуде күні-түні қызметте жүрген тәртіп сақшысы бұл салаға 2018 жылы келген. Қызылорда қаласындағы «Болашақ» университетін «Құқықтану» мамандығы бойынша бітіріп, осы қалада патрульдік полиция тобында қызмет етіп, алғашқы еңбек жолын бастаған. Араға бір жылдан салып ауданда одан кейін Шиелі ауданында жол патрульдік полициясында жұмыс істеп, қызметтік сатылардан өтіп, лауазымы жоғарылайды. Қазіргі таңда ол ауданда учаскелік полиция инспекторы. Таңдаған мамандықтың қырын-сырын жеткізуде тосылмаған кейіпкеріміз жұмыстың оңай емес екенін ә дегеннен жеткізді.<blockquote>– Тәртіп сақшысының бойында жауапкершілік, жұмысына адалдық, өз-өзіне сенімділік, ұқыптылық болу секілді қасиеттер болуы керек. Кез келген полиция қызметкерінің басты мақсаты – қоғамдық тәртіпті ретке келтіру, қылмыстың алдын алу және болдырмауға жұмыстану. Сондай-ақ мемлекетке адал болуы да басты парыз. Әрине, жұмыстың оңайы жоқ. Біздің атқарар қызметіміз де дәл солай. Күні-түні тұрғындардың тыныш өмірі үшін табаннан тік тұрамыз. «Тәртіпке бас иген құл болмайды» деп Бауыржан Момышұлы атамыз айтқан тәмсілін әрдайым басшылыққа алып отырамын. Әр ісімізге халық төреші. Ел алдындағы міндетімізді адал атқару – парызымыз, – дейді аудандық полиция бөлімінің учаскелік полиция инспекторы, полиция капитаны Нұрсұлтан Ерлікұлы.</blockquote>Жалпы қызметтегі тәртіп сақшысымен жолығу бірден оңайға соқпады. Жұмысы қауырт маман өзіне бекітілген үшінші әкімшілік аймақтың тәртібі мен қауіпсіздігіне жауапты. Күнделікті алкогольдік және пробациялық есепте тұрған азаматтарды тексерсе, сондай-ақ дүкендердегі алкогольдік өнімдердің белгіленген тәртіппен сатылуын &nbsp;қадағалайды. Тұрғындармен жиі кездесіп, түрлі шақыртуларға барады. Мұндайда да әрине қасында көмекшісі болуы шарт.<blockquote>– Ауданда тоғыз әкімшілік аймақ болса, соның бірі маған тиесілі. Жаныма бекітілген көмекшіммен бірге көлікпен аймақтың тыныштығын күзетеміз. Қазір көліктің төбесіндегі дабыл жарығын қосып, күндіз-түні профилактикалық іс-шараны күшейткеннен кентімізде қылмыстық іс-әрекеттер азайып келеді, – дейді ол.</blockquote>Нұрсұлтанның отбасында аға әпкесі ішкі істер органында қызмет істейді. Ол осы жандарға еліктеп, тәртіп сақшысы болуды қалаған. Соның ішінде ағасы Ардақтан көп тәлім алып, білмегенімді үйренемін дейді ол.23 маусым – Қазақстан полициясы күні. Еліне адал қызмет етіп жүрген тәртіп сақшылары – кешегі батыр бабалардың, жаужүрек қазақтардың жалғасы болса, Нұрсұлтан Ерлікұлы қазіргі таңда қазақ полициясының бейнесін жасап жүрген азаматтардың бірі. Ендеше ауданның барлық полиция қызметкерлерін келе жатқан кәсіби мерекелерімен құттықтаймыз.

Тәжірибесі тың тәртіп сақшысы

<a href="https://kyzylorda-news.kz/">Kyzylorda-news.kz</a> &nbsp;&nbsp;Мемлекеттік қызметшілер және Қазақстан Полициясының мерейлі мерекесіне орай Қармақшы ауданының әкімі Жандос Еркінбектің мерекелік қабылдауы өтті.&nbsp; Аудан басшысы мемлекеттік қызметшілер мен Полиция қызметкерлерін кәсіби мерекелерімен құттықтап, ізгі лебізін білдірді.<blockquote>– Тәуелсіздік алған жылдардан бастап жас мемлекеттің қалыптасу бағытында мемлекеттік қызметкерлер ерекше еңбек етіп, ол еңбекті уақыт талабына сай жалғастырып келеді. Өз мәндеттеріңізді кәсіби деңгейде атқарып, тәуелсіздік, демографиялық, әлеуметтік, құқықтық мемлекет болып қалыптасуына үлкен жұмыс қосып отырсыздар. Мемлекеттік қызмет – елдің сенімін ақтау, ұлтымыздың абыройын арттыру жолында жауапты қызмет. Ол жалпы үшін қызмет ету түсіне білгенге зор бақыт. Аудан тұрғындарының әлеуметтік-экономикалыфқ дамуына, олардың болашағын жақсарту бағытында мемлекеттік бағдарламаларды жүзеге асыру үшін жауапкершілік мемлекеттік қызметшілерге жүктелгені белгілі. Осы ретте өздеріңіздің тәжірибелеріңіздің арқасында ауданымыздың дамуы үшін жүйелі жұмыстар мен жақсы бастамалар жалғасын таба береді деп сенемін. Елге қызмет ету қашанда мерейлі мәртебе екенін ойласақ, өңірімізді өркендету жолында еселі еңбек жасағандарыңыз үшін ризашылығымды жеткіземін. Сонымен қатар, жыл сайын мемлекеттік қызметшілер күнімен қатар келетін полиция саласының қызметкерлерін кәсіби мерекесімен құттықтаймын. Полиция қызметкерлері әрқашанда азаматтардың конституциялық құқын қорғауға елеулі үлес қосып, қылмыстың алдын алу, қоғамдық тәртіпті сақтау және елдің бейбіт өмірі мен тыныштығын орнатуға уақытпен санаспай еңбек етіп келесіздер. Өз қызметтеріңізді атқаруда адалдық танытып, қоғамдық тәртіпті қамтамасыз етіп, халық арасында &nbsp;сақтық жұмысын жүргізген азаматтардың тыныштығын, заңдылық пен құқық тәртібін қолдайтын білікті мамандардың қатары көбей берсін.&nbsp;Баршаңызды кәсіби мерекелеріңізбен құттықтай отырып, мықты денсаулық, зор табыс, елімізге кемел келешек тілеймін, – деді аудан әкімі Жандос Еркінбекұлы.</blockquote>&nbsp; Сондай ақ, Тәуелсіздік жылдарында ауданымыздың әлеуметтік-экономикалық дамуына сүбелі үлес қосқан ардагерлердің еселі еңбектерін тілге тиек етіп, ризашылығын жеткізді.&nbsp; Одан кейін, іс-шара барысында ауданның ілгері дамуына айрықша үлес қосып, әр салада табысты еңбек етіп жүрген бірқатар қызметкерге облыс және аудан әкімінің алғыс хаттары табысталды. Аудандық қоғамдық даму, экономика және қаржы бөлімдері мен Төретам кенті әкімі аппаратына жаңа қызметтік автокөліктердің кілті тапсырылды. Сонымен қатар, шағын футболдан өткен аудан әкімінің кубогына арналған турнир жеңімпаздары марапатталды.&nbsp; Осы орайда айта кеткен жөн, аудан әкімінің кубогы үшін өткен турнирде «Полиция бөлімі» командасы топ жарса, екінші орынды «Жосалы кенті әкімі аппараты» жеңіп алды. Ал үшінші орынды «Қорқыт елі» (аудандық қоғамдық даму, білім, мәдениет және тілдерді дамыту, дене тәрбиесі, спорт және туризм бөлімдерінен құралған) командасы қанжығасына байлады.&nbsp; Жиын соңында аудандық ардагерлер кеңесінің төрағасы Асқар Мереков, құқық қорғау органдарының ардагері Есет Назарқұлов, мәслихат төрағасы Әділ Қошалақов құттықтау сөз сөйлеп, ақжарма тілектерін жеткізді.

Мемлекеттік қызметшілер пен полция қызметкерлері күні аталып өтілді

<a href="https://kyzylorda-news.kz/">Kyzylorda-news.kz</a> Бейсенбі күні Мемлекеттік қызметшілердің кәсіби мерекесі қарсаңында Қармақшыда «BastimeQuiz» интеллектуалдар сайысы өтті. Білім бәйгесіне кент, ауылдық округ әкімдері мен бөлім басшылары және қызметкерлері, медицина мамандары қатысты. Сайыста 29 мемлекеттік мекемеден 10 команда бақ сынасты.Мемлекеттік қызметшілердің еліміздің егемендігін қорғауда, оның дамуына және халықтың мүддесіне адал қызмет етуге маңызы зор. Бұл шараның маңыздылығы мемлекеттік қызметшілердің халыққа адал қызмет етуге бағытталды.&nbsp;Сонымен қатар олардың арасында тиісті достық қарым-қатынасты нығайту және ой ұшқырлығы мен ұжымдық әрекет ету болып табылады.Сайыста елді мекендер мен салалық ұжымдардан жиналған командалар белсенділік танытты. Сондай-ақ өзара пікір алмасып, ой қозғап, жинаған білімін, эррудициялық мүмкіндіктерін пайдалана отыра тарысқа түсті.Сайыс қорытындысы бойынша медицина мамандарынан құралған «Денсаулық» командасы топ жарды. Ал ІІ орынға «Лидер» (Ақжар, Ақтөбе, ІІІ Интернационал, Жаңажол елді мекендерінен құралған) командасы жайғасты. Жүлделі ІІІ орынға «Тұлпар» командасы (аудандық экономика және қаржы, кәсіпкерлік және өнеркәсіп, жұмыспен қамту және әлеуметтік бағдарламалар бөлімдерінен құралған) тұрақтады.Қармақшыда алғашқы болып бастау алған ойынның мәресі облыстық ақтық сайысқа ұласады. Сайыс қорытындысы бойынша І орын алған команда облыстық кезеңге жолдама алды.

Қармақшылық мемлекеттік қызметкерлер сайысқа түсті

<a href="https://kyzylorda-news.kz/">Kyzylorda-news.kz</a> Өнер – жастан. Өмір есігін ашқан әрбір жанның Құдай берген дарыны немесе өнері болады. Соны дұрыс таба білген, өнерлі жан өмірден де өз орнын табады. Өнер адамның әрбір кезінде берілуі мүмкін. Десе де, қолы шебердің көпшілігі балалық шақтағы қызығушылықтан туғанын алға тартады. Соның бірі – Қуаңдария ауылының тұрғыны Салтанат Қисықова. Әңгімемізге арқау болғалы отырған кейіпкерімізбен Қуаңдария ауылына іс-сапар барысында танысқанбыз. Ол ауылдық клуб үйінде техникалық қызметкер, әрі ондағы түрлі бұйым мен киімдерді тігетін қолөнер шебері.Қолөнер – қазақ халқының ұрпақтан-ұрпаққа жалғасып келе жатқан асыл мұрасы. «Шеше көрген тон пішер» демекші, кейіпкеріміз осы асыл мұраны Түрмегүл әжесінен бойына сіңіріп өскен. Әжесі түрлі бұйымды тігетін шебер болыпты. Тіпті киіз басып, сырмақ сырған.<blockquote>– Қолөнер шыдамдылық пен төзімділікті талап етеді. 13&nbsp;жасымнан&nbsp;бастап қолөнерге әуес болдым. Сол уақыттағы қызығушылығым бүгінгі ісіме айналды. Бір көрген дүниемді, дәл солай етіп жасап бере аламын. Сондай-ақ қолдан түрлі бұйым жасағанды өзім қатты жақсы көремін. Қазір жұмысыммен қатар тапсырысқа құрақ көрпеше тігемін, көп жағдайда киім қысқартамын, – дейді шебер.</blockquote>&nbsp;Өнерлі жан өзіне ғана емес, өзгеге де бақыт сыйлай алады. Өнердің кереметтігі сол өнерлі жанның өмірін нұрландырып, соның игілігіне қызмет етеді. «Өнер – адамның рухани азығы, ол – халықтың бүгіні мен келешегі, арманы мен қиялы, жалпы болмысы» дейді Бауыржан Момышұлы. Жұмыста қызметкер, шебер болса, Салтанат үйде ұл мен қыз тәрбиелеп отырған көпбалалы ана. Ісмер ананың перзенттері де өнерден құр алақан емес. Үлкен қызы Ақерке ою ойып, тігін машинасына отырып құрақ құрауға ниетті. Бұл отбасынан қанға сіңген қолөнердің атадан-балаға, анадан-қызға дарып отырғанына куәміз.<blockquote>– Өмірімен өнерін біріктірген тұлғаның нағыз бақытқа жетері хақ. Жасаған ісіңе бар мейіріміңді берсең, нәтижелі болары анық. Ал ол нәтижеге халық оң бағасын беріп, алғысын айтса ол мен үшін үлкен мәртебе. Ел игілігі үшін, олардың қуанышты жүздері үшін еңбек етуге қашанда даярмын, – дейді ол.</blockquote>Өмірде екі түрлі байлық бар болса, бірі – білім, екіншісі – өнер екен. Сондықтан да, халқымыздың қолөнері ұлттығымыздың қайнар бұлағы екені рас. Ол жылдан-жылға жаңарып даму үстінде. Қолөнердің ұмыт қалмай жаңа заманға сай жаңаруына осындай шеберлердің қосқан еңбегі өлшеусіз. Осындай жандар барда, қазақ қолөнері заман көшіне ілесіп, халқымыздың асыл мұрасы ретінде дами бермек.

Салтанат Қисықова: 13 жасымнан бастап қолөнерге әуес болдым

<a href="https://kyzylorda-news.kz/">Kyzylorda-news.kz</a> &nbsp; Бүгін «AMANAT» партиясы облыстық филиалының мобильді қабылдау тобы Жаңақорған ауданына қарасты Сунақата, Қожамберді елдімекендерінде болып, жергілікті тұрғындарды толғандырған мәселелерін тыңдады.«Мобильді қабылдаудың негізгі мақсаты – шалғай орналасқан елді мекендердегі тұрғындардың өзекті мәселелеріне құлақ түріп, тиісті деңгейде шешілуіне атсалысу, бағыт-бағдар мен кеңес беру», - деді ауыл тұрығындарымен кездесу барысында партияның облыстық филиалының Атқарушы хатшысы Ләйлә Төрешова.Топ алдына келіп, өтініш білдірген тұрғындар қара бастың емес, бүтін бір елдің өзекті мәселелерін сөз етті. Мәселен, Сунақата ауылдық округінде өткен қабылдауда ауылдың инфрақұрылымына қатысты өтінштер айтты. Соның ішінде Сунақата ауылын газдандыру, жаңа балабақша ғимаратын салу, Еңбек елді мекеніндегі 9 жылдық №242 мектепті 11 жылдық мектепке ауыстыру мәселелері өзекті болып отыр. Сондай-ақ, бірқатар тұрғындар жеке денсаулық сақтау, жұмыспен қамту тақырыптарында өтініштерін айтты. Заңгерлік көмек сұраған азаматтар да болды.Қожамберді ауылында жалғасқан қабылдауда ауыл азаматтарынан мемлекеттік-жекешелік-әріптестік жобасы аясында соғылып жатқан спорт кешені, электр желілері мен бағаналарын, трансформаторларды жаңалау, көгілдір отынмен қамтамасыз ету және жаңа ауылдық клуб үйін салу мәселелері бойынша өтініштер түсті.Айтылған өтініштер бойынша мобильді топ өкілдері тарапынан заңнамалық тұрғыда түсіндірме жұмыстары жүргізіліп, партиялық бақылауға алынды.Партия филиалының Атқарушы хатшысы Ләйлә Төрешова «AMANAT» партиясы 5 жылға жоспарланған өңірлік Сайлауалды бағдарламасында ауылдың инфрақұрылымын дамыту бағытында ауқымды жұмыстарды жоспарлап отырғандығын, соның ішінде азаматтар тарапынан көтерілген газдандыру, электр желілерін жаңғыру мәселелері де бар екенідігін атап өтіп, бұл жұмыстар жоспарға сәйкес кезең-кезеңімен жүзеге асатындығын жетікізді.Атап өтейік, қос ауылда өткен мобильді қабылдау барысында тұрғындардан 24 өтініш түсіп, олардың 3-і оң шешілді. Өзге де өтініштер бойынша заңнамалық кеңестер беріліп, тиісті салаларға ұсыныстар берілетіндігі айтылды.

Қос ауылда мобильді қоғамдық қабылдау өтті

<a href="https://kyzylorda-news.kz/">Kyzylorda-news.kz</a>&nbsp;Жас ұрпақтың балалық шағының барынша қауіпсіз әрі бақытты болуына жағдай жасау – Мемлекет басшысы саясатының және «AMANAT» партиясының басым бағыттарының бірі.Осыған орай жуырда «AMANAT» партиясы Қармақшы аудандық филиалының ұйымдастыруымен «Бақытты отбасы» партиялық жобасы аясында балаларға арналған қауіпсіз және жайлы инфрақұрылым акциясы аясында Жосалы кентіндегі бірнеше балалар ойын алаңына мониторинг жұмыстарын жүргізді. Мониторинг жұмыстарына партия филиалының төрағасы Әділ Қошалақов және Жосалы кенті әкімінің орынбасары Берік Сәден, партиялық бақылау комиссиясының мүшелері мен филиал қызметкерлері қатысты.Ең алдымен мониторингтік топ мүшелері ағымдағы жылдың 1-маусым күні пайдалануға берілген Д.Мырзағалиева көшесінде жаңадан салынған спорт және ойын алаңының қазіргі жай күйімен танысты.Аралау барысында филиал төрағасы Әділ Қошалақов ойын алаңының аумағына келуші тұрғындарға бірнеше орындықтар қойылуы керектігін және де қоқыс тастайтын арнайы жәшіктер орналастыру, ойын алаңы аумағына түнгі жарық шамдарын тез арада қосу, оқыс оқиғалар орын алған жағдайда себептерін тез арада анықтау үшін бейнекамера қою керектігін ескертті.Мониторингтік топ келесі болып Құлмұратов көшесінде орналасқан балалар ойын алаңына барды. Атап өтетін жәйт , аталған ойын алаңын 2019 жылы «Самрұқ-Қазына» Ұлттық Әл-Ауқат Қоры» Акционерлік қоғамы кент тұрғындары мен бүлдіршіндерге тарту жасап, үлкен алаң тұрғызып берген. Мұнда балаларға арналған ойын алаңы мен ересектерге арналған жаттығу құралдарымен жабдықталған болатын.Аралау барысында бірқатар кемшіліктер анықталды. Атап айтқанда, футбол алаңының қоршаулары майысқан, балалар ойнайтын құрал-жабдықтардың көбісі сынған, жөндеуді қажет етеді. Ойын алаңы аумағындағы түнгі жарық шамдары жанбайды, жанында орналасқан бейнекамера жұмыс жасамайды. Жосалы кенті әкімінің орынбасары Б.Сәден айтылған сын ескертпелерді тез арада қалпына келтіру бойынша тиісті жұмыстар атқарылатындығын жеткізді.

Қармақшыда мониторинг жұмыстарын жүргізді

&nbsp;<a href="https://kyzylorda-news.kz/">Kyzylorda-news.kz</a> &nbsp;Бүгін қала әкімі Серік Қожаниязов мемлекеттік қызметші күні қарсаңында бірқатар мемлекеттік қызметшілерді марапаттады.Салтанатты шарада шаһар басшысы «Ел Президенті Қасым-Жомарт Кемелұлы Тоқаев Әділетті Қазақстанды құру ісінде мемлекеттік қызметшілерге ерекше міндет жүктелетінін айтып, «Қызметтегі негізгі қағидаттарыңыз - адалдық, кәсібилік, құзыреттілік, ашықтық болуға тиіс. Мемлекеттік қызметшінің басты мақсаты - азаматтардың әл-ауқатын арттыру. Ел үмітін толық ақтайсыздар деп сенемін», - деген болатын.Расында, ел сеніміне селкеу түсірмеу – әрбір мемлекеттік қызметшінің басты міндеті. Біз мұны ешқашан ұмытпауымыз керек. Бұл ретте, халық ұйғарған жұмысты қалт жібермей, мемлекет мүддесін биік қойып, асқақ мұраттарға жету жолында адал қызмет етуді азаматтық парызы санаған барша әріптестеріме шексіз алғысымды білдіремін», - деді.Мереке қарсаңында қала әкімдігінің бірқатар мемлекеттік қызметшілерінің еңбектері еленіп, «Үздік мемлекеттік қызметші» төсбелгісі, Кәсіподақтың «Мемлекеттік қызметтің дамуына қосқан үлесі үшін» төсбелгісі, облыс және қала әкімдерінің, ҚР Мемлекеттік қызмет істері агенттігінің Қызылорда облысы бойынша департаментінің алғыс хаттарымен марапатталды.Атап айтар болсақ, Қазақстан Республикасының «Үздік мемлекеттік қызметшісі» төсбелгісі Қызылорда қаласының экономика және қаржы бөлімі басшысының орынбасары Жүнісова Роза Талғатқызына, «Қызмет» Мемлекеттік, банк мекемелері және қоғамдық қызмет көрсету қызметкерлерінің салалық кәсіподағының «Мемлекеттік қызметтің дамуына қосқан үлесі үшін» төсбелгісі қала әкімі аппаратының персоналды басқару қызметі бөлімінің бас инспекторы Мұстафаева Гүлсім Жұмашқызына табысталды. Сонымен қатар, қала әкімі аппаратының және кент, ауылдық округтердің, дербес бөлімдердің үздік қызметкерлері облыс және қала әкімінің «Алғыс» хаттарымен марапатталды.

Қызылордада мемлекеттік қызметшілер марапатталды

Фото: 365info.kz<a href="https://kyzylorda-news.kz/">Kyzylorda-news.kz</a> Сот жүйесі – азаматтардың құқықтары мен бостандығын қорғайтын, қоғамда тұрақтылық пен әділеттілікті қамтамасыз етуші бірден бір сала. Бүгінгі қоғамда судьялар мен сот жүйесінің маңыздылығы айрықша. Ал, аталған саланың серпінді дамуы тікелей заң саласы қызметкерлерінің тиімді жұмыс жүйесіне байланысты. Осыған сәйкес, елімізде 24 маусым – судьялар мен сот қызметкерлерінің кәсіби мерекесі ретінде аталып өтіледі. Атаулы күнге орай, Қызылорда облысының Өңірлік коммуникациялар қызметінің ақпарат алаңында арнайы баспасөз конференциясы өтіп, сала өкілдері сот жүйесіндегі соңғы жаңалықтарды баяндап өтті.<blockquote>- Жалпы сот жүйесі – әділдіктің ақ туын биікте ұстайтын жауапты сала. Себебі, заңдылық пен құқықтық тәртіпті қамтамасыз етуге, Конституцияның маңыздылығын айшықтауға және азаматтардың, мемлекеттің, қоғамдық ұйымдардың құқықтары мен заңды мүдделерін қорғайтын негізгі сала. Жалпы, 32 жыл ішінде сот жүйесі реформалау мен жаңғыртудың бірнеше кезеңінен өтті. Бүгінде үздік әлемдік стандарттарға сай заманауи сот жүйесін қалыптастыру қарқынды түрде жалғасуда. Соңғы бес жылда 35 заң әзірленіп, оның 30-ы тұрақты қабылданды. Жаңа заңдар адамдар мен кәсіпкерлік субъектілерінің құқықтары мен заңды мүдделерін, сот жүйесі мен судьялардың тәуелсіздігін нығайтты. Бүгінде халық пен сот арасындағы ашықтық қалыптасып, елдің сотқа деген сенімі артып келеді. Бұл бізді қуантады, -деді Қызылорда облысының мамандандырылған ауданаралық экономикалық сотының төрағасы Бақытбек Есенгелдіұлы.</blockquote>&nbsp;Судья – сот саласының негізгі тірегі. Судья және сот саласы қызметкерлерінің кәсіби мерекесінің бекітілуі – сот саласында қызмет етушілер үшін үлкен мәртебе. Өйткені, сот қызметтерінің азаматтарға арнаған сервистерді дамыту, сот төрелігіне азаматтардың қол жетімділігін жеңілдету, цифрландыру және роботтандыру сияқты жаңалықтарымыз қарқынды дамып, қазіргі таңда оңтайлы жұмыс істеуде. Соның арқасында сот жүйесі барынша жетілдіріліп, маңызды құжаттар электронды форматта жүзеге асып келеді.&nbsp;<blockquote>-Сот саласында қызмет ету өте жауапты екендігі баршаға мәлім. Үлкен істің басын құрап, бар қажыр-қайратын осы салаға арнайтын сот қызметкерлерінің еңбегі орасан зор. Дегенмен, бүгінде сот саласында қызмет ететіндердің 70 пайызын әйел азаматтары құрайды. Отбасы мен қызметті қатар алып, еліміздің дамуына өлшеусіз үлес қосып жүрген нәзік жандыларды ерекше құрметтеймін. Ендеше азаматтар құқығын қорғауда елеулі үлесі бар барша судьялар мен сот қызметкерлерін кәсіби мерекесімен құттықтаймын!, - деді Қызылорда қалалық сотының сот әкімшісінің басшысы Нұрила Кәуменқызы.</blockquote>

24 маусым – Судьялар мен сот қызметкерлерінің кәсіби мерекесі 

<a href="https://kyzylorda-news.kz/">Kyzylorda-news.kz</a> «Kitap-AMANAT» орталығында жастармен кездесу өтті. Басқосуда &nbsp;партияның қалалық филиалының Атқарушы хатшысы Гүлшат Исақызы жастармен тағылымы мол туындылар мен заманның заңғар жазушыларының шығармалары жайлы ашық диалог орнатты.Адамзат баласының қол жеткізген ұлы игіліктерінің бірі - білім қазынасы. Ол ұрпақтан-ұрпаққа ауызша, жазбаша түрде немесе әдебиет арқылы да жеткен. Кітап адам баласының сан ғасырлық ақыл-ойының жемісі, тарихы мен тағылымының алтын сандығы. "Кітап дегеніміз - алдыңғы ұрпақтың артқы ұрпаққа қалдырған рухани өсиеті. Кітап оқудан тыйылсақ, ой ойлаудан да тыйылар едік", - деген еді Ғ. Мүсірепов.Кітап таңдап, талғап оқи білу, оны түсіну мен түйсіну, алған әсерді өмір қажетіне жарата білу - әрбір адамның білігі мен білімін, пайымы мен парасатын айқындайтын алғы шарттардың бірі.Мемлекет басшысы Қ.Тоқаев Түркістанда өткен Ұлттық құрылтайда өскелең ұрпақтың тәрбиесі мен біліміне, ұлттық мүддеге сай келетін кітаптар басып шығаруға ерекше назар аударған болатын. Ол кітап шығару ісі идеологиялық жұмыстың басты бағыттарының бірі екенін атап өтті.Келешек ұрпақтың бойынша білім нәрі мен халқымыздың асыл құндылықтарын сіңіру мақсатында партия тарапы өткен жылы «Kitap AMANAT» жобасын қолға алған болатын.Бүгінде орталық жұмысы партия белсенділерін, түрлі сала өкілдерін өзінің кең ауқымды тағдаулы туындыларымен қызықтырса, балалар әдебиеті бөлімінде бүлдіршініңізге қызықты ертегі, ой дамытуға арналған логикалық кітаптарды таба аласыз.

«Балалыққа кітаппен барар жол» тақырыбында ізденімпаз жастармен кездесу өтті

<a href="https://kyzylorda-news.kz/">Kyzylorda-news.kz</a>&nbsp; Астана қаласында ҚР Президентінің ішкі саясат және коммуникация бойынша көмекішісі Руслан Желдібай «Ассамблея жастары» ұйымы төралқасының мүшелерімен кездесті. Іс-шараға Қазақстан халқы Ассамблеясы Төрағасының орынбасары – Президент Әкімшілігі ҚХА Хатшылығының меңгерушісі Марат Әзілханов, Мәдениет және ақпарат вице-министрі Айзада Құрманова, Мәдениет және ақпарат министрлігінің Этносаралық қатынастарды дамыту комитетінің төрағасы Ғалым Шойкин, еліміздің барлық өңірлерінен келген «Ассамблея жастары» басшылығы мен белсенділері қатысты.&nbsp;Кездесуде қатысушалр ҚХА-ның XXXIII сессиясында Мемлекет басшысының тапсырмаларын іске асыру бойынша идеялар мен тәсілдерді талқылап, ортаға салды. Сондай-ақ, Президенттің көмекшісі Ассамблея жастарын Ұлттық құрылтайдың үшінші отырысында Мемлекет басшысы белгілеген құндылықтарды ілгерілету үшін креативті тәсілдер мен құралдарды белсенді пайдалануға шақырды. Сондай-ақ,&nbsp; “Ассамблея жастары” қандай тың бастамаларды қолға алып жатыр? Мемлекеттік тілді меңгеру мен бірлікті нығайтуда қандай бастамалары бар? Секілді сауалдарға “Хабар” арнасы, “Талқы” бағдарламасының тікелей эфирде “Ассамблея жастары” РҚБ төралқа мүшелері мен өңірдегі төрағалары жауап берді. Сыр өңіріндегі жастардың ауқымды жобалары туралы “Ассамблея жастары” ұйымының төрағасы, тілжанашыры Елена Пак тарқатып айтты.Қазақстан – көп ұлтты бауырына басқан мемлекет. Елімізде шоғырланған өзге ұлт өкілдері құшағы кең қазақ елін тек қоныс көрмей, отанындай сыйлайды. Дәлел – мемлекеттік тілде еркін сөйлейтін әрі салт-дәстүрді жетік меңгергендер көбейген. Осы орайда қызылордалық Елена Пакпен сұхбаттасқан едік.Қызылорда облысы, Шиелі ауданы, Ақмая ауылында дүниеге келген Елена Пак №49 орта мектепті үздік аяқтаған соң, Қорқыт ата атындағы Қызылорда университетінде филология мамандығын тәмамдаған. Бүгінде «Қоғамдық даму басқармасына қарасты «Қоғамдық келісім» КММ-де жұмыс істейді.<blockquote>– Қазақ тілін меңгеруде қиындық болмады. Еркін сөйлеуіме ауылдағы қазақ балалары мен мұғалімдердің қосқан үлесі зор. Ата-анам кәріс ұлтының өкілдері. Ол кісілер қазақ тілін жақсы түсінеді, алайда таза қазақша сөйлей алмайды. Әрине, қай қоғамда өмір сүрсек те адамзаттың басты қатынас құралы саналатын тілдің маңызға ие екені белгілі. Бірнеше тілді еркін меңгерген адамның білімі мен дүниетанымы да кеңейе түсетіні рас. Тіл білгендіктен кез келген ортада емін-еркін сөйлеп, ойымды жеткізе аламын, – дейді кейіпкер.</blockquote>Еленаның айтуынша, мектеп қабырғасында дәстүрлі түрде өтетін ақындар оқуларына жиі қатысқан. Поэзияға жақын болған соң қазақ тілінде өлең жаттау жеңіл және өлеңдер есінде мықтап сақталған.<blockquote>– Ұстазым Бибігүл Сұлтанованың арқасында республикалық деңгейге дейін жетіп, жұлдызым жанған сәттер болды. Хакім Абайдың 120 өлеңін жаттағанмын. Сол кездегі басты мақсатым жаттаған өлеңдердің максималды санына жету болды. Есейе келе туындының мағынасына мән беріп оқитын болдым. М.Мақатаев, Ф.Оңғарсынова, Қ.Сарин, А.Елгезек ағаларымыздың да шығармашылығын жақсы көремін.Қазір қазақ тілінде сөйлейтін өзге ұлт өкілдеріне таңғалатын адам жоқ секілді. Себебі мемлекеттік тілді трендке айналдырып жүрген өзге ұлт өкілдері, блогерлер мен тіл жанашырлары көп, – деген еді Е. Владимировна.</blockquote>&nbsp;А.Текебай Фото: Ассамблея жастары

Қызылордадағы ассамблея жастары  республикалық жиынға қатысты

<a href="https://kyzylorda-news.kz/">Kyzylorda-news.kz</a>&nbsp; &nbsp;Аймақтағы NEET санатындағы жастарға басымдылық бере отырып мемлекеттік бағдарламалар мен жобаларды насихаттау, кәсіпкерлік бастамаларына қолдау көрсету мақсатында «Basta» бизнес лагері ұйымдастырылады. Аталған лагерь 25-26 маусым аралығында өтеді. Шара қоғамдық даму басқармасы, облыстық жастар ресурстық орталығы, «Ай-Қанат» жастар қоғамдық бірлестігінің ұйымдастыруымен жүзеге асырылады.&nbsp;Бизнес-тренер,Қызылорда облысы бойынша кәсіпкер әйелдер қауымдастығының төрайымы − &nbsp;Мишукова Наталья Валентиновна. Шара барысында бизнес жобалар ұсынылып, жүлделі орындарға жастар бақ сынасады. Жүлде қоры − 410 000 теңге.Жастар − ел тұтқасын ұстайтын, ұлт пен мемлекеттің ертеңіне жауапты, жарқын болашақ құрудағы маңызды рөл атқаратын топ. Қазақстанда 6 миллионға жуық жас бар. Бұл санатты 14 пен 35 жас аралығындағы азаматтар құрайды. Ал заңнамадағы өзгеріске дейін бұл құрамға 14 пен 29 жас аралығындағылар жататын. Жас құрамы өзгерді, бұл дегеніміз жастарға берілетін мүмкіндіктердің де көбейгенін көрсетеді.&nbsp;Қызылорда өңірінде 244 мыңнан астам жас бар. Ал республикадағы жастар саны 6 миллионға жуықтады. Айта кетейік, өңірдегі жұмыссыз жастарды ақпараттандыру мақсатында облыстық жұмыспен қамтуды үйлестіру және әлеуметтік бағдарламалар басқармасы, Еңбек мобильділігі мен мансап орталықтары тұрақты түрде бос жұмыс орындарының жәрмеңкесін ұйымдастырады. Биыл төрт айдың ішінде 16 рет бос жұмыс орындар жәрмеңкесі өткізілген. Онда 211 жұмыс берушіден 952 бос жұмыс орны ұсынылып, жәрмеңкеге қатысқан 1002 жұмыссыздың ішінен 316 адам тұрақты, 29 адам уақытша жұмысқа орналастырылды. Жәрмеңке арқылы жұмыспен қамтылғандардың 78,7 пайызы жұмыссыз жастардың үлесінде. Бұған қоса, 2023 жылдың тамыз айынан бастап tanda.enbek.kz платформасында бос жұмыс орындарының онлайн жәрмеңкесі ұйымдастырылған.Жастар мәселесі қоғамдағы өзекті тақырып. Мәселен жуырда жастар мәселесі мен жастарға арналған мүмкіндіктерді талқылау мақсатында «Жалпыұлттық социал-демократиялық партиясының» Қызылорда облыстық филиалы кездесу ұйымдастырды. Бүгін сол жағалауда орналасқан жастар орталығында өткен іс-шараға мектеп оқушылары, студенттер мен сала мамандары қатысты. Жиын барысында «Жалпыұлттық социал-демократиялық партиясы» Қызылорда облыстық филиалының төрағасы Нұрбек Дәуренбеков кездесудің мақсаты мен міндетіне тоқталды. &nbsp;«Бүгінде мемлекет және өзге ұйымдар тарапынан жастар үшін мүмкіндіктер мен қолдаулар көп. Өзіне қажеттінің барлығын меңгерген дұрыс. Өйткені өмірдің өзі сынақтардан тұратын болғандықтан, кез-келген ауыртпашылық пен сынақтарға дайын болу керек. Сондықтан білім мен ізденістерге, кәсіби өсу үшін барлық мүмкіндікті жастар пайдалануы тиіс», — деді.Сондай-ақ, жастардың қоғам өміріне белсене араласуының маңыздылығына, өз дағдыларын дамытуға және табысты мансап құруға ұмтылған жастарға қолжетімді бағдарламалардың сан алуандығына тоқталды.Келесі сөз, облыстық «Жастар ресурстық орталығының» директоры Талғат Тілеске берілді. Спикер жастар мәселесіне, атап айтқанда жұмыссыздық пен лудоманияның қоғам үшін, жастар үшін қауіптілігін айтты. Сондай-ақ, «Сыр жастары» бағдарламасы мен орталықтың нәтижелеріне тоқталды.– Жастар саясатын жүзеге асыру әр мемлекеттің жарқын болашағына жасаған инвестициясы. Қызылорда өңірінде 244 мыңнан астам жас бар.Жастарға байланысты түрлі мәселелер қозғалуда. Бүгінде өзекті және өзгермейтін 2 мәселе бар. Біріншісі – жұмыссыздық, екіншісі – тұрғын үй мәселесі. Біздің орталық түрлі санаттағы жастар арасынан сауалнама жүргізеді. Сауалнама нәтижесінде бұл мәселелер жиі көрсетіледі. Бірақ жастар категориясын ескерген жөн. Себебі 14 жастағы балаға тұрғын үй мәселесі өзекті болмауы мүмкін. Оның рухани дамуы, бос уақытын тиімді пайдалануы өзекті. Ал 25 пен 35 жас аралығындағы азаматтар үй мәселесі мен еңбекке басымдық береді. Сондықтан барлық жастарды жұмыссыз деп айта алмаймыз.Жалпы ресурстық орталықтар барлық өңірде жұмыс істейді. Бірақ ғимараты бар әрі арнайы жабдықталған орталықтар санаулы аймақта бар. Сондықтан біз және жастар осы мүмкіндікті жақсы әрі оңтайлы пайдалануымыз қажет. Облыстық жастар орталығының өткен жылы атқарған ауқымды жұмысы ретінде «Сыр жастары» бағдарламасы. Былтыр аймақ басшысына «Сыр жастары» тұрғын үй бағдарламасын енгізуді ұсындық. Бүгінде жас отбасылар арасында үй мәселе өзекті. Сол себепті бағдарлама әзірлеп, облыстық жастар орталығының ғимаратында құжаттар қабылдауды бастадық. «Сыр жастары» аясында жуырда ғана 60 отбасы пәтерге ие болды. Бұл біз үшін үлкен жеңіс.Келесі мәселе жас кәсіпкерлердің санын көбейту. Сіз студент болсаңыз да, сізде кәсіп бастауға толық мүмкіндік бар. Яғни жастарға дұрыс бағыт-бағдар беру жұмыстарын қолға алдық, − деді Қызылорда облысының «Жастар ресурстық орталығының» директоры Талғат Тілес.Кездесуде қаралған басты мәселелердің бірі – қолда бар гранттар мен шәкіртақыларға қатысты. Спикерлер «Болашақ», «Алтын белгі», «Өрлеу» және «Қазақстан халқына» сияқты студенттерді қолдаудың ағымдағы бағдарламаларын егжей-тегжейлі қарастырды. Сондай-ақ, жастардың шетелде білім алуына мүмкіндік беретін Эразмус+ және Фулбрайт сияқты көптеген халықаралық бағдарламалар бар екені айтылды.Көптеген жас кәсіпкерлердің бастау нүктесіне айналған бизнес-инкубаторларға ерекше көңіл бөлінді. Мысал ретінде қаламыздағы «Kyzylorda Hab» бизнес-инкубаторы келтірілді. Бұл инкубатор жас стартаптарға тегін кеңсе кеңістігін, сарапшылық кеңестерді және инвестицияға қолжетімділікті ұсынады.Өңірімізде жұмыссыз жастарды жұмысқа тарту және ақпараттандыру мақсатында облыстық жұмыспен қамтуды үйлестіру және әлеуметтік бағдарламалар басқармасы, Еңбек мобильділігі мен Мансап орталықтары тұрақты түрде бос жұмыс орындарының жәрмеңкесін ұйымдастырады.Республика бойынша жұмыссыздық деңгейі 4,7 пайызды құрайды. Онда жастардың үлесі 3,1 пайызға жеткен. Жұмыссыздық – қазіргі замандағы ең өзекті мәселелердің бірі. Жастардың жұмыс таба алмауы немесе тұрақты жұмысқа орналасудағы қиындықтары олардың әлеуметтік-экономикалық жағдайын нашарлатады және болашаққа деген сенімін төмендетеді. Бұл туралы кездесуде республикалық «Ақмешіт жастары» газетінің тілшісі Әлия Тәжібай баяндады.Спикердің айтуынша, жастардың еңбек етуге құлқы жоқ. Бұл да жұмыссыздық деңгейінің жоғарылауына әсер етеді. Келесі себеп − жұмыс беруші мекемелер жас әрі тәжірибесі бар маман іздейді. Жұмыссыздық жастардың әлеуметтік оқшаулануына, депрессия секілді басқа да психологиялық мәселелерге әкеледі. Жұмыссыз жастар арасында қылмыс пен құқық бұзушылық деңгейінің өсуі мүмкін екенін айтты.Жұмыссыздық мәселесімен қатар жастардың жаңа дағдыларды игеруі, дамуы туралы айтылды. Әлия Жанәбілқызы ақпараттық технологиялар саласындағы мүмкіндіктерге тоқталды.Қызылорда облысында 2023 жылы жастар арасында 616 қылмыс тіркелген. Оған 699 жас пен жасөспірім қатысқан. Олардың ішінде 23 мектеп оқушысы, 47 студент, 68 әртүрлі мекемеде жұмыс істейтін жастар бар. Қалған 561-і немесе 80,2 пайызы – жұмыссыз, еш жерде оқымайтындар. Бұдан байқағанымыз, жұмыссыздар қылмыс пен бұзақылыққа бейім келеді, − деді спикер.Бүгінде Қызылордада IT сала қарқынды дамуда. Жыл сайын хакатон, инновациялық жобалар фестивалі мен түрлі байқаулар ұйымдастырылып, жастардың да қызығушылығы артуда. Ақпараттық технологиялар саласы тек сала мамандарына ғана емес, басқа да бағыттағы мамандарға қажет. Цифрлық дағдылар мен қабілеттерді үйреніп, өз салаңызбен байланыстыру қажет. Бұл бәсекеге қабілеттілікті арттыруда таптырмас құрал. Ал тәжірибе жинап, білімімді арттырамын десеңіз облыстағы орталықтардың көмегіне жүгіне аласыздар. Мәселен, жастар орталығында орналасқан «IT park» пен «Kyzylorda Hub» бизнес-инкубаторы апта сайын түрлі курстар мен митаптар (meet-up) өткізеді.Жалпыұлттық социал-демократиялық партиясы» Қызылорда облыстық филиалының маманы Жақсыгүл Оразалиева жастар мәселесіндегі психилогиялық бағытқа тоқталды. Сондай-ақ, «Болашақ» бағдарламасының мүмкіндіктерін айтты.– Neet санатының көбеюіне байланысты жастардың психологиясы бүгінде бір қалыпты емес. Құмар ойындар салдарынан қаншама жасөспірімдер өздерін жоғалтуда. Әр адам өз өміріне жауапты, – деді Ж.Оразалиева.Сонымен қатар кездесуде Айнұр Досжанова қатысушылар арасында практикалық ойындар жүргізді. Жастарға мемлекеттен бөлінетін гранттар мен мүмкіндіктер туралы айты.Жиын соңында жастар өз ойларын ортаға салып, алдағы жоспарларымен бөлісті. Қатысушылар ЖСДП-ға жаңа перспективалар туралы білуге ​​және олар үшін маңызды тақырыптарды талқылауға мүмкіндік бергені үшін алғыстарын білдірді.&nbsp;А.ТекебайФото:z-taraz.kz

Neet санатындағы жастарды әлеуметтендіру мақсатында бизнес лагерь өтеді

«Адал еңбекпен мал іздемек арлы адамның ісі» деп бекер айтпаса керек-ті. Еңбек ету қашанда берекенің &nbsp;бастауы саналады. Сонда ғана адам жетістіктерге жете алады. «Бейнет түбі – зейнет» екендігін ертеден ұғынған бабаларымыз барлық игіліктің тек еңбекпен келетіндігін айтқан. «Маңдайы терлемегеннің қазаны қайнамайды» депте айтамыз. Табыстың кілтін тынымсыз тірліктен тапқан Шиелі іргесіндегі «Ақмая» шаруа қожалығының өндіріс бригада жүргізушісі Сайлау Тастанбеков те нағыз еңбек адамының бірі.&nbsp;Күз шаруалардың ала жаздай еңбегінің жемісін көретін кезі. Күрішті шашпай-төкпей уақытында жинап, қамбаны астыққа толтыру үшін ең әуелі техника жүз процент сайланып тұру керек. Ал, соның ішінде көлік айдап, күнде шаруаларды қайнаған тіршілік ортасына дер кезінде жеткізу Сайлау ағаға жүктелген.&nbsp;Кейіпкеріміз Шиелі ауданы, Ақмая ауылында өмірге келген. Ол мектеп қабырғасын аяқтаған уақытта заман ағымымен Шиелі ауданы бойынша үндеу жарияланады. Онда түлектер 8 айлық курс оқып, еңбекке араласу қажеттігі айтылған. Сол үндеу бойынша Сайлау Тастанбеков те механизатор мамандығы бойынша курсты аяқтайды. 1979 жылы алғаш еңбек жолын «Ақмая» шаруа қожалығында комбайн жүргізушісінің көмекшісі болып бастаған ол, алып техниканы әп-сәтте меңгеріп алады. Кейін шаруашылық төрағасы еңбекқор жігіттің ынтасын елеп, механизатор қызметін сеніп тапсырады. Араға 2 жыл салып, 1981-1983 жылдар аралығында Отан алдындағы әскери борышын өтеуге Мәскеуге аттанады. Әскерден елге оралған соң өз жұмысын қайтадан сол шаруа қожалықта жалғастырады. Техникаға құштар болып өскен маман осы шаруашылықта үздіксіз жұмыс істеп келе жатқанына биыл 45 жыл толыпты. Жауапкершілік жүгін сезінген жігіт ағасы одан соң, «Ақмая» шаруа қожалығында звено жеткешісі қызметін де абыроймен атқарады. Ес біліп, ер жеткен сәттен тынбай еңбек еткен кейіпкеріміз бұл күнде 60-ты алқымдаған алдыңғы буын ағалар қатарына қосылды. Бейнетті бір адамдай көрген Сайлау ағаның қай жұмысқа да сайлы екенін аңғарған қожалық төрағасы өндіріс бригада жүргізушісі етіп жаңа жұмысты тапсырады. Осындай түрлі еңбек сатыларынан абыроймен өткен ол осы күнге дейін басшылық тараптан арыз-шағым естіген емес. Тіпті, жары Гүлнар Байжанова да «Ақмая» шаруа қожалығында жолдасымен қатар жұмыс істеп келеді. Ол 1983 жылдан 2009 жылға дейін іс жүргізуші, қазіргі таңда &nbsp;кадр бөлімінің меңгерушсі қызметін атқаруда. &nbsp;– Мен ауылда өстім. Осында ер жеттім. Туған жерімнен қыр асып, басқа жерде еңбек етіп, басқа жақтың ауасымен тыныстап, тұрмыс-тіршілігімді домалату еш ойымда болған емес. Бұл – менің шағын Отаным. Ауыл – қазақтың жаны, рухы, тілі, діні де. Ауылда жұмыс жоқ деп қыр асқандар қаншама. Қалаға кетіп, көптің ортасына сіңіп, білінбей кеткендер де жетерлік. Ал, ауылда бәрі де өзгеше. Мені бәрі де біледі. Мен де ауылдың бар тыныс-тіршілігімен таныспын – дейді темір тұлпарды ерттеп мініп, еңбегінің жемісін көріп жүрген жүргізуші Сайлау.Түздегі тіршілікпен үйдегі берекені қатар ойлап, қарапайым ғана еңбек адамдарына үлгі өнеге болып жүрген Сайлау Қалманбайұлының сайлы да жайлы жұмысы осындай. Әр күн сайын ауылдағы шаруаларды жиып, еңбек майданына аттанатын олар кеш қарая үйлеріне қайтады. Бұл ерте көктемнен қара күзге дейін демалыссыз жалғасатын жұмыс.

Қазақстан және Қызылорда облысының жаңалықтары: Қоғам