Алматы облысы Талғар ауданында дүкенде сауда жасап тұрған әкесіне араша түсемін деп 16 жастағы Шерзат Болат өзінен үлкен жастағы бұзақылардың қолынан қаза тапқан болатын.Оған түн ортасында дүкен алдында пышақ сұғып қашып кеткен болатын.Бүгін оның әке-шешесінің үйін бәз біреулер өртеп жіберді деген хабар келді.Бұл туралы <a href="http://qazyr.kz/">Qazyr.kz</a> тілшісі хабарлайды.Айта кетейік,Шерзаттың әке-шешесі мен туыстары істің бұрмаланып жатқандығын, күдіктілердің барлығы қамауға алынбағанын айтып,әкесі Бас прокурор Берік Асыловқа үндеу жасап, соттың ашық өтуін талап еткен болатын.— Мен Бас прокурор Берік Ноғайұлына тікелей үндеу айтқым келеді. Талғардағы төбелесте қаза тапқан Шерзат Болаттың әкесімін. Талғар әкімдігі, прокуратурасы мен ішкі істер департаментінің басшысы ешқандай әрекет жасамай отыр. Қылмысты бұрмалап отыр. Менің марқұм болған баламның аты-жөнін де білмейді. Қал-жағдайымызды сұрауға да шамалары жетпей тұр. Түнде бізді тергеуге шақырып, өзімізді қорқытып, арыз жаздыртып отыр. Сізден сұрайтыным: ашық сот болуын талап етемін. Өлетін балам өлді, мені де алсын, мені де қамасын, бірақ әділ шешім үшін ашық сот болсын, — деген еді Шерзаттың әкесі.

Талғарда бұзақылардың қолынан ажал құшқан 16 жасар Шерзаттың үйін өртеп жіберді

<a href="https://kyzylorda-news.kz/ru">Kyzylorda-news.kz</a> "Ашық НҚА" порталында елімізде интернетке қоғамдық орындарда қосылу кезінде пайдаланушыларды сәйкестендіру әдістерін кеңейтуге бағытталған байланыс қызметтерін көрсету ережелеріне өзгерістер жобасы жарияланды. Бұл туралы <a href="https://stan.kz/kazakstanda-zhurgizushi-kualigin-alu-ushin-emtihan-taps-407767/">Stan.kz </a>ақпарат агенттігі хабарлайды.Енді жүргізуші куәлігін алуға үміткерлер&nbsp;екі факторлы аутентификациядан өтуі қажет.Екі факторлы аутентификацияда азамат жеке басынды екі түрлі жолмен растауы қажет: біріншісі - SMS арқылы, екіншісі - биометриялық сәйкестендіру.Тестілеуді бастамас бұрын электрондық цифрлық қолтаңбаны пайдаланып жүйеге кіру қажет. Осыдан кейін көрсетілетін қызметті алушыға 1414 нөмірінен жеке деректерге қол жеткізуге рұқсат беру туралы&nbsp;хабарлама келеді.Сәтті авторизациядан кейін жүргізуші кандидаты биометриялық сәйкестендіруден өтуі қажет.<blockquote>"Күн сайын алаяқтар алдаудың жаңа тәсілдерін ойлап табуда. Біздің қызметкерлер осы заңбұзушылықтарды ашу үшін үлкен жұмыс атқарып жатыр. Екі факторлы аутентификация емтихандағы заңбұзушылықтардың санын азайтуға көмектесетініне сенімдімін. Бұл ретте көрсетілетін қызметті алушының жеке деректері сенімді қорғалатын болады",&nbsp;–&nbsp;дейді мемлекеттік корпорацияның басқарма төрағасы Арман Кенжеғалиев.</blockquote>Жаңа ереже 11 қазанда күшіне енеді,&nbsp;әзірге тек Астана қаласында ғана бар. Еліміздегі барлық арнайы қызмет көрсету орталықтарында екі факторлы аутентификацияны енгізу үдерісін ағымдағы жылдың соңына дейін аяқтау жоспарлануда.Фото:&nbsp;depositphotos.com

Қазақстанда қоғамдық орындарда интернетке қосылу ережелері өзгермек

<a href="https://kyzylorda-news.kz/">Kyzylorda-news.kz</a> Қазақстандықтардың күздің екінші айында қанша күн демалатыны белгілі болды. 2024 жылы қазақстандықтар Республика күнін 25 қазанда атап өтетіндіктен, жалпы 9 күн демалыс болмақ,&nbsp; деп хабарлайды&nbsp;<a href="https://egemen.kz/">Egemen.kz</a>.Республика күні мерекесі, яғни 25 қазан жұмаға сәйкес келіп тұр.Бес күндік жұмыс аптасында: 25, 26, 27 қазан демалыс күні.Алты күндік жұмыс аптасымен есептегенде: 25 қазан жұмыс күні демалып, 26 қазан жұмыс күні. 27 қазан қайта демалады.Ел тұрғындары 2024 жылдың қазан айында 9 күн демалады.&nbsp;&nbsp;Фото: qazaqstan.tv

Ел тұрғындары Республика күнінде неше күн демалады?

Фото Видео-скринОблыстық прокуратура сотқа дейінгі тергеу басталғанын хабарлады.&nbsp;<a href="https://nege.kz/amp/kostanayda-ortten-koz-zhumgan-5-balanin-anasinin-ustnen-kilmistik-s-kozgaldi-82ebff">NEGE</a>.&nbsp;Өрт қараусыз қалған пештен шыққан болуы мүмкін.Қаза тапқан балалардың анасы 5 жылдан 10 жылға дейін сотталуы мүмкін.Естеріңізге сала кетейік, бүгін Қостанай облысында&nbsp;жеке тұрғын үйдегі өрт салдарынан 2016, 2018, 2019, 2022, 2023 жылы туған бес бала қайтыс болды.Алдын ала мәлімет бойынша, балалардың анасы кешкісін оларды қараусыз қалдырып, танысының үйіне кетіп қалған. Ал әкесінің түрмеде отырғаны айтылады.

Қостанайда өрттен көз жұмған 5 баланың анасының үстінен қылмыстық іс қозғалды

<a href="https://kyzylorda-news.kz/">Kyzylorda-news.kz</a> Сотқа дейінгі тергеп-тексеру басталды, өрттің алдын ала себебі – пешті қараусыз қалдыру.Қостанай облысының &nbsp;Жітіқара қаласында кәмелетке толмаған бес баланың қазасы бойынша сотқа дейінгі тергеу басталды, – деп хабарлайды &nbsp;<a href="https://aikyn.kz/274244/zhitik-aradag-y-bes-balanyn--k-azasy--ortke-ne-sebep-bolg-any-belgili-boldy">Aikyn.kz.</a>Бас прокуратураның хабарлауынша, 2024 жылғы 11 қазанда таңғы сағат 05.00 шамасында Жітіқара қаласының ТЖ бөліміне Клубная көшесі, 52 мекенжайы бойынша жеке үйдің өртенгені туралы хабарлама келіп түсті.Өртті сөндіруді ТЖД, “Қостанай минералдары "АҚ, Жітіқара қаласының құтқару бөлімшесі және "Семсер Өрт сөндіруші" ЖШС күштері жүргізді.Барлығы 19 адам және 5 бірлік техника жұмылдырылды.Өкінішке қарай, өрт кезінде 5 кәмелетке толмаған бала қаза тапты."Сотқа дейінгі тергеп-тексеру басталды, өрттің алдын ала себебі – пешті қараусыз қалдыру", – делінген хабарламада.Оқиға орнына облыс прокурорының бірінші орынбасары Б.Бекбосынов барды.Облыс прокуроры қайтыс болған балалардың туыстары мен жақындарына көңіл айтады.Сотқа дейінгі тергеп-тексеру барысы Қазақстан &nbsp;Бас прокурорының бақылауына алынды.Фото: видеодан алынды

Жітіқарадағы бес баланың қазасы: өртке не себеп болғаны белгілі болды

<a href="https://kyzylorda-news.kz/">Kyzylorda-news.kz</a> Мәжіліс депутаты Дәулет Мұқаев сыраға қатысты жазылған жарнамаға ренішін білдіріп, Өскемен қаласының әкімдігіне үндеу жасады. Бұл туралы&nbsp;<a href="https://stan.kz/sirani-buginimiz-ben-ertenimizdin-zharkin-bolui-ushin-k-407821/">Stan.kz</a>&nbsp;ақпарат агенттігі хабарлайды.&nbsp;Халық қалаулысы сәтсіз жарнаманы сынап, дереу шара қолдануын талап етті.&nbsp;&nbsp;<blockquote>“Өскемендегі сұмдық: “Сыраны бүгініміз бен ертеңіміз үшін жарқын болуы үшін қайнатамыз” деген жарнаманы қараңызшы. Елді дүр сілкіндірген талғардағы 16 жасар Шерзаттың өлімі дәл осы бір шөлмек сырадан болып отырған жоқ па?! Қайдағы жарқын өмір. Бүгініміз қорқынышқа, ертеңіміз белгісіздікке толы болса?!&nbsp;Мәдениет және Ақпарат министрлігі мен&nbsp;Шығыс Қазақстан әкімдігінің назарына!&nbsp;Мынадай жарнамаға жол берілмеуі керек. Қай заманнан бері сыра қайнату бізге жарқын өмір сыйлаған. Керісінше өмірмен қоштасып жатқандар жетерлік. Бұл жарнама Өскемен қаласындағы Өтепов 27-үйінде ілінген. Шұғыл шара қолдануды сұраймын”, – деді депутат.&nbsp;</blockquote>Фото: https://www.instagram.com/daulet_mukayev/

Дәулет Мұқаев: "Қай заманнан бері сыра қайнату бізге жарқын өмір сыйлаған. Керісінше өмірмен қоштасып жатқандар жетерлік"

<a href="https://kyzylorda-news.kz/">Kyzylorda-news.kz</a> Апта басында Жаңажол ауылында азаматтардың қаржылық сауаттылық деңгейін арттыруға бағытталған «Қарызсыз қоғам» жобасының оқыту курсы басталған болатын. Бүгін ауылының тұрғындары апталық оқыту курсын сәтті аяқтады. Ауыл тұрғындарына «AMANAT» партиясының аудандық филиалының қызметкері А.Түлебеков арнайы сертификат тапсырды.Қатысушылар бір апта уақытта жалпы бағдарлама бойынша білімдерін жетілдіріп, мамандардан қолданыстағы қаржы құралдары, бағдарламалар, несиелер мен гранттар туралы кеңес алды. Семинарды қаржы эксперті Балдырған Мәмен өткізді.Курсқа қатысушылар өз қаражатын тиімді басқаруды және қаржыға қатысты мәселелер қалай пайда болатынын, несиелік қарыздар санын азайтудың қандай жолдары барын, алаяқтық әрекеттерді анықтау бойынша білімдерін жетілдірді.&nbsp;Айта кетейік, азаматтардың қаржылық сауатын ашуына мүмкіндік беретін бұл жоба Мемлекет басшысы Қасым-Жомарт Тоқаевтың ерекше қолдауына ие болған.Келесі кезектегі оқу-семинар қазан айының 14-18 аралығында Ақжар ауылында өткізілмек. Қатысуға ниеті бар азаматтарды тегін қаржылық сауаттылығын арттыруға шақырамыз.&nbsp;Жобаға қатысуға ниетті азаматтар 2-22-92, 87079272868 байланыс нөмірлеріне хабарласу арқылы немесе qogamfin.kz сайты арқылы тіркеле алады.

Қаржылық сауаттылық арттыру бойынша сертификаттар табысталды

<a href="https://kyzylorda-news.kz/">Kyzylorda-news.kz</a> &nbsp;Еліміз үшін маңызды саналатын басты дүниенің бірі - еңбек нарығы. Кейінгі жылдары кадр тапшылығы мәселесі жиірек айтылуы бекер емес. Қазақстанның еңбек нарығында келешекте қай мамандар сұраныста болады, болжаммен саны қанша болуы мүмкін?&nbsp;<h2 style="margin-left:0px;text-align:justify;">Дәрігер мен мұғалімнен жұмысшыға дейін…</h2>Жыл сайын әр сала бойынша мыңдаған маман жетіспейтіні жайлы ақпараттар шығып жатады. Мәселен, қазір елімізге 2817 мұғалім, 3,9 мың дәрігерге қажеттілік бар. Дегенмен бұлар халық назарында тұрған салалар болғаны үшін басқалары елеусіз көрінуі мүмкін. Әйтпесе техникалық мамандар мен жұмысшыларға қатысты қажеттілік те еселеп артуда.Биыл “Еңбек ресурстарын дамыту орталығы” АҚ сарапшылары 2024-2030 жылдарға арналған кадр тапшылығы жөніндегі мәселеге зерттеу жүргізіп, болжам құрған. Аталған еңбектің мәтініне үңілер болсақ, көрсетілген кезеңде Қазақстанға жалпы саны 1,8 млн кадр керек болады. Соның ішінде жоғары білімі бар қызметкерлер - 494 мың, техникалық және арнайы білімі бар қызметкерлер - 1 млн (400 мыңы жұмысшы). Ал басшылар және біліктілігі жоқ қызметкерлерге қажеттілік шамамен 300 мың адамды құрайды.Егер салалар бойынша жіктеп қарасақ, білім беру (331 мың), сауда (228 мың), құрылыс (213 мың), денсаулық сақтау (128 мың), әкімшілік және қосалқы қызмет көрсету (119 мың), көлік және қоймалау (116 мың) саласы алға шығады. Бұл қатарға ауыл шаруашылығы (114 мың), өңдеу өнеркәсібін (108 мың) қоса аламыз.Жұмысшылардың жетіспеуі құрылыс саласында (111 мың) көрініс тапқан. Негізінен сылақшы, дәнекерлеуші, тас қалаушы, сырлаушы мен бетон құюшылар табылмайды. Тау-кен өндіру саласының өзіне 32 мың адам қажет. Өзге салаларда 130 мың жұмысшыға сұраныс болмақ.Көлік және қоймалау саласында анағұрлым сұранысқа жүргізушілер, машинистер, слесарьлар мен жөндеушілер, тракторшылар ие болып отыр.Краншылар да, өнеркәсіптік жабдық слесарьлары, электр монтерлері, металл конструкцияларын жасаушылар да аса сұранысқа ие. Мұнай және газ өндіру жөніндегі операторлар, бұрғылау қондырғыларының машинистері, өнеркәсіптік жабдықтардың дәнекерлеушілері мен слесарьлары, мамандандырылған техника операторлары қажеттіліктен түспек емес.Жоғары білімі бар қызметкерлер арасында сол баяғыдай дәрігерлер, құрылысшылар, ақпарат және байланыс, кәсіби ғылыми қызмет, өңдеу өнеркәсібі мамандары қажет болады.Мысалы, денсаулық сақтау саласында терапевт, стоматолог, педиатр, хирург, фармацевт, кардиолог, сәулелік диагностика мен гинеколог мамандарға сұраныс артатыны болжанған.Құрылысқа негізінен сәулетшілер, инженер-электриктер, инженер-технологтар, инженер-механиктер, жобалаушы, талдаушы-зерттеушілер керек.Кәсіби және ғылыми қызмет саласында ветеринар дәрігерлер, экологтар, адвокаттар, өнімді жарнамалаушы, маркетинг және нарықты зерттеу бойынша талдаушылар сұранысқа ие.Қазақстан үшін ауыл шаруашылығы маңызды саналатыны жасырын емес. Мұнда әсіресе жоғары білімі бар агрономдар, инженер-механиктер, биологтар, метеорологтар, ботаниктер, өндірісті ұйымдастыру жөніндегі инженерлер жетпейді.Ал жұмысшы ретінде тракторшылар, көкөніс, егіс дақылдарын өсіру, жем-шөп дайындау, комбайн жабдықтарының операторлары қажет.Осы тұста келешекте елімізде сұраныста болатын топ-5 жұмысшы мамандар тізімін ұсынамыз.<h2 style="margin-left:0px;text-align:justify;">АЭС те сұранысты арттырмақ</h2>Биыл елімізде өткен АЭС құрылысы бойынша референдумның нәтижесінде халықтың басым бөлігі оны салуға келісім берді. Енді көп ұзамай құрылыс басталуға тиіс. Қуаты шамамен 1,2 ГВт болатын атом электр станциясының болжамды құрылысы кезінде 3 мыңнан 5 мыңға дейін жұмыс орнын ашу көзделіп отыр. Ал құрылыс бітіп, пайдалануға берілген уақытта тұрақты түрде 1-1,5 мыңға жуық маман керек болады.Халықаралық тәжірибе бойынша, әсіресе инженер-құрылысшылар, электротехникалық инженерлер, механикалық инженерлер, ядролық технология жөніндегі инженерлер, сапаны бақылау жөніндегі инспекторлар, инженер-экологтар, геологтар, геодезистер сұраныстан түспейді.Бұған реактор операторларын, радиациялық қорғау жөніндегі мамандарды, техник-диспетчерлерді, механиктерді, қауіпсіздік жөніндегі қызметкерлерді, химиктерді, техникалық персоналды қосамыз. Оның үстіне қауіпсіздікті қамтамасыз ету үшін 400-700 шамасында қызметкер жалдауға тура келеді.Бұл тұста Еңбек ресурстарын дамыту орталығы қазір Қазақстанда ядролық технологиялар бойынша мамандар даярлау жүзеге асырылмай жатқанын атап өткен екен. Осыған байланысты бiлiм беру жүйесiне оқытушыларды алдын ала iрiктеп, жаңа бiлiм беру бағдарламасын әзірлеу керек болады.<h2 style="margin-left:0px;text-align:justify;">Технофобия еңбек нарығына әсер етіп жатыр ма?</h2>Кейінгі жылдары адамдар жаңа технологияларды меңгеріп, мықты маман атанбаса, жұмыссыздар қатары көбейе беретіні айтылып жүр. Себебі адам істейтін жұмысты автоматтандыру арқылы жүзеге асыра беруге болатыны көрінді. Жаңа технологиялар адамзатты жұмыссыз қалдыратындай технофобия пайда болды. Қазақстанда бұл үрдіс қатты байқалмаған еді, алайда жасанды интеллект дамыған сайын ақырындап қорқыныш күшейіп келе жатқаны білінеді.Қазір әлемдегі алпауыт компаниялар өндіріске автоматицазияны енгізіп үлгерді. Егер осылай жалғаса берсе, «адамдар жұмыссыз қалуы мүмкін» деген ой айтылады. Қазақстанда да кейбір алпауыт кәсіпорындар бұрын бірнеше адам атқаратын жұмысты автоматтандыру арқылы оңай жүзеге асыра бастағанын естіп жатамыз. Яғни, келешекте Қазақстанның еңбек нарығы құбылуы мүмкін. Бірақ Бристоль университетінің түлегі, робототехника маманы Ғизат Махановтың айтуынша, технофобия көбінде негізсіз үрей саналады.<blockquote>– Жаңа технологиялар адамзатқа ылғи үрей тудырады. ХХ ғасырдың басында, Екінші дүниежүзілік соғыстан кейін осындай үрей болды. Жасанды интеллект, роботизация басталғаннан кейін адамдар тағы да «жұмыссыздық болады» деп алаңдап жүр. Мәселеге пессимистік көзқараспен қарасақ, кемшілік бар. Бірақ жұмыссыздық пен технологияға келгенде еш болжам дәл орындалмаған. Ал реалистік тұрғыдан қарар болсақ, автоматизация, роботизация жұмыссыздық тудырмайды. Еңбек нарығы және экономика өте күрделі. Еңбек нарығында жұмыс шектеулі емес. Мысалы, 100 жұмыс орны бар, оның 50-ін робот алып қойса, қалған 50 адам жұмыссыз қалмайды. Керісінше, 50 немесе 100 жұмыс орны пайда болады. Неге? Бір зауыт роботты өндіріс процесіне енгізсе, сол зауыттан шыққан өнім нарықта арзан бағамен сатылады. Бұл қаржы жағынан халыққа тиімді. Артылған ақшасын ел басқа қызметке жұмсайды. Мәселен, біреудің қалтасында 15 мың теңге артылса, ол оны баласын оқытуға жұмсауы мүмкін. Демек, келесі жағынан педагогтерге сұраныс артады, – дейді маман.</blockquote>Махановтың айтуынша, жаңа техноло­гиялардан еңбек нарығына байланысты қорқыныш болмауға тиіс. АҚШ-та жасанды интеллект пен роботицазия өзге елдермен салыстырғанда аз да болса көш ілгері. Бірақ соның өзінде процесс әлсіз. Бірақ Жапония мен Оңтүстік Кореяда роботизация керемет дамыды. Роботтар барлық саланы жайлаған. Дегенмен жұмыс орындары керісінше көбейіп, мамандарға сұраныс артқан. Мысал ретінде ондаған мың қазақстандық жоғарыда аты аталған Оңтүстік Кореяда жұмыс істеп жүргенін айтсақ болады. Роботизация дамыған елде жұмыс күшіне сұраныс көп. Демек, роботизациядан қорқу – пайдасыз нәрсе.<blockquote>– Ал Қазақстанда роботизация өте қымбат. Оны жасау, енгізу, күрделі бизнес процестерінде қолдану қиын әрі шығыны мол. Ірі өнеркәсіптер болмаса, жаңа технологияға орта және кіші кәсіптің тісі батпайды. Сондықтан елімізде бүгін-ертең салалар мен мамандықтарға байланысты өзгерістер болатынына сенбеймін. Оның үстіне, пандемия кезінде әлем елдеріндегі бизнес жаңа инвестицияларды кідіртіп қойды. Жаңа жобаларға ақша құю азайды. Ал роботизация – сондай жобаның бірі. Бизнестер тек барын сақтап қалып, шығын шығармауға тырысып жүр. Бірақ әр адам, әр маман өзгерістерге дайын болуы қажет. Егер роботизация үдерісі белең алса, адамдарды жаңа бір салаға бейімдеу мемлекет пен компанияларға артылады. Жалпы, бұл - жеке бастың мәселесі емес, – дейді Ғизат Маханов.</blockquote>Қорытындылар болсақ, еліміздің еңбек нарығында сұраныс азаймайды. Тек халық нарық талабына қарай уақытында бейімделе алғаны жөн. Ал роботицазия бәлкім 30 немесе 40 жылдан кейін күн тәртібіне шығатын мәселе болуы мүмкін.&nbsp;Источник:<a href="https://kaz.inform.kz/">Kazinform</a> Фото:inkaraganda.kz

Қазақстанға қандай мамандар керек?

<a href="https://kyzylorda-news.kz/ru">Kyzylorda-news.kz</a> &nbsp;Алматыда медицина қызметкері жедел жәрдем көлігінде ес-түссіз жатқан науқасты жарты миллион теңгеге тонап кетті.&nbsp;Бұл туралы<a href="https://stan.kz/almatida-feldsher-zhedel-zhardemde-zhatkan-naukasti-zha-407778/">&nbsp;Stan.kz</a>&nbsp;ақпарат агенттігі&nbsp;&nbsp;хабарлайды.Денсаулығы нашарлаған әйел шұғыл түрде ауруханаға жеткізілді. Сонда науқастың ұлы анасының мойнында құны 500 мың теңге тұратын алтын алқаның жоғын байқаған. Ол полицияға арыз жазған. Тәртіп сақшылары жедел жәрдем көлігіндегі бейнекамераны тексергенде науқастың мойнындағы алқаны фельдшердің шешіп жатқанын көрген.&nbsp;Медицина қызметкері жанында адамдардың жоқтығын пайдаланып алтын алқаны шешіп алып, оны ломбардқа өткізіп жіберген.&nbsp;Соңғы ақпараттарға сенсек, науқастың қазіргі жағдайы жақсы. Ұрланған алқа да иесіне қайтарылды. Ал ұрлық жасаған фельдшер шұғыл түрде жұмыстан шығарылды.<blockquote>“Аталған факті бойынша Түрксіб аудандық ішкі істер бөлімі қылмыстық кодекстің&nbsp;188-бабы 1-бөлігіне сәйкес&nbsp;(Ұрлық) сотқа дейінгі тергеу амалдарын бастады. Сол күні фельдшер ұсталып, бейнежазба тәркіленіп, сотқа дейінгі тергеу амалдары жүргізілді”, –&nbsp;деді&nbsp;Түрксіб ауданы прокуратурасының бөлім бастығы Адлет Қуандықов.</blockquote>Фото: Видеодан скрин

Алматыда фельдшер науқастың 500 мың теңге тұратын алқасын ұрлап алған

<a href="https://kyzylorda-news.kz/">Kyzylorda-news.kz</a> &nbsp;Талғардағы қайғылы оқиғаға қатысты күдіктілер абақтыда қалай күн көруде? Кейбір жандар олардың жағдайы жақсы екенін айтып, әділетсіздік деп білуде, деп хабарлайды&nbsp;<a href="https://alash.kz/kz/catalog/article/Alash.kz">Alash.kz ұлттық порталы.</a>Журналист Гүлмира Әбіқай өзінің facebook парақшасында тың ақпаратпен бөлісті.<blockquote>Бұл енді шектен шығу! Уақытша тергеу изоляторына тоғытылған &nbsp; 7 Күдіктінің &nbsp;қолына соткасы да берілген бе? Әлем. желідегі парақшаларында еркін отыр ғой жазып?”,- деп жазды ол.&nbsp; &nbsp;</blockquote>Мәліметіне сүйенсек, абақтыда отырғандар телефон шұқып, желіге кіріп, еркін отыр.Сурет:alash.kz

Шерзатты аяусыз өлтіргендер абақтыда емін-еркін телефон ұстап отыр – Гүлмира Әбіқай

<a href="https://kyzylorda-news.kz/ru">Kyzylorda-news.kz</a> Қазалы аудандық пробация қызметінің есебінде тұрған азаматтарға қайтарымсыз грант берілді.Қазалы ауданында жаңа бизнес идеяларды іске асыруға арналған қайтарымсыз мемлекеттік грант сертификаттары табыс етілді. ҚР Еңбек және халықты әлеуметтік қорғау министрінің 2023 жылғы 30 маусымдағы “Кәсіпкерлік бастамаға жәрдемдесу жөніндегі шараларды ұйымдастыру және қаржыландыру қағидаларын бекіту туралы” бұйрығына сәйкес екі азамат 1 млн 476 мың теңге көлемінде қайтарымсыз мемлекеттік грант иеленді.&nbsp;Грант мал шаруашылығын дамыту мақсатында бөлініп, жаңа кәсіпкерлік бастамаларды қолдау арқылы өңірдегі кәсіпкерліктің дамуына үлес қосуды көздейді. Бұл азаматтардың болашақта өз істерін ашып, ауыл шаруашылығы саласында табысқа жетуіне зор мүмкіндік беретіні сөзсіз.&nbsp;Салтанатты шараға Қазалы аудандық прокуратурасының прокуроры Н.Бейбітәлі, Мансап орталығы филиалы директорының міндетін атқарушы И.Жалиев және Қазалы аудандық пробация қызметінің аға инспекторы Б.Муратбаев қатысып, грант иелеріне сәттілік тіледі.&nbsp;Мемлекеттік қолдау азаматтардың әлеуметтік жағдайын жақсартуға, оларды қайта әлеуметтендіруге және жаңа мүмкіндіктерге жол ашуға бағытталған. Грант иегерлері мал шаруашылығын дамыту арқылы өз кәсібін кеңейтіп, қоғамға оң үлес қосатындықтарына сенім білдірді.&nbsp;<blockquote>— Мемлекеттен қаражат алғаныма қуаныштымын. Енді мал шаруашылығымен айналысып, өз кәсібімді дамытуды жоспарлап отырмын. Отбасымды адал еңбегіммен асырап, қоғамға пайдамды тигізсем деймін, – деді есептегі азамат.</blockquote><figure class="image"><img src="https://knadmin.beoblood.kz/uploads/policziya_kz_8b5061585f.jpeg" alt="полиция кз.jpeg"></figure>

Қызылордада пробация есебінде екі тұрғын қайтарымсыз грант алды 

<a href="https://kyzylorda-news.kz/ru">Kyzylorda-news.kz</a>&nbsp; Қызылорда облыстық қоғамдық даму басқармасы «Қоғамдық келісім» КММ ұйымдастыруымен оңалту орталығында ерекше жандарға арналған қайырымдылық іс-шарасы өтті.«Отбасы – ұлттың тірегі» атты интеллектуалды сайысқа ем алушы жандар аналарымен бірге 4 команда болып қатысты.Тартысты сайысты облыстық қоғамдық даму басқармасының «Қоғамдық келісім» КММ директорының орынбасары Руслан Құрманов ашып, қатысушыларға сәттілік тіледі. Орталықта ем алушы жандарға мықты денсаулық, дертіне шипа беріп, қалыпты өмір дағдыларына оралуына тілектестігін білдірді.Сайысқа «Қоғамдық келісім» КММ директорының орынбасары Р. Құрманов, мекеменің аға сарапшысы Н.Ақсақалова қазылық етті.Үш кезеңнен құралған сайысқа қатысушылар өте жоғары дайындықпен келіп, белсенділік танытты. Бірінші «Менің отбасым-менің байлығым» кезеңінде командалар өздерін таныстырды.Екінші «Отбасы құндылығы – ұлт болашағы» кезеңінде қатысушылар мақал-мәтелдің жалғасын тауып жарысты. Ал үшінші «Әнім сен едің» кезеңінде командалар өз өнерлерін ортаға салды. &nbsp;Көрермендер әсем ән тыңдап, әдемі биді тамашалады.Жеңімпаздар мен барлық қатысушыларға «Қоғамдық келісім» КММ тарапынан бағалы сыйлықтар мен дипломдар табысталды. Қатысушы командалар ұйымдастырушыларға зор алғысын айтып, көңілді күйде тарқасты.<figure class="image"><img src="https://knadmin.beoblood.kz/uploads/MW_6_A8915_acc493ab47.jpg" alt="MW6A8915.jpg"></figure><figure class="image"><img src="https://knadmin.beoblood.kz/uploads/MW_6_A8939_e329f37120.jpg" alt="MW6A8939.jpg"></figure>

Қазақстан және Қызылорда облысының жаңалықтары: Қоғам